तैत्तिरीयारण्यकम् - 4, प्रपाठकः - 10, अनुवाकः - 41-44
ॐ-यँश्छन्द॑सामृष॒भो वि॒श्वरू॑पः ।
छन्दो॒भ्यो-ऽध्य॒मृता᳚थ्सम्ब॒भूव॑ ।
स मेन्द्रो॑ मे॒धया᳚ स्पृणोतु ।
अ॒मृत॑स्य देव॒धार॑णो भूयासम् ।
शरी॑र-म्मे॒ विच॑र्षणम् ।
जि॒ह्वा मे॒ मधु॑मत्तमा ।
कर्णा᳚भ्यां॒ भूरि॒विश्रु॑वम् ।
ब्रह्म॑णः को॒शो॑-ऽसि मे॒धया पि॑हितः ।
श्रु॒त-म्मे॑ गोपाय ॥
ॐ शान्ति॒-श्शान्ति॒-श्शान्तिः॑ ॥
ओ-म्मे॒धादे॒वी जु॒षमा॑णा न॒ आगा᳚-द्वि॒श्वाची॑ भ॒द्रा सु॑मन॒स्य मा॑ना ।
त्वया॒ जुष्टा॑ नु॒दमा॑ना दु॒रुक्ता᳚-न्बृ॒हद्व॑देम वि॒दथे॑ सु॒वीराः᳚ ।
त्वया॒ जुष्ट॑ ऋ॒षिर्भ॑वति देवि॒ त्वया॒ ब्रह्मा॑-ऽऽग॒तश्री॑रु॒त त्वया᳚ ।
त्वया॒ जुष्ट॑श्चि॒त्रं-विँ॑न्दते वसु॒ सा नो॑ जुषस्व॒ द्रवि॑णो न मेधे ॥
मे॒धा-म्म॒ इन्द्रो॑ ददातु मे॒धा-न्दे॒वी सर॑स्वती ।
मे॒धा-म्मे॑ अ॒श्विना॑वु॒भा-वाध॑त्ता॒-म्पुष्क॑रस्रजा ।
अ॒प्स॒रासु॑ च॒ या मे॒धा ग॑न्ध॒र्वेषु॑ च॒ यन्मनः॑ ।
दैवी᳚-म्मे॒धा सर॑स्वती॒ सा मा᳚-म्मे॒धा सु॒रभि॑-र्जुषता॒ग्॒ स्वाहा᳚ ॥
आमा᳚-म्मे॒धा सु॒रभि॑-र्वि॒श्वरू॑पा॒ हिर॑ण्यवर्णा॒ जग॑ती जग॒म्या ।
ऊर्ज॑स्वती॒ पय॑सा॒ पिन्व॑माना॒ सा मा᳚-म्मे॒धा सु॒प्रती॑का जुषन्ताम् ॥
मयि॑ मे॒धा-म्मयि॑ प्र॒जा-म्मय्य॒ग्नि-स्तेजो॑ दधातु॒,
मयि॑ मे॒धा-म्मयि॑ प्र॒जा-म्मयीन्द्र॑ इन्द्रि॒य-न्द॑धातु॒,
मयि॑ मे॒धा-म्मयि॑ प्र॒जा-म्मयि॒ सूर्यो॒ भ्राजो॑ दधातु ॥
[ॐ हं॒स॒ हं॒साय॑ वि॒द्महे॑ परमहं॒साय॑ धीमहि ।
तन्नो॑ हंसः प्रचो॒दया᳚त् ॥ (हंसगायत्री)]
ॐ शान्ति॒-श्शान्ति॒-श्शान्तिः॑ ॥
Roman (IAST) Transliteration
taittirīyāraṇyakam - 4, prapāṭhakaḥ - 10, anuvākaḥ - 41-44
oṃ-ya~śchanda̭sāmṛṣa॒bho vi॒śvarṷ̄paḥ |
chando॒bhyo-'dhya॒mṛtā᳚thsamba॒bhūva̭ |
sa mendro̭ me॒dhayā᳚ spṛṇotu |
a॒mṛta̭sya deva॒dhāra̭ṇo bhūyāsam |
śarī̭ra-mme॒ vica̭rṣaṇam |
ji॒hvā me॒ madhṷmattamā |
karṇā᳚bhyāṃ॒ bhūri॒viśrṷvam |
brahma̭ṇaḥ ko॒śo̭-'si me॒dhayā pi̭hitaḥ |
śru॒ta-mmḙ gopāya ||
oṃ śānti॒-śśānti॒-śśāntiḥ̭ ||
o-mme॒dhāde॒vī ju॒ṣamā̭ṇā na॒ āgā᳚-dvi॒śvācī̭ bha॒drā sṷmana॒sya mā̭nā |
tvayā॒ juṣṭā̭ nu॒damā̭nā du॒ruktā᳚-nbṛ॒hadva̭dema vi॒dathḙ su॒vīrāḥ᳚ |
tvayā॒ juṣṭa̭ ṛ॒ṣirbha̭vati devi॒ tvayā॒ brahmā̭-''ga॒taśrī̭ru॒ta tvayā᳚ |
tvayā॒ juṣṭa̭ści॒traṃ-vi~̭ndate vasu॒ sā no̭ juṣasva॒ dravi̭ṇo na medhe ||
me॒dhā-mma॒ indro̭ dadātu me॒dhā-nde॒vī sara̭svatī |
me॒dhā-mmḙ a॒śvinā̭vu॒bhā-vādha̭ttā॒-mpuṣka̭rasrajā |
a॒psa॒rāsṷ ca॒ yā me॒dhā ga̭ndha॒rveṣṷ ca॒ yanmanaḥ̭ |
daivī᳚-mme॒dhā sara̭svatī॒ sā mā᳚-mme॒dhā su॒rabhi̭-rjuṣatā॒g॒ svāhā᳚ ||
āmā᳚-mme॒dhā su॒rabhi̭-rvi॒śvarṷ̄pā॒ hira̭ṇyavarṇā॒ jaga̭tī jaga॒myā |
ūrja̭svatī॒ paya̭sā॒ pinva̭mānā॒ sā mā᳚-mme॒dhā su॒pratī̭kā juṣantām ||
mayi̭ me॒dhā-mmayi̭ pra॒jā-mmayya॒gni-stejo̭ dadhātu॒,
mayi̭ me॒dhā-mmayi̭ pra॒jā-mmayīndra̭ indri॒ya-nda̭dhātu॒,
mayi̭ me॒dhā-mmayi̭ pra॒jā-mmayi॒ sūryo॒ bhrājo̭ dadhātu ||
[oṃ haṃ॒sa॒ haṃ॒sāya̭ vi॒dmahḙ paramahaṃ॒sāya̭ dhīmahi |
tanno̭ haṃsaḥ praco॒dayā᳚t || (haṃsagāyatrī)]
oṃ śānti॒-śśānti॒-śśāntiḥ̭ ||
taittirīyāraṇyakam - 4, prapāṭhakaḥ - 10, anuvākaḥ - 41-44
oṃ-ya~śchanda̭sāmṛṣa॒bho vi॒śvarṷ̄paḥ |
chando॒bhyo-'dhya॒mṛtā᳚thsamba॒bhūva̭ |
sa mendro̭ me॒dhayā᳚ spṛṇotu |
a॒mṛta̭sya deva॒dhāra̭ṇo bhūyāsam |
śarī̭ra-mme॒ vica̭rṣaṇam |
ji॒hvā me॒ madhṷmattamā |
karṇā᳚bhyāṃ॒ bhūri॒viśrṷvam |
brahma̭ṇaḥ ko॒śo̭-'si me॒dhayā pi̭hitaḥ |
śru॒ta-mmḙ gopāya ||
oṃ śānti॒-śśānti॒-śśāntiḥ̭ ||
o-mme॒dhāde॒vī ju॒ṣamā̭ṇā na॒ āgā᳚-dvi॒śvācī̭ bha॒drā sṷmana॒sya mā̭nā |
tvayā॒ juṣṭā̭ nu॒damā̭nā du॒ruktā᳚-nbṛ॒hadva̭dema vi॒dathḙ su॒vīrāḥ᳚ |
tvayā॒ juṣṭa̭ ṛ॒ṣirbha̭vati devi॒ tvayā॒ brahmā̭-''ga॒taśrī̭ru॒ta tvayā᳚ |
tvayā॒ juṣṭa̭ści॒traṃ-vi~̭ndate vasu॒ sā no̭ juṣasva॒ dravi̭ṇo na medhe ||
me॒dhā-mma॒ indro̭ dadātu me॒dhā-nde॒vī sara̭svatī |
me॒dhā-mmḙ a॒śvinā̭vu॒bhā-vādha̭ttā॒-mpuṣka̭rasrajā |
a॒psa॒rāsṷ ca॒ yā me॒dhā ga̭ndha॒rveṣṷ ca॒ yanmanaḥ̭ |
daivī᳚-mme॒dhā sara̭svatī॒ sā mā᳚-mme॒dhā su॒rabhi̭-rjuṣatā॒g॒ svāhā᳚ ||
āmā᳚-mme॒dhā su॒rabhi̭-rvi॒śvarṷ̄pā॒ hira̭ṇyavarṇā॒ jaga̭tī jaga॒myā |
ūrja̭svatī॒ paya̭sā॒ pinva̭mānā॒ sā mā᳚-mme॒dhā su॒pratī̭kā juṣantām ||
mayi̭ me॒dhā-mmayi̭ pra॒jā-mmayya॒gni-stejo̭ dadhātu॒,
mayi̭ me॒dhā-mmayi̭ pra॒jā-mmayīndra̭ indri॒ya-nda̭dhātu॒,
mayi̭ me॒dhā-mmayi̭ pra॒jā-mmayi॒ sūryo॒ bhrājo̭ dadhātu ||
[oṃ haṃ॒sa॒ haṃ॒sāya̭ vi॒dmahḙ paramahaṃ॒sāya̭ dhīmahi |
tanno̭ haṃsaḥ praco॒dayā᳚t || (haṃsagāyatrī)]
oṃ śānti॒-śśānti॒-śśāntiḥ̭ ||