Sudarshana Shatkam — Devanagari Script

Verse 1

सहस्रादित्यसङ्काशं सहस्रवदनं परम् ।
सहस्रदोस्सहस्रारं प्रपद्येऽहं सुदर्शनम् ॥ 1 ॥

sahasrādityasaṅkāśaṃ sahasravadanaṃ param |
sahasradossahasrāraṃ prapadye'haṃ sudarśanam || 1 ||

Verse 2

हसन्तं हारकेयूर मकुटाङ्गदभूषणैः ।
शोभनैर्भूषिततनुं प्रपद्येऽहं सुदर्शनम् ॥ 2 ॥

hasantaṃ hārakeyūra makuṭāṅgadabhūṣaṇaiḥ |
śobhanairbhūṣitatanuṃ prapadye'haṃ sudarśanam || 2 ||

Verse 3

स्राकारसहितं मन्त्रं वदनं शत्रुनिग्रहम् ।
सर्वरोगप्रशमनं प्रपद्येऽहं सुदर्शनम् ॥ 3 ॥

srākārasahitaṃ mantraṃ vadanaṃ śatrunigraham |
sarvarogapraśamanaṃ prapadye'haṃ sudarśanam || 3 ||

Verse 4

रणत्किङ्किणिजालेन राक्षसघ्नं महाद्भुतम् ।
व्युप्तकेशं विरूपाक्षं प्रपद्येऽहं सुदर्शनम् ॥ 4 ॥

raṇatkiṅkiṇijālena rākṣasaghnaṃ mahādbhutam |
vyuptakeśaṃ virūpākṣaṃ prapadye'haṃ sudarśanam || 4 ||

Verse 5

हुङ्कारभैरवं भीमं प्रणातार्तिहरं प्रभुम् ।
सर्वपापप्रशमनं प्रपद्येऽहं सुदर्शनम् ॥ 5 ॥

huṅkārabhairavaṃ bhīmaṃ praṇātārtiharaṃ prabhum |
sarvapāpapraśamanaṃ prapadye'haṃ sudarśanam || 5 ||

Verse 6

फट्कारास्तमनिर्देश्य दिव्यमन्त्रेणसंयुतम् ।
शिवं प्रसन्नवदनं प्रपद्येऽहं सुदर्शनम् ॥ 6 ॥

phaṭkārāstamanirdeśya divyamantreṇasaṃyutam |
śivaṃ prasannavadanaṃ prapadye'haṃ sudarśanam || 6 ||

Verse 7

एतैष्षड्भिः स्तुतो देवः प्रसन्नः श्रीसुदर्शनः ।
रक्षां करोति सर्वात्मा सर्वत्र विजयी भवेत् ॥ 7 ॥

etaiṣṣaḍbhiḥ stuto devaḥ prasannaḥ śrīsudarśanaḥ |
rakṣāṃ karoti sarvātmā sarvatra vijayī bhavet || 7 ||

सुदर्शन षट्कम्