ವಿಶ್ವೇಶಂ ಮಾಧವಂ ಢುಣ್ಢಿಂ ದಣ್ಡಪಾಣಿಂ ಚ ಭೈರವಮ್ ।
ವನ್ದೇ ಕಾಶೀಂ ಗುಹಾಂ ಗಙ್ಗಾಂ ಭವಾನೀಂ ಮಣಿಕರ್ಣಿಕಾಮ್ ॥ 1 ॥
ಉತ್ತಿಷ್ಠ ಕಾಶಿ ಭಗವಾನ್ ಪ್ರಭುವಿಶ್ವನಾಥೋ
ಗಙ್ಗೋರ್ಮಿ-ಸಙ್ಗತಿ-ಶುಭೈಃ ಪರಿಭೂಷಿತೋಽಬ್ಜೈಃ ।
ಶ್ರೀಢುಣ್ಢಿ-ಭೈರವ-ಮುಖೈಃ ಸಹಿತಾಽಽನ್ನಪೂರ್ಣಾ
ಮಾತಾ ಚ ವಾಞ್ಛತಿ ಮುದಾ ತವ ಸುಪ್ರಭಾತಮ್ ॥ 2 ॥
ಬ್ರಹ್ಮಾ ಮುರಾರಿಸ್ತ್ರಿಪುರಾನ್ತಕಾರಿಃ
ಭಾನುಃ ಶಶೀ ಭೂಮಿಸುತೋ ಬುಧಶ್ಚ ।
ಗುರುಶ್ಚ ಶುಕ್ರಃ ಶನಿ-ರಾಹು-ಕೇತವಃ
ಕುರ್ವನ್ತು ಸರ್ವೇ ಭುವಿ ಸುಪ್ರಭಾತಮ್ ॥ 3 ॥
ವಾರಾಣಸೀ-ಸ್ಥಿತ-ಗಜಾನನ-ಢುಣ್ಢಿರಾಜ
ತಾಪತ್ರಯಾಪಹರಣೇ ಪ್ರಥಿತ-ಪ್ರಭಾವ ।
ಆನನ್ದ-ಕನ್ದಲಕುಲ-ಪ್ರಸವೈಕಭೂಮೇ
ನಿತ್ಯಂ ಸಮಸ್ತ-ಜಗತಃ ಕುರು ಸುಪ್ರಭಾತಮ್ ॥ 4 ॥
ಬ್ರಹ್ಮದ್ರವೋಪಮಿತ-ಗಾಙ್ಗ-ಪಯಃ-ಪ್ರವಾಹೈಃ
ಪುಣ್ಯೈಃ ಸದೈವ ಪರಿಚುಮ್ಬಿತ-ಪಾದಪದ್ಮೇ ।
ಮಧ್ಯೇ-ಽಖಿಲಾಮರಗಣೈಃ ಪರಿಸೇವ್ಯಮಾನೇ
ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 5 ॥
ಪ್ರತ್ನೈರಸಙ್ಖ್ಯ-ಮಠ-ಮನ್ದಿರ-ತೀರ್ಥ-ಕುಣ್ಡ-
ಪ್ರಾಸಾದ-ಘಟ್ಟ-ನಿವಹೈಃ ವಿದುಷಾಂ ವರೈಶ್ಚ
ಆವರ್ಜಯಸ್ಯಖಿಲ-ವಿಶ್ವ-ಮನಾಂಸಿ ನಿತ್ಯಂ
ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 6 ॥
ಕೇ ವಾ ನರಾ ನು ಸುಧಿಯಃ ಕುಧಿಯೋಽಧಿಯೋ ವಾ
ವಾಞ್ಛನ್ತಿ ನಾನ್ತಸಮಯೇ ಶರಣಂ ಭವತ್ಯಾಃ ।
ಹೇ ಕೋಟಿ-ಕೋಟಿ-ಜನ-ಮುಕ್ತಿ-ವಿಧಾನ-ದಕ್ಷೇ
ಶ್ರೀಕಾಶಿಕೇ ಕುರು ಸದಾ ಭುವಿ ಸುಪ್ರಭಾತಮ್ ॥ 7 ॥
ಯಾ ದೇವೈರಸುರೈರ್ಮುನೀನ್ದ್ರತನಯೈರ್ಗನ್ಧರ್ವ-ಯಕ್ಷೋರಗೈಃ
ನಾಗೈರ್ಭೂತಲವಾಸಿಭಿರ್ದ್ವಿಜವರೈಸ್ಸಂಸೇವಿತಾ ಸಿದ್ಧಯೇ ।
ಯಾ ಗಙ್ಗೋತ್ತರವಾಹಿನೀ-ಪರಿಸರೇ ತೀರ್ಥೈರಸಙ್ಖ್ಯೈರ್ವೃತಾ
ಸಾ ಕಾಶೀ ತ್ರಿಪುರಾರಿರಾಜ-ನಗರೀ ದೇಯಾತ್ ಸದಾ ಮಙ್ಗಲಮ್ ॥ 8 ॥
ತೀರ್ಥಾನಾಂ ಪ್ರವರಾ ಮನೋರಥಕರೀ ಸಂಸಾರ-ಪಾರಾಪರಾ
ನನ್ದಾ-ನನ್ದಿ-ಗಣೇಶ್ವರೈರುಪಹಿತಾ ದೇವೈರಶೇಷೈಃ-ಸ್ತುತಾ ।
ಯಾ ಶಮ್ಭೋರ್ಮಣಿ-ಕುಣ್ಡಲೈಕ-ಕಣಿಕಾ ವಿಷ್ಣೋಸ್ತಪೋ-ದೀರ್ಘಿಕಾ
ಸೇಯಂ ಶ್ರೀಮಣಿಕರ್ಣಿಕಾ ಭಗವತೀ ದೇಯಾತ್ ಸದಾ ಮಙ್ಗಲಮ್ ॥ 9 ॥
ಅಭಿನವ-ಬಿಸ-ವಲ್ಲೀ ಪಾದ-ಪದ್ಮಸ್ಯ ವಿಷ್ಣೋಃ
ಮದನ-ಮಥನ-ಮೌಲೇರ್ಮಾಲತೀ ಪುಷ್ಪಮಾಲಾ ।
ಜಯತಿ ಜಯ-ಪತಾಕಾ ಕಾಪ್ಯಸೌ ಮೋಕ್ಷಲಕ್ಷ್ಮ್ಯಾಃ
ಕ್ಷಪಿತ-ಕಲಿ-ಕಲಙ್ಕಾ ಜಾಹ್ನವೀ ನಃ ಪುನಾತು ॥ 10 ॥
ಗಾಙ್ಗಂ ವಾರಿ ಮನೋಹಾರಿ ಮುರಾರಿ-ಚರಣಚ್ಯುತಮ್ ।
ತ್ರಿಪುರಾರಿ-ಶಿರಶ್ಚಾರಿ ಪಾಪಹಾರಿ ಪುನಾತು ಮಾಮ್ ॥ 11 ॥
ವಿಘ್ನಾವಾಸ-ನಿವಾಸಕಾರಣ-ಮಹಾಗಣ್ಡಸ್ಥಲಾಲಮ್ಬಿತಃ
ಸಿನ್ದೂರಾರುಣ-ಪುಞ್ಜ-ಚನ್ದ್ರಕಿರಣ-ಪ್ರಚ್ಛಾದಿ-ನಾಗಚ್ಛವಿಃ ।
ಶ್ರೀವಿಘ್ನೇಶ್ವರ-ವಲ್ಲಭೋ ಗಿರಿಜಯಾ ಸಾನನ್ದಮಾನನ್ದಿತಃ (ಪಾಠಭೇದ ವಿಶ್ವೇಶ್ವರ)
ಸ್ಮೇರಾಸ್ಯಸ್ತವ ಢುಣ್ಢಿರಾಜ-ಮುದಿತೋ ದೇಯಾತ್ ಸದಾ ಮಙ್ಗಲಮ್ ॥ 12 ॥
ಕಣ್ಠೇ ಯಸ್ಯ ಲಸತ್ಕರಾಲ-ಗರಲಂ ಗಙ್ಗಾಜಲಂ ಮಸ್ತಕೇ
ವಾಮಾಙ್ಗೇ ಗಿರಿರಾಜರಾಜ-ತನಯಾ ಜಾಯಾ ಭವಾನೀ ಸತೀ ।
ನನ್ದಿ-ಸ್ಕನ್ದ-ಗಣಾಧಿರಾಜ-ಸಹಿತಃ ಶ್ರೀವಿಶ್ವನಾಥಪ್ರಭುಃ
ಕಾಶೀ-ಮನ್ದಿರ-ಸಂಸ್ಥಿತೋಽಖಿಲಗುರುಃ ದೇಯಾತ್ ಸದಾ ಮಙ್ಗಲಮ್ ॥ 13 ॥
ಶ್ರೀವಿಶ್ವನಾಥ ಕರುಣಾಮೃತ-ಪೂರ್ಣ-ಸಿನ್ಧೋ
ಶೀತಾಂಶು-ಖಣ್ಡ-ಸಮಲಙ್ಕೃತ-ಭವ್ಯಚೂಡ ।
ಉತ್ತಿಷ್ಠ ವಿಶ್ವಜನ-ಮಙ್ಗಲ-ಸಾಧನಾಯ
ನಿತ್ಯಂ ಸರ್ವಜಗತಃ ಕುರು ಸುಪ್ರಭಾತಮ್ ॥ 14 ॥
ಶ್ರೀವಿಶ್ವನಾಥ ವೃಷಭ-ಧ್ವಜ ವಿಶ್ವವನ್ದ್ಯ
ಸೃಷ್ಟಿ-ಸ್ಥಿತಿ-ಪ್ರಲಯ-ಕಾರಕ ದೇವದೇವ ।
ವಾಚಾಮಗೋಚರ ಮಹರ್ಷಿ-ನುತಾಙ್ಘ್ರಿ-ಪದ್ಮ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 15 ॥
ಶ್ರೀವಿಶ್ವನಾಥ ಭವಭಞ್ಜನ ದಿವ್ಯಭಾವ
ಗಙ್ಗಾಧರ ಪ್ರಮಥ-ವನ್ದಿತ ಸುನ್ದರಾಙ್ಗ ।
ನಾಗೇನ್ದ್ರ-ಹಾರ ನತ-ಭಕ್ತ-ಭಯಾಪಹಾರ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 16 ॥
ಶ್ರೀವಿಶ್ವನಾಥ ತವ ಪಾದಯುಗಂ ನಮಾಮಿ
ನಿತ್ಯಂ ತವೈವ ಶಿವ ನಾಮ ಹೃದಾ ಸ್ಮರಾಮಿ ।
ವಾಚಂ ತವೈವ ಯಶಸಾಽನಘ ಭೂಷಯಾಮಿ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 17 ॥
ಕಾಶೀ-ನಿವಾಸ-ಮುನಿ-ಸೇವಿತ-ಪಾದ-ಪದ್ಮ
ಗಙ್ಗಾ-ಜಲೌಘ-ಪರಿಷಿಕ್ತ-ಜಟಾಕಲಾಪ ।
ಅಸ್ಯಾಖಿಲಸ್ಯ ಜಗತಃ ಸಚರಾಚರಸ್ಯ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 18 ॥
ಗಙ್ಗಾಧರಾದ್ರಿತನಯಾ-ಪ್ರಿಯ ಶಾನ್ತಮೂರ್ತೇ
ವೇದಾನ್ತ-ವೇದ್ಯ ಸಕಲೇಶ್ವರ ವಿಶ್ವಮೂರ್ತೇ ।
ಕೂಟಸ್ಥ ನಿತ್ಯ ನಿಖಿಲಾಗಮ-ಗೀತ-ಕೀರ್ತೇ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 19 ॥
ವಿಶ್ವಂ ಸಮಸ್ತಮಿದಮದ್ಯ ಘನಾನ್ಧಕಾರೇ
ಮೋಹಾತ್ಮಕೇ ನಿಪತಿತಂ ಜಡತಾಮುಪೇತಮ್ ।
ಭಾಸಾ ವಿಭಾಸ್ಯ ಪರಯಾ ತದಮೋಘ-ಶಕ್ತೇ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 20 ॥
ಸೂನುಃ ಸಮಸ್ತ-ಜನ-ವಿಘ್ನ-ವಿನಾಶ-ದಕ್ಷೋ
ಭಾರ್ಯಾಽನ್ನದಾನ-ನಿರತಾ-ಽವಿರತಂ ಜನೇಭ್ಯಃ ।
ಖ್ಯಾತಃ ಸ್ವಯಂ ಚ ಶಿವಕೃತ್ ಸಕಲಾರ್ಥಿ-ಭಾಜಾಂ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 21 ॥
ಯೇ ನೋ ನಮನ್ತಿ ನ ಜಪನ್ತಿ ನ ಚಾಮನನ್ತಿ
ನೋ ವಾ ಲಪನ್ತಿ ವಿಲಪನ್ತಿ ನಿವೇದಯನ್ತಿ ।
ತೇಷಾಮಬೋಧ-ಶಿಶು-ತುಲ್ಯ-ಧಿಯಾಂ ನರಾಣಾಂ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 22 ॥
ಶ್ರೀಕಣ್ಠ ಕಣ್ಠ-ಧೃತ-ಪನ್ನಗ ನೀಲಕಣ್ಠ
ಸೋತ್ಕಣ್ಠ-ಭಕ್ತ-ನಿವಹೋಪಹಿತೋಪ-ಕಣ್ಠ ।
ಭಸ್ಮಾಙ್ಗರಾಗ-ಪರಿಶೋಭಿತ-ಸರ್ವದೇಹ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 23 ॥
ಶ್ರೀಪಾರ್ವತೀ-ಹೃದಯ-ವಲ್ಲಭ ಪಞ್ಚ-ವಕ್ತ್ರ
ಶ್ರೀನೀಲ-ಕಣ್ಠ ನೃ-ಕಪಾಲ-ಕಲಾಪ-ಮಾಲ ।
ಶ್ರೀವಿಶ್ವನಾಥ ಮೃದು-ಪಙ್ಕಜ-ಮಞ್ಜು-ಪಾದ
ವಾರಾಣಸೀಪುರಪತೇ ಕುರು ಸುಪ್ರಭಾತಮ್ ॥ 24 ॥
ದುಗ್ಧ-ಪ್ರವಾಹ-ಕಮನೀಯ-ತರಙ್ಗ-ಭಙ್ಗೇ
ಪುಣ್ಯ-ಪ್ರವಾಹ-ಪರಿಪಾವಿತ-ಭಕ್ತ-ಸಙ್ಗೇ ।
ನಿತ್ಯಂ ತಪಸ್ವಿ-ಜನ-ಸೇವಿತ-ಪಾದ-ಪದ್ಮೇ
ಗಙ್ಗೇ ಶರಣ್ಯ-ಶಿವದೇ ಕುರು ಸುಪ್ರಭಾತಮ್ ॥ 25 ॥
ಸಾನನ್ದಮಾನನ್ದ-ವನೇ ವಸನ್ತಂ ಆನನ್ದ-ಕನ್ದಂ ಹತ-ಪಾಪ-ವೃನ್ದಮ್ ।
ವಾರಾಣಸೀ-ನಾಥಮನಾಥ-ನಾಥಂ ಶ್ರೀವಿಶ್ವನಾಥಂ ಶರಣಂ ಪ್ರಪದ್ಯೇ ॥ 26 ॥
ಇತಿ ಶ್ರೀಕಾಶೀವಿಶ್ವನಾಥಸುಪ್ರಭಾತಂ ಸಮ್ಪೂರ್ಣಮ್ ।
Roman (IAST) Transliteration
viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |
vande kāśīṃ guhāṃ gaṅgāṃ bhavānīṃ maṇikarṇikām || 1 ||
uttiṣṭha kāśi bhagavān prabhuviśvanātho
gaṅgormi-saṅgati-śubhaiḥ paribhūṣito'bjaiḥ |
śrīḍhuṇḍhi-bhairava-mukhaiḥ sahitā''nnapūrṇā
mātā ca vāñchati mudā tava suprabhātam || 2 ||
brahmā murāristripurāntakāriḥ
bhānuḥ śaśī bhūmisuto budhaśca |
guruśca śukraḥ śani-rāhu-ketavaḥ
kurvantu sarve bhuvi suprabhātam || 3 ||
vārāṇasī-sthita-gajānana-ḍhuṇḍhirāja
tāpatrayāpaharaṇe prathita-prabhāva |
ānanda-kandalakula-prasavaikabhūme
nityaṃ samasta-jagataḥ kuru suprabhātam || 4 ||
brahmadravopamita-gāṅga-payaḥ-pravāhaiḥ
puṇyaiḥ sadaiva paricumbita-pādapadme |
madhye-'khilāmaragaṇaiḥ parisevyamāne
śrīkāśike kuru sadā bhuvi suprabhātam || 5 ||
pratnairasaṅkhya-maṭha-mandira-tīrtha-kuṇḍa-
prāsāda-ghaṭṭa-nivahaiḥ viduṣāṃ varaiśca
āvarjayasyakhila-viśva-manāṃsi nityaṃ
śrīkāśike kuru sadā bhuvi suprabhātam || 6 ||
ke vā narā nu sudhiyaḥ kudhiyo'dhiyo vā
vāñchanti nāntasamaye śaraṇaṃ bhavatyāḥ |
he koṭi-koṭi-jana-mukti-vidhāna-dakṣe
śrīkāśike kuru sadā bhuvi suprabhātam || 7 ||
yā devairasurairmunīndratanayairgandharva-yakṣoragaiḥ
nāgairbhūtalavāsibhirdvijavaraissaṃsevitā siddhaye |
yā gaṅgottaravāhinī-parisare tīrthairasaṅkhyairvṛtā
sā kāśī tripurārirāja-nagarī deyāt sadā maṅgalam || 8 ||
tīrthānāṃ pravarā manorathakarī saṃsāra-pārāparā
nandā-nandi-gaṇeśvarairupahitā devairaśeṣaiḥ-stutā |
yā śambhormaṇi-kuṇḍalaika-kaṇikā viṣṇostapo-dīrghikā
seyaṃ śrīmaṇikarṇikā bhagavatī deyāt sadā maṅgalam || 9 ||
abhinava-bisa-vallī pāda-padmasya viṣṇoḥ
madana-mathana-maulermālatī puṣpamālā |
jayati jaya-patākā kāpyasau mokṣalakṣmyāḥ
kṣapita-kali-kalaṅkā jāhnavī naḥ punātu || 10 ||
gāṅgaṃ vāri manohāri murāri-caraṇacyutam |
tripurāri-śiraścāri pāpahāri punātu mām || 11 ||
vighnāvāsa-nivāsakāraṇa-mahāgaṇḍasthalālambitaḥ
sindūrāruṇa-puñja-candrakiraṇa-pracchādi-nāgacchaviḥ |
śrīvighneśvara-vallabho girijayā sānandamānanditaḥ (pāṭhabheda viśveśvara)
smerāsyastava ḍhuṇḍhirāja-mudito deyāt sadā maṅgalam || 12 ||
kaṇṭhe yasya lasatkarāla-garalaṃ gaṅgājalaṃ mastake
vāmāṅge girirājarāja-tanayā jāyā bhavānī satī |
nandi-skanda-gaṇādhirāja-sahitaḥ śrīviśvanāthaprabhuḥ
kāśī-mandira-saṃsthito'khilaguruḥ deyāt sadā maṅgalam || 13 ||
śrīviśvanātha karuṇāmṛta-pūrṇa-sindho
śītāṃśu-khaṇḍa-samalaṅkṛta-bhavyacūḍa |
uttiṣṭha viśvajana-maṅgala-sādhanāya
nityaṃ sarvajagataḥ kuru suprabhātam || 14 ||
śrīviśvanātha vṛṣabha-dhvaja viśvavandya
sṛṣṭi-sthiti-pralaya-kāraka devadeva |
vācāmagocara maharṣi-nutāṅghri-padma
vārāṇasīpurapate kuru suprabhātam || 15 ||
śrīviśvanātha bhavabhañjana divyabhāva
gaṅgādhara pramatha-vandita sundarāṅga |
nāgendra-hāra nata-bhakta-bhayāpahāra
vārāṇasīpurapate kuru suprabhātam || 16 ||
śrīviśvanātha tava pādayugaṃ namāmi
nityaṃ tavaiva śiva nāma hṛdā smarāmi |
vācaṃ tavaiva yaśasā'nagha bhūṣayāmi
vārāṇasīpurapate kuru suprabhātam || 17 ||
kāśī-nivāsa-muni-sevita-pāda-padma
gaṅgā-jalaugha-pariṣikta-jaṭākalāpa |
asyākhilasya jagataḥ sacarācarasya
vārāṇasīpurapate kuru suprabhātam || 18 ||
gaṅgādharādritanayā-priya śāntamūrte
vedānta-vedya sakaleśvara viśvamūrte |
kūṭastha nitya nikhilāgama-gīta-kīrte
vārāṇasīpurapate kuru suprabhātam || 19 ||
viśvaṃ samastamidamadya ghanāndhakāre
mohātmake nipatitaṃ jaḍatāmupetam |
bhāsā vibhāsya parayā tadamogha-śakte
vārāṇasīpurapate kuru suprabhātam || 20 ||
sūnuḥ samasta-jana-vighna-vināśa-dakṣo
bhāryā'nnadāna-niratā-'virataṃ janebhyaḥ |
khyātaḥ svayaṃ ca śivakṛt sakalārthi-bhājāṃ
vārāṇasīpurapate kuru suprabhātam || 21 ||
ye no namanti na japanti na cāmananti
no vā lapanti vilapanti nivedayanti |
teṣāmabodha-śiśu-tulya-dhiyāṃ narāṇāṃ
vārāṇasīpurapate kuru suprabhātam || 22 ||
śrīkaṇṭha kaṇṭha-dhṛta-pannaga nīlakaṇṭha
sotkaṇṭha-bhakta-nivahopahitopa-kaṇṭha |
bhasmāṅgarāga-pariśobhita-sarvadeha
vārāṇasīpurapate kuru suprabhātam || 23 ||
śrīpārvatī-hṛdaya-vallabha pañca-vaktra
śrīnīla-kaṇṭha nṛ-kapāla-kalāpa-māla |
śrīviśvanātha mṛdu-paṅkaja-mañju-pāda
vārāṇasīpurapate kuru suprabhātam || 24 ||
dugdha-pravāha-kamanīya-taraṅga-bhaṅge
puṇya-pravāha-paripāvita-bhakta-saṅge |
nityaṃ tapasvi-jana-sevita-pāda-padme
gaṅge śaraṇya-śivade kuru suprabhātam || 25 ||
sānandamānanda-vane vasantaṃ ānanda-kandaṃ hata-pāpa-vṛndam |
vārāṇasī-nāthamanātha-nāthaṃ śrīviśvanāthaṃ śaraṇaṃ prapadye || 26 ||
iti śrīkāśīviśvanāthasuprabhātaṃ sampūrṇam |
Sanskrit — Devanagari (original)
विश्वेशं माधवं ढुण्ढिं दण्डपाणिं च भैरवम् ।
वन्दे काशीं गुहां गङ्गां भवानीं मणिकर्णिकाम् ॥ 1 ॥
उत्तिष्ठ काशि भगवान् प्रभुविश्वनाथो
गङ्गोर्मि-सङ्गति-शुभैः परिभूषितोऽब्जैः ।
श्रीढुण्ढि-भैरव-मुखैः सहिताऽऽन्नपूर्णा
माता च वाञ्छति मुदा तव सुप्रभातम् ॥ 2 ॥
ब्रह्मा मुरारिस्त्रिपुरान्तकारिः
भानुः शशी भूमिसुतो बुधश्च ।
गुरुश्च शुक्रः शनि-राहु-केतवः
कुर्वन्तु सर्वे भुवि सुप्रभातम् ॥ 3 ॥
वाराणसी-स्थित-गजानन-ढुण्ढिराज
तापत्रयापहरणे प्रथित-प्रभाव ।
आनन्द-कन्दलकुल-प्रसवैकभूमे
नित्यं समस्त-जगतः कुरु सुप्रभातम् ॥ 4 ॥
ब्रह्मद्रवोपमित-गाङ्ग-पयः-प्रवाहैः
पुण्यैः सदैव परिचुम्बित-पादपद्मे ।
मध्ये-ऽखिलामरगणैः परिसेव्यमाने
श्रीकाशिके कुरु सदा भुवि सुप्रभातम् ॥ 5 ॥
प्रत्नैरसङ्ख्य-मठ-मन्दिर-तीर्थ-कुण्ड-
प्रासाद-घट्ट-निवहैः विदुषां वरैश्च
आवर्जयस्यखिल-विश्व-मनांसि नित्यं
श्रीकाशिके कुरु सदा भुवि सुप्रभातम् ॥ 6 ॥
के वा नरा नु सुधियः कुधियोऽधियो वा
वाञ्छन्ति नान्तसमये शरणं भवत्याः ।
हे कोटि-कोटि-जन-मुक्ति-विधान-दक्षे
श्रीकाशिके कुरु सदा भुवि सुप्रभातम् ॥ 7 ॥
या देवैरसुरैर्मुनीन्द्रतनयैर्गन्धर्व-यक्षोरगैः
नागैर्भूतलवासिभिर्द्विजवरैस्संसेविता सिद्धये ।
या गङ्गोत्तरवाहिनी-परिसरे तीर्थैरसङ्ख्यैर्वृता
सा काशी त्रिपुरारिराज-नगरी देयात् सदा मङ्गलम् ॥ 8 ॥
तीर्थानां प्रवरा मनोरथकरी संसार-पारापरा
नन्दा-नन्दि-गणेश्वरैरुपहिता देवैरशेषैः-स्तुता ।
या शम्भोर्मणि-कुण्डलैक-कणिका विष्णोस्तपो-दीर्घिका
सेयं श्रीमणिकर्णिका भगवती देयात् सदा मङ्गलम् ॥ 9 ॥
अभिनव-बिस-वल्ली पाद-पद्मस्य विष्णोः
मदन-मथन-मौलेर्मालती पुष्पमाला ।
जयति जय-पताका काप्यसौ मोक्षलक्ष्म्याः
क्षपित-कलि-कलङ्का जाह्नवी नः पुनातु ॥ 10 ॥
गाङ्गं वारि मनोहारि मुरारि-चरणच्युतम् ।
त्रिपुरारि-शिरश्चारि पापहारि पुनातु माम् ॥ 11 ॥
विघ्नावास-निवासकारण-महागण्डस्थलालम्बितः
सिन्दूरारुण-पुञ्ज-चन्द्रकिरण-प्रच्छादि-नागच्छविः ।
श्रीविघ्नेश्वर-वल्लभो गिरिजया सानन्दमानन्दितः (पाठभेद विश्वेश्वर)
स्मेरास्यस्तव ढुण्ढिराज-मुदितो देयात् सदा मङ्गलम् ॥ 12 ॥
कण्ठे यस्य लसत्कराल-गरलं गङ्गाजलं मस्तके
वामाङ्गे गिरिराजराज-तनया जाया भवानी सती ।
नन्दि-स्कन्द-गणाधिराज-सहितः श्रीविश्वनाथप्रभुः
काशी-मन्दिर-संस्थितोऽखिलगुरुः देयात् सदा मङ्गलम् ॥ 13 ॥
श्रीविश्वनाथ करुणामृत-पूर्ण-सिन्धो
शीतांशु-खण्ड-समलङ्कृत-भव्यचूड ।
उत्तिष्ठ विश्वजन-मङ्गल-साधनाय
नित्यं सर्वजगतः कुरु सुप्रभातम् ॥ 14 ॥
श्रीविश्वनाथ वृषभ-ध्वज विश्ववन्द्य
सृष्टि-स्थिति-प्रलय-कारक देवदेव ।
वाचामगोचर महर्षि-नुताङ्घ्रि-पद्म
वाराणसीपुरपते कुरु सुप्रभातम् ॥ 15 ॥
श्रीविश्वनाथ भवभञ्जन दिव्यभाव
गङ्गाधर प्रमथ-वन्दित सुन्दराङ्ग ।
नागेन्द्र-हार नत-भक्त-भयापहार
वाराणसीपुरपते कुरु सुप्रभातम् ॥ 16 ॥
श्रीविश्वनाथ तव पादयुगं नमामि
नित्यं तवैव शिव नाम हृदा स्मरामि ।
वाचं तवैव यशसाऽनघ भूषयामि
वाराणसीपुरपते कुरु सुप्रभातम् ॥ 17 ॥
काशी-निवास-मुनि-सेवित-पाद-पद्म
गङ्गा-जलौघ-परिषिक्त-जटाकलाप ।
अस्याखिलस्य जगतः सचराचरस्य
वाराणसीपुरपते कुरु सुप्रभातम् ॥ 18 ॥
गङ्गाधराद्रितनया-प्रिय शान्तमूर्ते
वेदान्त-वेद्य सकलेश्वर विश्वमूर्ते ।
कूटस्थ नित्य निखिलागम-गीत-कीर्ते
वाराणसीपुरपते कुरु सुप्रभातम् ॥ 19 ॥
विश्वं समस्तमिदमद्य घनान्धकारे
मोहात्मके निपतितं जडतामुपेतम् ।
भासा विभास्य परया तदमोघ-शक्ते
वाराणसीपुरपते कुरु सुप्रभातम् ॥ 20 ॥
सूनुः समस्त-जन-विघ्न-विनाश-दक्षो
भार्याऽन्नदान-निरता-ऽविरतं जनेभ्यः ।
ख्यातः स्वयं च शिवकृत् सकलार्थि-भाजां
वाराणसीपुरपते कुरु सुप्रभातम् ॥ 21 ॥
ये नो नमन्ति न जपन्ति न चामनन्ति
नो वा लपन्ति विलपन्ति निवेदयन्ति ।
तेषामबोध-शिशु-तुल्य-धियां नराणां
वाराणसीपुरपते कुरु सुप्रभातम् ॥ 22 ॥
श्रीकण्ठ कण्ठ-धृत-पन्नग नीलकण्ठ
सोत्कण्ठ-भक्त-निवहोपहितोप-कण्ठ ।
भस्माङ्गराग-परिशोभित-सर्वदेह
वाराणसीपुरपते कुरु सुप्रभातम् ॥ 23 ॥
श्रीपार्वती-हृदय-वल्लभ पञ्च-वक्त्र
श्रीनील-कण्ठ नृ-कपाल-कलाप-माल ।
श्रीविश्वनाथ मृदु-पङ्कज-मञ्जु-पाद
वाराणसीपुरपते कुरु सुप्रभातम् ॥ 24 ॥
दुग्ध-प्रवाह-कमनीय-तरङ्ग-भङ्गे
पुण्य-प्रवाह-परिपावित-भक्त-सङ्गे ।
नित्यं तपस्वि-जन-सेवित-पाद-पद्मे
गङ्गे शरण्य-शिवदे कुरु सुप्रभातम् ॥ 25 ॥
सानन्दमानन्द-वने वसन्तं आनन्द-कन्दं हत-पाप-वृन्दम् ।
वाराणसी-नाथमनाथ-नाथं श्रीविश्वनाथं शरणं प्रपद्ये ॥ 26 ॥
इति श्रीकाशीविश्वनाथसुप्रभातं सम्पूर्णम् ।
viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |
vande kāśīṃ guhāṃ gaṅgāṃ bhavānīṃ maṇikarṇikām || 1 ||
uttiṣṭha kāśi bhagavān prabhuviśvanātho
gaṅgormi-saṅgati-śubhaiḥ paribhūṣito'bjaiḥ |
śrīḍhuṇḍhi-bhairava-mukhaiḥ sahitā''nnapūrṇā
mātā ca vāñchati mudā tava suprabhātam || 2 ||
brahmā murāristripurāntakāriḥ
bhānuḥ śaśī bhūmisuto budhaśca |
guruśca śukraḥ śani-rāhu-ketavaḥ
kurvantu sarve bhuvi suprabhātam || 3 ||
vārāṇasī-sthita-gajānana-ḍhuṇḍhirāja
tāpatrayāpaharaṇe prathita-prabhāva |
ānanda-kandalakula-prasavaikabhūme
nityaṃ samasta-jagataḥ kuru suprabhātam || 4 ||
brahmadravopamita-gāṅga-payaḥ-pravāhaiḥ
puṇyaiḥ sadaiva paricumbita-pādapadme |
madhye-'khilāmaragaṇaiḥ parisevyamāne
śrīkāśike kuru sadā bhuvi suprabhātam || 5 ||
pratnairasaṅkhya-maṭha-mandira-tīrtha-kuṇḍa-
prāsāda-ghaṭṭa-nivahaiḥ viduṣāṃ varaiśca
āvarjayasyakhila-viśva-manāṃsi nityaṃ
śrīkāśike kuru sadā bhuvi suprabhātam || 6 ||
ke vā narā nu sudhiyaḥ kudhiyo'dhiyo vā
vāñchanti nāntasamaye śaraṇaṃ bhavatyāḥ |
he koṭi-koṭi-jana-mukti-vidhāna-dakṣe
śrīkāśike kuru sadā bhuvi suprabhātam || 7 ||
yā devairasurairmunīndratanayairgandharva-yakṣoragaiḥ
nāgairbhūtalavāsibhirdvijavaraissaṃsevitā siddhaye |
yā gaṅgottaravāhinī-parisare tīrthairasaṅkhyairvṛtā
sā kāśī tripurārirāja-nagarī deyāt sadā maṅgalam || 8 ||
tīrthānāṃ pravarā manorathakarī saṃsāra-pārāparā
nandā-nandi-gaṇeśvarairupahitā devairaśeṣaiḥ-stutā |
yā śambhormaṇi-kuṇḍalaika-kaṇikā viṣṇostapo-dīrghikā
seyaṃ śrīmaṇikarṇikā bhagavatī deyāt sadā maṅgalam || 9 ||
abhinava-bisa-vallī pāda-padmasya viṣṇoḥ
madana-mathana-maulermālatī puṣpamālā |
jayati jaya-patākā kāpyasau mokṣalakṣmyāḥ
kṣapita-kali-kalaṅkā jāhnavī naḥ punātu || 10 ||
gāṅgaṃ vāri manohāri murāri-caraṇacyutam |
tripurāri-śiraścāri pāpahāri punātu mām || 11 ||
vighnāvāsa-nivāsakāraṇa-mahāgaṇḍasthalālambitaḥ
sindūrāruṇa-puñja-candrakiraṇa-pracchādi-nāgacchaviḥ |
śrīvighneśvara-vallabho girijayā sānandamānanditaḥ (pāṭhabheda viśveśvara)
smerāsyastava ḍhuṇḍhirāja-mudito deyāt sadā maṅgalam || 12 ||
kaṇṭhe yasya lasatkarāla-garalaṃ gaṅgājalaṃ mastake
vāmāṅge girirājarāja-tanayā jāyā bhavānī satī |
nandi-skanda-gaṇādhirāja-sahitaḥ śrīviśvanāthaprabhuḥ
kāśī-mandira-saṃsthito'khilaguruḥ deyāt sadā maṅgalam || 13 ||
śrīviśvanātha karuṇāmṛta-pūrṇa-sindho
śītāṃśu-khaṇḍa-samalaṅkṛta-bhavyacūḍa |
uttiṣṭha viśvajana-maṅgala-sādhanāya
nityaṃ sarvajagataḥ kuru suprabhātam || 14 ||
śrīviśvanātha vṛṣabha-dhvaja viśvavandya
sṛṣṭi-sthiti-pralaya-kāraka devadeva |
vācāmagocara maharṣi-nutāṅghri-padma
vārāṇasīpurapate kuru suprabhātam || 15 ||
śrīviśvanātha bhavabhañjana divyabhāva
gaṅgādhara pramatha-vandita sundarāṅga |
nāgendra-hāra nata-bhakta-bhayāpahāra
vārāṇasīpurapate kuru suprabhātam || 16 ||
śrīviśvanātha tava pādayugaṃ namāmi
nityaṃ tavaiva śiva nāma hṛdā smarāmi |
vācaṃ tavaiva yaśasā'nagha bhūṣayāmi
vārāṇasīpurapate kuru suprabhātam || 17 ||
kāśī-nivāsa-muni-sevita-pāda-padma
gaṅgā-jalaugha-pariṣikta-jaṭākalāpa |
asyākhilasya jagataḥ sacarācarasya
vārāṇasīpurapate kuru suprabhātam || 18 ||
gaṅgādharādritanayā-priya śāntamūrte
vedānta-vedya sakaleśvara viśvamūrte |
kūṭastha nitya nikhilāgama-gīta-kīrte
vārāṇasīpurapate kuru suprabhātam || 19 ||
viśvaṃ samastamidamadya ghanāndhakāre
mohātmake nipatitaṃ jaḍatāmupetam |
bhāsā vibhāsya parayā tadamogha-śakte
vārāṇasīpurapate kuru suprabhātam || 20 ||
sūnuḥ samasta-jana-vighna-vināśa-dakṣo
bhāryā'nnadāna-niratā-'virataṃ janebhyaḥ |
khyātaḥ svayaṃ ca śivakṛt sakalārthi-bhājāṃ
vārāṇasīpurapate kuru suprabhātam || 21 ||
ye no namanti na japanti na cāmananti
no vā lapanti vilapanti nivedayanti |
teṣāmabodha-śiśu-tulya-dhiyāṃ narāṇāṃ
vārāṇasīpurapate kuru suprabhātam || 22 ||
śrīkaṇṭha kaṇṭha-dhṛta-pannaga nīlakaṇṭha
sotkaṇṭha-bhakta-nivahopahitopa-kaṇṭha |
bhasmāṅgarāga-pariśobhita-sarvadeha
vārāṇasīpurapate kuru suprabhātam || 23 ||
śrīpārvatī-hṛdaya-vallabha pañca-vaktra
śrīnīla-kaṇṭha nṛ-kapāla-kalāpa-māla |
śrīviśvanātha mṛdu-paṅkaja-mañju-pāda
vārāṇasīpurapate kuru suprabhātam || 24 ||
dugdha-pravāha-kamanīya-taraṅga-bhaṅge
puṇya-pravāha-paripāvita-bhakta-saṅge |
nityaṃ tapasvi-jana-sevita-pāda-padme
gaṅge śaraṇya-śivade kuru suprabhātam || 25 ||
sānandamānanda-vane vasantaṃ ānanda-kandaṃ hata-pāpa-vṛndam |
vārāṇasī-nāthamanātha-nāthaṃ śrīviśvanāthaṃ śaraṇaṃ prapadye || 26 ||
iti śrīkāśīviśvanāthasuprabhātaṃ sampūrṇam |
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.