ଈଶାନାଂ ଜଗତୋଽସ୍ଯ ଵେଙ୍କଟପତେ ର୍ଵିଷ୍ଣୋଃ ପରାଂ ପ୍ରେଯସୀଂ
ତଦ୍ଵକ୍ଷଃସ୍ଥଲ ନିତ୍ଯଵାସରସିକାଂ ତତ୍-କ୍ଷାନ୍ତି ସଂଵର୍ଧିନୀମ୍ ।
ପଦ୍ମାଲଙ୍କୃତ ପାଣିପଲ୍ଲଵଯୁଗାଂ ପଦ୍ମାସନସ୍ଥାଂ ଶ୍ରିଯଂ
ଵାତ୍ସଲ୍ଯାଦି ଗୁଣୋଜ୍ଜ୍ଵଲାଂ ଭଗଵତୀଂ ଵନ୍ଦେ ଜଗନ୍ମାତରମ୍ ॥
ଶ୍ରୀମନ୍ କୃପାଜଲନିଧେ କୃତସର୍ଵଲୋକ
ସର୍ଵଜ୍ଞ ଶକ୍ତ ନତଵତ୍ସଲ ସର୍ଵଶେଷିନ୍ ।
ସ୍ଵାମିନ୍ ସୁଶୀଲ ସୁଲ ଭାଶ୍ରିତ ପାରିଜାତ
ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ ॥ 2 ॥
ଆନୂପୁରାର୍ଚିତ ସୁଜାତ ସୁଗନ୍ଧି ପୁଷ୍ପ
ସୌରଭ୍ଯ ସୌରଭକରୌ ସମସନ୍ନିଵେଶୌ ।
ସୌମ୍ଯୌ ସଦାନୁଭନେଽପି ନଵାନୁଭାଵ୍ଯୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 3 ॥
ସଦ୍ଯୋଵିକାସି ସମୁଦିତ୍ତ୍ଵର ସାନ୍ଦ୍ରରାଗ
ସୌରଭ୍ଯନିର୍ଭର ସରୋରୁହ ସାମ୍ଯଵାର୍ତାମ୍ ।
ସମ୍ଯକ୍ଷୁ ସାହସପଦେଷୁ ଵିଲେଖଯନ୍ତୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 4 ॥
ରେଖାମଯ ଧ୍ଵଜ ସୁଧାକଲଶାତପତ୍ର
ଵଜ୍ରାଙ୍କୁଶାମ୍ବୁରୁହ କଲ୍ପକ ଶଙ୍ଖଚକ୍ରୈଃ ।
ଭଵ୍ଯୈରଲଙ୍କୃତତଲୌ ପରତତ୍ତ୍ଵ ଚିହ୍ନୈଃ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 5 ॥
ତାମ୍ରୋଦରଦ୍ଯୁତି ପରାଜିତ ପଦ୍ମରାଗୌ
ବାହ୍ଯୈର୍-ମହୋଭି ରଭିଭୂତ ମହେନ୍ଦ୍ରନୀଲୌ ।
ଉଦ୍ଯ ନ୍ନଖାଂଶୁଭି ରୁଦସ୍ତ ଶଶାଙ୍କ ଭାସୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 6 ॥
ସ ପ୍ରେମଭୀତି କମଲାକର ପଲ୍ଲଵାଭ୍ଯାଂ
ସଂଵାହନେଽପି ସପଦି କ୍ଲମ ମାଧଧାନୌ ।
କାନ୍ତା ନଵାଙ୍ମାନସ ଗୋଚର ସୌକୁମାର୍ଯୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 7 ॥
ଲକ୍ଷ୍ମୀ ମହୀ ତଦନୁରୂପ ନିଜାନୁଭାଵ
ନୀଲାଦି ଦିଵ୍ଯ ମହିଷୀ କରପଲ୍ଲଵାନାମ୍ ।
ଆରୁଣ୍ଯ ସଙ୍କ୍ରମଣତଃ କିଲ ସାନ୍ଦ୍ରରାଗୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 8 ॥
ନିତ୍ଯାନମଦ୍ଵିଧି ଶିଵାଦି କିରୀଟକୋଟି
ପ୍ରତ୍ଯୁପ୍ତ ଦୀପ୍ତ ନଵରତ୍ନମହଃ ପ୍ରରୋହୈଃ ।
ନୀରାଜନାଵିଧି ମୁଦାର ମୁପାଦଧାନୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 9 ॥
"ଵିଷ୍ଣୋଃ ପଦେ ପରମ" ଇତ୍ଯୁଦିତ ପ୍ରଶଂସୌ
ଯୌ "ମଧ୍ଵ ଉତ୍ସ" ଇତି ଭୋଗ୍ଯ ତଯାଽପ୍ଯୁପାତ୍ତୌ ।
ଭୂଯସ୍ତଥେତି ତଵ ପାଣିତଲ ପ୍ରଦିଷ୍ଟୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 10 ॥
ପାର୍ଥାଯ ତତ୍-ସଦୃଶ ସାରଧିନା ତ୍ଵଯୈଵ
ଯୌ ଦର୍ଶିତୌ ସ୍ଵଚରଣୌ ଶରଣଂ ଵ୍ରଜେତି ।
ଭୂଯୋଽପି ମହ୍ଯ ମିହ ତୌ କରଦର୍ଶିତୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 11 ॥
ମନ୍ମୂର୍ଥ୍ନି କାଲିଯଫନେ ଵିକଟାଟଵୀଷୁ
ଶ୍ରୀଵେଙ୍କଟାଦ୍ରି ଶିଖରେ ଶିରସି ଶ୍ରୁତୀନାମ୍ ।
ଚିତ୍ତେଽପ୍ଯନନ୍ଯ ମନସାଂ ସମମାହିତୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 12 ॥
ଅମ୍ଲାନ ହୃଷ୍ଯ ଦଵନୀତଲ କୀର୍ଣପୁଷ୍ପୌ
ଶ୍ରୀଵେଙ୍କଟାଦ୍ରି ଶିଖରାଭରଣାଯ-ମାନୌ ।
ଆନନ୍ଦିତାଖିଲ ମନୋ ନଯନୌ ତଵୈ ତୌ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 13 ॥
ପ୍ରାଯଃ ପ୍ରପନ୍ନ ଜନତା ପ୍ରଥମାଵଗାହ୍ଯୌ
ମାତୁଃ ସ୍ତନାଵିଵ ଶିଶୋ ରମୃତାଯମାଣୌ ।
ପ୍ରାପ୍ତୌ ପରସ୍ପର ତୁଲା ମତୁଲାନ୍ତରୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 14 ॥
ସତ୍ତ୍ଵୋତ୍ତରୈଃ ସତତ ସେଵ୍ଯପଦାମ୍ବୁଜେନ
ସଂସାର ତାରକ ଦଯାର୍ଦ୍ର ଦୃଗଞ୍ଚଲେନ ।
ସୌମ୍ଯୋପଯନ୍ତୃ ମୁନିନା ମମ ଦର୍ଶିତୌ ତେ
ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ ॥ 15 ॥
ଶ୍ରୀଶ ଶ୍ରିଯା ଘଟିକଯା ତ୍ଵଦୁପାଯ ଭାଵେ
ପ୍ରାପ୍ଯେତ୍ଵଯି ସ୍ଵଯମୁପେଯ ତଯା ସ୍ଫୁରନ୍ତ୍ଯା ।
ନିତ୍ଯାଶ୍ରିତାଯ ନିରଵଦ୍ଯ ଗୁଣାଯ ତୁଭ୍ଯଂ
ସ୍ଯାଂ କିଙ୍କରୋ ଵୃଷଗିରୀଶ ନ ଜାତୁ ମହ୍ଯମ୍ ॥ 16 ॥
ଇତି ଶ୍ରୀଵେଙ୍କଟେଶ ପ୍ରପତ୍ତିଃ
Roman (IAST) Transliteration
īśānāṃ jagato'sya veṅkaṭapate rviṣṇoḥ parāṃ preyasīṃ
tadvakṣaḥsthala nityavāsarasikāṃ tat-kṣānti saṃvardhinīm |
padmālaṅkṛta pāṇipallavayugāṃ padmāsanasthāṃ śriyaṃ
vātsalyādi guṇojjvalāṃ bhagavatīṃ vande jaganmātaram ||
śrīman kṛpājalanidhe kṛtasarvaloka
sarvajña śakta natavatsala sarvaśeṣin |
svāmin suśīla sula bhāśrita pārijāta
śrīveṅkaṭeśacaraṇau śaraṇaṃ prapadye || 2 ||
ānūpurārcita sujāta sugandhi puṣpa
saurabhya saurabhakarau samasanniveśau |
saumyau sadānubhane'pi navānubhāvyau
śrīveṅkaṭeśa caraṇau śaraṇaṃ prapadye || 3 ||
sadyovikāsi samudittvara sāndrarāga
saurabhyanirbhara saroruha sāmyavārtām |
samyakṣu sāhasapadeṣu vilekhayantau
śrīveṅkaṭeśa caraṇau śaraṇaṃ prapadye || 4 ||
rekhāmaya dhvaja sudhākalaśātapatra
vajrāṅkuśāmburuha kalpaka śaṅkhacakraiḥ |
bhavyairalaṅkṛtatalau paratattva cihnaiḥ
śrīveṅkaṭeśa caraṇau śaraṇaṃ prapadye || 5 ||
tāmrodaradyuti parājita padmarāgau
bāhyair-mahobhi rabhibhūta mahendranīlau |
udya nnakhāṃśubhi rudasta śaśāṅka bhāsau
śrīveṅkaṭeśa caraṇau śaraṇaṃ prapadye || 6 ||
sa premabhīti kamalākara pallavābhyāṃ
saṃvāhane'pi sapadi klama mādhadhānau |
kāntā navāṅmānasa gocara saukumāryau
śrīveṅkaṭeśa caraṇau śaraṇaṃ prapadye || 7 ||
lakṣmī mahī tadanurūpa nijānubhāva
nīlādi divya mahiṣī karapallavānām |
āruṇya saṅkramaṇataḥ kila sāndrarāgau
śrīveṅkaṭeśa caraṇau śaraṇaṃ prapadye || 8 ||
nityānamadvidhi śivādi kirīṭakoṭi
pratyupta dīpta navaratnamahaḥ prarohaiḥ |
nīrājanāvidhi mudāra mupādadhānau
śrīveṅkaṭeśa caraṇau śaraṇaṃ prapadye || 9 ||
"viṣṇoḥ pade parama" ityudita praśaṃsau
yau "madhva utsa" iti bhogya tayā'pyupāttau |
bhūyastatheti tava pāṇitala pradiṣṭau
śrīveṅkaṭeśa caraṇau śaraṇaṃ prapadye || 10 ||
pārthāya tat-sadṛśa sāradhinā tvayaiva
yau darśitau svacaraṇau śaraṇaṃ vrajeti |
bhūyo'pi mahya miha tau karadarśitau te
śrīveṅkaṭeśa caraṇau śaraṇaṃ prapadye || 11 ||
manmūrthni kāliyaphane vikaṭāṭavīṣu
śrīveṅkaṭādri śikhare śirasi śrutīnām |
citte'pyananya manasāṃ samamāhitau te
śrīveṅkaṭeśa caraṇau śaraṇaṃ prapadye || 12 ||
amlāna hṛṣya davanītala kīrṇapuṣpau
śrīveṅkaṭādri śikharābharaṇāya-mānau |
ānanditākhila mano nayanau tavai tau
śrīveṅkaṭeśa caraṇau śaraṇaṃ prapadye || 13 ||
prāyaḥ prapanna janatā prathamāvagāhyau
mātuḥ stanāviva śiśo ramṛtāyamāṇau |
prāptau paraspara tulā matulāntarau te
śrīveṅkaṭeśa caraṇau śaraṇaṃ prapadye || 14 ||
sattvottaraiḥ satata sevyapadāmbujena
saṃsāra tāraka dayārdra dṛgañcalena |
saumyopayantṛ muninā mama darśitau te
śrīveṅkaṭeśa caraṇau śaraṇaṃ prapadye || 15 ||
śrīśa śriyā ghaṭikayā tvadupāya bhāve
prāpyetvayi svayamupeya tayā sphurantyā |
nityāśritāya niravadya guṇāya tubhyaṃ
syāṃ kiṅkaro vṛṣagirīśa na jātu mahyam || 16 ||
iti śrīveṅkaṭeśa prapattiḥ
Sanskrit — Devanagari (original)
ईशानां जगतोऽस्य वेङ्कटपते र्विष्णोः परां प्रेयसीं
तद्वक्षःस्थल नित्यवासरसिकां तत्-क्षान्ति संवर्धिनीम् ।
पद्मालङ्कृत पाणिपल्लवयुगां पद्मासनस्थां श्रियं
वात्सल्यादि गुणोज्ज्वलां भगवतीं वन्दे जगन्मातरम् ॥
श्रीमन् कृपाजलनिधे कृतसर्वलोक
सर्वज्ञ शक्त नतवत्सल सर्वशेषिन् ।
स्वामिन् सुशील सुल भाश्रित पारिजात
श्रीवेङ्कटेशचरणौ शरणं प्रपद्ये ॥ 2 ॥
आनूपुरार्चित सुजात सुगन्धि पुष्प
सौरभ्य सौरभकरौ समसन्निवेशौ ।
सौम्यौ सदानुभनेऽपि नवानुभाव्यौ
श्रीवेङ्कटेश चरणौ शरणं प्रपद्ये ॥ 3 ॥
सद्योविकासि समुदित्त्वर सान्द्रराग
सौरभ्यनिर्भर सरोरुह साम्यवार्ताम् ।
सम्यक्षु साहसपदेषु विलेखयन्तौ
श्रीवेङ्कटेश चरणौ शरणं प्रपद्ये ॥ 4 ॥
रेखामय ध्वज सुधाकलशातपत्र
वज्राङ्कुशाम्बुरुह कल्पक शङ्खचक्रैः ।
भव्यैरलङ्कृततलौ परतत्त्व चिह्नैः
श्रीवेङ्कटेश चरणौ शरणं प्रपद्ये ॥ 5 ॥
ताम्रोदरद्युति पराजित पद्मरागौ
बाह्यैर्-महोभि रभिभूत महेन्द्रनीलौ ।
उद्य न्नखांशुभि रुदस्त शशाङ्क भासौ
श्रीवेङ्कटेश चरणौ शरणं प्रपद्ये ॥ 6 ॥
स प्रेमभीति कमलाकर पल्लवाभ्यां
संवाहनेऽपि सपदि क्लम माधधानौ ।
कान्ता नवाङ्मानस गोचर सौकुमार्यौ
श्रीवेङ्कटेश चरणौ शरणं प्रपद्ये ॥ 7 ॥
लक्ष्मी मही तदनुरूप निजानुभाव
नीलादि दिव्य महिषी करपल्लवानाम् ।
आरुण्य सङ्क्रमणतः किल सान्द्ररागौ
श्रीवेङ्कटेश चरणौ शरणं प्रपद्ये ॥ 8 ॥
नित्यानमद्विधि शिवादि किरीटकोटि
प्रत्युप्त दीप्त नवरत्नमहः प्ररोहैः ।
नीराजनाविधि मुदार मुपादधानौ
श्रीवेङ्कटेश चरणौ शरणं प्रपद्ये ॥ 9 ॥
"विष्णोः पदे परम" इत्युदित प्रशंसौ
यौ "मध्व उत्स" इति भोग्य तयाऽप्युपात्तौ ।
भूयस्तथेति तव पाणितल प्रदिष्टौ
श्रीवेङ्कटेश चरणौ शरणं प्रपद्ये ॥ 10 ॥
पार्थाय तत्-सदृश सारधिना त्वयैव
यौ दर्शितौ स्वचरणौ शरणं व्रजेति ।
भूयोऽपि मह्य मिह तौ करदर्शितौ ते
श्रीवेङ्कटेश चरणौ शरणं प्रपद्ये ॥ 11 ॥
मन्मूर्थ्नि कालियफने विकटाटवीषु
श्रीवेङ्कटाद्रि शिखरे शिरसि श्रुतीनाम् ।
चित्तेऽप्यनन्य मनसां सममाहितौ ते
श्रीवेङ्कटेश चरणौ शरणं प्रपद्ये ॥ 12 ॥
अम्लान हृष्य दवनीतल कीर्णपुष्पौ
श्रीवेङ्कटाद्रि शिखराभरणाय-मानौ ।
आनन्दिताखिल मनो नयनौ तवै तौ
श्रीवेङ्कटेश चरणौ शरणं प्रपद्ये ॥ 13 ॥
प्रायः प्रपन्न जनता प्रथमावगाह्यौ
मातुः स्तनाविव शिशो रमृतायमाणौ ।
प्राप्तौ परस्पर तुला मतुलान्तरौ ते
श्रीवेङ्कटेश चरणौ शरणं प्रपद्ये ॥ 14 ॥
सत्त्वोत्तरैः सतत सेव्यपदाम्बुजेन
संसार तारक दयार्द्र दृगञ्चलेन ।
सौम्योपयन्तृ मुनिना मम दर्शितौ ते
श्रीवेङ्कटेश चरणौ शरणं प्रपद्ये ॥ 15 ॥
श्रीश श्रिया घटिकया त्वदुपाय भावे
प्राप्येत्वयि स्वयमुपेय तया स्फुरन्त्या ।
नित्याश्रिताय निरवद्य गुणाय तुभ्यं
स्यां किङ्करो वृषगिरीश न जातु मह्यम् ॥ 16 ॥
इति श्रीवेङ्कटेश प्रपत्तिः
īśānāṃ jagato'sya veṅkaṭapate rviṣṇoḥ parāṃ preyasīṃ
tadvakṣaḥsthala nityavāsarasikāṃ tat-kṣānti saṃvardhinīm |
padmālaṅkṛta pāṇipallavayugāṃ padmāsanasthāṃ śriyaṃ
vātsalyādi guṇojjvalāṃ bhagavatīṃ vande jaganmātaram ||
śrīman kṛpājalanidhe kṛtasarvaloka
sarvajña śakta natavatsala sarvaśeṣin |
svāmin suśīla sula bhāśrita pārijāta
śrīveṅkaṭeśacaraṇau śaraṇaṃ prapadye || 2 ||
ānūpurārcita sujāta sugandhi puṣpa
saurabhya saurabhakarau samasanniveśau |
saumyau sadānubhane'pi navānubhāvyau
śrīveṅkaṭeśa caraṇau śaraṇaṃ prapadye || 3 ||
sadyovikāsi samudittvara sāndrarāga
saurabhyanirbhara saroruha sāmyavārtām |
samyakṣu sāhasapadeṣu vilekhayantau
śrīveṅkaṭeśa caraṇau śaraṇaṃ prapadye || 4 ||
rekhāmaya dhvaja sudhākalaśātapatra
vajrāṅkuśāmburuha kalpaka śaṅkhacakraiḥ |
bhavyairalaṅkṛtatalau paratattva cihnaiḥ
śrīveṅkaṭeśa caraṇau śaraṇaṃ prapadye || 5 ||
tāmrodaradyuti parājita padmarāgau
bāhyair-mahobhi rabhibhūta mahendranīlau |
udya nnakhāṃśubhi rudasta śaśāṅka bhāsau
śrīveṅkaṭeśa caraṇau śaraṇaṃ prapadye || 6 ||
sa premabhīti kamalākara pallavābhyāṃ
saṃvāhane'pi sapadi klama mādhadhānau |
kāntā navāṅmānasa gocara saukumāryau
śrīveṅkaṭeśa caraṇau śaraṇaṃ prapadye || 7 ||
lakṣmī mahī tadanurūpa nijānubhāva
nīlādi divya mahiṣī karapallavānām |
āruṇya saṅkramaṇataḥ kila sāndrarāgau
śrīveṅkaṭeśa caraṇau śaraṇaṃ prapadye || 8 ||
nityānamadvidhi śivādi kirīṭakoṭi
pratyupta dīpta navaratnamahaḥ prarohaiḥ |
nīrājanāvidhi mudāra mupādadhānau
śrīveṅkaṭeśa caraṇau śaraṇaṃ prapadye || 9 ||
"viṣṇoḥ pade parama" ityudita praśaṃsau
yau "madhva utsa" iti bhogya tayā'pyupāttau |
bhūyastatheti tava pāṇitala pradiṣṭau
śrīveṅkaṭeśa caraṇau śaraṇaṃ prapadye || 10 ||
pārthāya tat-sadṛśa sāradhinā tvayaiva
yau darśitau svacaraṇau śaraṇaṃ vrajeti |
bhūyo'pi mahya miha tau karadarśitau te
śrīveṅkaṭeśa caraṇau śaraṇaṃ prapadye || 11 ||
manmūrthni kāliyaphane vikaṭāṭavīṣu
śrīveṅkaṭādri śikhare śirasi śrutīnām |
citte'pyananya manasāṃ samamāhitau te
śrīveṅkaṭeśa caraṇau śaraṇaṃ prapadye || 12 ||
amlāna hṛṣya davanītala kīrṇapuṣpau
śrīveṅkaṭādri śikharābharaṇāya-mānau |
ānanditākhila mano nayanau tavai tau
śrīveṅkaṭeśa caraṇau śaraṇaṃ prapadye || 13 ||
prāyaḥ prapanna janatā prathamāvagāhyau
mātuḥ stanāviva śiśo ramṛtāyamāṇau |
prāptau paraspara tulā matulāntarau te
śrīveṅkaṭeśa caraṇau śaraṇaṃ prapadye || 14 ||
sattvottaraiḥ satata sevyapadāmbujena
saṃsāra tāraka dayārdra dṛgañcalena |
saumyopayantṛ muninā mama darśitau te
śrīveṅkaṭeśa caraṇau śaraṇaṃ prapadye || 15 ||
śrīśa śriyā ghaṭikayā tvadupāya bhāve
prāpyetvayi svayamupeya tayā sphurantyā |
nityāśritāya niravadya guṇāya tubhyaṃ
syāṃ kiṅkaro vṛṣagirīśa na jātu mahyam || 16 ||
iti śrīveṅkaṭeśa prapattiḥ
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.