Chandra Ashtottara Shata Nama Stotram — Tamil Script

ஶ்ரீமாந் ஶஶதரஶ்சந்த்ரோ தாராதீஶோ நிஶாகரஃ ।

ஸுதாநிதிஃ ஸதாராத்யஃ ஸத்பதிஃ ஸாதுபூஜிதஃ ॥ 1 ॥

ஜிதேந்த்ரியோ ஜகத்யோநிஃ ஜ்யோதிஶ்சக்ரப்ரவர்தகஃ ।

விகர்தநாநுஜோ வீரோ விஶ்வேஶோ விதுஷாம் பதிஃ ॥ 2 ॥

தோஷாகரோ துஷ்டதூரஃ புஷ்டிமாந் ஶிஷ்டபாலகஃ ।

அஷ்டமூர்திப்ரியோऽநந்தகஷ்டதாருகுடாரகஃ ॥ 3 ॥

ஸ்வப்ரகாஶஃ ப்ரகாஶாத்மா த்யுசரோ தேவபோஜநஃ ।

கலாதரஃ காலஹேதுஃ காமக்ரு'த்காமதாயகஃ ॥ 4 ॥

ம்ரு'த்யுஸம்ஹாரகோऽமர்த்யோ நித்யாநுஷ்டாநதாயகஃ ।

க்ஷபாகரஃ க்ஷீணபாபஃ க்ஷயவ்ரு'த்திஸமந்விதஃ ॥ 5 ॥

ஜைவாத்ரு'கஃ ஶுசீ ஶுப்ரோ ஜயீ ஜயபலப்ரதஃ ।

ஸுதாமயஃ ஸுரஸ்வாமீ பக்தநாமிஷ்டதாயகஃ ॥ 6 ॥

புக்திதோ முக்திதோ பத்ரோ பக்ததாரித்ர்யபஞ்ஜகஃ ।

ஸாமகாநப்ரியஃ ஸர்வரக்ஷகஃ ஸாகரோத்பவஃ ॥ 7 ॥

பயாந்தக்ரு'த்பக்திகம்யோ பவபந்தவிமோசகஃ ।

ஜகத்ப்ரகாஶகிரணோ ஜகதாநந்தகாரணஃ ॥ 8 ॥

நிஸ்ஸபத்நோ நிராஹாரோ நிர்விகாரோ நிராமயஃ ।

பூச்சாயாऽऽச்சாதிதோ பவ்யோ புவநப்ரதிபாலகஃ ॥ 9 ॥

ஸகலார்திஹரஃ ஸௌம்யஜநகஃ ஸாதுவந்திதஃ ।

ஸர்வாகமஜ்ஞஃ ஸர்வஜ்ஞோ ஸநகாதிமுநிஸ்துதஃ ॥ 10 ॥

ஸிதச்சத்ரத்வஜோபேதஃ ஸிதாங்கோ ஸிதபூஷணஃ ।

ஶ்வேதமால்யாம்பரதரஃ ஶ்வேதகந்தாநுலேபநஃ ॥ 11 ॥

தஶாஶ்வரதஸம்ரூடோ தண்டபாணிஃ தநுர்தரஃ ।

குந்தபுஷ்போஜ்ஜ்வலாகாரோ நயநாப்ஜஸமுத்பவஃ ॥ 12 ॥

ஆத்ரேயகோத்ரஜோऽத்யந்தவிநயஃ ப்ரியதாயகஃ ।

கருணாரஸஸம்பூர்ணஃ கர்கடப்ரபுரவ்யயஃ ॥ 13 ॥

சதுரஶ்ராஸநாரூடஶ்சதுரோ திவ்யவாஹநஃ ।

விவஸ்வந்மண்டலாக்நேயவாஸோ வஸுஸம்ரு'த்திதஃ ॥ 14 ॥

மஹேஶ்வரப்ரியோ தாந்தஃ மேருகோத்ரப்ரதக்ஷிணஃ ।

க்ரஹமண்டலமத்யஸ்தோ க்ரஸிதார்கோ க்ரஹாதிபஃ ॥ 15 ॥

த்விஜராஜோ த்யுதிலகோ த்விபுஜோ த்விஜபூஜிதஃ ।

ஔதும்பரநகாவாஸ உதாரோ ரோஹிணீபதிஃ ॥ 16 ॥

நித்யோதயோ முநிஸ்துத்யோ நித்யாநந்தபலப்ரதஃ ।

ஸகலாஹ்லாதநகரஃ பலாஶஸமிதப்ரியஃ ॥ 17 ॥

ஏவம் நக்ஷத்ரநாதஸ்ய நாம்நாமஷ்டோத்தரம் ஶதம் ॥

இதி ஶ்ரீ சந்த்ர அஷ்டோத்தரஶதநாம ஸ்தோத்ரம் ।

Roman (IAST) Transliteration

śrīmān śaśadharaścandro tārādhīśo niśākaraḥ |

sudhānidhiḥ sadārādhyaḥ satpatiḥ sādhupūjitaḥ || 1 ||

jitendriyo jagadyoniḥ jyotiścakrapravartakaḥ |

vikartanānujo vīro viśveśo viduṣāṃ patiḥ || 2 ||

doṣākaro duṣṭadūraḥ puṣṭimān śiṣṭapālakaḥ |

aṣṭamūrtipriyo'nantakaṣṭadārukuṭhārakaḥ || 3 ||

svaprakāśaḥ prakāśātmā dyucaro devabhojanaḥ |

kalādharaḥ kālahetuḥ kāmakṛtkāmadāyakaḥ || 4 ||

mṛtyusaṃhārako'martyo nityānuṣṭhānadāyakaḥ |

kṣapākaraḥ kṣīṇapāpaḥ kṣayavṛddhisamanvitaḥ || 5 ||

jaivātṛkaḥ śucī śubhro jayī jayaphalapradaḥ |

sudhāmayaḥ surasvāmī bhaktanāmiṣṭadāyakaḥ || 6 ||

bhuktido muktido bhadro bhaktadāridryabhañjakaḥ |

sāmagānapriyaḥ sarvarakṣakaḥ sāgarodbhavaḥ || 7 ||

bhayāntakṛdbhaktigamyo bhavabandhavimocakaḥ |

jagatprakāśakiraṇo jagadānandakāraṇaḥ || 8 ||

nissapatno nirāhāro nirvikāro nirāmayaḥ |

bhūcchāyā''cchādito bhavyo bhuvanapratipālakaḥ || 9 ||

sakalārtiharaḥ saumyajanakaḥ sādhuvanditaḥ |

sarvāgamajñaḥ sarvajño sanakādimunistutaḥ || 10 ||

sitacchatradhvajopetaḥ sitāṅgo sitabhūṣaṇaḥ |

śvetamālyāmbaradharaḥ śvetagandhānulepanaḥ || 11 ||

daśāśvarathasaṃrūḍho daṇḍapāṇiḥ dhanurdharaḥ |

kundapuṣpojjvalākāro nayanābjasamudbhavaḥ || 12 ||

ātreyagotrajo'tyantavinayaḥ priyadāyakaḥ |

karuṇārasasampūrṇaḥ karkaṭaprabhuravyayaḥ || 13 ||

caturaśrāsanārūḍhaścaturo divyavāhanaḥ |

vivasvanmaṇḍalāgneyavāso vasusamṛddhidaḥ || 14 ||

maheśvarapriyo dāntaḥ merugotrapradakṣiṇaḥ |

grahamaṇḍalamadhyastho grasitārko grahādhipaḥ || 15 ||

dvijarājo dyutilako dvibhujo dvijapūjitaḥ |

audumbaranagāvāsa udāro rohiṇīpatiḥ || 16 ||

nityodayo munistutyo nityānandaphalapradaḥ |

sakalāhlādanakaraḥ palāśasamidhapriyaḥ || 17 ||

evaṃ nakṣatranāthasya nāmnāmaṣṭottaraṃ śatam ||

iti śrī candra aṣṭottaraśatanāma stotram |

Sanskrit — Devanagari (original)

श्रीमान् शशधरश्चन्द्रो ताराधीशो निशाकरः ।

सुधानिधिः सदाराध्यः सत्पतिः साधुपूजितः ॥ 1 ॥

जितेन्द्रियो जगद्योनिः ज्योतिश्चक्रप्रवर्तकः ।

विकर्तनानुजो वीरो विश्वेशो विदुषां पतिः ॥ 2 ॥

दोषाकरो दुष्टदूरः पुष्टिमान् शिष्टपालकः ।

अष्टमूर्तिप्रियोऽनन्तकष्टदारुकुठारकः ॥ 3 ॥

स्वप्रकाशः प्रकाशात्मा द्युचरो देवभोजनः ।

कलाधरः कालहेतुः कामकृत्कामदायकः ॥ 4 ॥

मृत्युसंहारकोऽमर्त्यो नित्यानुष्ठानदायकः ।

क्षपाकरः क्षीणपापः क्षयवृद्धिसमन्वितः ॥ 5 ॥

जैवातृकः शुची शुभ्रो जयी जयफलप्रदः ।

सुधामयः सुरस्वामी भक्तनामिष्टदायकः ॥ 6 ॥

भुक्तिदो मुक्तिदो भद्रो भक्तदारिद्र्यभञ्जकः ।

सामगानप्रियः सर्वरक्षकः सागरोद्भवः ॥ 7 ॥

भयान्तकृद्भक्तिगम्यो भवबन्धविमोचकः ।

जगत्प्रकाशकिरणो जगदानन्दकारणः ॥ 8 ॥

निस्सपत्नो निराहारो निर्विकारो निरामयः ।

भूच्छायाऽऽच्छादितो भव्यो भुवनप्रतिपालकः ॥ 9 ॥

सकलार्तिहरः सौम्यजनकः साधुवन्दितः ।

सर्वागमज्ञः सर्वज्ञो सनकादिमुनिस्तुतः ॥ 10 ॥

सितच्छत्रध्वजोपेतः सिताङ्गो सितभूषणः ।

श्वेतमाल्याम्बरधरः श्वेतगन्धानुलेपनः ॥ 11 ॥

दशाश्वरथसंरूढो दण्डपाणिः धनुर्धरः ।

कुन्दपुष्पोज्ज्वलाकारो नयनाब्जसमुद्भवः ॥ 12 ॥

आत्रेयगोत्रजोऽत्यन्तविनयः प्रियदायकः ।

करुणारससम्पूर्णः कर्कटप्रभुरव्ययः ॥ 13 ॥

चतुरश्रासनारूढश्चतुरो दिव्यवाहनः ।

विवस्वन्मण्डलाग्नेयवासो वसुसमृद्धिदः ॥ 14 ॥

महेश्वरप्रियो दान्तः मेरुगोत्रप्रदक्षिणः ।

ग्रहमण्डलमध्यस्थो ग्रसितार्को ग्रहाधिपः ॥ 15 ॥

द्विजराजो द्युतिलको द्विभुजो द्विजपूजितः ।

औदुम्बरनगावास उदारो रोहिणीपतिः ॥ 16 ॥

नित्योदयो मुनिस्तुत्यो नित्यानन्दफलप्रदः ।

सकलाह्लादनकरः पलाशसमिधप्रियः ॥ 17 ॥

एवं नक्षत्रनाथस्य नाम्नामष्टोत्तरं शतम् ॥

इति श्री चन्द्र अष्टोत्तरशतनाम स्तोत्रम् ।