īśvara uvāca
oṃ dhūmāvatī dhūmravarṇā dhūmrapānaparāyaṇā |
Verse 1
dhūmrākṣamathinī dhanyā dhanyasthānanivāsinī || 1 ||
aghorācārasantuṣṭā aghorācāramaṇḍitā |
Verse 2
aghoramantrasamprītā aghoramantrapūjitā || 2 ||
aṭṭāṭṭahāsaniratā malināmbaradhāriṇī |
Verse 3
vṛddhā virūpā vidhavā vidyā ca viraladvijā || 3 ||
pravṛddhaghoṇā kumukhī kuṭilā kuṭilekṣaṇā |
Verse 4
karālī ca karālāsyā kaṅkālī śūrpadhāriṇī || 4 ||
kākadhvajarathārūḍhā kevalā kaṭhinā kuhūḥ |
Verse 5
kṣutpipāsārditā nityā lalajjihvā digambarī || 5 ||
dīrghodarī dīrgharavā dīrghāṅgī dīrghamastakā |
Verse 6
vimuktakuntalā kīrtyā kailāsasthānavāsinī || 6 ||
krūrā kālasvarūpā ca kālacakrapravartinī |
Verse 7
vivarṇā cañcalā duṣṭā duṣṭavidhvaṃsakāriṇī || 7 ||
caṇḍī caṇḍasvarūpā ca cāmuṇḍā caṇḍaniḥsvanā |
Verse 8
caṇḍavegā caṇḍagatiścaṇḍamuṇḍavināśinī || 8 ||
cāṇḍālinī citrarekhā citrāṅgī citrarūpiṇī |
Verse 9
kṛṣṇā kapardinī kullā kṛṣṇārūpā kriyāvatī || 9 ||
kumbhastanī mahonmattā madirāpānavihvalā |
Verse 10
caturbhujā lalajjihvā śatrusaṃhārakāriṇī || 10 ||
śavārūḍhā śavagatā śmaśānasthānavāsinī |
Verse 11
durārādhyā durācārā durjanaprītidāyinī || 11 ||
nirmāṃsā ca nirākārā dhūmahastā varānvitā |
Verse 12
kalahā ca kaliprītā kalikalmaṣanāśinī || 12 ||
mahākālasvarūpā ca mahākālaprapūjitā |
Verse 13
mahādevapriyā medhā mahāsaṅkaṭanāśinī || 13 ||
bhaktapriyā bhaktagatirbhaktaśatruvināśinī |
Verse 14
bhairavī bhuvanā bhīmā bhāratī bhuvanātmikā || 14 ||
bheruṇḍā bhīmanayanā trinetrā bahurūpiṇī |
Verse 15
trilokeśī trikālajñā trisvarūpā trayītanuḥ || 15 ||
trimūrtiśca tathā tanvī triśaktiśca triśūlinī |
Verse 16
iti dhūmāmahat stotraṃ nāmnāmaṣṭaśatātmakam || 16 ||
mayā te kathitaṃ devi śatrusaṅghavināśanam |
Verse 17
kārāgāre ripugraste mahotpāte mahābhaye || 17 ||
idaṃ stotraṃ paṭhenmartyo mucyate sarvasaṅkaṭaiḥ |
Verse 18
guhyādguhyataraṃ guhyaṃ gopanīyaṃ prayatnataḥ || 18 ||
Verse 19
catuṣpadārthadaṃ nṝṇāṃ sarvasampatpradāyakam || 19 ||
iti śrīdhūmāvatyaṣṭottaraśatanāmastotram |
Sanskrit — Devanagari (original)
ईश्वर उवाच
ॐ धूमावती धूम्रवर्णा धूम्रपानपरायणा ।
धूम्राक्षमथिनी धन्या धन्यस्थाननिवासिनी ॥ 1 ॥
अघोराचारसन्तुष्टा अघोराचारमण्डिता ।
अघोरमन्त्रसम्प्रीता अघोरमन्त्रपूजिता ॥ 2 ॥
अट्टाट्टहासनिरता मलिनाम्बरधारिणी ।
वृद्धा विरूपा विधवा विद्या च विरलद्विजा ॥ 3 ॥
प्रवृद्धघोणा कुमुखी कुटिला कुटिलेक्षणा ।
कराली च करालास्या कङ्काली शूर्पधारिणी ॥ 4 ॥
काकध्वजरथारूढा केवला कठिना कुहूः ।
क्षुत्पिपासार्दिता नित्या ललज्जिह्वा दिगम्बरी ॥ 5 ॥
दीर्घोदरी दीर्घरवा दीर्घाङ्गी दीर्घमस्तका ।
विमुक्तकुन्तला कीर्त्या कैलासस्थानवासिनी ॥ 6 ॥
क्रूरा कालस्वरूपा च कालचक्रप्रवर्तिनी ।
विवर्णा चञ्चला दुष्टा दुष्टविध्वंसकारिणी ॥ 7 ॥
चण्डी चण्डस्वरूपा च चामुण्डा चण्डनिःस्वना ।
चण्डवेगा चण्डगतिश्चण्डमुण्डविनाशिनी ॥ 8 ॥
चाण्डालिनी चित्ररेखा चित्राङ्गी चित्ररूपिणी ।
कृष्णा कपर्दिनी कुल्ला कृष्णारूपा क्रियावती ॥ 9 ॥
कुम्भस्तनी महोन्मत्ता मदिरापानविह्वला ।
चतुर्भुजा ललज्जिह्वा शत्रुसंहारकारिणी ॥ 10 ॥
शवारूढा शवगता श्मशानस्थानवासिनी ।
दुराराध्या दुराचारा दुर्जनप्रीतिदायिनी ॥ 11 ॥
निर्मांसा च निराकारा धूमहस्ता वरान्विता ।
कलहा च कलिप्रीता कलिकल्मषनाशिनी ॥ 12 ॥
महाकालस्वरूपा च महाकालप्रपूजिता ।
महादेवप्रिया मेधा महासङ्कटनाशिनी ॥ 13 ॥
भक्तप्रिया भक्तगतिर्भक्तशत्रुविनाशिनी ।
भैरवी भुवना भीमा भारती भुवनात्मिका ॥ 14 ॥
भेरुण्डा भीमनयना त्रिनेत्रा बहुरूपिणी ।
त्रिलोकेशी त्रिकालज्ञा त्रिस्वरूपा त्रयीतनुः ॥ 15 ॥
त्रिमूर्तिश्च तथा तन्वी त्रिशक्तिश्च त्रिशूलिनी ।
इति धूमामहत् स्तोत्रं नाम्नामष्टशतात्मकम् ॥ 16 ॥
मया ते कथितं देवि शत्रुसङ्घविनाशनम् ।
कारागारे रिपुग्रस्ते महोत्पाते महाभये ॥ 17 ॥
इदं स्तोत्रं पठेन्मर्त्यो मुच्यते सर्वसङ्कटैः ।
गुह्याद्गुह्यतरं गुह्यं गोपनीयं प्रयत्नतः ॥ 18 ॥
चतुष्पदार्थदं नॄणां सर्वसम्पत्प्रदायकम् ॥ 19 ॥
इति श्रीधूमावत्यष्टोत्तरशतनामस्तोत्रम् ।