அர்ஜுந உவாச ।
நமஸ்தே ஸித்தஸேநாநி ஆர்யே மந்தரவாஸிநி ।
குமாரி காலி காபாலி கபிலே க்ரு'ஷ்ணபிங்கலே ॥ 1 ॥
பத்ரகாலி நமஸ்துப்யம் மஹாகாலி நமோऽஸ்து தே ।
சண்டி சண்டே நமஸ்துப்யம் தாரிணி வரவர்ணிநி ॥ 2 ॥
காத்யாயநி மஹாபாகே கராலி விஜயே ஜயே ।
ஶிகிபிஞ்சத்வஜதரே நாநாபரணபூஷிதே ॥ 3 ॥
அட்டஶூலப்ரஹரணே கட்ககேடகதாரிணி ।
கோபேந்த்ரஸ்யாநுஜே ஜ்யேஷ்டே நந்தகோபகுலோத்பவே ॥ 4 ॥
மஹிஷாஸ்ரு'க்ப்ரியே நித்யம் கௌஶிகி பீதவாஸிநி ।
அட்டஹாஸே கோகமுகே நமஸ்தேऽஸ்து ரணப்ரியே ॥ 5 ॥
உமே ஶாகம்பரி ஶ்வேதே க்ரு'ஷ்ணே கைடபநாஶிநி ।
ஹிரண்யாக்ஷி விரூபாக்ஷி ஸுதூம்ராக்ஷி நமோऽஸ்து தே ॥ 6 ॥
வேதஶ்ருதிமஹாபுண்யே ப்ரஹ்மண்யே ஜாதவேதஸி ।
ஜம்பூகடகசைத்யேஷு நித்யம் ஸந்நிஹிதாலயே ॥ 7 ॥
த்வம் ப்ரஹ்மவித்யா வித்யாநாம் மஹாநித்ரா ச தேஹிநாம் ।
ஸ்கந்தமாதர்பகவதி துர்கே காந்தாரவாஸிநி ॥ 8 ॥
ஸ்வாஹாகாரஃ ஸ்வதா சைவ கலா காஷ்டா ஸரஸ்வதீ ।
ஸாவித்ரீ வேதமாதா ச ததா வேதாந்த உச்யதே ॥ 9 ॥
காந்தாரபயதுர்கேஷு பக்தாநாம் சாலயேஷு ச ।
நித்யம் வஸஸி பாதாலே யுத்தே ஜயஸி தாநவாந் ॥ 10 ॥
த்வம் ஜம்பநீ மோஹிநீ ச மாயா ஹ்ரீஃ ஶ்ரீஸ்ததைவ ச ।
ஸந்த்யா ப்ரபாவதீ சைவ ஸாவித்ரீ ஜநநீ ததா ॥ 11 ॥
துஷ்டிஃ புஷ்டிர்த்ரு'திர்தீப்திஶ்சந்த்ராதித்யவிவர்திநீ ।
பூதிர்பூதிமதாம் ஸங்க்யே வீக்ஷ்யஸே ஸித்தசாரணைஃ ॥ 12 ॥
ஸ்துதாஸி த்வம் மஹாதேவி விஶுத்தேநாந்தராத்மநா ।
ஜயோ பவது மே நித்யம் த்வத்ப்ரஸாதாத்ரணாஜிரே ॥ 13 ॥
இதி ஶ்ரீமந்மஹாபாரதே பீஷ்மபர்வணி த்ரயோவிம்ஶோऽத்யாயே அர்ஜுந க்ரு'த ஶ்ரீ துர்கா ஸ்தோத்ரம் ।
Roman (IAST) Transliteration
arjuna uvāca |
namaste siddhasenāni ārye mandaravāsini |
kumāri kāli kāpāli kapile kṛṣṇapiṅgale || 1 ||
bhadrakāli namastubhyaṃ mahākāli namo'stu te |
caṇḍi caṇḍe namastubhyaṃ tāriṇi varavarṇini || 2 ||
kātyāyani mahābhāge karāli vijaye jaye |
śikhipiñchadhvajadhare nānābharaṇabhūṣite || 3 ||
aṭṭaśūlapraharaṇe khaḍgakheṭakadhāriṇi |
gopendrasyānuje jyeṣṭhe nandagopakulodbhave || 4 ||
mahiṣāsṛkpriye nityaṃ kauśiki pītavāsini |
aṭṭahāse kokamukhe namaste'stu raṇapriye || 5 ||
ume śākambhari śvete kṛṣṇe kaiṭabhanāśini |
hiraṇyākṣi virūpākṣi sudhūmrākṣi namo'stu te || 6 ||
vedaśrutimahāpuṇye brahmaṇye jātavedasi |
jambūkaṭakacaityeṣu nityaṃ sannihitālaye || 7 ||
tvaṃ brahmavidyā vidyānāṃ mahānidrā ca dehinām |
skandamātarbhagavati durge kāntāravāsini || 8 ||
svāhākāraḥ svadhā caiva kalā kāṣṭhā sarasvatī |
sāvitrī vedamātā ca tathā vedānta ucyate || 9 ||
kāntārabhayadurgeṣu bhaktānāṃ cālayeṣu ca |
nityaṃ vasasi pātāle yuddhe jayasi dānavān || 10 ||
tvaṃ jambhanī mohinī ca māyā hrīḥ śrīstathaiva ca |
sandhyā prabhāvatī caiva sāvitrī jananī tathā || 11 ||
tuṣṭiḥ puṣṭirdhṛtirdīptiścandrādityavivardhinī |
bhūtirbhūtimatāṃ saṅkhye vīkṣyase siddhacāraṇaiḥ || 12 ||
stutāsi tvaṃ mahādevi viśuddhenāntarātmanā |
jayo bhavatu me nityaṃ tvatprasādādraṇājire || 13 ||
iti śrīmanmahābhārate bhīṣmaparvaṇi trayoviṃśo'dhyāye arjuna kṛta śrī durgā stotram |
Sanskrit — Devanagari (original)
अर्जुन उवाच ।
नमस्ते सिद्धसेनानि आर्ये मन्दरवासिनि ।
कुमारि कालि कापालि कपिले कृष्णपिङ्गले ॥ 1 ॥
भद्रकालि नमस्तुभ्यं महाकालि नमोऽस्तु ते ।
चण्डि चण्डे नमस्तुभ्यं तारिणि वरवर्णिनि ॥ 2 ॥
कात्यायनि महाभागे करालि विजये जये ।
शिखिपिञ्छध्वजधरे नानाभरणभूषिते ॥ 3 ॥
अट्टशूलप्रहरणे खड्गखेटकधारिणि ।
गोपेन्द्रस्यानुजे ज्येष्ठे नन्दगोपकुलोद्भवे ॥ 4 ॥
महिषासृक्प्रिये नित्यं कौशिकि पीतवासिनि ।
अट्टहासे कोकमुखे नमस्तेऽस्तु रणप्रिये ॥ 5 ॥
उमे शाकम्भरि श्वेते कृष्णे कैटभनाशिनि ।
हिरण्याक्षि विरूपाक्षि सुधूम्राक्षि नमोऽस्तु ते ॥ 6 ॥
वेदश्रुतिमहापुण्ये ब्रह्मण्ये जातवेदसि ।
जम्बूकटकचैत्येषु नित्यं सन्निहितालये ॥ 7 ॥
त्वं ब्रह्मविद्या विद्यानां महानिद्रा च देहिनाम् ।
स्कन्दमातर्भगवति दुर्गे कान्तारवासिनि ॥ 8 ॥
स्वाहाकारः स्वधा चैव कला काष्ठा सरस्वती ।
सावित्री वेदमाता च तथा वेदान्त उच्यते ॥ 9 ॥
कान्तारभयदुर्गेषु भक्तानां चालयेषु च ।
नित्यं वससि पाताले युद्धे जयसि दानवान् ॥ 10 ॥
त्वं जम्भनी मोहिनी च माया ह्रीः श्रीस्तथैव च ।
सन्ध्या प्रभावती चैव सावित्री जननी तथा ॥ 11 ॥
तुष्टिः पुष्टिर्धृतिर्दीप्तिश्चन्द्रादित्यविवर्धिनी ।
भूतिर्भूतिमतां सङ्ख्ये वीक्ष्यसे सिद्धचारणैः ॥ 12 ॥
स्तुतासि त्वं महादेवि विशुद्धेनान्तरात्मना ।
जयो भवतु मे नित्यं त्वत्प्रसादाद्रणाजिरे ॥ 13 ॥
इति श्रीमन्महाभारते भीष्मपर्वणि त्रयोविंशोऽध्याये अर्जुन कृत श्री दुर्गा स्तोत्रम् ।
arjuna uvāca |
namaste siddhasenāni ārye mandaravāsini |
kumāri kāli kāpāli kapile kṛṣṇapiṅgale || 1 ||
bhadrakāli namastubhyaṃ mahākāli namo'stu te |
caṇḍi caṇḍe namastubhyaṃ tāriṇi varavarṇini || 2 ||
kātyāyani mahābhāge karāli vijaye jaye |
śikhipiñchadhvajadhare nānābharaṇabhūṣite || 3 ||
aṭṭaśūlapraharaṇe khaḍgakheṭakadhāriṇi |
gopendrasyānuje jyeṣṭhe nandagopakulodbhave || 4 ||
mahiṣāsṛkpriye nityaṃ kauśiki pītavāsini |
aṭṭahāse kokamukhe namaste'stu raṇapriye || 5 ||
ume śākambhari śvete kṛṣṇe kaiṭabhanāśini |
hiraṇyākṣi virūpākṣi sudhūmrākṣi namo'stu te || 6 ||
vedaśrutimahāpuṇye brahmaṇye jātavedasi |
jambūkaṭakacaityeṣu nityaṃ sannihitālaye || 7 ||
tvaṃ brahmavidyā vidyānāṃ mahānidrā ca dehinām |
skandamātarbhagavati durge kāntāravāsini || 8 ||
svāhākāraḥ svadhā caiva kalā kāṣṭhā sarasvatī |
sāvitrī vedamātā ca tathā vedānta ucyate || 9 ||
kāntārabhayadurgeṣu bhaktānāṃ cālayeṣu ca |
nityaṃ vasasi pātāle yuddhe jayasi dānavān || 10 ||
tvaṃ jambhanī mohinī ca māyā hrīḥ śrīstathaiva ca |
sandhyā prabhāvatī caiva sāvitrī jananī tathā || 11 ||
tuṣṭiḥ puṣṭirdhṛtirdīptiścandrādityavivardhinī |
bhūtirbhūtimatāṃ saṅkhye vīkṣyase siddhacāraṇaiḥ || 12 ||
stutāsi tvaṃ mahādevi viśuddhenāntarātmanā |
jayo bhavatu me nityaṃ tvatprasādādraṇājire || 13 ||
iti śrīmanmahābhārate bhīṣmaparvaṇi trayoviṃśo'dhyāye arjuna kṛta śrī durgā stotram |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.