Pratahsmarana Stotram — Sinhala Script

ප්රාතඃ ස්මරාමි හෘදි සංස්ඵුරදාත්මතත්ත්වං

සච්චිත්සුඛං පරමහංසගතිං තුරීයම් .

යත්ස්වප්නජාගරසුෂුප්තමවෛති නිත්යං

තද්බ්රහ්ම නිෂ්කලමහං න ච භූතසඞ්ඝඃ .. 1 ..

ප්රාතර්භජාමි මනසාං වචසාමගම්යං

වාචෝ විභාන්ති නිඛිලා යදනුග්රහේණ .

යන්නේතිනේති වචනෛර්නිගමා අවෝචුඃ

තං දේවදේවමජමච්යුතමාහුරග්ර්යම් .. 2 ..

ප්රාතර්නමාමි තමසඃ පරමර්කවර්ණං

පූර්ණං සනාතනපදං පුරුෂෝත්තමාඛ්යම් .

යස්මින්නිදං ජගදශේෂමශේෂමූර්තෞ

රජ්ජ්වාං භුජඞ්ගම ඉව ප්රතිභාසිතං වෛ .. 3 ..

ශ්ලෝකත්රයමිදං පුණ්යං ලෝකත්රයවිභූෂණම්

ප්රාතඃ කාලේ පඨේද්යස්තු ස ගච්ඡේත්පරමං පදම් ..

Roman (IAST) Transliteration

prātaḥ smarāmi hṛdi saṃsphuradātmatattvaṃ

saccitsukhaṃ paramahaṃsagatiṃ turīyam |

yatsvapnajāgarasuṣuptamavaiti nityaṃ

tadbrahma niṣkalamahaṃ na ca bhūtasaṅghaḥ || 1 ||

prātarbhajāmi manasāṃ vacasāmagamyaṃ

vāco vibhānti nikhilā yadanugraheṇa |

yannetineti vacanairnigamā avocuḥ

taṃ devadevamajamacyutamāhuragryam || 2 ||

prātarnamāmi tamasaḥ paramarkavarṇaṃ

pūrṇaṃ sanātanapadaṃ puruṣottamākhyam |

yasminnidaṃ jagadaśeṣamaśeṣamūrtau

rajjvāṃ bhujaṅgama iva pratibhāsitaṃ vai || 3 ||

ślokatrayamidaṃ puṇyaṃ lokatrayavibhūṣaṇam

prātaḥ kāle paṭhedyastu sa gacchetparamaṃ padam ||

Sanskrit — Devanagari (original)

प्रातः स्मरामि हृदि संस्फुरदात्मतत्त्वं

सच्चित्सुखं परमहंसगतिं तुरीयम् ।

यत्स्वप्नजागरसुषुप्तमवैति नित्यं

तद्ब्रह्म निष्कलमहं न च भूतसङ्घः ॥ 1 ॥

प्रातर्भजामि मनसां वचसामगम्यं

वाचो विभान्ति निखिला यदनुग्रहेण ।

यन्नेतिनेति वचनैर्निगमा अवोचुः

तं देवदेवमजमच्युतमाहुरग्र्यम् ॥ 2 ॥

प्रातर्नमामि तमसः परमर्कवर्णं

पूर्णं सनातनपदं पुरुषोत्तमाख्यम् ।

यस्मिन्निदं जगदशेषमशेषमूर्तौ

रज्ज्वां भुजङ्गम इव प्रतिभासितं वै ॥ 3 ॥

श्लोकत्रयमिदं पुण्यं लोकत्रयविभूषणम्

प्रातः काले पठेद्यस्तु स गच्छेत्परमं पदम् ॥