கல்லோலோல்லஸிதாம்ரு'தாப்திலஹரீமத்யே விராஜந்மணி-
-த்வீபே கல்பகவாடிகாபரிவ்ரு'தே காதம்பவாட்யுஜ்ஜ்வலே ।
ரத்நஸ்தம்பஸஹஸ்ரநிர்மிதஸபாமத்யே விமாநோத்தமே
சிந்தாரத்நவிநிர்மிதம் ஜநநி தே ஸிம்ஹாஸநம் பாவயே ॥ 1 ॥
ஏணாங்காநலபாநுமண்டலலஸச்ச்ரீசக்ரமத்யே ஸ்திதாம்
பாலார்கத்யுதிபாஸுராம் கரதலைஃ பாஶாங்குஶௌ பிப்ரதீம் ।
சாபம் பாணமபி ப்ரஸந்நவதநாம் கௌஸும்பவஸ்த்ராந்விதாம்
தாம் த்வாம் சந்த்ரகலாவதம்ஸமகுடாம் சாருஸ்மிதாம் பாவயே ॥ 2 ॥
ஈஶாநாதிபதம் ஶிவைகபலதம் ரத்நாஸநம் தே ஶுபம்
பாத்யம் குங்குமசந்தநாதிபரிதைரர்க்யம் ஸரத்நாக்ஷதைஃ ।
ஶுத்தைராசமநீயகம் தவ ஜலைர்பக்த்யா மயா கல்பிதம்
காருண்யாம்ரு'தவாரிதே ததகிலம் ஸந்துஷ்டயே கல்பதாம் ॥ 3 ॥
லக்ஷ்யே யோகிஜநஸ்ய ரக்ஷிதஜகஜ்ஜாலே விஶாலேக்ஷணே
ப்ராலேயாம்புபடீரகுங்குமலஸத்கர்பூரமிஶ்ரோதகைஃ ।
கோக்ஷீரைரபி நாரிகேலஸலிலைஃ ஶுத்தோதகைர்மந்த்ரிதைஃ
ஸ்நாநம் தேவி தியா மயைததகிலம் ஸந்துஷ்டயே கல்பதாம் ॥ 4 ॥
ஹ்ரீம்காராங்கிதமந்த்ரலக்ஷிததநோ ஹேமாசலாத்ஸஞ்சிதைஃ
ரத்நைருஜ்ஜ்வலமுத்தரீயஸஹிதம் கௌஸும்பவர்ணாம்ஶுகம் ।
முக்தாஸந்ததியஜ்ஞஸூத்ரமமலம் ஸௌவர்ணதந்தூத்பவம்
தத்தம் தேவி தியா மயைததகிலம் ஸந்துஷ்டயே கல்பதாம் ॥ 5 ॥
ஹம்ஸைரப்யதிலோபநீயகமநே ஹாராவலீமுஜ்ஜ்வலாம்
ஹிந்தோலத்யுதிஹீரபூரிததரே ஹேமாங்கதே கங்கணே ।
மஞ்ஜீரௌ மணிகுண்டலே மகுடமப்யர்தேந்துசூடாமணிம்
நாஸாமௌக்திகமங்குலீயகடகௌ காஞ்சீமபி ஸ்வீகுரு ॥ 6 ॥
ஸர்வாங்கே கநஸாரகுங்குமகநஶ்ரீகந்தபங்காங்கிதம்
கஸ்தூரீதிலகம் ச பாலபலகே கோரோசநாபத்ரகம் ।
கண்டாதர்ஶநமண்டலே நயநயோர்திவ்யாஞ்ஜநம் தேऽஞ்சிதம்
கண்டாப்ஜே ம்ரு'கநாபிபங்கமமலம் த்வத்ப்ரீதயே கல்பதாம் ॥ 7 ॥
கஹ்லாரோத்பலமல்லிகாமருவகைஃ ஸௌவர்ணபங்கேருஹை-
-ர்ஜாதீசம்பகமாலதீவகுலகைர்மந்தாரகுந்தாதிபிஃ ।
கேதக்யா கரவீரகைர்பஹுவிதைஃ க்லுப்தாஃ ஸ்ரஜோ மாலிகாஃ
ஸங்கல்பேந ஸமர்பயாமி வரதே ஸந்துஷ்டயே க்ரு'ஹ்யதாம் ॥ 8 ॥
ஹந்தாரம் மதநஸ்ய நந்தயஸி யைரங்கைரநங்கோஜ்ஜ்வலை-
-ர்யைர்ப்ரு'ங்காவலிநீலகுந்தலபரைர்பத்நாஸி தஸ்யாஶயம் ।
தாநீமாநி தவாம்ப கோமலதராண்யாமோதலீலாக்ரு'ஹா-
-ண்யாமோதாய தஶாங்ககுக்குலுக்ரு'தைர்தூபைரஹம் தூபயே ॥ 9 ॥
லக்ஷ்மீமுஜ்ஜ்வலயாமி ரத்நநிவஹோத்பாஸ்வத்தரே மந்திரே
மாலாரூபவிலம்பிதைர்மணிமயஸ்தம்பேஷு ஸம்பாவிதைஃ ।
சித்ரைர்ஹாடகபுத்ரிகாகரத்ரு'தைர்கவ்யைர்க்ரு'தைர்வர்திதை-
-ர்திவ்யைர்தீபகணைர்தியா கிரிஸுதே ஸந்துஷ்டயே கல்பதாம் ॥ 10 ॥
ஹ்ரீம்காரேஶ்வரி தப்தஹாடகக்ரு'தைஃ ஸ்தாலீஸஹஸ்ரைர்ப்ரு'தம்
திவ்யாந்நம் க்ரு'தஸூபஶாகபரிதம் சித்ராந்நபேதம் ததா ।
துக்தாந்நம் மதுஶர்கராததியுதம் மாணிக்யபாத்ரே ஸ்திதம்
மாஷாபூபஸஹஸ்ரமம்ப ஸபலம் நைவேத்யமாவேதயே ॥ 11 ॥
ஸச்சாயைர்வரகேதகீதலருசா தாம்பூலவல்லீதலைஃ
பூகைர்பூரிகுணைஃ ஸுகந்திமதுரைஃ கர்பூரகண்டோஜ்ஜ்வலைஃ ।
முக்தாசூர்ணவிராஜிதைர்பஹுவிதைர்வக்த்ராம்புஜாமோதநைஃ
பூர்ணா ரத்நகலாசிகா தவ முதே ந்யஸ்தா புரஸ்தாதுமே ॥ 12 ॥
கந்யாபிஃ கமநீயகாந்திபிரலங்காராமலாரார்திகா
பாத்ரே மௌக்திகசித்ரபங்க்திவிலஸத்கர்பூரதீபாலிபிஃ ।
தத்தத்தாலம்ரு'தங்ககீதஸஹிதம் ந்ரு'த்யத்பதாம்போருஹம்
மந்த்ராராதநபூர்வகம் ஸுவிஹிதம் நீராஜநம் க்ரு'ஹ்யதாம் ॥ 13 ॥
லக்ஷ்மீர்மௌக்திகலக்ஷகல்பிதஸிதச்சத்த்ரம் து தத்தே ரஸா-
-திந்த்ராணீ ச ரதிஶ்ச சாமரவரே தத்தே ஸ்வயம் பாரதீ ।
வீணாமேணவிலோசநாஃ ஸுமநஸாம் ந்ரு'த்யந்தி தத்ராகவ-
-த்பாவைராங்கிகஸாத்த்விகைஃ ஸ்புடரஸம் மாதஸ்ததாகர்ண்யதாம் ॥ 14 ॥
ஹ்ரீம்காரத்ரயஸம்புடேந மநுநோபாஸ்யே த்ரயீமௌலிபி-
-ர்வாக்யைர்லக்ஷ்யதநோ தவ ஸ்துதிவிதௌ கோ வா க்ஷமேதாம்பிகே ।
ஸல்லாபாஃ ஸ்துதயஃ ப்ரதக்ஷிணஶதம் ஸஞ்சார ஏவாஸ்து தே
ஸம்வேஶோ நமஸஃ ஸஹஸ்ரமகிலம் த்வத்ப்ரீதயே கல்பதாம் ॥ 15 ॥
ஶ்ரீமந்த்ராக்ஷரமாலயா கிரிஸுதாம் யஃ பூஜயேச்சேதஸா
ஸந்த்யாஸு ப்ரதிவாஸரம் ஸுநியதஸ்தஸ்யாமலம் ஸ்யாந்மநஃ ।
சித்தாம்போருஹமண்டபே கிரிஸுதா ந்ரு'த்தம் விதத்தே ரஸா-
-த்வாணீ வக்த்ரஸரோருஹே ஜலதிஜா கேஹே ஜகந்மங்கலா ॥ 16 ॥
இதி கிரிவரபுத்ரீபாதராஜீவபூஷா
புவநமமலயந்தீ ஸூக்திஸௌரப்யஸாரைஃ ।
ஶிவபதமகரந்தஸ்யந்திநீயம் நிபத்தா
மதயது கவிப்ரு'ங்காந்மாத்ரு'காபுஷ்பமாலா ॥ 17 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ மந்த்ரமாத்ரு'காபுஷ்பமாலா ஸ்தவஃ ।
Roman (IAST) Transliteration
kallolollasitāmṛtābdhilaharīmadhye virājanmaṇi-
-dvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame
cintāratnavinirmitaṃ janani te siṃhāsanaṃ bhāvaye || 1 ||
eṇāṅkānalabhānumaṇḍalalasacchrīcakramadhye sthitāṃ
bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ
tāṃ tvāṃ candrakalāvataṃsamakuṭāṃ cārusmitāṃ bhāvaye || 2 ||
īśānādipadaṃ śivaikaphaladaṃ ratnāsanaṃ te śubhaṃ
pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ
kāruṇyāmṛtavāridhe tadakhilaṃ santuṣṭaye kalpatām || 3 ||
lakṣye yogijanasya rakṣitajagajjāle viśālekṣaṇe
prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ
snānaṃ devi dhiyā mayaitadakhilaṃ santuṣṭaye kalpatām || 4 ||
hrīṃkārāṅkitamantralakṣitatano hemācalātsañcitaiḥ
ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūdbhavaṃ
dattaṃ devi dhiyā mayaitadakhilaṃ santuṣṭaye kalpatām || 5 ||
haṃsairapyatilobhanīyagamane hārāvalīmujjvalāṃ
hindoladyutihīrapūritatare hemāṅgade kaṅkaṇe |
mañjīrau maṇikuṇḍale makuṭamapyardhenducūḍāmaṇiṃ
nāsāmauktikamaṅgulīyakaṭakau kāñcīmapi svīkuru || 6 ||
sarvāṅge ghanasārakuṅkumaghanaśrīgandhapaṅkāṅkitaṃ
kastūrītilakaṃ ca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ
kaṇṭhābje mṛganābhipaṅkamamalaṃ tvatprītaye kalpatām || 7 ||
kahlārotpalamallikāmaruvakaiḥ sauvarṇapaṅkeruhai-
-rjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kluptāḥ srajo mālikāḥ
saṅkalpena samarpayāmi varade santuṣṭaye gṛhyatām || 8 ||
hantāraṃ madanasya nandayasi yairaṅgairanaṅgojjvalai-
-ryairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlāgṛhā-
-ṇyāmodāya daśāṅgaguggulughṛtairdhūpairahaṃ dhūpaye || 9 ||
lakṣmīmujjvalayāmi ratnanivahodbhāsvattare mandire
mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtairgavyairghṛtairvardhitai-
-rdivyairdīpagaṇairdhiyā girisute santuṣṭaye kalpatām || 10 ||
hrīṃkāreśvari taptahāṭakakṛtaiḥ sthālīsahasrairbhṛtaṃ
divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ
māṣāpūpasahasramamba saphalaṃ naivedyamāvedaye || 11 ||
sacchāyairvaraketakīdalarucā tāmbūlavallīdalaiḥ
pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ
pūrṇā ratnakalācikā tava mude nyastā purastādume || 12 ||
kanyābhiḥ kamanīyakāntibhiralaṅkārāmalārārtikā
pātre mauktikacitrapaṅktivilasatkarpūradīpālibhiḥ |
tattattālamṛdaṅgagītasahitaṃ nṛtyatpadāmbhoruhaṃ
mantrārādhanapūrvakaṃ suvihitaṃ nīrājanaṃ gṛhyatām || 13 ||
lakṣmīrmauktikalakṣakalpitasitacchattraṃ tu dhatte rasā-
-dindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgava-
-dbhāvairāṅgikasāttvikaiḥ sphuṭarasaṃ mātastadākarṇyatām || 14 ||
hrīṃkāratrayasampuṭena manunopāsye trayīmaulibhi-
-rvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te
saṃveśo namasaḥ sahasramakhilaṃ tvatprītaye kalpatām || 15 ||
śrīmantrākṣaramālayā girisutāṃ yaḥ pūjayeccetasā
sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇṭape girisutā nṛttaṃ vidhatte rasā-
-dvāṇī vaktrasaroruhe jaladhijā gehe jaganmaṅgalā || 16 ||
iti girivaraputrīpādarājīvabhūṣā
bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā
madayatu kavibhṛṅgānmātṛkāpuṣpamālā || 17 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mantramātṛkāpuṣpamālā stavaḥ |
Sanskrit — Devanagari (original)
कल्लोलोल्लसितामृताब्धिलहरीमध्ये विराजन्मणि-
-द्वीपे कल्पकवाटिकापरिवृते कादम्बवाट्युज्ज्वले ।
रत्नस्तम्भसहस्रनिर्मितसभामध्ये विमानोत्तमे
चिन्तारत्नविनिर्मितं जननि ते सिंहासनं भावये ॥ 1 ॥
एणाङ्कानलभानुमण्डललसच्छ्रीचक्रमध्ये स्थितां
बालार्कद्युतिभासुरां करतलैः पाशाङ्कुशौ बिभ्रतीम् ।
चापं बाणमपि प्रसन्नवदनां कौसुम्भवस्त्रान्वितां
तां त्वां चन्द्रकलावतंसमकुटां चारुस्मितां भावये ॥ 2 ॥
ईशानादिपदं शिवैकफलदं रत्नासनं ते शुभं
पाद्यं कुङ्कुमचन्दनादिभरितैरर्घ्यं सरत्नाक्षतैः ।
शुद्धैराचमनीयकं तव जलैर्भक्त्या मया कल्पितं
कारुण्यामृतवारिधे तदखिलं सन्तुष्टये कल्पताम् ॥ 3 ॥
लक्ष्ये योगिजनस्य रक्षितजगज्जाले विशालेक्षणे
प्रालेयाम्बुपटीरकुङ्कुमलसत्कर्पूरमिश्रोदकैः ।
गोक्षीरैरपि नारिकेलसलिलैः शुद्धोदकैर्मन्त्रितैः
स्नानं देवि धिया मयैतदखिलं सन्तुष्टये कल्पताम् ॥ 4 ॥
ह्रींकाराङ्कितमन्त्रलक्षिततनो हेमाचलात्सञ्चितैः
रत्नैरुज्ज्वलमुत्तरीयसहितं कौसुम्भवर्णांशुकम् ।
मुक्तासन्ततियज्ञसूत्रममलं सौवर्णतन्तूद्भवं
दत्तं देवि धिया मयैतदखिलं सन्तुष्टये कल्पताम् ॥ 5 ॥
हंसैरप्यतिलोभनीयगमने हारावलीमुज्ज्वलां
हिन्दोलद्युतिहीरपूरिततरे हेमाङ्गदे कङ्कणे ।
मञ्जीरौ मणिकुण्डले मकुटमप्यर्धेन्दुचूडामणिं
नासामौक्तिकमङ्गुलीयकटकौ काञ्चीमपि स्वीकुरु ॥ 6 ॥
सर्वाङ्गे घनसारकुङ्कुमघनश्रीगन्धपङ्काङ्कितं
कस्तूरीतिलकं च फालफलके गोरोचनापत्रकम् ।
गण्डादर्शनमण्डले नयनयोर्दिव्याञ्जनं तेऽञ्चितं
कण्ठाब्जे मृगनाभिपङ्कममलं त्वत्प्रीतये कल्पताम् ॥ 7 ॥
कह्लारोत्पलमल्लिकामरुवकैः सौवर्णपङ्केरुहै-
-र्जातीचम्पकमालतीवकुलकैर्मन्दारकुन्दादिभिः ।
केतक्या करवीरकैर्बहुविधैः क्लुप्ताः स्रजो मालिकाः
सङ्कल्पेन समर्पयामि वरदे सन्तुष्टये गृह्यताम् ॥ 8 ॥
हन्तारं मदनस्य नन्दयसि यैरङ्गैरनङ्गोज्ज्वलै-
-र्यैर्भृङ्गावलिनीलकुन्तलभरैर्बध्नासि तस्याशयम् ।
तानीमानि तवाम्ब कोमलतराण्यामोदलीलागृहा-
-ण्यामोदाय दशाङ्गगुग्गुलुघृतैर्धूपैरहं धूपये ॥ 9 ॥
लक्ष्मीमुज्ज्वलयामि रत्ननिवहोद्भास्वत्तरे मन्दिरे
मालारूपविलम्बितैर्मणिमयस्तम्भेषु सम्भावितैः ।
चित्रैर्हाटकपुत्रिकाकरधृतैर्गव्यैर्घृतैर्वर्धितै-
-र्दिव्यैर्दीपगणैर्धिया गिरिसुते सन्तुष्टये कल्पताम् ॥ 10 ॥
ह्रींकारेश्वरि तप्तहाटककृतैः स्थालीसहस्रैर्भृतं
दिव्यान्नं घृतसूपशाकभरितं चित्रान्नभेदं तथा ।
दुग्धान्नं मधुशर्करादधियुतं माणिक्यपात्रे स्थितं
माषापूपसहस्रमम्ब सफलं नैवेद्यमावेदये ॥ 11 ॥
सच्छायैर्वरकेतकीदलरुचा ताम्बूलवल्लीदलैः
पूगैर्भूरिगुणैः सुगन्धिमधुरैः कर्पूरखण्डोज्ज्वलैः ।
मुक्ताचूर्णविराजितैर्बहुविधैर्वक्त्राम्बुजामोदनैः
पूर्णा रत्नकलाचिका तव मुदे न्यस्ता पुरस्तादुमे ॥ 12 ॥
कन्याभिः कमनीयकान्तिभिरलङ्कारामलारार्तिका
पात्रे मौक्तिकचित्रपङ्क्तिविलसत्कर्पूरदीपालिभिः ।
तत्तत्तालमृदङ्गगीतसहितं नृत्यत्पदाम्भोरुहं
मन्त्राराधनपूर्वकं सुविहितं नीराजनं गृह्यताम् ॥ 13 ॥
लक्ष्मीर्मौक्तिकलक्षकल्पितसितच्छत्त्रं तु धत्ते रसा-
-दिन्द्राणी च रतिश्च चामरवरे धत्ते स्वयं भारती ।
वीणामेणविलोचनाः सुमनसां नृत्यन्ति तद्रागव-
-द्भावैराङ्गिकसात्त्विकैः स्फुटरसं मातस्तदाकर्ण्यताम् ॥ 14 ॥
ह्रींकारत्रयसम्पुटेन मनुनोपास्ये त्रयीमौलिभि-
-र्वाक्यैर्लक्ष्यतनो तव स्तुतिविधौ को वा क्षमेताम्बिके ।
सल्लापाः स्तुतयः प्रदक्षिणशतं सञ्चार एवास्तु ते
संवेशो नमसः सहस्रमखिलं त्वत्प्रीतये कल्पताम् ॥ 15 ॥
श्रीमन्त्राक्षरमालया गिरिसुतां यः पूजयेच्चेतसा
सन्ध्यासु प्रतिवासरं सुनियतस्तस्यामलं स्यान्मनः ।
चित्ताम्भोरुहमण्टपे गिरिसुता नृत्तं विधत्ते रसा-
-द्वाणी वक्त्रसरोरुहे जलधिजा गेहे जगन्मङ्गला ॥ 16 ॥
इति गिरिवरपुत्रीपादराजीवभूषा
भुवनममलयन्ती सूक्तिसौरभ्यसारैः ।
शिवपदमकरन्दस्यन्दिनीयं निबद्धा
मदयतु कविभृङ्गान्मातृकापुष्पमाला ॥ 17 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ मन्त्रमातृकापुष्पमाला स्तवः ।
kallolollasitāmṛtābdhilaharīmadhye virājanmaṇi-
-dvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame
cintāratnavinirmitaṃ janani te siṃhāsanaṃ bhāvaye || 1 ||
eṇāṅkānalabhānumaṇḍalalasacchrīcakramadhye sthitāṃ
bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ
tāṃ tvāṃ candrakalāvataṃsamakuṭāṃ cārusmitāṃ bhāvaye || 2 ||
īśānādipadaṃ śivaikaphaladaṃ ratnāsanaṃ te śubhaṃ
pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ
kāruṇyāmṛtavāridhe tadakhilaṃ santuṣṭaye kalpatām || 3 ||
lakṣye yogijanasya rakṣitajagajjāle viśālekṣaṇe
prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ
snānaṃ devi dhiyā mayaitadakhilaṃ santuṣṭaye kalpatām || 4 ||
hrīṃkārāṅkitamantralakṣitatano hemācalātsañcitaiḥ
ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūdbhavaṃ
dattaṃ devi dhiyā mayaitadakhilaṃ santuṣṭaye kalpatām || 5 ||
haṃsairapyatilobhanīyagamane hārāvalīmujjvalāṃ
hindoladyutihīrapūritatare hemāṅgade kaṅkaṇe |
mañjīrau maṇikuṇḍale makuṭamapyardhenducūḍāmaṇiṃ
nāsāmauktikamaṅgulīyakaṭakau kāñcīmapi svīkuru || 6 ||
sarvāṅge ghanasārakuṅkumaghanaśrīgandhapaṅkāṅkitaṃ
kastūrītilakaṃ ca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ
kaṇṭhābje mṛganābhipaṅkamamalaṃ tvatprītaye kalpatām || 7 ||
kahlārotpalamallikāmaruvakaiḥ sauvarṇapaṅkeruhai-
-rjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kluptāḥ srajo mālikāḥ
saṅkalpena samarpayāmi varade santuṣṭaye gṛhyatām || 8 ||
hantāraṃ madanasya nandayasi yairaṅgairanaṅgojjvalai-
-ryairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlāgṛhā-
-ṇyāmodāya daśāṅgaguggulughṛtairdhūpairahaṃ dhūpaye || 9 ||
lakṣmīmujjvalayāmi ratnanivahodbhāsvattare mandire
mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtairgavyairghṛtairvardhitai-
-rdivyairdīpagaṇairdhiyā girisute santuṣṭaye kalpatām || 10 ||
hrīṃkāreśvari taptahāṭakakṛtaiḥ sthālīsahasrairbhṛtaṃ
divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ
māṣāpūpasahasramamba saphalaṃ naivedyamāvedaye || 11 ||
sacchāyairvaraketakīdalarucā tāmbūlavallīdalaiḥ
pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ
pūrṇā ratnakalācikā tava mude nyastā purastādume || 12 ||
kanyābhiḥ kamanīyakāntibhiralaṅkārāmalārārtikā
pātre mauktikacitrapaṅktivilasatkarpūradīpālibhiḥ |
tattattālamṛdaṅgagītasahitaṃ nṛtyatpadāmbhoruhaṃ
mantrārādhanapūrvakaṃ suvihitaṃ nīrājanaṃ gṛhyatām || 13 ||
lakṣmīrmauktikalakṣakalpitasitacchattraṃ tu dhatte rasā-
-dindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgava-
-dbhāvairāṅgikasāttvikaiḥ sphuṭarasaṃ mātastadākarṇyatām || 14 ||
hrīṃkāratrayasampuṭena manunopāsye trayīmaulibhi-
-rvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te
saṃveśo namasaḥ sahasramakhilaṃ tvatprītaye kalpatām || 15 ||
śrīmantrākṣaramālayā girisutāṃ yaḥ pūjayeccetasā
sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇṭape girisutā nṛttaṃ vidhatte rasā-
-dvāṇī vaktrasaroruhe jaladhijā gehe jaganmaṅgalā || 16 ||
iti girivaraputrīpādarājīvabhūṣā
bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā
madayatu kavibhṛṅgānmātṛkāpuṣpamālā || 17 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mantramātṛkāpuṣpamālā stavaḥ |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.