Shiva Panchakshari Stotram — Devanagari Script

ॐ नमः शिवाय शिवाय नमः ॐ

नागेन्द्रहाराय त्रिलोचनाय

भस्माङ्गरागाय महेश्वराय ।

नित्याय शुद्धाय दिगम्बराय

तस्मै "न" काराय नमः शिवाय ॥ 1 ॥

मन्दाकिनी सलिल चन्दन चर्चिताय

नन्दीश्वर प्रमथनाथ महेश्वराय ।

मन्दार मुख्य बहुपुष्प सुपूजिताय

तस्मै "म" काराय नमः शिवाय ॥ 2 ॥

शिवाय गौरी वदनाब्ज बृन्द

सूर्याय दक्षाध्वर नाशकाय ।

श्री नीलकण्ठाय वृषभध्वजाय

तस्मै "शि" काराय नमः शिवाय ॥ 3 ॥

वशिष्ठ कुम्भोद्भव गौतमार्य

मुनीन्द्र देवार्चित शेखराय ।

चन्द्रार्क वैश्वानर लोचनाय

तस्मै "व" काराय नमः शिवाय ॥ 4 ॥

यज्ञ-स्वरूपाय जटाधराय [यक्ष-]

पिनाक हस्ताय सनातनाय ।

दिव्याय देवाय दिगम्बराय

तस्मै "य" काराय नमः शिवाय ॥ 5 ॥

पञ्चाक्षरमिदं पुण्यं यः पठेच्छिव सन्निधौ ।

शिवलोकमवाप्नोति शिवेन सह मोदते ॥

Roman (IAST) Transliteration

oṃ namaḥ śivāya śivāya namaḥ oṃ

nāgendrahārāya trilocanāya

bhasmāṅgarāgāya maheśvarāya |

nityāya śuddhāya digambarāya

tasmai "na" kārāya namaḥ śivāya || 1 ||

mandākinī salila candana carcitāya

nandīśvara pramathanātha maheśvarāya |

mandāra mukhya bahupuṣpa supūjitāya

tasmai "ma" kārāya namaḥ śivāya || 2 ||

śivāya gaurī vadanābja bṛnda

sūryāya dakṣādhvara nāśakāya |

śrī nīlakaṇṭhāya vṛṣabhadhvajāya

tasmai "śi" kārāya namaḥ śivāya || 3 ||

vaśiṣṭha kumbhodbhava gautamārya

munīndra devārcita śekharāya |

candrārka vaiśvānara locanāya

tasmai "va" kārāya namaḥ śivāya || 4 ||

yajña-svarūpāya jaṭādharāya [yakṣa-]

pināka hastāya sanātanāya |

divyāya devāya digambarāya

tasmai "ya" kārāya namaḥ śivāya || 5 ||

pañcākṣaramidaṃ puṇyaṃ yaḥ paṭhecchiva sannidhau |

śivalokamavāpnoti śivena saha modate ||