(𑌕𑍃𑌷𑍍𑌣𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯𑌾𑌰𑌣𑍍𑌯𑌕𑍇 𑌤𑍃𑌤𑍀𑌯 𑌪𑍍𑌰𑌪𑌾𑌠𑌕𑌃)
𑌹𑌰𑌿𑌃 𑌓𑌮𑍍 । 𑌤𑌚𑍍𑌛𑌂॒-𑌯𑍋𑌁𑌰𑌾𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ ।
𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 । 𑌦𑍈𑌵𑍀᳚ 𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 ।
𑌸𑍍𑌵॒𑌸𑍍𑌤𑌿𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵-𑌞𑍍𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 ।
𑌶-𑌨𑍍𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥
𑍐 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥
𑌓-𑌞𑍍𑌚𑌿𑌤𑍍𑌤𑌿॒𑌸𑍍𑌸𑍍𑌰𑍁𑌕𑍍 । 𑌚𑌿॒𑌤𑍍𑌤𑌮𑌾𑌜𑍍𑌯᳚𑌮𑍍 । 𑌵𑌾𑌗𑍍𑌵𑍇𑌦𑌿𑌃॑ । 𑌆𑌧𑍀॑𑌤-𑌮𑍍𑌬॒𑌰𑍍𑌹𑌿𑌃 । 𑌕𑍇𑌤𑍋॑ 𑌅॒𑌗𑍍𑌨𑌿𑌃 । 𑌵𑌿𑌜𑍍𑌞𑌾॑𑌤𑌮॒𑌗𑍍𑌨𑌿𑌃 । 𑌵𑌾𑌕𑍍𑌪॑𑌤𑌿॒𑌰𑍍𑌹𑍋𑌤𑌾᳚ । 𑌮𑌨॑ 𑌉𑌪𑌵॒𑌕𑍍𑌤𑌾 । 𑌪𑍍𑌰𑌾॒𑌣𑍋 𑌹॒𑌵𑌿𑌃 । 𑌸𑌾𑌮𑌾᳚𑌧𑍍𑌵॒𑌰𑍍𑌯𑍁𑌃 । 𑌵𑌾𑌚॑𑌸𑍍𑌪𑌤𑍇 𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ । 𑌵𑌿॒𑌧𑍇𑌸𑍍𑌤𑍍𑌵𑌮॒𑌸𑍍𑌮𑌾𑌕॒-𑌨𑍍𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮॑-𑌮𑍍𑌪𑌿𑌬𑌤𑍁 । 𑌆-𑌽𑌸𑍍𑌮𑌾𑌸𑍁॑ 𑌨𑍃॒𑌮𑍍𑌣-𑌨𑍍𑌧𑌾॒𑌤𑍍𑌸𑍍𑌵𑌾𑌹𑌾᳚ ॥ 1 ॥
𑌅॒𑌧𑍍𑌵॒𑌰𑍍𑌯𑍁𑌃 𑌪𑌞𑍍𑌚॑ 𑌚 ॥ 1 ॥
𑌪𑍃॒𑌥𑌿॒𑌵𑍀 𑌹𑍋𑌤𑌾᳚ । 𑌦𑍍𑌯𑍗𑌰॑𑌧𑍍𑌵॒𑌰𑍍𑌯𑍁𑌃 । 𑌰𑍁॒𑌦𑍍𑌰𑍋᳚-𑌽𑌗𑍍𑌨𑍀𑌤𑍍 । 𑌬𑍃𑌹॒𑌸𑍍𑌪𑌤𑌿॑𑌰𑍁𑌪𑌵॒𑌕𑍍𑌤𑌾 । 𑌵𑌾𑌚॑𑌸𑍍𑌪𑌤𑍇 𑌵𑌾॒𑌚𑍋 𑌵𑍀॒𑌰𑍍𑌯𑍇॑𑌣 । 𑌸𑌮𑍍𑌭𑍃॑𑌤𑌤𑌮𑍇॒𑌨𑌾-𑌽𑌽𑌯॑𑌕𑍍𑌷𑍍𑌯𑌸𑍇 । 𑌯𑌜॑𑌮𑌾𑌨𑌾𑌯॒ 𑌵𑌾𑌰𑍍𑌯᳚𑌮𑍍 । 𑌆 𑌸𑍁𑌵॒𑌸𑍍𑌕𑌰॑𑌸𑍍𑌮𑍈 । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮॑-𑌮𑍍𑌪𑌿𑌬𑌤𑌿 । 𑌜॒𑌜𑌨॒𑌦𑌿𑌨𑍍𑌦𑍍𑌰॑𑌮𑌿𑌨𑍍𑌦𑍍𑌰𑌿॒𑌯𑌾𑌯॒ 𑌸𑍍𑌵𑌾𑌹𑌾᳚ ॥ 2 ॥
𑌪𑍃॒𑌥𑌿॒𑌵𑍀 𑌹𑍋𑌤𑌾॒ 𑌦𑌶॑ ॥ 2 ॥
𑌅॒𑌗𑍍𑌨𑌿𑌰𑍍𑌹𑍋𑌤𑌾᳚ । 𑌅॒𑌶𑍍𑌵𑌿𑌨𑌾᳚-𑌽𑌧𑍍𑌵॒𑌰𑍍𑌯𑍂 । 𑌤𑍍𑌵𑌷𑍍𑌟𑌾॒-𑌽𑌗𑍍𑌨𑍀𑌤𑍍 । 𑌮𑌿॒𑌤𑍍𑌰 𑌉॑𑌪𑌵॒𑌕𑍍𑌤𑌾 । 𑌸𑍋𑌮॒𑌸𑍍𑌸𑍋𑌮॑𑌸𑍍𑌯 𑌪𑍁𑌰𑍋॒𑌗𑌾𑌃 । 𑌶𑍁॒𑌕𑍍𑌰𑌸𑍍𑌶𑍁॒𑌕𑍍𑌰𑌸𑍍𑌯॑ 𑌪𑍁𑌰𑍋॒𑌗𑌾𑌃 । 𑌶𑍍𑌰𑌾॒𑌤𑌾𑌸𑍍𑌤॑ 𑌇𑌨𑍍𑌦𑍍𑌰॒ 𑌸𑍋𑌮𑌾𑌃᳚ । 𑌵𑌾𑌤𑌾॑𑌪𑍇𑌰𑍍𑌹𑌵𑌨॒𑌶𑍍𑌰𑍁𑌤॒𑌸𑍍𑌸𑍍𑌵𑌾𑌹𑌾᳚ ॥ 3 ॥
𑌅॒𑌗𑍍𑌨𑌿𑌰𑍍𑌹𑍋𑌤𑌾॒-𑌽𑌷𑍍𑌟𑍗 ॥ 3 ॥
𑌸𑍂𑌰𑍍𑌯॑-𑌨𑍍𑌤𑍇॒ 𑌚𑌕𑍍𑌷𑍁𑌃॑ । 𑌵𑌾𑌤॑-𑌮𑍍𑌪𑍍𑌰𑌾॒𑌣𑌃 । 𑌦𑍍𑌯𑌾-𑌮𑍍𑌪𑍃॒𑌷𑍍𑌠𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷𑌮𑌾॒𑌤𑍍𑌮𑌾 । 𑌅𑌙𑍍𑌗𑍈᳚𑌰𑍍𑌯॒𑌜𑍍𑌞𑌮𑍍 । 𑌪𑍃॒𑌥𑌿॒𑌵𑍀𑌗𑍍𑌂 𑌶𑌰𑍀॑𑌰𑍈𑌃 । 𑌵𑌾𑌚॑𑌸𑍍𑌪॒𑌤𑍇-𑌽𑌚𑍍𑌛𑌿॑𑌦𑍍𑌰𑌯𑌾 𑌵𑌾॒𑌚𑌾 । 𑌅𑌚𑍍𑌛𑌿॑𑌦𑍍𑌰𑌯𑌾 𑌜𑍁॒𑌹𑍍𑌵𑌾᳚ । 𑌦𑌿॒𑌵𑌿 𑌦𑍇॑𑌵𑌾॒𑌵𑍃𑌧॒𑌗𑍍𑌂॒ 𑌹𑍋𑌤𑍍𑌰𑌾॒ 𑌮𑍇𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾᳚ ॥ 4 ॥
𑌸𑍂𑌰𑍍𑌯॑-𑌨𑍍𑌤𑍇॒ 𑌨𑌵॑ ॥ 4 ॥
𑌮॒𑌹𑌾𑌹॑𑌵𑌿॒𑌰𑍍𑌹𑍋𑌤𑌾᳚ । 𑌸॒𑌤𑍍𑌯𑌹॑𑌵𑌿𑌰𑌧𑍍𑌵॒𑌰𑍍𑌯𑍁𑌃 । 𑌅𑌚𑍍𑌯𑍁॑𑌤𑌪𑌾𑌜𑌾 𑌅॒𑌗𑍍𑌨𑍀𑌤𑍍 । 𑌅𑌚𑍍𑌯𑍁॑𑌤𑌮𑌨𑌾 𑌉𑌪𑌵॒𑌕𑍍𑌤𑌾 । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚𑌾᳚𑌪𑍍𑌰𑌤𑌿𑌧𑍃॒𑌷𑍍𑌯𑌶𑍍𑌚॑ 𑌯॒𑌜𑍍𑌞𑌸𑍍𑌯𑌾॑𑌭𑌿𑌗॒𑌰𑍗 । 𑌅॒𑌯𑌾𑌸𑍍𑌯॑ 𑌉𑌦𑍍𑌗𑌾॒𑌤𑌾 । 𑌵𑌾𑌚॑𑌸𑍍𑌪𑌤𑍇 𑌹𑍃𑌦𑍍𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ । 𑌵𑌿॒𑌧𑍇𑌸𑍍𑌤𑍍𑌵𑌮॒𑌸𑍍𑌮𑌾𑌕॒-𑌨𑍍𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒𑌸𑍍𑌸𑍋𑌮॑𑌮𑌪𑌾𑌤𑍍 । 𑌮𑌾 𑌦𑍈𑌵𑍍𑌯॒𑌸𑍍𑌤𑌨𑍍𑌤𑍁॒𑌶𑍍𑌛𑍇𑌦𑌿॒ 𑌮𑌾 𑌮॑𑌨𑍁॒𑌷𑍍𑌯𑌃॑ । 𑌨𑌮𑍋॑ 𑌦𑌿॒𑌵𑍇 । 𑌨𑌮𑌃॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾᳚ ॥ 5 ॥
𑌅॒𑌪𑌾॒𑌤𑍍𑌤𑍍𑌰𑍀𑌣𑌿॑ 𑌚 ॥ 5 ॥
𑌵𑌾𑌘𑍋𑌤𑌾᳚ । 𑌦𑍀॒𑌕𑍍𑌷𑌾 𑌪𑌤𑍍𑌨𑍀᳚ । 𑌵𑌾𑌤𑍋᳚-𑌽𑌧𑍍𑌵॒𑌰𑍍𑌯𑍁𑌃 । 𑌆𑌪𑍋॑-𑌽𑌭𑌿𑌗॒𑌰𑌃 । 𑌮𑌨𑍋॑ 𑌹॒𑌵𑌿𑌃 । 𑌤𑌪॑𑌸𑌿 𑌜𑍁𑌹𑍋𑌮𑌿 । 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌬𑍍𑌰𑌹𑍍𑌮॑ 𑌸𑍍𑌵𑌯॒𑌮𑍍𑌭𑍁 । 𑌬𑍍𑌰𑌹𑍍𑌮॑𑌣𑍇 𑌸𑍍𑌵𑌯॒𑌮𑍍𑌭𑍁𑌵𑍇॒ 𑌸𑍍𑌵𑌾𑌹𑌾᳚ ॥ 6 ॥
𑌵𑌾𑌘𑍋𑌤𑌾॒ 𑌨𑌵॑ ॥ 6 ॥
𑌬𑍍𑌰𑌾॒𑌹𑍍𑌮॒𑌣 𑌏𑌕॑𑌹𑍋𑌤𑌾 । 𑌸 𑌯॒𑌜𑍍𑌞𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌯॒𑌜𑍍𑌞𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 । 𑌅॒𑌗𑍍𑌨𑌿𑌰𑍍𑌦𑍍𑌵𑌿𑌹𑍋॑𑌤𑌾 । 𑌸 𑌭॒𑌰𑍍𑌤𑌾 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌭॒𑌰𑍍𑌤𑌾 𑌚॑ 𑌮𑍇 𑌭𑍂𑌯𑌾𑌤𑍍 । 𑌪𑍃॒𑌥𑌿॒𑌵𑍀 𑌤𑍍𑌰𑌿𑌹𑍋॑𑌤𑌾 । 𑌸 𑌪𑍍𑌰॑𑌤𑌿॒𑌷𑍍𑌠𑌾 ॥ 7 ॥
𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰॒𑌤𑌿॒𑌷𑍍𑌠𑌾 𑌚॑ 𑌮𑍇 𑌭𑍂𑌯𑌾𑌤𑍍 । 𑌅॒𑌨𑍍𑌤𑌰𑌿॑𑌕𑍍𑌷॒-𑌞𑍍𑌚𑌤𑍁॑𑌰𑍍𑌹𑍋𑌤𑌾 । 𑌸 𑌵𑌿॒𑌷𑍍𑌠𑌾𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌵𑌿॒𑌷𑍍𑌠𑌾𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 । 𑌵𑌾॒𑌯𑍁𑌃 𑌪𑌞𑍍𑌚॑𑌹𑍋𑌤𑌾 । 𑌸 𑌪𑍍𑌰𑌾॒𑌣𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 ॥ 8 ॥
𑌚॒𑌨𑍍𑌦𑍍𑌰𑌮𑌾॒-𑌷𑍍𑌷𑌡𑍍𑌢𑍋॑𑌤𑌾 । 𑌸 𑌋॒𑌤𑍂𑌨𑍍𑌕॑𑌲𑍍𑌪𑌯𑌾𑌤𑌿 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌋॒𑌤𑌵॑𑌶𑍍𑌚 𑌮𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌅𑌨𑍍𑌨𑌗𑍍𑌂॑ 𑌸॒𑌪𑍍𑌤𑌹𑍋॑𑌤𑌾 । 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌸𑍍𑌯॑ 𑌚 𑌮𑍇 𑌪𑍍𑌰𑌾॒𑌣𑍋 𑌭𑍂॑𑌯𑌾𑌤𑍍 । 𑌦𑍍𑌯𑍗𑌰॒𑌷𑍍𑌟𑌹𑍋॑𑌤𑌾 । 𑌸𑍋॑-𑌽𑌨𑌾𑌧𑍃॒𑌷𑍍𑌯𑌃 ॥ 9 ॥
𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚॑ 𑌭𑍂𑌯𑌾𑌸𑌮𑍍 । 𑌆॒𑌦𑌿॒𑌤𑍍𑌯𑍋 𑌨𑌵॑𑌹𑍋𑌤𑌾 । 𑌸 𑌤𑍇॑𑌜॒𑌸𑍍𑌵𑍀 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌤𑍇॒𑌜॒𑌸𑍍𑌵𑍀 𑌚॑ 𑌭𑍂𑌯𑌾𑌸𑌮𑍍 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌦𑌶॑𑌹𑍋𑌤𑌾 । 𑌸 𑌇॒𑌦𑌗𑍍𑌂 𑌸𑌰𑍍𑌵᳚𑌮𑍍 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌸𑌰𑍍𑌵॑-𑌞𑍍𑌚 𑌮𑍇 𑌭𑍂𑌯𑌾𑌤𑍍 ॥ 10 ॥
𑌪𑍍𑌰॒𑌤𑌿॒𑌷𑍍𑌠𑌾 𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾𑌦𑌨𑌾𑌧𑍃॒𑌷𑍍𑌯𑌸𑍍𑌸𑌰𑍍𑌵-𑌞𑍍𑌚 𑌮𑍇 𑌭𑍂𑌯𑌾𑌤𑍍 ॥
𑌬𑍍𑌰𑌾॒𑌹𑍍𑌮॒𑌣𑍋 𑌯॒𑌜𑍍𑌞𑍋᳚-𑌽𑌗𑍍𑌨𑌿𑌰𑍍𑌭॒𑌰𑍍𑌤𑌾 𑌪𑍃॑𑌥𑌿॒𑌵𑍀 𑌪𑍍𑌰॑𑌤𑌿॒𑌷𑍍𑌠𑌾-𑌽𑌨𑍍𑌤𑌰𑌿॑𑌕𑍍𑌷𑌂-𑌵𑌿𑌁॒𑌷𑍍𑌠𑌾 𑌵𑌾॒𑌯𑍁𑌃 𑌪𑍍𑌰𑌾॒𑌣𑌶𑍍𑌚॒𑌨𑍍𑌦𑍍𑌰𑌮𑌾॑ 𑌸 𑌋॒𑌤𑍂𑌨𑌨𑍍𑌨॒𑌗𑍍𑌂॒ 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑍋 𑌦𑍍𑌯𑍗𑌰॑𑌨𑌾𑌧𑍃॒𑌷𑍍𑌯 𑌆॑𑌦𑌿॒𑌤𑍍𑌯𑌸𑍍𑌸 𑌤𑍇॑𑌜॒𑌸𑍍𑌵𑍀 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸 𑌇॒𑌦𑌗𑍍𑌂 𑌸𑌰𑍍𑌵॒𑌗𑍍𑌂॒ 𑌸𑌰𑍍𑌵॑-𑌞𑍍𑌚 𑌮𑍇 𑌭𑍂𑌯𑌾𑌤𑍍 ॥
𑌅॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌃 । 𑌸॒𑌵𑌿॒𑌤𑌾 𑌸𑍍𑌤𑍋𑌮𑍈𑌃᳚ । 𑌇𑌨𑍍𑌦𑍍𑌰॑ 𑌉𑌕𑍍𑌥𑌾𑌮॒𑌦𑍈𑌃 । 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑌾॒𑌶𑌿𑌷𑌾᳚ । 𑌅𑌙𑍍𑌗𑌿॑𑌰𑌸𑍋॒ 𑌧𑌿𑌷𑍍𑌣𑌿॑𑌯𑍈𑌰॒𑌗𑍍𑌨𑌿𑌭𑌿𑌃॑ । 𑌮॒𑌰𑍁𑌤॑𑌸𑍍𑌸𑌦𑍋𑌹𑌵𑌿𑌰𑍍𑌧𑌾॒𑌨𑌾𑌭𑍍𑌯𑌾᳚𑌮𑍍 । 𑌆𑌪𑌃॒ 𑌪𑍍𑌰𑍋𑌕𑍍𑌷॑𑌣𑍀𑌭𑌿𑌃 । 𑌓𑌷॑𑌧𑌯𑍋 𑌬॒𑌰𑍍𑌹𑌿𑌷𑌾᳚ । 𑌅𑌦𑌿॑𑌤𑌿॒𑌰𑍍𑌵𑍇𑌦𑍍𑌯𑌾᳚ । 𑌸𑍋𑌮𑍋॑ 𑌦𑍀॒𑌕𑍍𑌷𑌯𑌾᳚ ॥ 11 ॥
𑌤𑍍𑌵𑌷𑍍𑌟𑍇॒𑌧𑍍𑌮𑍇𑌨॑ । 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍇𑌨॑ । 𑌵𑌸॑𑌵॒ 𑌆𑌜𑍍𑌯𑍇॑𑌨 । 𑌆॒𑌦𑌿॒𑌤𑍍𑌯𑌾 𑌦𑌕𑍍𑌷𑌿॑𑌣𑌾𑌭𑌿𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌊॒𑌰𑍍𑌜𑌾 । 𑌪𑍂॒𑌷𑌾 𑌸𑍍𑌵॑𑌗𑌾𑌕𑌾॒𑌰𑍇𑌣॑ । 𑌬𑍃𑌹॒𑌸𑍍𑌪𑌤𑌿𑌃॑ 𑌪𑍁𑌰𑍋॒𑌧𑌯𑌾᳚ । 𑌪𑍍𑌰॒𑌜𑌾𑌪॑𑌤𑌿𑌰𑍁𑌦𑍍𑌗𑍀॒𑌥𑍇𑌨॑ । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌪॒𑌵𑌿𑌤𑍍𑌰𑍇॑𑌣 । 𑌵𑌾॒𑌯𑍁𑌃 𑌪𑌾𑌤𑍍𑌰𑍈𑌃᳚ । 𑌅॒𑌹𑌗𑍍𑌗𑍍𑌂 𑌶𑍍𑌰॒𑌦𑍍𑌧𑌯𑌾᳚ ॥ 12 ॥
𑌦𑍀॒𑌕𑍍𑌷𑌯𑌾॒ 𑌪𑌾𑌤𑍍𑌰𑍈॒𑌰𑍇𑌕॑-𑌞𑍍𑌚 ॥ 8 ॥
𑌸𑍇𑌨𑍇𑌨𑍍𑌦𑍍𑌰॑𑌸𑍍𑌯 । 𑌧𑍇𑌨𑌾॒ 𑌬𑍃𑌹॒𑌸𑍍𑌪𑌤𑍇𑌃᳚ । 𑌪॒𑌥𑍍𑌯𑌾॑ 𑌪𑍂॒𑌷𑍍𑌣𑌃 । 𑌵𑌾𑌗𑍍𑌵𑌾॒𑌯𑍋𑌃 । 𑌦𑍀॒𑌕𑍍𑌷𑌾 𑌸𑍋𑌮॑𑌸𑍍𑌯 । 𑌪𑍃॒𑌥𑌿॒𑌵𑍍𑌯॑𑌗𑍍𑌨𑍇𑌃 । 𑌵𑌸𑍂॑𑌨𑌾-𑌙𑍍𑌗𑌾𑌯॒𑌤𑍍𑌰𑍀 । 𑌰𑍁॒𑌦𑍍𑌰𑌾𑌣𑌾᳚-𑌨𑍍𑌤𑍍𑌰𑌿॒𑌷𑍍𑌟𑍁𑌕𑍍 । 𑌆॒𑌦𑌿॒𑌤𑍍𑌯𑌾𑌨𑌾॒-𑌞𑍍𑌜𑌗॑𑌤𑍀 । 𑌵𑌿𑌷𑍍𑌣𑍋॑𑌰𑌨𑍁॒𑌷𑍍𑌟𑍁𑌕𑍍 ॥ 13 ॥
𑌵𑌰𑍁॑𑌣𑌸𑍍𑌯 𑌵𑌿॒𑌰𑌾𑌟𑍍 । 𑌯॒𑌜𑍍𑌞𑌸𑍍𑌯॑ 𑌪॒𑌙𑍍𑌕𑍍𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌨𑍁॑𑌮𑌤𑌿𑌃 । 𑌮𑌿॒𑌤𑍍𑌰𑌸𑍍𑌯॑ 𑌶𑍍𑌰॒𑌦𑍍𑌧𑌾 । 𑌸॒𑌵𑌿॒𑌤𑍁𑌃 𑌪𑍍𑌰𑌸𑍂॑𑌤𑌿𑌃 । 𑌸𑍂𑌰𑍍𑌯॑𑌸𑍍𑌯॒ 𑌮𑌰𑍀॑𑌚𑌿𑌃 । 𑌚॒𑌨𑍍𑌦𑍍𑌰𑌮॑𑌸𑍋 𑌰𑍋𑌹𑌿॒𑌣𑍀 । 𑌋𑌷𑍀॑𑌣𑌾𑌮𑌰𑍁𑌨𑍍𑌧॒𑌤𑍀 । 𑌪॒𑌰𑍍𑌜𑌨𑍍𑌯॑𑌸𑍍𑌯 𑌵𑌿॒𑌦𑍍𑌯𑍁𑌤𑍍 । 𑌚𑌤॑𑌸𑍍𑌰𑍋॒ 𑌦𑌿𑌶𑌃॑ । 𑌚𑌤॑𑌸𑍍𑌰𑍋-𑌽𑌵𑌾𑌨𑍍𑌤𑌰𑌦𑌿॒𑌶𑌾𑌃 । 𑌅𑌹॑𑌶𑍍𑌚॒ 𑌰𑌾𑌤𑍍𑌰𑌿॑𑌶𑍍𑌚 । 𑌕𑍃॒𑌷𑌿𑌶𑍍𑌚॒ 𑌵𑍃𑌷𑍍𑌟𑌿॑𑌶𑍍𑌚 । 𑌤𑍍𑌵𑌿𑌷𑌿॒𑌶𑍍𑌚𑌾𑌪॑𑌚𑌿𑌤𑌿𑌶𑍍𑌚 । 𑌆𑌪॒𑌶𑍍𑌚𑍗𑌷॑𑌧𑌯𑌶𑍍𑌚 । 𑌊𑌰𑍍𑌕𑍍𑌚॑ 𑌸𑍂॒𑌨𑍃𑌤𑌾॑ 𑌚 𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨॑𑌯𑌃 ॥ 14 ॥
𑌅॒𑌨𑍁॒𑌷𑍍𑌟𑍁𑌗𑍍𑌦𑌿𑌶॒𑌷𑍍𑌷𑌟𑍍𑌚॑ ॥ 9 ॥
𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇॒-𑌽𑌗𑍍𑌨𑌯𑍇॒ 𑌹𑌿𑌰॑𑌣𑍍𑌯𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 । 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 । 𑌕 𑌇॒𑌦-𑌙𑍍𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 ॥ 15 ॥
𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍𑌂॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚-𑌽𑌽𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 । 𑌸𑍋𑌮𑌾॑𑌯॒ 𑌵𑌾𑌸𑌃॑ । 𑌰𑍁॒𑌦𑍍𑌰𑌾𑌯॒ 𑌗𑌾𑌮𑍍 । 𑌵𑌰𑍁॑𑌣𑌾॒𑌯𑌾𑌶𑍍𑌵᳚𑌮𑍍 । 𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷𑌮𑍍 ॥ 16 ॥
𑌮𑌨॑𑌵𑍇॒ 𑌤𑌲𑍍𑌪᳚𑌮𑍍 । 𑌤𑍍𑌵𑌷𑍍𑌟𑍍𑌰𑍇॒-𑌽𑌜𑌾𑌮𑍍 । 𑌪𑍂॒𑌷𑍍𑌣𑍇-𑌽𑌵𑌿᳚𑌮𑍍 । 𑌨𑌿𑌰𑍍-𑌋॑𑌤𑍍𑌯𑌾 𑌅𑌶𑍍𑌵𑌤𑌰𑌗𑌰𑍍𑌦॒𑌭𑍗 । 𑌹𑌿॒𑌮𑌵॑𑌤𑍋 𑌹॒𑌸𑍍𑌤𑌿𑌨᳚𑌮𑍍 । 𑌗॒𑌨𑍍𑌧॒𑌰𑍍𑌵𑌾॒𑌪𑍍𑌸॒𑌰𑌾𑌭𑍍𑌯॑𑌸𑍍𑌸𑍍𑌰𑌗𑌲𑌙𑍍𑌕𑌰॒𑌣𑍇 । 𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌧𑌾॒𑌨𑍍𑌯𑌮𑍍 । 𑌵𑌾॒𑌚𑍇-𑌽𑌨𑍍𑌨᳚𑌮𑍍 । 𑌬𑍍𑌰𑌹𑍍𑌮॑𑌣 𑌓𑌦॒𑌨𑌮𑍍 । 𑌸॒𑌮𑍁॒𑌦𑍍𑌰𑌾𑌯𑌾𑌪𑌃॑ ॥ 17 ॥
𑌉॒𑌤𑍍𑌤𑌾॒𑌨𑌾𑌯𑌾᳚𑌙𑍍𑌗𑍀𑌰॒𑌸𑌾𑌯𑌾𑌨𑌃॑ । 𑌵𑍈॒𑌶𑍍𑌵𑌾॒𑌨॒𑌰𑌾𑌯॒ 𑌰𑌥᳚𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌃 𑌪𑍍𑌰॒𑌤𑍍𑌨𑌥𑌾॒ 𑌨𑌾𑌕॒𑌮𑌾𑌰𑍁॑𑌹𑌤𑍍 । 𑌦𑌿॒𑌵𑌃 𑌪𑍃॒𑌷𑍍𑌠-𑌮𑍍𑌭𑌨𑍍𑌦॑𑌮𑌾𑌨𑌸𑍍𑌸𑍁॒𑌮𑌨𑍍𑌮॑𑌭𑌿𑌃 । 𑌸 𑌪𑍂᳚𑌰𑍍𑌵॒𑌵𑌜𑍍𑌜॒𑌨𑌯॑𑌜𑍍𑌜॒𑌨𑍍𑌤𑌵𑍇॒ 𑌧𑌨᳚𑌮𑍍 । 𑌸॒𑌮𑌾॒𑌨𑌮॑𑌜𑍍𑌮𑌾॒ 𑌪𑌰𑌿॑𑌯𑌾𑌤𑌿॒ 𑌜𑌾𑌗𑍃॑𑌵𑌿𑌃 । 𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌰𑌥᳚𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 । 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 ॥ 18 ॥
𑌕 𑌇॒𑌦-𑌙𑍍𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 । 𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍𑌂॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚-𑌽𑌽𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 ॥ 19 ॥
𑌦𑌾॒𑌤𑌾 𑌪𑍁𑌰𑍁॑𑌷॒𑌮𑌾𑌪𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 𑌨𑌵॑ 𑌚 ॥ 10 ॥
𑌸𑍁॒𑌵𑌰𑍍𑌣॑-𑌙𑍍𑌘॒𑌰𑍍𑌮-𑌮𑍍𑌪𑌰𑌿॑𑌵𑍇𑌦 𑌵𑍇॒𑌨𑌮𑍍 । 𑌇𑌨𑍍𑌦𑍍𑌰॑𑌸𑍍𑌯𑌾॒-𑌽𑌽𑌤𑍍𑌮𑌾𑌨॑-𑌨𑍍𑌦𑌶॒𑌧𑌾 𑌚𑌰॑𑌨𑍍𑌤𑌮𑍍 । 𑌅॒𑌨𑍍𑌤𑌸𑍍𑌸॑𑌮𑍁॒𑌦𑍍𑌰𑍇 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌬𑍍𑌰𑌹𑍍𑌮𑌾-𑌽𑌨𑍍𑌵॑𑌵𑌿𑌨𑍍𑌦॒𑌦𑍍𑌦𑌶॑𑌹𑍋𑌤𑌾𑌰॒𑌮𑌰𑍍𑌣𑍇᳚ । 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾𑌮𑍍 । 𑌏𑌕॒𑌸𑍍𑌸𑌨𑍍𑌬॑𑌹𑍁॒𑌧𑌾 𑌵𑌿॑𑌚𑌾𑌰𑌃 । 𑌶॒𑌤𑌗𑍍𑌂 𑌶𑍁॒𑌕𑍍𑌰𑌾𑌣𑌿॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸𑌰𑍍𑌵𑍇॒ 𑌵𑍇𑌦𑌾॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸𑌰𑍍𑌵𑍇॒ 𑌹𑍋𑌤𑌾॑𑌰𑍋॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 ॥ 20 ॥
𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾॒𑌗𑍍𑌂॒ 𑌸𑌰𑍍𑌵𑌾᳚𑌤𑍍𑌮𑌾 । 𑌸𑌰𑍍𑌵𑌾𑌃᳚ 𑌪𑍍𑌰॒𑌜𑌾 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌚𑌤𑍁॑𑌰𑍍𑌹𑍋𑌤𑌾𑌰𑍋॒ 𑌯𑌤𑍍𑌰॑ 𑌸॒𑌮𑍍𑌪𑌦॒-𑌙𑍍𑌗𑌚𑍍𑌛॑𑌨𑍍𑌤𑌿 𑌦𑍇॒𑌵𑍈𑌃 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 । 𑌬𑍍𑌰𑌹𑍍𑌮𑍇𑌨𑍍𑌦𑍍𑌰॑𑌮॒𑌗𑍍𑌨𑌿-𑌞𑍍𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌮𑍍 । 𑌦𑌿॒𑌵 𑌆॒𑌤𑍍𑌮𑌾𑌨𑌗𑍍𑌂॑ 𑌸𑌵𑌿॒𑌤𑌾𑌰॒-𑌮𑍍𑌬𑍃𑌹॒𑌸𑍍𑌪𑌤𑌿᳚𑌮𑍍 । 𑌚𑌤𑍁॑𑌰𑍍𑌹𑍋𑌤𑌾𑌰-𑌮𑍍𑌪𑍍𑌰॒𑌦𑌿𑌶𑍋-𑌽𑌨𑍁॑𑌕𑍍𑌲𑍃॒𑌪𑍍𑌤𑌮𑍍 । 𑌵𑌾॒𑌚𑍋 𑌵𑍀॒𑌰𑍍𑌯॑-𑌨𑍍𑌤𑌪॒𑌸𑌾-𑌽𑌨𑍍𑌵॑𑌵𑌿𑌨𑍍𑌦𑌤𑍍 । 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌤𑍍𑌵𑌷𑍍𑌟𑌾॑𑌰𑌗𑍍𑌂 𑌰𑍂॒𑌪𑌾𑌣𑌿॑ 𑌵𑌿𑌕𑍁॒𑌰𑍍𑌵𑌨𑍍𑌤𑌂॑-𑌵𑌿𑌁𑌪॒𑌶𑍍𑌚𑌿𑌮𑍍 ॥ 21 ॥
𑌅॒𑌮𑍃𑌤॑𑌸𑍍𑌯 𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 । 𑌚𑌤𑍁॑𑌰𑍍𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌦𑍇॒𑌵𑌾𑌨𑌾॒-𑌮𑍍𑌬𑌨𑍍𑌧𑍁॒ 𑌨𑌿𑌹𑌿॑𑌤॒-𑌙𑍍𑌗𑍁𑌹𑌾॑𑌸𑍁 । 𑌅॒𑌮𑍃𑌤𑍇॑𑌨 𑌕𑍍𑌲𑍃॒𑌪𑍍𑌤𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 । 𑌚𑌤𑍁॑𑌰𑍍𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌶॒𑌤-𑌨𑍍𑌨𑌿॒𑌯𑍁𑌤𑌃॒ 𑌪𑌰𑌿॑𑌵𑍇𑌦॒ 𑌵𑌿𑌶𑍍𑌵𑌾॑ 𑌵𑌿॒𑌶𑍍𑌵𑌵𑌾॑𑌰𑌃 । 𑌵𑌿𑌶𑍍𑌵॑𑌮𑌿॒𑌦𑌂-𑌵𑍃𑌁॑𑌣𑌾𑌤𑌿 । 𑌇𑌨𑍍𑌦𑍍𑌰॑𑌸𑍍𑌯𑌾॒-𑌽𑌽𑌤𑍍𑌮𑌾 𑌨𑌿𑌹𑌿॑𑌤𑌃॒ 𑌪𑌞𑍍𑌚॑𑌹𑍋𑌤𑌾 । 𑌅॒𑌮𑍃𑌤॑-𑌨𑍍𑌦𑍇॒𑌵𑌾𑌨𑌾॒𑌮𑌾𑌯𑍁𑌃॑ 𑌪𑍍𑌰॒𑌜𑌾𑌨𑌾᳚𑌮𑍍 ॥ 22 ॥
𑌇𑌨𑍍𑌦𑍍𑌰॒𑌗𑍍𑌂॒ 𑌰𑌾𑌜𑌾॑𑌨𑌗𑍍𑌂 𑌸𑌵𑌿॒𑌤𑌾𑌰॑𑌮𑍇॒𑌤𑌮𑍍 । 𑌵𑌾॒𑌯𑍋𑌰𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 । 𑌰॒𑌶𑍍𑌮𑌿𑌗𑍍𑌂 𑌰॑𑌶𑍍𑌮𑍀॒𑌨𑌾-𑌮𑍍𑌮𑌧𑍍𑌯𑍇॒ 𑌤𑌪॑𑌨𑍍𑌤𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 । 𑌯 𑌆᳚𑌣𑍍𑌡𑌕𑍋॒𑌶𑍇 𑌭𑍁𑌵॑𑌨-𑌮𑍍𑌬𑌿॒𑌭𑌰𑍍𑌤𑌿॑ । 𑌅𑌨𑌿॑𑌰𑍍𑌭𑌿𑌣𑍍𑌣॒𑌸𑍍𑌸𑌨𑍍𑌨𑌥॑ 𑌲𑍋॒𑌕𑌾𑌨𑍍 𑌵𑌿॒𑌚𑌷𑍍𑌟𑍇᳚ । 𑌯𑌸𑍍𑌯𑌾᳚𑌣𑍍𑌡𑌕𑍋॒𑌶𑌗𑍍𑌂 𑌶𑍁𑌷𑍍𑌮॑𑌮𑌾॒𑌹𑍁𑌃 𑌪𑍍𑌰𑌾॒𑌣𑌮𑍁𑌲𑍍𑌬᳚𑌮𑍍 । 𑌤𑍇𑌨॑ 𑌕𑍍𑌲𑍃॒𑌪𑍍𑌤𑍋॑-𑌽𑌮𑍃𑌤𑍇॑𑌨𑌾॒𑌹𑌮॑𑌸𑍍𑌮𑌿 । 𑌸𑍁॒𑌵𑌰𑍍𑌣॒-𑌙𑍍𑌕𑍋𑌶॒𑌗𑍍𑌂॒ 𑌰𑌜॑𑌸𑌾॒ 𑌪𑌰𑍀॑𑌵𑍃𑌤𑌮𑍍 । 𑌦𑍇॒𑌵𑌾𑌨𑌾𑌂᳚-𑌵𑌁𑌸𑍁॒𑌧𑌾𑌨𑍀𑌂᳚-𑌵𑌿𑌁॒𑌰𑌾𑌜᳚𑌮𑍍 ॥ 23 ॥
𑌅॒𑌮𑍃𑌤॑𑌸𑍍𑌯 𑌪𑍂॒𑌰𑍍𑌣𑌾-𑌨𑍍𑌤𑌾𑌮𑍁॑ 𑌕॒𑌲𑌾𑌂-𑌵𑌿𑌁𑌚॑𑌕𑍍𑌷𑌤𑍇 । 𑌪𑌾𑌦॒𑌗𑍍𑌂॒ 𑌷𑌡𑍍𑌢𑍋॑𑌤𑍁॒𑌰𑍍𑌨 𑌕𑌿𑌲𑌾॑-𑌽𑌽𑌵𑌿𑌵𑌿𑌤𑍍𑌸𑍇 । 𑌯𑍇𑌨॒𑌰𑍍𑌤𑌵𑌃॑ 𑌪𑌞𑍍𑌚॒𑌧𑍋𑌤 𑌕𑍍𑌲𑍃॒𑌪𑍍𑌤𑌾𑌃 । 𑌉॒𑌤 𑌵𑌾॑ 𑌷॒𑌡𑍍𑌧𑌾 𑌮𑌨॒𑌸𑍋𑌤 𑌕𑍍𑌲𑍃॒𑌪𑍍𑌤𑌾𑌃 । 𑌤𑌗𑍍𑌂 𑌷𑌡𑍍𑌢𑍋॑𑌤𑌾𑌰𑌮𑍃॒𑌤𑍁𑌭𑌿𑌃॒ 𑌕𑌲𑍍𑌪॑𑌮𑌾𑌨𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 । 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌅॒𑌨𑍍𑌤𑌶𑍍𑌚॒𑌨𑍍𑌦𑍍𑌰𑌮॑𑌸𑌿॒ 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌸॒𑌹𑍈𑌵 𑌸𑌨𑍍𑌤॒-𑌨𑍍𑌨 𑌵𑌿𑌜𑌾॑𑌨𑌨𑍍𑌤𑌿 𑌦𑍇॒𑌵𑌾𑌃 । 𑌇𑌨𑍍𑌦𑍍𑌰॑𑌸𑍍𑌯𑌾॒-𑌽𑌽𑌤𑍍𑌮𑌾𑌨𑌗𑍍𑌂॑ 𑌶𑌤॒𑌧𑌾 𑌚𑌰॑𑌨𑍍𑌤𑌮𑍍 ॥ 24 ॥
𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒ 𑌜𑌗॑𑌤𑍋॒ 𑌯 𑌈𑌶𑍇᳚ । 𑌸॒𑌪𑍍𑌤𑌹𑍋॑𑌤𑌾 𑌸𑌪𑍍𑌤॒𑌧𑌾 𑌵𑌿𑌕𑍍𑌲𑍃॑𑌪𑍍𑌤𑌃 । 𑌪𑌰𑍇॑𑌣॒ 𑌤𑌨𑍍𑌤𑍁॑-𑌮𑍍𑌪𑌰𑌿𑌷𑌿॒𑌚𑍍𑌯𑌮𑌾॑𑌨𑌮𑍍 । 𑌅॒𑌨𑍍𑌤𑌰𑌾॑𑌦𑌿॒𑌤𑍍𑌯𑍇 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌦𑍇॒𑌵𑌾𑌨𑌾॒𑌗𑍍𑌂॒ 𑌹𑍃𑌦॑𑌯॒-𑌮𑍍𑌬𑍍𑌰𑌹𑍍𑌮𑌾-𑌽𑌨𑍍𑌵॑𑌵𑌿𑌨𑍍𑌦𑌤𑍍 । 𑌬𑍍𑌰𑌹𑍍𑌮𑍈॒𑌤𑌦𑍍𑌬𑍍𑌰𑌹𑍍𑌮॑𑌣॒ 𑌉𑌜𑍍𑌜॑𑌭𑌾𑌰 । 𑌅॒𑌰𑍍𑌕𑌗𑍍𑌗𑍍𑌂 𑌶𑍍𑌚𑍋𑌤॑𑌨𑍍𑌤𑌗𑍍𑌂 𑌸𑌰𑌿॒𑌰𑌸𑍍𑌯॒ 𑌮𑌧𑍍𑌯𑍇᳚ । 𑌆 𑌯𑌸𑍍𑌮𑌿॑𑌨𑍍𑌥𑍍𑌸॒𑌪𑍍𑌤 𑌪𑍇𑌰॑𑌵𑌃 । 𑌮𑍇𑌹॑𑌨𑍍𑌤𑌿 𑌬𑌹𑍁॒𑌲𑌾𑌗𑍍𑌂 𑌶𑍍𑌰𑌿𑌯᳚𑌮𑍍 । 𑌬॒𑌹𑍍𑌵॒𑌶𑍍𑌵𑌾𑌮𑌿॑𑌨𑍍𑌦𑍍𑌰॒ 𑌗𑍋𑌮॑𑌤𑍀𑌮𑍍 ॥ 25 ॥
𑌅𑌚𑍍𑌯𑍁॑𑌤𑌾-𑌮𑍍𑌬𑌹𑍁॒𑌲𑌾𑌗𑍍𑌂 𑌶𑍍𑌰𑌿𑌯᳚𑌮𑍍 । 𑌸 𑌹𑌰𑌿॑𑌰𑍍𑌵𑌸𑍁॒𑌵𑌿𑌤𑍍𑌤॑𑌮𑌃 । 𑌪𑍇॒𑌰𑍁𑌰𑌿𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵𑌤𑍇 । 𑌬॒𑌹𑍍𑌵॒𑌶𑍍𑌵𑌾𑌮𑌿॑𑌨𑍍𑌦𑍍𑌰॒ 𑌗𑍋𑌮॑𑌤𑍀𑌮𑍍 । 𑌅𑌚𑍍𑌯𑍁॑𑌤𑌾-𑌮𑍍𑌬𑌹𑍁॒𑌲𑌾𑌗𑍍𑌂 𑌶𑍍𑌰𑌿𑌯᳚𑌮𑍍 । 𑌮𑌹𑍍𑌯॒𑌮𑌿𑌨𑍍𑌦𑍍𑌰𑍋॒ 𑌨𑌿𑌯॑𑌚𑍍𑌛𑌤𑍁 । 𑌶॒𑌤𑌗𑍍𑌂 𑌶॒𑌤𑌾 𑌅॑𑌸𑍍𑌯 𑌯𑍁॒𑌕𑍍𑌤𑌾 𑌹𑌰𑍀॑𑌣𑌾𑌮𑍍 । 𑌅॒𑌰𑍍𑌵𑌾𑌙𑌾 𑌯𑌾॑𑌤𑍁॒ 𑌵𑌸𑍁॑𑌭𑍀 𑌰॒𑌶𑍍𑌮𑌿𑌰𑌿𑌨𑍍𑌦𑍍𑌰𑌃॑ । 𑌪𑍍𑌰𑌮𑌗𑍍𑌂𑌹॑ 𑌮𑌾𑌣𑍋 𑌬𑌹𑍁॒𑌲𑌾𑌗𑍍𑌂 𑌶𑍍𑌰𑌿𑌯᳚𑌮𑍍 । 𑌰॒𑌶𑍍𑌮𑌿𑌰𑌿𑌨𑍍𑌦𑍍𑌰॑𑌸𑍍𑌸𑌵𑌿॒𑌤𑌾 𑌮𑍇॒ 𑌨𑌿𑌯॑𑌚𑍍𑌛𑌤𑍁 ॥ 26 ॥
𑌘𑍃॒𑌤-𑌨𑍍𑌤𑍇𑌜𑍋॒ 𑌮𑌧𑍁॑𑌮𑌦𑌿𑌨𑍍𑌦𑍍𑌰𑌿॒𑌯𑌮𑍍 । 𑌮𑌯𑍍𑌯॒𑌯𑌮॒𑌗𑍍𑌨𑌿𑌰𑍍𑌦॑𑌧𑌾𑌤𑍁 । 𑌹𑌰𑌿𑌃॑ 𑌪𑌤॒𑌙𑍍𑌗𑌃 𑌪॑𑌟॒𑌰𑍀 𑌸𑍁॑𑌪॒𑌰𑍍𑌣𑌃 । 𑌦𑌿॒𑌵𑌿॒𑌕𑍍𑌷𑌯𑍋॒ 𑌨𑌭॑𑌸𑌾॒ 𑌯 𑌏𑌤𑌿॑ । 𑌸 𑌨॒ 𑌇𑌨𑍍𑌦𑍍𑌰𑌃॑ 𑌕𑌾𑌮𑌵॒𑌰-𑌨𑍍𑌦॑𑌦𑌾𑌤𑍁 । 𑌪𑌞𑍍𑌚𑌾॑𑌰-𑌞𑍍𑌚॒𑌕𑍍𑌰-𑌮𑍍𑌪𑌰𑌿॑𑌵𑌰𑍍𑌤𑌤𑍇 𑌪𑍃॒𑌥𑍁 । 𑌹𑌿𑌰॑𑌣𑍍𑌯𑌜𑍍𑌯𑍋𑌤𑌿𑌸𑍍𑌸𑌰𑌿॒𑌰𑌸𑍍𑌯॒ 𑌮𑌧𑍍𑌯𑍇᳚ । 𑌅𑌜॑𑌸𑍍𑌰॒-𑌞𑍍𑌜𑍍𑌯𑍋𑌤𑌿॒𑌰𑍍𑌨𑌭॑𑌸𑌾॒ 𑌸𑌰𑍍𑌪॑𑌦𑍇𑌤𑌿 । 𑌸 𑌨॒ 𑌇𑌨𑍍𑌦𑍍𑌰𑌃॑ 𑌕𑌾𑌮𑌵॒𑌰-𑌨𑍍𑌦॑𑌦𑌾𑌤𑍁 । 𑌸॒𑌪𑍍𑌤 𑌯𑍁॑𑌞𑍍𑌜𑌨𑍍𑌤𑌿॒ 𑌰𑌥॒𑌮𑍇𑌕॑𑌚𑌕𑍍𑌰𑌮𑍍 ॥ 27 ॥
𑌏𑌕𑍋॒ 𑌅𑌶𑍍𑌵𑍋॑ 𑌵𑌹𑌤𑌿 𑌸𑌪𑍍𑌤𑌨𑌾॒𑌮𑌾 । 𑌤𑍍𑌰𑌿॒𑌨𑌾𑌭𑌿॑ 𑌚॒𑌕𑍍𑌰𑌮॒𑌜𑌰॒𑌮𑌨॑𑌰𑍍𑌵𑌮𑍍 । 𑌯𑍇𑌨𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌤𑌸𑍍𑌥𑍁𑌃 । 𑌭॒𑌦𑍍𑌰-𑌮𑍍𑌪𑌶𑍍𑌯॑𑌨𑍍𑌤॒ 𑌉𑌪॑𑌸𑍇𑌦𑍁॒𑌰𑌗𑍍𑌰𑍇᳚ । 𑌤𑌪𑍋॑ 𑌦𑍀॒𑌕𑍍𑌷𑌾𑌮𑍃𑌷॑𑌯𑌸𑍍𑌸𑍁𑌵॒𑌰𑍍𑌵𑌿𑌦𑌃॑ । 𑌤𑌤𑌃॑ 𑌕𑍍𑌷॒𑌤𑍍𑌤𑍍𑌰-𑌮𑍍𑌬𑌲॒𑌮𑍋𑌜॑𑌶𑍍𑌚 𑌜𑌾॒𑌤𑌮𑍍 । 𑌤𑌦॒𑌸𑍍𑌮𑍈 𑌦𑍇॒𑌵𑌾 𑌅॒𑌭𑌿𑌸-𑌨𑍍𑌨॑𑌮𑌨𑍍𑌤𑍁 । 𑌶𑍍𑌵𑍇॒𑌤𑌗𑍍𑌂 𑌰॒𑌶𑍍𑌮𑌿-𑌮𑍍𑌬𑍋॑𑌭𑍁॒𑌜𑍍𑌯𑌮𑌾॑𑌨𑌮𑍍 । 𑌅॒𑌪𑌾-𑌨𑍍𑌨𑍇॒𑌤𑌾𑌰॒-𑌮𑍍𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌮𑍍 । 𑌇𑌨𑍍𑌦𑍍𑌰॒-𑌨𑍍𑌨𑌿𑌚𑌿॑𑌕𑍍𑌯𑍁𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 28 ॥
𑌰𑍋𑌹𑌿॑𑌣𑍀𑌃 𑌪𑌿𑌙𑍍𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌕𑍍𑌷𑌰॑𑌨𑍍𑌤𑍀𑌃 𑌪𑌿𑌙𑍍𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌶॒𑌤𑌗𑍍𑌂 𑌸॒𑌹𑌸𑍍𑌰𑌾॑𑌣𑌿 𑌪𑍍𑌰॒𑌯𑍁𑌤𑌾॑𑌨𑌿॒ 𑌨𑌾𑌵𑍍𑌯𑌾॑𑌨𑌾𑌮𑍍 । 𑌅॒𑌯𑌂-𑌯𑌁𑌶𑍍𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 । 𑌪𑌰𑌿॒ 𑌸𑌰𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍𑌧𑌨𑌾॑𑌨𑌿 । 𑌅॒𑌸𑍍𑌮𑌾𑌕॑-𑌨𑍍𑌦𑌦𑌾𑌤𑍁 । 𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 𑌪𑌰𑌿॒ 𑌸𑌰𑍍𑌵॑-𑌮𑍍𑌬𑌭𑍂𑌵 । 𑌸𑍁𑌵॒𑌨𑍍𑌮𑌹𑍍𑌯॑-𑌮𑍍𑌪॒𑌶𑍂𑌨𑍍 𑌵𑌿॒𑌶𑍍𑌵𑌰𑍂॑𑌪𑌾𑌨𑍍 । 𑌪॒𑌤॒𑌙𑍍𑌗𑌮॒𑌕𑍍𑌤𑌮𑌸𑍁॑𑌰𑌸𑍍𑌯 𑌮𑌾॒𑌯𑌯𑌾᳚ ॥ 29 ॥
𑌹𑍃॒𑌦𑌾 𑌪॑𑌶𑍍𑌯𑌨𑍍𑌤𑌿॒ 𑌮𑌨॑𑌸𑌾 𑌮𑌨𑍀॒𑌷𑌿𑌣𑌃॑ । 𑌸॒𑌮𑍁॒𑌦𑍍𑌰𑍇 𑌅॒𑌨𑍍𑌤𑌃 𑌕॒𑌵𑌯𑍋॒ 𑌵𑌿𑌚॑𑌕𑍍𑌷𑌤𑍇 । 𑌮𑌰𑍀॑𑌚𑍀𑌨𑌾-𑌮𑍍𑌪॒𑌦𑌮𑌿॑𑌚𑍍𑌛𑌨𑍍𑌤𑌿 𑌵𑍇॒𑌧𑌸𑌃॑ । 𑌪॒𑌤॒𑌙𑍍𑌗𑍋 𑌵𑌾𑌚॒-𑌮𑍍𑌮𑌨॑𑌸𑌾 𑌬𑌿𑌭𑌰𑍍𑌤𑌿 । 𑌤𑌾-𑌙𑍍𑌗॑𑌨𑍍𑌧॒𑌰𑍍𑌵𑍋॑-𑌽𑌵𑌦॒𑌦𑍍𑌗𑌰𑍍𑌭𑍇॑ 𑌅॒𑌨𑍍𑌤𑌃 । 𑌤𑌾-𑌨𑍍𑌦𑍍𑌯𑍋𑌤॑𑌮𑌾𑌨𑌾𑌗𑍍𑌂 𑌸𑍍𑌵॒𑌰𑍍𑌯॑-𑌮𑍍𑌮𑌨𑍀॒𑌷𑌾𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 । 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌅॒𑌗𑍍𑌨𑌿𑌸𑍍𑌤𑌾𑌗𑍍𑌂 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 ॥ 30 ॥
𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂𑌵𑌿𑌁𑌦𑌾॒𑌨𑌃 । 𑌵𑍀॒𑌤𑌗𑍍𑌗𑍍𑌂 𑌸𑍍𑌤𑍁॑𑌕𑍇 𑌸𑍍𑌤𑍁𑌕𑍇 । 𑌯𑍁॒𑌵𑌮॒𑌸𑍍𑌮𑌾𑌸𑍁॒ 𑌨𑌿𑌯॑𑌚𑍍𑌛𑌤𑌮𑍍 । 𑌪𑍍𑌰 𑌪𑍍𑌰॑ 𑌯॒𑌜𑍍𑌞𑌪॑𑌤𑌿-𑌨𑍍𑌤𑌿𑌰 । 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌤𑍇𑌷𑌾𑌗𑍍𑌂॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌨𑍍𑌤𑌿॑𑌰𑌸𑍍𑌤𑍁 । 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 । 𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌵𑌾॒𑌯𑍁𑌸𑍍𑌤𑌾𑌗𑍍𑌂 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂𑌵𑌿𑌁𑌦𑌾॒𑌨𑌃 । 𑌇𑌡𑌾॑𑌯𑍈 𑌸𑍃॒𑌪𑍍𑌤-𑌙𑍍𑌘𑍃॒𑌤𑌵॑𑌚𑍍𑌚𑌰𑌾𑌚॒𑌰𑌮𑍍 । 𑌦𑍇॒𑌵𑌾 𑌅𑌨𑍍𑌵॑𑌵𑌿𑌨𑍍𑌦॒𑌨𑍍𑌗𑍁𑌹𑌾॑ 𑌹𑌿॒𑌤𑌮𑍍 । 𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌤𑍇𑌷𑌾𑌗𑍍𑌂॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌨𑍍𑌤𑌿॑𑌰𑌸𑍍𑌤𑍁 । 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 ॥ 31 ॥
𑌆॒𑌤𑍍𑌮𑌾 𑌜𑌨𑌾॑𑌨𑌾𑌂-𑌵𑌿𑌁𑌕𑍁॒𑌰𑍍𑌵𑌨𑍍𑌤𑌂॑-𑌵𑌿𑌁𑌪॒𑌶𑍍𑌚𑌿-𑌮𑍍𑌪𑍍𑌰॒𑌜𑌾𑌨𑌾𑌂᳚-𑌵𑌁𑌸𑍁॒𑌧𑌾𑌨𑍀𑌂᳚-𑌵𑌿𑌁॒𑌰𑌾𑌜॒-𑌞𑍍𑌚𑌰॑𑌨𑍍𑌤॒-𑌙𑍍𑌗𑍋𑌮॑𑌤𑍀-𑌮𑍍𑌮𑍇॒ 𑌨𑌿𑌯॑𑌚𑍍𑌛॒𑌤𑍍𑌵𑍇𑌕॑𑌚𑌕𑍍𑌰𑌂॒-𑌵𑍍𑌯𑍋𑌁॑𑌮𑌨𑍍𑌮𑌾॒𑌯𑌯𑌾॑ 𑌦𑍇॒𑌵 𑌏𑌕॑𑌰𑍂𑌪𑌾 𑌅॒𑌷𑍍𑌟𑍗 𑌚॑ ॥ 11 ॥
𑌸॒𑌹𑌸𑍍𑌰॑𑌶𑍀𑌰𑍍𑌷𑌾॒ 𑌪𑍁𑌰𑍁॑𑌷𑌃 । 𑌸॒𑌹॒𑌸𑍍𑌰𑌾॒𑌕𑍍𑌷𑌸𑍍𑌸॒𑌹𑌸𑍍𑌰॑𑌪𑌾𑌤𑍍 ।
𑌸 𑌭𑍂𑌮𑌿𑌂॑-𑌵𑌿𑌁॒𑌶𑍍𑌵𑌤𑍋॑ 𑌵𑍃॒𑌤𑍍𑌵𑌾 । 𑌅𑌤𑍍𑌯॑𑌤𑌿𑌷𑍍𑌠𑌦𑍍𑌦𑌶𑌾𑌙𑍍𑌗𑍁॒𑌲𑌮𑍍 ।
𑌪𑍁𑌰𑍁॑𑌷 𑌏॒𑌵𑍇𑌦𑌗𑍍𑌂 𑌸𑌰𑍍𑌵᳚𑌮𑍍 । 𑌯𑌦𑍍𑌭𑍂॒𑌤𑌂-𑌯𑌁𑌚𑍍𑌚॒ 𑌭𑌵𑍍𑌯᳚𑌮𑍍 ।
𑌉॒𑌤𑌾𑌮𑍃॑𑌤॒𑌤𑍍𑌵𑌸𑍍𑌯𑍇𑌶𑌾॑𑌨𑌃 । 𑌯𑌦𑌨𑍍𑌨𑍇॑𑌨𑌾𑌤𑌿॒𑌰𑍋𑌹॑𑌤𑌿 । 𑌏॒𑌤𑌾𑌵𑌾॑𑌨𑌸𑍍𑌯 𑌮𑌹𑌿॒𑌮𑌾 । 𑌅𑌤𑍋॒ 𑌜𑍍𑌯𑌾𑌯𑌾𑌗𑍍𑌂॑𑌶𑍍𑌚॒ 𑌪𑍂𑌰𑍁॑𑌷𑌃 ॥ 32,33 ॥
𑌪𑌾𑌦𑍋᳚-𑌽𑌸𑍍𑌯॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌤𑍍𑌰𑌿॒𑌪𑌾𑌦॑𑌸𑍍𑌯𑌾॒𑌮𑍃𑌤॑-𑌨𑍍𑌦𑌿॒𑌵𑌿 ।
𑌤𑍍𑌰𑌿॒𑌪𑌾𑌦𑍂॒𑌰𑍍𑌧𑍍𑌵 𑌉𑌦𑍈॒𑌤𑍍𑌪𑍁𑌰𑍁॑𑌷𑌃 । 𑌪𑌾𑌦𑍋᳚-𑌽𑌸𑍍𑌯𑍇॒𑌹𑌾𑌭॑𑌵𑌾॒𑌤𑍍𑌪𑍁𑌨𑌃॑ ।
𑌤𑌤𑍋॒ 𑌵𑌿𑌷𑍍𑌵॒𑌙𑍍𑌵𑍍𑌯॑𑌕𑍍𑌰𑌾𑌮𑌤𑍍 । 𑌸𑌾॒𑌶॒𑌨𑌾॒𑌨॒𑌶॒𑌨𑍇 𑌅॒𑌭𑌿 ।
𑌤𑌸𑍍𑌮𑌾᳚𑌦𑍍𑌵𑌿॒𑌰𑌾𑌡॑𑌜𑌾𑌯𑌤 । 𑌵𑌿॒𑌰𑌾𑌜𑍋॒ 𑌅𑌧𑌿॒ 𑌪𑍂𑌰𑍁॑𑌷𑌃 । 𑌸 𑌜𑌾॒𑌤𑍋 𑌅𑌤𑍍𑌯॑𑌰𑌿𑌚𑍍𑌯𑌤 । 𑌪॒𑌶𑍍𑌚𑌾𑌦𑍍𑌭𑍂𑌮𑌿॒𑌮𑌥𑍋॑ 𑌪𑍁॒𑌰𑌃 ॥ 34,35 ॥
𑌯𑌤𑍍𑌪𑍁𑌰𑍁॑𑌷𑍇𑌣 𑌹॒𑌵𑌿𑌷𑌾᳚ । 𑌦𑍇॒𑌵𑌾 𑌯॒𑌜𑍍𑌞𑌮𑌤॑𑌨𑍍𑌵𑌤 ।
𑌵॒𑌸॒𑌨𑍍𑌤𑍋 𑌅॑𑌸𑍍𑌯𑌾-𑌽𑌽𑌸𑍀॒𑌦𑌾𑌜𑍍𑌯᳚𑌮𑍍 । 𑌗𑍍𑌰𑍀॒𑌷𑍍𑌮 𑌇॒𑌧𑍍𑌮𑌶𑍍𑌶॒𑌰𑌦𑍍𑌧॒𑌵𑌿𑌃 ।
𑌸॒𑌪𑍍𑌤𑌾𑌸𑍍𑌯𑌾॑-𑌽𑌽𑌸𑌨𑍍𑌪𑌰𑌿॒𑌧𑌯𑌃॑ । 𑌤𑍍𑌰𑌿𑌸𑍍𑌸॒𑌪𑍍𑌤 𑌸॒𑌮𑌿𑌧𑌃॑ 𑌕𑍃॒𑌤𑌾𑌃 ।
𑌦𑍇॒𑌵𑌾 𑌯𑌦𑍍𑌯॒𑌜𑍍𑌞-𑌨𑍍𑌤॑𑌨𑍍𑌵𑌾॒𑌨𑌾𑌃 । 𑌅𑌬॑𑌧𑍍𑌨॒𑌨𑍍𑌪𑍁𑌰𑍁॑𑌷-𑌮𑍍𑌪॒𑌶𑍁𑌮𑍍 ।
𑌤𑌂-𑌯𑌁॒𑌜𑍍𑌞-𑌮𑍍𑌬॒𑌰𑍍𑌹𑌿𑌷𑌿॒ 𑌪𑍍𑌰𑍗𑌕𑍍𑌷𑌨𑍍॑ । 𑌪𑍁𑌰𑍁॑𑌷-𑌞𑍍𑌜𑌾॒𑌤𑌮॑𑌗𑍍𑌰॒𑌤𑌃 ॥ 34,35 ॥
𑌤𑍇𑌨॑ 𑌦𑍇॒𑌵𑌾 𑌅𑌯॑𑌜𑌨𑍍𑌤 । 𑌸𑌾॒𑌧𑍍𑌯𑌾 𑌋𑌷॑𑌯𑌶𑍍𑌚॒ 𑌯𑍇 ।
𑌤𑌸𑍍𑌮𑌾᳚𑌦𑍍𑌯॒𑌜𑍍𑌞𑌾𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌸𑌮𑍍𑌭𑍃॑𑌤-𑌮𑍍𑌪𑍃𑌷𑌦𑌾॒𑌜𑍍𑌯𑌮𑍍 ।
𑌪॒𑌶𑍂𑌗𑍍𑌸𑍍𑌤𑌾𑌗𑍍𑌶𑍍𑌚॑𑌕𑍍𑌰𑍇 𑌵𑌾𑌯॒𑌵𑍍𑌯𑌾𑌨𑍍॑ । 𑌆॒𑌰॒𑌣𑍍𑌯𑌾𑌨𑍍𑌗𑍍𑌰𑌾॒𑌮𑍍𑌯𑌾𑌶𑍍𑌚॒ 𑌯𑍇 ।
𑌤𑌸𑍍𑌮𑌾᳚𑌦𑍍𑌯॒𑌜𑍍𑌞𑌾𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌋𑌚॒𑌸𑍍𑌸𑌾𑌮𑌾॑𑌨𑌿 𑌜𑌜𑍍𑌞𑌿𑌰𑍇 ।
𑌛𑌨𑍍𑌦𑌾𑌗𑍍𑌂॑𑌸𑌿 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌯𑌜𑍁॒𑌸𑍍𑌤𑌸𑍍𑌮𑌾॑𑌦𑌜𑌾𑌯𑌤 ॥ 35,36 ॥
𑌤𑌸𑍍𑌮𑌾॒𑌦𑌶𑍍𑌵𑌾॑ 𑌅𑌜𑌾𑌯𑌨𑍍𑌤 । 𑌯𑍇 𑌕𑍇 𑌚𑍋॑𑌭॒𑌯𑌾𑌦॑𑌤𑌃 ।
𑌗𑌾𑌵𑍋॑ 𑌹 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌤𑌸𑍍𑌮𑌾᳚𑌜𑍍𑌜𑌾॒𑌤𑌾 𑌅॑𑌜𑌾॒𑌵𑌯𑌃॑ ।
𑌯𑌤𑍍𑌪𑍁𑌰𑍁॑𑌷𑌂॒-𑌵𑍍𑌯𑌁॑𑌦𑌧𑍁𑌃 । 𑌕॒𑌤𑌿॒𑌧𑌾 𑌵𑍍𑌯॑𑌕𑌲𑍍𑌪𑌯𑌨𑍍𑌨𑍍 ।
𑌮𑍁𑌖॒-𑌙𑍍𑌕𑌿𑌮॑𑌸𑍍𑌯॒ 𑌕𑍗 𑌬𑌾॒𑌹𑍂 । 𑌕𑌾 𑌵𑍂॒𑌰𑍂 𑌪𑌾𑌦𑌾॑𑌵𑍁𑌚𑍍𑌯𑍇𑌤𑍇 ।
𑌬𑍍𑌰𑌾॒𑌹𑍍𑌮॒𑌣𑍋᳚-𑌽𑌸𑍍𑌯॒ 𑌮𑍁𑌖॑𑌮𑌾𑌸𑍀𑌤𑍍 । 𑌬𑌾॒𑌹𑍂 𑌰𑌾॑𑌜॒𑌨𑍍𑌯𑌃॑ 𑌕𑍃॒𑌤𑌃 ॥ 36,37 ॥
𑌊॒𑌰𑍂 𑌤𑌦॑𑌸𑍍𑌯॒ 𑌯𑌦𑍍𑌵𑍈𑌶𑍍𑌯𑌃॑ । 𑌪॒𑌦𑍍𑌭𑍍𑌯𑌾𑌗𑍍𑌂 𑌶𑍂॒𑌦𑍍𑌰𑍋 𑌅॑𑌜𑌾𑌯𑌤 ।
𑌚॒𑌨𑍍𑌦𑍍𑌰𑌮𑌾॒ 𑌮𑌨॑𑌸𑍋 𑌜𑌾॒𑌤𑌃 । 𑌚𑌕𑍍𑌷𑍋॒𑌸𑍍𑌸𑍂𑌰𑍍𑌯𑍋॑ 𑌅𑌜𑌾𑌯𑌤 ।
𑌮𑍁𑌖𑌾॒𑌦𑌿𑌨𑍍𑌦𑍍𑌰॑𑌶𑍍𑌚𑌾॒𑌗𑍍𑌨𑌿𑌶𑍍𑌚॑ । 𑌪𑍍𑌰𑌾॒𑌣𑌾𑌦𑍍𑌵𑌾॒𑌯𑍁𑌰॑𑌜𑌾𑌯𑌤 ।
𑌨𑌾𑌭𑍍𑌯𑌾॑ 𑌆𑌸𑍀𑌦॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌶𑍀॒𑌰𑍍𑌷𑍍𑌣𑍋 𑌦𑍍𑌯𑍗𑌸𑍍𑌸𑌮॑𑌵𑌰𑍍𑌤𑌤 ।
𑌪॒𑌦𑍍𑌭𑍍𑌯𑌾-𑌮𑍍𑌭𑍂𑌮𑌿॒𑌰𑍍𑌦𑌿𑌶॒-𑌶𑍍𑌶𑍍𑌰𑍋𑌤𑍍𑌰𑌾᳚𑌤𑍍 ।
𑌤𑌥𑌾॑ 𑌲𑍋॒𑌕𑌾𑌗𑍍𑌂 𑌅॑𑌕𑌲𑍍𑌪𑌯𑌨𑍍𑌨𑍍 ॥ 37,38 ॥
𑌵𑍇𑌦𑌾॒𑌹𑌮𑍇॒𑌤-𑌮𑍍𑌪𑍁𑌰𑍁॑𑌷-𑌮𑍍𑌮॒𑌹𑌾𑌨𑍍𑌤᳚𑌮𑍍 ।
𑌆॒𑌦𑌿॒𑌤𑍍𑌯𑌵॑𑌰𑍍𑌣𑌂॒ 𑌤𑌮॑𑌸॒𑌸𑍍𑌤𑍁 𑌪𑌾॒𑌰𑍇 ।
𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑌿॑ 𑌵𑌿॒𑌚𑌿𑌤𑍍𑌯॒ 𑌧𑍀𑌰𑌃॑ ।
𑌨𑌾𑌮𑌾॑𑌨𑌿 𑌕𑍃॒𑌤𑍍𑌵𑌾-𑌽𑌭𑌿॒𑌵𑌦॒𑌨𑍍 𑌯𑌦𑌾𑌸𑍍𑌤𑍇᳚ ।
𑌧𑌾॒𑌤𑌾 𑌪𑍁॒𑌰𑌸𑍍𑌤𑌾॒𑌦𑍍𑌯𑌮𑍁॑𑌦𑌾𑌜॒𑌹𑌾𑌰॑ ।
𑌶॒𑌕𑍍𑌰𑌃 𑌪𑍍𑌰𑌵𑌿॒𑌦𑍍𑌵𑌾𑌨𑍍𑌪𑍍𑌰॒𑌦𑌿𑌶॒𑌶𑍍𑌚𑌤॑𑌸𑍍𑌰𑌃 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 ।
𑌨𑌾𑌨𑍍𑌯𑌃 𑌪𑌨𑍍𑌥𑌾॒ 𑌅𑌯॑𑌨𑌾𑌯 𑌵𑌿𑌦𑍍𑌯𑌤𑍇 ।
𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮॑𑌯𑌜𑌨𑍍𑌤 𑌦𑍇॒𑌵𑌾𑌃 ।
𑌤𑌾𑌨𑌿॒ 𑌧𑌰𑍍𑌮𑌾॑𑌣𑌿 𑌪𑍍𑌰𑌥॒𑌮𑌾𑌨𑍍𑌯𑌾॑𑌸𑌨𑍍𑌨𑍍 ।
𑌤𑍇 𑌹॒ 𑌨𑌾𑌕॑-𑌮𑍍𑌮𑌹𑌿॒𑌮𑌾𑌨॑𑌸𑍍𑌸𑌚𑌨𑍍𑌤𑍇 ।
𑌯𑌤𑍍𑌰॒ 𑌪𑍂𑌰𑍍𑌵𑍇॑ 𑌸𑌾॒𑌧𑍍𑌯𑌾𑌸𑍍𑌸𑌨𑍍𑌤𑌿॑ 𑌦𑍇॒𑌵𑌾𑌃 ॥ 38,39 ॥
𑌪𑍁𑌰𑍁॑𑌷𑌃 𑌪𑍁॒𑌰𑍋᳚-𑌽𑌗𑍍𑌰॒𑌤𑍋॑-𑌽𑌜𑌾𑌯𑌤 𑌕𑍃॒𑌤𑍋॑-𑌽𑌕𑌲𑍍𑌪𑌯𑌨𑍍𑌨𑌾𑌸॒𑌨𑍍𑌦𑍍𑌵𑍇 𑌚॑ ॥ 12 ॥
𑌜𑍍𑌯𑌾𑌯𑌾॒𑌨𑌧𑌿॒ 𑌪𑍂𑌰𑍁॑𑌷𑌃 । 𑌅𑌨𑍍𑌯𑌤𑍍𑌰॒ 𑌪𑍁𑌰𑍁॑𑌷𑌃 ॥
𑌅॒𑌦𑍍𑌭𑍍𑌯𑌸𑍍𑌸𑌮𑍍𑌭𑍂॑𑌤𑌃 𑌪𑍃𑌥𑌿॒𑌵𑍍𑌯𑍈 𑌰𑌸𑌾᳚𑌚𑍍𑌚 ।
𑌵𑌿॒𑌶𑍍𑌵𑌕॑𑌰𑍍𑌮𑌣॒𑌸𑍍𑌸𑌮॑𑌵𑌰𑍍𑌤॒𑌤𑌾𑌧𑌿॑ ।
𑌤𑌸𑍍𑌯॒ 𑌤𑍍𑌵𑌷𑍍𑌟𑌾॑ 𑌵𑌿॒𑌦𑌧॑𑌦𑍍𑌰𑍂॒𑌪𑌮𑍇॑𑌤𑌿 ।
𑌤𑌤𑍍𑌪𑍁𑌰𑍁॑𑌷𑌸𑍍𑌯॒ 𑌵𑌿𑌶𑍍𑌵॒𑌮𑌾𑌜𑌾॑𑌨॒𑌮𑌗𑍍𑌰𑍇᳚ ।
𑌵𑍇𑌦𑌾॒𑌹𑌮𑍇॒𑌤-𑌮𑍍𑌪𑍁𑌰𑍁॑𑌷-𑌮𑍍𑌮॒𑌹𑌾𑌨𑍍𑌤᳚𑌮𑍍 ।
𑌆॒𑌦𑌿॒𑌤𑍍𑌯𑌵॑𑌰𑍍𑌣॒-𑌨𑍍𑌤𑌮॑𑌸𑌃॒ 𑌪𑌰॑𑌸𑍍𑌤𑌾𑌤𑍍 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 ।
𑌨𑌾𑌨𑍍𑌯𑌃 𑌪𑌨𑍍𑌥𑌾॑ 𑌵𑌿𑌦𑍍𑌯॒𑌤𑍇-𑌽𑌯॑𑌨𑌾𑌯 ।
𑌪𑍍𑌰॒𑌜𑌾𑌪॑𑌤𑌿𑌶𑍍𑌚𑌰𑌤𑌿॒ 𑌗𑌰𑍍𑌭𑍇॑ 𑌅॒𑌨𑍍𑌤𑌃 ।
𑌅॒𑌜𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌵𑌿𑌜𑌾॑𑌯𑌤𑍇 ॥ 39,40 ॥
𑌤𑌸𑍍𑌯॒ 𑌧𑍀𑌰𑌾𑌃॒ 𑌪𑌰𑌿॑𑌜𑌾𑌨𑌨𑍍𑌤𑌿॒ 𑌯𑍋𑌨𑌿᳚𑌮𑍍 । 𑌮𑌰𑍀॑𑌚𑍀𑌨𑌾-𑌮𑍍𑌪॒𑌦𑌮𑌿॑𑌚𑍍𑌛𑌨𑍍𑌤𑌿 𑌵𑍇॒𑌧𑌸𑌃॑ । 𑌯𑍋 𑌦𑍇॒𑌵𑍇𑌭𑍍𑌯॒ 𑌆𑌤॑𑌪𑌤𑌿 । 𑌯𑍋 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌰𑍋𑌹𑌿॑𑌤𑌃 ।
𑌪𑍂𑌰𑍍𑌵𑍋॒ 𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌜𑌾॒𑌤𑌃 । 𑌨𑌮𑍋॑ 𑌰𑍁॒𑌚𑌾𑌯॒ 𑌬𑍍𑌰𑌾𑌹𑍍𑌮॑𑌯𑍇 । 𑌰𑍁𑌚॑-𑌮𑍍𑌬𑍍𑌰𑌾॒𑌹𑍍𑌮-𑌞𑍍𑌜॒𑌨𑌯॑𑌨𑍍𑌤𑌃 । 𑌦𑍇॒𑌵𑌾 𑌅𑌗𑍍𑌰𑍇॒ 𑌤𑌦॑𑌬𑍍𑌰𑍁𑌵𑌨𑍍𑌨𑍍 । 𑌯𑌸𑍍𑌤𑍍𑌵𑍈॒𑌵-𑌮𑍍𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌯𑌾𑌤𑍍 । 𑌤𑌸𑍍𑌯॑ 𑌦𑍇॒𑌵𑌾 𑌅𑌸॒𑌨𑍍𑌵𑌶𑍇᳚ । 𑌹𑍍𑌰𑍀𑌶𑍍𑌚॑ 𑌤𑍇 𑌲॒𑌕𑍍𑌷𑍍𑌮𑍀𑌶𑍍𑌚॒ 𑌪𑌤𑍍𑌨𑍍𑌯𑍗᳚ । 𑌅॒𑌹𑍋॒𑌰𑌾॒𑌤𑍍𑌰𑍇 𑌪𑌾॒𑌰𑍍𑌶𑍍𑌵𑍇 । 𑌨𑌕𑍍𑌷॑𑌤𑍍𑌰𑌾𑌣𑌿 𑌰𑍂॒𑌪𑌮𑍍 । 𑌅॒𑌶𑍍𑌵𑌿𑌨𑍗॒ 𑌵𑍍𑌯𑌾𑌤𑍍𑌤᳚𑌮𑍍 । 𑌇॒𑌷𑍍𑌟-𑌮𑍍𑌮॑𑌨𑌿𑌷𑌾𑌣 । 𑌅॒𑌮𑍁-𑌮𑍍𑌮॑𑌨𑌿𑌷𑌾𑌣 । 𑌸𑌰𑍍𑌵॑-𑌮𑍍𑌮𑌨𑌿𑌷𑌾𑌣 ॥ 40,41 ॥
𑌜𑌾॒𑌯॒𑌤𑍇॒ 𑌵𑌶𑍇॑ 𑌸॒𑌪𑍍𑌤 𑌚॑ ॥ 13 ॥
𑌭॒𑌰𑍍𑌤𑌾 𑌸𑌨𑍍𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌏𑌕𑍋॑ 𑌦𑍇॒𑌵𑍋 𑌬॑𑌹𑍁॒𑌧𑌾 𑌨𑌿𑌵𑌿॑𑌷𑍍𑌟𑌃 । 𑌯॒𑌦𑌾 𑌭𑌾॒𑌰-𑌨𑍍𑌤॒𑌨𑍍𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌨𑌿॒𑌧𑌾𑌯॑ 𑌭𑌾॒𑌰-𑌮𑍍𑌪𑍁𑌨॒𑌰𑌸𑍍𑌤॑𑌮𑍇𑌤𑌿 । 𑌤𑌮𑍇॒𑌵 𑌮𑍃॒𑌤𑍍𑌯𑍁𑌮॒𑌮𑍃𑌤॒-𑌨𑍍𑌤𑌮𑌾॑𑌹𑍁𑌃 । 𑌤-𑌮𑍍𑌭॒𑌰𑍍𑌤𑌾𑌰॒-𑌨𑍍𑌤𑌮𑍁॑ 𑌗𑍋॒𑌪𑍍𑌤𑌾𑌰॑𑌮𑌾𑌹𑍁𑌃 । 𑌸 𑌭𑍃॒𑌤𑍋 𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌯 𑌏॑𑌨𑌂॒-𑌵𑍇𑌁𑌦॑ 𑌸॒𑌤𑍍𑌯𑍇𑌨॒ 𑌭𑌰𑍍𑌤𑍁᳚𑌮𑍍 । 𑌸॒𑌦𑍍𑌯𑍋 𑌜𑌾॒𑌤𑌮𑍁॒𑌤 𑌜॑𑌹𑌾𑌤𑍍𑌯𑍇॒𑌷𑌃 । 𑌉॒𑌤𑍋 𑌜𑌰॑𑌨𑍍𑌤॒-𑌨𑍍𑌨 𑌜॑𑌹𑌾॒𑌤𑍍𑌯𑍇𑌕᳚𑌮𑍍 ॥ 41,42 ॥
𑌉॒𑌤𑍋 𑌬॒𑌹𑍂𑌨𑍇𑌕॒𑌮𑌹॑𑌰𑍍𑌜𑌹𑌾𑌰 । 𑌅𑌤॑𑌨𑍍𑌦𑍍𑌰𑍋 𑌦𑍇॒𑌵𑌸𑍍𑌸𑌦॑𑌮𑍇॒𑌵 𑌪𑍍𑌰𑌾𑌰𑍍𑌥𑌃॑ । 𑌯𑌸𑍍𑌤𑌦𑍍𑌵𑍇𑌦॒ 𑌯𑌤॑ 𑌆𑌬॒𑌭𑍂𑌵॑ । 𑌸॒𑌨𑍍𑌧𑌾-𑌞𑍍𑌚॒ 𑌯𑌾𑌗𑍍𑌂 𑌸॑𑌨𑍍𑌦॒𑌧𑍇 𑌬𑍍𑌰𑌹𑍍𑌮॑𑌣𑍈॒𑌷𑌃 । 𑌰𑌮॑𑌤𑍇॒ 𑌤𑌸𑍍𑌮𑌿᳚𑌨𑍍𑌨𑍁॒𑌤 𑌜𑍀॒𑌰𑍍𑌣𑍇 𑌶𑌯𑌾॑𑌨𑍇 । 𑌨𑍈𑌨॑-𑌞𑍍𑌜𑌹𑌾॒𑌤𑍍𑌯𑌹॑𑌸𑍍𑌸𑍁 𑌪𑍂॒𑌰𑍍𑌵𑍍𑌯𑍇𑌷𑍁॑ । 𑌤𑍍𑌵𑌾𑌮𑌾𑌪𑍋॒ 𑌅𑌨𑍁॒ 𑌸𑌰𑍍𑌵𑌾᳚𑌶𑍍𑌚𑌰𑌨𑍍𑌤𑌿 𑌜𑌾𑌨॒𑌤𑍀𑌃 । 𑌵॒𑌥𑍍𑌸-𑌮𑍍𑌪𑌯॑𑌸𑌾 𑌪𑍁𑌨𑌾॒𑌨𑌾𑌃 । 𑌤𑍍𑌵𑌮॒𑌗𑍍𑌨𑌿𑌗𑍍𑌂 𑌹॑𑌵𑍍𑌯॒𑌵𑌾𑌹॒𑌗𑍍𑌂॒ 𑌸𑌮𑌿॑𑌨𑍍𑌥𑍍𑌸𑍇 । 𑌤𑍍𑌵-𑌮𑍍𑌭॒𑌰𑍍𑌤𑌾 𑌮𑌾॑𑌤॒𑌰𑌿𑌶𑍍𑌵𑌾᳚ 𑌪𑍍𑌰॒𑌜𑌾𑌨𑌾᳚𑌮𑍍 ॥ 42,43 ॥
𑌤𑍍𑌵𑌂-𑌯𑌁॒𑌜𑍍𑌞𑌸𑍍𑌤𑍍𑌵𑌮𑍁॑𑌵𑍇॒𑌵𑌾𑌸𑌿॒ 𑌸𑍋𑌮𑌃॑ । 𑌤𑌵॑ 𑌦𑍇॒𑌵𑌾 𑌹𑌵॒𑌮𑌾𑌯॑𑌨𑍍𑌤𑌿॒ 𑌸𑌰𑍍𑌵𑍇᳚ । 𑌤𑍍𑌵𑌮𑍇𑌕𑍋॑-𑌽𑌸𑌿 𑌬॒𑌹𑍂𑌨𑌨𑍁॒𑌪𑍍𑌰𑌵𑌿॑𑌷𑍍𑌟𑌃 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌸𑍁॒𑌹𑌵𑍋॑ 𑌮 𑌏𑌧𑌿 । 𑌨𑌮𑍋॑ 𑌵𑌾𑌮𑌸𑍍𑌤𑍁 𑌶𑍃𑌣𑍁॒𑌤𑌗𑍍𑌂 𑌹𑌵॑-𑌮𑍍𑌮𑍇 । 𑌪𑍍𑌰𑌾𑌣𑌾॑𑌪𑌾𑌨𑌾𑌵𑌜𑌿॒𑌰𑌗𑍍𑌂 𑌸॒𑌞𑍍𑌚𑌰॑𑌨𑍍𑌤𑍗 । 𑌹𑍍𑌵𑌯𑌾॑𑌮𑌿 𑌵𑌾॒-𑌮𑍍𑌬𑍍𑌰𑌹𑍍𑌮॑𑌣𑌾 𑌤𑍂॒𑌰𑍍𑌤𑌮𑍇𑌤᳚𑌮𑍍 । 𑌯𑍋 𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌤-𑌞𑍍𑌜॑𑌹𑌿𑌤𑌂-𑌯𑍁𑌁𑌵𑌾𑌨𑌾 । 𑌪𑍍𑌰𑌾𑌣𑌾॑𑌪𑌾𑌨𑍗 𑌸𑌂𑌵𑌿𑌁𑌦𑌾॒𑌨𑍗 𑌜॑𑌹𑌿𑌤𑌮𑍍 । 𑌅॒𑌮𑍁𑌷𑍍𑌯𑌾𑌸𑍁॑𑌨𑌾॒ 𑌮𑌾 𑌸𑌙𑍍𑌗॑𑌸𑌾𑌥𑌾𑌮𑍍 ॥ 43 ॥
𑌤-𑌮𑍍𑌮𑍇॑ 𑌦𑍇𑌵𑌾॒ 𑌬𑍍𑌰𑌹𑍍𑌮॑𑌣𑌾 𑌸𑌂𑌵𑌿𑌁𑌦𑌾॒𑌨𑍗 । 𑌵॒𑌧𑌾𑌯॑ 𑌦𑌤𑍍𑌤॒-𑌨𑍍𑌤𑌮॒𑌹𑌗𑍍𑌂 𑌹॑𑌨𑌾𑌮𑌿 । 𑌅𑌸॑𑌜𑍍𑌜𑌜𑌾𑌨 𑌸॒𑌤 𑌆𑌬॑𑌭𑍂𑌵 । 𑌯𑌂-𑌯𑌁॑-𑌞𑍍𑌜॒𑌜𑌾𑌨॒ 𑌸 𑌉॑ 𑌗𑍋॒𑌪𑍋 𑌅॑𑌸𑍍𑌯 । 𑌯॒𑌦𑌾 𑌭𑌾॒𑌰-𑌨𑍍𑌤॒𑌨𑍍𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌪॒𑌰𑌾𑌸𑍍𑌯॑ 𑌭𑌾॒𑌰-𑌮𑍍𑌪𑍁𑌨॒𑌰𑌸𑍍𑌤॑𑌮𑍇𑌤𑌿 । 𑌤𑌦𑍍𑌵𑍈 𑌤𑍍𑌵-𑌮𑍍𑌪𑍍𑌰𑌾॒𑌣𑍋 𑌅॑𑌭𑌵𑌃 । 𑌮॒𑌹𑌾𑌨𑍍𑌭𑍋𑌗𑌃॑ 𑌪𑍍𑌰॒𑌜𑌾𑌪॑𑌤𑍇𑌃 । 𑌭𑍁𑌜𑌃॑ 𑌕𑌰𑌿॒𑌷𑍍𑌯𑌮𑌾॑𑌣𑌃 । 𑌯𑌦𑍍𑌦𑍇॒𑌵𑌾𑌨𑍍𑌪𑍍𑌰𑌾𑌣॑𑌯𑍋॒ 𑌨𑌵॑ ॥ 44 ॥
𑌏𑌕॑-𑌮𑍍𑌪𑍍𑌰॒𑌜𑌾𑌨𑌾᳚-𑌙𑍍𑌗𑌸𑌾𑌥𑌾॒-𑌨𑍍𑌨𑌵॑ ॥ 14 ॥
𑌹𑌰𑌿॒𑌗𑍍𑌂॒ 𑌹𑌰॑𑌨𑍍𑌤॒𑌮𑌨𑍁॑𑌯𑌨𑍍𑌤𑌿 𑌦𑍇॒𑌵𑌾𑌃 । 𑌵𑌿𑌶𑍍𑌵॒𑌸𑍍𑌯𑍇𑌶𑌾॑𑌨𑌂-𑌵𑍃𑌁𑌷॒𑌭-𑌮𑍍𑌮॑𑌤𑍀॒𑌨𑌾𑌮𑍍 । 𑌬𑍍𑌰𑌹𑍍𑌮॒ 𑌸𑌰𑍂॑𑌪॒𑌮𑌨𑍁॑𑌮𑍇॒𑌦𑌮𑌾𑌗𑌾᳚𑌤𑍍 । 𑌅𑌯॑𑌨॒-𑌮𑍍𑌮𑌾 𑌵𑌿𑌵॑𑌧𑍀॒𑌰𑍍𑌵𑌿𑌕𑍍𑌰॑𑌮𑌸𑍍𑌵 । 𑌮𑌾 𑌛𑌿॑𑌦𑍋 𑌮𑍃𑌤𑍍𑌯𑍋॒ 𑌮𑌾 𑌵॑𑌧𑍀𑌃 । 𑌮𑌾 𑌮𑍇॒ 𑌬𑌲𑌂॒-𑌵𑌿𑌁𑌵𑍃॑𑌹𑍋॒ 𑌮𑌾 𑌪𑍍𑌰𑌮𑍋॑𑌷𑍀𑌃 । 𑌪𑍍𑌰॒𑌜𑌾-𑌮𑍍𑌮𑌾 𑌮𑍇॑ 𑌰𑍀𑌰𑌿𑌷॒ 𑌆𑌯𑍁॑𑌰𑍁𑌗𑍍𑌰 । 𑌨𑍃॒𑌚𑌕𑍍𑌷॑𑌸-𑌨𑍍𑌤𑍍𑌵𑌾 𑌹॒𑌵𑌿𑌷𑌾॑ 𑌵𑌿𑌧𑍇𑌮 । 𑌸॒𑌦𑍍𑌯𑌶𑍍𑌚॑𑌕𑌮𑌾॒𑌨𑌾𑌯॑ । 𑌪𑍍𑌰॒𑌵𑍇॒𑌪𑌾॒𑌨𑌾𑌯॑ 𑌮𑍃॒𑌤𑍍𑌯𑌵𑍇᳚ ॥ 45 ॥
𑌪𑍍𑌰𑌾𑌸𑍍𑌮𑌾॒ 𑌆𑌶𑌾॑ 𑌅𑌶𑍃𑌣𑍍𑌵𑌨𑍍𑌨𑍍 । 𑌕𑌾𑌮𑍇॑𑌨𑌾𑌜𑌨𑌯॒𑌨𑍍𑌪𑍁𑌨𑌃॑ । 𑌕𑌾𑌮𑍇॑𑌨 𑌮𑍇॒ 𑌕𑌾𑌮॒ 𑌆𑌗𑌾᳚𑌤𑍍 । 𑌹𑍃𑌦॑𑌯𑌾॒𑌦𑍍𑌧𑍃𑌦॑𑌯-𑌮𑍍𑌮𑍃॒𑌤𑍍𑌯𑍋𑌃 । 𑌯𑌦॒𑌮𑍀𑌷𑌾॑𑌮॒𑌦𑌃 𑌪𑍍𑌰𑌿॒𑌯𑌮𑍍 । 𑌤𑌦𑍈𑌤𑍂𑌪॒𑌮𑌾𑌮॒𑌭𑌿 । 𑌪𑌰॑-𑌮𑍍𑌮𑍃𑌤𑍍𑌯𑍋॒ 𑌅𑌨𑍁॒ 𑌪𑌰𑍇॑𑌹𑌿॒ 𑌪𑌨𑍍𑌥𑌾᳚𑌮𑍍 । 𑌯𑌸𑍍𑌤𑍇॒ 𑌸𑍍𑌵 𑌇𑌤॑𑌰𑍋 𑌦𑍇𑌵॒𑌯𑌾𑌨𑌾᳚𑌤𑍍 । 𑌚𑌕𑍍𑌷𑍁॑𑌷𑍍𑌮𑌤𑍇 𑌶𑍃𑌣𑍍𑌵॒𑌤𑍇 𑌤𑍇᳚ 𑌬𑍍𑌰𑌵𑍀𑌮𑌿 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍𑌂 𑌰𑍀॑𑌰𑌿𑌷𑍋॒ 𑌮𑍋𑌤 𑌵𑍀॒𑌰𑌾𑌨𑍍 । 𑌪𑍍𑌰 𑌪𑍂॒𑌰𑍍𑌵𑍍𑌯-𑌮𑍍𑌮𑌨॑𑌸𑌾॒ 𑌵𑌨𑍍𑌦॑𑌮𑌾𑌨𑌃 । 𑌨𑌾𑌧॑𑌮𑌾𑌨𑍋 𑌵𑍃𑌷॒𑌭-𑌞𑍍𑌚॑𑌰𑍍𑌷𑌣𑍀॒𑌨𑌾𑌮𑍍 । 𑌯𑌃 𑌪𑍍𑌰॒𑌜𑌾𑌨𑌾॑𑌮𑍇𑌕॒𑌰𑌾𑌣𑍍𑌮𑌾𑌨𑍁॑𑌷𑍀𑌣𑌾𑌮𑍍 । 𑌮𑍃॒𑌤𑍍𑌯𑍁𑌂-𑌯𑌁॑𑌜𑍇 𑌪𑍍𑌰𑌥𑌮॒𑌜𑌾𑌮𑍃॒𑌤𑌸𑍍𑌯॑ ॥ 46 ॥
𑌮𑍃॒𑌤𑍍𑌯𑌵𑍇॑ 𑌵𑍀॒𑌰𑌾𑌗𑍍𑌂𑌶𑍍𑌚॒𑌤𑍍𑌵𑌾𑌰𑌿॑ 𑌚 ॥ 15 ॥
𑌤॒𑌰𑌣𑌿॑𑌰𑍍𑌵𑌿॒𑌶𑍍𑌵𑌦॑𑌰𑍍𑌶𑌤𑍋 𑌜𑍍𑌯𑍋𑌤𑌿॒𑌷𑍍𑌕𑍃𑌦॑𑌸𑌿 𑌸𑍂𑌰𑍍𑌯 । 𑌵𑌿𑌶𑍍𑌵॒𑌮𑌾 𑌭𑌾॑𑌸𑌿 𑌰𑍋𑌚॒𑌨𑌮𑍍 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॒𑌸𑍍𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤𑍇 ॥ 47 ॥ 16 ॥
𑌆𑌪𑍍𑌯𑌾॑𑌯𑌸𑍍𑌵 𑌮𑌦𑌿𑌨𑍍𑌤𑌮॒ 𑌸𑍋𑌮॒ 𑌵𑌿𑌶𑍍𑌵𑌾॑𑌭𑌿𑌰𑍂॒𑌤𑌿𑌭𑌿𑌃॑ । 𑌭𑌵𑌾॑ 𑌨𑌸𑍍𑌸॒𑌪𑍍𑌰𑌥॑𑌸𑍍𑌤𑌮𑌃 ॥ (48) ॥ 17 ॥
𑌈॒𑌯𑍁𑌷𑍍𑌟𑍇 𑌯𑍇 𑌪𑍂𑌰𑍍𑌵॑𑌤𑌰𑌾॒𑌮𑌪॑𑌶𑍍𑌯𑌨𑍍 𑌵𑍍𑌯𑍁॒𑌚𑍍𑌛𑌨𑍍𑌤𑍀॑𑌮𑍁॒𑌷𑌸॒-𑌮𑍍𑌮𑌰𑍍𑌤𑍍𑌯𑌾॑𑌸𑌃 । 𑌅॒𑌸𑍍𑌮𑌾𑌭𑌿॑𑌰𑍂॒ 𑌨𑍁 𑌪𑍍𑌰॑𑌤𑌿॒𑌚𑌕𑍍𑌷𑍍𑌯𑌾॑-𑌽𑌭𑍂॒𑌦𑍋 𑌤𑍇 𑌯॑𑌨𑍍𑌤𑌿॒ 𑌯𑍇 𑌅॑𑌪॒𑌰𑍀𑌷𑍁॒ 𑌪𑌶𑍍𑌯𑌾𑌨𑍍॑ ॥ 49 ॥ 18 ॥
𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌷𑍍𑌕𑍃𑌤॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌰𑍍𑌵𑌿𑌦॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌭𑌾𑌸𑍍𑌵॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑍍𑌵𑌲॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌮𑌲𑍍𑌮𑌲𑌾॒𑌭𑌵॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌦𑍀𑌪𑍍𑌯॑𑌮𑌾𑌨𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌰𑍋𑌚॑𑌮𑌾𑌨𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾॒𑌮𑍍𑌯𑌜॑𑌸𑍍𑌰𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍃॒𑌹𑌜𑍍𑌜𑍍𑌯𑍋॑𑌤𑌿𑌷-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍋॒𑌧𑌯॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑌾𑌗𑍍𑌰॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 ॥ 50 ॥ 19 ॥
𑌪𑍍𑌰॒𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑-𑌽𑌽𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌵𑌿𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌸𑌂𑌯𑌾𑌁॒𑌸𑌾𑌯॒ 𑌸𑍍𑌵𑌾𑌹𑍋᳚𑌦𑍍𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑-𑌽𑌵𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌶𑍁॒𑌚𑍇 𑌸𑍍𑌵𑌾𑌹𑌾॒ 𑌶𑍋𑌕𑌾॑𑌯॒ 𑌸𑍍𑌵𑌾𑌹𑌾॑ 𑌤𑌪𑍍𑌯॒𑌤𑍍𑌵𑍈 𑌸𑍍𑌵𑌾𑌹𑌾॒ 𑌤𑌪॑𑌤𑍇॒ 𑌸𑍍𑌵𑌾𑌹𑌾᳚ 𑌬𑍍𑌰𑌹𑍍𑌮𑌹॒𑌤𑍍𑌯𑌾𑌯𑍈॒ 𑌸𑍍𑌵𑌾𑌹𑌾॒ 𑌸𑌰𑍍𑌵॑𑌸𑍍𑌮𑍈॒ 𑌸𑍍𑌵𑌾𑌹𑌾᳚ ॥ 51 ॥ 20 ॥
𑌚𑌿॒𑌤𑍍𑌤𑌗𑍍𑌂 𑌸॑𑌨𑍍𑌤𑌾॒𑌨𑍇𑌨॑ 𑌭॒𑌵𑌂-𑌯𑌁॒𑌕𑍍𑌨𑌾 𑌰𑍁॒𑌦𑍍𑌰-𑌨𑍍𑌤𑌨𑌿॑𑌮𑍍𑌨𑌾 𑌪𑌶𑍁॒𑌪𑌤𑌿𑌗𑍍𑌗𑍍𑌂॑ 𑌸𑍍𑌥𑍂𑌲𑌹𑍃𑌦॒𑌯𑍇𑌨𑌾॒𑌗𑍍𑌨𑌿𑌗𑍍𑌂 𑌹𑍃𑌦॑𑌯𑍇𑌨 𑌰𑍁॒𑌦𑍍𑌰𑌂-𑌲𑍋𑌁𑌹𑌿॑𑌤𑍇𑌨 𑌶॒𑌰𑍍𑌵-𑌮𑍍𑌮𑌤॑𑌸𑍍𑌨𑌾𑌭𑍍𑌯𑌾-𑌮𑍍𑌮𑌹𑌾𑌦𑍇॒𑌵𑌮॒𑌨𑍍𑌤𑌃 𑌪𑌾᳚𑌰𑍍𑌶𑍍𑌵𑍇𑌨𑍗𑌷𑌿𑌷𑍍𑌠॒𑌹𑌨𑌗𑍍𑌂॑ 𑌶𑌿𑌙𑍍𑌗𑍀𑌨𑌿𑌕𑍋॒𑌶𑍍𑌯𑌾᳚𑌭𑍍𑌯𑌾𑌮𑍍 ॥ 52 ॥ 21 ॥
𑌚𑌿॒𑌤𑍍𑌤𑌿𑌃॑ 𑌪𑍃𑌥𑌿॒𑌵𑍍𑌯॑𑌗𑍍𑌨𑌿॒𑌸𑍍𑌸𑍂𑌰𑍍𑌯॑-𑌨𑍍𑌤𑍇॒ 𑌚𑌕𑍍𑌷𑍁॑𑌰𑍍𑌮॒𑌹𑌾𑌹॑𑌵𑌿॒𑌰𑍍𑌹𑍋𑌤𑌾॒ 𑌵𑌾𑌘𑍋𑌤𑌾᳚ 𑌬𑍍𑌰𑌾𑌹𑍍𑌮॒𑌣 𑌏𑌕॑𑌹𑍋𑌤𑌾॒-𑌽𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿॒𑌸𑍍𑌸𑍇𑌨𑍇𑌨𑍍𑌦𑍍𑌰॑𑌸𑍍𑌯 𑌦𑍇॒𑌵𑌸𑍍𑌯॑ 𑌸𑍁॒𑌵𑌰𑍍𑌣॑-𑌙𑍍𑌘॒𑌰𑍍𑌮𑌗𑍍𑌂 𑌸॒𑌹𑌸𑍍𑌰॑𑌶𑍀𑌰𑍍𑌷𑌾॒-𑌽𑌦𑍍𑌭𑍍𑌯𑍋 𑌭॒𑌰𑍍𑌤𑌾 𑌹𑌰𑌿॑-𑌨𑍍𑌤॒𑌰𑌣𑌿॒𑌰𑌾𑌪𑍍𑌯𑌾॑𑌯𑌸𑍍𑌵𑍇॒𑌯𑍁𑌷𑍍𑌟𑍇 𑌯𑍇 𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌮𑍍𑌪𑍍𑌰𑌯𑌾॒𑌸𑌾𑌯॑ 𑌚𑌿॒𑌤𑍍𑌤𑌮𑍇𑌕॑𑌵𑌿𑌗𑍍𑌂𑌶𑌤𑌿𑌃 ॥ 21 ॥
𑌚𑌿𑌤𑍍𑌤𑌿॑𑌰॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌰॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌭॒𑌰𑍍𑌤𑌾𑌸𑌨𑍍𑌪𑍍𑌰𑌯𑌾॒𑌸𑌾𑌯॒ 𑌦𑍍𑌵𑌿𑌪॑𑌞𑍍𑌚𑌾॒𑌶𑌤𑍍 ॥ 52 ॥
𑌚𑌿𑌤𑍍𑌤𑌿॑𑌰॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌰॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂𑌵𑌿𑌁𑌦𑌾॒𑌨𑌸𑍍𑌤𑌸𑍍𑌯॒ 𑌧𑍀𑌰𑌾॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌨𑍍𑌤𑍍𑌰𑌿𑌪॑𑌞𑍍𑌚𑌾॒𑌶𑌤𑍍 ॥ 53 ॥
𑌤𑌚𑍍𑌛𑌂॒-𑌯𑍋𑌁𑌰𑌾𑌵𑍃॑𑌣𑍀𑌮𑌹𑍇 । 𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ ।
𑌗𑌾॒𑌤𑍁𑌂-𑌯𑌁॒𑌜𑍍𑌞𑌪॑𑌤𑌯𑍇 । 𑌦𑍈𑌵𑍀᳚ 𑌸𑍍𑌵॒𑌸𑍍𑌤𑌿𑌰॑𑌸𑍍𑌤𑍁 𑌨𑌃 ।
𑌸𑍍𑌵॒𑌸𑍍𑌤𑌿𑌰𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌊॒𑌰𑍍𑌧𑍍𑌵-𑌞𑍍𑌜𑌿॑𑌗𑌾𑌤𑍁 𑌭𑍇𑌷॒𑌜𑌮𑍍 ।
𑌶-𑌨𑍍𑌨𑍋॑ 𑌅𑌸𑍍𑌤𑍁 𑌦𑍍𑌵𑌿॒𑌪𑌦𑍇᳚ । 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥
𑍐 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥
Roman (IAST) Transliteration
(kṛṣṇayajurvedīya taittirīyāraṇyake tṛtīya prapāṭhakaḥ)
hariḥ om | tacchaṃ॒-yo~rāvṛ̭ṇīmahe | gā॒tuṃ-ya~॒jñāya̭ |
gā॒tuṃ-ya~॒jñapa̭taye | daivī᳚ sva॒stira̭stu naḥ |
sva॒stirmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade ||
oṃ śānti॒-śśānti॒-śśāntiḥ̭ ||
o-ñcitti॒ssruk | ci॒ttamājya᳚m | vāgvediḥ̭ | ādhī̭ta-mba॒rhiḥ | keto̭ a॒gniḥ | vijñā̭tama॒gniḥ | vākpa̭ti॒rhotā᳚ | mana̭ upava॒ktā | prā॒ṇo ha॒viḥ | sāmā᳚dhva॒ryuḥ | vāca̭spate vidhe nāmann | vi॒dhema̭ te॒ nāma̭ | vi॒dhestvama॒smāka॒-nnāma̭ | vā॒caspati॒ssoma̭-mpibatu | ā-'smāsṷ nṛ॒mṇa-ndhā॒tsvāhā᳚ || 1 ||
a॒dhva॒ryuḥ pañca̭ ca || 1 ||
pṛ॒thi॒vī hotā᳚ | dyaura̭dhva॒ryuḥ | ru॒dro᳚-'gnīt | bṛha॒spati̭rupava॒ktā | vāca̭spate vā॒co vī॒ryḙṇa | sambhṛ̭tatame॒nā-''ya̭kṣyase | yaja̭mānāya॒ vārya᳚m | ā suva॒skara̭smai | vā॒caspati॒ssoma̭-mpibati | ja॒jana॒dindra̭mindri॒yāya॒ svāhā᳚ || 2 ||
pṛ॒thi॒vī hotā॒ daśa̭ || 2 ||
a॒gnirhotā᳚ | a॒śvinā᳚-'dhva॒ryū | tvaṣṭā॒-'gnīt | mi॒tra ṷpava॒ktā | soma॒ssoma̭sya puro॒gāḥ | śu॒krasśu॒krasya̭ puro॒gāḥ | śrā॒tāsta̭ indra॒ somāḥ᳚ | vātā̭perhavana॒śruta॒ssvāhā᳚ || 3 ||
a॒gnirhotā॒-'ṣṭau || 3 ||
sūrya̭-nte॒ cakṣuḥ̭ | vāta̭-mprā॒ṇaḥ | dyā-mpṛ॒ṣṭham | a॒ntari̭kṣamā॒tmā | aṅgai᳚rya॒jñam | pṛ॒thi॒vīgṃ śarī̭raiḥ | vāca̭spa॒te-'cchi̭drayā vā॒cā | acchi̭drayā ju॒hvā᳚ | di॒vi dḙvā॒vṛdha॒gṃ॒ hotrā॒ mera̭yasva॒ svāhā᳚ || 4 ||
sūrya̭-nte॒ nava̭ || 4 ||
ma॒hāha̭vi॒rhotā᳚ | sa॒tyaha̭viradhva॒ryuḥ | acyṷtapājā a॒gnīt | acyṷtamanā upava॒ktā | a॒nā॒dhṛ॒ṣyaścā᳚pratidhṛ॒ṣyaśca̭ ya॒jñasyā̭bhiga॒rau | a॒yāsya̭ udgā॒tā | vāca̭spate hṛdvidhe nāmann | vi॒dhema̭ te॒ nāma̭ | vi॒dhestvama॒smāka॒-nnāma̭ | vā॒caspati॒ssoma̭mapāt | mā daivya॒stantu॒śchedi॒ mā ma̭nu॒ṣyaḥ̭ | namo̭ di॒ve | namaḥ̭ pṛthi॒vyai svāhā᳚ || 5 ||
a॒pā॒ttrīṇi̭ ca || 5 ||
vāghotā᳚ | dī॒kṣā patnī᳚ | vāto᳚-'dhva॒ryuḥ | āpo̭-'bhiga॒raḥ | mano̭ ha॒viḥ | tapa̭si juhomi | bhūrbhuva॒ssuvaḥ̭ | brahma̭ svaya॒mbhu | brahma̭ṇe svaya॒mbhuve॒ svāhā᳚ || 6 ||
vāghotā॒ nava̭ || 6 ||
brā॒hma॒ṇa eka̭hotā | sa ya॒jñaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | ya॒jñaśca̭ me bhūyāt | a॒gnirdviho̭tā | sa bha॒rtā | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | bha॒rtā ca̭ me bhūyāt | pṛ॒thi॒vī triho̭tā | sa pra̭ti॒ṣṭhā || 7 ||
sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | pra॒ti॒ṣṭhā ca̭ me bhūyāt | a॒ntari̭kṣa॒-ñcatṷrhotā | sa vi॒ṣṭhāḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | vi॒ṣṭhāśca̭ me bhūyāt | vā॒yuḥ pañca̭hotā | sa prā॒ṇaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | prā॒ṇaśca̭ me bhūyāt || 8 ||
ca॒ndramā॒-ṣṣaḍḍho̭tā | sa ṛ॒tūnka̭lpayāti | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | ṛ॒tava̭śca me kalpantām | annagṃ̭ sa॒ptaho̭tā | sa prā॒ṇasya̭ prā॒ṇaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | prā॒ṇasya̭ ca me prā॒ṇo bhṷ̄yāt | dyaura॒ṣṭaho̭tā | so̭-'nādhṛ॒ṣyaḥ || 9 ||
sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | a॒nā॒dhṛ॒ṣyaśca̭ bhūyāsam | ā॒di॒tyo nava̭hotā | sa tḙja॒svī | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | te॒ja॒svī ca̭ bhūyāsam | pra॒jāpa̭ti॒rdaśa̭hotā | sa i॒dagṃ sarva᳚m | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | sarva̭-ñca me bhūyāt || 10 ||
pra॒ti॒ṣṭhā prā॒ṇaśca̭ me bhūyādanādhṛ॒ṣyassarva-ñca me bhūyāt ||
brā॒hma॒ṇo ya॒jño᳚-'gnirbha॒rtā pṛ̭thi॒vī pra̭ti॒ṣṭhā-'ntari̭kṣaṃ-vi~॒ṣṭhā vā॒yuḥ prā॒ṇaśca॒ndramā̭ sa ṛ॒tūnanna॒gṃ॒ sa prā॒ṇasya̭ prā॒ṇo dyaura̭nādhṛ॒ṣya ā̭di॒tyassa tḙja॒svī pra॒jāpa̭ti॒-ssa i॒dagṃ sarva॒gṃ॒ sarva̭-ñca me bhūyāt ||
a॒gniryajṷrbhiḥ | sa॒vi॒tā stomaiḥ᳚ | indra̭ ukthāma॒daiḥ | mi॒trāvarṷṇāvā॒śiṣā᳚ | aṅgi̭raso॒ dhiṣṇi̭yaira॒gnibhiḥ̭ | ma॒ruta̭ssadohavirdhā॒nābhyā᳚m | āpaḥ॒ prokṣa̭ṇībhiḥ | oṣa̭dhayo ba॒rhiṣā᳚ | adi̭ti॒rvedyā᳚ | somo̭ dī॒kṣayā᳚ || 11 ||
tvaṣṭe॒dhmena̭ | viṣṇṷrya॒jñena̭ | vasa̭va॒ ājyḙna | ā॒di॒tyā dakṣi̭ṇābhiḥ | viśvḙ de॒vā ū॒rjā | pū॒ṣā sva̭gākā॒reṇa̭ | bṛha॒spatiḥ̭ puro॒dhayā᳚ | pra॒jāpa̭tirudgī॒thena̭ | a॒ntari̭kṣa-mpa॒vitrḙṇa | vā॒yuḥ pātraiḥ᳚ | a॒haggṃ śra॒ddhayā᳚ || 12 ||
dī॒kṣayā॒ pātrai॒reka̭-ñca || 8 ||
senendra̭sya | dhenā॒ bṛha॒spateḥ᳚ | pa॒thyā̭ pū॒ṣṇaḥ | vāgvā॒yoḥ | dī॒kṣā soma̭sya | pṛ॒thi॒vya̭gneḥ | vasṷ̄nā-ṅgāya॒trī | ru॒drāṇā᳚-ntri॒ṣṭuk | ā॒di॒tyānā॒-ñjaga̭tī | viṣṇo̭ranu॒ṣṭuk || 13 ||
varṷṇasya vi॒rāṭ | ya॒jñasya̭ pa॒ṅktiḥ | pra॒jāpa̭te॒ranṷmatiḥ | mi॒trasya̭ śra॒ddhā | sa॒vi॒tuḥ prasṷ̄tiḥ | sūrya̭sya॒ marī̭ciḥ | ca॒ndrama̭so rohi॒ṇī | ṛṣī̭ṇāmarundha॒tī | pa॒rjanya̭sya vi॒dyut | cata̭sro॒ diśaḥ̭ | cata̭sro-'vāntaradi॒śāḥ | aha̭śca॒ rātri̭śca | kṛ॒ṣiśca॒ vṛṣṭi̭śca | tviṣi॒ścāpa̭citiśca | āpa॒ścauṣa̭dhayaśca | ūrkca̭ sū॒nṛtā̭ ca de॒vānā॒-mpatna̭yaḥ || 14 ||
a॒nu॒ṣṭugdiśa॒ṣṣaṭca̭ || 9 ||
de॒vasya̭ tvā savi॒tuḥ pra̭sa॒ve | a॒śvino᳚rbā॒hubhyā᳚m | pū॒ṣṇo hastā᳚bhyā॒-mprati̭gṛhṇāmi | rājā᳚ tvā॒ varṷṇo nayatu devi dakṣiṇe॒-'gnaye॒ hira̭ṇyam | tenā̭mṛta॒tvama̭śyām | vayo̭ dā॒tre | mayo॒ mahya̭mastu pratigrahī॒tre | ka i॒da-ṅkasmā̭ adāt | kāmaḥ॒ kāmā̭ya | kāmo̭ dā॒tā || 15 ||
kāmaḥ̭ pratigrahī॒tā | kāmagṃ̭ samu॒dramāvi̭śa | kāmḙna tvā॒ prati̭gṛhṇāmi | kāmai॒tatte᳚ | e॒ṣā tḙ kāma॒ dakṣi̭ṇā | u॒ttā॒nastvā᳚-''ṅgīra॒saḥ prati̭gṛhṇātu | somā̭ya॒ vāsaḥ̭ | ru॒drāya॒ gām | varṷṇā॒yāśva᳚m | pra॒jāpa̭taye॒ purṷṣam || 16 ||
mana̭ve॒ talpa᳚m | tvaṣṭre॒-'jām | pū॒ṣṇe-'vi᳚m | nir-ṛ̭tyā aśvataragarda॒bhau | hi॒mava̭to ha॒stina᳚m | ga॒ndha॒rvā॒psa॒rābhya̭ssragalaṅkara॒ṇe | viśve᳚bhyo de॒vebhyo̭ dhā॒nyam | vā॒ce-'nna᳚m | brahma̭ṇa oda॒nam | sa॒mu॒drāyāpaḥ̭ || 17 ||
u॒ttā॒nāyā᳚ṅgīra॒sāyānaḥ̭ | vai॒śvā॒na॒rāya॒ ratha᳚m | vai॒śvā॒na॒raḥ pra॒tnathā॒ nāka॒mārṷhat | di॒vaḥ pṛ॒ṣṭha-mbhanda̭mānassu॒manma̭bhiḥ | sa pū᳚rva॒vajja॒naya̭jja॒ntave॒ dhana᳚m | sa॒mā॒nama̭jmā॒ pari̭yāti॒ jāgṛ̭viḥ | rājā᳚ tvā॒ varṷṇo nayatu devi dakṣiṇe vaiśvāna॒rāya॒ ratha᳚m | tenā̭mṛta॒tvama̭śyām | vayo̭ dā॒tre | mayo॒ mahya̭mastu pratigrahī॒tre || 18 ||
ka i॒da-ṅkasmā̭ adāt | kāmaḥ॒ kāmā̭ya | kāmo̭ dā॒tā | kāmaḥ̭ pratigrahī॒tā | kāmagṃ̭ samu॒dramāvi̭śa | kāmḙna tvā॒ prati̭gṛhṇāmi | kāmai॒tatte᳚ | e॒ṣā tḙ kāma॒ dakṣi̭ṇā | u॒ttā॒nastvā᳚-''ṅgīra॒saḥ prati̭gṛhṇātu || 19 ||
dā॒tā purṷṣa॒māpaḥ̭ pratigrahī॒tre nava̭ ca || 10 ||
su॒varṇa̭-ṅgha॒rma-mpari̭veda ve॒nam | indra̭syā॒-''tmāna̭-ndaśa॒dhā cara̭ntam | a॒ntassa̭mu॒dre mana̭sā॒ cara̭ntam | brahmā-'nva̭vinda॒ddaśa̭hotāra॒marṇe᳚ | a॒ntaḥ pravi̭ṣṭaśśā॒stā janā̭nām | eka॒ssanba̭hu॒dhā vi̭cāraḥ | śa॒tagṃ śu॒krāṇi॒ yatraika॒-mbhava̭nti | sarve॒ vedā॒ yatraika॒-mbhava̭nti | sarve॒ hotā̭ro॒ yatraika॒-mbhava̭nti | sa॒ māna̭sīna ā॒tmā janā̭nām || 20 ||
a॒ntaḥ pravi̭ṣṭaśśā॒stā janā̭nā॒gṃ॒ sarvā᳚tmā | sarvāḥ᳚ pra॒jā yatraika॒-mbhava̭nti | catṷrhotāro॒ yatra̭ sa॒mpada॒-ṅgaccha̭nti de॒vaiḥ | sa॒ māna̭sīna ā॒tmā janā̭nām | brahmendra̭ma॒gni-ñjaga̭taḥ prati॒ṣṭhām | di॒va ā॒tmānagṃ̭ savi॒tāra॒-mbṛha॒spati᳚m | catṷrhotāra-mpra॒diśo-'nṷklṛ॒ptam | vā॒co vī॒rya̭-ntapa॒sā-'nva̭vindat | a॒ntaḥ pravi̭ṣṭa-ṅka॒rtāra̭me॒tam | tvaṣṭā̭ragṃ rū॒pāṇi̭ viku॒rvantaṃ̭-vi~pa॒ścim || 21 ||
a॒mṛta̭sya prā॒ṇaṃ-ya~॒jñame॒tam | catṷrhotṛṇāmā॒tmāna̭-ṅka॒vayo॒ nici̭kyuḥ | a॒ntaḥ pravi̭ṣṭa-ṅka॒rtāra̭me॒tam | de॒vānā॒-mbandhu॒ nihi̭ta॒-ṅguhā̭su | a॒mṛtḙna klṛ॒ptaṃ-ya~॒jñame॒tam | catṷrhotṛṇāmā॒tmāna̭-ṅka॒vayo॒ nici̭kyuḥ | śa॒ta-nni॒yutaḥ॒ pari̭veda॒ viśvā̭ vi॒śvavā̭raḥ | viśva̭mi॒daṃ-vṛ~̭ṇāti | indra̭syā॒-''tmā nihi̭taḥ॒ pañca̭hotā | a॒mṛta̭-nde॒vānā॒māyuḥ̭ pra॒jānā᳚m || 22 ||
indra॒gṃ॒ rājā̭nagṃ savi॒tāra̭me॒tam | vā॒yorā॒tmāna̭-ṅka॒vayo॒ nici̭kyuḥ | ra॒śmigṃ ra̭śmī॒nā-mmadhye॒ tapa̭ntam | ṛ॒tasya̭ pa॒de ka॒vayo॒ nipā᳚nti | ya ā᳚ṇḍako॒śe bhuva̭na-mbi॒bharti̭ | ani̭rbhiṇṇa॒ssannatha̭ lo॒kān vi॒caṣṭe᳚ | yasyā᳚ṇḍako॒śagṃ śuṣma̭mā॒huḥ prā॒ṇamulba᳚m | tena̭ klṛ॒pto̭-'mṛtḙnā॒hama̭smi | su॒varṇa॒-ṅkośa॒gṃ॒ raja̭sā॒ parī̭vṛtam | de॒vānāṃ᳚-va~su॒dhānīṃ᳚-vi~॒rāja᳚m || 23 ||
a॒mṛta̭sya pū॒rṇā-ntāmṷ ka॒lāṃ-vi~ca̭kṣate | pāda॒gṃ॒ ṣaḍḍho̭tu॒rna kilā̭-''vivitse | yena॒rtavaḥ̭ pañca॒dhota klṛ॒ptāḥ | u॒ta vā̭ ṣa॒ḍdhā mana॒sota klṛ॒ptāḥ | tagṃ ṣaḍḍho̭tāramṛ॒tubhiḥ॒ kalpa̭mānam | ṛ॒tasya̭ pa॒de ka॒vayo॒ nipā᳚nti | a॒ntaḥ pravi̭ṣṭa-ṅka॒rtāra̭me॒tam | a॒ntaśca॒ndrama̭si॒ mana̭sā॒ cara̭ntam | sa॒haiva santa॒-nna vijā̭nanti de॒vāḥ | indra̭syā॒-''tmānagṃ̭ śata॒dhā cara̭ntam || 24 ||
indro॒ rājā॒ jaga̭to॒ ya īśe᳚ | sa॒ptaho̭tā sapta॒dhā viklṛ̭ptaḥ | parḙṇa॒ tantṷ-mpariṣi॒cyamā̭nam | a॒ntarā̭di॒tye mana̭sā॒ cara̭ntam | de॒vānā॒gṃ॒ hṛda̭ya॒-mbrahmā-'nva̭vindat | brahmai॒tadbrahma̭ṇa॒ ujja̭bhāra | a॒rkaggṃ ścota̭ntagṃ sari॒rasya॒ madhye᳚ | ā yasmi̭nthsa॒pta pera̭vaḥ | meha̭nti bahu॒lāgṃ śriya᳚m | ba॒hva॒śvāmi̭ndra॒ goma̭tīm || 25 ||
acyṷtā-mbahu॒lāgṃ śriya᳚m | sa hari̭rvasu॒vitta̭maḥ | pe॒rurindrā̭ya pinvate | ba॒hva॒śvāmi̭ndra॒ goma̭tīm | acyṷtā-mbahu॒lāgṃ śriya᳚m | mahya॒mindro॒ niya̭cchatu | śa॒tagṃ śa॒tā a̭sya yu॒ktā harī̭ṇām | a॒rvāṅā yā̭tu॒ vasṷbhī ra॒śmirindraḥ̭ | pramagṃha̭ māṇo bahu॒lāgṃ śriya᳚m | ra॒śmirindra̭ssavi॒tā me॒ niya̭cchatu || 26 ||
ghṛ॒ta-ntejo॒ madhṷmadindri॒yam | mayya॒yama॒gnirda̭dhātu | hariḥ̭ pata॒ṅgaḥ pa̭ṭa॒rī sṷpa॒rṇaḥ | di॒vi॒kṣayo॒ nabha̭sā॒ ya eti̭ | sa na॒ indraḥ̭ kāmava॒ra-nda̭dātu | pañcā̭ra-ñca॒kra-mpari̭vartate pṛ॒thu | hira̭ṇyajyotissari॒rasya॒ madhye᳚ | aja̭sra॒-ñjyoti॒rnabha̭sā॒ sarpa̭deti | sa na॒ indraḥ̭ kāmava॒ra-nda̭dātu | sa॒pta yṷñjanti॒ ratha॒meka̭cakram || 27 ||
eko॒ aśvo̭ vahati saptanā॒mā | tri॒nābhi̭ ca॒krama॒jara॒mana̭rvam | yene॒mā viśvā॒ bhuva̭nāni tasthuḥ | bha॒dra-mpaśya̭nta॒ upa̭sedu॒ragre᳚ | tapo̭ dī॒kṣāmṛṣa̭yassuva॒rvidaḥ̭ | tataḥ̭ kṣa॒ttra-mbala॒moja̭śca jā॒tam | tada॒smai de॒vā a॒bhisa-nna̭mantu | śve॒tagṃ ra॒śmi-mbo̭bhu॒jyamā̭nam | a॒pā-nne॒tāra॒-mbhuva̭nasya go॒pām | indra॒-nnici̭kyuḥ para॒me vyo̭mann || 28 ||
rohi̭ṇīḥ piṅga॒lā eka̭rūpāḥ | kṣara̭ntīḥ piṅga॒lā eka̭rūpāḥ | śa॒tagṃ sa॒hasrā̭ṇi pra॒yutā̭ni॒ nāvyā̭nām | a॒yaṃ-ya~śśve॒to ra॒śmiḥ | pari॒ sarva̭mi॒da-ñjaga̭t | pra॒jā-mpa॒śūndhanā̭ni | a॒smāka̭-ndadātu | śve॒to ra॒śmiḥ pari॒ sarva̭-mbabhūva | suva॒nmahya̭-mpa॒śūn vi॒śvarṷ̄pān | pa॒ta॒ṅgama॒ktamasṷrasya mā॒yayā᳚ || 29 ||
hṛ॒dā pa̭śyanti॒ mana̭sā manī॒ṣiṇaḥ̭ | sa॒mu॒dre a॒ntaḥ ka॒vayo॒ vica̭kṣate | marī̭cīnā-mpa॒dami̭cchanti ve॒dhasaḥ̭ | pa॒ta॒ṅgo vāca॒-mmana̭sā bibharti | tā-ṅga̭ndha॒rvo̭-'vada॒dgarbhḙ a॒ntaḥ | tā-ndyota̭mānāgṃ sva॒rya̭-mmanī॒ṣām | ṛ॒tasya̭ pa॒de ka॒vayo॒ nipā᳚nti | ye grā॒myāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | a॒gnistāgṃ agre॒ pramṷmoktu de॒vaḥ || 30 ||
pra॒jāpa̭tiḥ pra॒jayā̭ saṃvi~dā॒naḥ | vī॒taggṃ stṷke stuke | yu॒vama॒smāsu॒ niya̭cchatam | pra pra̭ ya॒jñapa̭ti-ntira | ye grā॒myāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | teṣāgṃ̭ saptā॒nāmi॒ha ranti̭rastu | rā॒yaspoṣā̭ya suprajā॒stvāya̭ su॒vīryā̭ya | ya ā̭ra॒ṇyāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | vā॒yustāgṃ agre॒ pramṷmoktu de॒vaḥ | pra॒jāpa̭tiḥ pra॒jayā̭ saṃvi~dā॒naḥ | iḍā̭yai sṛ॒pta-ṅghṛ॒tava̭ccarāca॒ram | de॒vā anva̭vinda॒nguhā̭ hi॒tam | ya ā̭ra॒ṇyāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | teṣāgṃ̭ saptā॒nāmi॒ha ranti̭rastu | rā॒yaspoṣā̭ya suprajā॒stvāya̭ su॒vīryā̭ya || 31 ||
ā॒tmā janā̭nāṃ-vi~ku॒rvantaṃ̭-vi~pa॒ści-mpra॒jānāṃ᳚-va~su॒dhānīṃ᳚-vi~॒rāja॒-ñcara̭nta॒-ṅgoma̭tī-mme॒ niya̭ccha॒tveka̭cakraṃ॒-vyo~̭manmā॒yayā̭ de॒va eka̭rūpā a॒ṣṭau ca̭ || 11 ||
sa॒hasra̭śīrṣā॒ purṷṣaḥ | sa॒ha॒srā॒kṣassa॒hasra̭pāt |
sa bhūmiṃ̭-vi~॒śvato̭ vṛ॒tvā | atya̭tiṣṭhaddaśāṅgu॒lam |
purṷṣa e॒vedagṃ sarva᳚m | yadbhū॒taṃ-ya~cca॒ bhavya᳚m |
u॒tāmṛ̭ta॒tvasyeśā̭naḥ | yadannḙnāti॒roha̭ti | e॒tāvā̭nasya mahi॒mā | ato॒ jyāyāgṃ̭śca॒ pūrṷṣaḥ || 32,33 ||
pādo᳚-'sya॒ viśvā̭ bhū॒tāni̭ | tri॒pāda̭syā॒mṛta̭-ndi॒vi |
tri॒pādū॒rdhva udai॒tpurṷṣaḥ | pādo᳚-'sye॒hābha̭vā॒tpunaḥ̭ |
tato॒ viṣva॒ṅvya̭krāmat | sā॒śa॒nā॒na॒śa॒ne a॒bhi |
tasmā᳚dvi॒rāḍa̭jāyata | vi॒rājo॒ adhi॒ pūrṷṣaḥ | sa jā॒to atya̭ricyata | pa॒ścādbhūmi॒matho̭ pu॒raḥ || 34,35 ||
yatpurṷṣeṇa ha॒viṣā᳚ | de॒vā ya॒jñamata̭nvata |
va॒sa॒nto a̭syā-''sī॒dājya᳚m | grī॒ṣma i॒dhmaśśa॒raddha॒viḥ |
sa॒ptāsyā̭-''sanpari॒dhayaḥ̭ | trissa॒pta sa॒midhaḥ̭ kṛ॒tāḥ |
de॒vā yadya॒jña-nta̭nvā॒nāḥ | aba̭dhna॒npurṷṣa-mpa॒śum |
taṃ-ya~॒jña-mba॒rhiṣi॒ praukṣaṋ | purṷṣa-ñjā॒tama̭gra॒taḥ || 34,35 ||
tena̭ de॒vā aya̭janta | sā॒dhyā ṛṣa̭yaśca॒ ye |
tasmā᳚dya॒jñāthsa̭rva॒hutaḥ̭ | sambhṛ̭ta-mpṛṣadā॒jyam |
pa॒śūgstāgśca̭kre vāya॒vyāṋ | ā॒ra॒ṇyāngrā॒myāśca॒ ye |
tasmā᳚dya॒jñāthsa̭rva॒hutaḥ̭ | ṛca॒ssāmā̭ni jajñire |
chandāgṃ̭si jajñire॒ tasmā᳚t | yaju॒stasmā̭dajāyata || 35,36 ||
tasmā॒daśvā̭ ajāyanta | ye ke co̭bha॒yāda̭taḥ |
gāvo̭ ha jajñire॒ tasmā᳚t | tasmā᳚jjā॒tā a̭jā॒vayaḥ̭ |
yatpurṷṣaṃ॒-vya~̭dadhuḥ | ka॒ti॒dhā vya̭kalpayann |
mukha॒-ṅkima̭sya॒ kau bā॒hū | kā vū॒rū pādā̭vucyete |
brā॒hma॒ṇo᳚-'sya॒ mukha̭māsīt | bā॒hū rā̭ja॒nyaḥ̭ kṛ॒taḥ || 36,37 ||
ū॒rū tada̭sya॒ yadvaiśyaḥ̭ | pa॒dbhyāgṃ śū॒dro a̭jāyata |
ca॒ndramā॒ mana̭so jā॒taḥ | cakṣo॒ssūryo̭ ajāyata |
mukhā॒dindra̭ścā॒gniśca̭ | prā॒ṇādvā॒yura̭jāyata |
nābhyā̭ āsīda॒ntari̭kṣam | śī॒rṣṇo dyaussama̭vartata |
pa॒dbhyā-mbhūmi॒rdiśa॒-śśrotrā᳚t |
tathā̭ lo॒kāgṃ a̭kalpayann || 37,38 ||
vedā॒hame॒ta-mpurṷṣa-mma॒hānta᳚m |
ā॒di॒tyava̭rṇaṃ॒ tama̭sa॒stu pā॒re |
sarvā̭ṇi rū॒pāṇi̭ vi॒citya॒ dhīraḥ̭ |
nāmā̭ni kṛ॒tvā-'bhi॒vada॒n yadāste᳚ |
dhā॒tā pu॒rastā॒dyamṷdāja॒hāra̭ |
śa॒kraḥ pravi॒dvānpra॒diśa॒ścata̭sraḥ |
tame॒vaṃ-vi~॒dvāna॒mṛta̭ i॒ha bha̭vati |
nānyaḥ panthā॒ aya̭nāya vidyate |
ya॒jñena̭ ya॒jñama̭yajanta de॒vāḥ |
tāni॒ dharmā̭ṇi pratha॒mānyā̭sann |
te ha॒ nāka̭-mmahi॒māna̭ssacante |
yatra॒ pūrvḙ sā॒dhyāssanti̭ de॒vāḥ || 38,39 ||
purṷṣaḥ pu॒ro᳚-'gra॒to̭-'jāyata kṛ॒to̭-'kalpayannāsa॒ndve ca̭ || 12 ||
jyāyā॒nadhi॒ pūrṷṣaḥ | anyatra॒ purṷṣaḥ ||
a॒dbhyassambhṷ̄taḥ pṛthi॒vyai rasā᳚cca |
vi॒śvaka̭rmaṇa॒ssama̭varta॒tādhi̭ |
tasya॒ tvaṣṭā̭ vi॒dadha̭drū॒pamḙti |
tatpurṷṣasya॒ viśva॒mājā̭na॒magre᳚ |
vedā॒hame॒ta-mpurṷṣa-mma॒hānta᳚m |
ā॒di॒tyava̭rṇa॒-ntama̭saḥ॒ para̭stāt |
tame॒vaṃ-vi~॒dvāna॒mṛta̭ i॒ha bha̭vati |
nānyaḥ panthā̭ vidya॒te-'ya̭nāya |
pra॒jāpa̭tiścarati॒ garbhḙ a॒ntaḥ |
a॒jāya̭māno bahu॒dhā vijā̭yate || 39,40 ||
tasya॒ dhīrāḥ॒ pari̭jānanti॒ yoni᳚m | marī̭cīnā-mpa॒dami̭cchanti ve॒dhasaḥ̭ | yo de॒vebhya॒ āta̭pati | yo de॒vānā᳚-mpu॒rohi̭taḥ |
pūrvo॒ yo de॒vebhyo̭ jā॒taḥ | namo̭ ru॒cāya॒ brāhma̭ye | ruca̭-mbrā॒hma-ñja॒naya̭ntaḥ | de॒vā agre॒ tada̭bruvann | yastvai॒va-mbrā᳚hma॒ṇo vi॒dyāt | tasya̭ de॒vā asa॒nvaśe᳚ | hrīśca̭ te la॒kṣmīśca॒ patnyau᳚ | a॒ho॒rā॒tre pā॒rśve | nakṣa̭trāṇi rū॒pam | a॒śvinau॒ vyātta᳚m | i॒ṣṭa-mma̭niṣāṇa | a॒mu-mma̭niṣāṇa | sarva̭-mmaniṣāṇa || 40,41 ||
jā॒ya॒te॒ vaśḙ sa॒pta ca̭ || 13 ||
bha॒rtā sanbhri॒yamā̭ṇo bibharti | eko̭ de॒vo ba̭hu॒dhā nivi̭ṣṭaḥ | ya॒dā bhā॒ra-nta॒ndraya̭te॒ sa bhartu᳚m | ni॒dhāya̭ bhā॒ra-mpuna॒rasta̭meti | tame॒va mṛ॒tyuma॒mṛta॒-ntamā̭huḥ | ta-mbha॒rtāra॒-ntamṷ go॒ptāra̭māhuḥ | sa bhṛ॒to bhri॒yamā̭ṇo bibharti | ya ḙnaṃ॒-ve~da̭ sa॒tyena॒ bhartu᳚m | sa॒dyo jā॒tamu॒ta ja̭hātye॒ṣaḥ | u॒to jara̭nta॒-nna ja̭hā॒tyeka᳚m || 41,42 ||
u॒to ba॒hūneka॒maha̭rjahāra | ata̭ndro de॒vassada̭me॒va prārthaḥ̭ | yastadveda॒ yata̭ āba॒bhūva̭ | sa॒ndhā-ñca॒ yāgṃ sa̭nda॒dhe brahma̭ṇai॒ṣaḥ | rama̭te॒ tasmi᳚nnu॒ta jī॒rṇe śayā̭ne | naina̭-ñjahā॒tyaha̭ssu pū॒rvyeṣṷ | tvāmāpo॒ anu॒ sarvā᳚ścaranti jāna॒tīḥ | va॒thsa-mpaya̭sā punā॒nāḥ | tvama॒gnigṃ ha̭vya॒vāha॒gṃ॒ sami̭nthse | tva-mbha॒rtā mā̭ta॒riśvā᳚ pra॒jānā᳚m || 42,43 ||
tvaṃ-ya~॒jñastvamṷve॒vāsi॒ somaḥ̭ | tava̭ de॒vā hava॒māya̭nti॒ sarve᳚ | tvameko̭-'si ba॒hūnanu॒pravi̭ṣṭaḥ | nama̭ste astu su॒havo̭ ma edhi | namo̭ vāmastu śṛṇu॒tagṃ hava̭-mme | prāṇā̭pānāvaji॒ragṃ sa॒ñcara̭ntau | hvayā̭mi vā॒-mbrahma̭ṇā tū॒rtameta᳚m | yo mā-ndveṣṭi॒ ta-ñja̭hitaṃ-yu~vānā | prāṇā̭pānau saṃvi~dā॒nau ja̭hitam | a॒muṣyāsṷnā॒ mā saṅga̭sāthām || 43 ||
ta-mmḙ devā॒ brahma̭ṇā saṃvi~dā॒nau | va॒dhāya̭ datta॒-ntama॒hagṃ ha̭nāmi | asa̭jjajāna sa॒ta āba̭bhūva | yaṃ-ya~̭-ñja॒jāna॒ sa ṷ go॒po a̭sya | ya॒dā bhā॒ra-nta॒ndraya̭te॒ sa bhartu᳚m | pa॒rāsya̭ bhā॒ra-mpuna॒rasta̭meti | tadvai tva-mprā॒ṇo a̭bhavaḥ | ma॒hānbhogaḥ̭ pra॒jāpa̭teḥ | bhujaḥ̭ kari॒ṣyamā̭ṇaḥ | yadde॒vānprāṇa̭yo॒ nava̭ || 44 ||
eka̭-mpra॒jānā᳚-ṅgasāthā॒-nnava̭ || 14 ||
hari॒gṃ॒ hara̭nta॒manṷyanti de॒vāḥ | viśva॒syeśā̭naṃ-vṛ~ṣa॒bha-mma̭tī॒nām | brahma॒ sarṷ̄pa॒manṷme॒damāgā᳚t | aya̭na॒-mmā viva̭dhī॒rvikra̭masva | mā chi̭do mṛtyo॒ mā va̭dhīḥ | mā me॒ balaṃ॒-vi~vṛ̭ho॒ mā pramo̭ṣīḥ | pra॒jā-mmā mḙ rīriṣa॒ āyṷrugra | nṛ॒cakṣa̭sa-ntvā ha॒viṣā̭ vidhema | sa॒dyaśca̭kamā॒nāya̭ | pra॒ve॒pā॒nāya̭ mṛ॒tyave᳚ || 45 ||
prāsmā॒ āśā̭ aśṛṇvann | kāmḙnājanaya॒npunaḥ̭ | kāmḙna me॒ kāma॒ āgā᳚t | hṛda̭yā॒ddhṛda̭ya-mmṛ॒tyoḥ | yada॒mīṣā̭ma॒daḥ pri॒yam | tadaitūpa॒māma॒bhi | para̭-mmṛtyo॒ anu॒ parḙhi॒ panthā᳚m | yaste॒ sva ita̭ro deva॒yānā᳚t | cakṣṷṣmate śṛṇva॒te te᳚ bravīmi | mā naḥ̭ pra॒jāgṃ rī̭riṣo॒ mota vī॒rān | pra pū॒rvya-mmana̭sā॒ vanda̭mānaḥ | nādha̭māno vṛṣa॒bha-ñca̭rṣaṇī॒nām | yaḥ pra॒jānā̭meka॒rāṇmānṷṣīṇām | mṛ॒tyuṃ-ya~̭je prathama॒jāmṛ॒tasya̭ || 46 ||
mṛ॒tyavḙ vī॒rāgṃśca॒tvāri̭ ca || 15 ||
ta॒raṇi̭rvi॒śvada̭rśato jyoti॒ṣkṛda̭si sūrya | viśva॒mā bhā̭si roca॒nam | u॒pa॒yā॒magṛ̭hīto-'si॒ sūryā̭ya tvā॒ bhrāja̭svata e॒ṣa te॒ yoni॒ssūryā̭ya tvā॒ bhrāja̭svate || 47 || 16 ||
āpyā̭yasva madintama॒ soma॒ viśvā̭bhirū॒tibhiḥ̭ | bhavā̭ nassa॒pratha̭stamaḥ || (48) || 17 ||
ī॒yuṣṭe ye pūrva̭tarā॒mapa̭śyan vyu॒cchantī̭mu॒ṣasa॒-mmartyā̭saḥ | a॒smābhi̭rū॒ nu pra̭ti॒cakṣyā̭-'bhū॒do te ya̭nti॒ ye a̭pa॒rīṣu॒ paśyāṋ || 49 || 18 ||
jyoti̭ṣmatī-ntvā sādayāmi jyoti॒ṣkṛta̭-ntvā sādayāmi jyoti॒rvida̭-ntvā sādayāmi॒ bhāsva̭tī-ntvā sādayāmi॒ jvala̭ntī-ntvā sādayāmi malmalā॒bhava̭ntī-ntvā sādayāmi॒ dīpya̭mānā-ntvā sādayāmi॒ roca̭mānā-ntvā sādayā॒myaja̭srā-ntvā sādayāmi bṛ॒hajjyo̭tiṣa-ntvā sādayāmi bo॒dhaya̭ntī-ntvā sādayāmi॒ jāgra̭tī-ntvā sādayāmi || 50 || 19 ||
pra॒yā॒sāya॒ svāhā̭-''yā॒sāya॒ svāhā̭ viyā॒sāya॒ svāhā̭ saṃyā~॒sāya॒ svāho᳚dyā॒sāya॒ svāhā̭-'vayā॒sāya॒ svāhā̭ śu॒ce svāhā॒ śokā̭ya॒ svāhā̭ tapya॒tvai svāhā॒ tapa̭te॒ svāhā᳚ brahmaha॒tyāyai॒ svāhā॒ sarva̭smai॒ svāhā᳚ || 51 || 20 ||
ci॒ttagṃ sa̭ntā॒nena̭ bha॒vaṃ-ya~॒knā ru॒dra-ntani̭mnā paśu॒patiggṃ̭ sthūlahṛda॒yenā॒gnigṃ hṛda̭yena ru॒draṃ-lo~hi̭tena śa॒rva-mmata̭snābhyā-mmahāde॒vama॒ntaḥ pā᳚rśvenauṣiṣṭha॒hanagṃ̭ śiṅgīniko॒śyā᳚bhyām || 52 || 21 ||
ci॒ttiḥ̭ pṛthi॒vya̭gni॒ssūrya̭-nte॒ cakṣṷrma॒hāha̭vi॒rhotā॒ vāghotā᳚ brāhma॒ṇa eka̭hotā॒-'gniryajṷrbhi॒ssenendra̭sya de॒vasya̭ su॒varṇa̭-ṅgha॒rmagṃ sa॒hasra̭śīrṣā॒-'dbhyo bha॒rtā hari̭-nta॒raṇi॒rāpyā̭yasve॒yuṣṭe ye jyoti̭ṣmatī-mprayā॒sāya̭ ci॒ttameka̭vigṃśatiḥ || 21 ||
citti̭ra॒gniryajṷrbhira॒ntaḥ pravi̭ṣṭaḥ pra॒jāpa̭tirbha॒rtāsanprayā॒sāya॒ dvipa̭ñcā॒śat || 52 ||
citti̭ra॒gniryajṷrbhira॒ntaḥ pravi̭ṣṭaḥ pra॒jāpa̭tiḥ pra॒jayā̭ saṃvi~dā॒nastasya॒ dhīrā॒ jyoti̭ṣmatī॒-ntripa̭ñcā॒śat || 53 ||
tacchaṃ॒-yo~rāvṛ̭ṇīmahe | gā॒tuṃ-ya~॒jñāya̭ |
gā॒tuṃ-ya~॒jñapa̭taye | daivī᳚ sva॒stira̭stu naḥ |
sva॒stirmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade ||
oṃ śānti॒-śśānti॒-śśāntiḥ̭ ||
Sanskrit — Devanagari (original)
(कृष्णयजुर्वेदीय तैत्तिरीयारण्यके तृतीय प्रपाठकः)
हरिः ओम् । तच्छं॒-योँरावृ॑णीमहे । गा॒तुं-यँ॒ज्ञाय॑ ।
गा॒तुं-यँ॒ज्ञप॑तये । दैवी᳚ स्व॒स्तिर॑स्तु नः ।
स्व॒स्तिर्मानु॑षेभ्यः । ऊ॒र्ध्व-ञ्जि॑गातु भेष॒जम् ।
श-न्नो॑ अस्तु द्वि॒पदे᳚ । श-ञ्चतु॑ष्पदे ॥
ॐ शान्ति॒-श्शान्ति॒-श्शान्तिः॑ ॥
ओ-ञ्चित्ति॒स्स्रुक् । चि॒त्तमाज्य᳚म् । वाग्वेदिः॑ । आधी॑त-म्ब॒र्हिः । केतो॑ अ॒ग्निः । विज्ञा॑तम॒ग्निः । वाक्प॑ति॒र्होता᳚ । मन॑ उपव॒क्ता । प्रा॒णो ह॒विः । सामा᳚ध्व॒र्युः । वाच॑स्पते विधे नामन्न् । वि॒धेम॑ ते॒ नाम॑ । वि॒धेस्त्वम॒स्माक॒-न्नाम॑ । वा॒चस्पति॒स्सोम॑-म्पिबतु । आ-ऽस्मासु॑ नृ॒म्ण-न्धा॒त्स्वाहा᳚ ॥ 1 ॥
अ॒ध्व॒र्युः पञ्च॑ च ॥ 1 ॥
पृ॒थि॒वी होता᳚ । द्यौर॑ध्व॒र्युः । रु॒द्रो᳚-ऽग्नीत् । बृह॒स्पति॑रुपव॒क्ता । वाच॑स्पते वा॒चो वी॒र्ये॑ण । सम्भृ॑ततमे॒ना-ऽऽय॑क्ष्यसे । यज॑मानाय॒ वार्य᳚म् । आ सुव॒स्कर॑स्मै । वा॒चस्पति॒स्सोम॑-म्पिबति । ज॒जन॒दिन्द्र॑मिन्द्रि॒याय॒ स्वाहा᳚ ॥ 2 ॥
पृ॒थि॒वी होता॒ दश॑ ॥ 2 ॥
अ॒ग्निर्होता᳚ । अ॒श्विना᳚-ऽध्व॒र्यू । त्वष्टा॒-ऽग्नीत् । मि॒त्र उ॑पव॒क्ता । सोम॒स्सोम॑स्य पुरो॒गाः । शु॒क्रस्शु॒क्रस्य॑ पुरो॒गाः । श्रा॒तास्त॑ इन्द्र॒ सोमाः᳚ । वाता॑पेर्हवन॒श्रुत॒स्स्वाहा᳚ ॥ 3 ॥
अ॒ग्निर्होता॒-ऽष्टौ ॥ 3 ॥
सूर्य॑-न्ते॒ चक्षुः॑ । वात॑-म्प्रा॒णः । द्या-म्पृ॒ष्ठम् । अ॒न्तरि॑क्षमा॒त्मा । अङ्गै᳚र्य॒ज्ञम् । पृ॒थि॒वीग्ं शरी॑रैः । वाच॑स्प॒ते-ऽच्छि॑द्रया वा॒चा । अच्छि॑द्रया जु॒ह्वा᳚ । दि॒वि दे॑वा॒वृध॒ग्ं॒ होत्रा॒ मेर॑यस्व॒ स्वाहा᳚ ॥ 4 ॥
सूर्य॑-न्ते॒ नव॑ ॥ 4 ॥
म॒हाह॑वि॒र्होता᳚ । स॒त्यह॑विरध्व॒र्युः । अच्यु॑तपाजा अ॒ग्नीत् । अच्यु॑तमना उपव॒क्ता । अ॒ना॒धृ॒ष्यश्चा᳚प्रतिधृ॒ष्यश्च॑ य॒ज्ञस्या॑भिग॒रौ । अ॒यास्य॑ उद्गा॒ता । वाच॑स्पते हृद्विधे नामन्न् । वि॒धेम॑ ते॒ नाम॑ । वि॒धेस्त्वम॒स्माक॒-न्नाम॑ । वा॒चस्पति॒स्सोम॑मपात् । मा दैव्य॒स्तन्तु॒श्छेदि॒ मा म॑नु॒ष्यः॑ । नमो॑ दि॒वे । नमः॑ पृथि॒व्यै स्वाहा᳚ ॥ 5 ॥
अ॒पा॒त्त्रीणि॑ च ॥ 5 ॥
वाघोता᳚ । दी॒क्षा पत्नी᳚ । वातो᳚-ऽध्व॒र्युः । आपो॑-ऽभिग॒रः । मनो॑ ह॒विः । तप॑सि जुहोमि । भूर्भुव॒स्सुवः॑ । ब्रह्म॑ स्वय॒म्भु । ब्रह्म॑णे स्वय॒म्भुवे॒ स्वाहा᳚ ॥ 6 ॥
वाघोता॒ नव॑ ॥ 6 ॥
ब्रा॒ह्म॒ण एक॑होता । स य॒ज्ञः । स मे॑ ददातु प्र॒जा-म्प॒शून्पुष्टिं॒-यँशः॑ । य॒ज्ञश्च॑ मे भूयात् । अ॒ग्निर्द्विहो॑ता । स भ॒र्ता । स मे॑ ददातु प्र॒जा-म्प॒शून्पुष्टिं॒-यँशः॑ । भ॒र्ता च॑ मे भूयात् । पृ॒थि॒वी त्रिहो॑ता । स प्र॑ति॒ष्ठा ॥ 7 ॥
स मे॑ ददातु प्र॒जा-म्प॒शून्पुष्टिं॒-यँशः॑ । प्र॒ति॒ष्ठा च॑ मे भूयात् । अ॒न्तरि॑क्ष॒-ञ्चतु॑र्होता । स वि॒ष्ठाः । स मे॑ ददातु प्र॒जा-म्प॒शून्पुष्टिं॒-यँशः॑ । वि॒ष्ठाश्च॑ मे भूयात् । वा॒युः पञ्च॑होता । स प्रा॒णः । स मे॑ ददातु प्र॒जा-म्प॒शून्पुष्टिं॒-यँशः॑ । प्रा॒णश्च॑ मे भूयात् ॥ 8 ॥
च॒न्द्रमा॒-ष्षड्ढो॑ता । स ऋ॒तून्क॑ल्पयाति । स मे॑ ददातु प्र॒जा-म्प॒शून्पुष्टिं॒-यँशः॑ । ऋ॒तव॑श्च मे कल्पन्ताम् । अन्नग्ं॑ स॒प्तहो॑ता । स प्रा॒णस्य॑ प्रा॒णः । स मे॑ ददातु प्र॒जा-म्प॒शून्पुष्टिं॒-यँशः॑ । प्रा॒णस्य॑ च मे प्रा॒णो भू॑यात् । द्यौर॒ष्टहो॑ता । सो॑-ऽनाधृ॒ष्यः ॥ 9 ॥
स मे॑ ददातु प्र॒जा-म्प॒शून्पुष्टिं॒-यँशः॑ । अ॒ना॒धृ॒ष्यश्च॑ भूयासम् । आ॒दि॒त्यो नव॑होता । स ते॑ज॒स्वी । स मे॑ ददातु प्र॒जा-म्प॒शून्पुष्टिं॒-यँशः॑ । ते॒ज॒स्वी च॑ भूयासम् । प्र॒जाप॑ति॒र्दश॑होता । स इ॒दग्ं सर्व᳚म् । स मे॑ ददातु प्र॒जा-म्प॒शून्पुष्टिं॒-यँशः॑ । सर्व॑-ञ्च मे भूयात् ॥ 10 ॥
प्र॒ति॒ष्ठा प्रा॒णश्च॑ मे भूयादनाधृ॒ष्यस्सर्व-ञ्च मे भूयात् ॥
ब्रा॒ह्म॒णो य॒ज्ञो᳚-ऽग्निर्भ॒र्ता पृ॑थि॒वी प्र॑ति॒ष्ठा-ऽन्तरि॑क्षं-विँ॒ष्ठा वा॒युः प्रा॒णश्च॒न्द्रमा॑ स ऋ॒तूनन्न॒ग्ं॒ स प्रा॒णस्य॑ प्रा॒णो द्यौर॑नाधृ॒ष्य आ॑दि॒त्यस्स ते॑ज॒स्वी प्र॒जाप॑ति॒-स्स इ॒दग्ं सर्व॒ग्ं॒ सर्व॑-ञ्च मे भूयात् ॥
अ॒ग्निर्यजु॑र्भिः । स॒वि॒ता स्तोमैः᳚ । इन्द्र॑ उक्थाम॒दैः । मि॒त्रावरु॑णावा॒शिषा᳚ । अङ्गि॑रसो॒ धिष्णि॑यैर॒ग्निभिः॑ । म॒रुत॑स्सदोहविर्धा॒नाभ्या᳚म् । आपः॒ प्रोक्ष॑णीभिः । ओष॑धयो ब॒र्हिषा᳚ । अदि॑ति॒र्वेद्या᳚ । सोमो॑ दी॒क्षया᳚ ॥ 11 ॥
त्वष्टे॒ध्मेन॑ । विष्णु॑र्य॒ज्ञेन॑ । वस॑व॒ आज्ये॑न । आ॒दि॒त्या दक्षि॑णाभिः । विश्वे॑ दे॒वा ऊ॒र्जा । पू॒षा स्व॑गाका॒रेण॑ । बृह॒स्पतिः॑ पुरो॒धया᳚ । प्र॒जाप॑तिरुद्गी॒थेन॑ । अ॒न्तरि॑क्ष-म्प॒वित्रे॑ण । वा॒युः पात्रैः᳚ । अ॒हग्ग्ं श्र॒द्धया᳚ ॥ 12 ॥
दी॒क्षया॒ पात्रै॒रेक॑-ञ्च ॥ 8 ॥
सेनेन्द्र॑स्य । धेना॒ बृह॒स्पतेः᳚ । प॒थ्या॑ पू॒ष्णः । वाग्वा॒योः । दी॒क्षा सोम॑स्य । पृ॒थि॒व्य॑ग्नेः । वसू॑ना-ङ्गाय॒त्री । रु॒द्राणा᳚-न्त्रि॒ष्टुक् । आ॒दि॒त्याना॒-ञ्जग॑ती । विष्णो॑रनु॒ष्टुक् ॥ 13 ॥
वरु॑णस्य वि॒राट् । य॒ज्ञस्य॑ प॒ङ्क्तिः । प्र॒जाप॑ते॒रनु॑मतिः । मि॒त्रस्य॑ श्र॒द्धा । स॒वि॒तुः प्रसू॑तिः । सूर्य॑स्य॒ मरी॑चिः । च॒न्द्रम॑सो रोहि॒णी । ऋषी॑णामरुन्ध॒ती । प॒र्जन्य॑स्य वि॒द्युत् । चत॑स्रो॒ दिशः॑ । चत॑स्रो-ऽवान्तरदि॒शाः । अह॑श्च॒ रात्रि॑श्च । कृ॒षिश्च॒ वृष्टि॑श्च । त्विषि॒श्चाप॑चितिश्च । आप॒श्चौष॑धयश्च । ऊर्क्च॑ सू॒नृता॑ च दे॒वाना॒-म्पत्न॑यः ॥ 14 ॥
अ॒नु॒ष्टुग्दिश॒ष्षट्च॑ ॥ 9 ॥
दे॒वस्य॑ त्वा सवि॒तुः प्र॑स॒वे । अ॒श्विनो᳚र्बा॒हुभ्या᳚म् । पू॒ष्णो हस्ता᳚भ्या॒-म्प्रति॑गृह्णामि । राजा᳚ त्वा॒ वरु॑णो नयतु देवि दक्षिणे॒-ऽग्नये॒ हिर॑ण्यम् । तेना॑मृत॒त्वम॑श्याम् । वयो॑ दा॒त्रे । मयो॒ मह्य॑मस्तु प्रतिग्रही॒त्रे । क इ॒द-ङ्कस्मा॑ अदात् । कामः॒ कामा॑य । कामो॑ दा॒ता ॥ 15 ॥
कामः॑ प्रतिग्रही॒ता । कामग्ं॑ समु॒द्रमावि॑श । कामे॑न त्वा॒ प्रति॑गृह्णामि । कामै॒तत्ते᳚ । ए॒षा ते॑ काम॒ दक्षि॑णा । उ॒त्ता॒नस्त्वा᳚-ऽऽङ्गीर॒सः प्रति॑गृह्णातु । सोमा॑य॒ वासः॑ । रु॒द्राय॒ गाम् । वरु॑णा॒याश्व᳚म् । प्र॒जाप॑तये॒ पुरु॑षम् ॥ 16 ॥
मन॑वे॒ तल्प᳚म् । त्वष्ट्रे॒-ऽजाम् । पू॒ष्णे-ऽवि᳚म् । निर्-ऋ॑त्या अश्वतरगर्द॒भौ । हि॒मव॑तो ह॒स्तिन᳚म् । ग॒न्ध॒र्वा॒प्स॒राभ्य॑स्स्रगलङ्कर॒णे । विश्वे᳚भ्यो दे॒वेभ्यो॑ धा॒न्यम् । वा॒चे-ऽन्न᳚म् । ब्रह्म॑ण ओद॒नम् । स॒मु॒द्रायापः॑ ॥ 17 ॥
उ॒त्ता॒नाया᳚ङ्गीर॒सायानः॑ । वै॒श्वा॒न॒राय॒ रथ᳚म् । वै॒श्वा॒न॒रः प्र॒त्नथा॒ नाक॒मारु॑हत् । दि॒वः पृ॒ष्ठ-म्भन्द॑मानस्सु॒मन्म॑भिः । स पू᳚र्व॒वज्ज॒नय॑ज्ज॒न्तवे॒ धन᳚म् । स॒मा॒नम॑ज्मा॒ परि॑याति॒ जागृ॑विः । राजा᳚ त्वा॒ वरु॑णो नयतु देवि दक्षिणे वैश्वान॒राय॒ रथ᳚म् । तेना॑मृत॒त्वम॑श्याम् । वयो॑ दा॒त्रे । मयो॒ मह्य॑मस्तु प्रतिग्रही॒त्रे ॥ 18 ॥
क इ॒द-ङ्कस्मा॑ अदात् । कामः॒ कामा॑य । कामो॑ दा॒ता । कामः॑ प्रतिग्रही॒ता । कामग्ं॑ समु॒द्रमावि॑श । कामे॑न त्वा॒ प्रति॑गृह्णामि । कामै॒तत्ते᳚ । ए॒षा ते॑ काम॒ दक्षि॑णा । उ॒त्ता॒नस्त्वा᳚-ऽऽङ्गीर॒सः प्रति॑गृह्णातु ॥ 19 ॥
दा॒ता पुरु॑ष॒मापः॑ प्रतिग्रही॒त्रे नव॑ च ॥ 10 ॥
सु॒वर्ण॑-ङ्घ॒र्म-म्परि॑वेद वे॒नम् । इन्द्र॑स्या॒-ऽऽत्मान॑-न्दश॒धा चर॑न्तम् । अ॒न्तस्स॑मु॒द्रे मन॑सा॒ चर॑न्तम् । ब्रह्मा-ऽन्व॑विन्द॒द्दश॑होतार॒मर्णे᳚ । अ॒न्तः प्रवि॑ष्टश्शा॒स्ता जना॑नाम् । एक॒स्सन्ब॑हु॒धा वि॑चारः । श॒तग्ं शु॒क्राणि॒ यत्रैक॒-म्भव॑न्ति । सर्वे॒ वेदा॒ यत्रैक॒-म्भव॑न्ति । सर्वे॒ होता॑रो॒ यत्रैक॒-म्भव॑न्ति । स॒ मान॑सीन आ॒त्मा जना॑नाम् ॥ 20 ॥
अ॒न्तः प्रवि॑ष्टश्शा॒स्ता जना॑ना॒ग्ं॒ सर्वा᳚त्मा । सर्वाः᳚ प्र॒जा यत्रैक॒-म्भव॑न्ति । चतु॑र्होतारो॒ यत्र॑ स॒म्पद॒-ङ्गच्छ॑न्ति दे॒वैः । स॒ मान॑सीन आ॒त्मा जना॑नाम् । ब्रह्मेन्द्र॑म॒ग्नि-ञ्जग॑तः प्रति॒ष्ठाम् । दि॒व आ॒त्मानग्ं॑ सवि॒तार॒-म्बृह॒स्पति᳚म् । चतु॑र्होतार-म्प्र॒दिशो-ऽनु॑क्लृ॒प्तम् । वा॒चो वी॒र्य॑-न्तप॒सा-ऽन्व॑विन्दत् । अ॒न्तः प्रवि॑ष्ट-ङ्क॒र्तार॑मे॒तम् । त्वष्टा॑रग्ं रू॒पाणि॑ विकु॒र्वन्तं॑-विँप॒श्चिम् ॥ 21 ॥
अ॒मृत॑स्य प्रा॒णं-यँ॒ज्ञमे॒तम् । चतु॑र्होतृणामा॒त्मान॑-ङ्क॒वयो॒ निचि॑क्युः । अ॒न्तः प्रवि॑ष्ट-ङ्क॒र्तार॑मे॒तम् । दे॒वाना॒-म्बन्धु॒ निहि॑त॒-ङ्गुहा॑सु । अ॒मृते॑न क्लृ॒प्तं-यँ॒ज्ञमे॒तम् । चतु॑र्होतृणामा॒त्मान॑-ङ्क॒वयो॒ निचि॑क्युः । श॒त-न्नि॒युतः॒ परि॑वेद॒ विश्वा॑ वि॒श्ववा॑रः । विश्व॑मि॒दं-वृँ॑णाति । इन्द्र॑स्या॒-ऽऽत्मा निहि॑तः॒ पञ्च॑होता । अ॒मृत॑-न्दे॒वाना॒मायुः॑ प्र॒जाना᳚म् ॥ 22 ॥
इन्द्र॒ग्ं॒ राजा॑नग्ं सवि॒तार॑मे॒तम् । वा॒योरा॒त्मान॑-ङ्क॒वयो॒ निचि॑क्युः । र॒श्मिग्ं र॑श्मी॒ना-म्मध्ये॒ तप॑न्तम् । ऋ॒तस्य॑ प॒दे क॒वयो॒ निपा᳚न्ति । य आ᳚ण्डको॒शे भुव॑न-म्बि॒भर्ति॑ । अनि॑र्भिण्ण॒स्सन्नथ॑ लो॒कान् वि॒चष्टे᳚ । यस्या᳚ण्डको॒शग्ं शुष्म॑मा॒हुः प्रा॒णमुल्ब᳚म् । तेन॑ क्लृ॒प्तो॑-ऽमृते॑ना॒हम॑स्मि । सु॒वर्ण॒-ङ्कोश॒ग्ं॒ रज॑सा॒ परी॑वृतम् । दे॒वानां᳚-वँसु॒धानीं᳚-विँ॒राज᳚म् ॥ 23 ॥
अ॒मृत॑स्य पू॒र्णा-न्तामु॑ क॒लां-विँच॑क्षते । पाद॒ग्ं॒ षड्ढो॑तु॒र्न किला॑-ऽऽविवित्से । येन॒र्तवः॑ पञ्च॒धोत क्लृ॒प्ताः । उ॒त वा॑ ष॒ड्धा मन॒सोत क्लृ॒प्ताः । तग्ं षड्ढो॑तारमृ॒तुभिः॒ कल्प॑मानम् । ऋ॒तस्य॑ प॒दे क॒वयो॒ निपा᳚न्ति । अ॒न्तः प्रवि॑ष्ट-ङ्क॒र्तार॑मे॒तम् । अ॒न्तश्च॒न्द्रम॑सि॒ मन॑सा॒ चर॑न्तम् । स॒हैव सन्त॒-न्न विजा॑नन्ति दे॒वाः । इन्द्र॑स्या॒-ऽऽत्मानग्ं॑ शत॒धा चर॑न्तम् ॥ 24 ॥
इन्द्रो॒ राजा॒ जग॑तो॒ य ईशे᳚ । स॒प्तहो॑ता सप्त॒धा विक्लृ॑प्तः । परे॑ण॒ तन्तु॑-म्परिषि॒च्यमा॑नम् । अ॒न्तरा॑दि॒त्ये मन॑सा॒ चर॑न्तम् । दे॒वाना॒ग्ं॒ हृद॑य॒-म्ब्रह्मा-ऽन्व॑विन्दत् । ब्रह्मै॒तद्ब्रह्म॑ण॒ उज्ज॑भार । अ॒र्कग्ग्ं श्चोत॑न्तग्ं सरि॒रस्य॒ मध्ये᳚ । आ यस्मि॑न्थ्स॒प्त पेर॑वः । मेह॑न्ति बहु॒लाग्ं श्रिय᳚म् । ब॒ह्व॒श्वामि॑न्द्र॒ गोम॑तीम् ॥ 25 ॥
अच्यु॑ता-म्बहु॒लाग्ं श्रिय᳚म् । स हरि॑र्वसु॒वित्त॑मः । पे॒रुरिन्द्रा॑य पिन्वते । ब॒ह्व॒श्वामि॑न्द्र॒ गोम॑तीम् । अच्यु॑ता-म्बहु॒लाग्ं श्रिय᳚म् । मह्य॒मिन्द्रो॒ निय॑च्छतु । श॒तग्ं श॒ता अ॑स्य यु॒क्ता हरी॑णाम् । अ॒र्वाङा या॑तु॒ वसु॑भी र॒श्मिरिन्द्रः॑ । प्रमग्ंह॑ माणो बहु॒लाग्ं श्रिय᳚म् । र॒श्मिरिन्द्र॑स्सवि॒ता मे॒ निय॑च्छतु ॥ 26 ॥
घृ॒त-न्तेजो॒ मधु॑मदिन्द्रि॒यम् । मय्य॒यम॒ग्निर्द॑धातु । हरिः॑ पत॒ङ्गः प॑ट॒री सु॑प॒र्णः । दि॒वि॒क्षयो॒ नभ॑सा॒ य एति॑ । स न॒ इन्द्रः॑ कामव॒र-न्द॑दातु । पञ्चा॑र-ञ्च॒क्र-म्परि॑वर्तते पृ॒थु । हिर॑ण्यज्योतिस्सरि॒रस्य॒ मध्ये᳚ । अज॑स्र॒-ञ्ज्योति॒र्नभ॑सा॒ सर्प॑देति । स न॒ इन्द्रः॑ कामव॒र-न्द॑दातु । स॒प्त यु॑ञ्जन्ति॒ रथ॒मेक॑चक्रम् ॥ 27 ॥
एको॒ अश्वो॑ वहति सप्तना॒मा । त्रि॒नाभि॑ च॒क्रम॒जर॒मन॑र्वम् । येने॒मा विश्वा॒ भुव॑नानि तस्थुः । भ॒द्र-म्पश्य॑न्त॒ उप॑सेदु॒रग्रे᳚ । तपो॑ दी॒क्षामृष॑यस्सुव॒र्विदः॑ । ततः॑ क्ष॒त्त्र-म्बल॒मोज॑श्च जा॒तम् । तद॒स्मै दे॒वा अ॒भिस-न्न॑मन्तु । श्वे॒तग्ं र॒श्मि-म्बो॑भु॒ज्यमा॑नम् । अ॒पा-न्ने॒तार॒-म्भुव॑नस्य गो॒पाम् । इन्द्र॒-न्निचि॑क्युः पर॒मे व्यो॑मन्न् ॥ 28 ॥
रोहि॑णीः पिङ्ग॒ला एक॑रूपाः । क्षर॑न्तीः पिङ्ग॒ला एक॑रूपाः । श॒तग्ं स॒हस्रा॑णि प्र॒युता॑नि॒ नाव्या॑नाम् । अ॒यं-यँश्श्वे॒तो र॒श्मिः । परि॒ सर्व॑मि॒द-ञ्जग॑त् । प्र॒जा-म्प॒शून्धना॑नि । अ॒स्माक॑-न्ददातु । श्वे॒तो र॒श्मिः परि॒ सर्व॑-म्बभूव । सुव॒न्मह्य॑-म्प॒शून् वि॒श्वरू॑पान् । प॒त॒ङ्गम॒क्तमसु॑रस्य मा॒यया᳚ ॥ 29 ॥
हृ॒दा प॑श्यन्ति॒ मन॑सा मनी॒षिणः॑ । स॒मु॒द्रे अ॒न्तः क॒वयो॒ विच॑क्षते । मरी॑चीना-म्प॒दमि॑च्छन्ति वे॒धसः॑ । प॒त॒ङ्गो वाच॒-म्मन॑सा बिभर्ति । ता-ङ्ग॑न्ध॒र्वो॑-ऽवद॒द्गर्भे॑ अ॒न्तः । ता-न्द्योत॑मानाग्ं स्व॒र्य॑-म्मनी॒षाम् । ऋ॒तस्य॑ प॒दे क॒वयो॒ निपा᳚न्ति । ये ग्रा॒म्याः प॒शवो॑ वि॒श्वरू॑पाः । विरू॑पा॒स्सन्तो॑ बहु॒धैक॑रूपाः । अ॒ग्निस्ताग्ं अग्रे॒ प्रमु॑मोक्तु दे॒वः ॥ 30 ॥
प्र॒जाप॑तिः प्र॒जया॑ संविँदा॒नः । वी॒तग्ग्ं स्तु॑के स्तुके । यु॒वम॒स्मासु॒ निय॑च्छतम् । प्र प्र॑ य॒ज्ञप॑ति-न्तिर । ये ग्रा॒म्याः प॒शवो॑ वि॒श्वरू॑पाः । विरू॑पा॒स्सन्तो॑ बहु॒धैक॑रूपाः । तेषाग्ं॑ सप्ता॒नामि॒ह रन्ति॑रस्तु । रा॒यस्पोषा॑य सुप्रजा॒स्त्वाय॑ सु॒वीर्या॑य । य आ॑र॒ण्याः प॒शवो॑ वि॒श्वरू॑पाः । विरू॑पा॒स्सन्तो॑ बहु॒धैक॑रूपाः । वा॒युस्ताग्ं अग्रे॒ प्रमु॑मोक्तु दे॒वः । प्र॒जाप॑तिः प्र॒जया॑ संविँदा॒नः । इडा॑यै सृ॒प्त-ङ्घृ॒तव॑च्चराच॒रम् । दे॒वा अन्व॑विन्द॒न्गुहा॑ हि॒तम् । य आ॑र॒ण्याः प॒शवो॑ वि॒श्वरू॑पाः । विरू॑पा॒स्सन्तो॑ बहु॒धैक॑रूपाः । तेषाग्ं॑ सप्ता॒नामि॒ह रन्ति॑रस्तु । रा॒यस्पोषा॑य सुप्रजा॒स्त्वाय॑ सु॒वीर्या॑य ॥ 31 ॥
आ॒त्मा जना॑नां-विँकु॒र्वन्तं॑-विँप॒श्चि-म्प्र॒जानां᳚-वँसु॒धानीं᳚-विँ॒राज॒-ञ्चर॑न्त॒-ङ्गोम॑ती-म्मे॒ निय॑च्छ॒त्वेक॑चक्रं॒-व्योँ॑मन्मा॒यया॑ दे॒व एक॑रूपा अ॒ष्टौ च॑ ॥ 11 ॥
स॒हस्र॑शीर्षा॒ पुरु॑षः । स॒ह॒स्रा॒क्षस्स॒हस्र॑पात् ।
स भूमिं॑-विँ॒श्वतो॑ वृ॒त्वा । अत्य॑तिष्ठद्दशाङ्गु॒लम् ।
पुरु॑ष ए॒वेदग्ं सर्व᳚म् । यद्भू॒तं-यँच्च॒ भव्य᳚म् ।
उ॒तामृ॑त॒त्वस्येशा॑नः । यदन्ने॑नाति॒रोह॑ति । ए॒तावा॑नस्य महि॒मा । अतो॒ ज्यायाग्ं॑श्च॒ पूरु॑षः ॥ 32,33 ॥
पादो᳚-ऽस्य॒ विश्वा॑ भू॒तानि॑ । त्रि॒पाद॑स्या॒मृत॑-न्दि॒वि ।
त्रि॒पादू॒र्ध्व उदै॒त्पुरु॑षः । पादो᳚-ऽस्ये॒हाभ॑वा॒त्पुनः॑ ।
ततो॒ विष्व॒ङ्व्य॑क्रामत् । सा॒श॒ना॒न॒श॒ने अ॒भि ।
तस्मा᳚द्वि॒राड॑जायत । वि॒राजो॒ अधि॒ पूरु॑षः । स जा॒तो अत्य॑रिच्यत । प॒श्चाद्भूमि॒मथो॑ पु॒रः ॥ 34,35 ॥
यत्पुरु॑षेण ह॒विषा᳚ । दे॒वा य॒ज्ञमत॑न्वत ।
व॒स॒न्तो अ॑स्या-ऽऽसी॒दाज्य᳚म् । ग्री॒ष्म इ॒ध्मश्श॒रद्ध॒विः ।
स॒प्तास्या॑-ऽऽसन्परि॒धयः॑ । त्रिस्स॒प्त स॒मिधः॑ कृ॒ताः ।
दे॒वा यद्य॒ज्ञ-न्त॑न्वा॒नाः । अब॑ध्न॒न्पुरु॑ष-म्प॒शुम् ।
तं-यँ॒ज्ञ-म्ब॒र्हिषि॒ प्रौक्षन्॑ । पुरु॑ष-ञ्जा॒तम॑ग्र॒तः ॥ 34,35 ॥
तेन॑ दे॒वा अय॑जन्त । सा॒ध्या ऋष॑यश्च॒ ये ।
तस्मा᳚द्य॒ज्ञाथ्स॑र्व॒हुतः॑ । सम्भृ॑त-म्पृषदा॒ज्यम् ।
प॒शूग्स्ताग्श्च॑क्रे वाय॒व्यान्॑ । आ॒र॒ण्यान्ग्रा॒म्याश्च॒ ये ।
तस्मा᳚द्य॒ज्ञाथ्स॑र्व॒हुतः॑ । ऋच॒स्सामा॑नि जज्ञिरे ।
छन्दाग्ं॑सि जज्ञिरे॒ तस्मा᳚त् । यजु॒स्तस्मा॑दजायत ॥ 35,36 ॥
तस्मा॒दश्वा॑ अजायन्त । ये के चो॑भ॒याद॑तः ।
गावो॑ ह जज्ञिरे॒ तस्मा᳚त् । तस्मा᳚ज्जा॒ता अ॑जा॒वयः॑ ।
यत्पुरु॑षं॒-व्यँ॑दधुः । क॒ति॒धा व्य॑कल्पयन्न् ।
मुख॒-ङ्किम॑स्य॒ कौ बा॒हू । का वू॒रू पादा॑वुच्येते ।
ब्रा॒ह्म॒णो᳚-ऽस्य॒ मुख॑मासीत् । बा॒हू रा॑ज॒न्यः॑ कृ॒तः ॥ 36,37 ॥
ऊ॒रू तद॑स्य॒ यद्वैश्यः॑ । प॒द्भ्याग्ं शू॒द्रो अ॑जायत ।
च॒न्द्रमा॒ मन॑सो जा॒तः । चक्षो॒स्सूर्यो॑ अजायत ।
मुखा॒दिन्द्र॑श्चा॒ग्निश्च॑ । प्रा॒णाद्वा॒युर॑जायत ।
नाभ्या॑ आसीद॒न्तरि॑क्षम् । शी॒र्ष्णो द्यौस्सम॑वर्तत ।
प॒द्भ्या-म्भूमि॒र्दिश॒-श्श्रोत्रा᳚त् ।
तथा॑ लो॒काग्ं अ॑कल्पयन्न् ॥ 37,38 ॥
वेदा॒हमे॒त-म्पुरु॑ष-म्म॒हान्त᳚म् ।
आ॒दि॒त्यव॑र्णं॒ तम॑स॒स्तु पा॒रे ।
सर्वा॑णि रू॒पाणि॑ वि॒चित्य॒ धीरः॑ ।
नामा॑नि कृ॒त्वा-ऽभि॒वद॒न् यदास्ते᳚ ।
धा॒ता पु॒रस्ता॒द्यमु॑दाज॒हार॑ ।
श॒क्रः प्रवि॒द्वान्प्र॒दिश॒श्चत॑स्रः ।
तमे॒वं-विँ॒द्वान॒मृत॑ इ॒ह भ॑वति ।
नान्यः पन्था॒ अय॑नाय विद्यते ।
य॒ज्ञेन॑ य॒ज्ञम॑यजन्त दे॒वाः ।
तानि॒ धर्मा॑णि प्रथ॒मान्या॑सन्न् ।
ते ह॒ नाक॑-म्महि॒मान॑स्सचन्ते ।
यत्र॒ पूर्वे॑ सा॒ध्यास्सन्ति॑ दे॒वाः ॥ 38,39 ॥
पुरु॑षः पु॒रो᳚-ऽग्र॒तो॑-ऽजायत कृ॒तो॑-ऽकल्पयन्नास॒न्द्वे च॑ ॥ 12 ॥
ज्याया॒नधि॒ पूरु॑षः । अन्यत्र॒ पुरु॑षः ॥
अ॒द्भ्यस्सम्भू॑तः पृथि॒व्यै रसा᳚च्च ।
वि॒श्वक॑र्मण॒स्सम॑वर्त॒ताधि॑ ।
तस्य॒ त्वष्टा॑ वि॒दध॑द्रू॒पमे॑ति ।
तत्पुरु॑षस्य॒ विश्व॒माजा॑न॒मग्रे᳚ ।
वेदा॒हमे॒त-म्पुरु॑ष-म्म॒हान्त᳚म् ।
आ॒दि॒त्यव॑र्ण॒-न्तम॑सः॒ पर॑स्तात् ।
तमे॒वं-विँ॒द्वान॒मृत॑ इ॒ह भ॑वति ।
नान्यः पन्था॑ विद्य॒ते-ऽय॑नाय ।
प्र॒जाप॑तिश्चरति॒ गर्भे॑ अ॒न्तः ।
अ॒जाय॑मानो बहु॒धा विजा॑यते ॥ 39,40 ॥
तस्य॒ धीराः॒ परि॑जानन्ति॒ योनि᳚म् । मरी॑चीना-म्प॒दमि॑च्छन्ति वे॒धसः॑ । यो दे॒वेभ्य॒ आत॑पति । यो दे॒वाना᳚-म्पु॒रोहि॑तः ।
पूर्वो॒ यो दे॒वेभ्यो॑ जा॒तः । नमो॑ रु॒चाय॒ ब्राह्म॑ये । रुच॑-म्ब्रा॒ह्म-ञ्ज॒नय॑न्तः । दे॒वा अग्रे॒ तद॑ब्रुवन्न् । यस्त्वै॒व-म्ब्रा᳚ह्म॒णो वि॒द्यात् । तस्य॑ दे॒वा अस॒न्वशे᳚ । ह्रीश्च॑ ते ल॒क्ष्मीश्च॒ पत्न्यौ᳚ । अ॒हो॒रा॒त्रे पा॒र्श्वे । नक्ष॑त्राणि रू॒पम् । अ॒श्विनौ॒ व्यात्त᳚म् । इ॒ष्ट-म्म॑निषाण । अ॒मु-म्म॑निषाण । सर्व॑-म्मनिषाण ॥ 40,41 ॥
जा॒य॒ते॒ वशे॑ स॒प्त च॑ ॥ 13 ॥
भ॒र्ता सन्भ्रि॒यमा॑णो बिभर्ति । एको॑ दे॒वो ब॑हु॒धा निवि॑ष्टः । य॒दा भा॒र-न्त॒न्द्रय॑ते॒ स भर्तु᳚म् । नि॒धाय॑ भा॒र-म्पुन॒रस्त॑मेति । तमे॒व मृ॒त्युम॒मृत॒-न्तमा॑हुः । त-म्भ॒र्तार॒-न्तमु॑ गो॒प्तार॑माहुः । स भृ॒तो भ्रि॒यमा॑णो बिभर्ति । य ए॑नं॒-वेँद॑ स॒त्येन॒ भर्तु᳚म् । स॒द्यो जा॒तमु॒त ज॑हात्ये॒षः । उ॒तो जर॑न्त॒-न्न ज॑हा॒त्येक᳚म् ॥ 41,42 ॥
उ॒तो ब॒हूनेक॒मह॑र्जहार । अत॑न्द्रो दे॒वस्सद॑मे॒व प्रार्थः॑ । यस्तद्वेद॒ यत॑ आब॒भूव॑ । स॒न्धा-ञ्च॒ याग्ं स॑न्द॒धे ब्रह्म॑णै॒षः । रम॑ते॒ तस्मि᳚न्नु॒त जी॒र्णे शया॑ने । नैन॑-ञ्जहा॒त्यह॑स्सु पू॒र्व्येषु॑ । त्वामापो॒ अनु॒ सर्वा᳚श्चरन्ति जान॒तीः । व॒थ्स-म्पय॑सा पुना॒नाः । त्वम॒ग्निग्ं ह॑व्य॒वाह॒ग्ं॒ समि॑न्थ्से । त्व-म्भ॒र्ता मा॑त॒रिश्वा᳚ प्र॒जाना᳚म् ॥ 42,43 ॥
त्वं-यँ॒ज्ञस्त्वमु॑वे॒वासि॒ सोमः॑ । तव॑ दे॒वा हव॒माय॑न्ति॒ सर्वे᳚ । त्वमेको॑-ऽसि ब॒हूननु॒प्रवि॑ष्टः । नम॑स्ते अस्तु सु॒हवो॑ म एधि । नमो॑ वामस्तु शृणु॒तग्ं हव॑-म्मे । प्राणा॑पानावजि॒रग्ं स॒ञ्चर॑न्तौ । ह्वया॑मि वा॒-म्ब्रह्म॑णा तू॒र्तमेत᳚म् । यो मा-न्द्वेष्टि॒ त-ञ्ज॑हितं-युँवाना । प्राणा॑पानौ संविँदा॒नौ ज॑हितम् । अ॒मुष्यासु॑ना॒ मा सङ्ग॑साथाम् ॥ 43 ॥
त-म्मे॑ देवा॒ ब्रह्म॑णा संविँदा॒नौ । व॒धाय॑ दत्त॒-न्तम॒हग्ं ह॑नामि । अस॑ज्जजान स॒त आब॑भूव । यं-यँ॑-ञ्ज॒जान॒ स उ॑ गो॒पो अ॑स्य । य॒दा भा॒र-न्त॒न्द्रय॑ते॒ स भर्तु᳚म् । प॒रास्य॑ भा॒र-म्पुन॒रस्त॑मेति । तद्वै त्व-म्प्रा॒णो अ॑भवः । म॒हान्भोगः॑ प्र॒जाप॑तेः । भुजः॑ करि॒ष्यमा॑णः । यद्दे॒वान्प्राण॑यो॒ नव॑ ॥ 44 ॥
एक॑-म्प्र॒जाना᳚-ङ्गसाथा॒-न्नव॑ ॥ 14 ॥
हरि॒ग्ं॒ हर॑न्त॒मनु॑यन्ति दे॒वाः । विश्व॒स्येशा॑नं-वृँष॒भ-म्म॑ती॒नाम् । ब्रह्म॒ सरू॑प॒मनु॑मे॒दमागा᳚त् । अय॑न॒-म्मा विव॑धी॒र्विक्र॑मस्व । मा छि॑दो मृत्यो॒ मा व॑धीः । मा मे॒ बलं॒-विँवृ॑हो॒ मा प्रमो॑षीः । प्र॒जा-म्मा मे॑ रीरिष॒ आयु॑रुग्र । नृ॒चक्ष॑स-न्त्वा ह॒विषा॑ विधेम । स॒द्यश्च॑कमा॒नाय॑ । प्र॒वे॒पा॒नाय॑ मृ॒त्यवे᳚ ॥ 45 ॥
प्रास्मा॒ आशा॑ अशृण्वन्न् । कामे॑नाजनय॒न्पुनः॑ । कामे॑न मे॒ काम॒ आगा᳚त् । हृद॑या॒द्धृद॑य-म्मृ॒त्योः । यद॒मीषा॑म॒दः प्रि॒यम् । तदैतूप॒माम॒भि । पर॑-म्मृत्यो॒ अनु॒ परे॑हि॒ पन्था᳚म् । यस्ते॒ स्व इत॑रो देव॒याना᳚त् । चक्षु॑ष्मते शृण्व॒ते ते᳚ ब्रवीमि । मा नः॑ प्र॒जाग्ं री॑रिषो॒ मोत वी॒रान् । प्र पू॒र्व्य-म्मन॑सा॒ वन्द॑मानः । नाध॑मानो वृष॒भ-ञ्च॑र्षणी॒नाम् । यः प्र॒जाना॑मेक॒राण्मानु॑षीणाम् । मृ॒त्युं-यँ॑जे प्रथम॒जामृ॒तस्य॑ ॥ 46 ॥
मृ॒त्यवे॑ वी॒राग्ंश्च॒त्वारि॑ च ॥ 15 ॥
त॒रणि॑र्वि॒श्वद॑र्शतो ज्योति॒ष्कृद॑सि सूर्य । विश्व॒मा भा॑सि रोच॒नम् । उ॒प॒या॒मगृ॑हीतो-ऽसि॒ सूर्या॑य त्वा॒ भ्राज॑स्वत ए॒ष ते॒ योनि॒स्सूर्या॑य त्वा॒ भ्राज॑स्वते ॥ 47 ॥ 16 ॥
आप्या॑यस्व मदिन्तम॒ सोम॒ विश्वा॑भिरू॒तिभिः॑ । भवा॑ नस्स॒प्रथ॑स्तमः ॥ (48) ॥ 17 ॥
ई॒युष्टे ये पूर्व॑तरा॒मप॑श्यन् व्यु॒च्छन्ती॑मु॒षस॒-म्मर्त्या॑सः । अ॒स्माभि॑रू॒ नु प्र॑ति॒चक्ष्या॑-ऽभू॒दो ते य॑न्ति॒ ये अ॑प॒रीषु॒ पश्यान्॑ ॥ 49 ॥ 18 ॥
ज्योति॑ष्मती-न्त्वा सादयामि ज्योति॒ष्कृत॑-न्त्वा सादयामि ज्योति॒र्विद॑-न्त्वा सादयामि॒ भास्व॑ती-न्त्वा सादयामि॒ ज्वल॑न्ती-न्त्वा सादयामि मल्मला॒भव॑न्ती-न्त्वा सादयामि॒ दीप्य॑माना-न्त्वा सादयामि॒ रोच॑माना-न्त्वा सादया॒म्यज॑स्रा-न्त्वा सादयामि बृ॒हज्ज्यो॑तिष-न्त्वा सादयामि बो॒धय॑न्ती-न्त्वा सादयामि॒ जाग्र॑ती-न्त्वा सादयामि ॥ 50 ॥ 19 ॥
प्र॒या॒साय॒ स्वाहा॑-ऽऽया॒साय॒ स्वाहा॑ विया॒साय॒ स्वाहा॑ संयाँ॒साय॒ स्वाहो᳚द्या॒साय॒ स्वाहा॑-ऽवया॒साय॒ स्वाहा॑ शु॒चे स्वाहा॒ शोका॑य॒ स्वाहा॑ तप्य॒त्वै स्वाहा॒ तप॑ते॒ स्वाहा᳚ ब्रह्मह॒त्यायै॒ स्वाहा॒ सर्व॑स्मै॒ स्वाहा᳚ ॥ 51 ॥ 20 ॥
चि॒त्तग्ं स॑न्ता॒नेन॑ भ॒वं-यँ॒क्ना रु॒द्र-न्तनि॑म्ना पशु॒पतिग्ग्ं॑ स्थूलहृद॒येना॒ग्निग्ं हृद॑येन रु॒द्रं-लोँहि॑तेन श॒र्व-म्मत॑स्नाभ्या-म्महादे॒वम॒न्तः पा᳚र्श्वेनौषिष्ठ॒हनग्ं॑ शिङ्गीनिको॒श्या᳚भ्याम् ॥ 52 ॥ 21 ॥
चि॒त्तिः॑ पृथि॒व्य॑ग्नि॒स्सूर्य॑-न्ते॒ चक्षु॑र्म॒हाह॑वि॒र्होता॒ वाघोता᳚ ब्राह्म॒ण एक॑होता॒-ऽग्निर्यजु॑र्भि॒स्सेनेन्द्र॑स्य दे॒वस्य॑ सु॒वर्ण॑-ङ्घ॒र्मग्ं स॒हस्र॑शीर्षा॒-ऽद्भ्यो भ॒र्ता हरि॑-न्त॒रणि॒राप्या॑यस्वे॒युष्टे ये ज्योति॑ष्मती-म्प्रया॒साय॑ चि॒त्तमेक॑विग्ंशतिः ॥ 21 ॥
चित्ति॑र॒ग्निर्यजु॑र्भिर॒न्तः प्रवि॑ष्टः प्र॒जाप॑तिर्भ॒र्तासन्प्रया॒साय॒ द्विप॑ञ्चा॒शत् ॥ 52 ॥
चित्ति॑र॒ग्निर्यजु॑र्भिर॒न्तः प्रवि॑ष्टः प्र॒जाप॑तिः प्र॒जया॑ संविँदा॒नस्तस्य॒ धीरा॒ ज्योति॑ष्मती॒-न्त्रिप॑ञ्चा॒शत् ॥ 53 ॥
तच्छं॒-योँरावृ॑णीमहे । गा॒तुं-यँ॒ज्ञाय॑ ।
गा॒तुं-यँ॒ज्ञप॑तये । दैवी᳚ स्व॒स्तिर॑स्तु नः ।
स्व॒स्तिर्मानु॑षेभ्यः । ऊ॒र्ध्व-ञ्जि॑गातु भेष॒जम् ।
श-न्नो॑ अस्तु द्वि॒पदे᳚ । श-ञ्चतु॑ष्पदे ॥
ॐ शान्ति॒-श्शान्ति॒-श्शान्तिः॑ ॥
(kṛṣṇayajurvedīya taittirīyāraṇyake tṛtīya prapāṭhakaḥ)
hariḥ om | tacchaṃ॒-yo~rāvṛ̭ṇīmahe | gā॒tuṃ-ya~॒jñāya̭ |
gā॒tuṃ-ya~॒jñapa̭taye | daivī᳚ sva॒stira̭stu naḥ |
sva॒stirmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade ||
oṃ śānti॒-śśānti॒-śśāntiḥ̭ ||
o-ñcitti॒ssruk | ci॒ttamājya᳚m | vāgvediḥ̭ | ādhī̭ta-mba॒rhiḥ | keto̭ a॒gniḥ | vijñā̭tama॒gniḥ | vākpa̭ti॒rhotā᳚ | mana̭ upava॒ktā | prā॒ṇo ha॒viḥ | sāmā᳚dhva॒ryuḥ | vāca̭spate vidhe nāmann | vi॒dhema̭ te॒ nāma̭ | vi॒dhestvama॒smāka॒-nnāma̭ | vā॒caspati॒ssoma̭-mpibatu | ā-'smāsṷ nṛ॒mṇa-ndhā॒tsvāhā᳚ || 1 ||
a॒dhva॒ryuḥ pañca̭ ca || 1 ||
pṛ॒thi॒vī hotā᳚ | dyaura̭dhva॒ryuḥ | ru॒dro᳚-'gnīt | bṛha॒spati̭rupava॒ktā | vāca̭spate vā॒co vī॒ryḙṇa | sambhṛ̭tatame॒nā-''ya̭kṣyase | yaja̭mānāya॒ vārya᳚m | ā suva॒skara̭smai | vā॒caspati॒ssoma̭-mpibati | ja॒jana॒dindra̭mindri॒yāya॒ svāhā᳚ || 2 ||
pṛ॒thi॒vī hotā॒ daśa̭ || 2 ||
a॒gnirhotā᳚ | a॒śvinā᳚-'dhva॒ryū | tvaṣṭā॒-'gnīt | mi॒tra ṷpava॒ktā | soma॒ssoma̭sya puro॒gāḥ | śu॒krasśu॒krasya̭ puro॒gāḥ | śrā॒tāsta̭ indra॒ somāḥ᳚ | vātā̭perhavana॒śruta॒ssvāhā᳚ || 3 ||
a॒gnirhotā॒-'ṣṭau || 3 ||
sūrya̭-nte॒ cakṣuḥ̭ | vāta̭-mprā॒ṇaḥ | dyā-mpṛ॒ṣṭham | a॒ntari̭kṣamā॒tmā | aṅgai᳚rya॒jñam | pṛ॒thi॒vīgṃ śarī̭raiḥ | vāca̭spa॒te-'cchi̭drayā vā॒cā | acchi̭drayā ju॒hvā᳚ | di॒vi dḙvā॒vṛdha॒gṃ॒ hotrā॒ mera̭yasva॒ svāhā᳚ || 4 ||
sūrya̭-nte॒ nava̭ || 4 ||
ma॒hāha̭vi॒rhotā᳚ | sa॒tyaha̭viradhva॒ryuḥ | acyṷtapājā a॒gnīt | acyṷtamanā upava॒ktā | a॒nā॒dhṛ॒ṣyaścā᳚pratidhṛ॒ṣyaśca̭ ya॒jñasyā̭bhiga॒rau | a॒yāsya̭ udgā॒tā | vāca̭spate hṛdvidhe nāmann | vi॒dhema̭ te॒ nāma̭ | vi॒dhestvama॒smāka॒-nnāma̭ | vā॒caspati॒ssoma̭mapāt | mā daivya॒stantu॒śchedi॒ mā ma̭nu॒ṣyaḥ̭ | namo̭ di॒ve | namaḥ̭ pṛthi॒vyai svāhā᳚ || 5 ||
a॒pā॒ttrīṇi̭ ca || 5 ||
vāghotā᳚ | dī॒kṣā patnī᳚ | vāto᳚-'dhva॒ryuḥ | āpo̭-'bhiga॒raḥ | mano̭ ha॒viḥ | tapa̭si juhomi | bhūrbhuva॒ssuvaḥ̭ | brahma̭ svaya॒mbhu | brahma̭ṇe svaya॒mbhuve॒ svāhā᳚ || 6 ||
vāghotā॒ nava̭ || 6 ||
brā॒hma॒ṇa eka̭hotā | sa ya॒jñaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | ya॒jñaśca̭ me bhūyāt | a॒gnirdviho̭tā | sa bha॒rtā | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | bha॒rtā ca̭ me bhūyāt | pṛ॒thi॒vī triho̭tā | sa pra̭ti॒ṣṭhā || 7 ||
sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | pra॒ti॒ṣṭhā ca̭ me bhūyāt | a॒ntari̭kṣa॒-ñcatṷrhotā | sa vi॒ṣṭhāḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | vi॒ṣṭhāśca̭ me bhūyāt | vā॒yuḥ pañca̭hotā | sa prā॒ṇaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | prā॒ṇaśca̭ me bhūyāt || 8 ||
ca॒ndramā॒-ṣṣaḍḍho̭tā | sa ṛ॒tūnka̭lpayāti | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | ṛ॒tava̭śca me kalpantām | annagṃ̭ sa॒ptaho̭tā | sa prā॒ṇasya̭ prā॒ṇaḥ | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | prā॒ṇasya̭ ca me prā॒ṇo bhṷ̄yāt | dyaura॒ṣṭaho̭tā | so̭-'nādhṛ॒ṣyaḥ || 9 ||
sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | a॒nā॒dhṛ॒ṣyaśca̭ bhūyāsam | ā॒di॒tyo nava̭hotā | sa tḙja॒svī | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | te॒ja॒svī ca̭ bhūyāsam | pra॒jāpa̭ti॒rdaśa̭hotā | sa i॒dagṃ sarva᳚m | sa mḙ dadātu pra॒jā-mpa॒śūnpuṣṭiṃ॒-ya~śaḥ̭ | sarva̭-ñca me bhūyāt || 10 ||
pra॒ti॒ṣṭhā prā॒ṇaśca̭ me bhūyādanādhṛ॒ṣyassarva-ñca me bhūyāt ||
brā॒hma॒ṇo ya॒jño᳚-'gnirbha॒rtā pṛ̭thi॒vī pra̭ti॒ṣṭhā-'ntari̭kṣaṃ-vi~॒ṣṭhā vā॒yuḥ prā॒ṇaśca॒ndramā̭ sa ṛ॒tūnanna॒gṃ॒ sa prā॒ṇasya̭ prā॒ṇo dyaura̭nādhṛ॒ṣya ā̭di॒tyassa tḙja॒svī pra॒jāpa̭ti॒-ssa i॒dagṃ sarva॒gṃ॒ sarva̭-ñca me bhūyāt ||
a॒gniryajṷrbhiḥ | sa॒vi॒tā stomaiḥ᳚ | indra̭ ukthāma॒daiḥ | mi॒trāvarṷṇāvā॒śiṣā᳚ | aṅgi̭raso॒ dhiṣṇi̭yaira॒gnibhiḥ̭ | ma॒ruta̭ssadohavirdhā॒nābhyā᳚m | āpaḥ॒ prokṣa̭ṇībhiḥ | oṣa̭dhayo ba॒rhiṣā᳚ | adi̭ti॒rvedyā᳚ | somo̭ dī॒kṣayā᳚ || 11 ||
tvaṣṭe॒dhmena̭ | viṣṇṷrya॒jñena̭ | vasa̭va॒ ājyḙna | ā॒di॒tyā dakṣi̭ṇābhiḥ | viśvḙ de॒vā ū॒rjā | pū॒ṣā sva̭gākā॒reṇa̭ | bṛha॒spatiḥ̭ puro॒dhayā᳚ | pra॒jāpa̭tirudgī॒thena̭ | a॒ntari̭kṣa-mpa॒vitrḙṇa | vā॒yuḥ pātraiḥ᳚ | a॒haggṃ śra॒ddhayā᳚ || 12 ||
dī॒kṣayā॒ pātrai॒reka̭-ñca || 8 ||
senendra̭sya | dhenā॒ bṛha॒spateḥ᳚ | pa॒thyā̭ pū॒ṣṇaḥ | vāgvā॒yoḥ | dī॒kṣā soma̭sya | pṛ॒thi॒vya̭gneḥ | vasṷ̄nā-ṅgāya॒trī | ru॒drāṇā᳚-ntri॒ṣṭuk | ā॒di॒tyānā॒-ñjaga̭tī | viṣṇo̭ranu॒ṣṭuk || 13 ||
varṷṇasya vi॒rāṭ | ya॒jñasya̭ pa॒ṅktiḥ | pra॒jāpa̭te॒ranṷmatiḥ | mi॒trasya̭ śra॒ddhā | sa॒vi॒tuḥ prasṷ̄tiḥ | sūrya̭sya॒ marī̭ciḥ | ca॒ndrama̭so rohi॒ṇī | ṛṣī̭ṇāmarundha॒tī | pa॒rjanya̭sya vi॒dyut | cata̭sro॒ diśaḥ̭ | cata̭sro-'vāntaradi॒śāḥ | aha̭śca॒ rātri̭śca | kṛ॒ṣiśca॒ vṛṣṭi̭śca | tviṣi॒ścāpa̭citiśca | āpa॒ścauṣa̭dhayaśca | ūrkca̭ sū॒nṛtā̭ ca de॒vānā॒-mpatna̭yaḥ || 14 ||
a॒nu॒ṣṭugdiśa॒ṣṣaṭca̭ || 9 ||
de॒vasya̭ tvā savi॒tuḥ pra̭sa॒ve | a॒śvino᳚rbā॒hubhyā᳚m | pū॒ṣṇo hastā᳚bhyā॒-mprati̭gṛhṇāmi | rājā᳚ tvā॒ varṷṇo nayatu devi dakṣiṇe॒-'gnaye॒ hira̭ṇyam | tenā̭mṛta॒tvama̭śyām | vayo̭ dā॒tre | mayo॒ mahya̭mastu pratigrahī॒tre | ka i॒da-ṅkasmā̭ adāt | kāmaḥ॒ kāmā̭ya | kāmo̭ dā॒tā || 15 ||
kāmaḥ̭ pratigrahī॒tā | kāmagṃ̭ samu॒dramāvi̭śa | kāmḙna tvā॒ prati̭gṛhṇāmi | kāmai॒tatte᳚ | e॒ṣā tḙ kāma॒ dakṣi̭ṇā | u॒ttā॒nastvā᳚-''ṅgīra॒saḥ prati̭gṛhṇātu | somā̭ya॒ vāsaḥ̭ | ru॒drāya॒ gām | varṷṇā॒yāśva᳚m | pra॒jāpa̭taye॒ purṷṣam || 16 ||
mana̭ve॒ talpa᳚m | tvaṣṭre॒-'jām | pū॒ṣṇe-'vi᳚m | nir-ṛ̭tyā aśvataragarda॒bhau | hi॒mava̭to ha॒stina᳚m | ga॒ndha॒rvā॒psa॒rābhya̭ssragalaṅkara॒ṇe | viśve᳚bhyo de॒vebhyo̭ dhā॒nyam | vā॒ce-'nna᳚m | brahma̭ṇa oda॒nam | sa॒mu॒drāyāpaḥ̭ || 17 ||
u॒ttā॒nāyā᳚ṅgīra॒sāyānaḥ̭ | vai॒śvā॒na॒rāya॒ ratha᳚m | vai॒śvā॒na॒raḥ pra॒tnathā॒ nāka॒mārṷhat | di॒vaḥ pṛ॒ṣṭha-mbhanda̭mānassu॒manma̭bhiḥ | sa pū᳚rva॒vajja॒naya̭jja॒ntave॒ dhana᳚m | sa॒mā॒nama̭jmā॒ pari̭yāti॒ jāgṛ̭viḥ | rājā᳚ tvā॒ varṷṇo nayatu devi dakṣiṇe vaiśvāna॒rāya॒ ratha᳚m | tenā̭mṛta॒tvama̭śyām | vayo̭ dā॒tre | mayo॒ mahya̭mastu pratigrahī॒tre || 18 ||
ka i॒da-ṅkasmā̭ adāt | kāmaḥ॒ kāmā̭ya | kāmo̭ dā॒tā | kāmaḥ̭ pratigrahī॒tā | kāmagṃ̭ samu॒dramāvi̭śa | kāmḙna tvā॒ prati̭gṛhṇāmi | kāmai॒tatte᳚ | e॒ṣā tḙ kāma॒ dakṣi̭ṇā | u॒ttā॒nastvā᳚-''ṅgīra॒saḥ prati̭gṛhṇātu || 19 ||
dā॒tā purṷṣa॒māpaḥ̭ pratigrahī॒tre nava̭ ca || 10 ||
su॒varṇa̭-ṅgha॒rma-mpari̭veda ve॒nam | indra̭syā॒-''tmāna̭-ndaśa॒dhā cara̭ntam | a॒ntassa̭mu॒dre mana̭sā॒ cara̭ntam | brahmā-'nva̭vinda॒ddaśa̭hotāra॒marṇe᳚ | a॒ntaḥ pravi̭ṣṭaśśā॒stā janā̭nām | eka॒ssanba̭hu॒dhā vi̭cāraḥ | śa॒tagṃ śu॒krāṇi॒ yatraika॒-mbhava̭nti | sarve॒ vedā॒ yatraika॒-mbhava̭nti | sarve॒ hotā̭ro॒ yatraika॒-mbhava̭nti | sa॒ māna̭sīna ā॒tmā janā̭nām || 20 ||
a॒ntaḥ pravi̭ṣṭaśśā॒stā janā̭nā॒gṃ॒ sarvā᳚tmā | sarvāḥ᳚ pra॒jā yatraika॒-mbhava̭nti | catṷrhotāro॒ yatra̭ sa॒mpada॒-ṅgaccha̭nti de॒vaiḥ | sa॒ māna̭sīna ā॒tmā janā̭nām | brahmendra̭ma॒gni-ñjaga̭taḥ prati॒ṣṭhām | di॒va ā॒tmānagṃ̭ savi॒tāra॒-mbṛha॒spati᳚m | catṷrhotāra-mpra॒diśo-'nṷklṛ॒ptam | vā॒co vī॒rya̭-ntapa॒sā-'nva̭vindat | a॒ntaḥ pravi̭ṣṭa-ṅka॒rtāra̭me॒tam | tvaṣṭā̭ragṃ rū॒pāṇi̭ viku॒rvantaṃ̭-vi~pa॒ścim || 21 ||
a॒mṛta̭sya prā॒ṇaṃ-ya~॒jñame॒tam | catṷrhotṛṇāmā॒tmāna̭-ṅka॒vayo॒ nici̭kyuḥ | a॒ntaḥ pravi̭ṣṭa-ṅka॒rtāra̭me॒tam | de॒vānā॒-mbandhu॒ nihi̭ta॒-ṅguhā̭su | a॒mṛtḙna klṛ॒ptaṃ-ya~॒jñame॒tam | catṷrhotṛṇāmā॒tmāna̭-ṅka॒vayo॒ nici̭kyuḥ | śa॒ta-nni॒yutaḥ॒ pari̭veda॒ viśvā̭ vi॒śvavā̭raḥ | viśva̭mi॒daṃ-vṛ~̭ṇāti | indra̭syā॒-''tmā nihi̭taḥ॒ pañca̭hotā | a॒mṛta̭-nde॒vānā॒māyuḥ̭ pra॒jānā᳚m || 22 ||
indra॒gṃ॒ rājā̭nagṃ savi॒tāra̭me॒tam | vā॒yorā॒tmāna̭-ṅka॒vayo॒ nici̭kyuḥ | ra॒śmigṃ ra̭śmī॒nā-mmadhye॒ tapa̭ntam | ṛ॒tasya̭ pa॒de ka॒vayo॒ nipā᳚nti | ya ā᳚ṇḍako॒śe bhuva̭na-mbi॒bharti̭ | ani̭rbhiṇṇa॒ssannatha̭ lo॒kān vi॒caṣṭe᳚ | yasyā᳚ṇḍako॒śagṃ śuṣma̭mā॒huḥ prā॒ṇamulba᳚m | tena̭ klṛ॒pto̭-'mṛtḙnā॒hama̭smi | su॒varṇa॒-ṅkośa॒gṃ॒ raja̭sā॒ parī̭vṛtam | de॒vānāṃ᳚-va~su॒dhānīṃ᳚-vi~॒rāja᳚m || 23 ||
a॒mṛta̭sya pū॒rṇā-ntāmṷ ka॒lāṃ-vi~ca̭kṣate | pāda॒gṃ॒ ṣaḍḍho̭tu॒rna kilā̭-''vivitse | yena॒rtavaḥ̭ pañca॒dhota klṛ॒ptāḥ | u॒ta vā̭ ṣa॒ḍdhā mana॒sota klṛ॒ptāḥ | tagṃ ṣaḍḍho̭tāramṛ॒tubhiḥ॒ kalpa̭mānam | ṛ॒tasya̭ pa॒de ka॒vayo॒ nipā᳚nti | a॒ntaḥ pravi̭ṣṭa-ṅka॒rtāra̭me॒tam | a॒ntaśca॒ndrama̭si॒ mana̭sā॒ cara̭ntam | sa॒haiva santa॒-nna vijā̭nanti de॒vāḥ | indra̭syā॒-''tmānagṃ̭ śata॒dhā cara̭ntam || 24 ||
indro॒ rājā॒ jaga̭to॒ ya īśe᳚ | sa॒ptaho̭tā sapta॒dhā viklṛ̭ptaḥ | parḙṇa॒ tantṷ-mpariṣi॒cyamā̭nam | a॒ntarā̭di॒tye mana̭sā॒ cara̭ntam | de॒vānā॒gṃ॒ hṛda̭ya॒-mbrahmā-'nva̭vindat | brahmai॒tadbrahma̭ṇa॒ ujja̭bhāra | a॒rkaggṃ ścota̭ntagṃ sari॒rasya॒ madhye᳚ | ā yasmi̭nthsa॒pta pera̭vaḥ | meha̭nti bahu॒lāgṃ śriya᳚m | ba॒hva॒śvāmi̭ndra॒ goma̭tīm || 25 ||
acyṷtā-mbahu॒lāgṃ śriya᳚m | sa hari̭rvasu॒vitta̭maḥ | pe॒rurindrā̭ya pinvate | ba॒hva॒śvāmi̭ndra॒ goma̭tīm | acyṷtā-mbahu॒lāgṃ śriya᳚m | mahya॒mindro॒ niya̭cchatu | śa॒tagṃ śa॒tā a̭sya yu॒ktā harī̭ṇām | a॒rvāṅā yā̭tu॒ vasṷbhī ra॒śmirindraḥ̭ | pramagṃha̭ māṇo bahu॒lāgṃ śriya᳚m | ra॒śmirindra̭ssavi॒tā me॒ niya̭cchatu || 26 ||
ghṛ॒ta-ntejo॒ madhṷmadindri॒yam | mayya॒yama॒gnirda̭dhātu | hariḥ̭ pata॒ṅgaḥ pa̭ṭa॒rī sṷpa॒rṇaḥ | di॒vi॒kṣayo॒ nabha̭sā॒ ya eti̭ | sa na॒ indraḥ̭ kāmava॒ra-nda̭dātu | pañcā̭ra-ñca॒kra-mpari̭vartate pṛ॒thu | hira̭ṇyajyotissari॒rasya॒ madhye᳚ | aja̭sra॒-ñjyoti॒rnabha̭sā॒ sarpa̭deti | sa na॒ indraḥ̭ kāmava॒ra-nda̭dātu | sa॒pta yṷñjanti॒ ratha॒meka̭cakram || 27 ||
eko॒ aśvo̭ vahati saptanā॒mā | tri॒nābhi̭ ca॒krama॒jara॒mana̭rvam | yene॒mā viśvā॒ bhuva̭nāni tasthuḥ | bha॒dra-mpaśya̭nta॒ upa̭sedu॒ragre᳚ | tapo̭ dī॒kṣāmṛṣa̭yassuva॒rvidaḥ̭ | tataḥ̭ kṣa॒ttra-mbala॒moja̭śca jā॒tam | tada॒smai de॒vā a॒bhisa-nna̭mantu | śve॒tagṃ ra॒śmi-mbo̭bhu॒jyamā̭nam | a॒pā-nne॒tāra॒-mbhuva̭nasya go॒pām | indra॒-nnici̭kyuḥ para॒me vyo̭mann || 28 ||
rohi̭ṇīḥ piṅga॒lā eka̭rūpāḥ | kṣara̭ntīḥ piṅga॒lā eka̭rūpāḥ | śa॒tagṃ sa॒hasrā̭ṇi pra॒yutā̭ni॒ nāvyā̭nām | a॒yaṃ-ya~śśve॒to ra॒śmiḥ | pari॒ sarva̭mi॒da-ñjaga̭t | pra॒jā-mpa॒śūndhanā̭ni | a॒smāka̭-ndadātu | śve॒to ra॒śmiḥ pari॒ sarva̭-mbabhūva | suva॒nmahya̭-mpa॒śūn vi॒śvarṷ̄pān | pa॒ta॒ṅgama॒ktamasṷrasya mā॒yayā᳚ || 29 ||
hṛ॒dā pa̭śyanti॒ mana̭sā manī॒ṣiṇaḥ̭ | sa॒mu॒dre a॒ntaḥ ka॒vayo॒ vica̭kṣate | marī̭cīnā-mpa॒dami̭cchanti ve॒dhasaḥ̭ | pa॒ta॒ṅgo vāca॒-mmana̭sā bibharti | tā-ṅga̭ndha॒rvo̭-'vada॒dgarbhḙ a॒ntaḥ | tā-ndyota̭mānāgṃ sva॒rya̭-mmanī॒ṣām | ṛ॒tasya̭ pa॒de ka॒vayo॒ nipā᳚nti | ye grā॒myāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | a॒gnistāgṃ agre॒ pramṷmoktu de॒vaḥ || 30 ||
pra॒jāpa̭tiḥ pra॒jayā̭ saṃvi~dā॒naḥ | vī॒taggṃ stṷke stuke | yu॒vama॒smāsu॒ niya̭cchatam | pra pra̭ ya॒jñapa̭ti-ntira | ye grā॒myāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | teṣāgṃ̭ saptā॒nāmi॒ha ranti̭rastu | rā॒yaspoṣā̭ya suprajā॒stvāya̭ su॒vīryā̭ya | ya ā̭ra॒ṇyāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | vā॒yustāgṃ agre॒ pramṷmoktu de॒vaḥ | pra॒jāpa̭tiḥ pra॒jayā̭ saṃvi~dā॒naḥ | iḍā̭yai sṛ॒pta-ṅghṛ॒tava̭ccarāca॒ram | de॒vā anva̭vinda॒nguhā̭ hi॒tam | ya ā̭ra॒ṇyāḥ pa॒śavo̭ vi॒śvarṷ̄pāḥ | virṷ̄pā॒ssanto̭ bahu॒dhaika̭rūpāḥ | teṣāgṃ̭ saptā॒nāmi॒ha ranti̭rastu | rā॒yaspoṣā̭ya suprajā॒stvāya̭ su॒vīryā̭ya || 31 ||
ā॒tmā janā̭nāṃ-vi~ku॒rvantaṃ̭-vi~pa॒ści-mpra॒jānāṃ᳚-va~su॒dhānīṃ᳚-vi~॒rāja॒-ñcara̭nta॒-ṅgoma̭tī-mme॒ niya̭ccha॒tveka̭cakraṃ॒-vyo~̭manmā॒yayā̭ de॒va eka̭rūpā a॒ṣṭau ca̭ || 11 ||
sa॒hasra̭śīrṣā॒ purṷṣaḥ | sa॒ha॒srā॒kṣassa॒hasra̭pāt |
sa bhūmiṃ̭-vi~॒śvato̭ vṛ॒tvā | atya̭tiṣṭhaddaśāṅgu॒lam |
purṷṣa e॒vedagṃ sarva᳚m | yadbhū॒taṃ-ya~cca॒ bhavya᳚m |
u॒tāmṛ̭ta॒tvasyeśā̭naḥ | yadannḙnāti॒roha̭ti | e॒tāvā̭nasya mahi॒mā | ato॒ jyāyāgṃ̭śca॒ pūrṷṣaḥ || 32,33 ||
pādo᳚-'sya॒ viśvā̭ bhū॒tāni̭ | tri॒pāda̭syā॒mṛta̭-ndi॒vi |
tri॒pādū॒rdhva udai॒tpurṷṣaḥ | pādo᳚-'sye॒hābha̭vā॒tpunaḥ̭ |
tato॒ viṣva॒ṅvya̭krāmat | sā॒śa॒nā॒na॒śa॒ne a॒bhi |
tasmā᳚dvi॒rāḍa̭jāyata | vi॒rājo॒ adhi॒ pūrṷṣaḥ | sa jā॒to atya̭ricyata | pa॒ścādbhūmi॒matho̭ pu॒raḥ || 34,35 ||
yatpurṷṣeṇa ha॒viṣā᳚ | de॒vā ya॒jñamata̭nvata |
va॒sa॒nto a̭syā-''sī॒dājya᳚m | grī॒ṣma i॒dhmaśśa॒raddha॒viḥ |
sa॒ptāsyā̭-''sanpari॒dhayaḥ̭ | trissa॒pta sa॒midhaḥ̭ kṛ॒tāḥ |
de॒vā yadya॒jña-nta̭nvā॒nāḥ | aba̭dhna॒npurṷṣa-mpa॒śum |
taṃ-ya~॒jña-mba॒rhiṣi॒ praukṣaṋ | purṷṣa-ñjā॒tama̭gra॒taḥ || 34,35 ||
tena̭ de॒vā aya̭janta | sā॒dhyā ṛṣa̭yaśca॒ ye |
tasmā᳚dya॒jñāthsa̭rva॒hutaḥ̭ | sambhṛ̭ta-mpṛṣadā॒jyam |
pa॒śūgstāgśca̭kre vāya॒vyāṋ | ā॒ra॒ṇyāngrā॒myāśca॒ ye |
tasmā᳚dya॒jñāthsa̭rva॒hutaḥ̭ | ṛca॒ssāmā̭ni jajñire |
chandāgṃ̭si jajñire॒ tasmā᳚t | yaju॒stasmā̭dajāyata || 35,36 ||
tasmā॒daśvā̭ ajāyanta | ye ke co̭bha॒yāda̭taḥ |
gāvo̭ ha jajñire॒ tasmā᳚t | tasmā᳚jjā॒tā a̭jā॒vayaḥ̭ |
yatpurṷṣaṃ॒-vya~̭dadhuḥ | ka॒ti॒dhā vya̭kalpayann |
mukha॒-ṅkima̭sya॒ kau bā॒hū | kā vū॒rū pādā̭vucyete |
brā॒hma॒ṇo᳚-'sya॒ mukha̭māsīt | bā॒hū rā̭ja॒nyaḥ̭ kṛ॒taḥ || 36,37 ||
ū॒rū tada̭sya॒ yadvaiśyaḥ̭ | pa॒dbhyāgṃ śū॒dro a̭jāyata |
ca॒ndramā॒ mana̭so jā॒taḥ | cakṣo॒ssūryo̭ ajāyata |
mukhā॒dindra̭ścā॒gniśca̭ | prā॒ṇādvā॒yura̭jāyata |
nābhyā̭ āsīda॒ntari̭kṣam | śī॒rṣṇo dyaussama̭vartata |
pa॒dbhyā-mbhūmi॒rdiśa॒-śśrotrā᳚t |
tathā̭ lo॒kāgṃ a̭kalpayann || 37,38 ||
vedā॒hame॒ta-mpurṷṣa-mma॒hānta᳚m |
ā॒di॒tyava̭rṇaṃ॒ tama̭sa॒stu pā॒re |
sarvā̭ṇi rū॒pāṇi̭ vi॒citya॒ dhīraḥ̭ |
nāmā̭ni kṛ॒tvā-'bhi॒vada॒n yadāste᳚ |
dhā॒tā pu॒rastā॒dyamṷdāja॒hāra̭ |
śa॒kraḥ pravi॒dvānpra॒diśa॒ścata̭sraḥ |
tame॒vaṃ-vi~॒dvāna॒mṛta̭ i॒ha bha̭vati |
nānyaḥ panthā॒ aya̭nāya vidyate |
ya॒jñena̭ ya॒jñama̭yajanta de॒vāḥ |
tāni॒ dharmā̭ṇi pratha॒mānyā̭sann |
te ha॒ nāka̭-mmahi॒māna̭ssacante |
yatra॒ pūrvḙ sā॒dhyāssanti̭ de॒vāḥ || 38,39 ||
purṷṣaḥ pu॒ro᳚-'gra॒to̭-'jāyata kṛ॒to̭-'kalpayannāsa॒ndve ca̭ || 12 ||
jyāyā॒nadhi॒ pūrṷṣaḥ | anyatra॒ purṷṣaḥ ||
a॒dbhyassambhṷ̄taḥ pṛthi॒vyai rasā᳚cca |
vi॒śvaka̭rmaṇa॒ssama̭varta॒tādhi̭ |
tasya॒ tvaṣṭā̭ vi॒dadha̭drū॒pamḙti |
tatpurṷṣasya॒ viśva॒mājā̭na॒magre᳚ |
vedā॒hame॒ta-mpurṷṣa-mma॒hānta᳚m |
ā॒di॒tyava̭rṇa॒-ntama̭saḥ॒ para̭stāt |
tame॒vaṃ-vi~॒dvāna॒mṛta̭ i॒ha bha̭vati |
nānyaḥ panthā̭ vidya॒te-'ya̭nāya |
pra॒jāpa̭tiścarati॒ garbhḙ a॒ntaḥ |
a॒jāya̭māno bahu॒dhā vijā̭yate || 39,40 ||
tasya॒ dhīrāḥ॒ pari̭jānanti॒ yoni᳚m | marī̭cīnā-mpa॒dami̭cchanti ve॒dhasaḥ̭ | yo de॒vebhya॒ āta̭pati | yo de॒vānā᳚-mpu॒rohi̭taḥ |
pūrvo॒ yo de॒vebhyo̭ jā॒taḥ | namo̭ ru॒cāya॒ brāhma̭ye | ruca̭-mbrā॒hma-ñja॒naya̭ntaḥ | de॒vā agre॒ tada̭bruvann | yastvai॒va-mbrā᳚hma॒ṇo vi॒dyāt | tasya̭ de॒vā asa॒nvaśe᳚ | hrīśca̭ te la॒kṣmīśca॒ patnyau᳚ | a॒ho॒rā॒tre pā॒rśve | nakṣa̭trāṇi rū॒pam | a॒śvinau॒ vyātta᳚m | i॒ṣṭa-mma̭niṣāṇa | a॒mu-mma̭niṣāṇa | sarva̭-mmaniṣāṇa || 40,41 ||
jā॒ya॒te॒ vaśḙ sa॒pta ca̭ || 13 ||
bha॒rtā sanbhri॒yamā̭ṇo bibharti | eko̭ de॒vo ba̭hu॒dhā nivi̭ṣṭaḥ | ya॒dā bhā॒ra-nta॒ndraya̭te॒ sa bhartu᳚m | ni॒dhāya̭ bhā॒ra-mpuna॒rasta̭meti | tame॒va mṛ॒tyuma॒mṛta॒-ntamā̭huḥ | ta-mbha॒rtāra॒-ntamṷ go॒ptāra̭māhuḥ | sa bhṛ॒to bhri॒yamā̭ṇo bibharti | ya ḙnaṃ॒-ve~da̭ sa॒tyena॒ bhartu᳚m | sa॒dyo jā॒tamu॒ta ja̭hātye॒ṣaḥ | u॒to jara̭nta॒-nna ja̭hā॒tyeka᳚m || 41,42 ||
u॒to ba॒hūneka॒maha̭rjahāra | ata̭ndro de॒vassada̭me॒va prārthaḥ̭ | yastadveda॒ yata̭ āba॒bhūva̭ | sa॒ndhā-ñca॒ yāgṃ sa̭nda॒dhe brahma̭ṇai॒ṣaḥ | rama̭te॒ tasmi᳚nnu॒ta jī॒rṇe śayā̭ne | naina̭-ñjahā॒tyaha̭ssu pū॒rvyeṣṷ | tvāmāpo॒ anu॒ sarvā᳚ścaranti jāna॒tīḥ | va॒thsa-mpaya̭sā punā॒nāḥ | tvama॒gnigṃ ha̭vya॒vāha॒gṃ॒ sami̭nthse | tva-mbha॒rtā mā̭ta॒riśvā᳚ pra॒jānā᳚m || 42,43 ||
tvaṃ-ya~॒jñastvamṷve॒vāsi॒ somaḥ̭ | tava̭ de॒vā hava॒māya̭nti॒ sarve᳚ | tvameko̭-'si ba॒hūnanu॒pravi̭ṣṭaḥ | nama̭ste astu su॒havo̭ ma edhi | namo̭ vāmastu śṛṇu॒tagṃ hava̭-mme | prāṇā̭pānāvaji॒ragṃ sa॒ñcara̭ntau | hvayā̭mi vā॒-mbrahma̭ṇā tū॒rtameta᳚m | yo mā-ndveṣṭi॒ ta-ñja̭hitaṃ-yu~vānā | prāṇā̭pānau saṃvi~dā॒nau ja̭hitam | a॒muṣyāsṷnā॒ mā saṅga̭sāthām || 43 ||
ta-mmḙ devā॒ brahma̭ṇā saṃvi~dā॒nau | va॒dhāya̭ datta॒-ntama॒hagṃ ha̭nāmi | asa̭jjajāna sa॒ta āba̭bhūva | yaṃ-ya~̭-ñja॒jāna॒ sa ṷ go॒po a̭sya | ya॒dā bhā॒ra-nta॒ndraya̭te॒ sa bhartu᳚m | pa॒rāsya̭ bhā॒ra-mpuna॒rasta̭meti | tadvai tva-mprā॒ṇo a̭bhavaḥ | ma॒hānbhogaḥ̭ pra॒jāpa̭teḥ | bhujaḥ̭ kari॒ṣyamā̭ṇaḥ | yadde॒vānprāṇa̭yo॒ nava̭ || 44 ||
eka̭-mpra॒jānā᳚-ṅgasāthā॒-nnava̭ || 14 ||
hari॒gṃ॒ hara̭nta॒manṷyanti de॒vāḥ | viśva॒syeśā̭naṃ-vṛ~ṣa॒bha-mma̭tī॒nām | brahma॒ sarṷ̄pa॒manṷme॒damāgā᳚t | aya̭na॒-mmā viva̭dhī॒rvikra̭masva | mā chi̭do mṛtyo॒ mā va̭dhīḥ | mā me॒ balaṃ॒-vi~vṛ̭ho॒ mā pramo̭ṣīḥ | pra॒jā-mmā mḙ rīriṣa॒ āyṷrugra | nṛ॒cakṣa̭sa-ntvā ha॒viṣā̭ vidhema | sa॒dyaśca̭kamā॒nāya̭ | pra॒ve॒pā॒nāya̭ mṛ॒tyave᳚ || 45 ||
prāsmā॒ āśā̭ aśṛṇvann | kāmḙnājanaya॒npunaḥ̭ | kāmḙna me॒ kāma॒ āgā᳚t | hṛda̭yā॒ddhṛda̭ya-mmṛ॒tyoḥ | yada॒mīṣā̭ma॒daḥ pri॒yam | tadaitūpa॒māma॒bhi | para̭-mmṛtyo॒ anu॒ parḙhi॒ panthā᳚m | yaste॒ sva ita̭ro deva॒yānā᳚t | cakṣṷṣmate śṛṇva॒te te᳚ bravīmi | mā naḥ̭ pra॒jāgṃ rī̭riṣo॒ mota vī॒rān | pra pū॒rvya-mmana̭sā॒ vanda̭mānaḥ | nādha̭māno vṛṣa॒bha-ñca̭rṣaṇī॒nām | yaḥ pra॒jānā̭meka॒rāṇmānṷṣīṇām | mṛ॒tyuṃ-ya~̭je prathama॒jāmṛ॒tasya̭ || 46 ||
mṛ॒tyavḙ vī॒rāgṃśca॒tvāri̭ ca || 15 ||
ta॒raṇi̭rvi॒śvada̭rśato jyoti॒ṣkṛda̭si sūrya | viśva॒mā bhā̭si roca॒nam | u॒pa॒yā॒magṛ̭hīto-'si॒ sūryā̭ya tvā॒ bhrāja̭svata e॒ṣa te॒ yoni॒ssūryā̭ya tvā॒ bhrāja̭svate || 47 || 16 ||
āpyā̭yasva madintama॒ soma॒ viśvā̭bhirū॒tibhiḥ̭ | bhavā̭ nassa॒pratha̭stamaḥ || (48) || 17 ||
ī॒yuṣṭe ye pūrva̭tarā॒mapa̭śyan vyu॒cchantī̭mu॒ṣasa॒-mmartyā̭saḥ | a॒smābhi̭rū॒ nu pra̭ti॒cakṣyā̭-'bhū॒do te ya̭nti॒ ye a̭pa॒rīṣu॒ paśyāṋ || 49 || 18 ||
jyoti̭ṣmatī-ntvā sādayāmi jyoti॒ṣkṛta̭-ntvā sādayāmi jyoti॒rvida̭-ntvā sādayāmi॒ bhāsva̭tī-ntvā sādayāmi॒ jvala̭ntī-ntvā sādayāmi malmalā॒bhava̭ntī-ntvā sādayāmi॒ dīpya̭mānā-ntvā sādayāmi॒ roca̭mānā-ntvā sādayā॒myaja̭srā-ntvā sādayāmi bṛ॒hajjyo̭tiṣa-ntvā sādayāmi bo॒dhaya̭ntī-ntvā sādayāmi॒ jāgra̭tī-ntvā sādayāmi || 50 || 19 ||
pra॒yā॒sāya॒ svāhā̭-''yā॒sāya॒ svāhā̭ viyā॒sāya॒ svāhā̭ saṃyā~॒sāya॒ svāho᳚dyā॒sāya॒ svāhā̭-'vayā॒sāya॒ svāhā̭ śu॒ce svāhā॒ śokā̭ya॒ svāhā̭ tapya॒tvai svāhā॒ tapa̭te॒ svāhā᳚ brahmaha॒tyāyai॒ svāhā॒ sarva̭smai॒ svāhā᳚ || 51 || 20 ||
ci॒ttagṃ sa̭ntā॒nena̭ bha॒vaṃ-ya~॒knā ru॒dra-ntani̭mnā paśu॒patiggṃ̭ sthūlahṛda॒yenā॒gnigṃ hṛda̭yena ru॒draṃ-lo~hi̭tena śa॒rva-mmata̭snābhyā-mmahāde॒vama॒ntaḥ pā᳚rśvenauṣiṣṭha॒hanagṃ̭ śiṅgīniko॒śyā᳚bhyām || 52 || 21 ||
ci॒ttiḥ̭ pṛthi॒vya̭gni॒ssūrya̭-nte॒ cakṣṷrma॒hāha̭vi॒rhotā॒ vāghotā᳚ brāhma॒ṇa eka̭hotā॒-'gniryajṷrbhi॒ssenendra̭sya de॒vasya̭ su॒varṇa̭-ṅgha॒rmagṃ sa॒hasra̭śīrṣā॒-'dbhyo bha॒rtā hari̭-nta॒raṇi॒rāpyā̭yasve॒yuṣṭe ye jyoti̭ṣmatī-mprayā॒sāya̭ ci॒ttameka̭vigṃśatiḥ || 21 ||
citti̭ra॒gniryajṷrbhira॒ntaḥ pravi̭ṣṭaḥ pra॒jāpa̭tirbha॒rtāsanprayā॒sāya॒ dvipa̭ñcā॒śat || 52 ||
citti̭ra॒gniryajṷrbhira॒ntaḥ pravi̭ṣṭaḥ pra॒jāpa̭tiḥ pra॒jayā̭ saṃvi~dā॒nastasya॒ dhīrā॒ jyoti̭ṣmatī॒-ntripa̭ñcā॒śat || 53 ||
tacchaṃ॒-yo~rāvṛ̭ṇīmahe | gā॒tuṃ-ya~॒jñāya̭ |
gā॒tuṃ-ya~॒jñapa̭taye | daivī᳚ sva॒stira̭stu naḥ |
sva॒stirmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade ||
oṃ śānti॒-śśānti॒-śśāntiḥ̭ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.