Shri Raja Rajeshvari Ashtakam — Grantha Script

𑌅𑌮𑍍𑌬𑌾 𑌶𑌾𑌮𑍍𑌭𑌵𑌿 𑌚𑌨𑍍𑌦𑍍𑌰𑌮𑍗𑌲𑌿𑌰𑌬𑌲𑌾𑌽𑌪𑌰𑍍𑌣𑌾 𑌉𑌮𑌾 𑌪𑌾𑌰𑍍𑌵𑌤𑍀

𑌕𑌾𑌲𑍀 𑌹𑍈𑌮𑌵𑌤𑍀 𑌶𑌿𑌵𑌾 𑌤𑍍𑌰𑌿𑌨𑌯𑌨𑍀 𑌕𑌾𑌤𑍍𑌯𑌾𑌯𑌨𑍀 𑌭𑍈𑌰𑌵𑍀

𑌸𑌾𑌵𑌿𑌤𑍍𑌰𑍀 𑌨𑌵𑌯𑍗𑌵𑌨𑌾 𑌶𑍁𑌭𑌕𑌰𑍀 𑌸𑌾𑌮𑍍𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌪𑍍𑌰𑌦𑌾

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 1 ॥

𑌅𑌮𑍍𑌬𑌾 𑌮𑍋𑌹𑌿𑌨𑌿 𑌦𑍇𑌵𑌤𑌾 𑌤𑍍𑌰𑌿𑌭𑍁𑌵𑌨𑍀 𑌆𑌨𑌨𑍍𑌦𑌸𑌨𑍍𑌦𑌾𑌯𑌿𑌨𑍀

𑌵𑌾𑌣𑍀 𑌪𑌲𑍍𑌲𑌵𑌪𑌾𑌣𑌿 𑌵𑍇𑌣𑍁𑌮𑍁𑌰𑌲𑍀𑌗𑌾𑌨𑌪𑍍𑌰𑌿𑌯𑌾 𑌲𑍋𑌲𑌿𑌨𑍀

𑌕𑌲𑍍𑌯𑌾𑌣𑍀 𑌉𑌡𑍁𑌰𑌾𑌜𑌬𑌿𑌮𑍍𑌬𑌵𑌦𑌨𑌾 𑌧𑍂𑌮𑍍𑌰𑌾𑌕𑍍𑌷𑌸𑌂𑌹𑌾𑌰𑌿𑌣𑍀

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 2 ॥

𑌅𑌮𑍍𑌬𑌾 𑌨𑍂𑌪𑍁𑌰𑌰𑌤𑍍𑌨𑌕𑌙𑍍𑌕𑌣𑌧𑌰𑍀 𑌕𑍇𑌯𑍂𑌰𑌹𑌾𑌰𑌾𑌵𑌲𑍀

𑌜𑌾𑌤𑍀𑌚𑌮𑍍𑌪𑌕𑌵𑍈𑌜𑌯𑌨𑍍𑌤𑌿𑌲𑌹𑌰𑍀 𑌗𑍍𑌰𑍈𑌵𑍇𑌯𑌕𑍈𑌰𑌾𑌜𑌿𑌤𑌾

𑌵𑍀𑌣𑌾𑌵𑍇𑌣𑍁𑌵𑌿𑌨𑍋𑌦𑌮𑌣𑍍𑌡𑌿𑌤𑌕𑌰𑌾 𑌵𑍀𑌰𑌾𑌸𑌨𑍇𑌸𑌂𑌸𑍍𑌥𑌿𑌤𑌾

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 3 ॥

𑌅𑌮𑍍𑌬𑌾 𑌰𑍗𑌦𑍍𑌰𑌿𑌣𑌿 𑌭𑌦𑍍𑌰𑌕𑌾𑌲𑍀 𑌬𑌗𑌲𑌾 𑌜𑍍𑌵𑌾𑌲𑌾𑌮𑍁𑌖𑍀 𑌵𑍈𑌷𑍍𑌣𑌵𑍀

𑌬𑍍𑌰𑌹𑍍𑌮𑌾𑌣𑍀 𑌤𑍍𑌰𑌿𑌪𑍁𑌰𑌾𑌨𑍍𑌤𑌕𑍀 𑌸𑍁𑌰𑌨𑍁𑌤𑌾 𑌦𑍇𑌦𑍀𑌪𑍍𑌯𑌮𑌾𑌨𑍋𑌜𑍍𑌜𑍍𑌵𑌲𑌾

𑌚𑌾𑌮𑍁𑌣𑍍𑌡𑌾 𑌶𑍍𑌰𑌿𑌤𑌰𑌕𑍍𑌷𑌪𑍋𑌷𑌜𑌨𑌨𑍀 𑌦𑌾𑌕𑍍𑌷𑌾𑌯𑌣𑍀 𑌪𑌲𑍍𑌲𑌵𑍀

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 4 ॥

𑌅𑌮𑍍𑌬𑌾 𑌶𑍂𑌲 𑌧𑌨𑍁𑌃 𑌕𑍁𑌶𑌾𑌙𑍍𑌕𑍁𑌶𑌧𑌰𑍀 𑌅𑌰𑍍𑌧𑍇𑌨𑍍𑌦𑍁𑌬𑌿𑌮𑍍𑌬𑌾𑌧𑌰𑍀

𑌵𑌾𑌰𑌾𑌹𑍀 𑌮𑌧𑍁𑌕𑍈𑌟𑌭𑌪𑍍𑌰𑌶𑌮𑌨𑍀 𑌵𑌾𑌣𑍀𑌰𑌮𑌾𑌸𑍇𑌵𑌿𑌤𑌾

𑌮𑌲𑍍𑌲𑌦𑍍𑌯𑌾𑌸𑍁𑌰𑌮𑍂𑌕𑌦𑍈𑌤𑍍𑌯𑌮𑌥𑌨𑍀 𑌮𑌾𑌹𑍇𑌶𑍍𑌵𑌰𑍀 𑌅𑌮𑍍𑌬𑌿𑌕𑌾

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 5 ॥

𑌅𑌮𑍍𑌬𑌾 𑌸𑍃𑌷𑍍𑌟𑌵𑌿𑌨𑌾𑌶𑌪𑌾𑌲𑌨𑌕𑌰𑍀 𑌆𑌰𑍍𑌯𑌾 𑌵𑌿𑌸𑌂𑌶𑍋𑌭𑌿𑌤𑌾

𑌗𑌾𑌯𑌤𑍍𑌰𑍀 𑌪𑍍𑌰𑌣𑌵𑌾𑌕𑍍𑌷𑌰𑌾𑌮𑍃𑌤𑌰𑌸𑌃 𑌪𑍂𑌰𑍍𑌣𑌾𑌨𑍁𑌸𑌨𑍍𑌧𑍀𑌕𑍃𑌤𑌾

𑌓𑌙𑍍𑌕𑌾𑌰𑍀 𑌵𑌿𑌨𑍁𑌤𑌾𑌸𑍁𑌤𑌾𑌰𑍍𑌚𑌿𑌤𑌪𑌦𑌾 𑌉𑌦𑍍𑌦𑌣𑍍𑌡𑌦𑍈𑌤𑍍𑌯𑌾𑌪𑌹𑌾

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 6 ॥

𑌅𑌮𑍍𑌬𑌾 𑌶𑌾𑌶𑍍𑌵𑌤 𑌆𑌗𑌮𑌾𑌦𑌿𑌵𑌿𑌨𑍁𑌤𑌾 𑌆𑌰𑍍𑌯𑌾 𑌮𑌹𑌾𑌦𑍇𑌵𑌤𑌾

𑌯𑌾 𑌬𑍍𑌰𑌹𑍍𑌮𑌾𑌦𑌿𑌪𑌿𑌪𑍀𑌲𑌿𑌕𑌾𑌨𑍍𑌤𑌜𑌨𑌨𑍀 𑌯𑌾 𑌵𑍈 𑌜𑌗𑌨𑍍𑌮𑍋𑌹𑌿𑌨𑍀

𑌯𑌾 𑌪𑌞𑍍𑌚𑌪𑍍𑌰𑌣𑌵𑌾𑌦𑌿𑌰𑍇𑌫𑌜𑌨𑌨𑍀 𑌯𑌾 𑌚𑌿𑌤𑍍𑌕𑌲𑌾𑌮𑌾𑌲𑌿𑌨𑍀

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 7 ॥

𑌅𑌮𑍍𑌬𑌾𑌪𑌾𑌲𑌿𑌤 𑌭𑌕𑍍𑌤𑌰𑌾𑌜𑌦𑌨𑌿𑌶𑌂 𑌅𑌮𑍍𑌬𑌾𑌷𑍍𑌟𑌕𑌂 𑌯𑌃 𑌪𑌠𑍇𑌤𑍍

𑌅𑌮𑍍𑌬𑌾𑌲𑍋𑌕𑌕𑌟𑌾𑌕𑍍𑌷𑌵𑍀𑌕𑍍𑌷 𑌲𑌲𑌿𑌤𑌂 𑌚𑍈𑌶𑍍𑌵𑌰𑍍𑌯𑌮𑌵𑍍𑌯𑌾𑌹𑌤𑌮𑍍

𑌅𑌮𑍍𑌬𑌾 𑌪𑌾𑌵𑌨𑌮𑌨𑍍𑌤𑍍𑌰𑌰𑌾𑌜𑌪𑌠𑌨𑌾𑌦𑌨𑍍𑌤𑍇 𑌚 𑌮𑍋𑌕𑍍𑌷𑌪𑍍𑌰𑌦𑌾

𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 8 ॥

Roman (IAST) Transliteration

ambā śāmbhavi candramaulirabalā'parṇā umā pārvatī

kālī haimavatī śivā trinayanī kātyāyanī bhairavī

sāvitrī navayauvanā śubhakarī sāmrājyalakṣmīpradā

cidrūpī paradevatā bhagavatī śrīrājarājeśvarī || 1 ||

ambā mohini devatā tribhuvanī ānandasandāyinī

vāṇī pallavapāṇi veṇumuralīgānapriyā lolinī

kalyāṇī uḍurājabimbavadanā dhūmrākṣasaṃhāriṇī

cidrūpī paradevatā bhagavatī śrīrājarājeśvarī || 2 ||

ambā nūpuraratnakaṅkaṇadharī keyūrahārāvalī

jātīcampakavaijayantilaharī graiveyakairājitā

vīṇāveṇuvinodamaṇḍitakarā vīrāsanesaṃsthitā

cidrūpī paradevatā bhagavatī śrīrājarājeśvarī || 3 ||

ambā raudriṇi bhadrakālī bagalā jvālāmukhī vaiṣṇavī

brahmāṇī tripurāntakī suranutā dedīpyamānojjvalā

cāmuṇḍā śritarakṣapoṣajananī dākṣāyaṇī pallavī

cidrūpī paradevatā bhagavatī śrīrājarājeśvarī || 4 ||

ambā śūla dhanuḥ kuśāṅkuśadharī ardhendubimbādharī

vārāhī madhukaiṭabhapraśamanī vāṇīramāsevitā

malladyāsuramūkadaityamathanī māheśvarī ambikā

cidrūpī paradevatā bhagavatī śrīrājarājeśvarī || 5 ||

ambā sṛṣṭavināśapālanakarī āryā visaṃśobhitā

gāyatrī praṇavākṣarāmṛtarasaḥ pūrṇānusandhīkṛtā

oṅkārī vinutāsutārcitapadā uddaṇḍadaityāpahā

cidrūpī paradevatā bhagavatī śrīrājarājeśvarī || 6 ||

ambā śāśvata āgamādivinutā āryā mahādevatā

yā brahmādipipīlikāntajananī yā vai jaganmohinī

yā pañcapraṇavādirephajananī yā citkalāmālinī

cidrūpī paradevatā bhagavatī śrīrājarājeśvarī || 7 ||

ambāpālita bhaktarājadaniśaṃ ambāṣṭakaṃ yaḥ paṭhet

ambālokakaṭākṣavīkṣa lalitaṃ caiśvaryamavyāhatam

ambā pāvanamantrarājapaṭhanādante ca mokṣapradā

cidrūpī paradevatā bhagavatī śrīrājarājeśvarī || 8 ||

Sanskrit — Devanagari (original)

अम्बा शाम्भवि चन्द्रमौलिरबलाऽपर्णा उमा पार्वती

काली हैमवती शिवा त्रिनयनी कात्यायनी भैरवी

सावित्री नवयौवना शुभकरी साम्राज्यलक्ष्मीप्रदा

चिद्रूपी परदेवता भगवती श्रीराजराजेश्वरी ॥ 1 ॥

अम्बा मोहिनि देवता त्रिभुवनी आनन्दसन्दायिनी

वाणी पल्लवपाणि वेणुमुरलीगानप्रिया लोलिनी

कल्याणी उडुराजबिम्बवदना धूम्राक्षसंहारिणी

चिद्रूपी परदेवता भगवती श्रीराजराजेश्वरी ॥ 2 ॥

अम्बा नूपुररत्नकङ्कणधरी केयूरहारावली

जातीचम्पकवैजयन्तिलहरी ग्रैवेयकैराजिता

वीणावेणुविनोदमण्डितकरा वीरासनेसंस्थिता

चिद्रूपी परदेवता भगवती श्रीराजराजेश्वरी ॥ 3 ॥

अम्बा रौद्रिणि भद्रकाली बगला ज्वालामुखी वैष्णवी

ब्रह्माणी त्रिपुरान्तकी सुरनुता देदीप्यमानोज्ज्वला

चामुण्डा श्रितरक्षपोषजननी दाक्षायणी पल्लवी

चिद्रूपी परदेवता भगवती श्रीराजराजेश्वरी ॥ 4 ॥

अम्बा शूल धनुः कुशाङ्कुशधरी अर्धेन्दुबिम्बाधरी

वाराही मधुकैटभप्रशमनी वाणीरमासेविता

मल्लद्यासुरमूकदैत्यमथनी माहेश्वरी अम्बिका

चिद्रूपी परदेवता भगवती श्रीराजराजेश्वरी ॥ 5 ॥

अम्बा सृष्टविनाशपालनकरी आर्या विसंशोभिता

गायत्री प्रणवाक्षरामृतरसः पूर्णानुसन्धीकृता

ओङ्कारी विनुतासुतार्चितपदा उद्दण्डदैत्यापहा

चिद्रूपी परदेवता भगवती श्रीराजराजेश्वरी ॥ 6 ॥

अम्बा शाश्वत आगमादिविनुता आर्या महादेवता

या ब्रह्मादिपिपीलिकान्तजननी या वै जगन्मोहिनी

या पञ्चप्रणवादिरेफजननी या चित्कलामालिनी

चिद्रूपी परदेवता भगवती श्रीराजराजेश्वरी ॥ 7 ॥

अम्बापालित भक्तराजदनिशं अम्बाष्टकं यः पठेत्

अम्बालोककटाक्षवीक्ष ललितं चैश्वर्यमव्याहतम्

अम्बा पावनमन्त्रराजपठनादन्ते च मोक्षप्रदा

चिद्रूपी परदेवता भगवती श्रीराजराजेश्वरी ॥ 8 ॥