oṃ asya śrī rāmarakṣā stotramantrasya
budhakauśika ṛṣiḥ
śrī sītārāma candrodevatā
anuṣṭup chandaḥ
sītā śaktiḥ
śrīmad hanumān kīlakam
śrīrāmacandra prītyarthe rāmarakṣā stotrajape viniyogaḥ ||
dhyānam
dhyāyedājānubāhuṃ dhṛtaśara dhanuṣaṃ baddha padmāsanasthaṃ
pītaṃ vāsovasānaṃ navakamala dalasparthi netraṃ prasannam |
vāmāṅkārūḍha sītāmukha kamalamilallocanaṃ nīradābhaṃ
nānālaṅkāra dīptaṃ dadhatamuru jaṭāmaṇḍalaṃ rāmacandram ||
stotram
caritaṃ raghunāthasya śatakoṭi pravistaram |
Verse 1
ekaikamakṣaraṃ puṃsāṃ mahāpātaka nāśanam || 1 ||
dhyātvā nīlotpala śyāmaṃ rāmaṃ rājīvalocanam |
Verse 2
jānakī lakṣmaṇopetaṃ jaṭāmukuṭa maṇḍitam || 2 ||
sāsitūṇa dhanurbāṇa pāṇiṃ naktaṃ carāntakam |
Verse 3
svalīlayā jagattrātu māvirbhūtamajaṃ vibhum || 3 ||
rāmarakṣāṃ paṭhetprājñaḥ pāpaghnīṃ sarvakāmadām |
Verse 4
śiro me rāghavaḥ pātu phālaṃ (bhālaṃ) daśarathātmajaḥ || 4 ||
kausalyeyo dṛśaupātu viśvāmitrapriyaḥ śṛtī |
Verse 5
ghrāṇaṃ pātu makhatrātā mukhaṃ saumitrivatsalaḥ || 5 ||
jihvāṃ vidyānidhiḥ pātu kaṇṭhaṃ bharatavanditaḥ |
Verse 6
skandhau divyāyudhaḥ pātu bhujau bhagneśakārmukaḥ || 6 ||
karau sītāpatiḥ pātu hṛdayaṃ jāmadagnyajit |
Verse 7
madhyaṃ pātu kharadhvaṃsī nābhiṃ jāmbavadāśrayaḥ || 7 ||
sugrīveśaḥ kaṭiṃ pātu sakthinī hanumat-prabhuḥ |
Verse 8
ūrū raghūttamaḥ pātu rakṣaḥkula vināśakṛt || 8 ||
jānunī setukṛt-pātu jaṅghe daśamukhāntakaḥ |
Verse 9
pādau vibhīṣaṇaśrīdaḥ pātu rāmo'khilaṃ vapuḥ || 9 ||
etāṃ rāmabalopetāṃ rakṣāṃ yaḥ sukṛtī paṭhet |
Verse 10
sa cirāyuḥ sukhī putrī vijayī vinayī bhavet || 10 ||
pātāla-bhūtala-vyoma-cāriṇa-ścadma-cāriṇaḥ |
Verse 11
na draṣṭumapi śaktāste rakṣitaṃ rāmanāmabhiḥ || 11 ||
rāmeti rāmabhadreti rāmacandreti vā smaran |
Verse 12
naro na lipyate pāpairbhuktiṃ muktiṃ ca vindati || 12 ||
jagajjaitraika mantreṇa rāmanāmnābhi rakṣitam |
Verse 13
yaḥ kaṇṭhe dhārayettasya karasthāḥ sarvasiddhayaḥ || 13 ||
vajrapañjara nāmedaṃ yo rāmakavacaṃ smaret |
Verse 14
avyāhatājñaḥ sarvatra labhate jayamaṅgalam || 14 ||
ādiṣṭavān-yathā svapne rāmarakṣāmimāṃ haraḥ |
Verse 15
tathā likhitavān-prātaḥ prabuddhau budhakauśikaḥ || 15 ||
ārāmaḥ kalpavṛkṣāṇāṃ virāmaḥ sakalāpadām |
Verse 16
abhirāma-strilokānāṃ rāmaḥ śrīmān sa naḥ prabhuḥ || 16 ||
taruṇau rūpasampannau sukumārau mahābalau |
Verse 17
puṇḍarīka viśālākṣau cīrakṛṣṇājināmbarau || 17 ||
phalamūlāśinau dāntau tāpasau brahmacāriṇau |
Verse 18
putrau daśarathasyaitau bhrātarau rāmalakṣmaṇau || 18 ||
śaraṇyau sarvasattvānāṃ śreṣṭhau sarvadhanuṣmatām |
Verse 19
rakṣaḥkula nihantārau trāyetāṃ no raghūttamau || 19 ||
ātta sajya dhanuṣā viṣuspṛśā vakṣayāśuga niṣaṅga saṅginau |
Verse 20
rakṣaṇāya mama rāmalakṣaṇāvagrataḥ pathi sadaiva gacchatām || 20 ||
sannaddhaḥ kavacī khaḍgī cāpabāṇadharo yuvā |
Verse 21
gacchan manorathānnaśca (manoratho'smākaṃ) rāmaḥ pātu sa lakṣmaṇaḥ || 21 ||
rāmo dāśarathi śśūro lakṣmaṇānucaro balī |
Verse 22
kākutsaḥ puruṣaḥ pūrṇaḥ kausalyeyo raghūttamaḥ || 22 ||
vedāntavedyo yajñeśaḥ purāṇa puruṣottamaḥ |
Verse 23
jānakīvallabhaḥ śrīmānaprameya parākramaḥ || 23 ||
ityetāni japennityaṃ madbhaktaḥ śraddhayānvitaḥ |
Verse 24
aśvamedhādhikaṃ puṇyaṃ samprāpnoti na saṃśayaḥ || 24 ||
rāmaṃ dūrvādala śyāmaṃ padmākṣaṃ pītavāsasam |
Verse 25
stuvanti nāmabhi-rdivyairna te saṃsāriṇo narāḥ || 25 ||
rāmaṃ lakṣmaṇa pūrvajaṃ raghuvaraṃ sītāpatiṃ sundaram
kākutsthaṃ karuṇārṇavaṃ guṇanidhiṃ viprapriyaṃ dhārmikam |
rājendraṃ satyasandhaṃ daśarathatanayaṃ śyāmalaṃ śāntamūrtim
Verse 26
vande lokābhirāmaṃ raghukula tilakaṃ rāghavaṃ rāvaṇārim || 26 ||
rāmāya rāmabhadrāya rāmacandrāya vedhase |
Verse 27
raghunāthāya nāthāya sītāyāḥ pataye namaḥ || 27 ||
śrīrāma rāma raghunandana rāma rāma
śrīrāma rāma bharatāgraja rāma rāma |
śrīrāma rāma raṇakarkaśa rāma rāma
Verse 28
śrīrāma rāma śaraṇaṃ bhava rāma rāma || 28 ||
śrīrāma candra caraṇau manasā smarāmi
śrīrāma candra caraṇau vacasā gṛhṇāmi |
śrīrāma candra caraṇau śirasā namāmi
Verse 29
śrīrāma candra caraṇau śaraṇaṃ prapadye || 29 ||
mātā rāmo mat-pitā rāmacandraḥ
svāmī rāmo mat-sakhā rāmacandraḥ |
sarvasvaṃ me rāmacandro dayāluḥ
Verse 30
nānyaṃ jāne naiva jāne na jāne || 30 ||
dakṣiṇe lakṣmaṇo yasya vāme ca (tu) janakātmajā |
Verse 31
purato mārutiryasya taṃ vande raghunandanam || 31 ||
lokābhirāmaṃ raṇaraṅgadhīraṃ
rājīvanetraṃ raghuvaṃśanātham |
kāruṇyarūpaṃ karuṇākaraṃ taṃ
Verse 32
śrīrāmacandraṃ śaraṇaṃ prapadye || 32 ||
manojavaṃ māruta tulya vegaṃ
jitendriyaṃ buddhimatāṃ variṣṭam |
vātātmajaṃ vānarayūtha mukhyaṃ
Verse 33
śrīrāmadūtaṃ śaraṇaṃ prapadye || 33 ||
kūjantaṃ rāmarāmeti madhuraṃ madhurākṣaram |
Verse 34
āruhyakavitā śākhāṃ vande vālmīki kokilam || 34 ||
āpadāmapahartāraṃ dātāraṃ sarvasampadām |
Verse 35
lokābhirāmaṃ śrīrāmaṃ bhūyobhūyo namāmyaham || 35 ||
bharjanaṃ bhavabījānāmarjanaṃ sukhasampadām |
Verse 36
tarjanaṃ yamadūtānāṃ rāma rāmeti garjanam || 36 ||
rāmo rājamaṇiḥ sadā vijayate rāmaṃ rameśaṃ bhaje
rāmeṇābhihatā niśācaracamū rāmāya tasmai namaḥ |
rāmānnāsti parāyaṇaṃ parataraṃ rāmasya dāsosmyahaṃ
Verse 37
rāme cittalayaḥ sadā bhavatu me bho rāma māmuddhara || 37 ||
śrīrāma rāma rāmeti rame rāme manorame |
Verse 38
sahasranāma tattulyaṃ rāma nāma varānane || 38 ||
iti śrībudhakauśikamuni viracitaṃ śrīrāma rakṣāstotraṃ sampūrṇam |
śrīrāma jayarāma jayajayarāma |
Sanskrit — Devanagari (original)
ॐ अस्य श्री रामरक्षा स्तोत्रमन्त्रस्य
बुधकौशिक ऋषिः
श्री सीताराम चन्द्रोदेवता
अनुष्टुप् छन्दः
सीता शक्तिः
श्रीमद् हनुमान् कीलकम्
श्रीरामचन्द्र प्रीत्यर्थे रामरक्षा स्तोत्रजपे विनियोगः ॥
ध्यानम्
ध्यायेदाजानुबाहुं धृतशर धनुषं बद्ध पद्मासनस्थं
पीतं वासोवसानं नवकमल दलस्पर्थि नेत्रं प्रसन्नम् ।
वामाङ्कारूढ सीतामुख कमलमिलल्लोचनं नीरदाभं
नानालङ्कार दीप्तं दधतमुरु जटामण्डलं रामचन्द्रम् ॥
स्तोत्रम्
चरितं रघुनाथस्य शतकोटि प्रविस्तरम् ।
एकैकमक्षरं पुंसां महापातक नाशनम् ॥ 1 ॥
ध्यात्वा नीलोत्पल श्यामं रामं राजीवलोचनम् ।
जानकी लक्ष्मणोपेतं जटामुकुट मण्डितम् ॥ 2 ॥
सासितूण धनुर्बाण पाणिं नक्तं चरान्तकम् ।
स्वलीलया जगत्त्रातु माविर्भूतमजं विभुम् ॥ 3 ॥
रामरक्षां पठेत्प्राज्ञः पापघ्नीं सर्वकामदाम् ।
शिरो मे राघवः पातु फालं (भालं) दशरथात्मजः ॥ 4 ॥
कौसल्येयो दृशौपातु विश्वामित्रप्रियः शृती ।
घ्राणं पातु मखत्राता मुखं सौमित्रिवत्सलः ॥ 5 ॥
जिह्वां विद्यानिधिः पातु कण्ठं भरतवन्दितः ।
स्कन्धौ दिव्यायुधः पातु भुजौ भग्नेशकार्मुकः ॥ 6 ॥
करौ सीतापतिः पातु हृदयं जामदग्न्यजित् ।
मध्यं पातु खरध्वंसी नाभिं जाम्बवदाश्रयः ॥ 7 ॥
सुग्रीवेशः कटिं पातु सक्थिनी हनुमत्-प्रभुः ।
ऊरू रघूत्तमः पातु रक्षःकुल विनाशकृत् ॥ 8 ॥
जानुनी सेतुकृत्-पातु जङ्घे दशमुखान्तकः ।
पादौ विभीषणश्रीदः पातु रामोऽखिलं वपुः ॥ 9 ॥
एतां रामबलोपेतां रक्षां यः सुकृती पठेत् ।
स चिरायुः सुखी पुत्री विजयी विनयी भवेत् ॥ 10 ॥
पाताल-भूतल-व्योम-चारिण-श्चद्म-चारिणः ।
न द्रष्टुमपि शक्तास्ते रक्षितं रामनामभिः ॥ 11 ॥
रामेति रामभद्रेति रामचन्द्रेति वा स्मरन् ।
नरो न लिप्यते पापैर्भुक्तिं मुक्तिं च विन्दति ॥ 12 ॥
जगज्जैत्रैक मन्त्रेण रामनाम्नाभि रक्षितम् ।
यः कण्ठे धारयेत्तस्य करस्थाः सर्वसिद्धयः ॥ 13 ॥
वज्रपञ्जर नामेदं यो रामकवचं स्मरेत् ।
अव्याहताज्ञः सर्वत्र लभते जयमङ्गलम् ॥ 14 ॥
आदिष्टवान्-यथा स्वप्ने रामरक्षामिमां हरः ।
तथा लिखितवान्-प्रातः प्रबुद्धौ बुधकौशिकः ॥ 15 ॥
आरामः कल्पवृक्षाणां विरामः सकलापदाम् ।
अभिराम-स्त्रिलोकानां रामः श्रीमान् स नः प्रभुः ॥ 16 ॥
तरुणौ रूपसम्पन्नौ सुकुमारौ महाबलौ ।
पुण्डरीक विशालाक्षौ चीरकृष्णाजिनाम्बरौ ॥ 17 ॥
फलमूलाशिनौ दान्तौ तापसौ ब्रह्मचारिणौ ।
पुत्रौ दशरथस्यैतौ भ्रातरौ रामलक्ष्मणौ ॥ 18 ॥
शरण्यौ सर्वसत्त्वानां श्रेष्ठौ सर्वधनुष्मताम् ।
रक्षःकुल निहन्तारौ त्रायेतां नो रघूत्तमौ ॥ 19 ॥
आत्त सज्य धनुषा विषुस्पृशा वक्षयाशुग निषङ्ग सङ्गिनौ ।
रक्षणाय मम रामलक्षणावग्रतः पथि सदैव गच्छताम् ॥ 20 ॥
सन्नद्धः कवची खड्गी चापबाणधरो युवा ।
गच्छन् मनोरथान्नश्च (मनोरथोऽस्माकं) रामः पातु स लक्ष्मणः ॥ 21 ॥
रामो दाशरथि श्शूरो लक्ष्मणानुचरो बली ।
काकुत्सः पुरुषः पूर्णः कौसल्येयो रघूत्तमः ॥ 22 ॥
वेदान्तवेद्यो यज्ञेशः पुराण पुरुषोत्तमः ।
जानकीवल्लभः श्रीमानप्रमेय पराक्रमः ॥ 23 ॥
इत्येतानि जपेन्नित्यं मद्भक्तः श्रद्धयान्वितः ।
अश्वमेधाधिकं पुण्यं सम्प्राप्नोति न संशयः ॥ 24 ॥
रामं दूर्वादल श्यामं पद्माक्षं पीतवाससम् ।
स्तुवन्ति नामभि-र्दिव्यैर्न ते संसारिणो नराः ॥ 25 ॥
रामं लक्ष्मण पूर्वजं रघुवरं सीतापतिं सुन्दरम्
काकुत्स्थं करुणार्णवं गुणनिधिं विप्रप्रियं धार्मिकम् ।
राजेन्द्रं सत्यसन्धं दशरथतनयं श्यामलं शान्तमूर्तिम्
वन्दे लोकाभिरामं रघुकुल तिलकं राघवं रावणारिम् ॥ 26 ॥
रामाय रामभद्राय रामचन्द्राय वेधसे ।
रघुनाथाय नाथाय सीतायाः पतये नमः ॥ 27 ॥
श्रीराम राम रघुनन्दन राम राम
श्रीराम राम भरताग्रज राम राम ।
श्रीराम राम रणकर्कश राम राम
श्रीराम राम शरणं भव राम राम ॥ 28 ॥
श्रीराम चन्द्र चरणौ मनसा स्मरामि
श्रीराम चन्द्र चरणौ वचसा गृह्णामि ।
श्रीराम चन्द्र चरणौ शिरसा नमामि
श्रीराम चन्द्र चरणौ शरणं प्रपद्ये ॥ 29 ॥
माता रामो मत्-पिता रामचन्द्रः
स्वामी रामो मत्-सखा रामचन्द्रः ।
सर्वस्वं मे रामचन्द्रो दयालुः
नान्यं जाने नैव जाने न जाने ॥ 30 ॥
दक्षिणे लक्ष्मणो यस्य वामे च (तु) जनकात्मजा ।
पुरतो मारुतिर्यस्य तं वन्दे रघुनन्दनम् ॥ 31 ॥
लोकाभिरामं रणरङ्गधीरं
राजीवनेत्रं रघुवंशनाथम् ।
कारुण्यरूपं करुणाकरं तं
श्रीरामचन्द्रं शरणं प्रपद्ये ॥ 32 ॥
मनोजवं मारुत तुल्य वेगं
जितेन्द्रियं बुद्धिमतां वरिष्टम् ।
वातात्मजं वानरयूथ मुख्यं
श्रीरामदूतं शरणं प्रपद्ये ॥ 33 ॥
कूजन्तं रामरामेति मधुरं मधुराक्षरम् ।
आरुह्यकविता शाखां वन्दे वाल्मीकि कोकिलम् ॥ 34 ॥
आपदामपहर्तारं दातारं सर्वसम्पदाम् ।
लोकाभिरामं श्रीरामं भूयोभूयो नमाम्यहम् ॥ 35 ॥
भर्जनं भवबीजानामर्जनं सुखसम्पदाम् ।
तर्जनं यमदूतानां राम रामेति गर्जनम् ॥ 36 ॥
रामो राजमणिः सदा विजयते रामं रमेशं भजे
रामेणाभिहता निशाचरचमू रामाय तस्मै नमः ।
रामान्नास्ति परायणं परतरं रामस्य दासोस्म्यहं
रामे चित्तलयः सदा भवतु मे भो राम मामुद्धर ॥ 37 ॥
श्रीराम राम रामेति रमे रामे मनोरमे ।
सहस्रनाम तत्तुल्यं राम नाम वरानने ॥ 38 ॥
इति श्रीबुधकौशिकमुनि विरचितं श्रीराम रक्षास्तोत्रं सम्पूर्णम् ।
श्रीराम जयराम जयजयराम ।