අම්බාශම්බරවෛරිතාතභගිනී ශ්රීචන්ද්රබිම්බානනා
බිම්බෝෂ්ඨී ස්මිතභාෂිණී ශුභකරී කාදම්බවාට්යාශ්රිතා .
හ්රීඞ්කාරාක්ෂරමන්ත්රමධ්යසුභගා ශ්රෝණීනිතම්බාඞ්කිතා
මාමම්බාපුරවාසිනී භගවතී හේරම්බමාතාවතු .. 1 ..
කල්යාණී කමනීයසුන්දරවපුඃ කාත්යායනී කාලිකා
කාලා ශ්යාමලමේචකද්යුතිමතී කාදිත්රිපඤ්චාක්ෂරී .
කාමාක්ෂී කරුණානිධිඃ කලිමලාරණ්යාතිදාවානලා
මාමම්බාපුරවාසිනී භගවතී හේරම්බමාතාවතු .. 2 ..
කාඤ්චීකඞ්කණහාරකුණ්ඩලවතී කෝටීකිරීටාන්විතා
කන්දර්පද්යුතිකෝටිකෝටිසදනා පීයූෂකුම්භස්තනා .
කෞසුම්භාරුණකාඤ්චනාම්බරවෘතා කෛලාසවාසප්රියා
මාමම්බාපුරවාසිනී භගවතී හේරම්බමාතාවතු .. 3 ..
යා සා ශුම්භනිශුම්භදෛත්යශමනී යා රක්තබීජාශනී
යා ශ්රී විෂ්ණුසරෝජනේත්රභවනා යා බ්රහ්මවිද්යා(අ)(අ)සනී .
යා දේවී මධුකෛටභාසුරරිපුර්යා මාහිෂධ්වංසිනී
මාමම්බාපුරවාසිනී භගවතී හේරම්බමාතාවතු .. 4 ..
ශ්රීවිද්යා පරදේවතා(අ)(අ)දිජනනී දුර්ගා ජයා චණ්ඩිකා
බාලා ශ්රීත්රිපුරේශ්වරී ශිවසතී ශ්රීරාජරාජේශ්වරී .
ශ්රීරාජ්ඤී ශිවදූතිකා ශ්රුතිනුතා ශෘඞ්ගාරචූඩාමණිඃ
මාමම්බාපුරවාසිනී භගවතී හේරම්බමාතාවතු .. 5 ..
අම්බාපඤ්චකමද්භුතං පඨති චේද්යෝ වා ප්රභාතේ(අ)නිශං
දිව්යෛශ්වර්යශතායුරුත්තමමතිං විද්යාං ශ්රියං ශාශ්වතම් .
ලබ්ධ්වා භූමිතලේ ස්වධර්මනිරතාං ශ්රීසුන්දරීං භාමිනීං
අන්තේ ස්වර්ගඵලං ලභේත්ස විබුධෛඃ සංස්තූයමානෝ නරඃ .. 6 ..
ඉති ශ්රී අම්බා පඤ්චරත්න ස්තෝත්රම් .
Roman (IAST) Transliteration
ambāśambaravairitātabhaginī śrīcandrabimbānanā
bimboṣṭhī smitabhāṣiṇī śubhakarī kādambavāṭyāśritā |
hrīṅkārākṣaramantramadhyasubhagā śroṇīnitambāṅkitā
māmambāpuravāsinī bhagavatī herambamātāvatu || 1 ||
kalyāṇī kamanīyasundaravapuḥ kātyāyanī kālikā
kālā śyāmalamecakadyutimatī kāditripañcākṣarī |
kāmākṣī karuṇānidhiḥ kalimalāraṇyātidāvānalā
māmambāpuravāsinī bhagavatī herambamātāvatu || 2 ||
kāñcīkaṅkaṇahārakuṇḍalavatī koṭīkirīṭānvitā
kandarpadyutikoṭikoṭisadanā pīyūṣakumbhastanā |
kausumbhāruṇakāñcanāmbaravṛtā kailāsavāsapriyā
māmambāpuravāsinī bhagavatī herambamātāvatu || 3 ||
yā sā śumbhaniśumbhadaityaśamanī yā raktabījāśanī
yā śrī viṣṇusarojanetrabhavanā yā brahmavidyā''sanī |
yā devī madhukaiṭabhāsuraripuryā māhiṣadhvaṃsinī
māmambāpuravāsinī bhagavatī herambamātāvatu || 4 ||
śrīvidyā paradevatā''dijananī durgā jayā caṇḍikā
bālā śrītripureśvarī śivasatī śrīrājarājeśvarī |
śrīrājñī śivadūtikā śrutinutā śṛṅgāracūḍāmaṇiḥ
māmambāpuravāsinī bhagavatī herambamātāvatu || 5 ||
ambāpañcakamadbhutaṃ paṭhati cedyo vā prabhāte'niśaṃ
divyaiśvaryaśatāyuruttamamatiṃ vidyāṃ śriyaṃ śāśvatam |
labdhvā bhūmitale svadharmaniratāṃ śrīsundarīṃ bhāminīṃ
ante svargaphalaṃ labhetsa vibudhaiḥ saṃstūyamāno naraḥ || 6 ||
iti śrī ambā pañcaratna stotram |
Sanskrit — Devanagari (original)
अम्बाशम्बरवैरितातभगिनी श्रीचन्द्रबिम्बानना
बिम्बोष्ठी स्मितभाषिणी शुभकरी कादम्बवाट्याश्रिता ।
ह्रीङ्काराक्षरमन्त्रमध्यसुभगा श्रोणीनितम्बाङ्किता
मामम्बापुरवासिनी भगवती हेरम्बमातावतु ॥ 1 ॥
कल्याणी कमनीयसुन्दरवपुः कात्यायनी कालिका
काला श्यामलमेचकद्युतिमती कादित्रिपञ्चाक्षरी ।
कामाक्षी करुणानिधिः कलिमलारण्यातिदावानला
मामम्बापुरवासिनी भगवती हेरम्बमातावतु ॥ 2 ॥
काञ्चीकङ्कणहारकुण्डलवती कोटीकिरीटान्विता
कन्दर्पद्युतिकोटिकोटिसदना पीयूषकुम्भस्तना ।
कौसुम्भारुणकाञ्चनाम्बरवृता कैलासवासप्रिया
मामम्बापुरवासिनी भगवती हेरम्बमातावतु ॥ 3 ॥
या सा शुम्भनिशुम्भदैत्यशमनी या रक्तबीजाशनी
या श्री विष्णुसरोजनेत्रभवना या ब्रह्मविद्याऽऽसनी ।
या देवी मधुकैटभासुररिपुर्या माहिषध्वंसिनी
मामम्बापुरवासिनी भगवती हेरम्बमातावतु ॥ 4 ॥
श्रीविद्या परदेवताऽऽदिजननी दुर्गा जया चण्डिका
बाला श्रीत्रिपुरेश्वरी शिवसती श्रीराजराजेश्वरी ।
श्रीराज्ञी शिवदूतिका श्रुतिनुता शृङ्गारचूडामणिः
मामम्बापुरवासिनी भगवती हेरम्बमातावतु ॥ 5 ॥
अम्बापञ्चकमद्भुतं पठति चेद्यो वा प्रभातेऽनिशं
दिव्यैश्वर्यशतायुरुत्तममतिं विद्यां श्रियं शाश्वतम् ।
लब्ध्वा भूमितले स्वधर्मनिरतां श्रीसुन्दरीं भामिनीं
अन्ते स्वर्गफलं लभेत्स विबुधैः संस्तूयमानो नरः ॥ 6 ॥
इति श्री अम्बा पञ्चरत्न स्तोत्रम् ।
ambāśambaravairitātabhaginī śrīcandrabimbānanā
bimboṣṭhī smitabhāṣiṇī śubhakarī kādambavāṭyāśritā |
hrīṅkārākṣaramantramadhyasubhagā śroṇīnitambāṅkitā
māmambāpuravāsinī bhagavatī herambamātāvatu || 1 ||
kalyāṇī kamanīyasundaravapuḥ kātyāyanī kālikā
kālā śyāmalamecakadyutimatī kāditripañcākṣarī |
kāmākṣī karuṇānidhiḥ kalimalāraṇyātidāvānalā
māmambāpuravāsinī bhagavatī herambamātāvatu || 2 ||
kāñcīkaṅkaṇahārakuṇḍalavatī koṭīkirīṭānvitā
kandarpadyutikoṭikoṭisadanā pīyūṣakumbhastanā |
kausumbhāruṇakāñcanāmbaravṛtā kailāsavāsapriyā
māmambāpuravāsinī bhagavatī herambamātāvatu || 3 ||
yā sā śumbhaniśumbhadaityaśamanī yā raktabījāśanī
yā śrī viṣṇusarojanetrabhavanā yā brahmavidyā''sanī |
yā devī madhukaiṭabhāsuraripuryā māhiṣadhvaṃsinī
māmambāpuravāsinī bhagavatī herambamātāvatu || 4 ||
śrīvidyā paradevatā''dijananī durgā jayā caṇḍikā
bālā śrītripureśvarī śivasatī śrīrājarājeśvarī |
śrīrājñī śivadūtikā śrutinutā śṛṅgāracūḍāmaṇiḥ
māmambāpuravāsinī bhagavatī herambamātāvatu || 5 ||
ambāpañcakamadbhutaṃ paṭhati cedyo vā prabhāte'niśaṃ
divyaiśvaryaśatāyuruttamamatiṃ vidyāṃ śriyaṃ śāśvatam |
labdhvā bhūmitale svadharmaniratāṃ śrīsundarīṃ bhāminīṃ
ante svargaphalaṃ labhetsa vibudhaiḥ saṃstūyamāno naraḥ || 6 ||
iti śrī ambā pañcaratna stotram |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.