𑌕𑌲𑍍𑌲𑍋𑌲𑍋𑌲𑍍𑌲𑌸𑌿𑌤𑌾𑌮𑍃𑌤𑌾𑌬𑍍𑌧𑌿𑌲𑌹𑌰𑍀𑌮𑌧𑍍𑌯𑍇 𑌵𑌿𑌰𑌾𑌜𑌨𑍍𑌮𑌣𑌿-
-𑌦𑍍𑌵𑍀𑌪𑍇 𑌕𑌲𑍍𑌪𑌕𑌵𑌾𑌟𑌿𑌕𑌾𑌪𑌰𑌿𑌵𑍃𑌤𑍇 𑌕𑌾𑌦𑌮𑍍𑌬𑌵𑌾𑌟𑍍𑌯𑍁𑌜𑍍𑌜𑍍𑌵𑌲𑍇 ।
𑌰𑌤𑍍𑌨𑌸𑍍𑌤𑌮𑍍𑌭𑌸𑌹𑌸𑍍𑌰𑌨𑌿𑌰𑍍𑌮𑌿𑌤𑌸𑌭𑌾𑌮𑌧𑍍𑌯𑍇 𑌵𑌿𑌮𑌾𑌨𑍋𑌤𑍍𑌤𑌮𑍇
𑌚𑌿𑌨𑍍𑌤𑌾𑌰𑌤𑍍𑌨𑌵𑌿𑌨𑌿𑌰𑍍𑌮𑌿𑌤𑌂 𑌜𑌨𑌨𑌿 𑌤𑍇 𑌸𑌿𑌂𑌹𑌾𑌸𑌨𑌂 𑌭𑌾𑌵𑌯𑍇 ॥ 1 ॥
𑌏𑌣𑌾𑌙𑍍𑌕𑌾𑌨𑌲𑌭𑌾𑌨𑍁𑌮𑌣𑍍𑌡𑌲𑌲𑌸𑌚𑍍𑌛𑍍𑌰𑍀𑌚𑌕𑍍𑌰𑌮𑌧𑍍𑌯𑍇 𑌸𑍍𑌥𑌿𑌤𑌾𑌂
𑌬𑌾𑌲𑌾𑌰𑍍𑌕𑌦𑍍𑌯𑍁𑌤𑌿𑌭𑌾𑌸𑍁𑌰𑌾𑌂 𑌕𑌰𑌤𑌲𑍈𑌃 𑌪𑌾𑌶𑌾𑌙𑍍𑌕𑍁𑌶𑍗 𑌬𑌿𑌭𑍍𑌰𑌤𑍀𑌮𑍍 ।
𑌚𑌾𑌪𑌂 𑌬𑌾𑌣𑌮𑌪𑌿 𑌪𑍍𑌰𑌸𑌨𑍍𑌨𑌵𑌦𑌨𑌾𑌂 𑌕𑍗𑌸𑍁𑌮𑍍𑌭𑌵𑌸𑍍𑌤𑍍𑌰𑌾𑌨𑍍𑌵𑌿𑌤𑌾𑌂
𑌤𑌾𑌂 𑌤𑍍𑌵𑌾𑌂 𑌚𑌨𑍍𑌦𑍍𑌰𑌕𑌲𑌾𑌵𑌤𑌂𑌸𑌮𑌕𑍁𑌟𑌾𑌂 𑌚𑌾𑌰𑍁𑌸𑍍𑌮𑌿𑌤𑌾𑌂 𑌭𑌾𑌵𑌯𑍇 ॥ 2 ॥
𑌈𑌶𑌾𑌨𑌾𑌦𑌿𑌪𑌦𑌂 𑌶𑌿𑌵𑍈𑌕𑌫𑌲𑌦𑌂 𑌰𑌤𑍍𑌨𑌾𑌸𑌨𑌂 𑌤𑍇 𑌶𑍁𑌭𑌂
𑌪𑌾𑌦𑍍𑌯𑌂 𑌕𑍁𑌙𑍍𑌕𑍁𑌮𑌚𑌨𑍍𑌦𑌨𑌾𑌦𑌿𑌭𑌰𑌿𑌤𑍈𑌰𑌰𑍍𑌘𑍍𑌯𑌂 𑌸𑌰𑌤𑍍𑌨𑌾𑌕𑍍𑌷𑌤𑍈𑌃 ।
𑌶𑍁𑌦𑍍𑌧𑍈𑌰𑌾𑌚𑌮𑌨𑍀𑌯𑌕𑌂 𑌤𑌵 𑌜𑌲𑍈𑌰𑍍𑌭𑌕𑍍𑌤𑍍𑌯𑌾 𑌮𑌯𑌾 𑌕𑌲𑍍𑌪𑌿𑌤𑌂
𑌕𑌾𑌰𑍁𑌣𑍍𑌯𑌾𑌮𑍃𑌤𑌵𑌾𑌰𑌿𑌧𑍇 𑌤𑌦𑌖𑌿𑌲𑌂 𑌸𑌨𑍍𑌤𑍁𑌷𑍍𑌟𑌯𑍇 𑌕𑌲𑍍𑌪𑌤𑌾𑌮𑍍 ॥ 3 ॥
𑌲𑌕𑍍𑌷𑍍𑌯𑍇 𑌯𑍋𑌗𑌿𑌜𑌨𑌸𑍍𑌯 𑌰𑌕𑍍𑌷𑌿𑌤𑌜𑌗𑌜𑍍𑌜𑌾𑌲𑍇 𑌵𑌿𑌶𑌾𑌲𑍇𑌕𑍍𑌷𑌣𑍇
𑌪𑍍𑌰𑌾𑌲𑍇𑌯𑌾𑌮𑍍𑌬𑍁𑌪𑌟𑍀𑌰𑌕𑍁𑌙𑍍𑌕𑍁𑌮𑌲𑌸𑌤𑍍𑌕𑌰𑍍𑌪𑍂𑌰𑌮𑌿𑌶𑍍𑌰𑍋𑌦𑌕𑍈𑌃 ।
𑌗𑍋𑌕𑍍𑌷𑍀𑌰𑍈𑌰𑌪𑌿 𑌨𑌾𑌰𑌿𑌕𑍇𑌲𑌸𑌲𑌿𑌲𑍈𑌃 𑌶𑍁𑌦𑍍𑌧𑍋𑌦𑌕𑍈𑌰𑍍𑌮𑌨𑍍𑌤𑍍𑌰𑌿𑌤𑍈𑌃
𑌸𑍍𑌨𑌾𑌨𑌂 𑌦𑍇𑌵𑌿 𑌧𑌿𑌯𑌾 𑌮𑌯𑍈𑌤𑌦𑌖𑌿𑌲𑌂 𑌸𑌨𑍍𑌤𑍁𑌷𑍍𑌟𑌯𑍇 𑌕𑌲𑍍𑌪𑌤𑌾𑌮𑍍 ॥ 4 ॥
𑌹𑍍𑌰𑍀𑌂𑌕𑌾𑌰𑌾𑌙𑍍𑌕𑌿𑌤𑌮𑌨𑍍𑌤𑍍𑌰𑌲𑌕𑍍𑌷𑌿𑌤𑌤𑌨𑍋 𑌹𑍇𑌮𑌾𑌚𑌲𑌾𑌤𑍍𑌸𑌞𑍍𑌚𑌿𑌤𑍈𑌃
𑌰𑌤𑍍𑌨𑍈𑌰𑍁𑌜𑍍𑌜𑍍𑌵𑌲𑌮𑍁𑌤𑍍𑌤𑌰𑍀𑌯𑌸𑌹𑌿𑌤𑌂 𑌕𑍗𑌸𑍁𑌮𑍍𑌭𑌵𑌰𑍍𑌣𑌾𑌂𑌶𑍁𑌕𑌮𑍍 ।
𑌮𑍁𑌕𑍍𑌤𑌾𑌸𑌨𑍍𑌤𑌤𑌿𑌯𑌜𑍍𑌞𑌸𑍂𑌤𑍍𑌰𑌮𑌮𑌲𑌂 𑌸𑍗𑌵𑌰𑍍𑌣𑌤𑌨𑍍𑌤𑍂𑌦𑍍𑌭𑌵𑌂
𑌦𑌤𑍍𑌤𑌂 𑌦𑍇𑌵𑌿 𑌧𑌿𑌯𑌾 𑌮𑌯𑍈𑌤𑌦𑌖𑌿𑌲𑌂 𑌸𑌨𑍍𑌤𑍁𑌷𑍍𑌟𑌯𑍇 𑌕𑌲𑍍𑌪𑌤𑌾𑌮𑍍 ॥ 5 ॥
𑌹𑌂𑌸𑍈𑌰𑌪𑍍𑌯𑌤𑌿𑌲𑍋𑌭𑌨𑍀𑌯𑌗𑌮𑌨𑍇 𑌹𑌾𑌰𑌾𑌵𑌲𑍀𑌮𑍁𑌜𑍍𑌜𑍍𑌵𑌲𑌾𑌂
𑌹𑌿𑌨𑍍𑌦𑍋𑌲𑌦𑍍𑌯𑍁𑌤𑌿𑌹𑍀𑌰𑌪𑍂𑌰𑌿𑌤𑌤𑌰𑍇 𑌹𑍇𑌮𑌾𑌙𑍍𑌗𑌦𑍇 𑌕𑌙𑍍𑌕𑌣𑍇 ।
𑌮𑌞𑍍𑌜𑍀𑌰𑍗 𑌮𑌣𑌿𑌕𑍁𑌣𑍍𑌡𑌲𑍇 𑌮𑌕𑍁𑌟𑌮𑌪𑍍𑌯𑌰𑍍𑌧𑍇𑌨𑍍𑌦𑍁𑌚𑍂𑌡𑌾𑌮𑌣𑌿𑌂
𑌨𑌾𑌸𑌾𑌮𑍗𑌕𑍍𑌤𑌿𑌕𑌮𑌙𑍍𑌗𑍁𑌲𑍀𑌯𑌕𑌟𑌕𑍗 𑌕𑌾𑌞𑍍𑌚𑍀𑌮𑌪𑌿 𑌸𑍍𑌵𑍀𑌕𑍁𑌰𑍁 ॥ 6 ॥
𑌸𑌰𑍍𑌵𑌾𑌙𑍍𑌗𑍇 𑌘𑌨𑌸𑌾𑌰𑌕𑍁𑌙𑍍𑌕𑍁𑌮𑌘𑌨𑌶𑍍𑌰𑍀𑌗𑌨𑍍𑌧𑌪𑌙𑍍𑌕𑌾𑌙𑍍𑌕𑌿𑌤𑌂
𑌕𑌸𑍍𑌤𑍂𑌰𑍀𑌤𑌿𑌲𑌕𑌂 𑌚 𑌫𑌾𑌲𑌫𑌲𑌕𑍇 𑌗𑍋𑌰𑍋𑌚𑌨𑌾𑌪𑌤𑍍𑌰𑌕𑌮𑍍 ।
𑌗𑌣𑍍𑌡𑌾𑌦𑌰𑍍𑌶𑌨𑌮𑌣𑍍𑌡𑌲𑍇 𑌨𑌯𑌨𑌯𑍋𑌰𑍍𑌦𑌿𑌵𑍍𑌯𑌾𑌞𑍍𑌜𑌨𑌂 𑌤𑍇𑌽𑌞𑍍𑌚𑌿𑌤𑌂
𑌕𑌣𑍍𑌠𑌾𑌬𑍍𑌜𑍇 𑌮𑍃𑌗𑌨𑌾𑌭𑌿𑌪𑌙𑍍𑌕𑌮𑌮𑌲𑌂 𑌤𑍍𑌵𑌤𑍍𑌪𑍍𑌰𑍀𑌤𑌯𑍇 𑌕𑌲𑍍𑌪𑌤𑌾𑌮𑍍 ॥ 7 ॥
𑌕𑌹𑍍𑌲𑌾𑌰𑍋𑌤𑍍𑌪𑌲𑌮𑌲𑍍𑌲𑌿𑌕𑌾𑌮𑌰𑍁𑌵𑌕𑍈𑌃 𑌸𑍗𑌵𑌰𑍍𑌣𑌪𑌙𑍍𑌕𑍇𑌰𑍁𑌹𑍈-
-𑌰𑍍𑌜𑌾𑌤𑍀𑌚𑌮𑍍𑌪𑌕𑌮𑌾𑌲𑌤𑍀𑌵𑌕𑍁𑌲𑌕𑍈𑌰𑍍𑌮𑌨𑍍𑌦𑌾𑌰𑌕𑍁𑌨𑍍𑌦𑌾𑌦𑌿𑌭𑌿𑌃 ।
𑌕𑍇𑌤𑌕𑍍𑌯𑌾 𑌕𑌰𑌵𑍀𑌰𑌕𑍈𑌰𑍍𑌬𑌹𑍁𑌵𑌿𑌧𑍈𑌃 𑌕𑍍𑌲𑍁𑌪𑍍𑌤𑌾𑌃 𑌸𑍍𑌰𑌜𑍋 𑌮𑌾𑌲𑌿𑌕𑌾𑌃
𑌸𑌙𑍍𑌕𑌲𑍍𑌪𑍇𑌨 𑌸𑌮𑌰𑍍𑌪𑌯𑌾𑌮𑌿 𑌵𑌰𑌦𑍇 𑌸𑌨𑍍𑌤𑍁𑌷𑍍𑌟𑌯𑍇 𑌗𑍃𑌹𑍍𑌯𑌤𑌾𑌮𑍍 ॥ 8 ॥
𑌹𑌨𑍍𑌤𑌾𑌰𑌂 𑌮𑌦𑌨𑌸𑍍𑌯 𑌨𑌨𑍍𑌦𑌯𑌸𑌿 𑌯𑍈𑌰𑌙𑍍𑌗𑍈𑌰𑌨𑌙𑍍𑌗𑍋𑌜𑍍𑌜𑍍𑌵𑌲𑍈-
-𑌰𑍍𑌯𑍈𑌰𑍍𑌭𑍃𑌙𑍍𑌗𑌾𑌵𑌲𑌿𑌨𑍀𑌲𑌕𑍁𑌨𑍍𑌤𑌲𑌭𑌰𑍈𑌰𑍍𑌬𑌧𑍍𑌨𑌾𑌸𑌿 𑌤𑌸𑍍𑌯𑌾𑌶𑌯𑌮𑍍 ।
𑌤𑌾𑌨𑍀𑌮𑌾𑌨𑌿 𑌤𑌵𑌾𑌮𑍍𑌬 𑌕𑍋𑌮𑌲𑌤𑌰𑌾𑌣𑍍𑌯𑌾𑌮𑍋𑌦𑌲𑍀𑌲𑌾𑌗𑍃𑌹𑌾-
-𑌣𑍍𑌯𑌾𑌮𑍋𑌦𑌾𑌯 𑌦𑌶𑌾𑌙𑍍𑌗𑌗𑍁𑌗𑍍𑌗𑍁𑌲𑍁𑌘𑍃𑌤𑍈𑌰𑍍𑌧𑍂𑌪𑍈𑌰𑌹𑌂 𑌧𑍂𑌪𑌯𑍇 ॥ 9 ॥
𑌲𑌕𑍍𑌷𑍍𑌮𑍀𑌮𑍁𑌜𑍍𑌜𑍍𑌵𑌲𑌯𑌾𑌮𑌿 𑌰𑌤𑍍𑌨𑌨𑌿𑌵𑌹𑍋𑌦𑍍𑌭𑌾𑌸𑍍𑌵𑌤𑍍𑌤𑌰𑍇 𑌮𑌨𑍍𑌦𑌿𑌰𑍇
𑌮𑌾𑌲𑌾𑌰𑍂𑌪𑌵𑌿𑌲𑌮𑍍𑌬𑌿𑌤𑍈𑌰𑍍𑌮𑌣𑌿𑌮𑌯𑌸𑍍𑌤𑌮𑍍𑌭𑍇𑌷𑍁 𑌸𑌮𑍍𑌭𑌾𑌵𑌿𑌤𑍈𑌃 ।
𑌚𑌿𑌤𑍍𑌰𑍈𑌰𑍍𑌹𑌾𑌟𑌕𑌪𑍁𑌤𑍍𑌰𑌿𑌕𑌾𑌕𑌰𑌧𑍃𑌤𑍈𑌰𑍍𑌗𑌵𑍍𑌯𑍈𑌰𑍍𑌘𑍃𑌤𑍈𑌰𑍍𑌵𑌰𑍍𑌧𑌿𑌤𑍈-
-𑌰𑍍𑌦𑌿𑌵𑍍𑌯𑍈𑌰𑍍𑌦𑍀𑌪𑌗𑌣𑍈𑌰𑍍𑌧𑌿𑌯𑌾 𑌗𑌿𑌰𑌿𑌸𑍁𑌤𑍇 𑌸𑌨𑍍𑌤𑍁𑌷𑍍𑌟𑌯𑍇 𑌕𑌲𑍍𑌪𑌤𑌾𑌮𑍍 ॥ 10 ॥
𑌹𑍍𑌰𑍀𑌂𑌕𑌾𑌰𑍇𑌶𑍍𑌵𑌰𑌿 𑌤𑌪𑍍𑌤𑌹𑌾𑌟𑌕𑌕𑍃𑌤𑍈𑌃 𑌸𑍍𑌥𑌾𑌲𑍀𑌸𑌹𑌸𑍍𑌰𑍈𑌰𑍍𑌭𑍃𑌤𑌂
𑌦𑌿𑌵𑍍𑌯𑌾𑌨𑍍𑌨𑌂 𑌘𑍃𑌤𑌸𑍂𑌪𑌶𑌾𑌕𑌭𑌰𑌿𑌤𑌂 𑌚𑌿𑌤𑍍𑌰𑌾𑌨𑍍𑌨𑌭𑍇𑌦𑌂 𑌤𑌥𑌾 ।
𑌦𑍁𑌗𑍍𑌧𑌾𑌨𑍍𑌨𑌂 𑌮𑌧𑍁𑌶𑌰𑍍𑌕𑌰𑌾𑌦𑌧𑌿𑌯𑍁𑌤𑌂 𑌮𑌾𑌣𑌿𑌕𑍍𑌯𑌪𑌾𑌤𑍍𑌰𑍇 𑌸𑍍𑌥𑌿𑌤𑌂
𑌮𑌾𑌷𑌾𑌪𑍂𑌪𑌸𑌹𑌸𑍍𑌰𑌮𑌮𑍍𑌬 𑌸𑌫𑌲𑌂 𑌨𑍈𑌵𑍇𑌦𑍍𑌯𑌮𑌾𑌵𑍇𑌦𑌯𑍇 ॥ 11 ॥
𑌸𑌚𑍍𑌛𑌾𑌯𑍈𑌰𑍍𑌵𑌰𑌕𑍇𑌤𑌕𑍀𑌦𑌲𑌰𑍁𑌚𑌾 𑌤𑌾𑌮𑍍𑌬𑍂𑌲𑌵𑌲𑍍𑌲𑍀𑌦𑌲𑍈𑌃
𑌪𑍂𑌗𑍈𑌰𑍍𑌭𑍂𑌰𑌿𑌗𑍁𑌣𑍈𑌃 𑌸𑍁𑌗𑌨𑍍𑌧𑌿𑌮𑌧𑍁𑌰𑍈𑌃 𑌕𑌰𑍍𑌪𑍂𑌰𑌖𑌣𑍍𑌡𑍋𑌜𑍍𑌜𑍍𑌵𑌲𑍈𑌃 ।
𑌮𑍁𑌕𑍍𑌤𑌾𑌚𑍂𑌰𑍍𑌣𑌵𑌿𑌰𑌾𑌜𑌿𑌤𑍈𑌰𑍍𑌬𑌹𑍁𑌵𑌿𑌧𑍈𑌰𑍍𑌵𑌕𑍍𑌤𑍍𑌰𑌾𑌮𑍍𑌬𑍁𑌜𑌾𑌮𑍋𑌦𑌨𑍈𑌃
𑌪𑍂𑌰𑍍𑌣𑌾 𑌰𑌤𑍍𑌨𑌕𑌲𑌾𑌚𑌿𑌕𑌾 𑌤𑌵 𑌮𑍁𑌦𑍇 𑌨𑍍𑌯𑌸𑍍𑌤𑌾 𑌪𑍁𑌰𑌸𑍍𑌤𑌾𑌦𑍁𑌮𑍇 ॥ 12 ॥
𑌕𑌨𑍍𑌯𑌾𑌭𑌿𑌃 𑌕𑌮𑌨𑍀𑌯𑌕𑌾𑌨𑍍𑌤𑌿𑌭𑌿𑌰𑌲𑌙𑍍𑌕𑌾𑌰𑌾𑌮𑌲𑌾𑌰𑌾𑌰𑍍𑌤𑌿𑌕𑌾
𑌪𑌾𑌤𑍍𑌰𑍇 𑌮𑍗𑌕𑍍𑌤𑌿𑌕𑌚𑌿𑌤𑍍𑌰𑌪𑌙𑍍𑌕𑍍𑌤𑌿𑌵𑌿𑌲𑌸𑌤𑍍𑌕𑌰𑍍𑌪𑍂𑌰𑌦𑍀𑌪𑌾𑌲𑌿𑌭𑌿𑌃 ।
𑌤𑌤𑍍𑌤𑌤𑍍𑌤𑌾𑌲𑌮𑍃𑌦𑌙𑍍𑌗𑌗𑍀𑌤𑌸𑌹𑌿𑌤𑌂 𑌨𑍃𑌤𑍍𑌯𑌤𑍍𑌪𑌦𑌾𑌮𑍍𑌭𑍋𑌰𑍁𑌹𑌂
𑌮𑌨𑍍𑌤𑍍𑌰𑌾𑌰𑌾𑌧𑌨𑌪𑍂𑌰𑍍𑌵𑌕𑌂 𑌸𑍁𑌵𑌿𑌹𑌿𑌤𑌂 𑌨𑍀𑌰𑌾𑌜𑌨𑌂 𑌗𑍃𑌹𑍍𑌯𑌤𑌾𑌮𑍍 ॥ 13 ॥
𑌲𑌕𑍍𑌷𑍍𑌮𑍀𑌰𑍍𑌮𑍗𑌕𑍍𑌤𑌿𑌕𑌲𑌕𑍍𑌷𑌕𑌲𑍍𑌪𑌿𑌤𑌸𑌿𑌤𑌚𑍍𑌛𑌤𑍍𑌤𑍍𑌰𑌂 𑌤𑍁 𑌧𑌤𑍍𑌤𑍇 𑌰𑌸𑌾-
-𑌦𑌿𑌨𑍍𑌦𑍍𑌰𑌾𑌣𑍀 𑌚 𑌰𑌤𑌿𑌶𑍍𑌚 𑌚𑌾𑌮𑌰𑌵𑌰𑍇 𑌧𑌤𑍍𑌤𑍇 𑌸𑍍𑌵𑌯𑌂 𑌭𑌾𑌰𑌤𑍀 ।
𑌵𑍀𑌣𑌾𑌮𑍇𑌣𑌵𑌿𑌲𑍋𑌚𑌨𑌾𑌃 𑌸𑍁𑌮𑌨𑌸𑌾𑌂 𑌨𑍃𑌤𑍍𑌯𑌨𑍍𑌤𑌿 𑌤𑌦𑍍𑌰𑌾𑌗𑌵-
-𑌦𑍍𑌭𑌾𑌵𑍈𑌰𑌾𑌙𑍍𑌗𑌿𑌕𑌸𑌾𑌤𑍍𑌤𑍍𑌵𑌿𑌕𑍈𑌃 𑌸𑍍𑌫𑍁𑌟𑌰𑌸𑌂 𑌮𑌾𑌤𑌸𑍍𑌤𑌦𑌾𑌕𑌰𑍍𑌣𑍍𑌯𑌤𑌾𑌮𑍍 ॥ 14 ॥
𑌹𑍍𑌰𑍀𑌂𑌕𑌾𑌰𑌤𑍍𑌰𑌯𑌸𑌮𑍍𑌪𑍁𑌟𑍇𑌨 𑌮𑌨𑍁𑌨𑍋𑌪𑌾𑌸𑍍𑌯𑍇 𑌤𑍍𑌰𑌯𑍀𑌮𑍗𑌲𑌿𑌭𑌿-
-𑌰𑍍𑌵𑌾𑌕𑍍𑌯𑍈𑌰𑍍𑌲𑌕𑍍𑌷𑍍𑌯𑌤𑌨𑍋 𑌤𑌵 𑌸𑍍𑌤𑍁𑌤𑌿𑌵𑌿𑌧𑍗 𑌕𑍋 𑌵𑌾 𑌕𑍍𑌷𑌮𑍇𑌤𑌾𑌮𑍍𑌬𑌿𑌕𑍇 ।
𑌸𑌲𑍍𑌲𑌾𑌪𑌾𑌃 𑌸𑍍𑌤𑍁𑌤𑌯𑌃 𑌪𑍍𑌰𑌦𑌕𑍍𑌷𑌿𑌣𑌶𑌤𑌂 𑌸𑌞𑍍𑌚𑌾𑌰 𑌏𑌵𑌾𑌸𑍍𑌤𑍁 𑌤𑍇
𑌸𑌂𑌵𑍇𑌶𑍋 𑌨𑌮𑌸𑌃 𑌸𑌹𑌸𑍍𑌰𑌮𑌖𑌿𑌲𑌂 𑌤𑍍𑌵𑌤𑍍𑌪𑍍𑌰𑍀𑌤𑌯𑍇 𑌕𑌲𑍍𑌪𑌤𑌾𑌮𑍍 ॥ 15 ॥
𑌶𑍍𑌰𑍀𑌮𑌨𑍍𑌤𑍍𑌰𑌾𑌕𑍍𑌷𑌰𑌮𑌾𑌲𑌯𑌾 𑌗𑌿𑌰𑌿𑌸𑍁𑌤𑌾𑌂 𑌯𑌃 𑌪𑍂𑌜𑌯𑍇𑌚𑍍𑌚𑍇𑌤𑌸𑌾
𑌸𑌨𑍍𑌧𑍍𑌯𑌾𑌸𑍁 𑌪𑍍𑌰𑌤𑌿𑌵𑌾𑌸𑌰𑌂 𑌸𑍁𑌨𑌿𑌯𑌤𑌸𑍍𑌤𑌸𑍍𑌯𑌾𑌮𑌲𑌂 𑌸𑍍𑌯𑌾𑌨𑍍𑌮𑌨𑌃 ।
𑌚𑌿𑌤𑍍𑌤𑌾𑌮𑍍𑌭𑍋𑌰𑍁𑌹𑌮𑌣𑍍𑌟𑌪𑍇 𑌗𑌿𑌰𑌿𑌸𑍁𑌤𑌾 𑌨𑍃𑌤𑍍𑌤𑌂 𑌵𑌿𑌧𑌤𑍍𑌤𑍇 𑌰𑌸𑌾-
-𑌦𑍍𑌵𑌾𑌣𑍀 𑌵𑌕𑍍𑌤𑍍𑌰𑌸𑌰𑍋𑌰𑍁𑌹𑍇 𑌜𑌲𑌧𑌿𑌜𑌾 𑌗𑍇𑌹𑍇 𑌜𑌗𑌨𑍍𑌮𑌙𑍍𑌗𑌲𑌾 ॥ 16 ॥
𑌇𑌤𑌿 𑌗𑌿𑌰𑌿𑌵𑌰𑌪𑍁𑌤𑍍𑌰𑍀𑌪𑌾𑌦𑌰𑌾𑌜𑍀𑌵𑌭𑍂𑌷𑌾
𑌭𑍁𑌵𑌨𑌮𑌮𑌲𑌯𑌨𑍍𑌤𑍀 𑌸𑍂𑌕𑍍𑌤𑌿𑌸𑍗𑌰𑌭𑍍𑌯𑌸𑌾𑌰𑍈𑌃 ।
𑌶𑌿𑌵𑌪𑌦𑌮𑌕𑌰𑌨𑍍𑌦𑌸𑍍𑌯𑌨𑍍𑌦𑌿𑌨𑍀𑌯𑌂 𑌨𑌿𑌬𑌦𑍍𑌧𑌾
𑌮𑌦𑌯𑌤𑍁 𑌕𑌵𑌿𑌭𑍃𑌙𑍍𑌗𑌾𑌨𑍍𑌮𑌾𑌤𑍃𑌕𑌾𑌪𑍁𑌷𑍍𑌪𑌮𑌾𑌲𑌾 ॥ 17 ॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗 𑌮𑌨𑍍𑌤𑍍𑌰𑌮𑌾𑌤𑍃𑌕𑌾𑌪𑍁𑌷𑍍𑌪𑌮𑌾𑌲𑌾 𑌸𑍍𑌤𑌵𑌃 ।
Roman (IAST) Transliteration
kallolollasitāmṛtābdhilaharīmadhye virājanmaṇi-
-dvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame
cintāratnavinirmitaṃ janani te siṃhāsanaṃ bhāvaye || 1 ||
eṇāṅkānalabhānumaṇḍalalasacchrīcakramadhye sthitāṃ
bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ
tāṃ tvāṃ candrakalāvataṃsamakuṭāṃ cārusmitāṃ bhāvaye || 2 ||
īśānādipadaṃ śivaikaphaladaṃ ratnāsanaṃ te śubhaṃ
pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ
kāruṇyāmṛtavāridhe tadakhilaṃ santuṣṭaye kalpatām || 3 ||
lakṣye yogijanasya rakṣitajagajjāle viśālekṣaṇe
prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ
snānaṃ devi dhiyā mayaitadakhilaṃ santuṣṭaye kalpatām || 4 ||
hrīṃkārāṅkitamantralakṣitatano hemācalātsañcitaiḥ
ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūdbhavaṃ
dattaṃ devi dhiyā mayaitadakhilaṃ santuṣṭaye kalpatām || 5 ||
haṃsairapyatilobhanīyagamane hārāvalīmujjvalāṃ
hindoladyutihīrapūritatare hemāṅgade kaṅkaṇe |
mañjīrau maṇikuṇḍale makuṭamapyardhenducūḍāmaṇiṃ
nāsāmauktikamaṅgulīyakaṭakau kāñcīmapi svīkuru || 6 ||
sarvāṅge ghanasārakuṅkumaghanaśrīgandhapaṅkāṅkitaṃ
kastūrītilakaṃ ca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ
kaṇṭhābje mṛganābhipaṅkamamalaṃ tvatprītaye kalpatām || 7 ||
kahlārotpalamallikāmaruvakaiḥ sauvarṇapaṅkeruhai-
-rjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kluptāḥ srajo mālikāḥ
saṅkalpena samarpayāmi varade santuṣṭaye gṛhyatām || 8 ||
hantāraṃ madanasya nandayasi yairaṅgairanaṅgojjvalai-
-ryairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlāgṛhā-
-ṇyāmodāya daśāṅgaguggulughṛtairdhūpairahaṃ dhūpaye || 9 ||
lakṣmīmujjvalayāmi ratnanivahodbhāsvattare mandire
mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtairgavyairghṛtairvardhitai-
-rdivyairdīpagaṇairdhiyā girisute santuṣṭaye kalpatām || 10 ||
hrīṃkāreśvari taptahāṭakakṛtaiḥ sthālīsahasrairbhṛtaṃ
divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ
māṣāpūpasahasramamba saphalaṃ naivedyamāvedaye || 11 ||
sacchāyairvaraketakīdalarucā tāmbūlavallīdalaiḥ
pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ
pūrṇā ratnakalācikā tava mude nyastā purastādume || 12 ||
kanyābhiḥ kamanīyakāntibhiralaṅkārāmalārārtikā
pātre mauktikacitrapaṅktivilasatkarpūradīpālibhiḥ |
tattattālamṛdaṅgagītasahitaṃ nṛtyatpadāmbhoruhaṃ
mantrārādhanapūrvakaṃ suvihitaṃ nīrājanaṃ gṛhyatām || 13 ||
lakṣmīrmauktikalakṣakalpitasitacchattraṃ tu dhatte rasā-
-dindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgava-
-dbhāvairāṅgikasāttvikaiḥ sphuṭarasaṃ mātastadākarṇyatām || 14 ||
hrīṃkāratrayasampuṭena manunopāsye trayīmaulibhi-
-rvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te
saṃveśo namasaḥ sahasramakhilaṃ tvatprītaye kalpatām || 15 ||
śrīmantrākṣaramālayā girisutāṃ yaḥ pūjayeccetasā
sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇṭape girisutā nṛttaṃ vidhatte rasā-
-dvāṇī vaktrasaroruhe jaladhijā gehe jaganmaṅgalā || 16 ||
iti girivaraputrīpādarājīvabhūṣā
bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā
madayatu kavibhṛṅgānmātṛkāpuṣpamālā || 17 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mantramātṛkāpuṣpamālā stavaḥ |
Sanskrit — Devanagari (original)
कल्लोलोल्लसितामृताब्धिलहरीमध्ये विराजन्मणि-
-द्वीपे कल्पकवाटिकापरिवृते कादम्बवाट्युज्ज्वले ।
रत्नस्तम्भसहस्रनिर्मितसभामध्ये विमानोत्तमे
चिन्तारत्नविनिर्मितं जननि ते सिंहासनं भावये ॥ 1 ॥
एणाङ्कानलभानुमण्डललसच्छ्रीचक्रमध्ये स्थितां
बालार्कद्युतिभासुरां करतलैः पाशाङ्कुशौ बिभ्रतीम् ।
चापं बाणमपि प्रसन्नवदनां कौसुम्भवस्त्रान्वितां
तां त्वां चन्द्रकलावतंसमकुटां चारुस्मितां भावये ॥ 2 ॥
ईशानादिपदं शिवैकफलदं रत्नासनं ते शुभं
पाद्यं कुङ्कुमचन्दनादिभरितैरर्घ्यं सरत्नाक्षतैः ।
शुद्धैराचमनीयकं तव जलैर्भक्त्या मया कल्पितं
कारुण्यामृतवारिधे तदखिलं सन्तुष्टये कल्पताम् ॥ 3 ॥
लक्ष्ये योगिजनस्य रक्षितजगज्जाले विशालेक्षणे
प्रालेयाम्बुपटीरकुङ्कुमलसत्कर्पूरमिश्रोदकैः ।
गोक्षीरैरपि नारिकेलसलिलैः शुद्धोदकैर्मन्त्रितैः
स्नानं देवि धिया मयैतदखिलं सन्तुष्टये कल्पताम् ॥ 4 ॥
ह्रींकाराङ्कितमन्त्रलक्षिततनो हेमाचलात्सञ्चितैः
रत्नैरुज्ज्वलमुत्तरीयसहितं कौसुम्भवर्णांशुकम् ।
मुक्तासन्ततियज्ञसूत्रममलं सौवर्णतन्तूद्भवं
दत्तं देवि धिया मयैतदखिलं सन्तुष्टये कल्पताम् ॥ 5 ॥
हंसैरप्यतिलोभनीयगमने हारावलीमुज्ज्वलां
हिन्दोलद्युतिहीरपूरिततरे हेमाङ्गदे कङ्कणे ।
मञ्जीरौ मणिकुण्डले मकुटमप्यर्धेन्दुचूडामणिं
नासामौक्तिकमङ्गुलीयकटकौ काञ्चीमपि स्वीकुरु ॥ 6 ॥
सर्वाङ्गे घनसारकुङ्कुमघनश्रीगन्धपङ्काङ्कितं
कस्तूरीतिलकं च फालफलके गोरोचनापत्रकम् ।
गण्डादर्शनमण्डले नयनयोर्दिव्याञ्जनं तेऽञ्चितं
कण्ठाब्जे मृगनाभिपङ्कममलं त्वत्प्रीतये कल्पताम् ॥ 7 ॥
कह्लारोत्पलमल्लिकामरुवकैः सौवर्णपङ्केरुहै-
-र्जातीचम्पकमालतीवकुलकैर्मन्दारकुन्दादिभिः ।
केतक्या करवीरकैर्बहुविधैः क्लुप्ताः स्रजो मालिकाः
सङ्कल्पेन समर्पयामि वरदे सन्तुष्टये गृह्यताम् ॥ 8 ॥
हन्तारं मदनस्य नन्दयसि यैरङ्गैरनङ्गोज्ज्वलै-
-र्यैर्भृङ्गावलिनीलकुन्तलभरैर्बध्नासि तस्याशयम् ।
तानीमानि तवाम्ब कोमलतराण्यामोदलीलागृहा-
-ण्यामोदाय दशाङ्गगुग्गुलुघृतैर्धूपैरहं धूपये ॥ 9 ॥
लक्ष्मीमुज्ज्वलयामि रत्ननिवहोद्भास्वत्तरे मन्दिरे
मालारूपविलम्बितैर्मणिमयस्तम्भेषु सम्भावितैः ।
चित्रैर्हाटकपुत्रिकाकरधृतैर्गव्यैर्घृतैर्वर्धितै-
-र्दिव्यैर्दीपगणैर्धिया गिरिसुते सन्तुष्टये कल्पताम् ॥ 10 ॥
ह्रींकारेश्वरि तप्तहाटककृतैः स्थालीसहस्रैर्भृतं
दिव्यान्नं घृतसूपशाकभरितं चित्रान्नभेदं तथा ।
दुग्धान्नं मधुशर्करादधियुतं माणिक्यपात्रे स्थितं
माषापूपसहस्रमम्ब सफलं नैवेद्यमावेदये ॥ 11 ॥
सच्छायैर्वरकेतकीदलरुचा ताम्बूलवल्लीदलैः
पूगैर्भूरिगुणैः सुगन्धिमधुरैः कर्पूरखण्डोज्ज्वलैः ।
मुक्ताचूर्णविराजितैर्बहुविधैर्वक्त्राम्बुजामोदनैः
पूर्णा रत्नकलाचिका तव मुदे न्यस्ता पुरस्तादुमे ॥ 12 ॥
कन्याभिः कमनीयकान्तिभिरलङ्कारामलारार्तिका
पात्रे मौक्तिकचित्रपङ्क्तिविलसत्कर्पूरदीपालिभिः ।
तत्तत्तालमृदङ्गगीतसहितं नृत्यत्पदाम्भोरुहं
मन्त्राराधनपूर्वकं सुविहितं नीराजनं गृह्यताम् ॥ 13 ॥
लक्ष्मीर्मौक्तिकलक्षकल्पितसितच्छत्त्रं तु धत्ते रसा-
-दिन्द्राणी च रतिश्च चामरवरे धत्ते स्वयं भारती ।
वीणामेणविलोचनाः सुमनसां नृत्यन्ति तद्रागव-
-द्भावैराङ्गिकसात्त्विकैः स्फुटरसं मातस्तदाकर्ण्यताम् ॥ 14 ॥
ह्रींकारत्रयसम्पुटेन मनुनोपास्ये त्रयीमौलिभि-
-र्वाक्यैर्लक्ष्यतनो तव स्तुतिविधौ को वा क्षमेताम्बिके ।
सल्लापाः स्तुतयः प्रदक्षिणशतं सञ्चार एवास्तु ते
संवेशो नमसः सहस्रमखिलं त्वत्प्रीतये कल्पताम् ॥ 15 ॥
श्रीमन्त्राक्षरमालया गिरिसुतां यः पूजयेच्चेतसा
सन्ध्यासु प्रतिवासरं सुनियतस्तस्यामलं स्यान्मनः ।
चित्ताम्भोरुहमण्टपे गिरिसुता नृत्तं विधत्ते रसा-
-द्वाणी वक्त्रसरोरुहे जलधिजा गेहे जगन्मङ्गला ॥ 16 ॥
इति गिरिवरपुत्रीपादराजीवभूषा
भुवनममलयन्ती सूक्तिसौरभ्यसारैः ।
शिवपदमकरन्दस्यन्दिनीयं निबद्धा
मदयतु कविभृङ्गान्मातृकापुष्पमाला ॥ 17 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ मन्त्रमातृकापुष्पमाला स्तवः ।
kallolollasitāmṛtābdhilaharīmadhye virājanmaṇi-
-dvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame
cintāratnavinirmitaṃ janani te siṃhāsanaṃ bhāvaye || 1 ||
eṇāṅkānalabhānumaṇḍalalasacchrīcakramadhye sthitāṃ
bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ
tāṃ tvāṃ candrakalāvataṃsamakuṭāṃ cārusmitāṃ bhāvaye || 2 ||
īśānādipadaṃ śivaikaphaladaṃ ratnāsanaṃ te śubhaṃ
pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ
kāruṇyāmṛtavāridhe tadakhilaṃ santuṣṭaye kalpatām || 3 ||
lakṣye yogijanasya rakṣitajagajjāle viśālekṣaṇe
prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ
snānaṃ devi dhiyā mayaitadakhilaṃ santuṣṭaye kalpatām || 4 ||
hrīṃkārāṅkitamantralakṣitatano hemācalātsañcitaiḥ
ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūdbhavaṃ
dattaṃ devi dhiyā mayaitadakhilaṃ santuṣṭaye kalpatām || 5 ||
haṃsairapyatilobhanīyagamane hārāvalīmujjvalāṃ
hindoladyutihīrapūritatare hemāṅgade kaṅkaṇe |
mañjīrau maṇikuṇḍale makuṭamapyardhenducūḍāmaṇiṃ
nāsāmauktikamaṅgulīyakaṭakau kāñcīmapi svīkuru || 6 ||
sarvāṅge ghanasārakuṅkumaghanaśrīgandhapaṅkāṅkitaṃ
kastūrītilakaṃ ca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ
kaṇṭhābje mṛganābhipaṅkamamalaṃ tvatprītaye kalpatām || 7 ||
kahlārotpalamallikāmaruvakaiḥ sauvarṇapaṅkeruhai-
-rjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kluptāḥ srajo mālikāḥ
saṅkalpena samarpayāmi varade santuṣṭaye gṛhyatām || 8 ||
hantāraṃ madanasya nandayasi yairaṅgairanaṅgojjvalai-
-ryairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlāgṛhā-
-ṇyāmodāya daśāṅgaguggulughṛtairdhūpairahaṃ dhūpaye || 9 ||
lakṣmīmujjvalayāmi ratnanivahodbhāsvattare mandire
mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtairgavyairghṛtairvardhitai-
-rdivyairdīpagaṇairdhiyā girisute santuṣṭaye kalpatām || 10 ||
hrīṃkāreśvari taptahāṭakakṛtaiḥ sthālīsahasrairbhṛtaṃ
divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ
māṣāpūpasahasramamba saphalaṃ naivedyamāvedaye || 11 ||
sacchāyairvaraketakīdalarucā tāmbūlavallīdalaiḥ
pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ
pūrṇā ratnakalācikā tava mude nyastā purastādume || 12 ||
kanyābhiḥ kamanīyakāntibhiralaṅkārāmalārārtikā
pātre mauktikacitrapaṅktivilasatkarpūradīpālibhiḥ |
tattattālamṛdaṅgagītasahitaṃ nṛtyatpadāmbhoruhaṃ
mantrārādhanapūrvakaṃ suvihitaṃ nīrājanaṃ gṛhyatām || 13 ||
lakṣmīrmauktikalakṣakalpitasitacchattraṃ tu dhatte rasā-
-dindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgava-
-dbhāvairāṅgikasāttvikaiḥ sphuṭarasaṃ mātastadākarṇyatām || 14 ||
hrīṃkāratrayasampuṭena manunopāsye trayīmaulibhi-
-rvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te
saṃveśo namasaḥ sahasramakhilaṃ tvatprītaye kalpatām || 15 ||
śrīmantrākṣaramālayā girisutāṃ yaḥ pūjayeccetasā
sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇṭape girisutā nṛttaṃ vidhatte rasā-
-dvāṇī vaktrasaroruhe jaladhijā gehe jaganmaṅgalā || 16 ||
iti girivaraputrīpādarājīvabhūṣā
bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā
madayatu kavibhṛṅgānmātṛkāpuṣpamālā || 17 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mantramātṛkāpuṣpamālā stavaḥ |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.