aṣṭottaraśataṃ nāmnāṃ viṣṇoratulatejasaḥ |
Verse 1
yasya śravaṇamātreṇa naro nārāyaṇo bhavet || 1 ||
viṣṇurjiṣṇurvaṣaṭkāro devadevo vṛṣākapiḥ | [vṛṣāpatiḥ]
Verse 2
dāmodaro dīnabandhurādidevo'ditestutaḥ || 2 ||
puṇḍarīkaḥ parānandaḥ paramātmā parātparaḥ |
Verse 3
paraśudhārī viśvātmā kṛṣṇaḥ kalimalāpahā || 3 ||
kaustubhodbhāsitorasko naro nārāyaṇo hariḥ |
Verse 4
haro harapriyaḥ svāmī vaikuṇṭho viśvatomukhaḥ || 4 ||
hṛṣīkeśo'prameyātmā varāho dharaṇīdharaḥ |
Verse 5
vāmano vedavaktā ca vāsudevaḥ sanātanaḥ || 5 ||
rāmo virāmo virajo rāvaṇārī ramāpatiḥ |
Verse 6
vaikuṇṭhavāsī vasumān dhanado dharaṇīdharaḥ || 6 ||
dharmeśo dharaṇīnātho dhyeyo dharmabhṛtāṃvaraḥ |
Verse 7
sahasraśīrṣā puruṣaḥ sahasrākṣaḥ sahasrapāt || 7 ||
sarvagaḥ sarvavitsarvaḥ śaraṇyaḥ sādhuvallabhaḥ | [sarvadaḥ]
Verse 8
kausalyānandanaḥ śrīmān rākṣasaḥkulanāśakaḥ || 8 ||
jagatkartā jagaddhartā jagajjetā janārtihā |
Verse 9
jānakīvallabho devo jayarūpo jaleśvaraḥ || 9 ||
kṣīrābdhivāsī kṣīrābdhitanayāvallabhastathā |
Verse 10
śeṣaśāyī pannagārivāhano viṣṭaraśravaḥ || 10 ||
mādhavo mathurānātho mukundo mohanāśanaḥ |
Verse 11
daityāriḥ puṇḍarīkākṣo hyacyuto madhusūdanaḥ || 11 ||
somasūryāgninayano nṛsiṃho bhaktavatsalaḥ |
Verse 12
nityo nirāmayaśśuddho varadevo jagatprabhuḥ || 12 || [naradevo]
hayagrīvo jitaripurupendro rukmiṇīpatiḥ |
Verse 13
sarvadevamayaḥ śrīśaḥ sarvādhāraḥ sanātanaḥ || 13 ||
saumyaḥ saumyapradaḥ sraṣṭā viṣvakseno janārdanaḥ |
Verse 14
yaśodātanayo yogī yogaśāstraparāyaṇaḥ || 14 ||
rudrātmako rudramūrtiḥ rāghavo madhusūdhanaḥ | [rudrasūdanaḥ]
Verse 15
iti te kathitaṃ divyaṃ nāmnāmaṣṭottaraṃ śatam || 15 ||
sarvapāpaharaṃ puṇyaṃ divyoratulatejasaḥ |
Verse 16
duḥkhadāridryadaurbhāgyanāśanaṃ sukhavardhanam || 16 ||
sarvasampatkaraṃ saumyaṃ mahāpātakanāśanam |
Verse 17
prātarutthāya vipendra paṭhedekāgramānasaḥ || 17 ||
Verse 18
tasya naśyanti vipadāṃ rāśayaḥ siddhimāpnuyāt || 18 ||
iti śrī viṣṇoḥ aṣṭottaraśatanāma stotram ||
Sanskrit — Devanagari (original)
अष्टोत्तरशतं नाम्नां विष्णोरतुलतेजसः ।
यस्य श्रवणमात्रेण नरो नारायणो भवेत् ॥ 1 ॥
विष्णुर्जिष्णुर्वषट्कारो देवदेवो वृषाकपिः । [वृषापतिः]
दामोदरो दीनबन्धुरादिदेवोऽदितेस्तुतः ॥ 2 ॥
पुण्डरीकः परानन्दः परमात्मा परात्परः ।
परशुधारी विश्वात्मा कृष्णः कलिमलापहा ॥ 3 ॥
कौस्तुभोद्भासितोरस्को नरो नारायणो हरिः ।
हरो हरप्रियः स्वामी वैकुण्ठो विश्वतोमुखः ॥ 4 ॥
हृषीकेशोऽप्रमेयात्मा वराहो धरणीधरः ।
वामनो वेदवक्ता च वासुदेवः सनातनः ॥ 5 ॥
रामो विरामो विरजो रावणारी रमापतिः ।
वैकुण्ठवासी वसुमान् धनदो धरणीधरः ॥ 6 ॥
धर्मेशो धरणीनाथो ध्येयो धर्मभृतांवरः ।
सहस्रशीर्षा पुरुषः सहस्राक्षः सहस्रपात् ॥ 7 ॥
सर्वगः सर्ववित्सर्वः शरण्यः साधुवल्लभः । [सर्वदः]
कौसल्यानन्दनः श्रीमान् राक्षसःकुलनाशकः ॥ 8 ॥
जगत्कर्ता जगद्धर्ता जगज्जेता जनार्तिहा ।
जानकीवल्लभो देवो जयरूपो जलेश्वरः ॥ 9 ॥
क्षीराब्धिवासी क्षीराब्धितनयावल्लभस्तथा ।
शेषशायी पन्नगारिवाहनो विष्टरश्रवः ॥ 10 ॥
माधवो मथुरानाथो मुकुन्दो मोहनाशनः ।
दैत्यारिः पुण्डरीकाक्षो ह्यच्युतो मधुसूदनः ॥ 11 ॥
सोमसूर्याग्निनयनो नृसिंहो भक्तवत्सलः ।
नित्यो निरामयश्शुद्धो वरदेवो जगत्प्रभुः ॥ 12 ॥ [नरदेवो]
हयग्रीवो जितरिपुरुपेन्द्रो रुक्मिणीपतिः ।
सर्वदेवमयः श्रीशः सर्वाधारः सनातनः ॥ 13 ॥
सौम्यः सौम्यप्रदः स्रष्टा विष्वक्सेनो जनार्दनः ।
यशोदातनयो योगी योगशास्त्रपरायणः ॥ 14 ॥
रुद्रात्मको रुद्रमूर्तिः राघवो मधुसूधनः । [रुद्रसूदनः]
इति ते कथितं दिव्यं नाम्नामष्टोत्तरं शतम् ॥ 15 ॥
सर्वपापहरं पुण्यं दिव्योरतुलतेजसः ।
दुःखदारिद्र्यदौर्भाग्यनाशनं सुखवर्धनम् ॥ 16 ॥
सर्वसम्पत्करं सौम्यं महापातकनाशनम् ।
प्रातरुत्थाय विपेन्द्र पठेदेकाग्रमानसः ॥ 17 ॥
तस्य नश्यन्ति विपदां राशयः सिद्धिमाप्नुयात् ॥ 18 ॥
इति श्री विष्णोः अष्टोत्तरशतनाम स्तोत्रम् ॥