𑌜𑍍𑌞𑌾𑌨𑌾𑌨𑌨𑍍𑌦𑌮𑌯𑌂 𑌦𑍇𑌵𑌂 𑌨𑌿𑌰𑍍𑌮𑌲𑌸𑍍𑌫𑌟𑌿𑌕𑌾𑌕𑍃𑌤𑌿𑌂
𑌆𑌧𑌾𑌰𑌂 𑌸𑌰𑍍𑌵𑌵𑌿𑌦𑍍𑌯𑌾𑌨𑌾𑌂 𑌹𑌯𑌗𑍍𑌰𑍀𑌵𑌮𑍁𑌪𑌾𑌸𑍍𑌮𑌹𑍇 ॥1॥
𑌸𑍍𑌵𑌤𑌸𑍍𑌸𑌿𑌦𑍍𑌧𑌂 𑌶𑍁𑌦𑍍𑌧𑌸𑍍𑌫𑌟𑌿𑌕𑌮𑌣𑌿𑌭𑍂 𑌭𑍃𑌤𑍍𑌪𑍍𑌰𑌤𑌿𑌭𑌟𑌂
𑌸𑍁𑌧𑌾𑌸𑌧𑍍𑌰𑍀𑌚𑍀𑌭𑌿𑌰𑍍𑌦𑍍𑌯𑍁𑌤𑌿𑌭𑌿𑌰𑌵𑌦𑌾𑌤𑌤𑍍𑌰𑌿𑌭𑍁𑌵𑌨𑌂
𑌅𑌨𑌨𑍍𑌤𑍈𑌸𑍍𑌤𑍍𑌰𑌯𑍍𑌯𑌨𑍍𑌤𑍈𑌰𑌨𑍁𑌵𑌿𑌹𑌿𑌤 𑌹𑍇𑌷𑌾𑌹𑌲𑌹𑌲𑌂
𑌹𑌤𑌾𑌶𑍇𑌷𑌾𑌵𑌦𑍍𑌯𑌂 𑌹𑌯𑌵𑌦𑌨𑌮𑍀𑌡𑍇𑌮𑌹𑌿𑌮𑌹𑌃 ॥2॥
𑌸𑌮𑌾𑌹𑌾𑌰𑌸𑍍𑌸𑌾𑌮𑍍𑌨𑌾𑌂 𑌪𑍍𑌰𑌤𑌿𑌪𑌦𑌮𑍃𑌚𑌾𑌂 𑌧𑌾𑌮 𑌯𑌜𑍁𑌷𑌾𑌂
𑌲𑌯𑌃 𑌪𑍍𑌰𑌤𑍍𑌯𑍂𑌹𑌾𑌨𑌾𑌂 𑌲𑌹𑌰𑌿𑌵𑌿𑌤𑌤𑌿𑌰𑍍𑌬𑍋𑌧𑌜𑌲𑌧𑍇𑌃
𑌕𑌥𑌾𑌦𑌰𑍍𑌪𑌕𑍍𑌷𑍁𑌭𑍍𑌯𑌤𑍍𑌕𑌥𑌕𑌕𑍁𑌲𑌕𑍋𑌲𑌾𑌹𑌲𑌭𑌵𑌂
𑌹𑌰𑌤𑍍𑌵𑌨𑍍𑌤𑌰𑍍𑌧𑍍𑌵𑌾𑌨𑍍𑌤𑌂 𑌹𑌯𑌵𑌦𑌨𑌹𑍇𑌷𑌾𑌹𑌲𑌹𑌲𑌃 ॥3॥
𑌪𑍍𑌰𑌾𑌚𑍀 𑌸𑌨𑍍𑌧𑍍𑌯𑌾 𑌕𑌾𑌚𑌿𑌦𑌨𑍍𑌤𑌰𑍍𑌨𑌿𑌶𑌾𑌯𑌾𑌃
𑌪𑍍𑌰𑌜𑍍𑌞𑌾𑌦𑍃𑌷𑍍𑌟𑍇 𑌰𑌞𑍍𑌜𑌨𑌶𑍍𑌰𑍀𑌰𑌪𑍂𑌰𑍍𑌵𑌾
𑌵𑌕𑍍𑌤𑍍𑌰𑍀 𑌵𑍇𑌦𑌾𑌨𑍍 𑌭𑌾𑌤𑍁 𑌮𑍇 𑌵𑌾𑌜𑌿𑌵𑌕𑍍𑌤𑍍𑌰𑌾
𑌵𑌾𑌗𑍀𑌶𑌾𑌖𑍍𑌯𑌾 𑌵𑌾𑌸𑍁𑌦𑍇𑌵𑌸𑍍𑌯 𑌮𑍂𑌰𑍍𑌤𑌿𑌃 ॥4॥
𑌵𑌿𑌶𑍁𑌦𑍍𑌧𑌵𑌿𑌜𑍍𑌞𑌾𑌨𑌘𑌨𑌸𑍍𑌵𑌰𑍂𑌪𑌂
𑌵𑌿𑌜𑍍𑌞𑌾𑌨𑌵𑌿𑌶𑍍𑌰𑌾𑌣𑌨𑌬𑌦𑍍𑌧𑌦𑍀𑌕𑍍𑌷𑌂
𑌦𑌯𑌾𑌨𑌿𑌧𑌿𑌂 𑌦𑍇𑌹𑌭𑍃𑌤𑌾𑌂 𑌶𑌰𑌣𑍍𑌯𑌂
𑌦𑍇𑌵𑌂 𑌹𑌯𑌗𑍍𑌰𑍀𑌵𑌮𑌹𑌂 𑌪𑍍𑌰𑌪𑌦𑍍𑌯𑍇 ॥5॥
𑌅𑌪𑍗𑌰𑍁𑌷𑍇𑌯𑍈𑌰𑌪𑌿 𑌵𑌾𑌕𑍍𑌪𑍍𑌰𑌪𑌞𑍍𑌚𑍈𑌃
𑌅𑌦𑍍𑌯𑌾𑌪𑌿 𑌤𑍇 𑌭𑍂𑌤𑌿𑌮𑌦𑍃𑌷𑍍𑌟𑌪𑌾𑌰𑌾𑌂
𑌸𑍍𑌤𑍁𑌵𑌨𑍍𑌨𑌹𑌂 𑌮𑍁𑌗𑍍𑌧 𑌇𑌤𑌿 𑌤𑍍𑌵𑌯𑍈𑌵
𑌕𑌾𑌰𑍁𑌣𑍍𑌯𑌤𑍋 𑌨𑌾𑌥 𑌕𑌟𑌾𑌕𑍍𑌷𑌣𑍀𑌯𑌃 ॥6॥
𑌦𑌾𑌕𑍍𑌷𑌿𑌣𑍍𑌯𑌰𑌮𑍍𑌯𑌾 𑌗𑌿𑌰𑌿𑌶𑌸𑍍𑌯 𑌮𑍂𑌰𑍍𑌤𑌿𑌃-
𑌦𑍇𑌵𑍀 𑌸𑌰𑍋𑌜𑌾𑌸𑌨𑌧𑌰𑍍𑌮𑌪𑌤𑍍𑌨𑍀
𑌵𑍍𑌯𑌾𑌸𑌾𑌦𑌯𑍋𑌽𑌪𑌿 𑌵𑍍𑌯𑌪𑌦𑍇𑌶𑍍𑌯𑌵𑌾𑌚𑌃
𑌸𑍍𑌫𑍁𑌰𑌨𑍍𑌤𑌿 𑌸𑌰𑍍𑌵𑍇 𑌤𑌵 𑌶𑌕𑍍𑌤𑌿𑌲𑍇𑌶𑍈𑌃 ॥7॥
𑌮𑌨𑍍𑌦𑍋𑌽𑌭𑌵𑌿𑌷𑍍𑌯𑌨𑍍𑌨𑌿𑌯𑌤𑌂 𑌵𑌿𑌰𑌿𑌞𑍍𑌚𑌃
𑌵𑌾𑌚𑌾𑌂 𑌨𑌿𑌧𑍇𑌰𑍍𑌵𑌾𑌞𑍍𑌛𑌿𑌤𑌭𑌾𑌗𑌧𑍇𑌯𑌃
𑌦𑍈𑌤𑍍𑌯𑌾𑌪𑌨𑍀𑌤𑌾𑌨𑍍 𑌦𑌯𑌯𑍈𑌨 𑌭𑍂𑌯𑍋𑌽𑌪𑌿
𑌅𑌧𑍍𑌯𑌾𑌪𑌯𑌿𑌷𑍍𑌯𑍋 𑌨𑌿𑌗𑌮𑌾𑌨𑍍𑌨𑌚𑍇𑌤𑍍𑌤𑍍𑌵𑌮𑍍 ॥8॥
𑌵𑌿𑌤𑌰𑍍𑌕𑌡𑍋𑌲𑌾𑌂 𑌵𑍍𑌯𑌵𑌧𑍂𑌯 𑌸𑌤𑍍𑌤𑍍𑌵𑍇
𑌬𑍃𑌹𑌸𑍍𑌪𑌤𑌿𑌂 𑌵𑌰𑍍𑌤𑌯𑌸𑍇 𑌯𑌤𑌸𑍍𑌤𑍍𑌵𑌂
𑌤𑍇𑌨𑍈𑌵 𑌦𑍇𑌵 𑌤𑍍𑌰𑌿𑌦𑍇𑌶𑍇𑌶𑍍𑌵𑌰𑌾𑌣𑌾
𑌅𑌸𑍍𑌪𑍃𑌷𑍍𑌟𑌡𑍋𑌲𑌾𑌯𑌿𑌤𑌮𑌾𑌧𑌿𑌰𑌾𑌜𑍍𑌯𑌮𑍍 ॥9॥
𑌅𑌗𑍍𑌨𑍗 𑌸𑌮𑌿𑌦𑍍𑌧𑌾𑌰𑍍𑌚𑌿𑌷𑌿 𑌸𑌪𑍍𑌤𑌤𑌨𑍍𑌤𑍋𑌃
𑌆𑌤𑌸𑍍𑌥𑌿𑌵𑌾𑌨𑍍𑌮𑌨𑍍𑌤𑍍𑌰𑌮𑌯𑌂 𑌶𑌰𑍀𑌰𑌂
𑌅𑌖𑌣𑍍𑌡𑌸𑌾𑌰𑍈𑌰𑍍𑌹𑌵𑌿𑌷𑌾𑌂 𑌪𑍍𑌰𑌦𑌾𑌨𑍈𑌃
𑌆𑌪𑍍𑌯𑌾𑌯𑌨𑌂 𑌵𑍍𑌯𑍋𑌮𑌸𑌦𑌾𑌂 𑌵𑌿𑌧𑌤𑍍𑌸𑍇 ॥10॥
𑌯𑌨𑍍𑌮𑍂𑌲 𑌮𑍀𑌦𑍃𑌕𑍍𑌪𑍍𑌰𑌤𑌿𑌭𑌾𑌤𑌤𑍍𑌤𑍍𑌵𑌂
𑌯𑌾 𑌮𑍂𑌲𑌮𑌾𑌮𑍍𑌨𑌾𑌯𑌮𑌹𑌾𑌦𑍍𑌰𑍁𑌮𑌾𑌣𑌾𑌂
𑌤𑌤𑍍𑌤𑍍𑌵𑍇𑌨 𑌜𑌾𑌨𑌨𑍍𑌤𑌿 𑌵𑌿𑌶𑍁𑌦𑍍𑌧𑌸𑌤𑍍𑌤𑍍𑌵𑌾𑌃
𑌤𑍍𑌵𑌾𑌮𑌕𑍍𑌷𑌰𑌾𑌮𑌕𑍍𑌷𑌰𑌮𑌾𑌤𑍃𑌕𑌾𑌂 𑌤𑍍𑌵𑌾𑌮𑍍 ॥11॥
𑌅𑌵𑍍𑌯𑌾𑌕𑍃𑌤𑌾𑌦𑍍𑌵𑍍𑌯𑌾𑌕𑍃𑌤𑌵𑌾𑌨𑌸𑌿 𑌤𑍍𑌵𑌂
𑌨𑌾𑌮𑌾𑌨𑌿 𑌰𑍂𑌪𑌾𑌣𑌿 𑌚 𑌯𑌾𑌨𑌿 𑌪𑍂𑌰𑍍𑌵𑌂
𑌶𑌂𑌸𑌨𑍍𑌤𑌿 𑌤𑍇𑌷𑌾𑌂 𑌚𑌰𑌮𑌾𑌂 𑌪𑍍𑌰𑌤𑌿𑌷𑍍𑌠𑌾𑌂
𑌵𑌾𑌗𑍀𑌶𑍍𑌵𑌰 𑌤𑍍𑌵𑌾𑌂 𑌤𑍍𑌵𑌦𑍁𑌪𑌜𑍍𑌞𑌵𑌾𑌚𑌃 ॥12॥
𑌮𑍁𑌗𑍍𑌧𑍇𑌨𑍍𑌦𑍁𑌨𑌿𑌷𑍍𑌯𑌨𑍍𑌦𑌵𑌿𑌲𑍋𑌭𑌨𑍀𑌯𑌾𑌂
𑌮𑍂𑌰𑍍𑌤𑌿𑌂 𑌤𑌵𑌾𑌨𑌨𑍍𑌦𑌸𑍁𑌧𑌾𑌪𑍍𑌰𑌸𑍂𑌤𑌿𑌂
𑌵𑌿𑌪𑌶𑍍𑌚𑌿𑌤𑌶𑍍𑌚𑍇𑌤𑌸𑌿 𑌭𑌾𑌵𑌯𑌨𑍍𑌤𑍇
𑌵𑍇𑌲𑌾𑌮𑍁𑌦𑌾𑌰𑌾𑌮𑌿𑌵 𑌦𑍁𑌗𑍍𑌧 𑌸𑌿𑌨𑍍𑌧𑍋𑌃 ॥13॥
𑌮𑌨𑍋𑌗𑌤𑌂 𑌪𑌶𑍍𑌯𑌤𑌿 𑌯𑌸𑍍𑌸𑌦𑌾 𑌤𑍍𑌵𑌾𑌂
𑌮𑌨𑍀𑌷𑌿𑌣𑌾𑌂 𑌮𑌾𑌨𑌸𑌰𑌾𑌜𑌹𑌂𑌸𑌂
𑌸𑍍𑌵𑌯𑌮𑍍𑌪𑍁𑌰𑍋𑌭𑌾𑌵𑌵𑌿𑌵𑌾𑌦𑌭𑌾𑌜𑌃
𑌕𑌿𑌙𑍍𑌕𑍁𑌰𑍍𑌵𑌤𑍇 𑌤𑌸𑍍𑌯 𑌗𑌿𑌰𑍋 𑌯𑌥𑌾𑌰𑍍𑌹𑌮𑍍 ॥14॥
𑌅𑌪𑌿 𑌕𑍍𑌷𑌣𑌾𑌰𑍍𑌧𑌂 𑌕𑌲𑌯𑌨𑍍𑌤𑌿 𑌯𑍇 𑌤𑍍𑌵𑌾𑌂
𑌆𑌪𑍍𑌲𑌾𑌵𑌯𑌨𑍍𑌤𑌂 𑌵𑌿𑌶𑌦𑍈𑌰𑍍𑌮𑌯𑍂𑌖𑍈𑌃
𑌵𑌾𑌚𑌾𑌂 𑌪𑍍𑌰𑌵𑌾𑌹𑍈𑌰𑌨𑌿𑌵𑌾𑌰𑌿𑌤𑍈𑌸𑍍𑌤𑍇
𑌮𑌨𑍍𑌦𑌾𑌕𑌿𑌨𑍀𑌂 𑌮𑌨𑍍𑌦𑌯𑌿𑌤𑍁𑌂 𑌕𑍍𑌷𑌮𑌨𑍍𑌤𑍇 ॥15॥
𑌸𑍍𑌵𑌾𑌮𑌿𑌨𑍍𑌭𑌵𑌦𑍍𑌦𑍍𑌯𑌾𑌨𑌸𑍁𑌧𑌾𑌭𑌿𑌷𑍇𑌕𑌾𑌤𑍍
𑌵𑌹𑌨𑍍𑌤𑌿 𑌧𑌨𑍍𑌯𑌾𑌃 𑌪𑍁𑌲𑌕𑌾𑌨𑍁𑌬𑌨𑍍𑌦𑌂
𑌅𑌲𑌕𑍍𑌷𑌿𑌤𑍇 𑌕𑍍𑌵𑌾𑌪𑌿 𑌨𑌿𑌰𑍂𑌢 𑌮𑍂𑌲𑌂
𑌅𑌙𑍍𑌗𑍍𑌵𑍇𑌷𑍍𑌵𑌿 𑌵𑌾𑌨𑌨𑍍𑌦𑌥𑍁𑌮𑌙𑍍𑌕𑍁𑌰𑌨𑍍𑌤𑌮𑍍 ॥16॥
𑌸𑍍𑌵𑌾𑌮𑌿𑌨𑍍𑌪𑍍𑌰𑌤𑍀𑌚𑌾 𑌹𑍃𑌦𑌯𑍇𑌨 𑌧𑌨𑍍𑌯𑌾𑌃
𑌤𑍍𑌵𑌦𑍍𑌧𑍍𑌯𑌾𑌨𑌚𑌨𑍍𑌦𑍍𑌰𑍋𑌦𑌯𑌵𑌰𑍍𑌧𑌮𑌾𑌨𑌂
𑌅𑌮𑌾𑌨𑍍𑌤𑌮𑌾𑌨𑌨𑍍𑌦𑌪𑌯𑍋𑌧𑌿𑌮𑌨𑍍𑌤𑌃
𑌪𑌯𑍋𑌭𑌿 𑌰𑌕𑍍𑌷𑍍𑌣𑌾𑌂 𑌪𑌰𑌿𑌵𑌾𑌹𑌯𑌨𑍍𑌤𑌿 ॥17॥
𑌸𑍍𑌵𑍈𑌰𑌾𑌨𑍁𑌭𑌾𑌵𑌾𑌸𑍍 𑌤𑍍𑌵𑌦𑌧𑍀𑌨𑌭𑌾𑌵𑌾𑌃
𑌸𑌮𑍃𑌦𑍍𑌧𑌵𑍀𑌰𑍍𑌯𑌾𑌸𑍍𑌤𑍍𑌵𑌦𑌨𑍁𑌗𑍍𑌰𑌹𑍇𑌣
𑌵𑌿𑌪𑌶𑍍𑌚𑌿𑌤𑍋𑌨𑌾𑌥 𑌤𑌰𑌨𑍍𑌤𑌿 𑌮𑌾𑌯𑌾𑌂
𑌵𑍈𑌹𑌾𑌰𑌿𑌕𑍀𑌂 𑌮𑍋𑌹𑌨𑌪𑌿𑌞𑍍𑌛𑌿𑌕𑌾𑌂 𑌤𑍇 ॥18॥
𑌪𑍍𑌰𑌾𑌙𑍍𑌨𑌿𑌰𑍍𑌮𑌿𑌤𑌾𑌨𑌾𑌂 𑌤𑌪𑌸𑌾𑌂 𑌵𑌿𑌪𑌾𑌕𑌾𑌃
𑌪𑍍𑌰𑌤𑍍𑌯𑌗𑍍𑌰𑌨𑌿𑌶𑍍𑌶𑍍𑌰𑍇𑌯𑌸𑌸𑌮𑍍𑌪𑌦𑍋 𑌮𑍇
𑌸𑌮𑍇𑌧𑌿𑌷𑍀𑌰𑌂 𑌸𑍍𑌤𑌵 𑌪𑌾𑌦𑌪𑌦𑍍𑌮𑍇
𑌸𑌙𑍍𑌕𑌲𑍍𑌪𑌚𑌿𑌨𑍍𑌤𑌾𑌮𑌣𑌯𑌃 𑌪𑍍𑌰𑌣𑌾𑌮𑌾𑌃 ॥19॥
𑌵𑌿𑌲𑍁𑌪𑍍𑌤𑌮𑍂𑌰𑍍𑌧𑌨𑍍𑌯𑌲𑌿𑌪𑌿𑌕𑍍𑌰𑌮𑌾𑌣𑌾
𑌸𑍁𑌰𑍇𑌨𑍍𑌦𑍍𑌰𑌚𑍂𑌡𑌾𑌪𑌦𑌲𑌾𑌲𑌿𑌤𑌾𑌨𑌾𑌂
𑌤𑍍𑌵𑌦𑌙𑍍𑌘𑍍𑌰𑌿 𑌰𑌾𑌜𑍀𑌵𑌰𑌜𑌃𑌕𑌣𑌾𑌨𑌾𑌂
𑌭𑍂𑌯𑌾𑌨𑍍𑌪𑍍𑌰𑌸𑌾𑌦𑍋 𑌮𑌯𑌿 𑌨𑌾𑌥 𑌭𑍂𑌯𑌾𑌤𑍍 ॥20॥
𑌪𑌰𑌿𑌸𑍍𑌫𑍁𑌰𑌨𑍍𑌨𑍂𑌪𑍁𑌰𑌚𑌿𑌤𑍍𑌰𑌭𑌾𑌨𑍁 –
𑌪𑍍𑌰𑌕𑌾𑌶𑌨𑌿𑌰𑍍𑌧𑍂𑌤𑌤𑌮𑍋𑌨𑍁𑌷𑌙𑍍𑌗𑌾
𑌪𑌦𑌦𑍍𑌵𑌯𑍀𑌂 𑌤𑍇 𑌪𑌰𑌿𑌚𑌿𑌨𑍍𑌮𑌹𑍇𑌽𑌨𑍍𑌤𑌃
𑌪𑍍𑌰𑌬𑍋𑌧𑌰𑌾𑌜𑍀𑌵𑌵𑌿𑌭𑌾𑌤𑌸𑌨𑍍𑌧𑍍𑌯𑌾𑌮𑍍 ॥21॥
𑌤𑍍𑌵𑌤𑍍𑌕𑌿𑌙𑍍𑌕𑌰𑌾𑌲𑌙𑍍𑌕𑌰𑌣𑍋𑌚𑌿𑌤𑌾𑌨𑌾𑌂
𑌤𑍍𑌵𑌯𑍈𑌵 𑌕𑌲𑍍𑌪𑌾𑌨𑍍𑌤𑌰𑌪𑌾𑌲𑌿𑌤𑌾𑌨𑌾𑌂
𑌮𑌞𑍍𑌜𑍁𑌪𑍍𑌰𑌣𑌾𑌦𑌂 𑌮𑌣𑌿𑌨𑍂𑌪𑍁𑌰𑌂 𑌤𑍇
𑌮𑌞𑍍𑌜𑍂𑌷𑌿𑌕𑌾𑌂 𑌵𑍇𑌦𑌗𑌿𑌰𑌾𑌂 𑌪𑍍𑌰𑌤𑍀𑌮𑌃 ॥22॥
𑌸𑌞𑍍𑌚𑌿𑌨𑍍𑌤𑌯𑌾𑌮𑌿 𑌪𑍍𑌰𑌤𑌿𑌭𑌾𑌦𑌶𑌾𑌸𑍍𑌥𑌾𑌨𑍍
𑌸𑌨𑍍𑌧𑍁𑌕𑍍𑌷𑌯𑌨𑍍𑌤𑌂 𑌸𑌮𑌯𑌪𑍍𑌰𑌦𑍀𑌪𑌾𑌨𑍍
𑌵𑌿𑌜𑍍𑌞𑌾𑌨𑌕𑌲𑍍𑌪𑌦𑍍𑌰𑍁𑌮𑌪𑌲𑍍𑌲𑌵𑌾𑌭𑌂
𑌵𑍍𑌯𑌾𑌖𑍍𑌯𑌾𑌨𑌮𑍁𑌦𑍍𑌰𑌾𑌮𑌧𑍁𑌰𑌂 𑌕𑌰𑌂 𑌤𑍇 ॥23॥
𑌚𑌿𑌤𑍍𑌤𑍇 𑌕𑌰𑍋𑌮𑌿 𑌸𑍍𑌫𑍁𑌰𑌿𑌤𑌾𑌕𑍍𑌷𑌮𑌾𑌲𑌂
𑌸𑌵𑍍𑌯𑍇𑌤𑌰𑌂 𑌨𑌾𑌥 𑌕𑌰𑌂 𑌤𑍍𑌵𑌦𑍀𑌯𑌂
𑌜𑍍𑌞𑌾𑌨𑌾𑌮𑍃𑌤𑍋𑌦𑌞𑍍𑌚𑌨𑌲𑌮𑍍𑌪𑌟𑌾𑌨𑌾𑌂
𑌲𑍀𑌲𑌾𑌘𑌟𑍀𑌯𑌨𑍍𑌤𑍍𑌰𑌮𑌿𑌵𑌾𑌽𑌽𑌶𑍍𑌰𑌿𑌤𑌾𑌨𑌾𑌮𑍍 ॥24॥
𑌪𑍍𑌰𑌬𑍋𑌧𑌸𑌿𑌨𑍍𑌧𑍋𑌰𑌰𑍁𑌣𑍈𑌃 𑌪𑍍𑌰𑌕𑌾𑌶𑍈𑌃
𑌪𑍍𑌰𑌵𑌾𑌲𑌸𑌙𑍍𑌘𑌾𑌤𑌮𑌿𑌵𑍋𑌦𑍍𑌵𑌹𑌨𑍍𑌤𑌂
𑌵𑌿𑌭𑌾𑌵𑌯𑍇 𑌦𑍇𑌵 𑌸 𑌪𑍁𑌸𑍍𑌤𑌕𑌂 𑌤𑍇
𑌵𑌾𑌮𑌂 𑌕𑌰𑌂 𑌦𑌕𑍍𑌷𑌿𑌣𑌮𑌾𑌶𑍍𑌰𑌿𑌤𑌾𑌨𑌾𑌮𑍍 ॥25॥
𑌤𑌮𑌾𑌂 𑌸𑌿𑌭𑌿𑌤𑍍𑌤𑍍𑌵𑌾𑌵𑌿𑌶𑌦𑍈𑌰𑍍𑌮𑌯𑍂𑌖𑍈𑌃
𑌸𑌮𑍍𑌪𑍍𑌰𑍀𑌣𑌯𑌨𑍍𑌤𑌂 𑌵𑌿𑌦𑍁𑌷𑌶𑍍𑌚𑌕𑍋𑌰𑌾𑌨𑍍
𑌨𑌿𑌶𑌾𑌮𑌯𑍇 𑌤𑍍𑌵𑌾𑌂 𑌨𑌵𑌪𑍁𑌣𑍍𑌡𑌰𑍀𑌕𑍇
𑌶𑌰𑌦𑍍𑌘𑌨𑍇𑌚𑌨𑍍𑌦𑍍𑌰𑌮𑌿𑌵 𑌸𑍍𑌫𑍁𑌰𑌨𑍍𑌤𑌮𑍍 ॥26॥
𑌦𑌿𑌶𑌨𑍍𑌤𑍁 𑌮𑍇 𑌦𑍇𑌵 𑌸𑌦𑌾 𑌤𑍍𑌵𑌦𑍀𑌯𑌾𑌃
𑌦𑌯𑌾𑌤𑌰𑌙𑍍𑌗𑌾𑌨𑍁𑌚𑌰𑌾𑌃 𑌕𑌟𑌾𑌕𑍍𑌷𑌾𑌃
𑌶𑍍𑌰𑍋𑌤𑍍𑌰𑍇𑌷𑍁 𑌪𑍁𑌂𑌸𑌾𑌮𑌮𑍃𑌤𑌙𑍍𑌕𑍍𑌷𑌰𑌨𑍍𑌤𑍀𑌂
𑌸𑌰𑌸𑍍𑌵𑌤𑍀𑌂 𑌸𑌂𑌶𑍍𑌰𑌿𑌤𑌕𑌾𑌮𑌧𑍇𑌨𑍁𑌮𑍍 ॥27॥
𑌵𑌿𑌶𑍇𑌷𑌵𑌿𑌤𑍍𑌪𑌾𑌰𑌿𑌷𑌦𑍇𑌷𑍁 𑌨𑌾𑌥
𑌵𑌿𑌦𑌗𑍍𑌧𑌗𑍋𑌷𑍍𑌠𑍀 𑌸𑌮𑌰𑌾𑌙𑍍𑌗𑌣𑍇𑌷𑍁
𑌜𑌿𑌗𑍀𑌷𑌤𑍋 𑌮𑍇 𑌕𑌵𑌿𑌤𑌾𑌰𑍍𑌕𑌿𑌕𑍇𑌨𑍍𑌦𑍍𑌰𑌾𑌨𑍍
𑌜𑌿𑌹𑍍𑌵𑌾𑌗𑍍𑌰𑌸𑌿𑌂𑌹𑌾𑌸𑌨𑌮𑌭𑍍𑌯𑍁𑌪𑍇𑌯𑌾𑌃 ॥28॥
𑌤𑍍𑌵𑌾𑌂 𑌚𑌿𑌨𑍍𑌤𑌯𑌨𑍍 𑌤𑍍𑌵𑌨𑍍𑌮𑌯𑌤𑌾𑌂 𑌪𑍍𑌰𑌪𑌨𑍍𑌨𑌃
𑌤𑍍𑌵𑌾𑌮𑍁𑌦𑍍𑌗𑍃𑌣𑌨𑍍 𑌶𑌬𑍍𑌦𑌮𑌯𑍇𑌨 𑌧𑌾𑌮𑍍𑌨𑌾
𑌸𑍍𑌵𑌾𑌮𑌿𑌨𑍍𑌸𑌮𑌾𑌜𑍇𑌷𑍁 𑌸𑌮𑍇𑌧𑌿𑌷𑍀𑌯
𑌸𑍍𑌵𑌚𑍍𑌛𑌨𑍍𑌦𑌵𑌾𑌦𑌾𑌹𑌵𑌬𑌦𑍍𑌧𑌶𑍂𑌰𑌃 ॥29॥
𑌨𑌾𑌨𑌾𑌵𑌿𑌧𑌾𑌨𑌾𑌮𑌗𑌤𑌿𑌃 𑌕𑌲𑌾𑌨𑌾𑌂
𑌨 𑌚𑌾𑌪𑌿 𑌤𑍀𑌰𑍍𑌥𑍇𑌷𑍁 𑌕𑍃𑌤𑌾𑌵𑌤𑌾𑌰𑌃
𑌧𑍍𑌰𑍁𑌵𑌂 𑌤𑌵𑌾𑌽𑌨𑌾𑌧 𑌪𑌰𑌿𑌗𑍍𑌰𑌹𑌾𑌯𑌾𑌃
𑌨𑌵 𑌨𑌵𑌂 𑌪𑌾𑌤𑍍𑌰𑌮𑌹𑌂 𑌦𑌯𑌾𑌯𑌾𑌃 ॥30॥
𑌅𑌕𑌮𑍍𑌪𑌨𑍀𑌯𑌾𑌨𑍍𑌯𑌪𑌨𑍀𑌤𑌿𑌭𑍇𑌦𑍈𑌃
𑌅𑌲𑌙𑍍𑌕𑍃𑌷𑍀𑌰𑌨𑍍 𑌹𑍃𑌦𑌯𑌂 𑌮𑌦𑍀𑌯𑌮𑍍
𑌶𑌙𑍍𑌕𑌾 𑌕𑌲𑌙𑍍𑌕𑌾 𑌪𑌗𑌮𑍋𑌜𑍍𑌜𑍍𑌵𑌲𑌾𑌨𑌿
𑌤𑌤𑍍𑌤𑍍𑌵𑌾𑌨𑌿 𑌸𑌮𑍍𑌯𑌞𑍍𑌚𑌿 𑌤𑌵 𑌪𑍍𑌰𑌸𑌾𑌦𑌾𑌤𑍍 ॥31॥
𑌵𑍍𑌯𑌾𑌖𑍍𑌯𑌾𑌮𑍁𑌦𑍍𑌰𑌾𑌂 𑌕𑌰𑌸𑌰𑌸𑌿𑌜𑍈𑌃 𑌪𑍁𑌸𑍍𑌤𑌕𑌂 𑌶𑌙𑍍𑌖𑌚𑌕𑍍𑌰𑍇
𑌭𑌿𑌭𑍍𑌰𑌦𑍍𑌭𑌿𑌨𑍍𑌨 𑌸𑍍𑌫𑌟𑌿𑌕𑌰𑍁𑌚𑌿𑌰𑍇 𑌪𑍁𑌣𑍍𑌡𑌰𑍀𑌕𑍇 𑌨𑌿𑌷𑌣𑍍𑌣𑌃 ।
𑌅𑌮𑍍𑌲𑌾𑌨𑌶𑍍𑌰𑍀𑌰𑌮𑍃𑌤𑌵𑌿𑌶𑌦𑍈𑌰𑌂𑌶𑍁𑌭𑌿𑌃 𑌪𑍍𑌲𑌾𑌵𑌯𑌨𑍍𑌮𑌾𑌂
𑌆𑌵𑌿𑌰𑍍𑌭𑍂𑌯𑌾𑌦𑌨𑌘𑌮𑌹𑌿𑌮𑌾𑌮𑌾𑌨𑌸𑍇 𑌵𑌾𑌗𑌧𑍀𑌶𑌃 ॥32॥
𑌵𑌾𑌗𑌰𑍍𑌥𑌸𑌿𑌦𑍍𑌧𑌿𑌹𑍇𑌤𑍋𑌃𑌪𑌠𑌤 𑌹𑌯𑌗𑍍𑌰𑍀𑌵𑌸𑌂𑌸𑍍𑌤𑍁𑌤𑌿𑌂 𑌭𑌕𑍍𑌤𑍍𑌯𑌾
𑌕𑌵𑌿𑌤𑌾𑌰𑍍𑌕𑌿𑌕𑌕𑍇𑌸𑌰𑌿𑌣𑌾 𑌵𑍇𑌙𑍍𑌕𑌟𑌨𑌾𑌥𑍇𑌨 𑌵𑌿𑌰𑌚𑌿𑌤𑌾𑌮𑍇𑌤𑌾𑌮𑍍 ॥33॥
Roman (IAST) Transliteration
jñānānandamayaṃ devaṃ nirmalasphaṭikākṛtiṃ
ādhāraṃ sarvavidyānāṃ hayagrīvamupāsmahe ||1||
svatassiddhaṃ śuddhasphaṭikamaṇibhū bhṛtpratibhaṭaṃ
sudhāsadhrīcībhirdyutibhiravadātatribhuvanaṃ
anantaistrayyantairanuvihita heṣāhalahalaṃ
hatāśeṣāvadyaṃ hayavadanamīḍemahimahaḥ ||2||
samāhārassāmnāṃ pratipadamṛcāṃ dhāma yajuṣāṃ
layaḥ pratyūhānāṃ laharivitatirbodhajaladheḥ
kathādarpakṣubhyatkathakakulakolāhalabhavaṃ
haratvantardhvāntaṃ hayavadanaheṣāhalahalaḥ ||3||
prācī sandhyā kācidantarniśāyāḥ
prajñādṛṣṭe rañjanaśrīrapūrvā
vaktrī vedān bhātu me vājivaktrā
vāgīśākhyā vāsudevasya mūrtiḥ ||4||
viśuddhavijñānaghanasvarūpaṃ
vijñānaviśrāṇanabaddhadīkṣaṃ
dayānidhiṃ dehabhṛtāṃ śaraṇyaṃ
devaṃ hayagrīvamahaṃ prapadye ||5||
apauruṣeyairapi vākprapañcaiḥ
adyāpi te bhūtimadṛṣṭapārāṃ
stuvannahaṃ mugdha iti tvayaiva
kāruṇyato nātha kaṭākṣaṇīyaḥ ||6||
dākṣiṇyaramyā giriśasya mūrtiḥ-
devī sarojāsanadharmapatnī
vyāsādayo'pi vyapadeśyavācaḥ
sphuranti sarve tava śaktileśaiḥ ||7||
mando'bhaviṣyanniyataṃ viriñcaḥ
vācāṃ nidhervāñchitabhāgadheyaḥ
daityāpanītān dayayaina bhūyo'pi
adhyāpayiṣyo nigamānnacettvam ||8||
vitarkaḍolāṃ vyavadhūya sattve
bṛhaspatiṃ vartayase yatastvaṃ
tenaiva deva trideśeśvarāṇā
aspṛṣṭaḍolāyitamādhirājyam ||9||
agnau samiddhārciṣi saptatantoḥ
ātasthivānmantramayaṃ śarīraṃ
akhaṇḍasārairhaviṣāṃ pradānaiḥ
āpyāyanaṃ vyomasadāṃ vidhatse ||10||
yanmūla mīdṛkpratibhātattvaṃ
yā mūlamāmnāyamahādrumāṇāṃ
tattvena jānanti viśuddhasattvāḥ
tvāmakṣarāmakṣaramātṛkāṃ tvām ||11||
avyākṛtādvyākṛtavānasi tvaṃ
nāmāni rūpāṇi ca yāni pūrvaṃ
śaṃsanti teṣāṃ caramāṃ pratiṣṭhāṃ
vāgīśvara tvāṃ tvadupajñavācaḥ ||12||
mugdhenduniṣyandavilobhanīyāṃ
mūrtiṃ tavānandasudhāprasūtiṃ
vipaścitaścetasi bhāvayante
velāmudārāmiva dugdha sindhoḥ ||13||
manogataṃ paśyati yassadā tvāṃ
manīṣiṇāṃ mānasarājahaṃsaṃ
svayampurobhāvavivādabhājaḥ
kiṅkurvate tasya giro yathārham ||14||
api kṣaṇārdhaṃ kalayanti ye tvāṃ
āplāvayantaṃ viśadairmayūkhaiḥ
vācāṃ pravāhairanivāritaiste
mandākinīṃ mandayituṃ kṣamante ||15||
svāminbhavaddyānasudhābhiṣekāt
vahanti dhanyāḥ pulakānubandaṃ
alakṣite kvāpi nirūḍha mūlaṃ
aṅgveṣvi vānandathumaṅkurantam ||16||
svāminpratīcā hṛdayena dhanyāḥ
tvaddhyānacandrodayavardhamānaṃ
amāntamānandapayodhimantaḥ
payobhi rakṣṇāṃ parivāhayanti ||17||
svairānubhāvās tvadadhīnabhāvāḥ
samṛddhavīryāstvadanugraheṇa
vipaścitonātha taranti māyāṃ
vaihārikīṃ mohanapiñchikāṃ te ||18||
prāṅnirmitānāṃ tapasāṃ vipākāḥ
pratyagraniśśreyasasampado me
samedhiṣīraṃ stava pādapadme
saṅkalpacintāmaṇayaḥ praṇāmāḥ ||19||
viluptamūrdhanyalipikramāṇā
surendracūḍāpadalālitānāṃ
tvadaṅghri rājīvarajaḥkaṇānāṃ
bhūyānprasādo mayi nātha bhūyāt ||20||
parisphurannūpuracitrabhānu –
prakāśanirdhūtatamonuṣaṅgā
padadvayīṃ te paricinmahe'ntaḥ
prabodharājīvavibhātasandhyām ||21||
tvatkiṅkarālaṅkaraṇocitānāṃ
tvayaiva kalpāntarapālitānāṃ
mañjupraṇādaṃ maṇinūpuraṃ te
mañjūṣikāṃ vedagirāṃ pratīmaḥ ||22||
sañcintayāmi pratibhādaśāsthān
sandhukṣayantaṃ samayapradīpān
vijñānakalpadrumapallavābhaṃ
vyākhyānamudrāmadhuraṃ karaṃ te ||23||
citte karomi sphuritākṣamālaṃ
savyetaraṃ nātha karaṃ tvadīyaṃ
jñānāmṛtodañcanalampaṭānāṃ
līlāghaṭīyantramivā''śritānām ||24||
prabodhasindhoraruṇaiḥ prakāśaiḥ
pravālasaṅghātamivodvahantaṃ
vibhāvaye deva sa pustakaṃ te
vāmaṃ karaṃ dakṣiṇamāśritānām ||25||
tamāṃ sibhittvāviśadairmayūkhaiḥ
samprīṇayantaṃ viduṣaścakorān
niśāmaye tvāṃ navapuṇḍarīke
śaradghanecandramiva sphurantam ||26||
diśantu me deva sadā tvadīyāḥ
dayātaraṅgānucarāḥ kaṭākṣāḥ
śrotreṣu puṃsāmamṛtaṅkṣarantīṃ
sarasvatīṃ saṃśritakāmadhenum ||27||
viśeṣavitpāriṣadeṣu nātha
vidagdhagoṣṭhī samarāṅgaṇeṣu
jigīṣato me kavitārkikendrān
jihvāgrasiṃhāsanamabhyupeyāḥ ||28||
tvāṃ cintayan tvanmayatāṃ prapannaḥ
tvāmudgṛṇan śabdamayena dhāmnā
svāminsamājeṣu samedhiṣīya
svacchandavādāhavabaddhaśūraḥ ||29||
nānāvidhānāmagatiḥ kalānāṃ
na cāpi tīrtheṣu kṛtāvatāraḥ
dhruvaṃ tavā'nādha parigrahāyāḥ
nava navaṃ pātramahaṃ dayāyāḥ ||30||
akampanīyānyapanītibhedaiḥ
alaṅkṛṣīran hṛdayaṃ madīyam
śaṅkā kalaṅkā pagamojjvalāni
tattvāni samyañci tava prasādāt ||31||
vyākhyāmudrāṃ karasarasijaiḥ pustakaṃ śaṅkhacakre
bhibhradbhinna sphaṭikarucire puṇḍarīke niṣaṇṇaḥ |
amlānaśrīramṛtaviśadairaṃśubhiḥ plāvayanmāṃ
āvirbhūyādanaghamahimāmānase vāgadhīśaḥ ||32||
vāgarthasiddhihetoḥpaṭhata hayagrīvasaṃstutiṃ bhaktyā
kavitārkikakesariṇā veṅkaṭanāthena viracitāmetām ||33||
Sanskrit — Devanagari (original)
ज्ञानानन्दमयं देवं निर्मलस्फटिकाकृतिं
आधारं सर्वविद्यानां हयग्रीवमुपास्महे ॥1॥
स्वतस्सिद्धं शुद्धस्फटिकमणिभू भृत्प्रतिभटं
सुधासध्रीचीभिर्द्युतिभिरवदातत्रिभुवनं
अनन्तैस्त्रय्यन्तैरनुविहित हेषाहलहलं
हताशेषावद्यं हयवदनमीडेमहिमहः ॥2॥
समाहारस्साम्नां प्रतिपदमृचां धाम यजुषां
लयः प्रत्यूहानां लहरिविततिर्बोधजलधेः
कथादर्पक्षुभ्यत्कथककुलकोलाहलभवं
हरत्वन्तर्ध्वान्तं हयवदनहेषाहलहलः ॥3॥
प्राची सन्ध्या काचिदन्तर्निशायाः
प्रज्ञादृष्टे रञ्जनश्रीरपूर्वा
वक्त्री वेदान् भातु मे वाजिवक्त्रा
वागीशाख्या वासुदेवस्य मूर्तिः ॥4॥
विशुद्धविज्ञानघनस्वरूपं
विज्ञानविश्राणनबद्धदीक्षं
दयानिधिं देहभृतां शरण्यं
देवं हयग्रीवमहं प्रपद्ये ॥5॥
अपौरुषेयैरपि वाक्प्रपञ्चैः
अद्यापि ते भूतिमदृष्टपारां
स्तुवन्नहं मुग्ध इति त्वयैव
कारुण्यतो नाथ कटाक्षणीयः ॥6॥
दाक्षिण्यरम्या गिरिशस्य मूर्तिः-
देवी सरोजासनधर्मपत्नी
व्यासादयोऽपि व्यपदेश्यवाचः
स्फुरन्ति सर्वे तव शक्तिलेशैः ॥7॥
मन्दोऽभविष्यन्नियतं विरिञ्चः
वाचां निधेर्वाञ्छितभागधेयः
दैत्यापनीतान् दययैन भूयोऽपि
अध्यापयिष्यो निगमान्नचेत्त्वम् ॥8॥
वितर्कडोलां व्यवधूय सत्त्वे
बृहस्पतिं वर्तयसे यतस्त्वं
तेनैव देव त्रिदेशेश्वराणा
अस्पृष्टडोलायितमाधिराज्यम् ॥9॥
अग्नौ समिद्धार्चिषि सप्ततन्तोः
आतस्थिवान्मन्त्रमयं शरीरं
अखण्डसारैर्हविषां प्रदानैः
आप्यायनं व्योमसदां विधत्से ॥10॥
यन्मूल मीदृक्प्रतिभातत्त्वं
या मूलमाम्नायमहाद्रुमाणां
तत्त्वेन जानन्ति विशुद्धसत्त्वाः
त्वामक्षरामक्षरमातृकां त्वाम् ॥11॥
अव्याकृताद्व्याकृतवानसि त्वं
नामानि रूपाणि च यानि पूर्वं
शंसन्ति तेषां चरमां प्रतिष्ठां
वागीश्वर त्वां त्वदुपज्ञवाचः ॥12॥
मुग्धेन्दुनिष्यन्दविलोभनीयां
मूर्तिं तवानन्दसुधाप्रसूतिं
विपश्चितश्चेतसि भावयन्ते
वेलामुदारामिव दुग्ध सिन्धोः ॥13॥
मनोगतं पश्यति यस्सदा त्वां
मनीषिणां मानसराजहंसं
स्वयम्पुरोभावविवादभाजः
किङ्कुर्वते तस्य गिरो यथार्हम् ॥14॥
अपि क्षणार्धं कलयन्ति ये त्वां
आप्लावयन्तं विशदैर्मयूखैः
वाचां प्रवाहैरनिवारितैस्ते
मन्दाकिनीं मन्दयितुं क्षमन्ते ॥15॥
स्वामिन्भवद्द्यानसुधाभिषेकात्
वहन्ति धन्याः पुलकानुबन्दं
अलक्षिते क्वापि निरूढ मूलं
अङ्ग्वेष्वि वानन्दथुमङ्कुरन्तम् ॥16॥
स्वामिन्प्रतीचा हृदयेन धन्याः
त्वद्ध्यानचन्द्रोदयवर्धमानं
अमान्तमानन्दपयोधिमन्तः
पयोभि रक्ष्णां परिवाहयन्ति ॥17॥
स्वैरानुभावास् त्वदधीनभावाः
समृद्धवीर्यास्त्वदनुग्रहेण
विपश्चितोनाथ तरन्ति मायां
वैहारिकीं मोहनपिञ्छिकां ते ॥18॥
प्राङ्निर्मितानां तपसां विपाकाः
प्रत्यग्रनिश्श्रेयससम्पदो मे
समेधिषीरं स्तव पादपद्मे
सङ्कल्पचिन्तामणयः प्रणामाः ॥19॥
विलुप्तमूर्धन्यलिपिक्रमाणा
सुरेन्द्रचूडापदलालितानां
त्वदङ्घ्रि राजीवरजःकणानां
भूयान्प्रसादो मयि नाथ भूयात् ॥20॥
परिस्फुरन्नूपुरचित्रभानु –
प्रकाशनिर्धूततमोनुषङ्गा
पदद्वयीं ते परिचिन्महेऽन्तः
प्रबोधराजीवविभातसन्ध्याम् ॥21॥
त्वत्किङ्करालङ्करणोचितानां
त्वयैव कल्पान्तरपालितानां
मञ्जुप्रणादं मणिनूपुरं ते
मञ्जूषिकां वेदगिरां प्रतीमः ॥22॥
सञ्चिन्तयामि प्रतिभादशास्थान्
सन्धुक्षयन्तं समयप्रदीपान्
विज्ञानकल्पद्रुमपल्लवाभं
व्याख्यानमुद्रामधुरं करं ते ॥23॥
चित्ते करोमि स्फुरिताक्षमालं
सव्येतरं नाथ करं त्वदीयं
ज्ञानामृतोदञ्चनलम्पटानां
लीलाघटीयन्त्रमिवाऽऽश्रितानाम् ॥24॥
प्रबोधसिन्धोररुणैः प्रकाशैः
प्रवालसङ्घातमिवोद्वहन्तं
विभावये देव स पुस्तकं ते
वामं करं दक्षिणमाश्रितानाम् ॥25॥
तमां सिभित्त्वाविशदैर्मयूखैः
सम्प्रीणयन्तं विदुषश्चकोरान्
निशामये त्वां नवपुण्डरीके
शरद्घनेचन्द्रमिव स्फुरन्तम् ॥26॥
दिशन्तु मे देव सदा त्वदीयाः
दयातरङ्गानुचराः कटाक्षाः
श्रोत्रेषु पुंसाममृतङ्क्षरन्तीं
सरस्वतीं संश्रितकामधेनुम् ॥27॥
विशेषवित्पारिषदेषु नाथ
विदग्धगोष्ठी समराङ्गणेषु
जिगीषतो मे कवितार्किकेन्द्रान्
जिह्वाग्रसिंहासनमभ्युपेयाः ॥28॥
त्वां चिन्तयन् त्वन्मयतां प्रपन्नः
त्वामुद्गृणन् शब्दमयेन धाम्ना
स्वामिन्समाजेषु समेधिषीय
स्वच्छन्दवादाहवबद्धशूरः ॥29॥
नानाविधानामगतिः कलानां
न चापि तीर्थेषु कृतावतारः
ध्रुवं तवाऽनाध परिग्रहायाः
नव नवं पात्रमहं दयायाः ॥30॥
अकम्पनीयान्यपनीतिभेदैः
अलङ्कृषीरन् हृदयं मदीयम्
शङ्का कलङ्का पगमोज्ज्वलानि
तत्त्वानि सम्यञ्चि तव प्रसादात् ॥31॥
व्याख्यामुद्रां करसरसिजैः पुस्तकं शङ्खचक्रे
भिभ्रद्भिन्न स्फटिकरुचिरे पुण्डरीके निषण्णः ।
अम्लानश्रीरमृतविशदैरंशुभिः प्लावयन्मां
आविर्भूयादनघमहिमामानसे वागधीशः ॥32॥
वागर्थसिद्धिहेतोःपठत हयग्रीवसंस्तुतिं भक्त्या
कवितार्किककेसरिणा वेङ्कटनाथेन विरचितामेताम् ॥33॥
jñānānandamayaṃ devaṃ nirmalasphaṭikākṛtiṃ
ādhāraṃ sarvavidyānāṃ hayagrīvamupāsmahe ||1||
svatassiddhaṃ śuddhasphaṭikamaṇibhū bhṛtpratibhaṭaṃ
sudhāsadhrīcībhirdyutibhiravadātatribhuvanaṃ
anantaistrayyantairanuvihita heṣāhalahalaṃ
hatāśeṣāvadyaṃ hayavadanamīḍemahimahaḥ ||2||
samāhārassāmnāṃ pratipadamṛcāṃ dhāma yajuṣāṃ
layaḥ pratyūhānāṃ laharivitatirbodhajaladheḥ
kathādarpakṣubhyatkathakakulakolāhalabhavaṃ
haratvantardhvāntaṃ hayavadanaheṣāhalahalaḥ ||3||
prācī sandhyā kācidantarniśāyāḥ
prajñādṛṣṭe rañjanaśrīrapūrvā
vaktrī vedān bhātu me vājivaktrā
vāgīśākhyā vāsudevasya mūrtiḥ ||4||
viśuddhavijñānaghanasvarūpaṃ
vijñānaviśrāṇanabaddhadīkṣaṃ
dayānidhiṃ dehabhṛtāṃ śaraṇyaṃ
devaṃ hayagrīvamahaṃ prapadye ||5||
apauruṣeyairapi vākprapañcaiḥ
adyāpi te bhūtimadṛṣṭapārāṃ
stuvannahaṃ mugdha iti tvayaiva
kāruṇyato nātha kaṭākṣaṇīyaḥ ||6||
dākṣiṇyaramyā giriśasya mūrtiḥ-
devī sarojāsanadharmapatnī
vyāsādayo'pi vyapadeśyavācaḥ
sphuranti sarve tava śaktileśaiḥ ||7||
mando'bhaviṣyanniyataṃ viriñcaḥ
vācāṃ nidhervāñchitabhāgadheyaḥ
daityāpanītān dayayaina bhūyo'pi
adhyāpayiṣyo nigamānnacettvam ||8||
vitarkaḍolāṃ vyavadhūya sattve
bṛhaspatiṃ vartayase yatastvaṃ
tenaiva deva trideśeśvarāṇā
aspṛṣṭaḍolāyitamādhirājyam ||9||
agnau samiddhārciṣi saptatantoḥ
ātasthivānmantramayaṃ śarīraṃ
akhaṇḍasārairhaviṣāṃ pradānaiḥ
āpyāyanaṃ vyomasadāṃ vidhatse ||10||
yanmūla mīdṛkpratibhātattvaṃ
yā mūlamāmnāyamahādrumāṇāṃ
tattvena jānanti viśuddhasattvāḥ
tvāmakṣarāmakṣaramātṛkāṃ tvām ||11||
avyākṛtādvyākṛtavānasi tvaṃ
nāmāni rūpāṇi ca yāni pūrvaṃ
śaṃsanti teṣāṃ caramāṃ pratiṣṭhāṃ
vāgīśvara tvāṃ tvadupajñavācaḥ ||12||
mugdhenduniṣyandavilobhanīyāṃ
mūrtiṃ tavānandasudhāprasūtiṃ
vipaścitaścetasi bhāvayante
velāmudārāmiva dugdha sindhoḥ ||13||
manogataṃ paśyati yassadā tvāṃ
manīṣiṇāṃ mānasarājahaṃsaṃ
svayampurobhāvavivādabhājaḥ
kiṅkurvate tasya giro yathārham ||14||
api kṣaṇārdhaṃ kalayanti ye tvāṃ
āplāvayantaṃ viśadairmayūkhaiḥ
vācāṃ pravāhairanivāritaiste
mandākinīṃ mandayituṃ kṣamante ||15||
svāminbhavaddyānasudhābhiṣekāt
vahanti dhanyāḥ pulakānubandaṃ
alakṣite kvāpi nirūḍha mūlaṃ
aṅgveṣvi vānandathumaṅkurantam ||16||
svāminpratīcā hṛdayena dhanyāḥ
tvaddhyānacandrodayavardhamānaṃ
amāntamānandapayodhimantaḥ
payobhi rakṣṇāṃ parivāhayanti ||17||
svairānubhāvās tvadadhīnabhāvāḥ
samṛddhavīryāstvadanugraheṇa
vipaścitonātha taranti māyāṃ
vaihārikīṃ mohanapiñchikāṃ te ||18||
prāṅnirmitānāṃ tapasāṃ vipākāḥ
pratyagraniśśreyasasampado me
samedhiṣīraṃ stava pādapadme
saṅkalpacintāmaṇayaḥ praṇāmāḥ ||19||
viluptamūrdhanyalipikramāṇā
surendracūḍāpadalālitānāṃ
tvadaṅghri rājīvarajaḥkaṇānāṃ
bhūyānprasādo mayi nātha bhūyāt ||20||
parisphurannūpuracitrabhānu –
prakāśanirdhūtatamonuṣaṅgā
padadvayīṃ te paricinmahe'ntaḥ
prabodharājīvavibhātasandhyām ||21||
tvatkiṅkarālaṅkaraṇocitānāṃ
tvayaiva kalpāntarapālitānāṃ
mañjupraṇādaṃ maṇinūpuraṃ te
mañjūṣikāṃ vedagirāṃ pratīmaḥ ||22||
sañcintayāmi pratibhādaśāsthān
sandhukṣayantaṃ samayapradīpān
vijñānakalpadrumapallavābhaṃ
vyākhyānamudrāmadhuraṃ karaṃ te ||23||
citte karomi sphuritākṣamālaṃ
savyetaraṃ nātha karaṃ tvadīyaṃ
jñānāmṛtodañcanalampaṭānāṃ
līlāghaṭīyantramivā''śritānām ||24||
prabodhasindhoraruṇaiḥ prakāśaiḥ
pravālasaṅghātamivodvahantaṃ
vibhāvaye deva sa pustakaṃ te
vāmaṃ karaṃ dakṣiṇamāśritānām ||25||
tamāṃ sibhittvāviśadairmayūkhaiḥ
samprīṇayantaṃ viduṣaścakorān
niśāmaye tvāṃ navapuṇḍarīke
śaradghanecandramiva sphurantam ||26||
diśantu me deva sadā tvadīyāḥ
dayātaraṅgānucarāḥ kaṭākṣāḥ
śrotreṣu puṃsāmamṛtaṅkṣarantīṃ
sarasvatīṃ saṃśritakāmadhenum ||27||
viśeṣavitpāriṣadeṣu nātha
vidagdhagoṣṭhī samarāṅgaṇeṣu
jigīṣato me kavitārkikendrān
jihvāgrasiṃhāsanamabhyupeyāḥ ||28||
tvāṃ cintayan tvanmayatāṃ prapannaḥ
tvāmudgṛṇan śabdamayena dhāmnā
svāminsamājeṣu samedhiṣīya
svacchandavādāhavabaddhaśūraḥ ||29||
nānāvidhānāmagatiḥ kalānāṃ
na cāpi tīrtheṣu kṛtāvatāraḥ
dhruvaṃ tavā'nādha parigrahāyāḥ
nava navaṃ pātramahaṃ dayāyāḥ ||30||
akampanīyānyapanītibhedaiḥ
alaṅkṛṣīran hṛdayaṃ madīyam
śaṅkā kalaṅkā pagamojjvalāni
tattvāni samyañci tava prasādāt ||31||
vyākhyāmudrāṃ karasarasijaiḥ pustakaṃ śaṅkhacakre
bhibhradbhinna sphaṭikarucire puṇḍarīke niṣaṇṇaḥ |
amlānaśrīramṛtaviśadairaṃśubhiḥ plāvayanmāṃ
āvirbhūyādanaghamahimāmānase vāgadhīśaḥ ||32||
vāgarthasiddhihetoḥpaṭhata hayagrīvasaṃstutiṃ bhaktyā
kavitārkikakesariṇā veṅkaṭanāthena viracitāmetām ||33||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.