Bhutanatha Dashakam — Sinhala Script

Meaning —

පාණ්ඩ්යභූපතීන්ද්රපූර්වපුණ්යමෝහනාකෘතේ
පණ්ඩිතාර්චිතාඞ්ඝ්රිපුණ්ඩරීක පාවනාකෘතේ .
පූර්ණචන්ද්රතුණ්ඩවේත්රදණ්ඩවීර්යවාරිධේ
පූර්ණපුෂ්කලාසමේත භූතනාථ පාහි මාම් .. 1 ..

pāṇḍyabhūpatīndrapūrvapuṇyamohanākṛte
paṇḍitārcitāṅghripuṇḍarīka pāvanākṛte |
pūrṇacandratuṇḍavetradaṇḍavīryavāridhe
pūrṇapuṣkalāsameta bhūtanātha pāhi mām || 1 ||

Verse 2

ආදිශඞ්කරාච්යුතප්රියාත්මසම්භව ප්රභෝ
ආදිභූතනාථ සාධුභක්තචින්තිතප්රද .
භූතිභූෂ වේදඝෝෂපාරිතෝෂ ශාශ්වත
පූර්ණපුෂ්කලාසමේත භූතනාථ පාහි මාම් .. 2 ..

ādiśaṅkarācyutapriyātmasambhava prabho
ādibhūtanātha sādhubhaktacintitaprada |
bhūtibhūṣa vedaghoṣapāritoṣa śāśvata
pūrṇapuṣkalāsameta bhūtanātha pāhi mām || 2 ||

Verse 3

පඤ්චබාණකෝටිකෝමලාකෘතේ කෘපානිධේ
පඤ්චගව්යපායසාන්නපානකාදිමෝදක .
පඤ්චභූතසඤ්චය ප්රපඤ්චභූතපාලක
පූර්ණපුෂ්කලාසමේත භූතනාථ පාහි මාම් .. 3 ..

pañcabāṇakoṭikomalākṛte kṛpānidhe
pañcagavyapāyasānnapānakādimodaka |
pañcabhūtasañcaya prapañcabhūtapālaka
pūrṇapuṣkalāsameta bhūtanātha pāhi mām || 3 ||

Verse 4

චන්ද්රසූර්යවීතිහෝත්රනේත්ර නේත්රමෝහන
සාන්ද්රසුන්දරස්මිතාර්ද්ර කේසරීන්ද්රවාහන .
ඉන්ද්රවන්දනීයපාද සාධුවෘන්දජීවන
පූර්ණපුෂ්කලාසමේත භූතනාථ පාහි මාම් .. 4 ..

candrasūryavītihotranetra netramohana
sāndrasundarasmitārdra kesarīndravāhana |
indravandanīyapāda sādhuvṛndajīvana
pūrṇapuṣkalāsameta bhūtanātha pāhi mām || 4 ||

Verse 5

වීරබාහුවර්ණනීයවීර්යශෞර්යවාරිධේ
වාරිජාසනාදිදේවවන්ද්ය සුන්දරාකෘතේ .
වාරණේන්ද්රවාජිසිංහවාහ භක්තශේවධේ
පූර්ණපුෂ්කලාසමේත භූතනාථ පාහි මාම් .. 5 ..

vīrabāhuvarṇanīyavīryaśauryavāridhe
vārijāsanādidevavandya sundarākṛte |
vāraṇendravājisiṃhavāha bhaktaśevadhe
pūrṇapuṣkalāsameta bhūtanātha pāhi mām || 5 ||

Verse 6

අත්යුදාරභක්තචිත්තරඞ්ගනර්තනප්රභෝ
නිත්යශුද්ධනිර්මලාද්විතීය ධර්මපාලක .
සත්යරූප මුක්තිරූප සර්වදේවතාත්මක
පූර්ණපුෂ්කලාසමේත භූතනාථ පාහි මාම් .. 6 ..

atyudārabhaktacittaraṅganartanaprabho
nityaśuddhanirmalādvitīya dharmapālaka |
satyarūpa muktirūpa sarvadevatātmaka
pūrṇapuṣkalāsameta bhūtanātha pāhi mām || 6 ||

Verse 7

සාමගානලෝල ශාන්තශීල ධර්මපාලක
සෝමසුන්දරාස්ය සාධුපූජනීයපාදුක .
සාමදානභේදදණ්ඩශාස්ත්රනීතිබෝධක
පූර්ණපුෂ්කලසමේත භූතනාථ පාහි මාම් .. 7 ..

sāmagānalola śāntaśīla dharmapālaka
somasundarāsya sādhupūjanīyapāduka |
sāmadānabhedadaṇḍaśāstranītibodhaka
pūrṇapuṣkalasameta bhūtanātha pāhi mām || 7 ||

Verse 8

සුප්රසන්නදේවදේව සද්ගතිප්රදායක
චිත්ප්රකාශ ධර්මපාල සර්වභූතනායක .
සුප්රසිද්ධ පඤ්චශෛලසන්නිකේතනර්තක
පූර්ණපුෂ්කලාසමේත භූතනාථ පාහි මාම් .. 8 ..

suprasannadevadeva sadgatipradāyaka
citprakāśa dharmapāla sarvabhūtanāyaka |
suprasiddha pañcaśailasanniketanartaka
pūrṇapuṣkalāsameta bhūtanātha pāhi mām || 8 ||

Verse 9

ශූලචාපබාණඛඩ්ගවජ්රශක්තිශෝභිත
බාලසූර්යකෝටිභාසුරාඞ්ග භූතසේවිත .
කාලචක්ර සම්ප්රවෘත්ති කල්පනා සමන්විත
පූර්ණපුෂ්කලාසමේත භූතනාථ පාහි මාම් .. 9 ..

śūlacāpabāṇakhaḍgavajraśaktiśobhita
bālasūryakoṭibhāsurāṅga bhūtasevita |
kālacakra sampravṛtti kalpanā samanvita
pūrṇapuṣkalāsameta bhūtanātha pāhi mām || 9 ||

Verse 10

අද්භුතාත්මබෝධසත්සනාතනෝපදේශක
බුද්බුදෝපමප්රපඤ්චවිභ්රමප්රකාශක .
සප්රථප්රගල්භචිත්ප්රකාශ දිව්යදේශික
පූර්ණපුෂ්කලාසමේත භූතනාථ පාහි මාම් .. 10 ..

adbhutātmabodhasatsanātanopadeśaka
budbudopamaprapañcavibhramaprakāśaka |
saprathapragalbhacitprakāśa divyadeśika
pūrṇapuṣkalāsameta bhūtanātha pāhi mām || 10 ||

ඉති ශ්රී භූතනාථ දශකම් .

Sanskrit — Devanagari (original)

पाण्ड्यभूपतीन्द्रपूर्वपुण्यमोहनाकृते

पण्डितार्चिताङ्घ्रिपुण्डरीक पावनाकृते ।

पूर्णचन्द्रतुण्डवेत्रदण्डवीर्यवारिधे

पूर्णपुष्कलासमेत भूतनाथ पाहि माम् ॥ 1 ॥

आदिशङ्कराच्युतप्रियात्मसम्भव प्रभो

आदिभूतनाथ साधुभक्तचिन्तितप्रद ।

भूतिभूष वेदघोषपारितोष शाश्वत

पूर्णपुष्कलासमेत भूतनाथ पाहि माम् ॥ 2 ॥

पञ्चबाणकोटिकोमलाकृते कृपानिधे

पञ्चगव्यपायसान्नपानकादिमोदक ।

पञ्चभूतसञ्चय प्रपञ्चभूतपालक

पूर्णपुष्कलासमेत भूतनाथ पाहि माम् ॥ 3 ॥

चन्द्रसूर्यवीतिहोत्रनेत्र नेत्रमोहन

सान्द्रसुन्दरस्मितार्द्र केसरीन्द्रवाहन ।

इन्द्रवन्दनीयपाद साधुवृन्दजीवन

पूर्णपुष्कलासमेत भूतनाथ पाहि माम् ॥ 4 ॥

वीरबाहुवर्णनीयवीर्यशौर्यवारिधे

वारिजासनादिदेववन्द्य सुन्दराकृते ।

वारणेन्द्रवाजिसिंहवाह भक्तशेवधे

पूर्णपुष्कलासमेत भूतनाथ पाहि माम् ॥ 5 ॥

अत्युदारभक्तचित्तरङ्गनर्तनप्रभो

नित्यशुद्धनिर्मलाद्वितीय धर्मपालक ।

सत्यरूप मुक्तिरूप सर्वदेवतात्मक

पूर्णपुष्कलासमेत भूतनाथ पाहि माम् ॥ 6 ॥

सामगानलोल शान्तशील धर्मपालक

सोमसुन्दरास्य साधुपूजनीयपादुक ।

सामदानभेददण्डशास्त्रनीतिबोधक

पूर्णपुष्कलसमेत भूतनाथ पाहि माम् ॥ 7 ॥

सुप्रसन्नदेवदेव सद्गतिप्रदायक

चित्प्रकाश धर्मपाल सर्वभूतनायक ।

सुप्रसिद्ध पञ्चशैलसन्निकेतनर्तक

पूर्णपुष्कलासमेत भूतनाथ पाहि माम् ॥ 8 ॥

शूलचापबाणखड्गवज्रशक्तिशोभित

बालसूर्यकोटिभासुराङ्ग भूतसेवित ।

कालचक्र सम्प्रवृत्ति कल्पना समन्वित

पूर्णपुष्कलासमेत भूतनाथ पाहि माम् ॥ 9 ॥

अद्भुतात्मबोधसत्सनातनोपदेशक

बुद्बुदोपमप्रपञ्चविभ्रमप्रकाशक ।

सप्रथप्रगल्भचित्प्रकाश दिव्यदेशिक

पूर्णपुष्कलासमेत भूतनाथ पाहि माम् ॥ 10 ॥

इति श्री भूतनाथ दशकम् ।

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.