லீலாலப்தஸ்தாபிதலுப்தாகிலலோகாம்
லோகாதீதைர்யோகிபிரந்தஶ்சிரம்ரு'க்யாம் ।
பாலாதித்யஶ்ரேணிஸமாநத்யுதிபுஞ்ஜாம்
கௌரீமம்பாமம்புருஹாக்ஷீமஹமீடே ॥ 1 ॥
ப்ரத்யாஹாரத்யாநஸமாதிஸ்திதிபாஜாம்
நித்யம் சித்தே நிர்வ்ரு'திகாஷ்டாம் கலயந்தீம் ।
ஸத்யஜ்ஞாநாநந்தமயீம் தாம் தநுரூபாம்
கௌரீமம்பாமம்புருஹாக்ஷீமஹமீடே ॥ 2 ॥
சந்த்ராபீடாநந்திதமந்தஸ்மிதவக்த்ராம்
சந்த்ராபீடாலங்க்ரு'தநீலாலகபாராம் ।
இந்த்ரோபேந்த்ராத்யர்சிதபாதாம்புஜயுக்மாம்
கௌரீமம்பாமம்புருஹாக்ஷீமஹமீடே ॥ 3 ॥
ஆதிக்ஷாந்தாமக்ஷரமூர்த்யா விலஸந்தீம்
பூதே பூதே பூதகதம்பப்ரஸவித்ரீம் ।
ஶப்தப்ரஹ்மாநந்தமயீம் தாம் தடிதாபாம்
கௌரீமம்பாமம்புருஹாக்ஷீமஹமீடே ॥ 4 ॥
மூலாதாராதுத்திதவீத்யா விதிரந்த்ரம்
ஸௌரம் சாந்த்ரம் வ்யாப்ய விஹாரஜ்வலிதாங்கீம் ।
யேயம் ஸூக்ஷ்மாத்ஸூக்ஷ்மதநுஸ்தாம் ஸுகரூபாம்
கௌரீமம்பாமம்புருஹாக்ஷீமஹமீடே ॥ 5 ॥
நித்யஃ ஶுத்தோ நிஷ்கல ஏகோ ஜகதீஶஃ
ஸாக்ஷீ யஸ்யாஃ ஸர்கவிதௌ ஸம்ஹரணே ச ।
விஶ்வத்ராணக்ரீடநலோலாம் ஶிவபத்நீம்
கௌரீமம்பாமம்புருஹாக்ஷீமஹமீடே ॥ 6 ॥
யஸ்யாஃ குக்ஷௌ லீநமகண்டம் ஜகதண்டம்
பூயோ பூயஃ ப்ராதுரபூதுத்திதமேவ ।
பத்யா ஸார்தம் தாம் ரஜதாத்ரௌ விஹரந்தீம்
கௌரீமம்பாமம்புருஹாக்ஷீமஹமீடே ॥ 7 ॥
யஸ்யாமோதம் ப்ரோதமஶேஷம் மணிமாலா-
-ஸூத்ரே யத்வத்காபி சரம் சாப்யசரம் ச ।
தாமத்யாத்மஜ்ஞாநபதவ்யா கமநீயாம்
கௌரீமம்பாமம்புருஹாக்ஷீமஹமீடே ॥ 8 ॥
நாநாகாரைஃ ஶக்திகதம்பைர்புவநாநி
வ்யாப்ய ஸ்வைரம் க்ரீடதி யேயம் ஸ்வயமேகா ।
கல்யாணீம் தாம் கல்பலதாமாநதிபாஜாம்
கௌரீமம்பாமம்புருஹாக்ஷீமஹமீடே ॥ 9 ॥
ஆஶாபாஶக்லேஶவிநாஶம் விததாநாம்
பாதாம்போஜத்யாநபராணாம் புருஷாணாம் ।
ஈஶாமீஶார்தாங்கஹராம் தாமபிராமாம்
கௌரீமம்பாமம்புருஹாக்ஷீமஹமீடே ॥ 10 ॥
ப்ராதஃகாலே பாவவிஶுத்தஃ ப்ரணிதாநா-
-த்பக்த்யா நித்யம் ஜல்பதி கௌரீதஶகம் யஃ ।
வாசாம் ஸித்திம் ஸம்பதமக்ர்யாம் ஶிவபக்திம்
தஸ்யாவஶ்யம் பர்வதபுத்ரீ விததாதி ॥ 11 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ கௌரீ தஶகம் ।
Roman (IAST) Transliteration
līlālabdhasthāpitaluptākhilalokāṃ
lokātītairyogibhirantaściramṛgyām |
bālādityaśreṇisamānadyutipuñjāṃ
gaurīmambāmamburuhākṣīmahamīḍe || 1 ||
pratyāhāradhyānasamādhisthitibhājāṃ
nityaṃ citte nirvṛtikāṣṭhāṃ kalayantīm |
satyajñānānandamayīṃ tāṃ tanurūpāṃ
gaurīmambāmamburuhākṣīmahamīḍe || 2 ||
candrāpīḍānanditamandasmitavaktrāṃ
candrāpīḍālaṅkṛtanīlālakabhārām |
indropendrādyarcitapādāmbujayugmāṃ
gaurīmambāmamburuhākṣīmahamīḍe || 3 ||
ādikṣāntāmakṣaramūrtyā vilasantīṃ
bhūte bhūte bhūtakadambaprasavitrīm |
śabdabrahmānandamayīṃ tāṃ taṭidābhāṃ
gaurīmambāmamburuhākṣīmahamīḍe || 4 ||
mūlādhārādutthitavīthyā vidhirandhraṃ
sauraṃ cāndraṃ vyāpya vihārajvalitāṅgīm |
yeyaṃ sūkṣmātsūkṣmatanustāṃ sukharūpāṃ
gaurīmambāmamburuhākṣīmahamīḍe || 5 ||
nityaḥ śuddho niṣkala eko jagadīśaḥ
sākṣī yasyāḥ sargavidhau saṃharaṇe ca |
viśvatrāṇakrīḍanalolāṃ śivapatnīṃ
gaurīmambāmamburuhākṣīmahamīḍe || 6 ||
yasyāḥ kukṣau līnamakhaṇḍaṃ jagadaṇḍaṃ
bhūyo bhūyaḥ prādurabhūdutthitameva |
patyā sārdhaṃ tāṃ rajatādrau viharantīṃ
gaurīmambāmamburuhākṣīmahamīḍe || 7 ||
yasyāmotaṃ protamaśeṣaṃ maṇimālā-
-sūtre yadvatkāpi caraṃ cāpyacaraṃ ca |
tāmadhyātmajñānapadavyā gamanīyāṃ
gaurīmambāmamburuhākṣīmahamīḍe || 8 ||
nānākāraiḥ śaktikadambairbhuvanāni
vyāpya svairaṃ krīḍati yeyaṃ svayamekā |
kalyāṇīṃ tāṃ kalpalatāmānatibhājāṃ
gaurīmambāmamburuhākṣīmahamīḍe || 9 ||
āśāpāśakleśavināśaṃ vidadhānāṃ
pādāmbhojadhyānaparāṇāṃ puruṣāṇām |
īśāmīśārdhāṅgaharāṃ tāmabhirāmāṃ
gaurīmambāmamburuhākṣīmahamīḍe || 10 ||
prātaḥkāle bhāvaviśuddhaḥ praṇidhānā-
-dbhaktyā nityaṃ jalpati gaurīdaśakaṃ yaḥ |
vācāṃ siddhiṃ sampadamagryāṃ śivabhaktiṃ
tasyāvaśyaṃ parvataputrī vidadhāti || 11 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau gaurī daśakam |
Sanskrit — Devanagari (original)
लीलालब्धस्थापितलुप्ताखिललोकां
लोकातीतैर्योगिभिरन्तश्चिरमृग्याम् ।
बालादित्यश्रेणिसमानद्युतिपुञ्जां
गौरीमम्बामम्बुरुहाक्षीमहमीडे ॥ 1 ॥
प्रत्याहारध्यानसमाधिस्थितिभाजां
नित्यं चित्ते निर्वृतिकाष्ठां कलयन्तीम् ।
सत्यज्ञानानन्दमयीं तां तनुरूपां
गौरीमम्बामम्बुरुहाक्षीमहमीडे ॥ 2 ॥
चन्द्रापीडानन्दितमन्दस्मितवक्त्रां
चन्द्रापीडालङ्कृतनीलालकभाराम् ।
इन्द्रोपेन्द्राद्यर्चितपादाम्बुजयुग्मां
गौरीमम्बामम्बुरुहाक्षीमहमीडे ॥ 3 ॥
आदिक्षान्तामक्षरमूर्त्या विलसन्तीं
भूते भूते भूतकदम्बप्रसवित्रीम् ।
शब्दब्रह्मानन्दमयीं तां तटिदाभां
गौरीमम्बामम्बुरुहाक्षीमहमीडे ॥ 4 ॥
मूलाधारादुत्थितवीथ्या विधिरन्ध्रं
सौरं चान्द्रं व्याप्य विहारज्वलिताङ्गीम् ।
येयं सूक्ष्मात्सूक्ष्मतनुस्तां सुखरूपां
गौरीमम्बामम्बुरुहाक्षीमहमीडे ॥ 5 ॥
नित्यः शुद्धो निष्कल एको जगदीशः
साक्षी यस्याः सर्गविधौ संहरणे च ।
विश्वत्राणक्रीडनलोलां शिवपत्नीं
गौरीमम्बामम्बुरुहाक्षीमहमीडे ॥ 6 ॥
यस्याः कुक्षौ लीनमखण्डं जगदण्डं
भूयो भूयः प्रादुरभूदुत्थितमेव ।
पत्या सार्धं तां रजताद्रौ विहरन्तीं
गौरीमम्बामम्बुरुहाक्षीमहमीडे ॥ 7 ॥
यस्यामोतं प्रोतमशेषं मणिमाला-
-सूत्रे यद्वत्कापि चरं चाप्यचरं च ।
तामध्यात्मज्ञानपदव्या गमनीयां
गौरीमम्बामम्बुरुहाक्षीमहमीडे ॥ 8 ॥
नानाकारैः शक्तिकदम्बैर्भुवनानि
व्याप्य स्वैरं क्रीडति येयं स्वयमेका ।
कल्याणीं तां कल्पलतामानतिभाजां
गौरीमम्बामम्बुरुहाक्षीमहमीडे ॥ 9 ॥
आशापाशक्लेशविनाशं विदधानां
पादाम्भोजध्यानपराणां पुरुषाणाम् ।
ईशामीशार्धाङ्गहरां तामभिरामां
गौरीमम्बामम्बुरुहाक्षीमहमीडे ॥ 10 ॥
प्रातःकाले भावविशुद्धः प्रणिधाना-
-द्भक्त्या नित्यं जल्पति गौरीदशकं यः ।
वाचां सिद्धिं सम्पदमग्र्यां शिवभक्तिं
तस्यावश्यं पर्वतपुत्री विदधाति ॥ 11 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ गौरी दशकम् ।
līlālabdhasthāpitaluptākhilalokāṃ
lokātītairyogibhirantaściramṛgyām |
bālādityaśreṇisamānadyutipuñjāṃ
gaurīmambāmamburuhākṣīmahamīḍe || 1 ||
pratyāhāradhyānasamādhisthitibhājāṃ
nityaṃ citte nirvṛtikāṣṭhāṃ kalayantīm |
satyajñānānandamayīṃ tāṃ tanurūpāṃ
gaurīmambāmamburuhākṣīmahamīḍe || 2 ||
candrāpīḍānanditamandasmitavaktrāṃ
candrāpīḍālaṅkṛtanīlālakabhārām |
indropendrādyarcitapādāmbujayugmāṃ
gaurīmambāmamburuhākṣīmahamīḍe || 3 ||
ādikṣāntāmakṣaramūrtyā vilasantīṃ
bhūte bhūte bhūtakadambaprasavitrīm |
śabdabrahmānandamayīṃ tāṃ taṭidābhāṃ
gaurīmambāmamburuhākṣīmahamīḍe || 4 ||
mūlādhārādutthitavīthyā vidhirandhraṃ
sauraṃ cāndraṃ vyāpya vihārajvalitāṅgīm |
yeyaṃ sūkṣmātsūkṣmatanustāṃ sukharūpāṃ
gaurīmambāmamburuhākṣīmahamīḍe || 5 ||
nityaḥ śuddho niṣkala eko jagadīśaḥ
sākṣī yasyāḥ sargavidhau saṃharaṇe ca |
viśvatrāṇakrīḍanalolāṃ śivapatnīṃ
gaurīmambāmamburuhākṣīmahamīḍe || 6 ||
yasyāḥ kukṣau līnamakhaṇḍaṃ jagadaṇḍaṃ
bhūyo bhūyaḥ prādurabhūdutthitameva |
patyā sārdhaṃ tāṃ rajatādrau viharantīṃ
gaurīmambāmamburuhākṣīmahamīḍe || 7 ||
yasyāmotaṃ protamaśeṣaṃ maṇimālā-
-sūtre yadvatkāpi caraṃ cāpyacaraṃ ca |
tāmadhyātmajñānapadavyā gamanīyāṃ
gaurīmambāmamburuhākṣīmahamīḍe || 8 ||
nānākāraiḥ śaktikadambairbhuvanāni
vyāpya svairaṃ krīḍati yeyaṃ svayamekā |
kalyāṇīṃ tāṃ kalpalatāmānatibhājāṃ
gaurīmambāmamburuhākṣīmahamīḍe || 9 ||
āśāpāśakleśavināśaṃ vidadhānāṃ
pādāmbhojadhyānaparāṇāṃ puruṣāṇām |
īśāmīśārdhāṅgaharāṃ tāmabhirāmāṃ
gaurīmambāmamburuhākṣīmahamīḍe || 10 ||
prātaḥkāle bhāvaviśuddhaḥ praṇidhānā-
-dbhaktyā nityaṃ jalpati gaurīdaśakaṃ yaḥ |
vācāṃ siddhiṃ sampadamagryāṃ śivabhaktiṃ
tasyāvaśyaṃ parvataputrī vidadhāti || 11 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau gaurī daśakam |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.