හේ ස්වාමිනාථ කරුණාකර දීනබන්ධෝ,
ශ්රීපාර්වතීශමුඛපඞ්කජ පද්මබන්ධෝ .
ශ්රීශාදිදේවගණපූජිතපාදපද්ම,
වල්ලීසනාථ මම දේහි කරාවලම්බම් .. 1 ..
දේවාදිදේවනුත දේවගණාධිනාථ,
දේවේන්ද්රවන්ද්ය මෘදුපඞ්කජමඤ්ජුපාද .
දේවර්ෂිනාරදමුනීන්ද්රසුගීතකීර්තේ,
වල්ලීසනාථ මම දේහි කරාවලම්බම් .. 2 ..
නිත්යාන්නදාන නිරතාඛිල රෝගහාරින්,
තස්මාත්ප්රදාන පරිපූරිතභක්තකාම .
ශෘත්යාගමප්රණවවාච්යනිජස්වරූප,
වල්ලීසනාථ මම දේහි කරාවලම්බම් .. 3 ..
ක්රෞඤ්චාසුරේන්ද්ර පරිඛණ්ඩන ශක්තිශූල,
පාශාදිශස්ත්රපරිමණ්ඩිතදිව්යපාණේ .
ශ්රීකුණ්ඩලීශ ධෘතතුණ්ඩ ශිඛීන්ද්රවාහ,
වල්ලීසනාථ මම දේහි කරාවලම්බම් .. 4 ..
දේවාදිදේව රථමණ්ඩල මධ්ය වේද්ය,
දේවේන්ද්ර පීඨනගරං දෘඪචාපහස්තම් .
ශූරං නිහත්ය සුරකෝටිභිරීඩ්යමාන,
වල්ලීසනාථ මම දේහි කරාවලම්බම් .. 5 ..
හාරාදිරත්නමණියුක්තකිරීටහාර,
කේයූරකුණ්ඩලලසත්කවචාභිරාම .
හේ වීර තාරක ජයා(අ)මරබෘන්දවන්ද්ය,
වල්ලීසනාථ මම දේහි කරාවලම්බම් .. 6 ..
පඤ්චාක්ෂරාදිමනුමන්ත්රිත ගාඞ්ගතෝයෛඃ,
පඤ්චාමෘතෛඃ ප්රමුදිතේන්ද්රමුඛෛර්මුනීන්ද්රෛඃ .
පට්ටාභිෂික්ත හරියුක්ත පරාසනාථ,
වල්ලීසනාථ මම දේහි කරාවලම්බම් .. 7 ..
ශ්රීකාර්තිකේය කරුණාමෘතපූර්ණදෘෂ්ට්යා,
කාමාදිරෝගකලුෂීකෘතදුෂ්ටචිත්තම් .
භක්ත්වා තු මාමවකලාධර කාන්තිකාන්ත්යා,
වල්ලීසනාථ මම දේහි කරාවලම්බම් .. 8 ..
සුබ්රහ්මණ්ය කරාවලම්බං පුණ්යං යේ පඨන්ති ද්විජෝත්තමාඃ .
තේ සර්වේ මුක්ති මායාන්ති සුබ්රහ්මණ්ය ප්රසාදතඃ .
සුබ්රහ්මණ්ය කරාවලම්බමිදං ප්රාතරුත්ථාය යඃ පඨේත් .
කෝටිජන්මකෘතං පාපං තත්ක්ෂණාදේව නශ්යති ..
Roman (IAST) Transliteration
he svāminātha karuṇākara dīnabandho,
śrīpārvatīśamukhapaṅkaja padmabandho |
śrīśādidevagaṇapūjitapādapadma,
vallīsanātha mama dehi karāvalambam || 1 ||
devādidevanuta devagaṇādhinātha,
devendravandya mṛdupaṅkajamañjupāda |
devarṣināradamunīndrasugītakīrte,
vallīsanātha mama dehi karāvalambam || 2 ||
nityānnadāna niratākhila rogahārin,
tasmātpradāna paripūritabhaktakāma |
śṛtyāgamapraṇavavācyanijasvarūpa,
vallīsanātha mama dehi karāvalambam || 3 ||
krauñcāsurendra parikhaṇḍana śaktiśūla,
pāśādiśastraparimaṇḍitadivyapāṇe |
śrīkuṇḍalīśa dhṛtatuṇḍa śikhīndravāha,
vallīsanātha mama dehi karāvalambam || 4 ||
devādideva rathamaṇḍala madhya vedya,
devendra pīṭhanagaraṃ dṛḍhacāpahastam |
śūraṃ nihatya surakoṭibhirīḍyamāna,
vallīsanātha mama dehi karāvalambam || 5 ||
hārādiratnamaṇiyuktakirīṭahāra,
keyūrakuṇḍalalasatkavacābhirāma |
he vīra tāraka jayā'marabṛndavandya,
vallīsanātha mama dehi karāvalambam || 6 ||
pañcākṣarādimanumantrita gāṅgatoyaiḥ,
pañcāmṛtaiḥ pramuditendramukhairmunīndraiḥ |
paṭṭābhiṣikta hariyukta parāsanātha,
vallīsanātha mama dehi karāvalambam || 7 ||
śrīkārtikeya karuṇāmṛtapūrṇadṛṣṭyā,
kāmādirogakaluṣīkṛtaduṣṭacittam |
bhaktvā tu māmavakalādhara kāntikāntyā,
vallīsanātha mama dehi karāvalambam || 8 ||
subrahmaṇya karāvalambaṃ puṇyaṃ ye paṭhanti dvijottamāḥ |
te sarve mukti māyānti subrahmaṇya prasādataḥ |
subrahmaṇya karāvalambamidaṃ prātarutthāya yaḥ paṭhet |
koṭijanmakṛtaṃ pāpaṃ tatkṣaṇādeva naśyati ||
Sanskrit — Devanagari (original)
हे स्वामिनाथ करुणाकर दीनबन्धो,
श्रीपार्वतीशमुखपङ्कज पद्मबन्धो ।
श्रीशादिदेवगणपूजितपादपद्म,
वल्लीसनाथ मम देहि करावलम्बम् ॥ 1 ॥
देवादिदेवनुत देवगणाधिनाथ,
देवेन्द्रवन्द्य मृदुपङ्कजमञ्जुपाद ।
देवर्षिनारदमुनीन्द्रसुगीतकीर्ते,
वल्लीसनाथ मम देहि करावलम्बम् ॥ 2 ॥
नित्यान्नदान निरताखिल रोगहारिन्,
तस्मात्प्रदान परिपूरितभक्तकाम ।
शृत्यागमप्रणववाच्यनिजस्वरूप,
वल्लीसनाथ मम देहि करावलम्बम् ॥ 3 ॥
क्रौञ्चासुरेन्द्र परिखण्डन शक्तिशूल,
पाशादिशस्त्रपरिमण्डितदिव्यपाणे ।
श्रीकुण्डलीश धृततुण्ड शिखीन्द्रवाह,
वल्लीसनाथ मम देहि करावलम्बम् ॥ 4 ॥
देवादिदेव रथमण्डल मध्य वेद्य,
देवेन्द्र पीठनगरं दृढचापहस्तम् ।
शूरं निहत्य सुरकोटिभिरीड्यमान,
वल्लीसनाथ मम देहि करावलम्बम् ॥ 5 ॥
हारादिरत्नमणियुक्तकिरीटहार,
केयूरकुण्डललसत्कवचाभिराम ।
हे वीर तारक जयाऽमरबृन्दवन्द्य,
वल्लीसनाथ मम देहि करावलम्बम् ॥ 6 ॥
पञ्चाक्षरादिमनुमन्त्रित गाङ्गतोयैः,
पञ्चामृतैः प्रमुदितेन्द्रमुखैर्मुनीन्द्रैः ।
पट्टाभिषिक्त हरियुक्त परासनाथ,
वल्लीसनाथ मम देहि करावलम्बम् ॥ 7 ॥
श्रीकार्तिकेय करुणामृतपूर्णदृष्ट्या,
कामादिरोगकलुषीकृतदुष्टचित्तम् ।
भक्त्वा तु मामवकलाधर कान्तिकान्त्या,
वल्लीसनाथ मम देहि करावलम्बम् ॥ 8 ॥
सुब्रह्मण्य करावलम्बं पुण्यं ये पठन्ति द्विजोत्तमाः ।
ते सर्वे मुक्ति मायान्ति सुब्रह्मण्य प्रसादतः ।
सुब्रह्मण्य करावलम्बमिदं प्रातरुत्थाय यः पठेत् ।
कोटिजन्मकृतं पापं तत्क्षणादेव नश्यति ॥
he svāminātha karuṇākara dīnabandho,
śrīpārvatīśamukhapaṅkaja padmabandho |
śrīśādidevagaṇapūjitapādapadma,
vallīsanātha mama dehi karāvalambam || 1 ||
devādidevanuta devagaṇādhinātha,
devendravandya mṛdupaṅkajamañjupāda |
devarṣināradamunīndrasugītakīrte,
vallīsanātha mama dehi karāvalambam || 2 ||
nityānnadāna niratākhila rogahārin,
tasmātpradāna paripūritabhaktakāma |
śṛtyāgamapraṇavavācyanijasvarūpa,
vallīsanātha mama dehi karāvalambam || 3 ||
krauñcāsurendra parikhaṇḍana śaktiśūla,
pāśādiśastraparimaṇḍitadivyapāṇe |
śrīkuṇḍalīśa dhṛtatuṇḍa śikhīndravāha,
vallīsanātha mama dehi karāvalambam || 4 ||
devādideva rathamaṇḍala madhya vedya,
devendra pīṭhanagaraṃ dṛḍhacāpahastam |
śūraṃ nihatya surakoṭibhirīḍyamāna,
vallīsanātha mama dehi karāvalambam || 5 ||
hārādiratnamaṇiyuktakirīṭahāra,
keyūrakuṇḍalalasatkavacābhirāma |
he vīra tāraka jayā'marabṛndavandya,
vallīsanātha mama dehi karāvalambam || 6 ||
pañcākṣarādimanumantrita gāṅgatoyaiḥ,
pañcāmṛtaiḥ pramuditendramukhairmunīndraiḥ |
paṭṭābhiṣikta hariyukta parāsanātha,
vallīsanātha mama dehi karāvalambam || 7 ||
śrīkārtikeya karuṇāmṛtapūrṇadṛṣṭyā,
kāmādirogakaluṣīkṛtaduṣṭacittam |
bhaktvā tu māmavakalādhara kāntikāntyā,
vallīsanātha mama dehi karāvalambam || 8 ||
subrahmaṇya karāvalambaṃ puṇyaṃ ye paṭhanti dvijottamāḥ |
te sarve mukti māyānti subrahmaṇya prasādataḥ |
subrahmaṇya karāvalambamidaṃ prātarutthāya yaḥ paṭhet |
koṭijanmakṛtaṃ pāpaṃ tatkṣaṇādeva naśyati ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.