ॐ अ॒हं रु॒द्रेभि॒र्वसु॑भिश्चराम्य॒हमा᳚दि॒त्यैरु॒त वि॒श्वदे᳚वैः ।
अ॒ह-म्मि॒त्रावरु॑णो॒भा बि॑भर्म्य॒हमि᳚न्द्रा॒ग्नी अ॒हम॒श्विनो॒भा ॥1॥
अ॒हं सोम॑माह॒नस᳚-म्बिभर्म्य॒ह-न्त्वष्टा᳚रमु॒त पू॒षण॒-म्भगम्᳚ ।
अ॒ह-न्द॑धामि॒ द्रवि॑णं ह॒विष्म॑ते सुप्रा॒व्ये॒ ये॑ 3 यज॑मानाय सुन्व॒ते ॥2॥
अ॒हं राष्ट्री᳚ स॒ङ्गम॑नी॒ वसू᳚ना-ञ्चिकि॒तुषी᳚ प्रथ॒मा य॒ज्ञिया᳚नाम् ।
ता-म्मा᳚ दे॒वा व्य॑दधुः पुरु॒त्रा भूरि॑स्थात्रा॒-म्भू~र्या᳚वे॒शयन्ती᳚म् ॥3॥
मया॒ सो अन्न॑मत्ति यो वि॒पश्य॑ति॒ यः प्राणि॑ति॒ य ईं᳚ शृ॒णोत्यु॒क्तम् ।
अ॒म॒न्त॒वो॒मान्त उप॑क्षियन्ति॒ श्रु॒धि श्रु॑तं श्रद्धि॒व-न्ते᳚ वदामि ॥4॥
अ॒हमे॒व स्व॒यमि॒दं-वँदा॑मि॒ जुष्ट᳚-न्दे॒वेभि॑रु॒त मानु॑षेभिः ।
य-ङ्का॒मये॒ त-न्त॑मु॒ग्र-ङ्कृ॑णोमि॒ त-म्ब्र॒ह्माण॒-न्तमृषि॒-न्तं सु॑मे॒धाम् ॥5॥
अ॒हं रु॒द्राय॒ धनु॒रात॑नोमि ब्रह्म॒द्विषे॒ शर॑वे हन्त॒ वा उ॑ ।
अ॒ह-ञ्जना᳚य स॒मद᳚-ङ्कृणोम्य॒ह-न्द्यावा᳚पृथि॒वी आवि॑वेश ॥6॥
अ॒हं सु॑वे पि॒तर॑मस्य मू॒र्ध-न्मम॒ योनि॑र॒प्स्व॒न्त-स्स॑मु॒द्रे ।
ततो॒ विति॑ष्ठे॒ भुव॒नानु॒ विश्वो॒तामू-न्द्यां-वँ॒र्ष्मणोप॑ स्पृशामि ॥7॥
अ॒हमे॒व वात॑ इव॒ प्रवा᳚म्या॒-रभ॑माणा॒ भुव॑नानि॒ विश्वा᳚ ।
प॒रो दि॒वापर॒ ए॒ना पृ॑थि॒व्यै-ताव॑ती महि॒ना सम्ब॑भूव ॥8॥
ॐ शान्ति॒-श्शान्ति॒-श्शान्तिः॑ ॥
॥ इति ऋग्वेदोक्त-न्देवीसूक्तं समाप्तम् ॥
॥त-थ्सत् ॥
Roman (IAST) Transliteration
oṃ a॒haṃ ru॒drebhi॒rvasṷbhiścarāmya॒hamā᳚di॒tyairu॒ta vi॒śvade᳚vaiḥ |
a॒ha-mmi॒trāvarṷṇo॒bhā bi̭bharmya॒hami᳚ndrā॒gnī a॒hama॒śvino॒bhā ||1||
a॒haṃ soma̭māha॒nasa᳚-mbibharmya॒ha-ntvaṣṭā᳚ramu॒ta pū॒ṣaṇa॒-mbhagam᳚ |
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒ yḙ 3 yaja̭mānāya sunva॒te ||2||
a॒haṃ rāṣṭrī᳚ sa॒ṅgama̭nī॒ vasū᳚nā-ñciki॒tuṣī᳚ pratha॒mā ya॒jñiyā᳚nām |
tā-mmā᳚ de॒vā vya̭dadhuḥ puru॒trā bhūri̭sthātrā॒-mbhū~ryā᳚ve॒śayantī᳚m ||3||
mayā॒ so anna̭matti yo vi॒paśya̭ti॒ yaḥ prāṇi̭ti॒ ya īṃ᳚ śṛ॒ṇotyu॒ktam |
a॒ma॒nta॒vo॒mānta upa̭kṣiyanti॒ śru॒dhi śrṷtaṃ śraddhi॒va-nte᳚ vadāmi ||4||
a॒hame॒va sva॒yami॒daṃ-va~dā̭mi॒ juṣṭa᳚-nde॒vebhi̭ru॒ta mānṷṣebhiḥ |
ya-ṅkā॒maye॒ ta-nta̭mu॒gra-ṅkṛ̭ṇomi॒ ta-mbra॒hmāṇa॒-ntamṛṣi॒-ntaṃ sṷme॒dhām ||5||
a॒haṃ ru॒drāya॒ dhanu॒rāta̭nomi brahma॒dviṣe॒ śara̭ve hanta॒ vā ṷ |
a॒ha-ñjanā᳚ya sa॒mada᳚-ṅkṛṇomya॒ha-ndyāvā᳚pṛthi॒vī āvi̭veśa ||6||
a॒haṃ sṷve pi॒tara̭masya mū॒rdha-nmama॒ yoni̭ra॒psva॒nta-ssa̭mu॒dre |
tato॒ viti̭ṣṭhe॒ bhuva॒nānu॒ viśvo॒tāmū-ndyāṃ-va~॒rṣmaṇopa̭ spṛśāmi ||7||
a॒hame॒va vāta̭ iva॒ pravā᳚myā॒-rabha̭māṇā॒ bhuva̭nāni॒ viśvā᳚ |
pa॒ro di॒vāpara॒ e॒nā pṛ̭thi॒vyai-tāva̭tī mahi॒nā samba̭bhūva ||8||
oṃ śānti॒-śśānti॒-śśāntiḥ̭ ||
|| iti ṛgvedokta-ndevīsūktaṃ samāptam ||
||ta-thsat ||
oṃ a॒haṃ ru॒drebhi॒rvasṷbhiścarāmya॒hamā᳚di॒tyairu॒ta vi॒śvade᳚vaiḥ |
a॒ha-mmi॒trāvarṷṇo॒bhā bi̭bharmya॒hami᳚ndrā॒gnī a॒hama॒śvino॒bhā ||1||
a॒haṃ soma̭māha॒nasa᳚-mbibharmya॒ha-ntvaṣṭā᳚ramu॒ta pū॒ṣaṇa॒-mbhagam᳚ |
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒ yḙ 3 yaja̭mānāya sunva॒te ||2||
a॒haṃ rāṣṭrī᳚ sa॒ṅgama̭nī॒ vasū᳚nā-ñciki॒tuṣī᳚ pratha॒mā ya॒jñiyā᳚nām |
tā-mmā᳚ de॒vā vya̭dadhuḥ puru॒trā bhūri̭sthātrā॒-mbhū~ryā᳚ve॒śayantī᳚m ||3||
mayā॒ so anna̭matti yo vi॒paśya̭ti॒ yaḥ prāṇi̭ti॒ ya īṃ᳚ śṛ॒ṇotyu॒ktam |
a॒ma॒nta॒vo॒mānta upa̭kṣiyanti॒ śru॒dhi śrṷtaṃ śraddhi॒va-nte᳚ vadāmi ||4||
a॒hame॒va sva॒yami॒daṃ-va~dā̭mi॒ juṣṭa᳚-nde॒vebhi̭ru॒ta mānṷṣebhiḥ |
ya-ṅkā॒maye॒ ta-nta̭mu॒gra-ṅkṛ̭ṇomi॒ ta-mbra॒hmāṇa॒-ntamṛṣi॒-ntaṃ sṷme॒dhām ||5||
a॒haṃ ru॒drāya॒ dhanu॒rāta̭nomi brahma॒dviṣe॒ śara̭ve hanta॒ vā ṷ |
a॒ha-ñjanā᳚ya sa॒mada᳚-ṅkṛṇomya॒ha-ndyāvā᳚pṛthi॒vī āvi̭veśa ||6||
a॒haṃ sṷve pi॒tara̭masya mū॒rdha-nmama॒ yoni̭ra॒psva॒nta-ssa̭mu॒dre |
tato॒ viti̭ṣṭhe॒ bhuva॒nānu॒ viśvo॒tāmū-ndyāṃ-va~॒rṣmaṇopa̭ spṛśāmi ||7||
a॒hame॒va vāta̭ iva॒ pravā᳚myā॒-rabha̭māṇā॒ bhuva̭nāni॒ viśvā᳚ |
pa॒ro di॒vāpara॒ e॒nā pṛ̭thi॒vyai-tāva̭tī mahi॒nā samba̭bhūva ||8||
oṃ śānti॒-śśānti॒-śśāntiḥ̭ ||
|| iti ṛgvedokta-ndevīsūktaṃ samāptam ||
||ta-thsat ||