ಲೀಲಾಲಬ್ಧಸ್ಥಾಪಿತಲುಪ್ತಾಖಿಲಲೋಕಾಂ
ಲೋಕಾತೀತೈರ್ಯೋಗಿಭಿರನ್ತಶ್ಚಿರಮೃಗ್ಯಾಮ್ ।
ಬಾಲಾದಿತ್ಯಶ್ರೇಣಿಸಮಾನದ್ಯುತಿಪುಞ್ಜಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 1 ॥
ಪ್ರತ್ಯಾಹಾರಧ್ಯಾನಸಮಾಧಿಸ್ಥಿತಿಭಾಜಾಂ
ನಿತ್ಯಂ ಚಿತ್ತೇ ನಿರ್ವೃತಿಕಾಷ್ಠಾಂ ಕಲಯನ್ತೀಮ್ ।
ಸತ್ಯಜ್ಞಾನಾನನ್ದಮಯೀಂ ತಾಂ ತನುರೂಪಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 2 ॥
ಚನ್ದ್ರಾಪೀಡಾನನ್ದಿತಮನ್ದಸ್ಮಿತವಕ್ತ್ರಾಂ
ಚನ್ದ್ರಾಪೀಡಾಲಙ್ಕೃತನೀಲಾಲಕಭಾರಾಮ್ ।
ಇನ್ದ್ರೋಪೇನ್ದ್ರಾದ್ಯರ್ಚಿತಪಾದಾಮ್ಬುಜಯುಗ್ಮಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 3 ॥
ಆದಿಕ್ಷಾನ್ತಾಮಕ್ಷರಮೂರ್ತ್ಯಾ ವಿಲಸನ್ತೀಂ
ಭೂತೇ ಭೂತೇ ಭೂತಕದಮ್ಬಪ್ರಸವಿತ್ರೀಮ್ ।
ಶಬ್ದಬ್ರಹ್ಮಾನನ್ದಮಯೀಂ ತಾಂ ತಟಿದಾಭಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 4 ॥
ಮೂಲಾಧಾರಾದುತ್ಥಿತವೀಥ್ಯಾ ವಿಧಿರನ್ಧ್ರಂ
ಸೌರಂ ಚಾನ್ದ್ರಂ ವ್ಯಾಪ್ಯ ವಿಹಾರಜ್ವಲಿತಾಙ್ಗೀಮ್ ।
ಯೇಯಂ ಸೂಕ್ಷ್ಮಾತ್ಸೂಕ್ಷ್ಮತನುಸ್ತಾಂ ಸುಖರೂಪಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 5 ॥
ನಿತ್ಯಃ ಶುದ್ಧೋ ನಿಷ್ಕಲ ಏಕೋ ಜಗದೀಶಃ
ಸಾಕ್ಷೀ ಯಸ್ಯಾಃ ಸರ್ಗವಿಧೌ ಸಂಹರಣೇ ಚ ।
ವಿಶ್ವತ್ರಾಣಕ್ರೀಡನಲೋಲಾಂ ಶಿವಪತ್ನೀಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 6 ॥
ಯಸ್ಯಾಃ ಕುಕ್ಷೌ ಲೀನಮಖಣ್ಡಂ ಜಗದಣ್ಡಂ
ಭೂಯೋ ಭೂಯಃ ಪ್ರಾದುರಭೂದುತ್ಥಿತಮೇವ ।
ಪತ್ಯಾ ಸಾರ್ಧಂ ತಾಂ ರಜತಾದ್ರೌ ವಿಹರನ್ತೀಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 7 ॥
ಯಸ್ಯಾಮೋತಂ ಪ್ರೋತಮಶೇಷಂ ಮಣಿಮಾಲಾ-
-ಸೂತ್ರೇ ಯದ್ವತ್ಕಾಪಿ ಚರಂ ಚಾಪ್ಯಚರಂ ಚ ।
ತಾಮಧ್ಯಾತ್ಮಜ್ಞಾನಪದವ್ಯಾ ಗಮನೀಯಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 8 ॥
ನಾನಾಕಾರೈಃ ಶಕ್ತಿಕದಮ್ಬೈರ್ಭುವನಾನಿ
ವ್ಯಾಪ್ಯ ಸ್ವೈರಂ ಕ್ರೀಡತಿ ಯೇಯಂ ಸ್ವಯಮೇಕಾ ।
ಕಲ್ಯಾಣೀಂ ತಾಂ ಕಲ್ಪಲತಾಮಾನತಿಭಾಜಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 9 ॥
ಆಶಾಪಾಶಕ್ಲೇಶವಿನಾಶಂ ವಿದಧಾನಾಂ
ಪಾದಾಮ್ಭೋಜಧ್ಯಾನಪರಾಣಾಂ ಪುರುಷಾಣಾಮ್ ।
ಈಶಾಮೀಶಾರ್ಧಾಙ್ಗಹರಾಂ ತಾಮಭಿರಾಮಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ ॥ 10 ॥
ಪ್ರಾತಃಕಾಲೇ ಭಾವವಿಶುದ್ಧಃ ಪ್ರಣಿಧಾನಾ-
-ದ್ಭಕ್ತ್ಯಾ ನಿತ್ಯಂ ಜಲ್ಪತಿ ಗೌರೀದಶಕಂ ಯಃ ।
ವಾಚಾಂ ಸಿದ್ಧಿಂ ಸಮ್ಪದಮಗ್ರ್ಯಾಂ ಶಿವಭಕ್ತಿಂ
ತಸ್ಯಾವಶ್ಯಂ ಪರ್ವತಪುತ್ರೀ ವಿದಧಾತಿ ॥ 11 ॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತೌ ಗೌರೀ ದಶಕಮ್ ।
Roman (IAST) Transliteration
līlālabdhasthāpitaluptākhilalokāṃ
lokātītairyogibhirantaściramṛgyām |
bālādityaśreṇisamānadyutipuñjāṃ
gaurīmambāmamburuhākṣīmahamīḍe || 1 ||
pratyāhāradhyānasamādhisthitibhājāṃ
nityaṃ citte nirvṛtikāṣṭhāṃ kalayantīm |
satyajñānānandamayīṃ tāṃ tanurūpāṃ
gaurīmambāmamburuhākṣīmahamīḍe || 2 ||
candrāpīḍānanditamandasmitavaktrāṃ
candrāpīḍālaṅkṛtanīlālakabhārām |
indropendrādyarcitapādāmbujayugmāṃ
gaurīmambāmamburuhākṣīmahamīḍe || 3 ||
ādikṣāntāmakṣaramūrtyā vilasantīṃ
bhūte bhūte bhūtakadambaprasavitrīm |
śabdabrahmānandamayīṃ tāṃ taṭidābhāṃ
gaurīmambāmamburuhākṣīmahamīḍe || 4 ||
mūlādhārādutthitavīthyā vidhirandhraṃ
sauraṃ cāndraṃ vyāpya vihārajvalitāṅgīm |
yeyaṃ sūkṣmātsūkṣmatanustāṃ sukharūpāṃ
gaurīmambāmamburuhākṣīmahamīḍe || 5 ||
nityaḥ śuddho niṣkala eko jagadīśaḥ
sākṣī yasyāḥ sargavidhau saṃharaṇe ca |
viśvatrāṇakrīḍanalolāṃ śivapatnīṃ
gaurīmambāmamburuhākṣīmahamīḍe || 6 ||
yasyāḥ kukṣau līnamakhaṇḍaṃ jagadaṇḍaṃ
bhūyo bhūyaḥ prādurabhūdutthitameva |
patyā sārdhaṃ tāṃ rajatādrau viharantīṃ
gaurīmambāmamburuhākṣīmahamīḍe || 7 ||
yasyāmotaṃ protamaśeṣaṃ maṇimālā-
-sūtre yadvatkāpi caraṃ cāpyacaraṃ ca |
tāmadhyātmajñānapadavyā gamanīyāṃ
gaurīmambāmamburuhākṣīmahamīḍe || 8 ||
nānākāraiḥ śaktikadambairbhuvanāni
vyāpya svairaṃ krīḍati yeyaṃ svayamekā |
kalyāṇīṃ tāṃ kalpalatāmānatibhājāṃ
gaurīmambāmamburuhākṣīmahamīḍe || 9 ||
āśāpāśakleśavināśaṃ vidadhānāṃ
pādāmbhojadhyānaparāṇāṃ puruṣāṇām |
īśāmīśārdhāṅgaharāṃ tāmabhirāmāṃ
gaurīmambāmamburuhākṣīmahamīḍe || 10 ||
prātaḥkāle bhāvaviśuddhaḥ praṇidhānā-
-dbhaktyā nityaṃ jalpati gaurīdaśakaṃ yaḥ |
vācāṃ siddhiṃ sampadamagryāṃ śivabhaktiṃ
tasyāvaśyaṃ parvataputrī vidadhāti || 11 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau gaurī daśakam |
Sanskrit — Devanagari (original)
लीलालब्धस्थापितलुप्ताखिललोकां
लोकातीतैर्योगिभिरन्तश्चिरमृग्याम् ।
बालादित्यश्रेणिसमानद्युतिपुञ्जां
गौरीमम्बामम्बुरुहाक्षीमहमीडे ॥ 1 ॥
प्रत्याहारध्यानसमाधिस्थितिभाजां
नित्यं चित्ते निर्वृतिकाष्ठां कलयन्तीम् ।
सत्यज्ञानानन्दमयीं तां तनुरूपां
गौरीमम्बामम्बुरुहाक्षीमहमीडे ॥ 2 ॥
चन्द्रापीडानन्दितमन्दस्मितवक्त्रां
चन्द्रापीडालङ्कृतनीलालकभाराम् ।
इन्द्रोपेन्द्राद्यर्चितपादाम्बुजयुग्मां
गौरीमम्बामम्बुरुहाक्षीमहमीडे ॥ 3 ॥
आदिक्षान्तामक्षरमूर्त्या विलसन्तीं
भूते भूते भूतकदम्बप्रसवित्रीम् ।
शब्दब्रह्मानन्दमयीं तां तटिदाभां
गौरीमम्बामम्बुरुहाक्षीमहमीडे ॥ 4 ॥
मूलाधारादुत्थितवीथ्या विधिरन्ध्रं
सौरं चान्द्रं व्याप्य विहारज्वलिताङ्गीम् ।
येयं सूक्ष्मात्सूक्ष्मतनुस्तां सुखरूपां
गौरीमम्बामम्बुरुहाक्षीमहमीडे ॥ 5 ॥
नित्यः शुद्धो निष्कल एको जगदीशः
साक्षी यस्याः सर्गविधौ संहरणे च ।
विश्वत्राणक्रीडनलोलां शिवपत्नीं
गौरीमम्बामम्बुरुहाक्षीमहमीडे ॥ 6 ॥
यस्याः कुक्षौ लीनमखण्डं जगदण्डं
भूयो भूयः प्रादुरभूदुत्थितमेव ।
पत्या सार्धं तां रजताद्रौ विहरन्तीं
गौरीमम्बामम्बुरुहाक्षीमहमीडे ॥ 7 ॥
यस्यामोतं प्रोतमशेषं मणिमाला-
-सूत्रे यद्वत्कापि चरं चाप्यचरं च ।
तामध्यात्मज्ञानपदव्या गमनीयां
गौरीमम्बामम्बुरुहाक्षीमहमीडे ॥ 8 ॥
नानाकारैः शक्तिकदम्बैर्भुवनानि
व्याप्य स्वैरं क्रीडति येयं स्वयमेका ।
कल्याणीं तां कल्पलतामानतिभाजां
गौरीमम्बामम्बुरुहाक्षीमहमीडे ॥ 9 ॥
आशापाशक्लेशविनाशं विदधानां
पादाम्भोजध्यानपराणां पुरुषाणाम् ।
ईशामीशार्धाङ्गहरां तामभिरामां
गौरीमम्बामम्बुरुहाक्षीमहमीडे ॥ 10 ॥
प्रातःकाले भावविशुद्धः प्रणिधाना-
-द्भक्त्या नित्यं जल्पति गौरीदशकं यः ।
वाचां सिद्धिं सम्पदमग्र्यां शिवभक्तिं
तस्यावश्यं पर्वतपुत्री विदधाति ॥ 11 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ गौरी दशकम् ।
līlālabdhasthāpitaluptākhilalokāṃ
lokātītairyogibhirantaściramṛgyām |
bālādityaśreṇisamānadyutipuñjāṃ
gaurīmambāmamburuhākṣīmahamīḍe || 1 ||
pratyāhāradhyānasamādhisthitibhājāṃ
nityaṃ citte nirvṛtikāṣṭhāṃ kalayantīm |
satyajñānānandamayīṃ tāṃ tanurūpāṃ
gaurīmambāmamburuhākṣīmahamīḍe || 2 ||
candrāpīḍānanditamandasmitavaktrāṃ
candrāpīḍālaṅkṛtanīlālakabhārām |
indropendrādyarcitapādāmbujayugmāṃ
gaurīmambāmamburuhākṣīmahamīḍe || 3 ||
ādikṣāntāmakṣaramūrtyā vilasantīṃ
bhūte bhūte bhūtakadambaprasavitrīm |
śabdabrahmānandamayīṃ tāṃ taṭidābhāṃ
gaurīmambāmamburuhākṣīmahamīḍe || 4 ||
mūlādhārādutthitavīthyā vidhirandhraṃ
sauraṃ cāndraṃ vyāpya vihārajvalitāṅgīm |
yeyaṃ sūkṣmātsūkṣmatanustāṃ sukharūpāṃ
gaurīmambāmamburuhākṣīmahamīḍe || 5 ||
nityaḥ śuddho niṣkala eko jagadīśaḥ
sākṣī yasyāḥ sargavidhau saṃharaṇe ca |
viśvatrāṇakrīḍanalolāṃ śivapatnīṃ
gaurīmambāmamburuhākṣīmahamīḍe || 6 ||
yasyāḥ kukṣau līnamakhaṇḍaṃ jagadaṇḍaṃ
bhūyo bhūyaḥ prādurabhūdutthitameva |
patyā sārdhaṃ tāṃ rajatādrau viharantīṃ
gaurīmambāmamburuhākṣīmahamīḍe || 7 ||
yasyāmotaṃ protamaśeṣaṃ maṇimālā-
-sūtre yadvatkāpi caraṃ cāpyacaraṃ ca |
tāmadhyātmajñānapadavyā gamanīyāṃ
gaurīmambāmamburuhākṣīmahamīḍe || 8 ||
nānākāraiḥ śaktikadambairbhuvanāni
vyāpya svairaṃ krīḍati yeyaṃ svayamekā |
kalyāṇīṃ tāṃ kalpalatāmānatibhājāṃ
gaurīmambāmamburuhākṣīmahamīḍe || 9 ||
āśāpāśakleśavināśaṃ vidadhānāṃ
pādāmbhojadhyānaparāṇāṃ puruṣāṇām |
īśāmīśārdhāṅgaharāṃ tāmabhirāmāṃ
gaurīmambāmamburuhākṣīmahamīḍe || 10 ||
prātaḥkāle bhāvaviśuddhaḥ praṇidhānā-
-dbhaktyā nityaṃ jalpati gaurīdaśakaṃ yaḥ |
vācāṃ siddhiṃ sampadamagryāṃ śivabhaktiṃ
tasyāvaśyaṃ parvataputrī vidadhāti || 11 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau gaurī daśakam |
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.