Santana Ganapati Stotram — Devanagari Script

Verse 1

नमोऽस्तु गणनाथाय सिद्धिबुद्धियुताय च ।
सर्वप्रदाय देवाय पुत्रवृद्धिप्रदाय च ॥ 1 ॥

namo'stu gaṇanāthāya siddhibuddhiyutāya ca |
sarvapradāya devāya putravṛddhipradāya ca || 1 ||

Verse 2

गुरूदराय गुरवे गोप्त्रे गुह्यासिताय ते ।
गोप्याय गोपिताशेषभुवनाय चिदात्मने ॥ 2 ॥

gurūdarāya gurave goptre guhyāsitāya te |
gopyāya gopitāśeṣabhuvanāya cidātmane || 2 ||

Verse 3

विश्वमूलाय भव्याय विश्वसृष्टिकराय ते ।
नमो नमस्ते सत्याय सत्यपूर्णाय शुण्डिने ॥ 3 ॥

viśvamūlāya bhavyāya viśvasṛṣṭikarāya te |
namo namaste satyāya satyapūrṇāya śuṇḍine || 3 ||

Verse 4

एकदन्ताय शुद्धाय सुमुखाय नमो नमः ।
प्रपन्नजनपालाय प्रणतार्तिविनाशिने ॥ 4 ॥

ekadantāya śuddhāya sumukhāya namo namaḥ |
prapannajanapālāya praṇatārtivināśine || 4 ||

Verse 5

शरणं भव देवेश सन्ततिं सुदृढा कुरु ।
भविष्यन्ति च ये पुत्रा मत्कुले गणनायक ॥ 5 ॥

śaraṇaṃ bhava deveśa santatiṃ sudṛḍhā kuru |
bhaviṣyanti ca ye putrā matkule gaṇanāyaka || 5 ||

Verse 6

ते सर्वे तव पूजार्थं निरताः स्युर्वरोमतः ।
पुत्रप्रदमिदं स्तोत्रं सर्वसिद्धिप्रदायकम् ॥ 6 ॥

te sarve tava pūjārthaṃ niratāḥ syurvaromataḥ |
putrapradamidaṃ stotraṃ sarvasiddhipradāyakam || 6 ||

इति सन्तानगणपतिस्तोत्रं सम्पूर्णम् ॥

सन्तान गणपति स्तोत्रम्