𑌪𑌾𑌰𑍍𑌵𑌤𑍍𑌯𑍁𑌵𑌾𑌚 ।
𑌮𑌨𑍍𑌤𑍍𑌰𑌾𑌣𑌾𑌂 𑌪𑌰𑌮𑌂 𑌮𑌨𑍍𑌤𑍍𑌰𑌂 𑌗𑍁𑌹𑍍𑌯𑌾𑌨𑌾𑌂 𑌗𑍁𑌹𑍍𑌯𑌮𑍇𑌵 𑌚 ।
𑌬𑍍𑌰𑍂𑌹𑌿 𑌮𑍇 𑌨𑌾𑌰𑌸𑌿𑌂𑌹𑌸𑍍𑌯 𑌤𑌤𑍍𑌤𑍍𑌵𑌂 𑌮𑌨𑍍𑌤𑍍𑌰𑌸𑍍𑌯 𑌦𑍁𑌰𑍍𑌲𑌭𑌮𑍍 ॥
𑌶𑌙𑍍𑌕𑌰 𑌉𑌵𑌾𑌚 ।
𑌵𑍃𑌤𑍍𑌤𑍋𑌤𑍍𑌫𑍁𑌲𑍍𑌲𑌵𑌿𑌶𑌾𑌲𑌾𑌕𑍍𑌷𑌂 𑌵𑌿𑌪𑌕𑍍𑌷𑌕𑍍𑌷𑌯𑌦𑍀𑌕𑍍𑌷𑌿𑌤𑌮𑍍 ।
𑌨𑌿𑌨𑌾𑌦𑌤𑍍𑌰𑌸𑍍𑌤𑌵𑌿𑌶𑍍𑌵𑌾𑌣𑍍𑌡𑌂 𑌵𑌿𑌷𑍍𑌣𑍁𑌮𑍁𑌗𑍍𑌰𑌂 𑌨𑌮𑌾𑌮𑍍𑌯𑌹𑌮𑍍 ॥ 1 ॥
𑌸𑌰𑍍𑌵𑍈𑌰𑌵𑌧𑍍𑌯𑌤𑌾𑌂 𑌪𑍍𑌰𑌾𑌪𑍍𑌤𑌂 𑌸𑌬𑌲𑍗𑌘𑌂 𑌦𑌿𑌤𑍇𑌃 𑌸𑍁𑌤𑌮𑍍 ।
𑌨𑌖𑌾𑌗𑍍𑌰𑍈𑌃 𑌶𑌕𑌲𑍀𑌚𑌕𑍍𑌰𑍇 𑌯𑌸𑍍𑌤𑌂 𑌵𑍀𑌰𑌂 𑌨𑌮𑌾𑌮𑍍𑌯𑌹𑌮𑍍 ॥ 2 ॥
𑌪𑌦𑌾𑌵𑌷𑍍𑌟𑌬𑍍𑌧𑌪𑌾𑌤𑌾𑌲𑌂 𑌮𑍂𑌰𑍍𑌧𑌾𑌽𑌽𑌵𑌿𑌷𑍍𑌟𑌤𑍍𑌰𑌿𑌵𑌿𑌷𑍍𑌟𑌪𑌮𑍍 ।
𑌭𑍁𑌜𑌪𑍍𑌰𑌵𑌿𑌷𑍍𑌟𑌾𑌷𑍍𑌟𑌦𑌿𑌶𑌂 𑌮𑌹𑌾𑌵𑌿𑌷𑍍𑌣𑍁𑌂 𑌨𑌮𑌾𑌮𑍍𑌯𑌹𑌮𑍍 ॥ 3 ॥
𑌜𑍍𑌯𑍋𑌤𑍀𑌂𑌷𑍍𑌯𑌰𑍍𑌕𑍇𑌨𑍍𑌦𑍁𑌨𑌕𑍍𑌷𑌤𑍍𑌰𑌜𑍍𑌵𑌲𑌨𑌾𑌦𑍀𑌨𑍍𑌯𑌨𑍁𑌕𑍍𑌰𑌮𑌾𑌤𑍍 ।
𑌜𑍍𑌵𑌲𑌨𑍍𑌤𑌿 𑌤𑍇𑌜𑌸𑌾 𑌯𑌸𑍍𑌯 𑌤𑌂 𑌜𑍍𑌵𑌲𑌨𑍍𑌤𑌂 𑌨𑌮𑌾𑌮𑍍𑌯𑌹𑌮𑍍 ॥ 4 ॥
𑌸𑌰𑍍𑌵𑍇𑌨𑍍𑌦𑍍𑌰𑌿𑌯𑍈𑌰𑌪𑌿 𑌵𑌿𑌨𑌾 𑌸𑌰𑍍𑌵𑌂 𑌸𑌰𑍍𑌵𑌤𑍍𑌰 𑌸𑌰𑍍𑌵𑌦𑌾 ।
𑌯𑍋 𑌜𑌾𑌨𑌾𑌤𑌿 𑌨𑌮𑌾𑌮𑍍𑌯𑌾𑌦𑍍𑌯𑌂 𑌤𑌮𑌹𑌂 𑌸𑌰𑍍𑌵𑌤𑍋𑌮𑍁𑌖𑌮𑍍 ॥ 5 ॥
𑌨𑌰𑌵𑌤𑍍 𑌸𑌿𑌂𑌹𑌵𑌚𑍍𑌚𑍈𑌵 𑌯𑌸𑍍𑌯 𑌰𑍂𑌪𑌂 𑌮𑌹𑌾𑌤𑍍𑌮𑌨𑌃 ।
𑌮𑌹𑌾𑌸𑌟𑌂 𑌮𑌹𑌾𑌦𑌂𑌷𑍍𑌟𑍍𑌰𑌂 𑌤𑌂 𑌨𑍃𑌸𑌿𑌂𑌹𑌂 𑌨𑌮𑌾𑌮𑍍𑌯𑌹𑌮𑍍 ॥ 6 ॥
𑌯𑌨𑍍𑌨𑌾𑌮𑌸𑍍𑌮𑌰𑌣𑌾𑌦𑍍𑌭𑍀𑌤𑌾𑌃 𑌭𑍂𑌤𑌵𑍇𑌤𑌾𑌲𑌰𑌾𑌕𑍍𑌷𑌸𑌾𑌃 ।
𑌰𑍋𑌗𑌾𑌦𑍍𑌯𑌾𑌶𑍍𑌚 𑌪𑍍𑌰𑌣𑌶𑍍𑌯𑌨𑍍𑌤𑌿 𑌭𑍀𑌷𑌣𑌂 𑌤𑌂 𑌨𑌮𑌾𑌮𑍍𑌯𑌹𑌮𑍍 ॥ 7 ॥
𑌸𑌰𑍍𑌵𑍇𑌽𑌪𑌿 𑌯𑌂 𑌸𑌮𑌾𑌶𑍍𑌰𑌿𑌤𑍍𑌯 𑌸𑌕𑌲𑌂 𑌭𑌦𑍍𑌰𑌮𑌶𑍍𑌨𑍁𑌤𑍇 ।
𑌶𑍍𑌰𑌿𑌯𑌾 𑌚 𑌭𑌦𑍍𑌰𑌯𑌾 𑌜𑍁𑌷𑍍𑌟𑍋 𑌯𑌸𑍍𑌤𑌂 𑌭𑌦𑍍𑌰𑌂 𑌨𑌮𑌾𑌮𑍍𑌯𑌹𑌮𑍍 ॥ 8 ॥
𑌸𑌾𑌕𑍍𑌷𑌾𑌤𑍍 𑌸𑍍𑌵𑌕𑌾𑌲𑍇 𑌸𑌮𑍍𑌪𑍍𑌰𑌾𑌪𑍍𑌤𑌂 𑌮𑍃𑌤𑍍𑌯𑍁𑌂 𑌶𑌤𑍍𑌰𑍁𑌗𑌣𑌾𑌨𑍍𑌵𑌿𑌤𑌮𑍍 ।
𑌭𑌕𑍍𑌤𑌾𑌨𑌾𑌂 𑌨𑌾𑌶𑌯𑍇𑌦𑍍𑌯𑌸𑍍𑌤𑍁 𑌮𑍃𑌤𑍍𑌯𑍁𑌮𑍃𑌤𑍍𑌯𑍁𑌂 𑌨𑌮𑌾𑌮𑍍𑌯𑌹𑌮𑍍 ॥ 9 ॥
𑌨𑌮𑌸𑍍𑌕𑌾𑌰𑌾𑌤𑍍𑌮𑌕𑌂 𑌯𑌸𑍍𑌮𑍈 𑌵𑌿𑌧𑌾𑌯𑌾𑌤𑍍𑌮𑌨𑌿𑌵𑍇𑌦𑌨𑌮𑍍 ।
𑌤𑍍𑌯𑌕𑍍𑌤𑌦𑍁𑌃𑌖𑍋𑌽𑌖𑌿𑌲𑌾𑌨𑍍 𑌕𑌾𑌮𑌾𑌨𑌶𑍍𑌨𑌨𑍍𑌤𑌂 𑌤𑌂 𑌨𑌮𑌾𑌮𑍍𑌯𑌹𑌮𑍍 ॥ 10 ॥
𑌦𑌾𑌸𑌭𑍂𑌤𑌾𑌃 𑌸𑍍𑌵𑌤𑌃 𑌸𑌰𑍍𑌵𑍇 𑌹𑍍𑌯𑌾𑌤𑍍𑌮𑌾𑌨𑌃 𑌪𑌰𑌮𑌾𑌤𑍍𑌮𑌨𑌃 ।
𑌅𑌤𑍋𑌽𑌹𑌮𑌪𑌿 𑌤𑍇 𑌦𑌾𑌸𑌃 𑌇𑌤𑌿 𑌮𑌤𑍍𑌵𑌾 𑌨𑌮𑌾𑌮𑍍𑌯𑌹𑌮𑍍 ॥ 11 ॥
𑌶𑌙𑍍𑌕𑌰𑍇𑌣𑌾𑌦𑌰𑌾𑌤𑍍 𑌪𑍍𑌰𑍋𑌕𑍍𑌤𑌂 𑌪𑌦𑌾𑌨𑌾𑌂 𑌤𑌤𑍍𑌤𑍍𑌵𑌮𑍁𑌤𑍍𑌤𑌮𑌮𑍍 ।
𑌤𑍍𑌰𑌿𑌸𑌨𑍍𑌧𑍍𑌯𑌂 𑌯𑌃 𑌪𑌠𑍇𑌤𑍍𑌤𑌸𑍍𑌯 𑌶𑍍𑌰𑍀𑌵𑌿𑌦𑍍𑌯𑌾𑌽𑌽𑌯𑍁𑌶𑍍𑌚 𑌵𑌰𑍍𑌧𑌤𑍇 ॥ 12 ॥
𑌇𑌤𑌿 𑌶𑍍𑌰𑍀𑌶𑌙𑍍𑌕𑌰𑌕𑍃𑌤 𑌶𑍍𑌰𑍀 𑌨𑍃𑌸𑌿𑌂𑌹 𑌮𑌨𑍍𑌤𑍍𑌰𑌰𑌾𑌜𑌪𑌦 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
pārvatyuvāca |
mantrāṇāṃ paramaṃ mantraṃ guhyānāṃ guhyameva ca |
brūhi me nārasiṃhasya tattvaṃ mantrasya durlabham ||
śaṅkara uvāca |
vṛttotphullaviśālākṣaṃ vipakṣakṣayadīkṣitam |
ninādatrastaviśvāṇḍaṃ viṣṇumugraṃ namāmyaham || 1 ||
sarvairavadhyatāṃ prāptaṃ sabalaughaṃ diteḥ sutam |
nakhāgraiḥ śakalīcakre yastaṃ vīraṃ namāmyaham || 2 ||
padāvaṣṭabdhapātālaṃ mūrdhā''viṣṭatriviṣṭapam |
bhujapraviṣṭāṣṭadiśaṃ mahāviṣṇuṃ namāmyaham || 3 ||
jyotīṃṣyarkendunakṣatrajvalanādīnyanukramāt |
jvalanti tejasā yasya taṃ jvalantaṃ namāmyaham || 4 ||
sarvendriyairapi vinā sarvaṃ sarvatra sarvadā |
yo jānāti namāmyādyaṃ tamahaṃ sarvatomukham || 5 ||
naravat siṃhavaccaiva yasya rūpaṃ mahātmanaḥ |
mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||
yannāmasmaraṇādbhītāḥ bhūtavetālarākṣasāḥ |
rogādyāśca praṇaśyanti bhīṣaṇaṃ taṃ namāmyaham || 7 ||
sarve'pi yaṃ samāśritya sakalaṃ bhadramaśnute |
śriyā ca bhadrayā juṣṭo yastaṃ bhadraṃ namāmyaham || 8 ||
sākṣāt svakāle samprāptaṃ mṛtyuṃ śatrugaṇānvitam |
bhaktānāṃ nāśayedyastu mṛtyumṛtyuṃ namāmyaham || 9 ||
namaskārātmakaṃ yasmai vidhāyātmanivedanam |
tyaktaduḥkho'khilān kāmānaśnantaṃ taṃ namāmyaham || 10 ||
dāsabhūtāḥ svataḥ sarve hyātmānaḥ paramātmanaḥ |
ato'hamapi te dāsaḥ iti matvā namāmyaham || 11 ||
śaṅkareṇādarāt proktaṃ padānāṃ tattvamuttamam |
trisandhyaṃ yaḥ paṭhettasya śrīvidyā''yuśca vardhate || 12 ||
iti śrīśaṅkarakṛta śrī nṛsiṃha mantrarājapada stotram |
Sanskrit — Devanagari (original)
पार्वत्युवाच ।
मन्त्राणां परमं मन्त्रं गुह्यानां गुह्यमेव च ।
ब्रूहि मे नारसिंहस्य तत्त्वं मन्त्रस्य दुर्लभम् ॥
शङ्कर उवाच ।
वृत्तोत्फुल्लविशालाक्षं विपक्षक्षयदीक्षितम् ।
निनादत्रस्तविश्वाण्डं विष्णुमुग्रं नमाम्यहम् ॥ 1 ॥
सर्वैरवध्यतां प्राप्तं सबलौघं दितेः सुतम् ।
नखाग्रैः शकलीचक्रे यस्तं वीरं नमाम्यहम् ॥ 2 ॥
पदावष्टब्धपातालं मूर्धाऽऽविष्टत्रिविष्टपम् ।
भुजप्रविष्टाष्टदिशं महाविष्णुं नमाम्यहम् ॥ 3 ॥
ज्योतींष्यर्केन्दुनक्षत्रज्वलनादीन्यनुक्रमात् ।
ज्वलन्ति तेजसा यस्य तं ज्वलन्तं नमाम्यहम् ॥ 4 ॥
सर्वेन्द्रियैरपि विना सर्वं सर्वत्र सर्वदा ।
यो जानाति नमाम्याद्यं तमहं सर्वतोमुखम् ॥ 5 ॥
नरवत् सिंहवच्चैव यस्य रूपं महात्मनः ।
महासटं महादंष्ट्रं तं नृसिंहं नमाम्यहम् ॥ 6 ॥
यन्नामस्मरणाद्भीताः भूतवेतालराक्षसाः ।
रोगाद्याश्च प्रणश्यन्ति भीषणं तं नमाम्यहम् ॥ 7 ॥
सर्वेऽपि यं समाश्रित्य सकलं भद्रमश्नुते ।
श्रिया च भद्रया जुष्टो यस्तं भद्रं नमाम्यहम् ॥ 8 ॥
साक्षात् स्वकाले सम्प्राप्तं मृत्युं शत्रुगणान्वितम् ।
भक्तानां नाशयेद्यस्तु मृत्युमृत्युं नमाम्यहम् ॥ 9 ॥
नमस्कारात्मकं यस्मै विधायात्मनिवेदनम् ।
त्यक्तदुःखोऽखिलान् कामानश्नन्तं तं नमाम्यहम् ॥ 10 ॥
दासभूताः स्वतः सर्वे ह्यात्मानः परमात्मनः ।
अतोऽहमपि ते दासः इति मत्वा नमाम्यहम् ॥ 11 ॥
शङ्करेणादरात् प्रोक्तं पदानां तत्त्वमुत्तमम् ।
त्रिसन्ध्यं यः पठेत्तस्य श्रीविद्याऽऽयुश्च वर्धते ॥ 12 ॥
इति श्रीशङ्करकृत श्री नृसिंह मन्त्रराजपद स्तोत्रम् ।
pārvatyuvāca |
mantrāṇāṃ paramaṃ mantraṃ guhyānāṃ guhyameva ca |
brūhi me nārasiṃhasya tattvaṃ mantrasya durlabham ||
śaṅkara uvāca |
vṛttotphullaviśālākṣaṃ vipakṣakṣayadīkṣitam |
ninādatrastaviśvāṇḍaṃ viṣṇumugraṃ namāmyaham || 1 ||
sarvairavadhyatāṃ prāptaṃ sabalaughaṃ diteḥ sutam |
nakhāgraiḥ śakalīcakre yastaṃ vīraṃ namāmyaham || 2 ||
padāvaṣṭabdhapātālaṃ mūrdhā''viṣṭatriviṣṭapam |
bhujapraviṣṭāṣṭadiśaṃ mahāviṣṇuṃ namāmyaham || 3 ||
jyotīṃṣyarkendunakṣatrajvalanādīnyanukramāt |
jvalanti tejasā yasya taṃ jvalantaṃ namāmyaham || 4 ||
sarvendriyairapi vinā sarvaṃ sarvatra sarvadā |
yo jānāti namāmyādyaṃ tamahaṃ sarvatomukham || 5 ||
naravat siṃhavaccaiva yasya rūpaṃ mahātmanaḥ |
mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||
yannāmasmaraṇādbhītāḥ bhūtavetālarākṣasāḥ |
rogādyāśca praṇaśyanti bhīṣaṇaṃ taṃ namāmyaham || 7 ||
sarve'pi yaṃ samāśritya sakalaṃ bhadramaśnute |
śriyā ca bhadrayā juṣṭo yastaṃ bhadraṃ namāmyaham || 8 ||
sākṣāt svakāle samprāptaṃ mṛtyuṃ śatrugaṇānvitam |
bhaktānāṃ nāśayedyastu mṛtyumṛtyuṃ namāmyaham || 9 ||
namaskārātmakaṃ yasmai vidhāyātmanivedanam |
tyaktaduḥkho'khilān kāmānaśnantaṃ taṃ namāmyaham || 10 ||
dāsabhūtāḥ svataḥ sarve hyātmānaḥ paramātmanaḥ |
ato'hamapi te dāsaḥ iti matvā namāmyaham || 11 ||
śaṅkareṇādarāt proktaṃ padānāṃ tattvamuttamam |
trisandhyaṃ yaḥ paṭhettasya śrīvidyā''yuśca vardhate || 12 ||
iti śrīśaṅkarakṛta śrī nṛsiṃha mantrarājapada stotram |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.