oṃ śrī paramātmane namaḥ
atha saptamo'dhyāyaḥ |
jñānavijñānayogaḥ
śrībhagavānuvāca
mayyāsaktamanāḥ pārtha yogaṃ yuñjanmadāśrayaḥ |
Verse 1
asaṃśayaṃ samagraṃ māṃ yathā jñāsyasi tacchṛṇu || 1 ||
jñānaṃ te'haṃ savijñānamidaṃ vakṣyāmyaśeṣataḥ |
Verse 2
yajjñātvā neha bhūyo'nyajjñātavyamavaśiṣyate || 2 ||
manuṣyāṇāṃ sahasreṣu kaścidyatati siddhaye |
Verse 3
yatatāmapi siddhānāṃ kaścinmāṃ vetti tattvataḥ || 3 ||
bhūmirāpo'nalo vāyuḥ khaṃ mano buddhireva ca |
Verse 4
ahaṅkāra itīyaṃ me bhinnā prakṛtiraṣṭadhā || 4 ||
apareyamitastvanyāṃ prakṛtiṃ viddhi me parām |
Verse 5
jīvabhūtāṃ mahābāho yayedaṃ dhāryate jagat || 5 ||
etadyonīni bhūtāni sarvāṇītyupadhāraya |
Verse 6
ahaṃ kṛtsnasya jagataḥ prabhavaḥ pralayastathā || 6 ||
mattaḥ parataraṃ nānyatkiñcidasti dhanañjaya |
Verse 7
mayi sarvamidaṃ protaṃ sūtre maṇigaṇā iva || 7 ||
raso'hamapsu kaunteya prabhāsmi śaśisūryayoḥ |
Verse 8
praṇavaḥ sarvavedeṣu śabdaḥ khe pauruṣaṃ nṛṣu || 8 ||
puṇyo gandhaḥ pṛthivyāṃ ca tejaścāsmi vibhāvasau |
Verse 9
jīvanaṃ sarvabhūteṣu tapaścāsmi tapasviṣu || 9 ||
bījaṃ māṃ sarvabhūtānāṃ viddhi pārtha sanātanam |
Verse 10
buddhirbuddhimatāmasmi tejastejasvināmaham || 10 ||
balaṃ balavatāṃ cāhaṃ kāmarāgavivarjitam |
Verse 11
dharmāviruddho bhūteṣu kāmo'smi bharatarṣabha || 11 ||
ye caiva sāttvikā bhāvā rājasāstāmasāśca ye |
Verse 12
matta eveti tānviddhi na tvahaṃ teṣu te mayi || 12 ||
tribhirguṇamayairbhāvairebhiḥ sarvamidaṃ jagat |
Verse 13
mohitaṃ nābhijānāti māmebhyaḥ paramavyayam || 13 ||
daivī hyeṣā guṇamayī mama māyā duratyayā |
Verse 14
māmeva ye prapadyante māyāmetāṃ taranti te || 14 ||
na māṃ duṣkṛtino mūḍhāḥ prapadyante narādhamāḥ |
Verse 15
māyayāpahṛtajñānā āsuraṃ bhāvamāśritāḥ || 15 ||
caturvidhā bhajante māṃ janāḥ sukṛtino'rjuna |
Verse 16
ārto jijñāsurarthārthī jñānī ca bharatarṣabha || 16 ||
teṣāṃ jñānī nityayukta ekabhaktirviśiṣyate |
Verse 17
priyo hi jñānino'tyarthamahaṃ sa ca mama priyaḥ || 17 ||
udārāḥ sarva evaite jñānī tvātmaiva me matam |
Verse 18
āsthitaḥ sa hi yuktātmā māmevānuttamāṃ gatim || 18 ||
bahūnāṃ janmanāmante jñānavānmāṃ prapadyate |
Verse 19
vāsudevaḥ sarvamiti sa mahātmā sudurlabhaḥ || 19 ||
kāmaistaistairhṛtajñānāḥ prapadyante'nyadevatāḥ |
Verse 20
taṃ taṃ niyamamāsthāya prakṛtyā niyatāḥ svayā || 20 ||
yo yo yāṃ yāṃ tanuṃ bhaktaḥ śraddhayārcitumicchati |
Verse 21
tasya tasyācalāṃ śraddhāṃ tāmeva vidadhāmyaham || 21 ||
sa tayā śraddhayā yuktastasyārādhanamīhate |
Verse 22
labhate ca tataḥ kāmānmayaiva vihitānhi tān || 22 ||
antavattu phalaṃ teṣāṃ tadbhavatyalpamedhasām |
Verse 23
devāndevayajo yānti madbhaktā yānti māmapi || 23 ||
avyaktaṃ vyaktimāpannaṃ manyante māmabuddhayaḥ |
Verse 24
paraṃ bhāvamajānanto mamāvyayamanuttamam || 24 ||
nāhaṃ prakāśaḥ sarvasya yogamāyāsamāvṛtaḥ |
Verse 25
mūḍho'yaṃ nābhijānāti loko māmajamavyayam || 25 ||
vedāhaṃ samatītāni vartamānāni cārjuna |
Verse 26
bhaviṣyāṇi ca bhūtāni māṃ tu veda na kaścana || 26 ||
icchādveṣasamutthena dvandvamohena bhārata |
Verse 27
sarvabhūtāni sammohaṃ sarge yānti parantapa || 27 ||
yeṣāṃ tvantagataṃ pāpaṃ janānāṃ puṇyakarmaṇām |
Verse 28
te dvandvamohanirmuktā bhajante māṃ dṛḍhavratāḥ || 28 ||
jarāmaraṇamokṣāya māmāśritya yatanti ye |
Verse 29
te brahma tadviduḥ kṛtsnamadhyātmaṃ karma cākhilam || 29 ||
sādhibhūtādhidaivaṃ māṃ sādhiyajñaṃ ca ye viduḥ |
Verse 30
prayāṇakāle'pi ca māṃ te viduryuktacetasaḥ || 30 ||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
Verse 7
śrīkṛṣṇārjunasaṃvādejñānavijñānayogo nāma saptamo'dhyāyaḥ ||7 ||
Sanskrit — Devanagari (original)
ॐ श्री परमात्मने नमः
अथ सप्तमोऽध्यायः ।
ज्ञानविज्ञानयोगः
श्रीभगवानुवाच
मय्यासक्तमनाः पार्थ योगं युञ्जन्मदाश्रयः ।
असंशयं समग्रं मां यथा ज्ञास्यसि तच्छृणु ॥ 1 ॥
ज्ञानं तेऽहं सविज्ञानमिदं वक्ष्याम्यशेषतः ।
यज्ज्ञात्वा नेह भूयोऽन्यज्ज्ञातव्यमवशिष्यते ॥ 2 ॥
मनुष्याणां सहस्रेषु कश्चिद्यतति सिद्धये ।
यततामपि सिद्धानां कश्चिन्मां वेत्ति तत्त्वतः ॥ 3 ॥
भूमिरापोऽनलो वायुः खं मनो बुद्धिरेव च ।
अहङ्कार इतीयं मे भिन्ना प्रकृतिरष्टधा ॥ 4 ॥
अपरेयमितस्त्वन्यां प्रकृतिं विद्धि मे पराम् ।
जीवभूतां महाबाहो ययेदं धार्यते जगत् ॥ 5 ॥
एतद्योनीनि भूतानि सर्वाणीत्युपधारय ।
अहं कृत्स्नस्य जगतः प्रभवः प्रलयस्तथा ॥ 6 ॥
मत्तः परतरं नान्यत्किञ्चिदस्ति धनञ्जय ।
मयि सर्वमिदं प्रोतं सूत्रे मणिगणा इव ॥ 7 ॥
रसोऽहमप्सु कौन्तेय प्रभास्मि शशिसूर्ययोः ।
प्रणवः सर्ववेदेषु शब्दः खे पौरुषं नृषु ॥ 8 ॥
पुण्यो गन्धः पृथिव्यां च तेजश्चास्मि विभावसौ ।
जीवनं सर्वभूतेषु तपश्चास्मि तपस्विषु ॥ 9 ॥
बीजं मां सर्वभूतानां विद्धि पार्थ सनातनम् ।
बुद्धिर्बुद्धिमतामस्मि तेजस्तेजस्विनामहम् ॥ 10 ॥
बलं बलवतां चाहं कामरागविवर्जितम् ।
धर्माविरुद्धो भूतेषु कामोऽस्मि भरतर्षभ ॥ 11 ॥
ये चैव सात्त्विका भावा राजसास्तामसाश्च ये ।
मत्त एवेति तान्विद्धि न त्वहं तेषु ते मयि ॥ 12 ॥
त्रिभिर्गुणमयैर्भावैरेभिः सर्वमिदं जगत् ।
मोहितं नाभिजानाति मामेभ्यः परमव्ययम् ॥ 13 ॥
दैवी ह्येषा गुणमयी मम माया दुरत्यया ।
मामेव ये प्रपद्यन्ते मायामेतां तरन्ति ते ॥ 14 ॥
न मां दुष्कृतिनो मूढाः प्रपद्यन्ते नराधमाः ।
माययापहृतज्ञाना आसुरं भावमाश्रिताः ॥ 15 ॥
चतुर्विधा भजन्ते मां जनाः सुकृतिनोऽर्जुन ।
आर्तो जिज्ञासुरर्थार्थी ज्ञानी च भरतर्षभ ॥ 16 ॥
तेषां ज्ञानी नित्ययुक्त एकभक्तिर्विशिष्यते ।
प्रियो हि ज्ञानिनोऽत्यर्थमहं स च मम प्रियः ॥ 17 ॥
उदाराः सर्व एवैते ज्ञानी त्वात्मैव मे मतम् ।
आस्थितः स हि युक्तात्मा मामेवानुत्तमां गतिम् ॥ 18 ॥
बहूनां जन्मनामन्ते ज्ञानवान्मां प्रपद्यते ।
वासुदेवः सर्वमिति स महात्मा सुदुर्लभः ॥ 19 ॥
कामैस्तैस्तैर्हृतज्ञानाः प्रपद्यन्तेऽन्यदेवताः ।
तं तं नियममास्थाय प्रकृत्या नियताः स्वया ॥ 20 ॥
यो यो यां यां तनुं भक्तः श्रद्धयार्चितुमिच्छति ।
तस्य तस्याचलां श्रद्धां तामेव विदधाम्यहम् ॥ 21 ॥
स तया श्रद्धया युक्तस्तस्याराधनमीहते ।
लभते च ततः कामान्मयैव विहितान्हि तान् ॥ 22 ॥
अन्तवत्तु फलं तेषां तद्भवत्यल्पमेधसाम् ।
देवान्देवयजो यान्ति मद्भक्ता यान्ति मामपि ॥ 23 ॥
अव्यक्तं व्यक्तिमापन्नं मन्यन्ते मामबुद्धयः ।
परं भावमजानन्तो ममाव्ययमनुत्तमम् ॥ 24 ॥
नाहं प्रकाशः सर्वस्य योगमायासमावृतः ।
मूढोऽयं नाभिजानाति लोको मामजमव्ययम् ॥ 25 ॥
वेदाहं समतीतानि वर्तमानानि चार्जुन ।
भविष्याणि च भूतानि मां तु वेद न कश्चन ॥ 26 ॥
इच्छाद्वेषसमुत्थेन द्वन्द्वमोहेन भारत ।
सर्वभूतानि सम्मोहं सर्गे यान्ति परन्तप ॥ 27 ॥
येषां त्वन्तगतं पापं जनानां पुण्यकर्मणाम् ।
ते द्वन्द्वमोहनिर्मुक्ता भजन्ते मां दृढव्रताः ॥ 28 ॥
जरामरणमोक्षाय मामाश्रित्य यतन्ति ये ।
ते ब्रह्म तद्विदुः कृत्स्नमध्यात्मं कर्म चाखिलम् ॥ 29 ॥
साधिभूताधिदैवं मां साधियज्ञं च ये विदुः ।
प्रयाणकालेऽपि च मां ते विदुर्युक्तचेतसः ॥ 30 ॥
ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे
श्रीकृष्णार्जुनसंवादेज्ञानविज्ञानयोगो नाम सप्तमोऽध्यायः ॥7 ॥