𑌪𑌾𑌰𑍍𑌵𑌤𑍍𑌯𑍁𑌵𑌾𑌚
𑌨𑌮𑌸𑍍𑌤𑍇𑌽𑌸𑍍𑌤𑍁 𑌤𑍍𑌰𑌯𑍀𑌨𑌾𑌥 𑌪𑌰𑌮𑌾𑌨𑌨𑍍𑌦𑌕𑌾𑌰𑌕 ।
𑌕𑌵𑌚𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑍇𑌃 𑌕𑍃𑌪𑌯𑌾 𑌵𑌦 𑌮𑍇 𑌪𑍍𑌰𑌭𑍋 ॥ 1 ॥
𑌈𑌶𑍍𑌵𑌰 𑌉𑌵𑌾𑌚
𑌵𑌕𑍍𑌷𑍍𑌯𑍇𑌽𑌹𑌂 𑌦𑍇𑌵𑌦𑍇𑌵𑍇𑌶𑌿 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑌵𑍍𑌯𑌯𑌮𑍍 ।
𑌕𑌵𑌚𑌂 𑌸𑌰𑍍𑌵𑌪𑌾𑌪𑌘𑍍𑌨𑌂 𑌵𑍇𑌦𑌾𑌨𑍍𑌤𑌜𑍍𑌞𑌾𑌨𑌗𑍋𑌚𑌰𑌮𑍍 ॥ 2 ॥
𑌅𑌣𑌿𑌮𑌾𑌦𑌿 𑌮𑌹𑌾𑌸𑌿𑌦𑍍𑌧𑌿𑌵𑌿𑌧𑌾𑌨𑌚𑌤𑍁𑌰𑌂 𑌶𑍁𑌭𑌮𑍍 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑍁𑌰𑌾𑌣𑌾𑌨𑌿 𑌕𑌵𑌿𑌤𑌾 𑌤𑌰𑍍𑌕 𑌏𑌵 𑌚 ॥ 3 ॥
𑌬𑌹𑍁𑌧𑌾 𑌦𑍇𑌵𑌿 𑌜𑌾𑌯𑌨𑍍𑌤𑍇 𑌕𑌵𑌚𑌸𑍍𑌯 𑌪𑍍𑌰𑌭𑌾𑌵𑌤𑌃 ।
𑌋𑌷𑌿𑌰𑍍𑌬𑍍𑌰𑌹𑍍𑌮𑌾 𑌸𑌮𑍁𑌦𑍍𑌦𑌿𑌷𑍍𑌟𑌶𑍍𑌛𑌨𑍍𑌦𑍋𑌽𑌨𑍁𑌷𑍍𑌟𑍁𑌬𑍁𑌦𑌾𑌹𑍃𑌤𑌮𑍍 ॥ 4 ॥
𑌦𑍇𑌵𑌤𑌾 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌃 𑌪𑌰𑌮𑌾𑌤𑍍𑌮𑌾 𑌸𑌦𑌾𑌶𑌿𑌵𑌃 ।
𑌬𑍀𑌜𑌂 𑌵𑍇𑌦𑌾𑌦𑌿𑌕𑌂 𑌚𑍈𑌵 𑌸𑍍𑌵𑌾𑌹𑌾 𑌶𑌕𑍍𑌤𑌿𑌰𑍁𑌦𑌾𑌹𑍃𑌤𑌾 ।
𑌸𑌰𑍍𑌵𑌜𑍍𑌞𑌤𑍍𑌵𑍇𑌽𑌪𑌿 𑌦𑍇𑌵𑍇𑌶𑌿 𑌵𑌿𑌨𑌿𑌯𑍋𑌗𑌂 𑌪𑍍𑌰𑌚𑌕𑍍𑌷𑌤𑍇 ॥ 5 ॥
𑌧𑍍𑌯𑌾𑌨𑌮𑍍
𑌅𑌦𑍍𑌵𑌨𑍍𑌦𑍍𑌵𑌨𑍇𑌤𑍍𑌰𑌮𑌮𑌲𑍇𑌨𑍍𑌦𑍁𑌕𑌲𑌾𑌵𑌤𑌂𑌸𑌂
𑌹𑌂𑌸𑌾𑌵𑌲𑌮𑍍𑌬𑌿𑌤 𑌸𑌮𑌾𑌨 𑌜𑌟𑌾𑌕𑌲𑌾𑌪𑌮𑍍 ।
𑌆𑌨𑍀𑌲𑌕𑌣𑍍𑌠𑌮𑍁𑌪𑌕𑌣𑍍𑌠𑌮𑍁𑌨𑌿𑌪𑍍𑌰𑌵𑍀𑌰𑌾𑌨𑍍
𑌅𑌧𑍍𑌯𑌾𑌪𑌯𑌨𑍍𑌤𑌮𑌵𑌲𑍋𑌕𑌯 𑌲𑍋𑌕𑌨𑌾𑌥𑌮𑍍 ॥
𑌕𑌵𑌚𑌮𑍍
𑌓𑌮𑍍 । 𑌶𑌿𑌰𑍋 𑌮𑍇 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑌵𑍍𑌯𑌾𑌤𑍍 𑌫𑌾𑌲𑌂 𑌮𑌹𑍇𑌶𑍍𑌵𑌰𑌃 ।
𑌦𑍃𑌶𑍗 𑌪𑌾𑌤𑍁 𑌮𑌹𑌾𑌦𑍇𑌵𑌃 𑌶𑍍𑌰𑌵𑌣𑍇 𑌚𑌨𑍍𑌦𑍍𑌰𑌶𑍇𑌖𑌰𑌃 ॥ 1 ॥
𑌕𑌪𑍋𑌲𑍗 𑌪𑌾𑌤𑍁 𑌮𑍇 𑌰𑍁𑌦𑍍𑌰𑍋 𑌨𑌾𑌸𑌾𑌂 𑌪𑌾𑌤𑍁 𑌜𑌗𑌦𑍍𑌗𑍁𑌰𑍁𑌃 ।
𑌮𑍁𑌖𑌂 𑌗𑍗𑌰𑍀𑌪𑌤𑌿𑌃 𑌪𑌾𑌤𑍁 𑌰𑌸𑌨𑌾𑌂 𑌵𑍇𑌦𑌰𑍂𑌪𑌧𑍃𑌤𑍍 ॥ 2 ॥
𑌦𑌶𑌨𑌾𑌂 𑌤𑍍𑌰𑌿𑌪𑍁𑌰𑌧𑍍𑌵𑌂𑌸𑍀 𑌚𑍋𑌷𑍍𑌠𑌂 𑌪𑌨𑍍𑌨𑌗𑌭𑍂𑌷𑌣𑌃 ।
𑌅𑌧𑌰𑌂 𑌪𑌾𑌤𑍁 𑌵𑌿𑌶𑍍𑌵𑌾𑌤𑍍𑌮𑌾 𑌹𑌨𑍂 𑌪𑌾𑌤𑍁 𑌜𑌗𑌨𑍍𑌮𑌯𑌃 ॥ 3 ॥
𑌚𑍁𑌬𑍁𑌕𑌂 𑌦𑍇𑌵𑌦𑍇𑌵𑌸𑍍𑌤𑍁 𑌪𑌾𑌤𑍁 𑌕𑌣𑍍𑌠𑌂 𑌜𑌟𑌾𑌧𑌰𑌃 ।
𑌸𑍍𑌕𑌨𑍍𑌧𑍗 𑌮𑍇 𑌪𑌾𑌤𑍁 𑌶𑍁𑌦𑍍𑌧𑌾𑌤𑍍𑌮𑌾 𑌕𑌰𑍗 𑌪𑌾𑌤𑍁 𑌯𑌮𑌾𑌨𑍍𑌤𑌕𑌃 ॥ 4 ॥
𑌕𑍁𑌚𑌾𑌗𑍍𑌰𑌂 𑌕𑌰𑌮𑌧𑍍𑌯𑌂 𑌚 𑌨𑌖𑌰𑌾𑌨𑍍 𑌶𑌙𑍍𑌕𑌰𑌃 𑌸𑍍𑌵𑌯𑌮𑍍 ।
𑌹𑍃𑌨𑍍𑌮𑍇 𑌪𑌶𑍁𑌪𑌤𑌿𑌃 𑌪𑌾𑌤𑍁 𑌪𑌾𑌰𑍍𑌶𑍍𑌵𑍇 𑌪𑌰𑌮𑌪𑍂𑌰𑍁𑌷𑌃 ॥ 5 ॥
𑌮𑌧𑍍𑌯𑌮𑌂 𑌪𑌾𑌤𑍁 𑌶𑌰𑍍𑌵𑍋 𑌮𑍇 𑌨𑌾𑌭𑌿𑌂 𑌨𑌾𑌰𑌾𑌯𑌣𑌪𑍍𑌰𑌿𑌯𑌃 ।
𑌕𑌟𑌿𑌂 𑌪𑌾𑌤𑍁 𑌜𑌗𑌦𑍍𑌭𑌰𑍍𑌤𑌾 𑌸𑌕𑍍𑌥𑌿𑌨𑍀 𑌚 𑌮𑍃𑌡𑌃 𑌸𑍍𑌵𑌯𑌮𑍍 ॥ 6 ॥
𑌕𑍃𑌤𑍍𑌤𑌿𑌵𑌾𑌸𑌾𑌃 𑌸𑍍𑌵𑌯𑌂 𑌗𑍁𑌹𑍍𑌯𑌾𑌮𑍂𑌰𑍂 𑌪𑌾𑌤𑍁 𑌪𑌿𑌨𑌾𑌕𑌧𑍃𑌤𑍍 ।
𑌜𑌾𑌨𑍁𑌨𑍀 𑌤𑍍𑌰𑍍𑌯𑌮𑍍𑌬𑌕𑌃 𑌪𑌾𑌤𑍁 𑌜𑌙𑍍𑌘𑍇 𑌪𑌾𑌤𑍁 𑌸𑌦𑌾𑌶𑌿𑌵𑌃 ॥ 7 ॥
𑌸𑍍𑌮𑌰𑌾𑌰𑌿𑌃 𑌪𑌾𑌤𑍁 𑌮𑍇 𑌪𑌾𑌦𑍗 𑌪𑌾𑌤𑍁 𑌸𑌰𑍍𑌵𑌾𑌙𑍍𑌗𑌮𑍀𑌶𑍍𑌵𑌰𑌃 ।
𑌇𑌤𑍀𑌦𑌂 𑌕𑌵𑌚𑌂 𑌦𑍇𑌵𑌿 𑌪𑌰𑌮𑌾𑌨𑌨𑍍𑌦𑌦𑌾𑌯𑌕𑌮𑍍 ॥ 8 ॥
𑌜𑍍𑌞𑌾𑌨𑌵𑌾𑌗𑌰𑍍𑌥𑌦𑌂 𑌵𑍀𑌰𑍍𑌯𑌮𑌣𑌿𑌮𑌾𑌦𑌿𑌵𑌿𑌭𑍂𑌤𑌿𑌦𑌮𑍍 ।
𑌆𑌯𑍁𑌰𑌾𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌮𑌪𑌮𑍃𑌤𑍍𑌯𑍁𑌭𑌯𑌾𑌪𑌹𑌮𑍍 ॥ 9 ॥
𑌪𑍍𑌰𑌾𑌤𑌃 𑌕𑌾𑌲𑍇 𑌶𑍁𑌚𑌿𑌰𑍍𑌭𑍂𑌤𑍍𑌵𑌾 𑌤𑍍𑌰𑌿𑌵𑌾𑌰𑌂 𑌸𑌰𑍍𑌵𑌦𑌾 𑌜𑌪𑍇𑌤𑍍 ।
𑌨𑌿𑌤𑍍𑌯𑌂 𑌪𑍂𑌜𑌾𑌸𑌮𑌾𑌯𑍁𑌕𑍍𑌤𑌃 𑌸𑌂𑌵𑌤𑍍𑌸𑌰𑌮𑌤𑌨𑍍𑌦𑍍𑌰𑌿𑌤𑌃 ॥ 10 ॥
𑌜𑌪𑍇𑌤𑍍 𑌤𑍍𑌰𑌿𑌸𑌨𑍍𑌧𑍍𑌯𑌂 𑌯𑍋 𑌵𑌿𑌦𑍍𑌵𑌾𑌨𑍍 𑌵𑍇𑌦𑌶𑌾𑌸𑍍𑌤𑍍𑌰𑌾𑌰𑍍𑌥𑌪𑌾𑌰𑌗𑌃 ।
𑌗𑌦𑍍𑌯𑌪𑌦𑍍𑌯𑍈𑌸𑍍𑌤𑌥𑌾 𑌚𑌾𑌪𑌿 𑌨𑌾𑌟𑌕𑌾𑌃 𑌸𑍍𑌵𑌯𑌮𑍇𑌵 𑌹𑌿 ।
𑌨𑌿𑌰𑍍𑌗𑌚𑍍𑌛𑌨𑍍𑌤𑌿 𑌮𑍁𑌖𑌾𑌮𑍍𑌭𑍋𑌜𑌾𑌤𑍍𑌸𑌤𑍍𑌯𑌮𑍇𑌤𑌨𑍍𑌨 𑌸𑌂𑌶𑌯𑌃 ॥ 11 ॥
𑌇𑌤𑌿 𑌰𑍁𑌦𑍍𑌰𑌯𑌾𑌮𑌲𑍇 𑌉𑌮𑌾𑌮𑌹𑍇𑌶𑍍𑌵𑌰𑌸𑌂𑌵𑌾𑌦𑍇 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌕𑌵𑌚𑌮𑍍 ॥
Roman (IAST) Transliteration
pārvatyuvāca
namaste'stu trayīnātha paramānandakāraka |
kavacaṃ dakṣiṇāmūrteḥ kṛpayā vada me prabho || 1 ||
īśvara uvāca
vakṣye'haṃ devadeveśi dakṣiṇāmūrtiravyayam |
kavacaṃ sarvapāpaghnaṃ vedāntajñānagocaram || 2 ||
aṇimādi mahāsiddhividhānacaturaṃ śubham |
vedaśāstrapurāṇāni kavitā tarka eva ca || 3 ||
bahudhā devi jāyante kavacasya prabhāvataḥ |
ṛṣirbrahmā samuddiṣṭaśchando'nuṣṭubudāhṛtam || 4 ||
devatā dakṣiṇāmūrtiḥ paramātmā sadāśivaḥ |
bījaṃ vedādikaṃ caiva svāhā śaktirudāhṛtā |
sarvajñatve'pi deveśi viniyogaṃ pracakṣate || 5 ||
dhyānam
advandvanetramamalendukalāvataṃsaṃ
haṃsāvalambita samāna jaṭākalāpam |
ānīlakaṇṭhamupakaṇṭhamunipravīrān
adhyāpayantamavalokaya lokanātham ||
kavacam
om | śiro me dakṣiṇāmūrtiravyāt phālaṃ maheśvaraḥ |
dṛśau pātu mahādevaḥ śravaṇe candraśekharaḥ || 1 ||
kapolau pātu me rudro nāsāṃ pātu jagadguruḥ |
mukhaṃ gaurīpatiḥ pātu rasanāṃ vedarūpadhṛt || 2 ||
daśanāṃ tripuradhvaṃsī coṣṭhaṃ pannagabhūṣaṇaḥ |
adharaṃ pātu viśvātmā hanū pātu jaganmayaḥ || 3 ||
cubukaṃ devadevastu pātu kaṇṭhaṃ jaṭādharaḥ |
skandhau me pātu śuddhātmā karau pātu yamāntakaḥ || 4 ||
kucāgraṃ karamadhyaṃ ca nakharān śaṅkaraḥ svayam |
hṛnme paśupatiḥ pātu pārśve paramapūruṣaḥ || 5 ||
madhyamaṃ pātu śarvo me nābhiṃ nārāyaṇapriyaḥ |
kaṭiṃ pātu jagadbhartā sakthinī ca mṛḍaḥ svayam || 6 ||
kṛttivāsāḥ svayaṃ guhyāmūrū pātu pinākadhṛt |
jānunī tryambakaḥ pātu jaṅghe pātu sadāśivaḥ || 7 ||
smarāriḥ pātu me pādau pātu sarvāṅgamīśvaraḥ |
itīdaṃ kavacaṃ devi paramānandadāyakam || 8 ||
jñānavāgarthadaṃ vīryamaṇimādivibhūtidam |
āyurārogyamaiśvaryamapamṛtyubhayāpaham || 9 ||
prātaḥ kāle śucirbhūtvā trivāraṃ sarvadā japet |
nityaṃ pūjāsamāyuktaḥ saṃvatsaramatandritaḥ || 10 ||
japet trisandhyaṃ yo vidvān vedaśāstrārthapāragaḥ |
gadyapadyaistathā cāpi nāṭakāḥ svayameva hi |
nirgacchanti mukhāmbhojātsatyametanna saṃśayaḥ || 11 ||
iti rudrayāmale umāmaheśvarasaṃvāde śrī dakṣiṇāmūrti kavacam ||
Sanskrit — Devanagari (original)
पार्वत्युवाच
नमस्तेऽस्तु त्रयीनाथ परमानन्दकारक ।
कवचं दक्षिणामूर्तेः कृपया वद मे प्रभो ॥ 1 ॥
ईश्वर उवाच
वक्ष्येऽहं देवदेवेशि दक्षिणामूर्तिरव्ययम् ।
कवचं सर्वपापघ्नं वेदान्तज्ञानगोचरम् ॥ 2 ॥
अणिमादि महासिद्धिविधानचतुरं शुभम् ।
वेदशास्त्रपुराणानि कविता तर्क एव च ॥ 3 ॥
बहुधा देवि जायन्ते कवचस्य प्रभावतः ।
ऋषिर्ब्रह्मा समुद्दिष्टश्छन्दोऽनुष्टुबुदाहृतम् ॥ 4 ॥
देवता दक्षिणामूर्तिः परमात्मा सदाशिवः ।
बीजं वेदादिकं चैव स्वाहा शक्तिरुदाहृता ।
सर्वज्ञत्वेऽपि देवेशि विनियोगं प्रचक्षते ॥ 5 ॥
ध्यानम्
अद्वन्द्वनेत्रममलेन्दुकलावतंसं
हंसावलम्बित समान जटाकलापम् ।
आनीलकण्ठमुपकण्ठमुनिप्रवीरान्
अध्यापयन्तमवलोकय लोकनाथम् ॥
कवचम्
ओम् । शिरो मे दक्षिणामूर्तिरव्यात् फालं महेश्वरः ।
दृशौ पातु महादेवः श्रवणे चन्द्रशेखरः ॥ 1 ॥
कपोलौ पातु मे रुद्रो नासां पातु जगद्गुरुः ।
मुखं गौरीपतिः पातु रसनां वेदरूपधृत् ॥ 2 ॥
दशनां त्रिपुरध्वंसी चोष्ठं पन्नगभूषणः ।
अधरं पातु विश्वात्मा हनू पातु जगन्मयः ॥ 3 ॥
चुबुकं देवदेवस्तु पातु कण्ठं जटाधरः ।
स्कन्धौ मे पातु शुद्धात्मा करौ पातु यमान्तकः ॥ 4 ॥
कुचाग्रं करमध्यं च नखरान् शङ्करः स्वयम् ।
हृन्मे पशुपतिः पातु पार्श्वे परमपूरुषः ॥ 5 ॥
मध्यमं पातु शर्वो मे नाभिं नारायणप्रियः ।
कटिं पातु जगद्भर्ता सक्थिनी च मृडः स्वयम् ॥ 6 ॥
कृत्तिवासाः स्वयं गुह्यामूरू पातु पिनाकधृत् ।
जानुनी त्र्यम्बकः पातु जङ्घे पातु सदाशिवः ॥ 7 ॥
स्मरारिः पातु मे पादौ पातु सर्वाङ्गमीश्वरः ।
इतीदं कवचं देवि परमानन्ददायकम् ॥ 8 ॥
ज्ञानवागर्थदं वीर्यमणिमादिविभूतिदम् ।
आयुरारोग्यमैश्वर्यमपमृत्युभयापहम् ॥ 9 ॥
प्रातः काले शुचिर्भूत्वा त्रिवारं सर्वदा जपेत् ।
नित्यं पूजासमायुक्तः संवत्सरमतन्द्रितः ॥ 10 ॥
जपेत् त्रिसन्ध्यं यो विद्वान् वेदशास्त्रार्थपारगः ।
गद्यपद्यैस्तथा चापि नाटकाः स्वयमेव हि ।
निर्गच्छन्ति मुखाम्भोजात्सत्यमेतन्न संशयः ॥ 11 ॥
इति रुद्रयामले उमामहेश्वरसंवादे श्री दक्षिणामूर्ति कवचम् ॥
pārvatyuvāca
namaste'stu trayīnātha paramānandakāraka |
kavacaṃ dakṣiṇāmūrteḥ kṛpayā vada me prabho || 1 ||
īśvara uvāca
vakṣye'haṃ devadeveśi dakṣiṇāmūrtiravyayam |
kavacaṃ sarvapāpaghnaṃ vedāntajñānagocaram || 2 ||
aṇimādi mahāsiddhividhānacaturaṃ śubham |
vedaśāstrapurāṇāni kavitā tarka eva ca || 3 ||
bahudhā devi jāyante kavacasya prabhāvataḥ |
ṛṣirbrahmā samuddiṣṭaśchando'nuṣṭubudāhṛtam || 4 ||
devatā dakṣiṇāmūrtiḥ paramātmā sadāśivaḥ |
bījaṃ vedādikaṃ caiva svāhā śaktirudāhṛtā |
sarvajñatve'pi deveśi viniyogaṃ pracakṣate || 5 ||
dhyānam
advandvanetramamalendukalāvataṃsaṃ
haṃsāvalambita samāna jaṭākalāpam |
ānīlakaṇṭhamupakaṇṭhamunipravīrān
adhyāpayantamavalokaya lokanātham ||
kavacam
om | śiro me dakṣiṇāmūrtiravyāt phālaṃ maheśvaraḥ |
dṛśau pātu mahādevaḥ śravaṇe candraśekharaḥ || 1 ||
kapolau pātu me rudro nāsāṃ pātu jagadguruḥ |
mukhaṃ gaurīpatiḥ pātu rasanāṃ vedarūpadhṛt || 2 ||
daśanāṃ tripuradhvaṃsī coṣṭhaṃ pannagabhūṣaṇaḥ |
adharaṃ pātu viśvātmā hanū pātu jaganmayaḥ || 3 ||
cubukaṃ devadevastu pātu kaṇṭhaṃ jaṭādharaḥ |
skandhau me pātu śuddhātmā karau pātu yamāntakaḥ || 4 ||
kucāgraṃ karamadhyaṃ ca nakharān śaṅkaraḥ svayam |
hṛnme paśupatiḥ pātu pārśve paramapūruṣaḥ || 5 ||
madhyamaṃ pātu śarvo me nābhiṃ nārāyaṇapriyaḥ |
kaṭiṃ pātu jagadbhartā sakthinī ca mṛḍaḥ svayam || 6 ||
kṛttivāsāḥ svayaṃ guhyāmūrū pātu pinākadhṛt |
jānunī tryambakaḥ pātu jaṅghe pātu sadāśivaḥ || 7 ||
smarāriḥ pātu me pādau pātu sarvāṅgamīśvaraḥ |
itīdaṃ kavacaṃ devi paramānandadāyakam || 8 ||
jñānavāgarthadaṃ vīryamaṇimādivibhūtidam |
āyurārogyamaiśvaryamapamṛtyubhayāpaham || 9 ||
prātaḥ kāle śucirbhūtvā trivāraṃ sarvadā japet |
nityaṃ pūjāsamāyuktaḥ saṃvatsaramatandritaḥ || 10 ||
japet trisandhyaṃ yo vidvān vedaśāstrārthapāragaḥ |
gadyapadyaistathā cāpi nāṭakāḥ svayameva hi |
nirgacchanti mukhāmbhojātsatyametanna saṃśayaḥ || 11 ||
iti rudrayāmale umāmaheśvarasaṃvāde śrī dakṣiṇāmūrti kavacam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.