Maha Ganapati Mula Mantrah (pada Mala Stotram) — Sinhala Script

.. මූලමන්ත්රම් ..

.. ඕං හ්රීං ශ්රීං ක්ලීං ග්ලෞං ගං ගණපතයේ වරවරද

සර්වජනං මේ වශමානය ස්වාහා ..

.. අථ ස්තෝත්රම්..

ඕං ඉත්යේතදජස්ය කණ්ඨවිවරං භිත්වා බහිර්නිර්ගතං

හ්යෝමිත්යේව සමස්තකර්ම ඍෂිභිඃ ප්රාරභ්යතේ මානුෂෛඃ .

ඕමිත්යේව සදා ජපන්ති යතයඃ ස්වාතමෛකනිෂ්ඨාඃ පරං

හ්යෝඞ්කාරාකෘතිවක්ත්රමින්දුනිටිලං විඝ්නේශ්වරං භවායේ .. 1..

ශ්රීම්බීජං ශ්රමදුඃඛජන්මමරණව්යාධ්යාධිභීනාශකං

මෘත්යුක්රෝධනශාන්තිබින්දුවිලසද්වර්ණාකෘතිශ්රීප්රදම් .

ස්වාන්තඃස්වාත්මශරස්ය ලක්ෂ්යමජරස්වාත්මාවබෝධප්රදං

ශ්රීශ්රීනායකසේවිතේ භවදනප්රේමාස්පදං භාවයේ .. 2..

හ්රීම්බීජං හෘදයත්රිකෝණවිලසන්මධ්යාසනස්ථං සදා

චාකාශානලවාමලෝචනනිශානාථාර්ධවර්ණාත්මකම් .

මායාකාර්යජගත්ප්රකාශකමුමාරූපං ස්වශක්තිප්රදං

මායාතීතපදප්රදං හෘදි භජේ ලෝකේශ්වරාරාධිතම් .. 3..

ක්ලීම්බීජං කලිධාතුවත්කලයතාං සර්වේෂ්ටදං දේහිනාං

ධාතෘක්ෂ්මායුතශාන්තිබින්දුවිලසද්වර්ණාත්මකං කාමදම් .

ශ්රීකෘෂ්ණප්රියමින්දිරාසුතමනඃප්රීත්යේකහේතුං පරං

හෘත්පද්මේ කලයේ සදා කලිහරං කාලාරිපුත්රප්රියම් .. 4..

ග්ලෞම්බීජං ගුණරූපනිර්ගුණපරබ්රහ්මාදිශක්තේර්මහා-

හඞ්කාරාකෘතිදණ්ඩිනීප්රියමජශ්රීනාථරුද්රේෂ්ටදම් .

සර්වාකර්ෂිණිදේවරාජභුවනාර්ණේන්ද්වාත්මකං ශ්රීකරං

චිත්තේ විඝ්නනිවාරණාය ගිරිජජාතප්රියං භාවයේ .. 5..

ගඞ්ගාසුතං ගන්ධමුඛෝපචාරප්රියං ඛගාරෝහණභාගිනේයම් .

ගඞ්ගාසුතාද්යං වරගන්ධතත්ත්වමූලාම්බුජස්ථං හෘදි භාවයේ(අ)හම් .. 6..

ගණපතයේ වරගුණනිධයේ සුරගණපතයේ නතජනතතයේ .

මණිගණභූෂිතචරණයුගාශ්රිතමලහරණේ චණ තේ නමඃ .. 7..

වරාභයේ මෝදකමේකදන්තං කරාම්බුජාතෛඃ සතතං ධරන්තම් .

වරාඞ්ගචන්ද්රං පරභක්තිසාන්ද්රෛර්ජනෛර්භජන්තං කලයේ සදා(අ)න්තඃ .. 8..

වරද නතජනානාං සන්තතං වක්රතුණ්ඩ

ස්වරමයනිජගාත්ර ස්වාත්මබෝධෛකහේතෝ .

කරලසදමෘතාම්භෝපූර්ණපත්රාද්ය මහ්යං

ගරගලසුත ශීඝ්රං දේහි මද්බෝධමීඩ්යම් .. 9..

සර්වජනං පරිපාලය ශර්වජ

පර්වසුධාකරගර්වහර .

පර්වතනාථසුතාසුත පාලය

ඛර්වං මා කුරු දීනමිමම් .. 10 ..

මේදෝ(අ)ස්ථිමාංසරුධිරාන්ත්රමයේ ශරීරේ

මේදින්යබග්නිමරුදම්බරලාස්යමානේ .

මේ දාරුණං මදමුඛාඝමුමාජ හෘත්වා

මේධාහ්වයාසනවරේ වස දන්තිවක්ත්ර .. 11..

වශං කුරු ත්වං ශිවජාත මාං තේ වශීකෘතාශේෂසමස්තලෝක .

වසාර්ණසංශෝභිතමූලපද්මලසච්ඡ්රියා(අ)ලිඞ්තවාරණාස්ය .. 12..

ආනයාශුපදවාරිජාන්තිකං මාං නයාදිගුණවර්ජිතං තව .

හානිහීනපදජාමෘතස්ය තේ පානයෝග්යමිභවක්ත්ර මාං කුරු .. 13..

ස්වාහාස්වරූපේණ විරාජසේ ත්වං සුධාශනානාං ප්රියකර්මණීඩ්යම් .

ස්වධාස්වරූපේණ තු පිත්ර්යකර්මණ්යුමාසුතේජ්යාමයවිශ්වමූර්තේ .. 14..

අෂ්ටාවිංශතිවර්ණපත්රලසිතං හාරං ගණේශප්රියං

කෂ්ටා(අ)නිෂ්ටහරං චතුර්දශපදෛඃ පුෂ්පෛර්මනෝහාරකම් .

තුෂ්ට්යාදිප්රදසද්ගුරුත්තමපදාම්භෝජේ චිදානන්දදං

ශිෂ්ටේෂ්ටෝ(අ)හමනන්තසූත්රහෘදයා(අ)(අ)බද්ධං සුභක්ත්යා(අ)ර්පයේ .. 15..

.. ඉති ශ්රීඅනන්තානන්දකෘතං ශ්රීගුරුචිදානන්දනාථසමර්පිතං

ශ්රීමහාගණපතිමූලමන්ත්රමාලාස්තෝත්රම් ..

Roman (IAST) Transliteration

|| mūlamantram ||

|| oṃ hrīṃ śrīṃ klīṃ glauṃ gaṃ gaṇapataye varavarada

sarvajanaṃ me vaśamānaya svāhā ||

|| atha stotram||

oṃ ityetadajasya kaṇṭhavivaraṃ bhitvā bahirnirgataṃ

hyomityeva samastakarma ṛṣibhiḥ prārabhyate mānuṣaiḥ |

omityeva sadā japanti yatayaḥ svātamaikaniṣṭhāḥ paraṃ

hyoṅkārākṛtivaktraminduniṭilaṃ vighneśvaraṃ bhavāye || 1||

śrīmbījaṃ śramaduḥkhajanmamaraṇavyādhyādhibhīnāśakaṃ

mṛtyukrodhanaśāntibinduvilasadvarṇākṛtiśrīpradam |

svāntaḥsvātmaśarasya lakṣyamajarasvātmāvabodhapradaṃ

śrīśrīnāyakasevite bhavadanapremāspadaṃ bhāvaye || 2||

hrīmbījaṃ hṛdayatrikoṇavilasanmadhyāsanasthaṃ sadā

cākāśānalavāmalocananiśānāthārdhavarṇātmakam |

māyākāryajagatprakāśakamumārūpaṃ svaśaktipradaṃ

māyātītapadapradaṃ hṛdi bhaje lokeśvarārādhitam || 3||

klīmbījaṃ kalidhātuvatkalayatāṃ sarveṣṭadaṃ dehināṃ

dhātṛkṣmāyutaśāntibinduvilasadvarṇātmakaṃ kāmadam |

śrīkṛṣṇapriyamindirāsutamanaḥprītyekahetuṃ paraṃ

hṛtpadme kalaye sadā kaliharaṃ kālāriputrapriyam || 4||

glaumbījaṃ guṇarūpanirguṇaparabrahmādiśaktermahā-

haṅkārākṛtidaṇḍinīpriyamajaśrīnātharudreṣṭadam |

sarvākarṣiṇidevarājabhuvanārṇendvātmakaṃ śrīkaraṃ

citte vighnanivāraṇāya girijajātapriyaṃ bhāvaye || 5||

gaṅgāsutaṃ gandhamukhopacārapriyaṃ khagārohaṇabhāgineyam |

gaṅgāsutādyaṃ varagandhatattvamūlāmbujasthaṃ hṛdi bhāvaye'ham || 6||

gaṇapataye varaguṇanidhaye suragaṇapataye natajanatataye |

maṇigaṇabhūṣitacaraṇayugāśritamalaharaṇe caṇa te namaḥ || 7||

varābhaye modakamekadantaṃ karāmbujātaiḥ satataṃ dharantam |

varāṅgacandraṃ parabhaktisāndrairjanairbhajantaṃ kalaye sadā'ntaḥ || 8||

varada natajanānāṃ santataṃ vakratuṇḍa

svaramayanijagātra svātmabodhaikaheto |

karalasadamṛtāmbhopūrṇapatrādya mahyaṃ

garagalasuta śīghraṃ dehi madbodhamīḍyam || 9||

sarvajanaṃ paripālaya śarvaja

parvasudhākaragarvahara |

parvatanāthasutāsuta pālaya

kharvaṃ mā kuru dīnamimam || 10 ||

medo'sthimāṃsarudhirāntramaye śarīre

medinyabagnimarudambaralāsyamāne |

me dāruṇaṃ madamukhāghamumāja hṛtvā

medhāhvayāsanavare vasa dantivaktra || 11||

vaśaṃ kuru tvaṃ śivajāta māṃ te vaśīkṛtāśeṣasamastaloka |

vasārṇasaṃśobhitamūlapadmalasacchriyā'liṅtavāraṇāsya || 12||

ānayāśupadavārijāntikaṃ māṃ nayādiguṇavarjitaṃ tava |

hānihīnapadajāmṛtasya te pānayogyamibhavaktra māṃ kuru || 13||

svāhāsvarūpeṇa virājase tvaṃ sudhāśanānāṃ priyakarmaṇīḍyam |

svadhāsvarūpeṇa tu pitryakarmaṇyumāsutejyāmayaviśvamūrte || 14||

aṣṭāviṃśativarṇapatralasitaṃ hāraṃ gaṇeśapriyaṃ

kaṣṭā'niṣṭaharaṃ caturdaśapadaiḥ puṣpairmanohārakam |

tuṣṭyādipradasadguruttamapadāmbhoje cidānandadaṃ

śiṣṭeṣṭo'hamanantasūtrahṛdayā''baddhaṃ subhaktyā'rpaye || 15||

|| iti śrīanantānandakṛtaṃ śrīgurucidānandanāthasamarpitaṃ

śrīmahāgaṇapatimūlamantramālāstotram ||

Sanskrit — Devanagari (original)

॥ मूलमन्त्रम् ॥

॥ ॐ ह्रीं श्रीं क्लीं ग्लौं गं गणपतये वरवरद

सर्वजनं मे वशमानय स्वाहा ॥

॥ अथ स्तोत्रम्॥

ॐ इत्येतदजस्य कण्ठविवरं भित्वा बहिर्निर्गतं

ह्योमित्येव समस्तकर्म ऋषिभिः प्रारभ्यते मानुषैः ।

ओमित्येव सदा जपन्ति यतयः स्वातमैकनिष्ठाः परं

ह्योङ्काराकृतिवक्त्रमिन्दुनिटिलं विघ्नेश्वरं भवाये ॥ 1॥

श्रीम्बीजं श्रमदुःखजन्ममरणव्याध्याधिभीनाशकं

मृत्युक्रोधनशान्तिबिन्दुविलसद्वर्णाकृतिश्रीप्रदम् ।

स्वान्तःस्वात्मशरस्य लक्ष्यमजरस्वात्मावबोधप्रदं

श्रीश्रीनायकसेविते भवदनप्रेमास्पदं भावये ॥ 2॥

ह्रीम्बीजं हृदयत्रिकोणविलसन्मध्यासनस्थं सदा

चाकाशानलवामलोचननिशानाथार्धवर्णात्मकम् ।

मायाकार्यजगत्प्रकाशकमुमारूपं स्वशक्तिप्रदं

मायातीतपदप्रदं हृदि भजे लोकेश्वराराधितम् ॥ 3॥

क्लीम्बीजं कलिधातुवत्कलयतां सर्वेष्टदं देहिनां

धातृक्ष्मायुतशान्तिबिन्दुविलसद्वर्णात्मकं कामदम् ।

श्रीकृष्णप्रियमिन्दिरासुतमनःप्रीत्येकहेतुं परं

हृत्पद्मे कलये सदा कलिहरं कालारिपुत्रप्रियम् ॥ 4॥

ग्लौम्बीजं गुणरूपनिर्गुणपरब्रह्मादिशक्तेर्महा-

हङ्काराकृतिदण्डिनीप्रियमजश्रीनाथरुद्रेष्टदम् ।

सर्वाकर्षिणिदेवराजभुवनार्णेन्द्वात्मकं श्रीकरं

चित्ते विघ्ननिवारणाय गिरिजजातप्रियं भावये ॥ 5॥

गङ्गासुतं गन्धमुखोपचारप्रियं खगारोहणभागिनेयम् ।

गङ्गासुताद्यं वरगन्धतत्त्वमूलाम्बुजस्थं हृदि भावयेऽहम् ॥ 6॥

गणपतये वरगुणनिधये सुरगणपतये नतजनततये ।

मणिगणभूषितचरणयुगाश्रितमलहरणे चण ते नमः ॥ 7॥

वराभये मोदकमेकदन्तं कराम्बुजातैः सततं धरन्तम् ।

वराङ्गचन्द्रं परभक्तिसान्द्रैर्जनैर्भजन्तं कलये सदाऽन्तः ॥ 8॥

वरद नतजनानां सन्ततं वक्रतुण्ड

स्वरमयनिजगात्र स्वात्मबोधैकहेतो ।

करलसदमृताम्भोपूर्णपत्राद्य मह्यं

गरगलसुत शीघ्रं देहि मद्बोधमीड्यम् ॥ 9॥

सर्वजनं परिपालय शर्वज

पर्वसुधाकरगर्वहर ।

पर्वतनाथसुतासुत पालय

खर्वं मा कुरु दीनमिमम् ॥ 10 ॥

मेदोऽस्थिमांसरुधिरान्त्रमये शरीरे

मेदिन्यबग्निमरुदम्बरलास्यमाने ।

मे दारुणं मदमुखाघमुमाज हृत्वा

मेधाह्वयासनवरे वस दन्तिवक्त्र ॥ 11॥

वशं कुरु त्वं शिवजात मां ते वशीकृताशेषसमस्तलोक ।

वसार्णसंशोभितमूलपद्मलसच्छ्रियाऽलिङ्तवारणास्य ॥ 12॥

आनयाशुपदवारिजान्तिकं मां नयादिगुणवर्जितं तव ।

हानिहीनपदजामृतस्य ते पानयोग्यमिभवक्त्र मां कुरु ॥ 13॥

स्वाहास्वरूपेण विराजसे त्वं सुधाशनानां प्रियकर्मणीड्यम् ।

स्वधास्वरूपेण तु पित्र्यकर्मण्युमासुतेज्यामयविश्वमूर्ते ॥ 14॥

अष्टाविंशतिवर्णपत्रलसितं हारं गणेशप्रियं

कष्टाऽनिष्टहरं चतुर्दशपदैः पुष्पैर्मनोहारकम् ।

तुष्ट्यादिप्रदसद्गुरुत्तमपदाम्भोजे चिदानन्ददं

शिष्टेष्टोऽहमनन्तसूत्रहृदयाऽऽबद्धं सुभक्त्याऽर्पये ॥ 15॥

॥ इति श्रीअनन्तानन्दकृतं श्रीगुरुचिदानन्दनाथसमर्पितं

श्रीमहागणपतिमूलमन्त्रमालास्तोत्रम् ॥