1.7 - Rajasuyanubrahmanam - Krishna Yajurveda Taittiriya Brahmana Pathah - Etad Brahmananyeva — Malayalam Script

കൃഷ്ണ യജുര്വേദീയ തൈത്തിരീയ ബ്രാഹ്മണേ പ്രഥമാഷ്ടകേ സപ്തമഃ പ്രപാഠകഃ - രാജസൂയാനുബ്രാഹ്മണം

ഓ-ന്നമഃ പരമാത്മനേ, ശ്രീ മഹാഗണപതയേ നമഃ,

ശ്രീ ഗുരുഭ്യോ നമഃ । ഹ॒രിഃ॒ ഓമ് ॥

അനുവാകം 1 - ശുനാസീരീയേന്ദ്രതുരീയപഞ്ചാവത്തീയാപാമാര്ഗഹോമാഃ

ഏ॒ത-ദ്ബ്രാ᳚ഹ്മണാന്യേ॒വ പഞ്ച॑ ഹ॒വീഗ്ംഷി॑ । അഥേന്ദ്രാ॑യ॒ ശുനാ॒സീരാ॑യ പുരോ॒ഡാശ॒-ന്ദ്വാദ॑ശകപാല॒-ന്നിര്വ॑പതി । സം॒വഁ॒ഥ്സ॒രോ വാ ഇന്ദ്രാ॒ ശുനാ॒സീരഃ॑ । സം॒വഁ॒ഥ്സ॒രേണൈ॒വാസ്മാ॒ അന്ന॒മവ॑ രുന്ധേ । വാ॒യ॒വ്യ॑-മ്പയോ॑ ഭവതി । വാ॒യുര്വൈ വൃഷ്ട്യൈ᳚ പ്രദാപയി॒താ । സ ഏ॒വാസ്മൈ॒ വൃഷ്ടി॒-മ്പ്രദാ॑പയതി । സൌ॒ര്യ॑ ഏക॑കപാലോ ഭവതി । സൂര്യേ॑ണ॒ വാ അ॒മുഷ്മി॑ഁല്ലോ॒കേ വൃഷ്ടി॑ര്ധൃ॒താ । സ ഏ॒വാസ്മൈ॒ വൃഷ്ടി॒-ന്നി യ॑ച്ഛതി ॥ 1 ॥

ദ്വാ॒ദ॒ശ॒ഗ॒വഗ്ം സീര॒-ന്ദക്ഷി॑ണാ॒ സമൃ॑ദ്ധ്യൈ । ദേ॒വാ॒സു॒രാ-സ്സംയഁ॑ത്താ ആസന്ന് । തേ ദേ॒വാ അ॒ഗ്നിമ॑ബ്രുവന്ന് । ത്വയാ॑ വീ॒രേണാസു॑രാന॒-ഭിഭ॑വാ॒മേതി॑ । സോ᳚-ഽബ്രവീത് । ത്രേ॒ധാ-ഽഹമാ॒ത്മാനം॒-വിഁക॑രിഷ്യ॒ ഇതി॑ । സ ത്രേ॒ധാ ഽഽത്മാനം॒-വ്യഁ॑കുരുത । അ॒ഗ്നി-ന്തൃതീ॑യമ് । രു॒ദ്ര-ന്തൃതീ॑യമ് । വരു॑ണ॒-ന്തൃതീ॑യമ് ॥ 2 ॥

സോ᳚-ഽബ്രവീത് । ക ഇ॒ദ-ന്തു॒രീയ॒മിതി॑ । അ॒ഹമിതീന്ദ്രോ᳚-ഽബ്രവീത് ।

സ-ന്തു സൃ॑ജാവഹാ॒ ഇതി॑ । തൌ സമ॑സൃജേതാമ് । സ ഇന്ദ്ര॑സ്തു॒രീയ॑-മഭവത് । യദിന്ദ്ര॑-സ്തു॒രീയ॒-മഭ॑വത് । തദി॑ന്ദ്ര-തുരീ॒യസ്യേ᳚ന്ദ്ര-തുരീയ॒ത്വമ് । തതോ॒ വൈ ദേ॒വാ വ്യ॑ജയന്ത । യദി॑ന്ദ്രതുരീ॒യ-ന്നി॑രു॒പ്യതേ॒ വിജി॑ത്യൈ ॥ 3 ॥

വ॒ഹിനീ॑ ധേ॒നു-ര്ദക്ഷി॑ണാ । യ-ദ്വ॒ഹിനീ᳚ । തേനാ᳚ഗ്നേ॒യീ ।

യ-ദ്ഗൌഃ । തേന॑ രൌ॒ദ്രീ । യ-ദ്ധേ॒നുഃ । തേനൈ॒ന്ദ്രീ । യഥ്സ്ത്രീ സ॒തീ ദാ॒ന്താ । തേന॑ വാരു॒ണീ സമൃ॑ദ്ധ്യൈ । പ്ര॒ജാപ॑തി-ര്യ॒ജ്ഞമ॑സൃജത ॥ 4 ॥

തഗ്ം സൃ॒ഷ്ടഗ്ം രക്ഷാഗ്॑സ്യജിഘാഗ്ംസന്ന് । സ ഏ॒താഃ പ്ര॒ജാപ॑തി-രാ॒ത്മനോ॑ ദേ॒വതാ॒ നിര॑മിമീത । താഭി॒ര്വൈ സ ദി॒ഗ്ഭ്യോ രക്ഷാഗ്ം॑സി॒ പ്രാണു॑ദത । യ-ത്പ॑ഞ്ചാവ॒ത്തീയ॑-ഞ്ജു॒ഹോതി॑ । ദി॒ഗ്ഭ്യ ഏ॒വ ത-ദ്യജ॑മാനോ॒ രക്ഷാഗ്ം॑സി॒ പ്രണു॑ദതേ । സമൂ॑ഢ॒ഗ്ം॒ രക്ഷ॒-സ്സന്ദ॑ഗ്ധ॒ഗ്ം॒ രക്ഷ॒ ഇത്യാ॑ഹ । രക്ഷാഗ്॑സ്യേ॒വ സന്ദ॑ഹതി । അ॒ഗ്നയേ॑ രക്ഷോ॒ഘ്നേ സ്വാഹേത്യാ॑ഹ । ദേ॒വതാ᳚ഭ്യ ഏ॒വ വി॑ജിഗ്യാ॒നാഭ്യോ॑ ഭാഗ॒ധേയ॑-ങ്കരോതി । പ്ര॒ഷ്ടി॒വാ॒ഹീ രഥോ॒ ദക്ഷി॑ണാ॒ സമൃ॑ദ്ധ്യൈ ॥ 5 ॥

ഇന്ദ്രോ॑ വൃ॒ത്രഗ്ം ഹ॒ത്വാ । അസു॑രാ-ന്പരാ॒ഭാവ്യ॑ । നമു॑ചിമാസു॒ര-ന്നാല॑ഭത । തഗ്ം ശ॒ച്യാ॑-ഽഗൃഹ്ണാത് । തൌ സമ॑ലഭേതാമ് । സോ᳚-ഽസ്മാ-ദ॒ഭിശു॑നതരോ-ഽഭവത് । സോ᳚-ഽബ്രവീത് । സ॒ധാംഗ്ം സന്ദ॑ധാവഹൈ । അഥ॒ ത്വാ-ഽവ॑ സ്രക്ഷ്യാമി । ന മാ॒ ശുഷ്കേ॑ണ॒ നാര്ദ്രേണ॑ ഹനഃ ॥ 6 ॥

ന ദിവാ॒ ന നക്ത॒മിതി॑ । സ ഏ॒തമ॒പാ-മ്ഫേന॑മസിഞ്ചത് । ന വാ ഏ॒ഷ ശുഷ്കോ॒ നാര്ദ്രോ വ്യു॑ഷ്ടാ ഽഽസീത് । അനു॑ദിത॒-സ്സൂര്യഃ॑ । ന വാ ഏ॒ത-ദ്ദിവാ॒ ന നക്ത᳚മ് । തസ്യൈ॒തസ്മി॑ന് ഁലോ॒കേ । അ॒പാ-മ്ഫേനേ॑ന॒ ശിര॒ ഉദ॑വര്തയത് । തദേ॑ന॒മന്വ॑വര്തത । മിത്ര॑ദ്രു॒ഗിതി॑ ॥ 7 ॥

സ ഏ॒താന॑പാമാ॒ര്ഗാന॑ജനയത് । താന॑ജുഹോത് । തൈര്വൈ സ രക്ഷാ॒ഗ്॒സ്യപാ॑ഹത । യദ॑പാമാര്ഗ ഹോ॒മോ ഭവ॑തി । രക്ഷ॑സാ॒-മപ॑ഹത്യൈ । ഏ॒കോ॒ല് മു॒കേന॑ യന്തി । തദ്ധി രക്ഷ॑സാ-മ്ഭാഗ॒ധേയ᳚മ് । ഇ॒മാ-ന്ദിശം॑-യഁന്തി । ഏ॒ഷാ വൈ രക്ഷ॑സാ॒-ന്ദിക് । സ്വായാ॑മേ॒വ ദി॒ശി രക്ഷാഗ്ം॑സി ഹന്തി ॥ 8 ॥

സ്വകൃ॑ത॒ ഇരി॑ണേ ജുഹോതി പ്രദ॒രേ വാ᳚ । ഏ॒ത-ദ്വൈ രക്ഷ॑സാമാ॒യത॑നമ് । സ്വ ഏ॒വായത॑നേ॒ രക്ഷാഗ്ം॑സി ഹന്തി । പ॒ര്ണ॒മയേ॑ന സ്രു॒വേണ॑ ജുഹോതി । ബ്രഹ്മ॒ വൈ പ॒ര്ണഃ । ബ്രഹ്മ॑ണൈ॒വ രക്ഷാഗ്ം॑സി ഹന്തി । ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യാ॑ഹ । സ॒വി॒തൃപ്ര॑സൂത ഏ॒വ രക്ഷാഗ്ം॑സി ഹന്തി । ഹ॒തഗ്ം രക്ഷോ ഽവ॑ധിഷ്മ॒ രക്ഷ॒ ഇത്യാ॑ഹ । രക്ഷ॑സാ॒ഗ്॒ സ്തൃത്യൈ᳚ । യദ്വസ്തേ॒ ത-ദ്ദക്ഷി॑ണാ നി॒രവ॑ത്ത്യൈ । അപ്ര॑തീക്ഷ॒മാ യ॑ന്തി । രക്ഷ॑സാ-മ॒ന്തര്ഹി॑ത്യൈ ॥ 9 ॥

(യ॒ച്ഛ॒തി॒ - വരു॑ണ॒-ന്തൃതീ॑യം॒ - ഁവിജി॑ത്യാ - അസൃജത॒ - സമൃ॑ദ്ധ്യൈ - ഹനോ॒ - മിത്ര॑ദ്രു॒ഗിതി॑ - ഹന്തി॒ - സ്തൃത്യൈ॒ ത്രീണി॑ ച) (അ. 1)

അനുവാകം 2 - ദേവികാവഹവീംഷി

ധാ॒ത്രേ പു॑രോ॒ഡാശ॒-ന്ദ്വാദ॑ശകപാല॒-ന്നിര്വ॑പതി । സം॒വഁ॒ഥ്സ॒രോ വൈ ധാ॒താ । സം॒വഁ॒ഥ്സ॒രേണൈ॒വാസ്മൈ᳚ പ്ര॒ജാഃ പ്രജ॑നയതി । അന്വേ॒വാസ്മാ॒ അനു॑മതിര്മന്യതേ । രാ॒തേ രാ॒കാ । പ്ര സി॑നീവാ॒ലീ ജ॑നയതി । പ്ര॒ജാസ്വേ॒വ പ്രജാ॑താസു കു॒ഹ്വാ॑ വാച॑-ന്ദധാതി । മി॒ഥു॒നൌ ഗാവൌ॒ ദക്ഷി॑ണാ॒ സമൃ॑ദ്ധ്യൈ । ആ॒ഗ്നാ॒വൈ॒ഷ്ണ॒വ-മേകാ॑ദശകപാല॒-ന്നിര്വ॑പതി । ഐ॒ന്ദ്രാ॒വൈ॒ഷ്ണ॒വ-മേകാ॑ദശകപാലമ് ॥ 10 ॥

വൈ॒ഷ്ണ॒വ-ന്ത്രി॑കപാ॒ലമ് । വീ॒ര്യം॑-വാഁ അ॒ഗ്നിഃ । വീ॒ര്യ॑മിന്ദ്രഃ॑ । വീ॒ര്യം॑-വിഁഷ്ണുഃ॑ । പ്ര॒ജാ ഏ॒വ പ്രജാ॑താ വീ॒ര്യേ᳚ പ്രതി॑ഷ്ഠാപയതി । തസ്മാ᳚-ത്പ്ര॒ജാ വീ॒ര്യാ॑വതീഃ । വാ॒മ॒ന ഋ॑ഷ॒ഭോ വ॒ഹീ ദക്ഷി॑ണാ । യദ്വ॒ഹീ । തേനാ᳚ഗ്നേ॒യഃ । യദൃ॑ഷ॒ഭഃ ॥ 11 ॥

തേനൈ॒ന്ദ്രഃ । യദ്വാ॑മ॒നഃ । തേന॑ വൈഷ്ണ॒വ-സ്സമൃ॑ദ്ധ്യൈ । അ॒ഗ്നീ॒ഷോ॒മീയ॒-മേകാ॑ദശകപാല॒-ന്നിര്വ॑പതി । ഇ॒ന്ദ്രാ॒സോ॒മീയ॒-മേകാ॑ദശകപാലമ് । സൌ॒മ്യ-ഞ്ച॒രുമ് । സോമോ॒ വൈ രേ॑തോ॒ധാഃ । അ॒ഗ്നിഃ പ്ര॒ജാനാ᳚-മ്പ്രജനയി॒താ । വൃ॒ദ്ധാനാ॒മിന്ദ്രഃ॑ പ്രദാപയി॒താ । സോമ॑ ഏ॒വാസ്മൈ॒ രേതോ॒ ദധാ॑തി ॥ 12 ॥

അ॒ഗ്നിഃ പ്ര॒ജാ-മ്പ്രജ॑നയതി । വൃ॒ദ്ധാമിന്ദ്രഃ॒ പ്രയ॑ച്ഛതി । ബ॒ഭ്രു-ര്ദക്ഷി॑ണാ॒ സമൃ॑ദ്ധ്യൈ । സോ॒മാ॒പൌ॒ഷ്ണ-ഞ്ച॒രു-ന്നിര്വ॑പതി । ഐ॒ന്ദ്രാ॒പൌ॒ഷ്ണ-ഞ്ച॒രുമ് । സോമോ॒ വൈ രേ॑തോ॒ധാഃ । പൂ॒ഷാ പ॑ശൂ॒നാ-മ്പ്ര॑ജനയി॒താ । വൃ॒ദ്ധാനാ॒മിന്ദ്രഃ॑ പ്രദാപയി॒താ । സോമ॑ ഏ॒വാസ്മൈ॒ രേതോ॒ ദധാ॑തി । പൂ॒ഷാ പ॒ശൂ-ന്പ്രജ॑നയതി ॥ 13 ॥

വൃ॒ദ്ധാനിന്ദ്രഃ॒ പ്രയ॑ച്ഛതി । പൌ॒ഷ്ണശ്ച॒രു-ര്ഭ॑വതി । ഇ॒യം-വൈഁ പൂ॒ഷാ । അ॒സ്യാമേ॒വ പ്രതി॑ തിഷ്ഠതി । ശ്യാ॒മോ ദക്ഷി॑ണാ॒ സമൃ॑ദ്ധ്യൈ । ബ॒ഹു വൈ പുരു॑ഷോ-ഽമേ॒ദ്ധ്യ-മുപ॑ഗച്ഛതി । വൈ॒ശ്വാ॒ന॒ര-ന്ദ്വാദ॑ശകപാല॒-ന്നിര്വ॑പതി । സം॒വഁ॒ഥ്സ॒രോ വാ അ॒ഗ്നി-ര്വൈ᳚ശ്വാന॒രഃ । സം॒വഁ॒ഥ്സ॒രേണൈ॒വൈനഗ്ഗ്॑ സ്വദയതി । ഹിര॑ണ്യ॒-ന്ദക്ഷി॑ണാ ॥ 14 ॥

പ॒വിത്രം॒-വൈഁ ഹിര॑ണ്യമ് । പു॒നാത്യേ॒വൈന᳚മ് । ബ॒ഹു വൈ രാ॑ജ॒ന്യോ ഽനൃ॑ത-ങ്കരോതി । ഉപ॑ ജാ॒മ്യൈ ഹര॑തേ । ജി॒നാതി॑ ബ്രാഹ്മ॒ണമ് । വദ॒ത്യനൃ॑തമ് । അനൃ॑തേ॒ ഖലു॒ വൈ ക്രി॒യമാ॑ണേ॒ വരു॑ണോ ഗൃഹ്ണാതി । വാ॒രു॒ണം-യഁ॑വ॒മയ॑-ഞ്ച॒രു-ന്നിര്വ॑പതി । വ॒രു॒ണ॒പാ॒ശാദേ॒വൈന॑-മ്മുഞ്ചതി । അശ്വോ॒ ദക്ഷി॑ണാ । വാ॒രു॒ണോ ഹി ദേ॒വത॒യാ-ഽശ്വ॒-സ്സമൃ॑ദ്ധ്യൈ ॥ 15 ॥

(ഐ॒ന്ദ്രാ॒വൈ॒ഷ്ണാ॒വമേകാ॑ദശകപാലം॒-ഁയദൃ॑ഷ॒ഭോ- ദധാ॑തി-പൂ॒ഷാ പ॒ശൂ-ന്പ്രജ॑നയതി॒-ഹിര॑ണ്യം॒ ദക്ഷി॑ണാ॒-ദക്ഷി॒ണൈകം॑ ച) (അ. 2)

അനുവാകം 3 - രത്നിനാം ഹവീംഷി

ര॒ത്നിനാ॑മേ॒താനി॑ ഹ॒വീഗ്ംഷി॑ ഭവന്തി । ഏ॒തേ വൈ രാ॒ഷ്ട്രസ്യ॑ പ്രദാ॒താരഃ॑ । ഏ॒തേ॑-ഽപാദാ॒താരഃ॑ । യ ഏ॒വ രാ॒ഷ്ട്രസ്യ॑ പ്രദാ॒താരഃ॑ । യേ॑-ഽപാദാ॒താരഃ॑ । ത ഏ॒വാസ്മൈ॑ രാ॒ഷ്ട്ര-മ്പ്രയ॑ച്ഛന്തി । രാ॒ഷ്ട്രമേ॒വ ഭ॑വതി । യ-ഥ്സ॑മാ॒ഹൃത്യ॑ നി॒ര്വപേ᳚ത് । അര॑ത്നിന-സ്സ്യുഃ । യ॒ഥാ॒യ॒ഥ-ന്നിര്വ॑പതി രത്നി॒ത്വായ॑ ॥ 16 ॥

യ-ഥ്സ॒ദ്യോ നി॒ര്വപേ᳚ത് । യാവ॑തീ॒മേകേ॑ന ഹ॒വിഷാ॒-ഽഽശിഷ॑മവ രു॒ന്ധേ । താവ॑തീ॒മവ॑ രുന്ധീത । അ॒ന്വ॒ഹ-ന്നിര്വ॑പതി । ഭൂയ॑സീമേ॒വാശിഷ॒മവ॑ രുന്ധേ । ഭൂയ॑സോ യജ്ഞക്ര॒തൂനുപൈ॑തി । ബാ॒ര്॒ഹ॒സ്പ॒ത്യ-ഞ്ച॒രു-ന്നിര്വ॑പതി ബ്ര॒ഹ്മണോ॑ ഗൃ॒ഹേ । മു॒ഖ॒ത ഏ॒വാസ്മൈ॒ ബ്രഹ്മ॒ സഗ്ഗ്ശ്യ॑തി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ॒ന്വാര॑മ്ഭയതി । ശി॒തി॒പൃ॒ഷ്ഠോ ദക്ഷി॑ണാ॒ സമൃ॑ദ്ധ്യൈ ॥ 17 ॥

ഐ॒ന്ദ്ര-മേകാ॑ദശകപാലഗ്ം രാജ॒ന്യ॑സ്യ ഗൃ॒ഹേ । ഇ॒ന്ദ്രി॒യമേ॒വാവ॑ രുന്ധേ । ഋ॒ഷ॒ഭോ ദക്ഷി॑ണാ॒ സമൃ॑ദ്ധ്യൈ । ആ॒ദി॒ത്യ-ഞ്ച॒രു-മ്മഹി॑ഷ്യൈ ഗൃ॒ഹേ । ഇ॒യം-വാഁ അദി॑തിഃ । അ॒സ്യാമേ॒വ പ്രതി॑തിഷ്ഠതി । ധേ॒നു-ര്ദക്ഷി॑ണാ॒ സമൃ॑ദ്ധ്യൈ । ഭഗാ॑യ ച॒രും-വാഁ॒വാതാ॑യൈ ഗൃ॒ഹേ । ഭഗ॑മേ॒വാസ്മി॑-ന്ദധാതി । വിചി॑ത്തഗര്ഭാ പഷ്ഠൌ॒ഹീ ദക്ഷി॑ണാ॒ സമൃ॑ദ്ധ്യൈ ॥ 18 ॥

നൈ॒ര്॒ഋ॒ത-ഞ്ച॒രു-മ്പ॑രിവൃ॒ക്ത്യൈ॑ ഗൃ॒ഹേ കൃ॒ഷ്ണാനാം᳚-വ്രീഁഹീ॒ണാ-ന്ന॒ഖനി॑ര്ഭിന്നമ് । പാ॒പ്മാന॑മേ॒വ നിര്-ഋ॑തി-ന്നി॒രവ॑ദയതേ । കൃ॒ഷ്ണാ കൂ॒ടാ ദക്ഷി॑ണാ॒ സമൃ॑ദ്ധ്യൈ । ആ॒ഗ്നേ॒യ-മ॒ഷ്ടാക॑പാലഗ്ം സേനാ॒ന്യോ॑ ഗൃ॒ഹേ । സേനാ॑മേ॒വാസ്യ॒ സഗ്ഗ്ശ്യ॑തി । ഹിര॑ണ്യ॒-ന്ദക്ഷി॑ണാ॒ സമൃ॑ദ്ധ്യൈ । വാ॒രു॒ണ-ന്ദശ॑കപാലഗ്ം സൂ॒തസ്യ॑ ഗൃ॒ഹേ । വ॒രു॒ണ॒സ॒വമേ॒വാവ॑-രുന്ധേ । മ॒ഹാനി॑രഷ്ടോ॒ ദക്ഷി॑ണാ॒ സമൃ॑ദ്ധ്യൈ । മാ॒രു॒തഗ്ം സ॒പ്തക॑പാല-ങ്ഗ്രാമ॒ണ്യോ॑ ഗൃ॒ഹേ ॥ 19 ॥

അന്നം॒-വൈഁ മ॒രുതഃ॑ । അന്ന॑മേ॒വാവ॑-രുന്ധേ । പൃശ്ഞി॒-ര്ദക്ഷി॑ണാ॒ സമൃ॑ദ്ധ്യൈ । സാ॒വി॒ത്ര-ന്ദ്വാദ॑ശകപാല-ങ്ക്ഷ॒ത്തുര്ഗൃ॒ഹേ പ്രസൂ᳚ത്യൈ । ഉ॒പ॒ദ്ധ്വ॒സ്തോ ദക്ഷി॑ണാ॒ സമൃ॑ദ്ധ്യൈ । ആ॒ശ്വി॒ന-ന്ദ്വി॑കപാ॒ലഗ്ം സ॑ഗ്രംഹീ॒തുര്ഗൃ॒ഹേ । അ॒ശ്വിനൌ॒ വൈ ദേ॒വാനാ᳚-മ്ഭി॒ഷജൌ᳚ । താഭ്യാ॑മേ॒വാസ്മൈ॑ ഭേഷ॒ജ-ങ്ക॑രോതി । സ॒വാ॒ത്യൌ॑ ദക്ഷി॑ണാ॒ സമൃ॑ദ്ധ്യൈ । പൌ॒ഷ്ണ-ഞ്ച॒രു-മ്ഭാ॑ഗദു॒ഘസ്യ॑ ഗൃ॒ഹേ ॥ 20 ॥

അന്നം॒-വൈഁ പൂ॒ഷാ । അന്ന॑മേ॒വാവ॑ രുന്ധേ । ശ്യാ॒മോ ദക്ഷി॑ണാ॒ സമൃ॑ദ്ധ്യൈ । രൌ॒ദ്ര-ങ്ഗാ॑വീധു॒ക-ഞ്ച॒രുമ॑ക്ഷാവാ॒പസ്യ॑ ഗൃ॒ഹേ । അ॒ന്ത॒ത ഏ॒വ രു॒ദ്ര-ന്നി॒രവ॑ദയതേ । ശ॒ബല॒ ഉദ്വാ॑രോ॒ ദക്ഷി॑ണാ॒ സമൃ॑ദ്ധ്യൈ । ദ്വാദ॑ശൈ॒താനി॑ ഹ॒വീഗ്ംഷി॑ ഭവന്തി । ദ്വാദ॑ശ॒ മാസാ᳚-സ്സംവഁഥ്സ॒രഃ । സം॒വഁ॒ഥ്സ॒രേണൈ॒വാസ്മൈ॑ രാ॒ഷ്ട്രമവ॑-രുന്ധേ । രാ॒ഷ്ട്രമേ॒വ ഭ॑വതി ॥ 21 ॥

യന്ന പ്ര॑തി നി॒ര്വപേ᳚ത് । ര॒ത്നിന॑ ആ॒ശിഷോ-ഽവ॑രുന്ധീരന്ന് । പ്രതി॒ നിര്വ॑പതി । ഇന്ദ്രാ॑യ സു॒ത്രാമ്ണേ॑ പുരോ॒ഡാശ॒-മേകാ॑ദശകപാലമ് । ഇന്ദ്രാ॑യാഗ്ംഹോ॒മുചേ᳚ । ആ॒ശിഷ॑ ഏ॒വാവ॑രുന്ധേ । അ॒യ-ന്നോ॒ രാജാ॑ വൃത്ര॒ഹാ രാജാ॑ ഭൂ॒ത്വാ വൃ॒ത്രം-വഁ॑ദ്ധ്യാ॒ദിത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । മൈ॒ത്രാ॒-ബാ॒ര്॒ഹ॒സ്പ॒ത്യ-മ്ഭ॑വതി । ശ്വേ॒തായൈ᳚ ശ്വേ॒തവ॑ഥ്സായൈ ദു॒ഗ്ധേ ॥ 22 ॥

ബാ॒ര്॒ഹ॒സ്പ॒ത്യേ മൈ॒ത്രമപി॑ ദധാതി । ബ്രഹ്മ॑ ചൈ॒വാസ്മൈ᳚ ക്ഷ॒ത്ര-ഞ്ച॑ സ॒മീചീ॑ ദധാതി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ്പ്രതി॑ഷ്ഠാപയതി । ബാ॒ര്॒ഹ॒സ്പ॒ത്യേന॒ പൂര്വേ॑ണ॒ പ്രച॑രതി । മു॒ഖ॒ത ഏ॒വാസ്മൈ॒ ബ്രഹ്മ॒ സഗ്ഗ്ശ്യ॑തി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ॒ന്വാര॑മ്ഭയതി । സ്വ॒യ॒-ങ്കൃ॒താ വേദി॑ര്ഭവതി । സ്വ॒യ॒ദി॒ന്ന-മ്ബ॒ര്॒ഹിഃ । സ്വ॒യ॒കൃ॒ന്ത ഇ॒ദ്ധ്മഃ । അന॑ഭിജിതസ്യാ॒-ഭിജി॑ത്യൈ । തസ്മാ॒-ദ്രാജ്ഞാ॒മര॑ണ്യ-മ॒ഭിജി॑തമ് । സൈവ ശ്വേ॒താ ശ്വേ॒തവ॑ഥ്സാ॒ ദക്ഷി॑ണാ॒ സമൃ॑ദ്ധ്യൈ ॥ 23 ॥

(ര॒ത്നി॒ത്വായ॒ - സമൃ॑ദ്ധ്യൈ - പഷ്ഠൌ॒ഹി ദക്ഷി॑ണാ॒ സമൃ॑ദ്ധ്യൈ - ഗ്രാമ॒ണ്യോ॑ ഗൃ॒ഹേ - ഭാ॑ഗദു॒ഘസ്യ॑ ഗൃ॒ഹേ-ഭ॑വതി - ദു॒ഗ്ധേ॑ - ഽഭിജി॑ത്യൈ॒ ദ്വേ ച॑) (അ. 3)

അനുവാകം 4 - ദേവസുവാം ഹവീംഷി

ദേ॒വ॒സു॒വാമേ॒താനി॑ ഹ॒വീഗ്ംഷി॑ ഭവന്തി । ഏ॒താവ॑ന്തോ॒ വൈ ദേ॒വാനാഗ്ം॑ സ॒വാഃ । ത ഏ॒വാസ്മൈ॑ സ॒വാ-ന്പ്രയ॑ച്ഛന്തി । ത ഏ॑നഗ്ം സുവന്തേ । അ॒ഗ്നിരേ॒വൈന॑-ങ്ഗൃ॒ഹപ॑തീനാഗ്ം സുവതേ । സോമോ॒ വന॒സ്പതീ॑നാമ് । രു॒ദ്രഃ പ॑ശൂ॒നാമ് । ബൃഹ॒സ്പതി॑-ര്വാ॒ചാമ് । ഇന്ദ്രോ᳚ ജ്യേ॒ഷ്ഠാനാ᳚മ് । മി॒ത്ര-സ്സ॒ത്യാനാ᳚മ് ॥ 24 ॥

വരു॑ണോ॒ ധര്മ॑പതീനാമ് । ഏ॒തദേ॒വ സര്വ॑-മ്ഭവതി । സ॒വി॒താ ത്വാ᳚ പ്രസ॒വാനാഗ്ം॑ സുവതാ॒മിതി॒ ഹസ്ത॑-ങ്ഗൃഹ്ണാതി॒ പ്രസൂ᳚ത്യൈ । യേ ദേ॑വാ ദേവ॒സുവ॒-സ്സ്ഥേത്യാ॑ഹ । യ॒ഥാ॒ യ॒ജുരേ॒വൈ തത് । മ॒ഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യാ॒യേത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । ഏ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്ം॒ രാജേത്യാ॑ഹ । തസ്മാ॒-ഥ്സോമ॑രാജാനോ ബ്രാഹ്മ॒ണാഃ । പ്രതി॒ ത്യന്നാമ॑ രാ॒ജ്യമ॑ധാ॒യീത്യാ॑ഹ ॥ 25 ॥

രാ॒ജ്യമേ॒വാസ്മി॒-ന്പ്രതി॑ ദധാതി । സ്വാ-ന്ത॒നുവം॒-വഁരു॑ണോ അശിശ്രേ॒ദിത്യാ॑ഹ । വ॒രു॒ണ॒സ॒വമേ॒വാ-വ॑രുന്ധേ । ശുചേ᳚ര്മി॒ത്രസ്യ॒ വ്രത്യാ॑ അഭൂ॒മേത്യാ॑ഹ । ശുചി॑മേ॒വൈനം॒-വ്രഁത്യ॑-ങ്കരോതി । അമ॑ന്മഹി മഹ॒ത ഋ॒തസ്യ॒ നാമേത്യാ॑ഹ । മ॒നു॒ത ഏ॒വൈന᳚മ് । സര്വേ॒ വ്രാതാ॒ വരു॑ണസ്യാ ഭൂവ॒ന്നിത്യാ॑ഹ । സര്വ॑വ്രാതമേ॒വൈന॑-ങ്കരോതി । വി മി॒ത്ര ഏവൈ॒രരാ॑തി-മതാരീ॒ദിത്യാ॑ഹ ॥ 26 ॥

അരാ॑തിമേ॒വൈന॑-ന്താരയതി । അസൂ॑ഷുദന്ത യ॒ജ്ഞിയാ॑ ഋ॒തേനേത്യാ॑ഹ । സ്വ॒ദയ॑ത്യേ॒വൈന᳚മ് । വ്യു॑ ത്രി॒തോ ജ॑രി॒മാണ॑-ന്ന ആന॒ഡിത്യാ॑ഹ । ആയു॑രേ॒വാസ്മി॑-ന്ദധാതി । ദ്വാഭ്യാം॒-വിഁമൃ॑ഷ്ടേ । ദ്വി॒പാ-ദ്യജ॑മാനഃ॒ പ്രതി॑ഷ്ഠിത്യൈ । അ॒ഗ്നീ॒ഷോ॒മീയ॑സ്യ॒ ചൈകാ॑ദശകപാലസ്യ ദേവസു॒വാ-ഞ്ച॑ ഹ॒വിഷാ॑മ॒ഗ്നയേ᳚ സ്വിഷ്ട॒കൃതേ॑ സ॒മവ॑ദ്യതി । ദേ॒വതാ॑ഭിരേ॒വൈന॑-മുഭ॒യതഃ॒ പരി॑ഗൃഹ്ണാതി । വി॒ഷ്ണു॒ക്ര॒മാന് ക്ര॑മതേ( ) । വിഷ്ണു॑രേ॒വ ഭൂ॒ത്വേമാഁല്ലോ॒കാ-ന॒ഭിജ॑യതി ॥ 27 ॥

(സ॒ത്യാനാ॑-മധാ॒യീത്യാ॑-ഹാതാരീ॒ദിത്യാ॑ഹ-ക്രമത॒ ഏക॑-ഞ്ച) (അ. 4)

അനുവാകം 5 - അഭിഷേകാര്ഥമപാങ്ഗ്രഹഗ്രഹണമ്

അ॒ര്ഥേത॒-സ്സ്ഥേതി॑ ജുഹോതി । ആഹു॑ത്യൈ॒വൈനാ॑ നി॒ഷ്ക്രീയ॑ ഗൃഹ്ണാതി । അഥോ॑ ഹ॒വിഷ്കൃ॑താനാമേ॒വാഭിഘൃ॑താനാ-ങ്ഗൃഹ്ണാതി । വഹ॑ന്തീനാ-ങ്ഗൃഹ്ണാതി । ഏ॒താ വാ അ॒പാഗ്ം രാ॒ഷ്ട്രമ് । രാ॒ഷ്ട്രമേ॒വാസ്മൈ॑ ഗൃഹ്ണാതി । അഥോ॒ ശ്രിയ॑മേ॒വൈന॑മ॒ഭി വ॑ഹന്തി । അ॒പാ-മ്പതി॑ര॒സീത്യാ॑ഹ । മി॒ഥു॒നമേ॒വാകഃ॑ । വൃഷാ᳚-ഽസ്യൂ॒ര്മിരിത്യാ॑ഹ ॥ 28 ॥

ഊ॒ര്മി॒മന്ത॑മേ॒വൈന॑-ങ്കരോതി । വൃ॒ഷ॒സേ॒നോ॑-ഽസീത്യാ॑ഹ । സേനാ॑മേ॒വാസ്യ॒ സഗ്ഗ്ശ്യ॑തി । വ്ര॒ജ॒ക്ഷിത॒-സ്സ്ഥേത്യാ॑ഹ । ഏ॒താ വാ അ॒പാം-വിഁശഃ॑ । വിശ॑മേ॒വാസ്മൈ॒ പര്യൂ॑ഹതി । മ॒രുതാ॒മോജ॒-സ്സ്ഥേത്യാ॑ഹ । അന്നം॒-വൈഁ മ॒രുതഃ॑ । അന്ന॑മേ॒വാ വ॑രുന്ധേ । സൂര്യ॑വര്ചസ॒-സ്സ്ഥേത്യാ॑ഹ ॥ 29 ॥

രാ॒ഷ്ട്രമേ॒വ വ॑ര്ച॒സ്വ്യ॑കഃ । സൂര്യ॑ത്വചസ॒-സ്സ്ഥേത്യാ॑ഹ । സ॒ത്യം-വാഁ ഏ॒തത് । യ-ദ്വര്ഷ॑തി । അനൃ॑തം॒-യഁദാ॒തപ॑തി॒ വര്ഷ॑തി । സ॒ത്യാ॒നൃ॒തേ ഏ॒വാവ॑രുന്ധേ । നൈനഗ്ം॑ സത്യാനൃ॒തേ ഉ॑ദി॒തേ ഹിഗ്ഗ്॑സ്തഃ । യ ഏ॒വം-വേഁദ॑ । മാന്ദാ॒-സ്സ്ഥേത്യാ॑ഹ । രാ॒ഷ്ട്രമേ॒വ ബ്ര॑ഹ്മവര്ച॒സ്യ॑കഃ ॥ 30 ॥

വാശാ॒-സ്സ്ഥേത്യാ॑ഹ । രാ॒ഷ്ട്രമേ॒വ വ॒ശ്യ॑കഃ । ശക്വ॑രീ॒-സ്സ്ഥേത്യാ॑ഹ । പ॒ശവോ॒ വൈ ശക്വ॑രീഃ । പ॒ശൂനേ॒വാവ॑ രുന്ധേ । വി॒ശ്വ॒ഭൃത॒-സ്സ്ഥേത്യാ॑ഹ । രാ॒ഷ്ട്രമേ॒വ പ॑യ॒സ്വ്യ॑കഃ । ജ॒ന॒ഭൃത॒-സ്സ്ഥേത്യാ॑ഹ । രാ॒ഷ്ട്രമേ॒വേന്ദ്രി॑യാ॒വ്യ॑കഃ । അ॒ഗ്നേസ്തേ॑ജ॒സ്യാ᳚-സ്സ്ഥേത്യാ॑ഹ ॥ 31 ॥

രാ॒ഷ്ട്രമേ॒വ തേ॑ജ॒സ്വ്യ॑കഃ । അ॒പാമോഷ॑ധീനാ॒ഗ്ം॒ രസ॒-സ്സ്ഥേത്യാ॑ഹ । രാ॒ഷ്ട്രമേ॒വ മ॑ധ॒വ്യ॑മകഃ । സാ॒ര॒സ്വ॒ത-ങ്ഗ്രഹ॑-ങ്ഗൃഹ്ണാതി । ഏ॒ഷാ വാ അ॒പാ-മ്പൃ॒ഷ്ഠമ് । യഥ്സര॑സ്വതീ । പൃ॒ഷ്ഠമേ॒വൈനഗ്ം॑ സമാ॒നാനാ᳚-ങ്കരോതി । ഷോ॒ഡ॒ശഭി॑-ര്ഗൃഹ്ണാതി । ഷോഡ॑ശകലോ॒ വൈ പുരു॑ഷഃ । യാവാ॑നേ॒വ പുരു॑ഷഃ । തസ്മി॑ന് വീ॒ര്യ॑-ന്ദധാതി । ഷോ॒ഡ॒ശഭി॑-ര്ജു॒ഹോതി॑ ഷോഡ॒ശഭി॑-ര്ഗൃഹ്ണാതി । ദ്വാത്രിഗ്ം॑ശ॒-ഥ്സമ്പ॑ദ്യന്തേ । ദ്വാത്രിഗ്ം॑ശദക്ഷരാ ഽനു॒ഷ്ടുക് । വാഗ॑നു॒ഷ്ടു-ഫ്സര്വാ॑ണി॒ ഛന്ദാഗ്ം॑സി । വാ॒ചൈവൈന॒ഗ്ം॒ സര്വേ॑ഭി॒-ശ്ഛന്ദോ॑ഭി-ര॒ഭിഷി॑ഞ്ചതി ॥ 32 ॥

(ഊ॒ര്മിരിത്യാ॑ഹ॒ - സൂര്യ॑വര്ചസ॒-സ്സ്ഥേത്യാ॑ഹ - ബ്രഹ്മവര്ച॒സ്യ॑ക - സ്തേജ॒സ്യാ᳚-സ്സ്ഥേത്യാ॑ഹൈ॒വ - പുരു॑ഷ॒-ഷ്ഷട്ച॑) (അ. 5)

അനുവാകം 6 - അഭിഷേകാര്ഥജലസംസ്കാരഃ

ദേവീ॑രാപ॒-സ്സ-മ്മധു॑മതീ॒-ര്മധു॑മതീഭി-സ്സൃജ്യദ്ധ്വ॒മിത്യാ॑ഹ । ബ്രഹ്മ॑ണൈ॒വൈനാ॒-സ്സഗ്ം സൃ॑ജതി । അനാ॑ധൃഷ്ടാ-സ്സീദ॒തേത്യാ॑ഹ । ബ്രഹ്മ॑ണൈ॒വൈനാ᳚-സ്സാദയതി । അ॒ന്ത॒രാ ഹോതു॑ശ്ച॒ ധിഷ്ണി॑യ-മ്ബ്രാഹ്മണാച്ഛ॒ഗ്ം॒ സിന॑ശ്ച സാദയതി । ആ॒ഗ്നേ॒യോ വൈ ഹോതാ᳚ । ഐ॒ന്ദ്രോ ബ്രാ᳚ഹ്മണാച്ഛ॒ഗ്ം॒സീ । തേജ॑സാ ചൈ॒വേന്ദ്രി॒യേണ॑ ചോഭ॒യതോ॑ രാ॒ഷ്ട്ര-മ്പരി॑ഗൃഹ്ണാതി । ഹിര॑ണ്യേ॒നോ-ത്പു॑നാതി । ആഹു॑ത്യൈ॒ ഹി പ॒വിത്രാ᳚ഭ്യാമുത്പു॒നന്തി॒ വ്യാവൃ॑ത്ത്യൈ ॥ 33 ॥

ശ॒തമാ॑ന-മ്ഭവതി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑തിഷ്ഠതി । അനി॑ഭൃഷ്ടമ॒സീത്യാ॑ഹ । അനി॑ഭൃഷ്ട॒ഗ്ഗ്॒ ഹ്യേ॑തത് । വാ॒ചോ ബന്ധു॒രിത്യാ॑ഹ । വാ॒ചോ ഹ്യേ॑ഷ ബന്ധുഃ॑ । ത॒പോ॒ജാ ഇത്യാ॑ഹ । ത॒പോ॒ജാ ഹ്യേ॑തത് । സോമ॑സ്യ ദാ॒ത്രമ॒സീത്യാ॑ഹ ॥ 34 ॥

സോമ॑സ്യ॒ ഹ്യേ॑തദ്ദാ॒ത്രമ് । ശു॒ക്രാ വഃ॑ ശു॒ക്രേണോത്പു॑നാ॒മീത്യാ॑ഹ । ശു॒ക്രാ ഹ്യാപഃ॑ । ശു॒ക്രഗ്ം ഹിര॑ണ്യമ് । ച॒ന്ദ്രാശ്ച॒ന്ദ്രേണേത്യാ॑ഹ । ച॒ന്ദ്രാ ഹ്യാപഃ॑ । ച॒ന്ദ്രഗ്ം ഹിര॑ണ്യമ് । അ॒മൃതാ॑ അ॒മൃതേ॒നേത്യാ॑ഹ । അ॒മൃതാ॒ ഹ്യാപഃ॑ । അ॒മൃത॒ഗ്ം॒ ഹിര॑ണ്യമ് ॥ 35 ॥

സ്വാഹാ॑ രാജ॒സൂയാ॒യേത്യാ॑ഹ । രാ॒ജ॒സൂയാ॑യ॒ ഹ്യേ॑നാ ഉത്പു॒നാതി॑ । സ॒ധ॒മാദോ᳚ ദ്യു॒മ്നിനീ॒രൂര്ജ॑ ഏ॒താ ഇതി॑ വാരു॒ണ്യര്ചാ ഗൃ॑ഹ്ണാതി । വ॒രു॒ണ॒സ॒വമേ॒വാ വ॑രുന്ധേ । ഏക॑യാ ഗൃഹ്ണാതി । ഏ॒ക॒ധൈവ യജ॑മാനേ വീ॒ര്യ॑-ന്ദധാതി । ക്ഷ॒ത്രസ്യോല്ബ॑മസി ക്ഷ॒ത്രസ്യ॒ യോനി॑ര॒സീതി॑ താ॒ര്പ്യ-ഞ്ചോ॒ഷ്ണീഷ॑-ഞ്ച॒ പ്രയ॑ച്ഛതി സയോനി॒ത്വായ॑ । ഏക॑ശതേന ദര്ഭപുഞ്ജീ॒ലൈഃ പ॑വയതി । ശ॒തായു॒ര്വൈ പുരു॑ഷ-ശ്ശ॒തവീ᳚ര്യഃ । ആ॒ത്മൈക॑ശ॒തഃ ॥ 36 ॥

യാവാ॑നേ॒വ പുരു॑ഷഃ । തസ്മി॑ന് വീ॒ര്യ॑-ന്ദധാതി । ദദ്ധ്യാ॑ശയതി । ഇ॒ന്ദ്രി॒യമേ॒വാ-വ॑രുന്ധേ । ഉ॒ദു॒മ്ബര॑-മാശയതി । അ॒ന്നാദ്യ॒സ്യാവ॑ രുദ്ധ്യൈ । ശഷ്പാ᳚ണ്യാശയതി । സുരാ॑ബലി-മേ॒വൈന॑-ങ്കരോതി । ആ॒വിദ॑ ഏ॒താ ഭ॑വന്തി । ആ॒വിദ॑മേ॒വൈന॑-ങ്ഗമയന്തി ॥ 37 ॥

അ॒ഗ്നിരേ॒വൈന॒-ങ്ഗാര്ഹ॑പത്യേനാവതി । ഇന്ദ്ര॑ ഇന്ദ്രി॒യേണ॑ । പൂ॒ഷാ പ॒ശുഭിഃ॑ । മി॒ത്രാവരു॑ണൌ പ്രാണാപാ॒നാഭ്യാ᳚മ് । ഇന്ദ്രോ॑ വൃ॒ത്രായ॒ വജ്ര॒മുദ॑യച്ഛത് । സ ദിവ॑മലിഖത് । സോ᳚-ഽര്യ॒മ്ണഃ പന്ഥാ॑ അഭവത് । സ ആവി॑ന്നേ॒ ദ്യാവാ॑പൃഥി॒വീ ധൃ॒തവ്ര॑തേ॒ ഇതി॒ ദ്യാവാ॑പൃഥി॒വീ ഉപാ॑ധാവത് । സ ആ॒ഭ്യാമേ॒വ പ്രസൂ॑ത॒ ഇന്ദ്രോ॑ വൃ॒ത്രായ॒ വജ്ര॒-മ്പ്രാഹ॑രത് । ആവി॑ന്നേ॒ ദ്യാവാ॑പൃഥി॒വീ ധൃ॒തവ്ര॑തേ॒ ഇതി॒ യദാഹ॑ ॥ 38 ॥

ആ॒ഭ്യാമേ॒വ പ്രസൂ॑തോ॒ യജ॑മാനോ॒ വജ്ര॒-മ്ഭ്രാതൃ॑വ്യായ॒ പ്രഹ॑രതി । ആവി॑ന്നാ ദേ॒വ്യദി॑തി-ര്വിശ്വരൂ॒പീത്യാ॑ഹ । ഇ॒യം-വൈഁ ദേ॒വ്യദി॑തി-ര്വിശ്വരൂ॒പീ । അ॒സ്യാമേ॒വ പ്രതി॑ തിഷ്ഠതി । ആവി॑ന്നോ॒-ഽയമ॒സാവാ॑മുഷ്യായ॒ണോ᳚-ഽസ്യാം-വിഁ॒ശ്യ॑സ്മി-ന്രാ॒ഷ്ട്ര ഇത്യാ॑ഹ । വി॒ശൈവൈനഗ്ം॑ രാ॒ഷ്ട്രേണ॒ സമ॑ര്ധയതി । മ॒ഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യാ॒യേത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । ഏ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്ം॒ രാജേത്യാ॑ഹ । തസ്മാ॒-ഥ്സോമ॑രാജാനോ ബ്രാഹ്മ॒ണാഃ ॥ 39 ॥

ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ ധനുഃ॒ പ്രയ॑ച്ഛതി॒ വിജി॑ത്യൈ । ശ॒ത്രു॒ബാധ॑നാ॒-സ്സ്ഥേതീഷൂന്॑ । ശത്രൂ॑നേ॒വാസ്യ॑ ബാധന്തേ । പാ॒ത മാ᳚ പ്ര॒ത്യഞ്ച॑-മ്പാ॒ത മാ॑ തി॒ര്യഞ്ച॑മ॒ന്വഞ്ച॑-മ്മാ പാ॒തേത്യാ॑ഹ । തി॒സ്രോ വൈ ശ॑ര॒വ്യാഃ᳚ । പ്ര॒തീചീ॑ തി॒രശ്ച്യ॒നൂചീ᳚ । താഭ്യ॑ ഏ॒വൈന॑-മ്പാന്തി । ദി॒ഗ്ഭ്യോ മാ॑ പാ॒തേത്യാ॑ഹ । ദി॒ഗ്ഭ്യ ഏ॒വൈന॑-മ്പാന്തി । വിശ്വാ᳚ഭ്യോ മാ നാ॒ഷ്ട്രാഭ്യഃ॑ പാ॒തേത്യാ॑ഹ । അപ॑രിമിതാദേ॒വൈന॑-മ്പാന്തി । ഹിര॑ണ്യവര്ണാവു॒ഷസാം᳚-വിഁരോ॒ക ഇതി॑ ത്രി॒ഷ്ടുഭാ॑ ബാ॒ഹൂ ഉ-ദ്ഗൃ॑ഹ്ണാതി । ഇ॒ന്ദ്രി॒യം-വൈഁ വീ॒ര്യ॑-ന്ത്രി॒ഷ്ടുക് । ഇ॒ന്ദ്രി॒യമേ॒വ വീ॒ര്യ॑-മു॒പരി॑ഷ്ടാദാ॒ത്മന്-ധ॑ത്തേ ॥ 40 ॥

(വ്യാവൃ॑ത്ത്യൈ-ദാ॒ത്രമ॒സീത്യാ॑ഹാ॒-മൃത॒ഗ്ം॒ ഹിര॑ണ്യ-മേകശ॒തോ-ഗ॑മയ॒ന്-ത്യാഹ॑-ബ്രാഹ്മാ॒ണാ-നാ॒ഷ്ട്രാഭ്യഃ॑ പാ॒തേത്യാ॑ഹ ച॒ത്വാരി॑ ച) (അ. 6)

അനുവാകം 7 - ദിഗ്വ്യാസ്ഥാപനമ്

ദിശോ॒ വ്യാസ്ഥാ॑പയതി । ദി॒ശാമ॒ഭിജി॑ത്യൈ । യദ॑നു പ്ര॒ക്രാമേ᳚ത് । അ॒ഭി ദിശോ॑ ജയേത് । ഉത്തു മാ᳚ദ്യേത് । മന॒സാ-ഽനു॒ പ്രക്രാ॑മതി । അ॒ഭി ദിശോ॑ ജയതി । നോന്മാ᳚ദ്യതി । സ॒മിധ॒മാ തി॒ഷ്ഠേത്യാ॑ഹ । തേജ॑ ഏ॒വാവ॑രുന്ധേ ॥ 41 ॥

ഉ॒ഗ്രാമാ തി॒ഷ്ഠേത്യാ॑ഹ । ഇ॒ന്ദ്രി॒യമേ॒വാവ॑ രുന്ധേ । വി॒രാജ॒മാ തി॒ഷ്ഠേത്യാ॑ഹ । അ॒ന്നാദ്യ॑മേ॒വാവ॑ രുന്ധേ । ഉദീ॑ചീ॒മാ തി॒ഷ്ഠേത്യാ॑ഹ । പ॒ശൂനേ॒വാവ॑ രുന്ധേ । ഊ॒ര്ധ്വാമാ തി॒ഷ്ഠേത്യാ॑ഹ । സു॒വ॒ര്ഗമേ॒വ ലോ॒ക-മ॒ഭിജ॑യതി । അനൂജ്ജി॑ഹീതേ । സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 42 ॥

മാ॒രു॒ത ഏ॒ഷ ഭ॑വതി । അന്നം॒-വൈഁ മ॒രുതഃ॑ । അന്ന॑മേ॒വാവ॑ രുന്ധേ । ഏക॑വിഗ്ംശതികപാലോ ഭവതി॒ പ്രതി॑ഷ്ഠിത്യൈ । യോ॑-ഽരണ്യേ ഽനുവാ॒ക്യോ॑ ഗ॒ണഃ । ത-മ്മ॑ദ്ധ്യ॒ത ഉപ॑ദധാതി । ഗ്രാ॒മ്യൈരേ॒വ പ॒ശുഭി॑-രാര॒ണ്യാ-ന്പ॒ശൂ-ന്പരി॑ഗൃഹ്ണാതി । തസ്മാ᳚-ദ്ഗ്രാ॒മ്യൈഃ പ॒ശുഭി॑രാര॒ണ്യാഃ പ॒ശവഃ॒ പരി॑ഗൃഹീതാഃ । പൃഥി॑ര്വൈ॒ന്യഃ । അ॒ഭ്യ॑ഷിച്യത ॥ 43 ॥

സ രാ॒ഷ്ട്ര-ന്നാഭ॑വത് । സ ഏ॒താനി॑ പാ॒ര്ഥാന്യ॑പശ്യത് । താന്യ॑ജുഹോത് । തൈര്വൈ സ രാ॒ഷ്ട്ര-മ॑ഭവത് । യത്പാ॒ര്ഥാനി॑ ജു॒ഹോതി॑ । രാ॒ഷ്ട്രമേ॒വ ഭ॑വതി । ബാ॒ര്॒ഹ॒സ്പ॒ത്യ-മ്പൂര്വേ॑ഷാമുത്ത॒മ-മ്ഭ॑വതി । ഐ॒ന്ദ്രമുത്ത॑രേഷാ-മ്പ്രഥ॒മമ് । ബ്രഹ്മ॑ ചൈ॒വാസ്മൈ᳚ ക്ഷ॒ത്ര-ഞ്ച॑ സ॒മീചീ॑ ദധാതി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ്പ്രതി॑ഷ്ഠാപയതി ॥ 44 ॥

ഷട്പു॒രസ്താ॑-ദഭിഷേ॒കസ്യ॑ ജുഹോതി । ഷഡു॒പരി॑ഷ്ടാത് । ദ്വാദ॑ശ॒ സ-മ്പ॑ദ്യന്തേ । ദ്വാദ॑ശ॒ മാസാ᳚-സ്സംവഁഥ്സ॒രഃ । സം॒വഁ॒ഥ്സ॒രഃ ഖലു॒ വൈ ദേ॒വാനാ॒-മ്പൂഃ । ദേ॒വാനാ॑മേ॒വ പുര॑-മ്മദ്ധ്യ॒തോ വ്യവ॑സര്പതി । തസ്യ॒ ന കുത॑ശ്ച॒ നോപാ᳚വ്യാ॒ധോ ഭ॑വതി । ഭൂ॒താനാ॒-മവേ᳚ഷ്ടീ-ര്ജുഹോതി । അത്രാ᳚ത്ര॒ വൈ മൃ॒ത്യു-ര്ജാ॑യതേ । യത്ര॑ യത്രൈ॒വ മൃ॒ത്യു-ര്ജായ॑തേ । തത॑ ഏ॒വൈന॒മവ॑യജതേ । തസ്മാ᳚-ദ്രാജ॒സൂയേ॑നേജാ॒ന-സ്സര്വ॒മായു॑രേതി । സര്വേ॒ ഹ്യ॑സ്യ മൃ॒ത്യവോ-ഽവേ᳚ഷ്ടാഃ । തസ്മാ᳚-ദ്രാജ॒സൂയേ॑നേജാ॒നോ നാഭിച॑രിത॒വൈ । പ്ര॒ത്യഗേ॑ന-മഭിചാ॒ര-സ്സ്തൃ॑ണുതേ ॥ 45 ॥

(രു॒ന്ധേ॒-സമ॑ഷ്ട്യാ-അസിച്യത-സ്ഥാപയതി॒-ജായ॑തേ॒ പഞ്ച॑ ച) (അ. 7)

അനുവാകം 8 - അഭിഷേകഃ

സോമ॑സ്യ॒ ത്വിഷി॑രസി॒ തവേ॑വ മേ॒ ത്വിഷി॑ര്ഭൂയാ॒ദിതി॑ ശാര്ദൂലച॒ര്മോപ॑സ്തൃണാതി । യൈവ സോമേ॒ ത്വിഷിഃ॑ । യാ ശാ᳚ര്ദൂ॒ലേ । താമേ॒വാവ॑ രുന്ധേ । മൃ॒ത്യോര്വാ ഏ॒ഷ വര്ണഃ॑ । യച്ഛാ᳚ര്ദൂ॒ലഃ । അ॒മൃത॒ഗ്ം॒ ഹിര॑ണ്യമ് । അ॒മൃത॑മസി മൃ॒ത്യോര്മാ॑ പാ॒ഹീതി॒ ഹിര॑ണ്യ॒-മുപാ᳚സ്യതി । അ॒മൃത॑മേ॒വ മൃ॒ത്യോര॒ന്ത-ര്ധ॑ത്തേ । ശ॒തമാ॑ന-മ്ഭവതി ॥ 46 ॥

ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി । ദി॒ദ്യോന്മാ॑ പാ॒ഹീത്യു॒പരി॑ഷ്ടാ॒ദധി॒ നിദ॑ധാതി । ഉ॒ഭ॒യത॑ ഏ॒വാസ്മൈ॒ ശര്മ॑ ദധാതി । അവേ᳚ഷ്ടാ ദന്ദ॒ശൂകാ॒ ഇതി॑ ക്ലീ॒ബഗ്ം സീസേ॑ന വിദ്ധ്യതി । ദ॒ന്ദ॒ശൂകാ॑-നേ॒വാവ॑ യജതേ । തസ്മാ᳚-ത്ക്ലീ॒ബ-ന്ദ॑ന്ദ॒ശൂകാ॒ ദഗ്ംശു॑കാഃ । നിര॑സ്ത॒-ന്നമു॑ചേ॒-ശ്ശിര॒ ഇതി॑ ലോഹിതായ॒സ-ന്നിര॑സ്യതി । പാ॒പ്മാന॑മേ॒വ നമു॑ചി-ന്നി॒രവ॑ദയതേ । പ്രാ॒ണാ ആ॒ത്മനഃ॒ പൂര്വേ॑-ഽഭി॒ഷിച്യാ॒ ഇത്യാ॑ഹുഃ ॥ 47 ॥

സോമോ॒ രാജാ॒ വരു॑ണഃ । ദേ॒വാ ധ॑ര്മ॒സുവ॑ശ്ച॒ യേ । തേ തേ॒ വാചഗ്ം॑ സുവന്താ॒-ന്തേ തേ᳚ പ്രാ॒ണഗ്ം സു॑വന്താ॒മിത്യാ॑ഹ । പ്രാ॒ണാനേ॒വാത്മനഃ॒ പൂര്വാ॑-ന॒ഭിഷി॑ഞ്ചതി । യ-ദ്ബ്രൂ॒യാത് । അ॒ഗ്നേസ്ത്വാ॒ തേജ॑സാ॒ ഽഭിഷി॑ഞ്ചാ॒മീതി॑ । തേ॒ജ॒സ്വ്യേ॑വ സ്യാ᳚ത് । ദു॒ശ്ചര്മാ॒ തു ഭ॑വേത് । സോമ॑സ്യ ത്വാ ദ്യു॒മ്നേനാ॒-ഭിഷി॑ഞ്ചാ॒മീത്യാ॑ഹ । സൌ॒മ്യോ വൈ ദേ॒വത॑യാ॒ പുരു॑ഷഃ ॥ 48 ॥

സ്വയൈ॒വൈന॑-ന്ദേ॒വത॑യാ॒-ഽഭിഷി॑ഞ്ചതി । അ॒ഗ്നേ-സ്തേജ॒സേത്യാ॑ഹ । തേജ॑ ഏ॒വാസ്മി॑-ന്ദധാതി । സൂര്യ॑സ്യ॒ വര്ച॒സേത്യാ॑ഹ । വര്ച॑ ഏ॒വാസ്മി॑-ന്ദധാതി । ഇന്ദ്ര॑സ്യേ-ന്ദ്രി॒യേണേത്യാ॑ഹ । ഇ॒ന്ദ്രി॒യമേ॒വാസ്മി॑-ന്ദധാതി । മി॒ത്രാവരു॑ണയോ-ര്വീ॒ര്യേ॑ണേത്യാ॑ഹ । വീ॒ര്യ॑മേ॒വാസ്മി॑-ന്ദധാതി । മ॒രുതാ॒മോജ॒സേത്യാ॑ഹ ॥ 49 ॥

ഓജ॑ ഏ॒വാസ്മി॑-ന്ദധാതി । ക്ഷ॒ത്രാണാ᳚-ങ്ക്ഷ॒ത്രപ॑തിര॒സീത്യാ॑ഹ । ക്ഷ॒ത്രാണാ॑മേ॒വൈന॑-ങ്ക്ഷ॒ത്രപ॑തി-ങ്കരോതി । അതി॑ ദി॒വസ്പാ॒ഹീത്യാ॑ഹ । അത്യ॒ന്യാ-ന്പാ॒ഹീതി॒ വാവൈതദാ॑ഹ । സ॒മാവ॑വൃത്രന്ന-ധ॒രാഗുദീ॑ചീ॒-രിത്യാ॑ഹ । രാ॒ഷ്ട്രമേ॒വാസ്മി॑-ന്ധ്രു॒വമ॑കഃ । ഉ॒ച്ഛേഷ॑ണേന ജുഹോതി । ഉ॒ച്ഛേഷ॑ണഭാഗോ॒ വൈ രു॒ദ്രഃ । ഭാ॒ഗ॒ധേയേ॑നൈ॒വ രു॒ദ്ര-ന്നി॒രവ॑ദയതേ ॥ 50 ॥

ഉദ॑മ്പ॒രേത്യാഗ്നീ᳚ദ്ധ്രേ ജുഹോതി । ഏ॒ഷാ വൈ രു॒ദ്രസ്യ॒ ദിക് । സ്വായാ॑മേ॒വ ദി॒ശി രു॒ദ്ര-ന്നി॒രവ॑ദയതേ । രുദ്ര॒ യത്തേ॒ ക്രയീ॒ പര॒-ന്നാമേത്യാ॑ഹ । യദ്വാ അ॑സ്യ॒ ക്രയീ॒ പര॒-ന്നാമ॑ । തേന॒ വാ ഏ॒ഷ ഹി॑നസ്തി । യഗ്ം ഹി॒നസ്തി॑ । തേനൈ॒വൈനഗ്ം॑ സ॒ഹ ശ॑മയതി । തസ്മൈ॑ ഹു॒തമ॑സി യ॒മേഷ്ട॑മ॒സീത്യാ॑ഹ । യ॒മാദേ॒വാസ്യ॑ മൃ॒ത്യുമവ॑യജതേ ॥ 51 ॥

പ്രജാ॑പതേ॒ ന ത്വദേ॒താന്യ॒ന്യ ഇതി॒ തസ്യൈ॑ ഗൃ॒ഹേ ജു॑ഹുയാത് । യാ-ങ്കാ॒മയേ॑ത രാ॒ഷ്ട്രമ॑സ്യൈ പ്ര॒ജാ സ്യാ॒ദിതി॑ । രാ॒ഷ്ട്രമേ॒വാസ്യൈ᳚ പ്ര॒ജാ ഭ॑വതി । പ॒ര്ണ॒-മയേ॑നാ-ദ്ധ്വ॒ര്യു-ര॒ഭിഷി॑ഞ്ചതി । ബ്ര॒ഹ്മ॒വ॒ര്ച॒സമേ॒വാസ്മി॒ന്-ത്വിഷി॑-ന്ദധാതി । ഔദു॑മ്ബരേണ രാജ॒ന്യഃ॑ । ഊര്ജ॑മേ॒വാസ്മി॑-ന്ന॒ന്നാദ്യ॑-ന്ദധാതി । ആശ്വ॑ത്ഥേന॒ വൈശ്യഃ॑ । വിശ॑മേ॒വാസ്മി॒-ന്പുഷ്ടി॑-ന്ദധാതി । നൈയ॑ഗ്രോധേന॒ ജന്യഃ॑( ) । മി॒ത്രാണ്യേ॒വാസ്മൈ॑ കല്പയതി । അഥോ॒ പ്രതി॑ഷ്ഠിത്യൈ ॥ 52 ॥

(ഭ॒വ॒ - ത്യാ॒ഹുഃ॒ - പുരു॑ഷ॒ - ഓജ॒സേത്യാ॑ഹ - നി॒രവ॑ദയതേ - യജതേ॒ - ജന്യോ॒ ദ്വേ ച॑) (അ. 8)

അനുവാകം 9 - സ്ഥാരോഹണമ്. വിജയഃ

ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ രഥ॑മു॒പാവ॑ഹരതി॒ വിജി॑ത്യൈ । മി॒ത്രാവരു॑ണയോസ്ത്വാ പ്രശാ॒സ്ത്രോഃ പ്ര॒ശിഷാ॑ യുന॒ജ്മീത്യാ॑ഹ । ബ്രഹ്മ॑ണൈ॒വൈന॑-ന്ദേ॒വതാ᳚ഭ്യാം-യുഁനക്തി । പ്ര॒ഷ്ടി॒വാ॒ഹിനം॑-യുഁനക്തി । പ്ര॒ഷ്ടി॒വാ॒ഹീ വൈ ദേ॑വര॒ഥഃ । ദേ॒വ॒ര॒ഥ-മേ॒വാസ്മൈ॑ യുനക്തി । ത്രയോ-ഽശ്വാ॑ ഭവന്തി । രഥ॑ശ്ചതു॒ര്ഥഃ । ദ്വൌ സ॑വ്യേഷ്ഠസാര॒ഥീ । ഷട്-ഥ്സമ്പ॑ദ്യന്തേ ॥ 53 ॥

ഷഡ്വാ ഋ॒തവഃ॑ । ഋ॒തുഭി॑രേ॒വൈനം॑-യുഁനക്തി । വി॒ഷ്ണു॒ക്ര॒മാന്-ക്ര॑മതേ । വിഷ്ണു॑രേ॒വ ഭൂ॒ത്വേമാന് ഁലോ॒കാന॒ഭിജ॑യതി । യഃ, ക്ഷ॒ത്രിയഃ॒ പ്രതി॑ഹിതഃ । സോ᳚-ഽന്വാര॑ഭതേ । രാ॒ഷ്ട്രമേ॒വ ഭ॑വതി । ത്രി॒ഷ്ടുഭാ॒ ഽന്വാര॑ഭതേ । ഇ॒ന്ദ്രി॒യം-വൈഁ ത്രി॒ഷ്ടുക് । ഇ॒ന്ദ്രി॒യമേ॒വ യജ॑മാനേ ദധാതി ॥ 54 ॥

മ॒രുതാ᳚-മ്പ്രസ॒വേ ജേ॑ഷ॒മിത്യാ॑ഹ । മ॒രുദ്ഭി॑രേ॒വ പ്രസൂ॑ത॒ ഉജ്ജ॑യതി । ആ॒പ്ത-മ്മന॒ ഇത്യാ॑ഹ । യദേ॒വ മന॒സൈഫ്സീ᳚ത് । തദാ॑പത് । രാ॒ജ॒ന്യ॑-ഞ്ജിനാതി । അനാ᳚ക്രാന്ത ഏ॒വാക്ര॑മതേ । വി വാ ഏ॒ഷ ഇ॑ന്ദ്രി॒യേണ॑ വീ॒ര്യേ॑ണര്ധ്യതേ । യോ രാ॑ജ॒ന്യ॑-ഞ്ജി॒നാതി॑ । സമ॒ഹമി॑ന്ദ്രി॒യേണ॑ വീ॒ര്യേ॑ണേത്യാ॑ഹ ॥ 55 ॥

ഇ॒ന്ദ്രി॒യമേ॒വ വീ॒ര്യ॑മാ॒ത്മന്-ധ॑ത്തേ । പ॒ശൂ॒നാ-മ്മ॒ന്യുര॑സി॒ തവേ॑വ മേ മ॒ന്യുര്ഭൂ॑യാ॒ദിതി॒ വാരാ॑ഹീ ഉപാ॒നഹാ॒വുപ॑ മുഞ്ചതേ । പ॒ശൂ॒നാം-വാഁ ഏ॒ഷ മ॒ന്യുഃ । യ-ദ്വ॑രാ॒ഹഃ । തേനൈ॒വ പ॑ശൂ॒നാ-മ്മ॒ന്യുമാ॒ത്മ-ന്ധ॑ത്തേ । അ॒ഭി വാ ഇ॒യഗ്ം സു॑ഷുവാ॒ണ-ങ്കാ॑മയതേ । തസ്യേ᳚ശ്വ॒രേന്ദ്രി॒യം-വീഁ॒ര്യ॑മാദാ॑തോഃ । വാരാ॑ഹീ ഉപാ॒നഹാ॒വുപ॑മുഞ്ചതേ । അ॒സ്യാ ഏ॒വാന്തര്ധ॑ത്തേ । ഇ॒ന്ദ്രി॒യസ്യ॑ വീ॒ര്യ॑സ്യാനാ᳚ത്ത്യൈ ॥ 56 ॥

നമോ॑ മാ॒ത്രേ പൃ॑ഥി॒വ്യാ ഇത്യാ॒ഹാഹിഗ്ം॑ സായൈ । ഇയ॑ദ॒സ്യാ-യു॑ര॒സ്യായു॑ര്മേ ധേ॒ഹീത്യാ॑ഹ । ആയുരേ॒വാത്മന്-ധ॑ത്തേ । ഊര്ഗ॒സ്യൂര്ജ॑-മ്മേ ധേ॒ഹീത്യാ॑ഹ । ഊര്ജ॑മ॒വാത്മ-ന്ധ॑ത്തേ । യുങ്ങ॑സി॒ വര്ചോ॑-ഽസി॒ വര്ചോ॒ മയി॑ ധേ॒ഹീത്യാ॑ഹ । വര്ച॑ ഏ॒വാത്മ-ന്ധ॑ത്തേ । ഏ॒ക॒ധാ ബ്ര॒ഹ്മണ॒ ഉപ॑ ഹരതി । ഏ॒ക॒ധൈവ യജ॑മാന॒ ആയു॒രൂര്ജം॒-വഁര്ചോ॑ ദധാതി । ര॒ഥ॒വി॒മോ॒ച॒നീയാ॑ ജുഹോതി॒ പ്രതി॑ഷ്ഠിത്യൈ ॥ 57 ॥

ത്രയോ-ഽശ്വാ॑ ഭവന്തി । രഥ॑ശ്ചതു॒ര്ഥഃ । തസ്മാ᳚-ച്ച॒തുര്ജു॑ഹോതി । യദു॒ഭൌ സ॒ഹാവ॒തിഷ്ഠേ॑താമ് । സ॒മാ॒നം-ലോഁ॒കമി॑യാതാമ് । സ॒ഹ സ॑ഗ്രംഹീ॒ത്രാ ര॑ഥ॒വാഹ॑നേ॒ രഥ॒മാദ॑ധാതി । സു॒വ॒ര്ഗാദേ॒വൈനം॑-ലോഁ॒കാദ॒ന്തര്ദ॑ധാതി । ഹ॒ഗ്ം॒സ-ശ്ശു॑ചി॒ഷദിത്യാ ദ॑ധാതി । ബ്രഹ്മ॑ണൈ॒വൈന॑-മുപാവ॒ഹര॑തി । ബ്രഹ്മ॒ണാ ഽഽദ॑ധാതി । അതി॑ച്ഛന്ദ॒സാ ഽഽദ॑ധാതി । അതി॑ച്ഛന്ദാ॒ വൈ സര്വാ॑ണി॒ ഛന്ദാഗ്ം॑സി । സര്വേ॑ഭിരേ॒വൈന॒-ഞ്ഛന്ദോ॑ഭി॒-രാദ॑ധാതി । വര്ഷ്മ॒ വാ ഏ॒ഷാ ഛന്ദ॑സാമ് । യദതി॑ച്ഛന്ദാഃ । യദതി॑ച്ഛന്ദസാ॒ ദധാ॑തി । വര്ഷ്മൈ॒വൈനഗ്ം॑ സമാ॒നാനാ᳚-ങ്കരോതി ॥ 58 ॥

(പ॒ദ്യ॒ന്തേ॒ - ദ॒ധാ॒തി॒ - വീ॒ര്യേ॑ണേത്യാ॒ഹാ - നാ᳚ത്യൈ॒ - പ്രതി॑ഷ്ഠിത്യൈ॒ - ബ്രഹ്മ॒ണാ-ഽഽദ॑ധാതി സ॒പ്ത ച॑) (അ. 9)

അനുവാകം 10 - ആസനേ സമുപവേശ-സ്സര്വൈസ്സേവ്യത്വ-ഞ്ച

മി॒ത്രോ॑-ഽസി॒ വരു॑ണോ॒-ഽസീത്യാ॑ഹ । മൈ॒ത്രം-വാഁ അഹഃ॑ । വാ॒രു॒ണീ രാത്രിഃ॑ । അ॒ഹോ॒രാ॒ത്രാഭ്യാ॑-മേ॒വൈന॑-മു॒പാവ॑ഹരതി । മി॒ത്രോ॑-ഽസി॒ വരു॑ണോ॒സീത്യാ॑ഹ । മൈ॒ത്രോ വൈ ദക്ഷി॑ണഃ । വാ॒രു॒ണ-സ്സ॒വ്യഃ । വൈ॒ശ്വ॒ദേ॒വ്യാ॑മിക്ഷാ᳚ । സ്വമേ॒വൈനൌ॑ ഭാഗ॒ധേയ॑-മു॒പാവ॑ഹരതി । സമ॒ഹം-വിഁശ്വൈ᳚ര്ദേ॒വൈ-രിത്യാ॑ഹ ॥ 59 ॥

വൈ॒ശ്വ॒ദേ॒വ്യോ॑ വൈ പ്ര॒ജാഃ । താ ഏ॒വാദ്യാഃ᳚ കുരുതേ । ക്ഷ॒ത്രസ്യ॒ നാഭി॑രസി ക്ഷ॒ത്രസ്യ॒ യോനി॑-ര॒സീത്യ॑ധീവാ॒സമാ-സ്തൃ॑ണാതി സയോനി॒ത്വായ॑ । സ്യോ॒നാമാസീ॑ദ സു॒ഷദാ॒മാസീ॒ദേത്യാ॑ഹ । യ॒ഥാ॒ യ॒ജുരേ॒വൈ തത് । മാ ത്വാ॑ ഹിഗ്ംസീ॒-ന്മാ മാ॑ ഹിഗ്ംസീ॒ദിത്യാ॒ഹാ-ഹിഗ്ം॑സായൈ । നിഷ॑സാദ ധൃ॒തവ്ര॑തോ॒ വരു॑ണഃ പ॒സ്ത്യാ᳚സ്വാ സാമ്രാ᳚ജ്യായ സു॒ക്രതു॒രിത്യാ॑ഹ । സാമ്രാ᳚ജ്യമേ॒വൈനഗ്ം॑ സു॒ക്രതു॑-ങ്കരോതി । ബ്രഹ്മാ(3)ന്ത്വഗ്ം രാ॑ജന്-ബ്ര॒ഹ്മാ-ഽസി॑ സവി॒താ-ഽസി॑ സ॒ത്യസ॑വ॒ ഇത്യാ॑ഹ । സ॒വി॒താര॑-മേ॒വൈനഗ്ം॑ സ॒ത്യസ॑വ-ങ്കരോതി ॥ 60 ॥

ബ്രഹ്മാ(3)ന്ത്വഗ്ം രാ॑ജന്-ബ്ര॒ഹ്മാ-ഽസീന്ദ്രോ॑-ഽസി സ॒ത്യൌജാ॒ ഇത്യാ॑ഹ । ഇന്ദ്ര॑മേ॒വൈനഗ്ം॑ സ॒ത്യൌജ॑സ-ങ്കരോതി । ബ്രഹ്മാ(3)ന്ത്വഗ്ം രാ॑ജന്-ബ്ര॒ഹ്മാ-ഽസി॑ മി॒ത്രോ॑-ഽസി സു॒ശേവ॒ ഇത്യാ॑ഹ । മി॒ത്രമേ॒വൈനഗ്ം॑ സു॒ശേവ॑-ങ്കരോതി । ബ്രഹ്മാ(3)ന്ത്വഗ്ം രാ॑ജന്-ബ്ര॒ഹ്മാ-ഽസി॒ വരു॑ണോ-ഽസി സ॒ത്യധ॒ര്മേത്യാ॑ഹ । വരു॑ണമേ॒വൈനഗ്ം॑ സ॒ത്യധ॑ര്മാണ-ങ്കരോതി । സ॒വി॒താ-ഽസി॑ സ॒ത്യസ॑വ॒ ഇത്യാ॑ഹ । ഗാ॒യ॒ത്രീ-മേ॒വൈതേനാ॑ഭി॒വ്യാഹ॑രതി । ഇന്ദ്രോ॑-ഽസി സ॒ത്യൌജാ॒ ഇത്യാ॑ഹ । ത്രി॒ഷ്ടുഭ॑-മേ॒വൈതേനാ॑ഭി॒-വ്യാഹ॑രതി ॥ 61 ॥

മി॒ത്രോ॑-ഽസി സു॒ശേവ॒ ഇത്യാ॑ഹ । ജഗ॑തീ-മേ॒വൈതേനാ॑ഭി॒വ്യാഹ॑രതി । സ॒ത്യമേ॒താ ദേ॒വതാഃ᳚ । സ॒ത്യമേ॒താനി॒ ഛന്ദാഗ്ം॑സി । സ॒ത്യമേ॒വാവ॑ രുന്ധേ । വരു॑ണോ-ഽസി സ॒ത്യധ॒ര്മേത്യാ॑ഹ । അ॒നു॒ഷ്ടുഭ॑-മേ॒വൈതേനാ॑ഭി॒വ്യാഹ॑രതി । സ॒ത്യാ॒നൃ॒തേ വാ അ॑നു॒ഷ്ടുപ് । സ॒ത്യാ॒നൃ॒തേ വരു॑ണഃ । സ॒ത്യാ॒നൃ॒തേ ഏ॒വാവ॑രുന്ധേ ॥ 62 ॥

നൈനഗ്ം॑ സത്യാനൃ॒തേ ഉ॑ദി॒തേ ഹിഗ്ഗ്॑സ്തഃ । യ ഏ॒വം-വേഁദ॑ । ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ സ്ഫ്യ-മ്പ്രയ॑ച്ഛതി । വജ്രോ॒ വൈ സ്ഫ്യഃ । വജ്രേ॑ണൈ॒വാസ്മാ॑ അവരപ॒രഗ്ം ര॑ന്ധയതി । ഏ॒വഗ്ം ഹി തച്ഛ്രേയഃ॑ । യദ॑സ്മാ ഏ॒തേ രദ്ധ്യേ॑യുഃ । ദിശോ॒-ഽഭ്യ॑യഗ്ം രാജാ॑ ഽഭൂ॒ദിതി॒ പഞ്ചാ॒ക്ഷാന്-പ്രയ॑ച്ഛതി । ഏ॒തേ വൈ സര്വേ-ഽയാഃ᳚ । അപ॑രാജായിന-മേ॒വൈന॑-ങ്കരോതി ॥ 63 ॥

ഓ॒ദ॒നമുദ്ബ്രു॑വതേ । പ॒ര॒മേ॒ഷ്ഠീ വാ ഏ॒ഷഃ । യദോ॑ദ॒നഃ । പ॒ര॒മാമേ॒വൈന॒ഗ്ഗ്॒ ശ്രിയ॑-ങ്ഗമയതി । സുശ്ലോ॒കാഁ(4) സുമ॑ങ്ഗ॒ലാഁ(4) സത്യ॑രാ॒ജാ(3)നിത്യാ॑ഹ । ആ॒ശിഷ॑മേ॒വൈതാമാ ശാ᳚സ്തേ । ശൌ॒ന॒-ശ്ശേ॒പമാഖ്യാ॑പയതേ । വ॒രു॒ണ॒പാ॒ശാ-ദേ॒വൈന॑-മ്മുഞ്ചതി । പ॒ര॒-ശ്ശ॒ത-മ്ഭ॑വതി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ( ) । ആയു॑ഷ്യേ॒വേന്ദ്രി॒യേ പ്രതി॑തിഷ്ഠതി । മാ॒രു॒തസ്യ॒ ചൈക॑വിഗ്ംശതികപാലസ്യ വൈശ്വദേ॒വ്യൈ ചാ॒മിക്ഷാ॑യാ അ॒ഗ്നയേ᳚ സ്വിഷ്ട॒കൃതേ॑ സ॒മവ॑ദ്യതി । ദേ॒വതാ॑ഭിരേ॒വൈന॑-മുഭ॒യതഃ॒ പരി॑ഗൃഹ്ണാതി । അ॒പാ-ന്നപ്ത്രേ॒ സ്വാഹോ॒ര്ജോ നപ്ത്രേ॒ സ്വാഹാ॒-ഽഗ്നയേ॑ ഗൃ॒ഹപ॑തയേ॒ സ്വാഹേതി॑ തി॒സ്ര ആഹു॑തീ-ര്ജുഹോതി । ത്രയ॑ ഇ॒മേ ലോ॒കാഃ । ഏ॒ഷ്വേ॑വ ലോ॒കേഷു॒ പ്രതി॑ തിഷ്ഠതി ॥ 64 ॥

(ദേ॒വൈരിത്യാ॑ഹ - സ॒ത്യസ॑വ-ങ്കരോതി - ത്രി॒ഷ്ടുഭ॑മേ॒വൈതേനാ॑ഭി॒ വ്യാഹ॑രതി- സത്യാനൃ॒തേ ഏ॒വാവ॑രുന്ധേ - കരോതി - ശ॒തേന്ദ്രി॑യ॒-ഷ്ഷട്ച॑) (അ. 10)

(ഏ॒ത-ദ്ബ്രാ᳚ഹ്മണാനി - ധാ॒ത്രേ - രാ॒ത്നിനാം᳚ - ദേവസു॒വാ - മ॒ര്ഥേതോ॒ - ദേവീ॒--ര് ദിശഃ॒ - സോമ॒സ്യേ - ന്ദ്ര॑സ്യ - മി॒ത്രോ ദശ॑)

(ഏ॒ത-ദ്ബ്രാ᳚ഹ്മണാനി - വൈഷ്ണ॒വ-ന്ത്രി॑കപാ॒ല - മന്നം॒-വൈഁ പൂ॒ഷാ - വാശാ॒-സ്സ്ഥേത്യാ॑ഹ॒ - ദിശോ॒ വ്യാസ്ഥാ॑പയ॒ - ത്യുദ॑മ്പ॒രേത്യ॒ - ബ്രഹ്മാ(3)ന്ത്വഗ്ം രാ॑ജ॒-ഞ്ചതു॑ഷ്ഷഷ്ടിഃ

(ഏ॒ത-ദ്ബ്രാ᳚ഹ്മണാനി॒ - പ്രതി॑ തിഷ്ഠതി)

॥ ഹരിഃ॑ ഓമ് ॥

॥ കൃഷ്ണ യജുര്വേദീയ തൈത്തിരീയ ബ്രാഹ്മണേ പ്രഥമാഷ്ടകേ സപ്തമഃ പ്രപാഠക-സ്സമാപ്തഃ ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake saptamaḥ prapāṭhakaḥ - rājasūyānubrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - śunāsīrīyendraturīyapañcāvattīyāpāmārgahomāḥ

e॒ta-dbrā᳚hmaṇānye॒va pañca̭ ha॒vīgṃṣi̭ | athendrā̭ya॒ śunā॒sīrā̭ya puro॒ḍāśa॒-ndvāda̭śakapāla॒-nnirva̭pati | saṃ॒va~॒thsa॒ro vā indrā॒ śunā॒sīraḥ̭ | saṃ॒va~॒thsa॒reṇai॒vāsmā॒ anna॒mava̭ rundhe | vā॒ya॒vya̭-mpayo̭ bhavati | vā॒yurvai vṛṣṭyai᳚ pradāpayi॒tā | sa e॒vāsmai॒ vṛṣṭi॒-mpradā̭payati | sau॒rya̭ eka̭kapālo bhavati | sūryḙṇa॒ vā a॒muṣmi̭~llo॒ke vṛṣṭi̭rdhṛ॒tā | sa e॒vāsmai॒ vṛṣṭi॒-nni ya̭cchati || 1 ||

dvā॒da॒śa॒ga॒vagṃ sīra॒-ndakṣi̭ṇā॒ samṛ̭ddhyai | de॒vā॒su॒rā-ssaṃya~̭ttā āsann | te de॒vā a॒gnima̭bruvann | tvayā̭ vī॒reṇāsṷrāna॒-bhibha̭vā॒meti̭ | so᳚-'bravīt | tre॒dhā-'hamā॒tmānaṃ॒-vi~ka̭riṣya॒ iti̭ | sa tre॒dhā ''tmānaṃ॒-vya~̭kuruta | a॒gni-ntṛtī̭yam | ru॒dra-ntṛtī̭yam | varṷṇa॒-ntṛtī̭yam || 2 ||

so᳚-'bravīt | ka i॒da-ntu॒rīya॒miti̭ | a॒hamitīndro᳚-'bravīt |

sa-ntu sṛ̭jāvahā॒ iti̭ | tau sama̭sṛjetām | sa indra̭stu॒rīya̭-mabhavat | yadindra̭-stu॒rīya॒-mabha̭vat | tadi̭ndra-turī॒yasye᳚ndra-turīya॒tvam | tato॒ vai de॒vā vya̭jayanta | yadi̭ndraturī॒ya-nni̭ru॒pyate॒ viji̭tyai || 3 ||

va॒hinī̭ dhe॒nu-rdakṣi̭ṇā | ya-dva॒hinī᳚ | tenā᳚gne॒yī |

ya-dgauḥ | tena̭ rau॒drī | ya-ddhe॒nuḥ | tenai॒ndrī | yathstrī sa॒tī dā॒ntā | tena̭ vāru॒ṇī samṛ̭ddhyai | pra॒jāpa̭ti-rya॒jñama̭sṛjata || 4 ||

tagṃ sṛ॒ṣṭagṃ rakṣāg̭syajighāgṃsann | sa e॒tāḥ pra॒jāpa̭ti-rā॒tmano̭ de॒vatā॒ nira̭mimīta | tābhi॒rvai sa di॒gbhyo rakṣāgṃ̭si॒ prāṇṷdata | ya-tpa̭ñcāva॒ttīya̭-ñju॒hoti̭ | di॒gbhya e॒va ta-dyaja̭māno॒ rakṣāgṃ̭si॒ praṇṷdate | samṷ̄ḍha॒gṃ॒ rakṣa॒-ssanda̭gdha॒gṃ॒ rakṣa॒ ityā̭ha | rakṣāg̭sye॒va sanda̭hati | a॒gnayḙ rakṣo॒ghne svāhetyā̭ha | de॒vatā᳚bhya e॒va vi̭jigyā॒nābhyo̭ bhāga॒dheya̭-ṅkaroti | pra॒ṣṭi॒vā॒hī ratho॒ dakṣi̭ṇā॒ samṛ̭ddhyai || 5 ||

indro̭ vṛ॒tragṃ ha॒tvā | asṷrā-nparā॒bhāvya̭ | namṷcimāsu॒ra-nnāla̭bhata | tagṃ śa॒cyā̭-'gṛhṇāt | tau sama̭labhetām | so᳚-'smā-da॒bhiśṷnataro-'bhavat | so᳚-'bravīt | sa॒dhāṃgṃ sanda̭dhāvahai | atha॒ tvā-'va̭ srakṣyāmi | na mā॒ śuṣkḙṇa॒ nārdreṇa̭ hanaḥ || 6 ||

na divā॒ na nakta॒miti̭ | sa e॒tama॒pā-mphena̭masiñcat | na vā e॒ṣa śuṣko॒ nārdro vyṷṣṭā ''sīt | anṷdita॒-ssūryaḥ̭ | na vā e॒ta-ddivā॒ na nakta᳚m | tasyai॒tasmi̭n ~lo॒ke | a॒pā-mphenḙna॒ śira॒ uda̭vartayat | tadḙna॒manva̭vartata | mitra̭dru॒giti̭ || 7 ||

sa e॒tāna̭pāmā॒rgāna̭janayat | tāna̭juhot | tairvai sa rakṣā॒g॒syapā̭hata | yada̭pāmārga ho॒mo bhava̭ti | rakṣa̭sā॒-mapa̭hatyai | e॒ko॒l mu॒kena̭ yanti | taddhi rakṣa̭sā-mbhāga॒dheya᳚m | i॒mā-ndiśaṃ̭-ya~nti | e॒ṣā vai rakṣa̭sā॒-ndik | svāyā̭me॒va di॒śi rakṣāgṃ̭si hanti || 8 ||

svakṛ̭ta॒ iri̭ṇe juhoti prada॒re vā᳚ | e॒ta-dvai rakṣa̭sāmā॒yata̭nam | sva e॒vāyata̭ne॒ rakṣāgṃ̭si hanti | pa॒rṇa॒mayḙna sru॒veṇa̭ juhoti | brahma॒ vai pa॒rṇaḥ | brahma̭ṇai॒va rakṣāgṃ̭si hanti | de॒vasya̭ tvā savi॒tuḥ pra̭sa॒va ityā̭ha | sa॒vi॒tṛpra̭sūta e॒va rakṣāgṃ̭si hanti | ha॒tagṃ rakṣo 'va̭dhiṣma॒ rakṣa॒ ityā̭ha | rakṣa̭sā॒g॒ stṛtyai᳚ | yadvaste॒ ta-ddakṣi̭ṇā ni॒rava̭ttyai | apra̭tīkṣa॒mā ya̭nti | rakṣa̭sā-ma॒ntarhi̭tyai || 9 ||

(ya॒ccha॒ti॒ - varṷṇa॒-ntṛtī̭yaṃ॒ - ~viji̭tyā - asṛjata॒ - samṛ̭ddhyai - hano॒ - mitra̭dru॒giti̭ - hanti॒ - stṛtyai॒ trīṇi̭ ca) (a. 1)

anuvākaṃ 2 - devikāvahavīṃṣi

dhā॒tre pṷro॒ḍāśa॒-ndvāda̭śakapāla॒-nnirva̭pati | saṃ॒va~॒thsa॒ro vai dhā॒tā | saṃ॒va~॒thsa॒reṇai॒vāsmai᳚ pra॒jāḥ praja̭nayati | anve॒vāsmā॒ anṷmatirmanyate | rā॒te rā॒kā | pra si̭nīvā॒lī ja̭nayati | pra॒jāsve॒va prajā̭tāsu ku॒hvā̭ vāca̭-ndadhāti | mi॒thu॒nau gāvau॒ dakṣi̭ṇā॒ samṛ̭ddhyai | ā॒gnā॒vai॒ṣṇa॒va-mekā̭daśakapāla॒-nnirva̭pati | ai॒ndrā॒vai॒ṣṇa॒va-mekā̭daśakapālam || 10 ||

vai॒ṣṇa॒va-ntri̭kapā॒lam | vī॒ryaṃ̭-vā~ a॒gniḥ | vī॒rya̭mindraḥ̭ | vī॒ryaṃ̭-vi~ṣṇuḥ̭ | pra॒jā e॒va prajā̭tā vī॒rye᳚ prati̭ṣṭhāpayati | tasmā᳚-tpra॒jā vī॒ryā̭vatīḥ | vā॒ma॒na ṛ̭ṣa॒bho va॒hī dakṣi̭ṇā | yadva॒hī | tenā᳚gne॒yaḥ | yadṛ̭ṣa॒bhaḥ || 11 ||

tenai॒ndraḥ | yadvā̭ma॒naḥ | tena̭ vaiṣṇa॒va-ssamṛ̭ddhyai | a॒gnī॒ṣo॒mīya॒-mekā̭daśakapāla॒-nnirva̭pati | i॒ndrā॒so॒mīya॒-mekā̭daśakapālam | sau॒mya-ñca॒rum | somo॒ vai rḙto॒dhāḥ | a॒gniḥ pra॒jānā᳚-mprajanayi॒tā | vṛ॒ddhānā॒mindraḥ̭ pradāpayi॒tā | soma̭ e॒vāsmai॒ reto॒ dadhā̭ti || 12 ||

a॒gniḥ pra॒jā-mpraja̭nayati | vṛ॒ddhāmindraḥ॒ praya̭cchati | ba॒bhru-rdakṣi̭ṇā॒ samṛ̭ddhyai | so॒mā॒pau॒ṣṇa-ñca॒ru-nnirva̭pati | ai॒ndrā॒pau॒ṣṇa-ñca॒rum | somo॒ vai rḙto॒dhāḥ | pū॒ṣā pa̭śū॒nā-mpra̭janayi॒tā | vṛ॒ddhānā॒mindraḥ̭ pradāpayi॒tā | soma̭ e॒vāsmai॒ reto॒ dadhā̭ti | pū॒ṣā pa॒śū-npraja̭nayati || 13 ||

vṛ॒ddhānindraḥ॒ praya̭cchati | pau॒ṣṇaśca॒ru-rbha̭vati | i॒yaṃ-vai~ pū॒ṣā | a॒syāme॒va prati̭ tiṣṭhati | śyā॒mo dakṣi̭ṇā॒ samṛ̭ddhyai | ba॒hu vai purṷṣo-'me॒ddhya-mupa̭gacchati | vai॒śvā॒na॒ra-ndvāda̭śakapāla॒-nnirva̭pati | saṃ॒va~॒thsa॒ro vā a॒gni-rvai᳚śvāna॒raḥ | saṃ॒va~॒thsa॒reṇai॒vainagg̭ svadayati | hira̭ṇya॒-ndakṣi̭ṇā || 14 ||

pa॒vitraṃ॒-vai~ hira̭ṇyam | pu॒nātye॒vaina᳚m | ba॒hu vai rā̭ja॒nyo 'nṛ̭ta-ṅkaroti | upa̭ jā॒myai hara̭te | ji॒nāti̭ brāhma॒ṇam | vada॒tyanṛ̭tam | anṛ̭te॒ khalu॒ vai kri॒yamā̭ṇe॒ varṷṇo gṛhṇāti | vā॒ru॒ṇaṃ-ya~̭va॒maya̭-ñca॒ru-nnirva̭pati | va॒ru॒ṇa॒pā॒śāde॒vaina̭-mmuñcati | aśvo॒ dakṣi̭ṇā | vā॒ru॒ṇo hi de॒vata॒yā-'śva॒-ssamṛ̭ddhyai || 15 ||

(ai॒ndrā॒vai॒ṣṇā॒vamekā̭daśakapālaṃ॒-~yadṛ̭ṣa॒bho- dadhā̭ti-pū॒ṣā pa॒śū-npraja̭nayati॒-hira̭ṇyaṃ॒ dakṣi̭ṇā॒-dakṣi॒ṇaikaṃ̭ ca) (a. 2)

anuvākaṃ 3 - ratnināṃ havīṃṣi

ra॒tninā̭me॒tāni̭ ha॒vīgṃṣi̭ bhavanti | e॒te vai rā॒ṣṭrasya̭ pradā॒tāraḥ̭ | e॒tḙ-'pādā॒tāraḥ̭ | ya e॒va rā॒ṣṭrasya̭ pradā॒tāraḥ̭ | yḙ-'pādā॒tāraḥ̭ | ta e॒vāsmai̭ rā॒ṣṭra-mpraya̭cchanti | rā॒ṣṭrame॒va bha̭vati | ya-thsa̭mā॒hṛtya̭ ni॒rvape᳚t | ara̭tnina-ssyuḥ | ya॒thā॒ya॒tha-nnirva̭pati ratni॒tvāya̭ || 16 ||

ya-thsa॒dyo ni॒rvape᳚t | yāva̭tī॒mekḙna ha॒viṣā॒-''śiṣa̭mava ru॒ndhe | tāva̭tī॒mava̭ rundhīta | a॒nva॒ha-nnirva̭pati | bhūya̭sīme॒vāśiṣa॒mava̭ rundhe | bhūya̭so yajñakra॒tūnupai̭ti | bā॒r॒ha॒spa॒tya-ñca॒ru-nnirva̭pati bra॒hmaṇo̭ gṛ॒he | mu॒kha॒ta e॒vāsmai॒ brahma॒ saggśya̭ti | atho॒ brahma̭nne॒va kṣa॒tra-ma॒nvāra̭mbhayati | śi॒ti॒pṛ॒ṣṭho dakṣi̭ṇā॒ samṛ̭ddhyai || 17 ||

ai॒ndra-mekā̭daśakapālagṃ rāja॒nya̭sya gṛ॒he | i॒ndri॒yame॒vāva̭ rundhe | ṛ॒ṣa॒bho dakṣi̭ṇā॒ samṛ̭ddhyai | ā॒di॒tya-ñca॒ru-mmahi̭ṣyai gṛ॒he | i॒yaṃ-vā~ adi̭tiḥ | a॒syāme॒va prati̭tiṣṭhati | dhe॒nu-rdakṣi̭ṇā॒ samṛ̭ddhyai | bhagā̭ya ca॒ruṃ-vā~॒vātā̭yai gṛ॒he | bhaga̭me॒vāsmi̭-ndadhāti | vici̭ttagarbhā paṣṭhau॒hī dakṣi̭ṇā॒ samṛ̭ddhyai || 18 ||

nai॒r॒ṛ॒ta-ñca॒ru-mpa̭rivṛ॒ktyai̭ gṛ॒he kṛ॒ṣṇānāṃ᳚-vrī~hī॒ṇā-nna॒khani̭rbhinnam | pā॒pmāna̭me॒va nir-ṛ̭ti-nni॒rava̭dayate | kṛ॒ṣṇā kū॒ṭā dakṣi̭ṇā॒ samṛ̭ddhyai | ā॒gne॒ya-ma॒ṣṭāka̭pālagṃ senā॒nyo̭ gṛ॒he | senā̭me॒vāsya॒ saggśya̭ti | hira̭ṇya॒-ndakṣi̭ṇā॒ samṛ̭ddhyai | vā॒ru॒ṇa-ndaśa̭kapālagṃ sū॒tasya̭ gṛ॒he | va॒ru॒ṇa॒sa॒vame॒vāva̭-rundhe | ma॒hāni̭raṣṭo॒ dakṣi̭ṇā॒ samṛ̭ddhyai | mā॒ru॒tagṃ sa॒ptaka̭pāla-ṅgrāma॒ṇyo̭ gṛ॒he || 19 ||

annaṃ॒-vai~ ma॒rutaḥ̭ | anna̭me॒vāva̭-rundhe | pṛśñi॒-rdakṣi̭ṇā॒ samṛ̭ddhyai | sā॒vi॒tra-ndvāda̭śakapāla-ṅkṣa॒tturgṛ॒he prasū᳚tyai | u॒pa॒ddhva॒sto dakṣi̭ṇā॒ samṛ̭ddhyai | ā॒śvi॒na-ndvi̭kapā॒lagṃ sa̭graṃhī॒turgṛ॒he | a॒śvinau॒ vai de॒vānā᳚-mbhi॒ṣajau᳚ | tābhyā̭me॒vāsmai̭ bheṣa॒ja-ṅka̭roti | sa॒vā॒tyaṷ dakṣi̭ṇā॒ samṛ̭ddhyai | pau॒ṣṇa-ñca॒ru-mbhā̭gadu॒ghasya̭ gṛ॒he || 20 ||

annaṃ॒-vai~ pū॒ṣā | anna̭me॒vāva̭ rundhe | śyā॒mo dakṣi̭ṇā॒ samṛ̭ddhyai | rau॒dra-ṅgā̭vīdhu॒ka-ñca॒ruma̭kṣāvā॒pasya̭ gṛ॒he | a॒nta॒ta e॒va ru॒dra-nni॒rava̭dayate | śa॒bala॒ udvā̭ro॒ dakṣi̭ṇā॒ samṛ̭ddhyai | dvāda̭śai॒tāni̭ ha॒vīgṃṣi̭ bhavanti | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒reṇai॒vāsmai̭ rā॒ṣṭramava̭-rundhe | rā॒ṣṭrame॒va bha̭vati || 21 ||

yanna pra̭ti ni॒rvape᳚t | ra॒tnina̭ ā॒śiṣo-'va̭rundhīrann | prati॒ nirva̭pati | indrā̭ya su॒trāmṇḙ puro॒ḍāśa॒-mekā̭daśakapālam | indrā̭yāgṃho॒muce᳚ | ā॒śiṣa̭ e॒vāva̭rundhe | a॒ya-nno॒ rājā̭ vṛtra॒hā rājā̭ bhū॒tvā vṛ॒traṃ-va~̭ddhyā॒dityā̭ha | ā॒śiṣa̭me॒vaitāmāśā᳚ste | mai॒trā॒-bā॒r॒ha॒spa॒tya-mbha̭vati | śve॒tāyai᳚ śve॒tava̭thsāyai du॒gdhe || 22 ||

bā॒r॒ha॒spa॒tye mai॒tramapi̭ dadhāti | brahma̭ cai॒vāsmai᳚ kṣa॒tra-ñca̭ sa॒mīcī̭ dadhāti | atho॒ brahma̭nne॒va kṣa॒tra-mprati̭ṣṭhāpayati | bā॒r॒ha॒spa॒tyena॒ pūrvḙṇa॒ praca̭rati | mu॒kha॒ta e॒vāsmai॒ brahma॒ saggśya̭ti | atho॒ brahma̭nne॒va kṣa॒tra-ma॒nvāra̭mbhayati | sva॒ya॒-ṅkṛ॒tā vedi̭rbhavati | sva॒ya॒di॒nna-mba॒r॒hiḥ | sva॒ya॒kṛ॒nta i॒ddhmaḥ | ana̭bhijitasyā॒-bhiji̭tyai | tasmā॒-drājñā॒mara̭ṇya-ma॒bhiji̭tam | saiva śve॒tā śve॒tava̭thsā॒ dakṣi̭ṇā॒ samṛ̭ddhyai || 23 ||

(ra॒tni॒tvāya॒ - samṛ̭ddhyai - paṣṭhau॒hi dakṣi̭ṇā॒ samṛ̭ddhyai - grāma॒ṇyo̭ gṛ॒he - bhā̭gadu॒ghasya̭ gṛ॒he-bha̭vati - du॒gdhḙ - 'bhiji̭tyai॒ dve ca̭) (a. 3)

anuvākaṃ 4 - devasuvāṃ havīṃṣi

de॒va॒su॒vāme॒tāni̭ ha॒vīgṃṣi̭ bhavanti | e॒tāva̭nto॒ vai de॒vānāgṃ̭ sa॒vāḥ | ta e॒vāsmai̭ sa॒vā-npraya̭cchanti | ta ḙnagṃ suvante | a॒gnire॒vaina̭-ṅgṛ॒hapa̭tīnāgṃ suvate | somo॒ vana॒spatī̭nām | ru॒draḥ pa̭śū॒nām | bṛha॒spati̭-rvā॒cām | indro᳚ jye॒ṣṭhānā᳚m | mi॒tra-ssa॒tyānā᳚m || 24 ||

varṷṇo॒ dharma̭patīnām | e॒tade॒va sarva̭-mbhavati | sa॒vi॒tā tvā᳚ prasa॒vānāgṃ̭ suvatā॒miti॒ hasta̭-ṅgṛhṇāti॒ prasū᳚tyai | ye dḙvā deva॒suva॒-ssthetyā̭ha | ya॒thā॒ ya॒jure॒vai tat | ma॒ha॒te kṣa॒trāya̭ maha॒ta ādhi̭patyāya maha॒te jāna̭rājyā॒yetyā̭ha | ā॒śiṣa̭me॒vaitāmāśā᳚ste | e॒ṣa vo̭ bharatā॒ rājā॒ somo॒-'smāka̭-mbrāhma॒ṇānā॒gṃ॒ rājetyā̭ha | tasmā॒-thsoma̭rājāno brāhma॒ṇāḥ | prati॒ tyannāma̭ rā॒jyama̭dhā॒yītyā̭ha || 25 ||

rā॒jyame॒vāsmi॒-nprati̭ dadhāti | svā-nta॒nuvaṃ॒-va~rṷṇo aśiśre॒dityā̭ha | va॒ru॒ṇa॒sa॒vame॒vā-va̭rundhe | śuce᳚rmi॒trasya॒ vratyā̭ abhū॒metyā̭ha | śuci̭me॒vainaṃ॒-vra~tya̭-ṅkaroti | ama̭nmahi maha॒ta ṛ॒tasya॒ nāmetyā̭ha | ma॒nu॒ta e॒vaina᳚m | sarve॒ vrātā॒ varṷṇasyā bhūva॒nnityā̭ha | sarva̭vrātame॒vaina̭-ṅkaroti | vi mi॒tra evai॒rarā̭ti-matārī॒dityā̭ha || 26 ||

arā̭time॒vaina̭-ntārayati | asṷ̄ṣudanta ya॒jñiyā̭ ṛ॒tenetyā̭ha | sva॒daya̭tye॒vaina᳚m | vyṷ tri॒to ja̭ri॒māṇa̭-nna āna॒ḍityā̭ha | āyṷre॒vāsmi̭-ndadhāti | dvābhyāṃ॒-vi~mṛ̭ṣṭe | dvi॒pā-dyaja̭mānaḥ॒ prati̭ṣṭhityai | a॒gnī॒ṣo॒mīya̭sya॒ caikā̭daśakapālasya devasu॒vā-ñca̭ ha॒viṣā̭ma॒gnaye᳚ sviṣṭa॒kṛtḙ sa॒mava̭dyati | de॒vatā̭bhire॒vaina̭-mubha॒yataḥ॒ pari̭gṛhṇāti | vi॒ṣṇu॒kra॒mān kra̭mate( ) | viṣṇṷre॒va bhū॒tvemā~llo॒kā-na॒bhija̭yati || 27 ||

(sa॒tyānā̭-madhā॒yītyā̭-hātārī॒dityā̭ha-kramata॒ eka̭-ñca) (a. 4)

anuvākaṃ 5 - abhiṣekārthamapāṅgrahagrahaṇam

a॒rtheta॒-sstheti̭ juhoti | āhṷtyai॒vainā̭ ni॒ṣkrīya̭ gṛhṇāti | atho̭ ha॒viṣkṛ̭tānāme॒vābhighṛ̭tānā-ṅgṛhṇāti | vaha̭ntīnā-ṅgṛhṇāti | e॒tā vā a॒pāgṃ rā॒ṣṭram | rā॒ṣṭrame॒vāsmai̭ gṛhṇāti | atho॒ śriya̭me॒vaina̭ma॒bhi va̭hanti | a॒pā-mpati̭ra॒sītyā̭ha | mi॒thu॒name॒vākaḥ̭ | vṛṣā᳚-'syū॒rmirityā̭ha || 28 ||

ū॒rmi॒manta̭me॒vaina̭-ṅkaroti | vṛ॒ṣa॒se॒no̭-'sītyā̭ha | senā̭me॒vāsya॒ saggśya̭ti | vra॒ja॒kṣita॒-ssthetyā̭ha | e॒tā vā a॒pāṃ-vi~śaḥ̭ | viśa̭me॒vāsmai॒ paryṷ̄hati | ma॒rutā॒moja॒-ssthetyā̭ha | annaṃ॒-vai~ ma॒rutaḥ̭ | anna̭me॒vā va̭rundhe | sūrya̭varcasa॒-ssthetyā̭ha || 29 ||

rā॒ṣṭrame॒va va̭rca॒svya̭kaḥ | sūrya̭tvacasa॒-ssthetyā̭ha | sa॒tyaṃ-vā~ e॒tat | ya-dvarṣa̭ti | anṛ̭taṃ॒-ya~dā॒tapa̭ti॒ varṣa̭ti | sa॒tyā॒nṛ॒te e॒vāva̭rundhe | nainagṃ̭ satyānṛ॒te ṷdi॒te higg̭staḥ | ya e॒vaṃ-ve~da̭ | māndā॒-ssthetyā̭ha | rā॒ṣṭrame॒va bra̭hmavarca॒sya̭kaḥ || 30 ||

vāśā॒-ssthetyā̭ha | rā॒ṣṭrame॒va va॒śya̭kaḥ | śakva̭rī॒-ssthetyā̭ha | pa॒śavo॒ vai śakva̭rīḥ | pa॒śūne॒vāva̭ rundhe | vi॒śva॒bhṛta॒-ssthetyā̭ha | rā॒ṣṭrame॒va pa̭ya॒svya̭kaḥ | ja॒na॒bhṛta॒-ssthetyā̭ha | rā॒ṣṭrame॒vendri̭yā॒vya̭kaḥ | a॒gnestḙja॒syā᳚-ssthetyā̭ha || 31 ||

rā॒ṣṭrame॒va tḙja॒svya̭kaḥ | a॒pāmoṣa̭dhīnā॒gṃ॒ rasa॒-ssthetyā̭ha | rā॒ṣṭrame॒va ma̭dha॒vya̭makaḥ | sā॒ra॒sva॒ta-ṅgraha̭-ṅgṛhṇāti | e॒ṣā vā a॒pā-mpṛ॒ṣṭham | yathsara̭svatī | pṛ॒ṣṭhame॒vainagṃ̭ samā॒nānā᳚-ṅkaroti | ṣo॒ḍa॒śabhi̭-rgṛhṇāti | ṣoḍa̭śakalo॒ vai purṷṣaḥ | yāvā̭ne॒va purṷṣaḥ | tasmi̭n vī॒rya̭-ndadhāti | ṣo॒ḍa॒śabhi̭-rju॒hoti̭ ṣoḍa॒śabhi̭-rgṛhṇāti | dvātrigṃ̭śa॒-thsampa̭dyante | dvātrigṃ̭śadakṣarā 'nu॒ṣṭuk | vāga̭nu॒ṣṭu-phsarvā̭ṇi॒ chandāgṃ̭si | vā॒caivaina॒gṃ॒ sarvḙbhi॒-śchando̭bhi-ra॒bhiṣi̭ñcati || 32 ||

(ū॒rmirityā̭ha॒ - sūrya̭varcasa॒-ssthetyā̭ha - brahmavarca॒sya̭ka - steja॒syā᳚-ssthetyā̭hai॒va - purṷṣa॒-ṣṣaṭca̭) (a. 5)

anuvākaṃ 6 - abhiṣekārthajalasaṃskāraḥ

devī̭rāpa॒-ssa-mmadhṷmatī॒-rmadhṷmatībhi-ssṛjyaddhva॒mityā̭ha | brahma̭ṇai॒vainā॒-ssagṃ sṛ̭jati | anā̭dhṛṣṭā-ssīda॒tetyā̭ha | brahma̭ṇai॒vainā᳚-ssādayati | a॒nta॒rā hotṷśca॒ dhiṣṇi̭ya-mbrāhmaṇāccha॒gṃ॒ sina̭śca sādayati | ā॒gne॒yo vai hotā᳚ | ai॒ndro brā᳚hmaṇāccha॒gṃ॒sī | teja̭sā cai॒vendri॒yeṇa̭ cobha॒yato̭ rā॒ṣṭra-mpari̭gṛhṇāti | hira̭ṇye॒no-tpṷnāti | āhṷtyai॒ hi pa॒vitrā᳚bhyāmutpu॒nanti॒ vyāvṛ̭ttyai || 33 ||

śa॒tamā̭na-mbhavati | śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭tiṣṭhati | ani̭bhṛṣṭama॒sītyā̭ha | ani̭bhṛṣṭa॒gg॒ hyḙtat | vā॒co bandhu॒rityā̭ha | vā॒co hyḙṣa bandhuḥ̭ | ta॒po॒jā ityā̭ha | ta॒po॒jā hyḙtat | soma̭sya dā॒trama॒sītyā̭ha || 34 ||

soma̭sya॒ hyḙtaddā॒tram | śu॒krā vaḥ̭ śu॒kreṇotpṷnā॒mītyā̭ha | śu॒krā hyāpaḥ̭ | śu॒kragṃ hira̭ṇyam | ca॒ndrāśca॒ndreṇetyā̭ha | ca॒ndrā hyāpaḥ̭ | ca॒ndragṃ hira̭ṇyam | a॒mṛtā̭ a॒mṛte॒netyā̭ha | a॒mṛtā॒ hyāpaḥ̭ | a॒mṛta॒gṃ॒ hira̭ṇyam || 35 ||

svāhā̭ rāja॒sūyā॒yetyā̭ha | rā॒ja॒sūyā̭ya॒ hyḙnā utpu॒nāti̭ | sa॒dha॒mādo᳚ dyu॒mninī॒rūrja̭ e॒tā iti̭ vāru॒ṇyarcā gṛ̭hṇāti | va॒ru॒ṇa॒sa॒vame॒vā va̭rundhe | eka̭yā gṛhṇāti | e॒ka॒dhaiva yaja̭māne vī॒rya̭-ndadhāti | kṣa॒trasyolba̭masi kṣa॒trasya॒ yoni̭ra॒sīti̭ tā॒rpya-ñco॒ṣṇīṣa̭-ñca॒ praya̭cchati sayoni॒tvāya̭ | eka̭śatena darbhapuñjī॒laiḥ pa̭vayati | śa॒tāyu॒rvai purṷṣa-śśa॒tavī᳚ryaḥ | ā॒tmaika̭śa॒taḥ || 36 ||

yāvā̭ne॒va purṷṣaḥ | tasmi̭n vī॒rya̭-ndadhāti | daddhyā̭śayati | i॒ndri॒yame॒vā-va̭rundhe | u॒du॒mbara̭-māśayati | a॒nnādya॒syāva̭ ruddhyai | śaṣpā᳚ṇyāśayati | surā̭bali-me॒vaina̭-ṅkaroti | ā॒vida̭ e॒tā bha̭vanti | ā॒vida̭me॒vaina̭-ṅgamayanti || 37 ||

a॒gnire॒vaina॒-ṅgārha̭patyenāvati | indra̭ indri॒yeṇa̭ | pū॒ṣā pa॒śubhiḥ̭ | mi॒trāvarṷṇau prāṇāpā॒nābhyā᳚m | indro̭ vṛ॒trāya॒ vajra॒muda̭yacchat | sa diva̭malikhat | so᳚-'rya॒mṇaḥ panthā̭ abhavat | sa āvi̭nne॒ dyāvā̭pṛthi॒vī dhṛ॒tavra̭te॒ iti॒ dyāvā̭pṛthi॒vī upā̭dhāvat | sa ā॒bhyāme॒va prasṷ̄ta॒ indro̭ vṛ॒trāya॒ vajra॒-mprāha̭rat | āvi̭nne॒ dyāvā̭pṛthi॒vī dhṛ॒tavra̭te॒ iti॒ yadāha̭ || 38 ||

ā॒bhyāme॒va prasṷ̄to॒ yaja̭māno॒ vajra॒-mbhrātṛ̭vyāya॒ praha̭rati | āvi̭nnā de॒vyadi̭ti-rviśvarū॒pītyā̭ha | i॒yaṃ-vai~ de॒vyadi̭ti-rviśvarū॒pī | a॒syāme॒va prati̭ tiṣṭhati | āvi̭nno॒-'yama॒sāvā̭muṣyāya॒ṇo᳚-'syāṃ-vi~॒śya̭smi-nrā॒ṣṭra ityā̭ha | vi॒śaivainagṃ̭ rā॒ṣṭreṇa॒ sama̭rdhayati | ma॒ha॒te kṣa॒trāya̭ maha॒ta ādhi̭patyāya maha॒te jāna̭rājyā॒yetyā̭ha | ā॒śiṣa̭me॒vaitāmāśā᳚ste | e॒ṣa vo̭ bharatā॒ rājā॒ somo॒-'smāka̭-mbrāhma॒ṇānā॒gṃ॒ rājetyā̭ha | tasmā॒-thsoma̭rājāno brāhma॒ṇāḥ || 39 ||

indra̭sya॒ vajro̭-'si॒ vārtra̭ghna॒ iti॒ dhanuḥ॒ praya̭cchati॒ viji̭tyai | śa॒tru॒bādha̭nā॒-ssthetīṣūṋ | śatrṷ̄ne॒vāsya̭ bādhante | pā॒ta mā᳚ pra॒tyañca̭-mpā॒ta mā̭ ti॒ryañca̭ma॒nvañca̭-mmā pā॒tetyā̭ha | ti॒sro vai śa̭ra॒vyāḥ᳚ | pra॒tīcī̭ ti॒raścya॒nūcī᳚ | tābhya̭ e॒vaina̭-mpānti | di॒gbhyo mā̭ pā॒tetyā̭ha | di॒gbhya e॒vaina̭-mpānti | viśvā᳚bhyo mā nā॒ṣṭrābhyaḥ̭ pā॒tetyā̭ha | apa̭rimitāde॒vaina̭-mpānti | hira̭ṇyavarṇāvu॒ṣasāṃ᳚-vi~ro॒ka iti̭ tri॒ṣṭubhā̭ bā॒hū u-dgṛ̭hṇāti | i॒ndri॒yaṃ-vai~ vī॒rya̭-ntri॒ṣṭuk | i॒ndri॒yame॒va vī॒rya̭-mu॒pari̭ṣṭādā॒tman-dha̭tte || 40 ||

(vyāvṛ̭ttyai-dā॒trama॒sītyā̭hā॒-mṛta॒gṃ॒ hira̭ṇya-mekaśa॒to-ga̭maya॒n-tyāha̭-brāhmā॒ṇā-nā॒ṣṭrābhyaḥ̭ pā॒tetyā̭ha ca॒tvāri̭ ca) (a. 6)

anuvākaṃ 7 - digvyāsthāpanam

diśo॒ vyāsthā̭payati | di॒śāma॒bhiji̭tyai | yada̭nu pra॒krāme᳚t | a॒bhi diśo̭ jayet | uttu mā᳚dyet | mana॒sā-'nu॒ prakrā̭mati | a॒bhi diśo̭ jayati | nonmā᳚dyati | sa॒midha॒mā ti॒ṣṭhetyā̭ha | teja̭ e॒vāva̭rundhe || 41 ||

u॒grāmā ti॒ṣṭhetyā̭ha | i॒ndri॒yame॒vāva̭ rundhe | vi॒rāja॒mā ti॒ṣṭhetyā̭ha | a॒nnādya̭me॒vāva̭ rundhe | udī̭cī॒mā ti॒ṣṭhetyā̭ha | pa॒śūne॒vāva̭ rundhe | ū॒rdhvāmā ti॒ṣṭhetyā̭ha | su॒va॒rgame॒va lo॒ka-ma॒bhija̭yati | anūjji̭hīte | su॒va॒rgasya̭ lo॒kasya॒ sama̭ṣṭyai || 42 ||

mā॒ru॒ta e॒ṣa bha̭vati | annaṃ॒-vai~ ma॒rutaḥ̭ | anna̭me॒vāva̭ rundhe | eka̭vigṃśatikapālo bhavati॒ prati̭ṣṭhityai | yo̭-'raṇye 'nuvā॒kyo̭ ga॒ṇaḥ | ta-mma̭ddhya॒ta upa̭dadhāti | grā॒myaire॒va pa॒śubhi̭-rāra॒ṇyā-npa॒śū-npari̭gṛhṇāti | tasmā᳚-dgrā॒myaiḥ pa॒śubhi̭rāra॒ṇyāḥ pa॒śavaḥ॒ pari̭gṛhītāḥ | pṛthi̭rvai॒nyaḥ | a॒bhya̭ṣicyata || 43 ||

sa rā॒ṣṭra-nnābha̭vat | sa e॒tāni̭ pā॒rthānya̭paśyat | tānya̭juhot | tairvai sa rā॒ṣṭra-ma̭bhavat | yatpā॒rthāni̭ ju॒hoti̭ | rā॒ṣṭrame॒va bha̭vati | bā॒r॒ha॒spa॒tya-mpūrvḙṣāmutta॒ma-mbha̭vati | ai॒ndramutta̭reṣā-mpratha॒mam | brahma̭ cai॒vāsmai᳚ kṣa॒tra-ñca̭ sa॒mīcī̭ dadhāti | atho॒ brahma̭nne॒va kṣa॒tra-mprati̭ṣṭhāpayati || 44 ||

ṣaṭpu॒rastā̭-dabhiṣe॒kasya̭ juhoti | ṣaḍu॒pari̭ṣṭāt | dvāda̭śa॒ sa-mpa̭dyante | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒raḥ khalu॒ vai de॒vānā॒-mpūḥ | de॒vānā̭me॒va pura̭-mmaddhya॒to vyava̭sarpati | tasya॒ na kuta̭śca॒ nopā᳚vyā॒dho bha̭vati | bhū॒tānā॒-mave᳚ṣṭī-rjuhoti | atrā᳚tra॒ vai mṛ॒tyu-rjā̭yate | yatra̭ yatrai॒va mṛ॒tyu-rjāya̭te | tata̭ e॒vaina॒mava̭yajate | tasmā᳚-drāja॒sūyḙnejā॒na-ssarva॒māyṷreti | sarve॒ hya̭sya mṛ॒tyavo-'ve᳚ṣṭāḥ | tasmā᳚-drāja॒sūyḙnejā॒no nābhica̭rita॒vai | pra॒tyagḙna-mabhicā॒ra-sstṛ̭ṇute || 45 ||

(ru॒ndhe॒-sama̭ṣṭyā-asicyata-sthāpayati॒-jāya̭te॒ pañca̭ ca) (a. 7)

anuvākaṃ 8 - abhiṣekaḥ

soma̭sya॒ tviṣi̭rasi॒ tavḙva me॒ tviṣi̭rbhūyā॒diti̭ śārdūlaca॒rmopa̭stṛṇāti | yaiva some॒ tviṣiḥ̭ | yā śā᳚rdū॒le | tāme॒vāva̭ rundhe | mṛ॒tyorvā e॒ṣa varṇaḥ̭ | yacchā᳚rdū॒laḥ | a॒mṛta॒gṃ॒ hira̭ṇyam | a॒mṛta̭masi mṛ॒tyormā̭ pā॒hīti॒ hira̭ṇya॒-mupā᳚syati | a॒mṛta̭me॒va mṛ॒tyora॒nta-rdha̭tte | śa॒tamā̭na-mbhavati || 46 ||

śa॒tāyuḥ॒ purṷṣa-śśa॒tendri̭yaḥ | āyṷṣye॒vendri॒ye prati̭ tiṣṭhati | di॒dyonmā̭ pā॒hītyu॒pari̭ṣṭā॒dadhi॒ nida̭dhāti | u॒bha॒yata̭ e॒vāsmai॒ śarma̭ dadhāti | ave᳚ṣṭā danda॒śūkā॒ iti̭ klī॒bagṃ sīsḙna viddhyati | da॒nda॒śūkā̭-ne॒vāva̭ yajate | tasmā᳚-tklī॒ba-nda̭nda॒śūkā॒ dagṃśṷkāḥ | nira̭sta॒-nnamṷce॒-śśira॒ iti̭ lohitāya॒sa-nnira̭syati | pā॒pmāna̭me॒va namṷci-nni॒rava̭dayate | prā॒ṇā ā॒tmanaḥ॒ pūrvḙ-'bhi॒ṣicyā॒ ityā̭huḥ || 47 ||

somo॒ rājā॒ varṷṇaḥ | de॒vā dha̭rma॒suva̭śca॒ ye | te te॒ vācagṃ̭ suvantā॒-nte te᳚ prā॒ṇagṃ sṷvantā॒mityā̭ha | prā॒ṇāne॒vātmanaḥ॒ pūrvā̭-na॒bhiṣi̭ñcati | ya-dbrū॒yāt | a॒gnestvā॒ teja̭sā॒ 'bhiṣi̭ñcā॒mīti̭ | te॒ja॒svyḙva syā᳚t | du॒ścarmā॒ tu bha̭vet | soma̭sya tvā dyu॒mnenā॒-bhiṣi̭ñcā॒mītyā̭ha | sau॒myo vai de॒vata̭yā॒ purṷṣaḥ || 48 ||

svayai॒vaina̭-nde॒vata̭yā॒-'bhiṣi̭ñcati | a॒gne-steja॒setyā̭ha | teja̭ e॒vāsmi̭-ndadhāti | sūrya̭sya॒ varca॒setyā̭ha | varca̭ e॒vāsmi̭-ndadhāti | indra̭sye-ndri॒yeṇetyā̭ha | i॒ndri॒yame॒vāsmi̭-ndadhāti | mi॒trāvarṷṇayo-rvī॒ryḙṇetyā̭ha | vī॒rya̭me॒vāsmi̭-ndadhāti | ma॒rutā॒moja॒setyā̭ha || 49 ||

oja̭ e॒vāsmi̭-ndadhāti | kṣa॒trāṇā᳚-ṅkṣa॒trapa̭tira॒sītyā̭ha | kṣa॒trāṇā̭me॒vaina̭-ṅkṣa॒trapa̭ti-ṅkaroti | ati̭ di॒vaspā॒hītyā̭ha | atya॒nyā-npā॒hīti॒ vāvaitadā̭ha | sa॒māva̭vṛtranna-dha॒rāgudī̭cī॒-rityā̭ha | rā॒ṣṭrame॒vāsmi̭-ndhru॒vama̭kaḥ | u॒ccheṣa̭ṇena juhoti | u॒ccheṣa̭ṇabhāgo॒ vai ru॒draḥ | bhā॒ga॒dheyḙnai॒va ru॒dra-nni॒rava̭dayate || 50 ||

uda̭mpa॒retyāgnī᳚ddhre juhoti | e॒ṣā vai ru॒drasya॒ dik | svāyā̭me॒va di॒śi ru॒dra-nni॒rava̭dayate | rudra॒ yatte॒ krayī॒ para॒-nnāmetyā̭ha | yadvā a̭sya॒ krayī॒ para॒-nnāma̭ | tena॒ vā e॒ṣa hi̭nasti | yagṃ hi॒nasti̭ | tenai॒vainagṃ̭ sa॒ha śa̭mayati | tasmai̭ hu॒tama̭si ya॒meṣṭa̭ma॒sītyā̭ha | ya॒māde॒vāsya̭ mṛ॒tyumava̭yajate || 51 ||

prajā̭pate॒ na tvade॒tānya॒nya iti॒ tasyai̭ gṛ॒he jṷhuyāt | yā-ṅkā॒mayḙta rā॒ṣṭrama̭syai pra॒jā syā॒diti̭ | rā॒ṣṭrame॒vāsyai᳚ pra॒jā bha̭vati | pa॒rṇa॒-mayḙnā-ddhva॒ryu-ra॒bhiṣi̭ñcati | bra॒hma॒va॒rca॒same॒vāsmi॒n-tviṣi̭-ndadhāti | audṷmbareṇa rāja॒nyaḥ̭ | ūrja̭me॒vāsmi̭-nna॒nnādya̭-ndadhāti | āśva̭tthena॒ vaiśyaḥ̭ | viśa̭me॒vāsmi॒-npuṣṭi̭-ndadhāti | naiya̭grodhena॒ janyaḥ̭( ) | mi॒trāṇye॒vāsmai̭ kalpayati | atho॒ prati̭ṣṭhityai || 52 ||

(bha॒va॒ - tyā॒huḥ॒ - purṷṣa॒ - oja॒setyā̭ha - ni॒rava̭dayate - yajate॒ - janyo॒ dve ca̭) (a. 8)

anuvākaṃ 9 - sthārohaṇam. vijayaḥ

indra̭sya॒ vajro̭-'si॒ vārtra̭ghna॒ iti॒ ratha̭mu॒pāva̭harati॒ viji̭tyai | mi॒trāvarṷṇayostvā praśā॒stroḥ pra॒śiṣā̭ yuna॒jmītyā̭ha | brahma̭ṇai॒vaina̭-nde॒vatā᳚bhyāṃ-yu~nakti | pra॒ṣṭi॒vā॒hinaṃ̭-yu~nakti | pra॒ṣṭi॒vā॒hī vai dḙvara॒thaḥ | de॒va॒ra॒tha-me॒vāsmai̭ yunakti | trayo-'śvā̭ bhavanti | ratha̭ścatu॒rthaḥ | dvau sa̭vyeṣṭhasāra॒thī | ṣaṭ-thsampa̭dyante || 53 ||

ṣaḍvā ṛ॒tavaḥ̭ | ṛ॒tubhi̭re॒vainaṃ̭-yu~nakti | vi॒ṣṇu॒kra॒mān-kra̭mate | viṣṇṷre॒va bhū॒tvemān ~lo॒kāna॒bhija̭yati | yaḥ, kṣa॒triyaḥ॒ prati̭hitaḥ | so᳚-'nvāra̭bhate | rā॒ṣṭrame॒va bha̭vati | tri॒ṣṭubhā॒ 'nvāra̭bhate | i॒ndri॒yaṃ-vai~ tri॒ṣṭuk | i॒ndri॒yame॒va yaja̭māne dadhāti || 54 ||

ma॒rutā᳚-mprasa॒ve jḙṣa॒mityā̭ha | ma॒rudbhi̭re॒va prasṷ̄ta॒ ujja̭yati | ā॒pta-mmana॒ ityā̭ha | yade॒va mana॒saiphsī᳚t | tadā̭pat | rā॒ja॒nya̭-ñjināti | anā᳚krānta e॒vākra̭mate | vi vā e॒ṣa i̭ndri॒yeṇa̭ vī॒ryḙṇardhyate | yo rā̭ja॒nya̭-ñji॒nāti̭ | sama॒hami̭ndri॒yeṇa̭ vī॒ryḙṇetyā̭ha || 55 ||

i॒ndri॒yame॒va vī॒rya̭mā॒tman-dha̭tte | pa॒śū॒nā-mma॒nyura̭si॒ tavḙva me ma॒nyurbhṷ̄yā॒diti॒ vārā̭hī upā॒nahā॒vupa̭ muñcate | pa॒śū॒nāṃ-vā~ e॒ṣa ma॒nyuḥ | ya-dva̭rā॒haḥ | tenai॒va pa̭śū॒nā-mma॒nyumā॒tma-ndha̭tte | a॒bhi vā i॒yagṃ sṷṣuvā॒ṇa-ṅkā̭mayate | tasye᳚śva॒rendri॒yaṃ-vī~॒rya̭mādā̭toḥ | vārā̭hī upā॒nahā॒vupa̭muñcate | a॒syā e॒vāntardha̭tte | i॒ndri॒yasya̭ vī॒rya̭syānā᳚ttyai || 56 ||

namo̭ mā॒tre pṛ̭thi॒vyā ityā॒hāhigṃ̭ sāyai | iya̭da॒syā-yṷra॒syāyṷrme dhe॒hītyā̭ha | āyure॒vātman-dha̭tte | ūrga॒syūrja̭-mme dhe॒hītyā̭ha | ūrja̭ma॒vātma-ndha̭tte | yuṅṅa̭si॒ varco̭-'si॒ varco॒ mayi̭ dhe॒hītyā̭ha | varca̭ e॒vātma-ndha̭tte | e॒ka॒dhā bra॒hmaṇa॒ upa̭ harati | e॒ka॒dhaiva yaja̭māna॒ āyu॒rūrjaṃ॒-va~rco̭ dadhāti | ra॒tha॒vi॒mo॒ca॒nīyā̭ juhoti॒ prati̭ṣṭhityai || 57 ||

trayo-'śvā̭ bhavanti | ratha̭ścatu॒rthaḥ | tasmā᳚-cca॒turjṷhoti | yadu॒bhau sa॒hāva॒tiṣṭhḙtām | sa॒mā॒naṃ-lo~॒kami̭yātām | sa॒ha sa̭graṃhī॒trā ra̭tha॒vāha̭ne॒ ratha॒māda̭dhāti | su॒va॒rgāde॒vainaṃ̭-lo~॒kāda॒ntarda̭dhāti | ha॒gṃ॒sa-śśṷci॒ṣadityā da̭dhāti | brahma̭ṇai॒vaina̭-mupāva॒hara̭ti | brahma॒ṇā ''da̭dhāti | ati̭cchanda॒sā ''da̭dhāti | ati̭cchandā॒ vai sarvā̭ṇi॒ chandāgṃ̭si | sarvḙbhire॒vaina॒-ñchando̭bhi॒-rāda̭dhāti | varṣma॒ vā e॒ṣā chanda̭sām | yadati̭cchandāḥ | yadati̭cchandasā॒ dadhā̭ti | varṣmai॒vainagṃ̭ samā॒nānā᳚-ṅkaroti || 58 ||

(pa॒dya॒nte॒ - da॒dhā॒ti॒ - vī॒ryḙṇetyā॒hā - nā᳚tyai॒ - prati̭ṣṭhityai॒ - brahma॒ṇā-''da̭dhāti sa॒pta ca̭) (a. 9)

anuvākaṃ 10 - āsane samupaveśa-ssarvaissevyatva-ñca

mi॒tro̭-'si॒ varṷṇo॒-'sītyā̭ha | mai॒traṃ-vā~ ahaḥ̭ | vā॒ru॒ṇī rātriḥ̭ | a॒ho॒rā॒trābhyā̭-me॒vaina̭-mu॒pāva̭harati | mi॒tro̭-'si॒ varṷṇo॒sītyā̭ha | mai॒tro vai dakṣi̭ṇaḥ | vā॒ru॒ṇa-ssa॒vyaḥ | vai॒śva॒de॒vyā̭mikṣā᳚ | svame॒vainaṷ bhāga॒dheya̭-mu॒pāva̭harati | sama॒haṃ-vi~śvai᳚rde॒vai-rityā̭ha || 59 ||

vai॒śva॒de॒vyo̭ vai pra॒jāḥ | tā e॒vādyāḥ᳚ kurute | kṣa॒trasya॒ nābhi̭rasi kṣa॒trasya॒ yoni̭-ra॒sītya̭dhīvā॒samā-stṛ̭ṇāti sayoni॒tvāya̭ | syo॒nāmāsī̭da su॒ṣadā॒māsī॒detyā̭ha | ya॒thā॒ ya॒jure॒vai tat | mā tvā̭ higṃsī॒-nmā mā̭ higṃsī॒dityā॒hā-higṃ̭sāyai | niṣa̭sāda dhṛ॒tavra̭to॒ varṷṇaḥ pa॒styā᳚svā sāmrā᳚jyāya su॒kratu॒rityā̭ha | sāmrā᳚jyame॒vainagṃ̭ su॒kratṷ-ṅkaroti | brahmā(3)ntvagṃ rā̭jan-bra॒hmā-'si̭ savi॒tā-'si̭ sa॒tyasa̭va॒ ityā̭ha | sa॒vi॒tāra̭-me॒vainagṃ̭ sa॒tyasa̭va-ṅkaroti || 60 ||

brahmā(3)ntvagṃ rā̭jan-bra॒hmā-'sīndro̭-'si sa॒tyaujā॒ ityā̭ha | indra̭me॒vainagṃ̭ sa॒tyauja̭sa-ṅkaroti | brahmā(3)ntvagṃ rā̭jan-bra॒hmā-'si̭ mi॒tro̭-'si su॒śeva॒ ityā̭ha | mi॒trame॒vainagṃ̭ su॒śeva̭-ṅkaroti | brahmā(3)ntvagṃ rā̭jan-bra॒hmā-'si॒ varṷṇo-'si sa॒tyadha॒rmetyā̭ha | varṷṇame॒vainagṃ̭ sa॒tyadha̭rmāṇa-ṅkaroti | sa॒vi॒tā-'si̭ sa॒tyasa̭va॒ ityā̭ha | gā॒ya॒trī-me॒vaitenā̭bhi॒vyāha̭rati | indro̭-'si sa॒tyaujā॒ ityā̭ha | tri॒ṣṭubha̭-me॒vaitenā̭bhi॒-vyāha̭rati || 61 ||

mi॒tro̭-'si su॒śeva॒ ityā̭ha | jaga̭tī-me॒vaitenā̭bhi॒vyāha̭rati | sa॒tyame॒tā de॒vatāḥ᳚ | sa॒tyame॒tāni॒ chandāgṃ̭si | sa॒tyame॒vāva̭ rundhe | varṷṇo-'si sa॒tyadha॒rmetyā̭ha | a॒nu॒ṣṭubha̭-me॒vaitenā̭bhi॒vyāha̭rati | sa॒tyā॒nṛ॒te vā a̭nu॒ṣṭup | sa॒tyā॒nṛ॒te varṷṇaḥ | sa॒tyā॒nṛ॒te e॒vāva̭rundhe || 62 ||

nainagṃ̭ satyānṛ॒te ṷdi॒te higg̭staḥ | ya e॒vaṃ-ve~da̭ | indra̭sya॒ vajro̭-'si॒ vārtra̭ghna॒ iti॒ sphya-mpraya̭cchati | vajro॒ vai sphyaḥ | vajrḙṇai॒vāsmā̭ avarapa॒ragṃ ra̭ndhayati | e॒vagṃ hi tacchreyaḥ̭ | yada̭smā e॒te raddhyḙyuḥ | diśo॒-'bhya̭yagṃ rājā̭ 'bhū॒diti॒ pañcā॒kṣān-praya̭cchati | e॒te vai sarve-'yāḥ᳚ | apa̭rājāyina-me॒vaina̭-ṅkaroti || 63 ||

o॒da॒namudbrṷvate | pa॒ra॒me॒ṣṭhī vā e॒ṣaḥ | yado̭da॒naḥ | pa॒ra॒māme॒vaina॒gg॒ śriya̭-ṅgamayati | suślo॒kā~(4) suma̭ṅga॒lā~(4) satya̭rā॒jā(3)nityā̭ha | ā॒śiṣa̭me॒vaitāmā śā᳚ste | śau॒na॒-śśe॒pamākhyā̭payate | va॒ru॒ṇa॒pā॒śā-de॒vaina̭-mmuñcati | pa॒ra॒-śśa॒ta-mbha̭vati | śa॒tāyuḥ॒ purṷṣa-śśa॒tendri̭yaḥ( ) | āyṷṣye॒vendri॒ye prati̭tiṣṭhati | mā॒ru॒tasya॒ caika̭vigṃśatikapālasya vaiśvade॒vyai cā॒mikṣā̭yā a॒gnaye᳚ sviṣṭa॒kṛtḙ sa॒mava̭dyati | de॒vatā̭bhire॒vaina̭-mubha॒yataḥ॒ pari̭gṛhṇāti | a॒pā-nnaptre॒ svāho॒rjo naptre॒ svāhā॒-'gnayḙ gṛ॒hapa̭taye॒ svāheti̭ ti॒sra āhṷtī-rjuhoti | traya̭ i॒me lo॒kāḥ | e॒ṣvḙva lo॒keṣu॒ prati̭ tiṣṭhati || 64 ||

(de॒vairityā̭ha - sa॒tyasa̭va-ṅkaroti - tri॒ṣṭubha̭me॒vaitenā̭bhi॒ vyāha̭rati- satyānṛ॒te e॒vāva̭rundhe - karoti - śa॒tendri̭ya॒-ṣṣaṭca̭) (a. 10)

(e॒ta-dbrā᳚hmaṇāni - dhā॒tre - rā॒tnināṃ᳚ - devasu॒vā - ma॒rtheto॒ - devī॒--r diśaḥ॒ - soma॒sye - ndra̭sya - mi॒tro daśa̭)

(e॒ta-dbrā᳚hmaṇāni - vaiṣṇa॒va-ntri̭kapā॒la - mannaṃ॒-vai~ pū॒ṣā - vāśā॒-ssthetyā̭ha॒ - diśo॒ vyāsthā̭paya॒ - tyuda̭mpa॒retya॒ - brahmā(3)ntvagṃ rā̭ja॒-ñcatṷṣṣaṣṭiḥ

(e॒ta-dbrā᳚hmaṇāni॒ - prati̭ tiṣṭhati)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake saptamaḥ prapāṭhaka-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे प्रथमाष्टके सप्तमः प्रपाठकः - राजसूयानुब्राह्मणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - शुनासीरीयेन्द्रतुरीयपञ्चावत्तीयापामार्गहोमाः

ए॒त-द्ब्रा᳚ह्मणान्ये॒व पञ्च॑ ह॒वीग्ंषि॑ । अथेन्द्रा॑य॒ शुना॒सीरा॑य पुरो॒डाश॒-न्द्वाद॑शकपाल॒-न्निर्व॑पति । सं॒वँ॒थ्स॒रो वा इन्द्रा॒ शुना॒सीरः॑ । सं॒वँ॒थ्स॒रेणै॒वास्मा॒ अन्न॒मव॑ रुन्धे । वा॒य॒व्य॑-म्पयो॑ भवति । वा॒युर्वै वृष्ट्यै᳚ प्रदापयि॒ता । स ए॒वास्मै॒ वृष्टि॒-म्प्रदा॑पयति । सौ॒र्य॑ एक॑कपालो भवति । सूर्ये॑ण॒ वा अ॒मुष्मि॑ँल्लो॒के वृष्टि॑र्धृ॒ता । स ए॒वास्मै॒ वृष्टि॒-न्नि य॑च्छति ॥ 1 ॥

द्वा॒द॒श॒ग॒वग्ं सीर॒-न्दक्षि॑णा॒ समृ॑द्ध्यै । दे॒वा॒सु॒रा-स्संयँ॑त्ता आसन्न् । ते दे॒वा अ॒ग्निम॑ब्रुवन्न् । त्वया॑ वी॒रेणासु॑रान॒-भिभ॑वा॒मेति॑ । सो᳚-ऽब्रवीत् । त्रे॒धा-ऽहमा॒त्मानं॒-विँक॑रिष्य॒ इति॑ । स त्रे॒धा ऽऽत्मानं॒-व्यँ॑कुरुत । अ॒ग्नि-न्तृती॑यम् । रु॒द्र-न्तृती॑यम् । वरु॑ण॒-न्तृती॑यम् ॥ 2 ॥

सो᳚-ऽब्रवीत् । क इ॒द-न्तु॒रीय॒मिति॑ । अ॒हमितीन्द्रो᳚-ऽब्रवीत् ।

स-न्तु सृ॑जावहा॒ इति॑ । तौ सम॑सृजेताम् । स इन्द्र॑स्तु॒रीय॑-मभवत् । यदिन्द्र॑-स्तु॒रीय॒-मभ॑वत् । तदि॑न्द्र-तुरी॒यस्ये᳚न्द्र-तुरीय॒त्वम् । ततो॒ वै दे॒वा व्य॑जयन्त । यदि॑न्द्रतुरी॒य-न्नि॑रु॒प्यते॒ विजि॑त्यै ॥ 3 ॥

व॒हिनी॑ धे॒नु-र्दक्षि॑णा । य-द्व॒हिनी᳚ । तेना᳚ग्ने॒यी ।

य-द्गौः । तेन॑ रौ॒द्री । य-द्धे॒नुः । तेनै॒न्द्री । यथ्स्त्री स॒ती दा॒न्ता । तेन॑ वारु॒णी समृ॑द्ध्यै । प्र॒जाप॑ति-र्य॒ज्ञम॑सृजत ॥ 4 ॥

तग्ं सृ॒ष्टग्ं रक्षाग्॑स्यजिघाग्ंसन्न् । स ए॒ताः प्र॒जाप॑ति-रा॒त्मनो॑ दे॒वता॒ निर॑मिमीत । ताभि॒र्वै स दि॒ग्भ्यो रक्षाग्ं॑सि॒ प्राणु॑दत । य-त्प॑ञ्चाव॒त्तीय॑-ञ्जु॒होति॑ । दि॒ग्भ्य ए॒व त-द्यज॑मानो॒ रक्षाग्ं॑सि॒ प्रणु॑दते । समू॑ढ॒ग्ं॒ रक्ष॒-स्सन्द॑ग्ध॒ग्ं॒ रक्ष॒ इत्या॑ह । रक्षाग्॑स्ये॒व सन्द॑हति । अ॒ग्नये॑ रक्षो॒घ्ने स्वाहेत्या॑ह । दे॒वता᳚भ्य ए॒व वि॑जिग्या॒नाभ्यो॑ भाग॒धेय॑-ङ्करोति । प्र॒ष्टि॒वा॒ही रथो॒ दक्षि॑णा॒ समृ॑द्ध्यै ॥ 5 ॥

इन्द्रो॑ वृ॒त्रग्ं ह॒त्वा । असु॑रा-न्परा॒भाव्य॑ । नमु॑चिमासु॒र-न्नाल॑भत । तग्ं श॒च्या॑-ऽगृह्णात् । तौ सम॑लभेताम् । सो᳚-ऽस्मा-द॒भिशु॑नतरो-ऽभवत् । सो᳚-ऽब्रवीत् । स॒धांग्ं सन्द॑धावहै । अथ॒ त्वा-ऽव॑ स्रक्ष्यामि । न मा॒ शुष्के॑ण॒ नार्द्रेण॑ हनः ॥ 6 ॥

न दिवा॒ न नक्त॒मिति॑ । स ए॒तम॒पा-म्फेन॑मसिञ्चत् । न वा ए॒ष शुष्को॒ नार्द्रो व्यु॑ष्टा ऽऽसीत् । अनु॑दित॒-स्सूर्यः॑ । न वा ए॒त-द्दिवा॒ न नक्त᳚म् । तस्यै॒तस्मि॑न् ँलो॒के । अ॒पा-म्फेने॑न॒ शिर॒ उद॑वर्तयत् । तदे॑न॒मन्व॑वर्तत । मित्र॑द्रु॒गिति॑ ॥ 7 ॥

स ए॒तान॑पामा॒र्गान॑जनयत् । तान॑जुहोत् । तैर्वै स रक्षा॒ग्॒स्यपा॑हत । यद॑पामार्ग हो॒मो भव॑ति । रक्ष॑सा॒-मप॑हत्यै । ए॒को॒ल् मु॒केन॑ यन्ति । तद्धि रक्ष॑सा-म्भाग॒धेय᳚म् । इ॒मा-न्दिशं॑-यँन्ति । ए॒षा वै रक्ष॑सा॒-न्दिक् । स्वाया॑मे॒व दि॒शि रक्षाग्ं॑सि हन्ति ॥ 8 ॥

स्वकृ॑त॒ इरि॑णे जुहोति प्रद॒रे वा᳚ । ए॒त-द्वै रक्ष॑सामा॒यत॑नम् । स्व ए॒वायत॑ने॒ रक्षाग्ं॑सि हन्ति । प॒र्ण॒मये॑न स्रु॒वेण॑ जुहोति । ब्रह्म॒ वै प॒र्णः । ब्रह्म॑णै॒व रक्षाग्ं॑सि हन्ति । दे॒वस्य॑ त्वा सवि॒तुः प्र॑स॒व इत्या॑ह । स॒वि॒तृप्र॑सूत ए॒व रक्षाग्ं॑सि हन्ति । ह॒तग्ं रक्षो ऽव॑धिष्म॒ रक्ष॒ इत्या॑ह । रक्ष॑सा॒ग्॒ स्तृत्यै᳚ । यद्वस्ते॒ त-द्दक्षि॑णा नि॒रव॑त्त्यै । अप्र॑तीक्ष॒मा य॑न्ति । रक्ष॑सा-म॒न्तर्हि॑त्यै ॥ 9 ॥

(य॒च्छ॒ति॒ - वरु॑ण॒-न्तृती॑यं॒ - ँविजि॑त्या - असृजत॒ - समृ॑द्ध्यै - हनो॒ - मित्र॑द्रु॒गिति॑ - हन्ति॒ - स्तृत्यै॒ त्रीणि॑ च) (अ. 1)

अनुवाकं 2 - देविकावहवींषि

धा॒त्रे पु॑रो॒डाश॒-न्द्वाद॑शकपाल॒-न्निर्व॑पति । सं॒वँ॒थ्स॒रो वै धा॒ता । सं॒वँ॒थ्स॒रेणै॒वास्मै᳚ प्र॒जाः प्रज॑नयति । अन्वे॒वास्मा॒ अनु॑मतिर्मन्यते । रा॒ते रा॒का । प्र सि॑नीवा॒ली ज॑नयति । प्र॒जास्वे॒व प्रजा॑तासु कु॒ह्वा॑ वाच॑-न्दधाति । मि॒थु॒नौ गावौ॒ दक्षि॑णा॒ समृ॑द्ध्यै । आ॒ग्ना॒वै॒ष्ण॒व-मेका॑दशकपाल॒-न्निर्व॑पति । ऐ॒न्द्रा॒वै॒ष्ण॒व-मेका॑दशकपालम् ॥ 10 ॥

वै॒ष्ण॒व-न्त्रि॑कपा॒लम् । वी॒र्यं॑-वाँ अ॒ग्निः । वी॒र्य॑मिन्द्रः॑ । वी॒र्यं॑-विँष्णुः॑ । प्र॒जा ए॒व प्रजा॑ता वी॒र्ये᳚ प्रति॑ष्ठापयति । तस्मा᳚-त्प्र॒जा वी॒र्या॑वतीः । वा॒म॒न ऋ॑ष॒भो व॒ही दक्षि॑णा । यद्व॒ही । तेना᳚ग्ने॒यः । यदृ॑ष॒भः ॥ 11 ॥

तेनै॒न्द्रः । यद्वा॑म॒नः । तेन॑ वैष्ण॒व-स्समृ॑द्ध्यै । अ॒ग्नी॒षो॒मीय॒-मेका॑दशकपाल॒-न्निर्व॑पति । इ॒न्द्रा॒सो॒मीय॒-मेका॑दशकपालम् । सौ॒म्य-ञ्च॒रुम् । सोमो॒ वै रे॑तो॒धाः । अ॒ग्निः प्र॒जाना᳚-म्प्रजनयि॒ता । वृ॒द्धाना॒मिन्द्रः॑ प्रदापयि॒ता । सोम॑ ए॒वास्मै॒ रेतो॒ दधा॑ति ॥ 12 ॥

अ॒ग्निः प्र॒जा-म्प्रज॑नयति । वृ॒द्धामिन्द्रः॒ प्रय॑च्छति । ब॒भ्रु-र्दक्षि॑णा॒ समृ॑द्ध्यै । सो॒मा॒पौ॒ष्ण-ञ्च॒रु-न्निर्व॑पति । ऐ॒न्द्रा॒पौ॒ष्ण-ञ्च॒रुम् । सोमो॒ वै रे॑तो॒धाः । पू॒षा प॑शू॒ना-म्प्र॑जनयि॒ता । वृ॒द्धाना॒मिन्द्रः॑ प्रदापयि॒ता । सोम॑ ए॒वास्मै॒ रेतो॒ दधा॑ति । पू॒षा प॒शू-न्प्रज॑नयति ॥ 13 ॥

वृ॒द्धानिन्द्रः॒ प्रय॑च्छति । पौ॒ष्णश्च॒रु-र्भ॑वति । इ॒यं-वैँ पू॒षा । अ॒स्यामे॒व प्रति॑ तिष्ठति । श्या॒मो दक्षि॑णा॒ समृ॑द्ध्यै । ब॒हु वै पुरु॑षो-ऽमे॒द्ध्य-मुप॑गच्छति । वै॒श्वा॒न॒र-न्द्वाद॑शकपाल॒-न्निर्व॑पति । सं॒वँ॒थ्स॒रो वा अ॒ग्नि-र्वै᳚श्वान॒रः । सं॒वँ॒थ्स॒रेणै॒वैनग्ग्॑ स्वदयति । हिर॑ण्य॒-न्दक्षि॑णा ॥ 14 ॥

प॒वित्रं॒-वैँ हिर॑ण्यम् । पु॒नात्ये॒वैन᳚म् । ब॒हु वै रा॑ज॒न्यो ऽनृ॑त-ङ्करोति । उप॑ जा॒म्यै हर॑ते । जि॒नाति॑ ब्राह्म॒णम् । वद॒त्यनृ॑तम् । अनृ॑ते॒ खलु॒ वै क्रि॒यमा॑णे॒ वरु॑णो गृह्णाति । वा॒रु॒णं-यँ॑व॒मय॑-ञ्च॒रु-न्निर्व॑पति । व॒रु॒ण॒पा॒शादे॒वैन॑-म्मुञ्चति । अश्वो॒ दक्षि॑णा । वा॒रु॒णो हि दे॒वत॒या-ऽश्व॒-स्समृ॑द्ध्यै ॥ 15 ॥

(ऐ॒न्द्रा॒वै॒ष्णा॒वमेका॑दशकपालं॒-ँयदृ॑ष॒भो- दधा॑ति-पू॒षा प॒शू-न्प्रज॑नयति॒-हिर॑ण्यं॒ दक्षि॑णा॒-दक्षि॒णैकं॑ च) (अ. 2)

अनुवाकं 3 - रत्निनां हवींषि

र॒त्निना॑मे॒तानि॑ ह॒वीग्ंषि॑ भवन्ति । ए॒ते वै रा॒ष्ट्रस्य॑ प्रदा॒तारः॑ । ए॒ते॑-ऽपादा॒तारः॑ । य ए॒व रा॒ष्ट्रस्य॑ प्रदा॒तारः॑ । ये॑-ऽपादा॒तारः॑ । त ए॒वास्मै॑ रा॒ष्ट्र-म्प्रय॑च्छन्ति । रा॒ष्ट्रमे॒व भ॑वति । य-थ्स॑मा॒हृत्य॑ नि॒र्वपे᳚त् । अर॑त्निन-स्स्युः । य॒था॒य॒थ-न्निर्व॑पति रत्नि॒त्वाय॑ ॥ 16 ॥

य-थ्स॒द्यो नि॒र्वपे᳚त् । याव॑ती॒मेके॑न ह॒विषा॒-ऽऽशिष॑मव रु॒न्धे । ताव॑ती॒मव॑ रुन्धीत । अ॒न्व॒ह-न्निर्व॑पति । भूय॑सीमे॒वाशिष॒मव॑ रुन्धे । भूय॑सो यज्ञक्र॒तूनुपै॑ति । बा॒र्॒ह॒स्प॒त्य-ञ्च॒रु-न्निर्व॑पति ब्र॒ह्मणो॑ गृ॒हे । मु॒ख॒त ए॒वास्मै॒ ब्रह्म॒ सग्ग्श्य॑ति । अथो॒ ब्रह्म॑न्ने॒व क्ष॒त्र-म॒न्वार॑म्भयति । शि॒ति॒पृ॒ष्ठो दक्षि॑णा॒ समृ॑द्ध्यै ॥ 17 ॥

ऐ॒न्द्र-मेका॑दशकपालग्ं राज॒न्य॑स्य गृ॒हे । इ॒न्द्रि॒यमे॒वाव॑ रुन्धे । ऋ॒ष॒भो दक्षि॑णा॒ समृ॑द्ध्यै । आ॒दि॒त्य-ञ्च॒रु-म्महि॑ष्यै गृ॒हे । इ॒यं-वाँ अदि॑तिः । अ॒स्यामे॒व प्रति॑तिष्ठति । धे॒नु-र्दक्षि॑णा॒ समृ॑द्ध्यै । भगा॑य च॒रुं-वाँ॒वाता॑यै गृ॒हे । भग॑मे॒वास्मि॑-न्दधाति । विचि॑त्तगर्भा पष्ठौ॒ही दक्षि॑णा॒ समृ॑द्ध्यै ॥ 18 ॥

नै॒र्॒ऋ॒त-ञ्च॒रु-म्प॑रिवृ॒क्त्यै॑ गृ॒हे कृ॒ष्णानां᳚-व्रीँही॒णा-न्न॒खनि॑र्भिन्नम् । पा॒प्मान॑मे॒व निर्-ऋ॑ति-न्नि॒रव॑दयते । कृ॒ष्णा कू॒टा दक्षि॑णा॒ समृ॑द्ध्यै । आ॒ग्ने॒य-म॒ष्टाक॑पालग्ं सेना॒न्यो॑ गृ॒हे । सेना॑मे॒वास्य॒ सग्ग्श्य॑ति । हिर॑ण्य॒-न्दक्षि॑णा॒ समृ॑द्ध्यै । वा॒रु॒ण-न्दश॑कपालग्ं सू॒तस्य॑ गृ॒हे । व॒रु॒ण॒स॒वमे॒वाव॑-रुन्धे । म॒हानि॑रष्टो॒ दक्षि॑णा॒ समृ॑द्ध्यै । मा॒रु॒तग्ं स॒प्तक॑पाल-ङ्ग्राम॒ण्यो॑ गृ॒हे ॥ 19 ॥

अन्नं॒-वैँ म॒रुतः॑ । अन्न॑मे॒वाव॑-रुन्धे । पृश्ञि॒-र्दक्षि॑णा॒ समृ॑द्ध्यै । सा॒वि॒त्र-न्द्वाद॑शकपाल-ङ्क्ष॒त्तुर्गृ॒हे प्रसू᳚त्यै । उ॒प॒द्ध्व॒स्तो दक्षि॑णा॒ समृ॑द्ध्यै । आ॒श्वि॒न-न्द्वि॑कपा॒लग्ं स॑ग्रंही॒तुर्गृ॒हे । अ॒श्विनौ॒ वै दे॒वाना᳚-म्भि॒षजौ᳚ । ताभ्या॑मे॒वास्मै॑ भेष॒ज-ङ्क॑रोति । स॒वा॒त्यौ॑ दक्षि॑णा॒ समृ॑द्ध्यै । पौ॒ष्ण-ञ्च॒रु-म्भा॑गदु॒घस्य॑ गृ॒हे ॥ 20 ॥

अन्नं॒-वैँ पू॒षा । अन्न॑मे॒वाव॑ रुन्धे । श्या॒मो दक्षि॑णा॒ समृ॑द्ध्यै । रौ॒द्र-ङ्गा॑वीधु॒क-ञ्च॒रुम॑क्षावा॒पस्य॑ गृ॒हे । अ॒न्त॒त ए॒व रु॒द्र-न्नि॒रव॑दयते । श॒बल॒ उद्वा॑रो॒ दक्षि॑णा॒ समृ॑द्ध्यै । द्वाद॑शै॒तानि॑ ह॒वीग्ंषि॑ भवन्ति । द्वाद॑श॒ मासा᳚-स्संवँथ्स॒रः । सं॒वँ॒थ्स॒रेणै॒वास्मै॑ रा॒ष्ट्रमव॑-रुन्धे । रा॒ष्ट्रमे॒व भ॑वति ॥ 21 ॥

यन्न प्र॑ति नि॒र्वपे᳚त् । र॒त्निन॑ आ॒शिषो-ऽव॑रुन्धीरन्न् । प्रति॒ निर्व॑पति । इन्द्रा॑य सु॒त्राम्णे॑ पुरो॒डाश॒-मेका॑दशकपालम् । इन्द्रा॑याग्ंहो॒मुचे᳚ । आ॒शिष॑ ए॒वाव॑रुन्धे । अ॒य-न्नो॒ राजा॑ वृत्र॒हा राजा॑ भू॒त्वा वृ॒त्रं-वँ॑द्ध्या॒दित्या॑ह । आ॒शिष॑मे॒वैतामाशा᳚स्ते । मै॒त्रा॒-बा॒र्॒ह॒स्प॒त्य-म्भ॑वति । श्वे॒तायै᳚ श्वे॒तव॑थ्सायै दु॒ग्धे ॥ 22 ॥

बा॒र्॒ह॒स्प॒त्ये मै॒त्रमपि॑ दधाति । ब्रह्म॑ चै॒वास्मै᳚ क्ष॒त्र-ञ्च॑ स॒मीची॑ दधाति । अथो॒ ब्रह्म॑न्ने॒व क्ष॒त्र-म्प्रति॑ष्ठापयति । बा॒र्॒ह॒स्प॒त्येन॒ पूर्वे॑ण॒ प्रच॑रति । मु॒ख॒त ए॒वास्मै॒ ब्रह्म॒ सग्ग्श्य॑ति । अथो॒ ब्रह्म॑न्ने॒व क्ष॒त्र-म॒न्वार॑म्भयति । स्व॒य॒-ङ्कृ॒ता वेदि॑र्भवति । स्व॒य॒दि॒न्न-म्ब॒र्॒हिः । स्व॒य॒कृ॒न्त इ॒द्ध्मः । अन॑भिजितस्या॒-भिजि॑त्यै । तस्मा॒-द्राज्ञा॒मर॑ण्य-म॒भिजि॑तम् । सैव श्वे॒ता श्वे॒तव॑थ्सा॒ दक्षि॑णा॒ समृ॑द्ध्यै ॥ 23 ॥

(र॒त्नि॒त्वाय॒ - समृ॑द्ध्यै - पष्ठौ॒हि दक्षि॑णा॒ समृ॑द्ध्यै - ग्राम॒ण्यो॑ गृ॒हे - भा॑गदु॒घस्य॑ गृ॒हे-भ॑वति - दु॒ग्धे॑ - ऽभिजि॑त्यै॒ द्वे च॑) (अ. 3)

अनुवाकं 4 - देवसुवां हवींषि

दे॒व॒सु॒वामे॒तानि॑ ह॒वीग्ंषि॑ भवन्ति । ए॒ताव॑न्तो॒ वै दे॒वानाग्ं॑ स॒वाः । त ए॒वास्मै॑ स॒वा-न्प्रय॑च्छन्ति । त ए॑नग्ं सुवन्ते । अ॒ग्निरे॒वैन॑-ङ्गृ॒हप॑तीनाग्ं सुवते । सोमो॒ वन॒स्पती॑नाम् । रु॒द्रः प॑शू॒नाम् । बृह॒स्पति॑-र्वा॒चाम् । इन्द्रो᳚ ज्ये॒ष्ठाना᳚म् । मि॒त्र-स्स॒त्याना᳚म् ॥ 24 ॥

वरु॑णो॒ धर्म॑पतीनाम् । ए॒तदे॒व सर्व॑-म्भवति । स॒वि॒ता त्वा᳚ प्रस॒वानाग्ं॑ सुवता॒मिति॒ हस्त॑-ङ्गृह्णाति॒ प्रसू᳚त्यै । ये दे॑वा देव॒सुव॒-स्स्थेत्या॑ह । य॒था॒ य॒जुरे॒वै तत् । म॒ह॒ते क्ष॒त्राय॑ मह॒त आधि॑पत्याय मह॒ते जान॑राज्या॒येत्या॑ह । आ॒शिष॑मे॒वैतामाशा᳚स्ते । ए॒ष वो॑ भरता॒ राजा॒ सोमो॒-ऽस्माक॑-म्ब्राह्म॒णाना॒ग्ं॒ राजेत्या॑ह । तस्मा॒-थ्सोम॑राजानो ब्राह्म॒णाः । प्रति॒ त्यन्नाम॑ रा॒ज्यम॑धा॒यीत्या॑ह ॥ 25 ॥

रा॒ज्यमे॒वास्मि॒-न्प्रति॑ दधाति । स्वा-न्त॒नुवं॒-वँरु॑णो अशिश्रे॒दित्या॑ह । व॒रु॒ण॒स॒वमे॒वा-व॑रुन्धे । शुचे᳚र्मि॒त्रस्य॒ व्रत्या॑ अभू॒मेत्या॑ह । शुचि॑मे॒वैनं॒-व्रँत्य॑-ङ्करोति । अम॑न्महि मह॒त ऋ॒तस्य॒ नामेत्या॑ह । म॒नु॒त ए॒वैन᳚म् । सर्वे॒ व्राता॒ वरु॑णस्या भूव॒न्नित्या॑ह । सर्व॑व्रातमे॒वैन॑-ङ्करोति । वि मि॒त्र एवै॒ररा॑ति-मतारी॒दित्या॑ह ॥ 26 ॥

अरा॑तिमे॒वैन॑-न्तारयति । असू॑षुदन्त य॒ज्ञिया॑ ऋ॒तेनेत्या॑ह । स्व॒दय॑त्ये॒वैन᳚म् । व्यु॑ त्रि॒तो ज॑रि॒माण॑-न्न आन॒डित्या॑ह । आयु॑रे॒वास्मि॑-न्दधाति । द्वाभ्यां॒-विँमृ॑ष्टे । द्वि॒पा-द्यज॑मानः॒ प्रति॑ष्ठित्यै । अ॒ग्नी॒षो॒मीय॑स्य॒ चैका॑दशकपालस्य देवसु॒वा-ञ्च॑ ह॒विषा॑म॒ग्नये᳚ स्विष्ट॒कृते॑ स॒मव॑द्यति । दे॒वता॑भिरे॒वैन॑-मुभ॒यतः॒ परि॑गृह्णाति । वि॒ष्णु॒क्र॒मान् क्र॑मते( ) । विष्णु॑रे॒व भू॒त्वेमाँल्लो॒का-न॒भिज॑यति ॥ 27 ॥

(स॒त्याना॑-मधा॒यीत्या॑-हातारी॒दित्या॑ह-क्रमत॒ एक॑-ञ्च) (अ. 4)

अनुवाकं 5 - अभिषेकार्थमपाङ्ग्रहग्रहणम्

अ॒र्थेत॒-स्स्थेति॑ जुहोति । आहु॑त्यै॒वैना॑ नि॒ष्क्रीय॑ गृह्णाति । अथो॑ ह॒विष्कृ॑तानामे॒वाभिघृ॑ताना-ङ्गृह्णाति । वह॑न्तीना-ङ्गृह्णाति । ए॒ता वा अ॒पाग्ं रा॒ष्ट्रम् । रा॒ष्ट्रमे॒वास्मै॑ गृह्णाति । अथो॒ श्रिय॑मे॒वैन॑म॒भि व॑हन्ति । अ॒पा-म्पति॑र॒सीत्या॑ह । मि॒थु॒नमे॒वाकः॑ । वृषा᳚-ऽस्यू॒र्मिरित्या॑ह ॥ 28 ॥

ऊ॒र्मि॒मन्त॑मे॒वैन॑-ङ्करोति । वृ॒ष॒से॒नो॑-ऽसीत्या॑ह । सेना॑मे॒वास्य॒ सग्ग्श्य॑ति । व्र॒ज॒क्षित॒-स्स्थेत्या॑ह । ए॒ता वा अ॒पां-विँशः॑ । विश॑मे॒वास्मै॒ पर्यू॑हति । म॒रुता॒मोज॒-स्स्थेत्या॑ह । अन्नं॒-वैँ म॒रुतः॑ । अन्न॑मे॒वा व॑रुन्धे । सूर्य॑वर्चस॒-स्स्थेत्या॑ह ॥ 29 ॥

रा॒ष्ट्रमे॒व व॑र्च॒स्व्य॑कः । सूर्य॑त्वचस॒-स्स्थेत्या॑ह । स॒त्यं-वाँ ए॒तत् । य-द्वर्ष॑ति । अनृ॑तं॒-यँदा॒तप॑ति॒ वर्ष॑ति । स॒त्या॒नृ॒ते ए॒वाव॑रुन्धे । नैनग्ं॑ सत्यानृ॒ते उ॑दि॒ते हिग्ग्॑स्तः । य ए॒वं-वेँद॑ । मान्दा॒-स्स्थेत्या॑ह । रा॒ष्ट्रमे॒व ब्र॑ह्मवर्च॒स्य॑कः ॥ 30 ॥

वाशा॒-स्स्थेत्या॑ह । रा॒ष्ट्रमे॒व व॒श्य॑कः । शक्व॑री॒-स्स्थेत्या॑ह । प॒शवो॒ वै शक्व॑रीः । प॒शूने॒वाव॑ रुन्धे । वि॒श्व॒भृत॒-स्स्थेत्या॑ह । रा॒ष्ट्रमे॒व प॑य॒स्व्य॑कः । ज॒न॒भृत॒-स्स्थेत्या॑ह । रा॒ष्ट्रमे॒वेन्द्रि॑या॒व्य॑कः । अ॒ग्नेस्ते॑ज॒स्या᳚-स्स्थेत्या॑ह ॥ 31 ॥

रा॒ष्ट्रमे॒व ते॑ज॒स्व्य॑कः । अ॒पामोष॑धीना॒ग्ं॒ रस॒-स्स्थेत्या॑ह । रा॒ष्ट्रमे॒व म॑ध॒व्य॑मकः । सा॒र॒स्व॒त-ङ्ग्रह॑-ङ्गृह्णाति । ए॒षा वा अ॒पा-म्पृ॒ष्ठम् । यथ्सर॑स्वती । पृ॒ष्ठमे॒वैनग्ं॑ समा॒नाना᳚-ङ्करोति । षो॒ड॒शभि॑-र्गृह्णाति । षोड॑शकलो॒ वै पुरु॑षः । यावा॑ने॒व पुरु॑षः । तस्मि॑न् वी॒र्य॑-न्दधाति । षो॒ड॒शभि॑-र्जु॒होति॑ षोड॒शभि॑-र्गृह्णाति । द्वात्रिग्ं॑श॒-थ्सम्प॑द्यन्ते । द्वात्रिग्ं॑शदक्षरा ऽनु॒ष्टुक् । वाग॑नु॒ष्टु-फ्सर्वा॑णि॒ छन्दाग्ं॑सि । वा॒चैवैन॒ग्ं॒ सर्वे॑भि॒-श्छन्दो॑भि-र॒भिषि॑ञ्चति ॥ 32 ॥

(ऊ॒र्मिरित्या॑ह॒ - सूर्य॑वर्चस॒-स्स्थेत्या॑ह - ब्रह्मवर्च॒स्य॑क - स्तेज॒स्या᳚-स्स्थेत्या॑है॒व - पुरु॑ष॒-ष्षट्च॑) (अ. 5)

अनुवाकं 6 - अभिषेकार्थजलसंस्कारः

देवी॑राप॒-स्स-म्मधु॑मती॒-र्मधु॑मतीभि-स्सृज्यद्ध्व॒मित्या॑ह । ब्रह्म॑णै॒वैना॒-स्सग्ं सृ॑जति । अना॑धृष्टा-स्सीद॒तेत्या॑ह । ब्रह्म॑णै॒वैना᳚-स्सादयति । अ॒न्त॒रा होतु॑श्च॒ धिष्णि॑य-म्ब्राह्मणाच्छ॒ग्ं॒ सिन॑श्च सादयति । आ॒ग्ने॒यो वै होता᳚ । ऐ॒न्द्रो ब्रा᳚ह्मणाच्छ॒ग्ं॒सी । तेज॑सा चै॒वेन्द्रि॒येण॑ चोभ॒यतो॑ रा॒ष्ट्र-म्परि॑गृह्णाति । हिर॑ण्ये॒नो-त्पु॑नाति । आहु॑त्यै॒ हि प॒वित्रा᳚भ्यामुत्पु॒नन्ति॒ व्यावृ॑त्त्यै ॥ 33 ॥

श॒तमा॑न-म्भवति । श॒तायुः॒ पुरु॑ष-श्श॒तेन्द्रि॑यः । आयु॑ष्ये॒वेन्द्रि॒ये प्रति॑तिष्ठति । अनि॑भृष्टम॒सीत्या॑ह । अनि॑भृष्ट॒ग्ग्॒ ह्ये॑तत् । वा॒चो बन्धु॒रित्या॑ह । वा॒चो ह्ये॑ष बन्धुः॑ । त॒पो॒जा इत्या॑ह । त॒पो॒जा ह्ये॑तत् । सोम॑स्य दा॒त्रम॒सीत्या॑ह ॥ 34 ॥

सोम॑स्य॒ ह्ये॑तद्दा॒त्रम् । शु॒क्रा वः॑ शु॒क्रेणोत्पु॑ना॒मीत्या॑ह । शु॒क्रा ह्यापः॑ । शु॒क्रग्ं हिर॑ण्यम् । च॒न्द्राश्च॒न्द्रेणेत्या॑ह । च॒न्द्रा ह्यापः॑ । च॒न्द्रग्ं हिर॑ण्यम् । अ॒मृता॑ अ॒मृते॒नेत्या॑ह । अ॒मृता॒ ह्यापः॑ । अ॒मृत॒ग्ं॒ हिर॑ण्यम् ॥ 35 ॥

स्वाहा॑ राज॒सूया॒येत्या॑ह । रा॒ज॒सूया॑य॒ ह्ये॑ना उत्पु॒नाति॑ । स॒ध॒मादो᳚ द्यु॒म्निनी॒रूर्ज॑ ए॒ता इति॑ वारु॒ण्यर्चा गृ॑ह्णाति । व॒रु॒ण॒स॒वमे॒वा व॑रुन्धे । एक॑या गृह्णाति । ए॒क॒धैव यज॑माने वी॒र्य॑-न्दधाति । क्ष॒त्रस्योल्ब॑मसि क्ष॒त्रस्य॒ योनि॑र॒सीति॑ ता॒र्प्य-ञ्चो॒ष्णीष॑-ञ्च॒ प्रय॑च्छति सयोनि॒त्वाय॑ । एक॑शतेन दर्भपुञ्जी॒लैः प॑वयति । श॒तायु॒र्वै पुरु॑ष-श्श॒तवी᳚र्यः । आ॒त्मैक॑श॒तः ॥ 36 ॥

यावा॑ने॒व पुरु॑षः । तस्मि॑न् वी॒र्य॑-न्दधाति । दद्ध्या॑शयति । इ॒न्द्रि॒यमे॒वा-व॑रुन्धे । उ॒दु॒म्बर॑-माशयति । अ॒न्नाद्य॒स्याव॑ रुद्ध्यै । शष्पा᳚ण्याशयति । सुरा॑बलि-मे॒वैन॑-ङ्करोति । आ॒विद॑ ए॒ता भ॑वन्ति । आ॒विद॑मे॒वैन॑-ङ्गमयन्ति ॥ 37 ॥

अ॒ग्निरे॒वैन॒-ङ्गार्ह॑पत्येनावति । इन्द्र॑ इन्द्रि॒येण॑ । पू॒षा प॒शुभिः॑ । मि॒त्रावरु॑णौ प्राणापा॒नाभ्या᳚म् । इन्द्रो॑ वृ॒त्राय॒ वज्र॒मुद॑यच्छत् । स दिव॑मलिखत् । सो᳚-ऽर्य॒म्णः पन्था॑ अभवत् । स आवि॑न्ने॒ द्यावा॑पृथि॒वी धृ॒तव्र॑ते॒ इति॒ द्यावा॑पृथि॒वी उपा॑धावत् । स आ॒भ्यामे॒व प्रसू॑त॒ इन्द्रो॑ वृ॒त्राय॒ वज्र॒-म्प्राह॑रत् । आवि॑न्ने॒ द्यावा॑पृथि॒वी धृ॒तव्र॑ते॒ इति॒ यदाह॑ ॥ 38 ॥

आ॒भ्यामे॒व प्रसू॑तो॒ यज॑मानो॒ वज्र॒-म्भ्रातृ॑व्याय॒ प्रह॑रति । आवि॑न्ना दे॒व्यदि॑ति-र्विश्वरू॒पीत्या॑ह । इ॒यं-वैँ दे॒व्यदि॑ति-र्विश्वरू॒पी । अ॒स्यामे॒व प्रति॑ तिष्ठति । आवि॑न्नो॒-ऽयम॒सावा॑मुष्याय॒णो᳚-ऽस्यां-विँ॒श्य॑स्मि-न्रा॒ष्ट्र इत्या॑ह । वि॒शैवैनग्ं॑ रा॒ष्ट्रेण॒ सम॑र्धयति । म॒ह॒ते क्ष॒त्राय॑ मह॒त आधि॑पत्याय मह॒ते जान॑राज्या॒येत्या॑ह । आ॒शिष॑मे॒वैतामाशा᳚स्ते । ए॒ष वो॑ भरता॒ राजा॒ सोमो॒-ऽस्माक॑-म्ब्राह्म॒णाना॒ग्ं॒ राजेत्या॑ह । तस्मा॒-थ्सोम॑राजानो ब्राह्म॒णाः ॥ 39 ॥

इन्द्र॑स्य॒ वज्रो॑-ऽसि॒ वार्त्र॑घ्न॒ इति॒ धनुः॒ प्रय॑च्छति॒ विजि॑त्यै । श॒त्रु॒बाध॑ना॒-स्स्थेतीषून्॑ । शत्रू॑ने॒वास्य॑ बाधन्ते । पा॒त मा᳚ प्र॒त्यञ्च॑-म्पा॒त मा॑ ति॒र्यञ्च॑म॒न्वञ्च॑-म्मा पा॒तेत्या॑ह । ति॒स्रो वै श॑र॒व्याः᳚ । प्र॒तीची॑ ति॒रश्च्य॒नूची᳚ । ताभ्य॑ ए॒वैन॑-म्पान्ति । दि॒ग्भ्यो मा॑ पा॒तेत्या॑ह । दि॒ग्भ्य ए॒वैन॑-म्पान्ति । विश्वा᳚भ्यो मा ना॒ष्ट्राभ्यः॑ पा॒तेत्या॑ह । अप॑रिमितादे॒वैन॑-म्पान्ति । हिर॑ण्यवर्णावु॒षसां᳚-विँरो॒क इति॑ त्रि॒ष्टुभा॑ बा॒हू उ-द्गृ॑ह्णाति । इ॒न्द्रि॒यं-वैँ वी॒र्य॑-न्त्रि॒ष्टुक् । इ॒न्द्रि॒यमे॒व वी॒र्य॑-मु॒परि॑ष्टादा॒त्मन्-ध॑त्ते ॥ 40 ॥

(व्यावृ॑त्त्यै-दा॒त्रम॒सीत्या॑हा॒-मृत॒ग्ं॒ हिर॑ण्य-मेकश॒तो-ग॑मय॒न्-त्याह॑-ब्राह्मा॒णा-ना॒ष्ट्राभ्यः॑ पा॒तेत्या॑ह च॒त्वारि॑ च) (अ. 6)

अनुवाकं 7 - दिग्व्यास्थापनम्

दिशो॒ व्यास्था॑पयति । दि॒शाम॒भिजि॑त्यै । यद॑नु प्र॒क्रामे᳚त् । अ॒भि दिशो॑ जयेत् । उत्तु मा᳚द्येत् । मन॒सा-ऽनु॒ प्रक्रा॑मति । अ॒भि दिशो॑ जयति । नोन्मा᳚द्यति । स॒मिध॒मा ति॒ष्ठेत्या॑ह । तेज॑ ए॒वाव॑रुन्धे ॥ 41 ॥

उ॒ग्रामा ति॒ष्ठेत्या॑ह । इ॒न्द्रि॒यमे॒वाव॑ रुन्धे । वि॒राज॒मा ति॒ष्ठेत्या॑ह । अ॒न्नाद्य॑मे॒वाव॑ रुन्धे । उदी॑ची॒मा ति॒ष्ठेत्या॑ह । प॒शूने॒वाव॑ रुन्धे । ऊ॒र्ध्वामा ति॒ष्ठेत्या॑ह । सु॒व॒र्गमे॒व लो॒क-म॒भिज॑यति । अनूज्जि॑हीते । सु॒व॒र्गस्य॑ लो॒कस्य॒ सम॑ष्ट्यै ॥ 42 ॥

मा॒रु॒त ए॒ष भ॑वति । अन्नं॒-वैँ म॒रुतः॑ । अन्न॑मे॒वाव॑ रुन्धे । एक॑विग्ंशतिकपालो भवति॒ प्रति॑ष्ठित्यै । यो॑-ऽरण्ये ऽनुवा॒क्यो॑ ग॒णः । त-म्म॑द्ध्य॒त उप॑दधाति । ग्रा॒म्यैरे॒व प॒शुभि॑-रार॒ण्या-न्प॒शू-न्परि॑गृह्णाति । तस्मा᳚-द्ग्रा॒म्यैः प॒शुभि॑रार॒ण्याः प॒शवः॒ परि॑गृहीताः । पृथि॑र्वै॒न्यः । अ॒भ्य॑षिच्यत ॥ 43 ॥

स रा॒ष्ट्र-न्नाभ॑वत् । स ए॒तानि॑ पा॒र्थान्य॑पश्यत् । तान्य॑जुहोत् । तैर्वै स रा॒ष्ट्र-म॑भवत् । यत्पा॒र्थानि॑ जु॒होति॑ । रा॒ष्ट्रमे॒व भ॑वति । बा॒र्॒ह॒स्प॒त्य-म्पूर्वे॑षामुत्त॒म-म्भ॑वति । ऐ॒न्द्रमुत्त॑रेषा-म्प्रथ॒मम् । ब्रह्म॑ चै॒वास्मै᳚ क्ष॒त्र-ञ्च॑ स॒मीची॑ दधाति । अथो॒ ब्रह्म॑न्ने॒व क्ष॒त्र-म्प्रति॑ष्ठापयति ॥ 44 ॥

षट्पु॒रस्ता॑-दभिषे॒कस्य॑ जुहोति । षडु॒परि॑ष्टात् । द्वाद॑श॒ स-म्प॑द्यन्ते । द्वाद॑श॒ मासा᳚-स्संवँथ्स॒रः । सं॒वँ॒थ्स॒रः खलु॒ वै दे॒वाना॒-म्पूः । दे॒वाना॑मे॒व पुर॑-म्मद्ध्य॒तो व्यव॑सर्पति । तस्य॒ न कुत॑श्च॒ नोपा᳚व्या॒धो भ॑वति । भू॒ताना॒-मवे᳚ष्टी-र्जुहोति । अत्रा᳚त्र॒ वै मृ॒त्यु-र्जा॑यते । यत्र॑ यत्रै॒व मृ॒त्यु-र्जाय॑ते । तत॑ ए॒वैन॒मव॑यजते । तस्मा᳚-द्राज॒सूये॑नेजा॒न-स्सर्व॒मायु॑रेति । सर्वे॒ ह्य॑स्य मृ॒त्यवो-ऽवे᳚ष्टाः । तस्मा᳚-द्राज॒सूये॑नेजा॒नो नाभिच॑रित॒वै । प्र॒त्यगे॑न-मभिचा॒र-स्स्तृ॑णुते ॥ 45 ॥

(रु॒न्धे॒-सम॑ष्ट्या-असिच्यत-स्थापयति॒-जाय॑ते॒ पञ्च॑ च) (अ. 7)

अनुवाकं 8 - अभिषेकः

सोम॑स्य॒ त्विषि॑रसि॒ तवे॑व मे॒ त्विषि॑र्भूया॒दिति॑ शार्दूलच॒र्मोप॑स्तृणाति । यैव सोमे॒ त्विषिः॑ । या शा᳚र्दू॒ले । तामे॒वाव॑ रुन्धे । मृ॒त्योर्वा ए॒ष वर्णः॑ । यच्छा᳚र्दू॒लः । अ॒मृत॒ग्ं॒ हिर॑ण्यम् । अ॒मृत॑मसि मृ॒त्योर्मा॑ पा॒हीति॒ हिर॑ण्य॒-मुपा᳚स्यति । अ॒मृत॑मे॒व मृ॒त्योर॒न्त-र्ध॑त्ते । श॒तमा॑न-म्भवति ॥ 46 ॥

श॒तायुः॒ पुरु॑ष-श्श॒तेन्द्रि॑यः । आयु॑ष्ये॒वेन्द्रि॒ये प्रति॑ तिष्ठति । दि॒द्योन्मा॑ पा॒हीत्यु॒परि॑ष्टा॒दधि॒ निद॑धाति । उ॒भ॒यत॑ ए॒वास्मै॒ शर्म॑ दधाति । अवे᳚ष्टा दन्द॒शूका॒ इति॑ क्ली॒बग्ं सीसे॑न विद्ध्यति । द॒न्द॒शूका॑-ने॒वाव॑ यजते । तस्मा᳚-त्क्ली॒ब-न्द॑न्द॒शूका॒ दग्ंशु॑काः । निर॑स्त॒-न्नमु॑चे॒-श्शिर॒ इति॑ लोहिताय॒स-न्निर॑स्यति । पा॒प्मान॑मे॒व नमु॑चि-न्नि॒रव॑दयते । प्रा॒णा आ॒त्मनः॒ पूर्वे॑-ऽभि॒षिच्या॒ इत्या॑हुः ॥ 47 ॥

सोमो॒ राजा॒ वरु॑णः । दे॒वा ध॑र्म॒सुव॑श्च॒ ये । ते ते॒ वाचग्ं॑ सुवन्ता॒-न्ते ते᳚ प्रा॒णग्ं सु॑वन्ता॒मित्या॑ह । प्रा॒णाने॒वात्मनः॒ पूर्वा॑-न॒भिषि॑ञ्चति । य-द्ब्रू॒यात् । अ॒ग्नेस्त्वा॒ तेज॑सा॒ ऽभिषि॑ञ्चा॒मीति॑ । ते॒ज॒स्व्ये॑व स्या᳚त् । दु॒श्चर्मा॒ तु भ॑वेत् । सोम॑स्य त्वा द्यु॒म्नेना॒-भिषि॑ञ्चा॒मीत्या॑ह । सौ॒म्यो वै दे॒वत॑या॒ पुरु॑षः ॥ 48 ॥

स्वयै॒वैन॑-न्दे॒वत॑या॒-ऽभिषि॑ञ्चति । अ॒ग्ने-स्तेज॒सेत्या॑ह । तेज॑ ए॒वास्मि॑-न्दधाति । सूर्य॑स्य॒ वर्च॒सेत्या॑ह । वर्च॑ ए॒वास्मि॑-न्दधाति । इन्द्र॑स्ये-न्द्रि॒येणेत्या॑ह । इ॒न्द्रि॒यमे॒वास्मि॑-न्दधाति । मि॒त्रावरु॑णयो-र्वी॒र्ये॑णेत्या॑ह । वी॒र्य॑मे॒वास्मि॑-न्दधाति । म॒रुता॒मोज॒सेत्या॑ह ॥ 49 ॥

ओज॑ ए॒वास्मि॑-न्दधाति । क्ष॒त्राणा᳚-ङ्क्ष॒त्रप॑तिर॒सीत्या॑ह । क्ष॒त्राणा॑मे॒वैन॑-ङ्क्ष॒त्रप॑ति-ङ्करोति । अति॑ दि॒वस्पा॒हीत्या॑ह । अत्य॒न्या-न्पा॒हीति॒ वावैतदा॑ह । स॒माव॑वृत्रन्न-ध॒रागुदी॑ची॒-रित्या॑ह । रा॒ष्ट्रमे॒वास्मि॑-न्ध्रु॒वम॑कः । उ॒च्छेष॑णेन जुहोति । उ॒च्छेष॑णभागो॒ वै रु॒द्रः । भा॒ग॒धेये॑नै॒व रु॒द्र-न्नि॒रव॑दयते ॥ 50 ॥

उद॑म्प॒रेत्याग्नी᳚द्ध्रे जुहोति । ए॒षा वै रु॒द्रस्य॒ दिक् । स्वाया॑मे॒व दि॒शि रु॒द्र-न्नि॒रव॑दयते । रुद्र॒ यत्ते॒ क्रयी॒ पर॒-न्नामेत्या॑ह । यद्वा अ॑स्य॒ क्रयी॒ पर॒-न्नाम॑ । तेन॒ वा ए॒ष हि॑नस्ति । यग्ं हि॒नस्ति॑ । तेनै॒वैनग्ं॑ स॒ह श॑मयति । तस्मै॑ हु॒तम॑सि य॒मेष्ट॑म॒सीत्या॑ह । य॒मादे॒वास्य॑ मृ॒त्युमव॑यजते ॥ 51 ॥

प्रजा॑पते॒ न त्वदे॒तान्य॒न्य इति॒ तस्यै॑ गृ॒हे जु॑हुयात् । या-ङ्का॒मये॑त रा॒ष्ट्रम॑स्यै प्र॒जा स्या॒दिति॑ । रा॒ष्ट्रमे॒वास्यै᳚ प्र॒जा भ॑वति । प॒र्ण॒-मये॑ना-द्ध्व॒र्यु-र॒भिषि॑ञ्चति । ब्र॒ह्म॒व॒र्च॒समे॒वास्मि॒न्-त्विषि॑-न्दधाति । औदु॑म्बरेण राज॒न्यः॑ । ऊर्ज॑मे॒वास्मि॑-न्न॒न्नाद्य॑-न्दधाति । आश्व॑त्थेन॒ वैश्यः॑ । विश॑मे॒वास्मि॒-न्पुष्टि॑-न्दधाति । नैय॑ग्रोधेन॒ जन्यः॑( ) । मि॒त्राण्ये॒वास्मै॑ कल्पयति । अथो॒ प्रति॑ष्ठित्यै ॥ 52 ॥

(भ॒व॒ - त्या॒हुः॒ - पुरु॑ष॒ - ओज॒सेत्या॑ह - नि॒रव॑दयते - यजते॒ - जन्यो॒ द्वे च॑) (अ. 8)

अनुवाकं 9 - स्थारोहणम्. विजयः

इन्द्र॑स्य॒ वज्रो॑-ऽसि॒ वार्त्र॑घ्न॒ इति॒ रथ॑मु॒पाव॑हरति॒ विजि॑त्यै । मि॒त्रावरु॑णयोस्त्वा प्रशा॒स्त्रोः प्र॒शिषा॑ युन॒ज्मीत्या॑ह । ब्रह्म॑णै॒वैन॑-न्दे॒वता᳚भ्यां-युँनक्ति । प्र॒ष्टि॒वा॒हिनं॑-युँनक्ति । प्र॒ष्टि॒वा॒ही वै दे॑वर॒थः । दे॒व॒र॒थ-मे॒वास्मै॑ युनक्ति । त्रयो-ऽश्वा॑ भवन्ति । रथ॑श्चतु॒र्थः । द्वौ स॑व्येष्ठसार॒थी । षट्-थ्सम्प॑द्यन्ते ॥ 53 ॥

षड्वा ऋ॒तवः॑ । ऋ॒तुभि॑रे॒वैनं॑-युँनक्ति । वि॒ष्णु॒क्र॒मान्-क्र॑मते । विष्णु॑रे॒व भू॒त्वेमान् ँलो॒कान॒भिज॑यति । यः, क्ष॒त्रियः॒ प्रति॑हितः । सो᳚-ऽन्वार॑भते । रा॒ष्ट्रमे॒व भ॑वति । त्रि॒ष्टुभा॒ ऽन्वार॑भते । इ॒न्द्रि॒यं-वैँ त्रि॒ष्टुक् । इ॒न्द्रि॒यमे॒व यज॑माने दधाति ॥ 54 ॥

म॒रुता᳚-म्प्रस॒वे जे॑ष॒मित्या॑ह । म॒रुद्भि॑रे॒व प्रसू॑त॒ उज्ज॑यति । आ॒प्त-म्मन॒ इत्या॑ह । यदे॒व मन॒सैफ्सी᳚त् । तदा॑पत् । रा॒ज॒न्य॑-ञ्जिनाति । अना᳚क्रान्त ए॒वाक्र॑मते । वि वा ए॒ष इ॑न्द्रि॒येण॑ वी॒र्ये॑णर्ध्यते । यो रा॑ज॒न्य॑-ञ्जि॒नाति॑ । सम॒हमि॑न्द्रि॒येण॑ वी॒र्ये॑णेत्या॑ह ॥ 55 ॥

इ॒न्द्रि॒यमे॒व वी॒र्य॑मा॒त्मन्-ध॑त्ते । प॒शू॒ना-म्म॒न्युर॑सि॒ तवे॑व मे म॒न्युर्भू॑या॒दिति॒ वारा॑ही उपा॒नहा॒वुप॑ मुञ्चते । प॒शू॒नां-वाँ ए॒ष म॒न्युः । य-द्व॑रा॒हः । तेनै॒व प॑शू॒ना-म्म॒न्युमा॒त्म-न्ध॑त्ते । अ॒भि वा इ॒यग्ं सु॑षुवा॒ण-ङ्का॑मयते । तस्ये᳚श्व॒रेन्द्रि॒यं-वीँ॒र्य॑मादा॑तोः । वारा॑ही उपा॒नहा॒वुप॑मुञ्चते । अ॒स्या ए॒वान्तर्ध॑त्ते । इ॒न्द्रि॒यस्य॑ वी॒र्य॑स्याना᳚त्त्यै ॥ 56 ॥

नमो॑ मा॒त्रे पृ॑थि॒व्या इत्या॒हाहिग्ं॑ सायै । इय॑द॒स्या-यु॑र॒स्यायु॑र्मे धे॒हीत्या॑ह । आयुरे॒वात्मन्-ध॑त्ते । ऊर्ग॒स्यूर्ज॑-म्मे धे॒हीत्या॑ह । ऊर्ज॑म॒वात्म-न्ध॑त्ते । युङ्ङ॑सि॒ वर्चो॑-ऽसि॒ वर्चो॒ मयि॑ धे॒हीत्या॑ह । वर्च॑ ए॒वात्म-न्ध॑त्ते । ए॒क॒धा ब्र॒ह्मण॒ उप॑ हरति । ए॒क॒धैव यज॑मान॒ आयु॒रूर्जं॒-वँर्चो॑ दधाति । र॒थ॒वि॒मो॒च॒नीया॑ जुहोति॒ प्रति॑ष्ठित्यै ॥ 57 ॥

त्रयो-ऽश्वा॑ भवन्ति । रथ॑श्चतु॒र्थः । तस्मा᳚-च्च॒तुर्जु॑होति । यदु॒भौ स॒हाव॒तिष्ठे॑ताम् । स॒मा॒नं-लोँ॒कमि॑याताम् । स॒ह स॑ग्रंही॒त्रा र॑थ॒वाह॑ने॒ रथ॒माद॑धाति । सु॒व॒र्गादे॒वैनं॑-लोँ॒काद॒न्तर्द॑धाति । ह॒ग्ं॒स-श्शु॑चि॒षदित्या द॑धाति । ब्रह्म॑णै॒वैन॑-मुपाव॒हर॑ति । ब्रह्म॒णा ऽऽद॑धाति । अति॑च्छन्द॒सा ऽऽद॑धाति । अति॑च्छन्दा॒ वै सर्वा॑णि॒ छन्दाग्ं॑सि । सर्वे॑भिरे॒वैन॒-ञ्छन्दो॑भि॒-राद॑धाति । वर्ष्म॒ वा ए॒षा छन्द॑साम् । यदति॑च्छन्दाः । यदति॑च्छन्दसा॒ दधा॑ति । वर्ष्मै॒वैनग्ं॑ समा॒नाना᳚-ङ्करोति ॥ 58 ॥

(प॒द्य॒न्ते॒ - द॒धा॒ति॒ - वी॒र्ये॑णेत्या॒हा - ना᳚त्यै॒ - प्रति॑ष्ठित्यै॒ - ब्रह्म॒णा-ऽऽद॑धाति स॒प्त च॑) (अ. 9)

अनुवाकं 10 - आसने समुपवेश-स्सर्वैस्सेव्यत्व-ञ्च

मि॒त्रो॑-ऽसि॒ वरु॑णो॒-ऽसीत्या॑ह । मै॒त्रं-वाँ अहः॑ । वा॒रु॒णी रात्रिः॑ । अ॒हो॒रा॒त्राभ्या॑-मे॒वैन॑-मु॒पाव॑हरति । मि॒त्रो॑-ऽसि॒ वरु॑णो॒सीत्या॑ह । मै॒त्रो वै दक्षि॑णः । वा॒रु॒ण-स्स॒व्यः । वै॒श्व॒दे॒व्या॑मिक्षा᳚ । स्वमे॒वैनौ॑ भाग॒धेय॑-मु॒पाव॑हरति । सम॒हं-विँश्वै᳚र्दे॒वै-रित्या॑ह ॥ 59 ॥

वै॒श्व॒दे॒व्यो॑ वै प्र॒जाः । ता ए॒वाद्याः᳚ कुरुते । क्ष॒त्रस्य॒ नाभि॑रसि क्ष॒त्रस्य॒ योनि॑-र॒सीत्य॑धीवा॒समा-स्तृ॑णाति सयोनि॒त्वाय॑ । स्यो॒नामासी॑द सु॒षदा॒मासी॒देत्या॑ह । य॒था॒ य॒जुरे॒वै तत् । मा त्वा॑ हिग्ंसी॒-न्मा मा॑ हिग्ंसी॒दित्या॒हा-हिग्ं॑सायै । निष॑साद धृ॒तव्र॑तो॒ वरु॑णः प॒स्त्या᳚स्वा साम्रा᳚ज्याय सु॒क्रतु॒रित्या॑ह । साम्रा᳚ज्यमे॒वैनग्ं॑ सु॒क्रतु॑-ङ्करोति । ब्रह्मा(3)न्त्वग्ं रा॑जन्-ब्र॒ह्मा-ऽसि॑ सवि॒ता-ऽसि॑ स॒त्यस॑व॒ इत्या॑ह । स॒वि॒तार॑-मे॒वैनग्ं॑ स॒त्यस॑व-ङ्करोति ॥ 60 ॥

ब्रह्मा(3)न्त्वग्ं रा॑जन्-ब्र॒ह्मा-ऽसीन्द्रो॑-ऽसि स॒त्यौजा॒ इत्या॑ह । इन्द्र॑मे॒वैनग्ं॑ स॒त्यौज॑स-ङ्करोति । ब्रह्मा(3)न्त्वग्ं रा॑जन्-ब्र॒ह्मा-ऽसि॑ मि॒त्रो॑-ऽसि सु॒शेव॒ इत्या॑ह । मि॒त्रमे॒वैनग्ं॑ सु॒शेव॑-ङ्करोति । ब्रह्मा(3)न्त्वग्ं रा॑जन्-ब्र॒ह्मा-ऽसि॒ वरु॑णो-ऽसि स॒त्यध॒र्मेत्या॑ह । वरु॑णमे॒वैनग्ं॑ स॒त्यध॑र्माण-ङ्करोति । स॒वि॒ता-ऽसि॑ स॒त्यस॑व॒ इत्या॑ह । गा॒य॒त्री-मे॒वैतेना॑भि॒व्याह॑रति । इन्द्रो॑-ऽसि स॒त्यौजा॒ इत्या॑ह । त्रि॒ष्टुभ॑-मे॒वैतेना॑भि॒-व्याह॑रति ॥ 61 ॥

मि॒त्रो॑-ऽसि सु॒शेव॒ इत्या॑ह । जग॑ती-मे॒वैतेना॑भि॒व्याह॑रति । स॒त्यमे॒ता दे॒वताः᳚ । स॒त्यमे॒तानि॒ छन्दाग्ं॑सि । स॒त्यमे॒वाव॑ रुन्धे । वरु॑णो-ऽसि स॒त्यध॒र्मेत्या॑ह । अ॒नु॒ष्टुभ॑-मे॒वैतेना॑भि॒व्याह॑रति । स॒त्या॒नृ॒ते वा अ॑नु॒ष्टुप् । स॒त्या॒नृ॒ते वरु॑णः । स॒त्या॒नृ॒ते ए॒वाव॑रुन्धे ॥ 62 ॥

नैनग्ं॑ सत्यानृ॒ते उ॑दि॒ते हिग्ग्॑स्तः । य ए॒वं-वेँद॑ । इन्द्र॑स्य॒ वज्रो॑-ऽसि॒ वार्त्र॑घ्न॒ इति॒ स्फ्य-म्प्रय॑च्छति । वज्रो॒ वै स्फ्यः । वज्रे॑णै॒वास्मा॑ अवरप॒रग्ं र॑न्धयति । ए॒वग्ं हि तच्छ्रेयः॑ । यद॑स्मा ए॒ते रद्ध्ये॑युः । दिशो॒-ऽभ्य॑यग्ं राजा॑ ऽभू॒दिति॒ पञ्चा॒क्षान्-प्रय॑च्छति । ए॒ते वै सर्वे-ऽयाः᳚ । अप॑राजायिन-मे॒वैन॑-ङ्करोति ॥ 63 ॥

ओ॒द॒नमुद्ब्रु॑वते । प॒र॒मे॒ष्ठी वा ए॒षः । यदो॑द॒नः । प॒र॒मामे॒वैन॒ग्ग्॒ श्रिय॑-ङ्गमयति । सुश्लो॒काँ(4) सुम॑ङ्ग॒लाँ(4) सत्य॑रा॒जा(3)नित्या॑ह । आ॒शिष॑मे॒वैतामा शा᳚स्ते । शौ॒न॒-श्शे॒पमाख्या॑पयते । व॒रु॒ण॒पा॒शा-दे॒वैन॑-म्मुञ्चति । प॒र॒-श्श॒त-म्भ॑वति । श॒तायुः॒ पुरु॑ष-श्श॒तेन्द्रि॑यः( ) । आयु॑ष्ये॒वेन्द्रि॒ये प्रति॑तिष्ठति । मा॒रु॒तस्य॒ चैक॑विग्ंशतिकपालस्य वैश्वदे॒व्यै चा॒मिक्षा॑या अ॒ग्नये᳚ स्विष्ट॒कृते॑ स॒मव॑द्यति । दे॒वता॑भिरे॒वैन॑-मुभ॒यतः॒ परि॑गृह्णाति । अ॒पा-न्नप्त्रे॒ स्वाहो॒र्जो नप्त्रे॒ स्वाहा॒-ऽग्नये॑ गृ॒हप॑तये॒ स्वाहेति॑ ति॒स्र आहु॑ती-र्जुहोति । त्रय॑ इ॒मे लो॒काः । ए॒ष्वे॑व लो॒केषु॒ प्रति॑ तिष्ठति ॥ 64 ॥

(दे॒वैरित्या॑ह - स॒त्यस॑व-ङ्करोति - त्रि॒ष्टुभ॑मे॒वैतेना॑भि॒ व्याह॑रति- सत्यानृ॒ते ए॒वाव॑रुन्धे - करोति - श॒तेन्द्रि॑य॒-ष्षट्च॑) (अ. 10)

(ए॒त-द्ब्रा᳚ह्मणानि - धा॒त्रे - रा॒त्निनां᳚ - देवसु॒वा - म॒र्थेतो॒ - देवी॒--र् दिशः॒ - सोम॒स्ये - न्द्र॑स्य - मि॒त्रो दश॑)

(ए॒त-द्ब्रा᳚ह्मणानि - वैष्ण॒व-न्त्रि॑कपा॒ल - मन्नं॒-वैँ पू॒षा - वाशा॒-स्स्थेत्या॑ह॒ - दिशो॒ व्यास्था॑पय॒ - त्युद॑म्प॒रेत्य॒ - ब्रह्मा(3)न्त्वग्ं रा॑ज॒-ञ्चतु॑ष्षष्टिः

(ए॒त-द्ब्रा᳚ह्मणानि॒ - प्रति॑ तिष्ठति)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे प्रथमाष्टके सप्तमः प्रपाठक-स्समाप्तः ॥