Shri Rama Raksha Stotram — Bengali Script

Meaning —

ওঁ অস্য শ্রী রামরক্ষা স্তোত্রমন্ত্রস্য

বুধকৌশিক ঋষিঃ

শ্রী সীতারাম চন্দ্রোদেবতা

অনুষ্টুপ্ ছন্দঃ

সীতা শক্তিঃ

শ্রীমদ্ হনুমান্ কীলকম্

শ্রীরামচন্দ্র প্রীত্যর্থে রামরক্ষা স্তোত্রজপে বিনিযোগঃ ॥

ধ্যানম্

ধ্যাযেদাজানুবাহুং ধৃতশর ধনুষং বদ্ধ পদ্মাসনস্থং

পীতং বাসোবসানং নবকমল দলস্পর্থি নেত্রং প্রসন্নম্ ।

বামাঙ্কারূঢ সীতামুখ কমলমিলল্লোচনং নীরদাভং

নানালঙ্কার দীপ্তং দধতমুরু জটামণ্ডলং রামচন্দ্রম্ ॥

স্তোত্রম্

Verse 1

চরিতং রঘুনাথস্য শতকোটি প্রবিস্তরম্ ।
একৈকমক্ষরং পুংসাং মহাপাতক নাশনম্ ॥ 1 ॥

caritaṃ raghunāthasya śatakoṭi pravistaram |
ekaikamakṣaraṃ puṃsāṃ mahāpātaka nāśanam || 1 ||

Verse 2

ধ্যাত্বা নীলোত্পল শ্যামং রামং রাজীবলোচনম্ ।
জানকী লক্ষ্মণোপেতং জটামুকুট মণ্ডিতম্ ॥ 2 ॥

dhyātvā nīlotpala śyāmaṃ rāmaṃ rājīvalocanam |
jānakī lakṣmaṇopetaṃ jaṭāmukuṭa maṇḍitam || 2 ||

Verse 3

সাসিতূণ ধনুর্বাণ পাণিং নক্তং চরান্তকম্ ।
স্বলীলযা জগত্ত্রাতু মাবির্ভূতমজং বিভুম্ ॥ 3 ॥

sāsitūṇa dhanurbāṇa pāṇiṃ naktaṃ carāntakam |
svalīlayā jagattrātu māvirbhūtamajaṃ vibhum || 3 ||

Verse 4

রামরক্ষাং পঠেত্প্রাজ্ঞঃ পাপঘ্নীং সর্বকামদাম্ ।
শিরো মে রাঘবঃ পাতু ফালং (ভালং) দশরথাত্মজঃ ॥ 4 ॥

rāmarakṣāṃ paṭhetprājñaḥ pāpaghnīṃ sarvakāmadām |
śiro me rāghavaḥ pātu phālaṃ (bhālaṃ) daśarathātmajaḥ || 4 ||

Verse 5

কৌসল্যেযো দৃশৌপাতু বিশ্বামিত্রপ্রিযঃ শৃতী ।
ঘ্রাণং পাতু মখত্রাতা মুখং সৌমিত্রিবত্সলঃ ॥ 5 ॥

kausalyeyo dṛśaupātu viśvāmitrapriyaḥ śṛtī |
ghrāṇaṃ pātu makhatrātā mukhaṃ saumitrivatsalaḥ || 5 ||

Verse 6

জিহ্বাং বিদ্যানিধিঃ পাতু কণ্ঠং ভরতবন্দিতঃ ।
স্কন্ধৌ দিব্যাযুধঃ পাতু ভুজৌ ভগ্নেশকার্মুকঃ ॥ 6 ॥

jihvāṃ vidyānidhiḥ pātu kaṇṭhaṃ bharatavanditaḥ |
skandhau divyāyudhaḥ pātu bhujau bhagneśakārmukaḥ || 6 ||

Verse 7

করৌ সীতাপতিঃ পাতু হৃদযং জামদগ্ন্যজিত্ ।
মধ্যং পাতু খরধ্বংসী নাভিং জাম্ববদাশ্রযঃ ॥ 7 ॥

karau sītāpatiḥ pātu hṛdayaṃ jāmadagnyajit |
madhyaṃ pātu kharadhvaṃsī nābhiṃ jāmbavadāśrayaḥ || 7 ||

Verse 8

সুগ্রীবেশঃ কটিং পাতু সক্থিনী হনুমত্-প্রভুঃ ।
ঊরূ রঘূত্তমঃ পাতু রক্ষঃকুল বিনাশকৃত্ ॥ 8 ॥

sugrīveśaḥ kaṭiṃ pātu sakthinī hanumat-prabhuḥ |
ūrū raghūttamaḥ pātu rakṣaḥkula vināśakṛt || 8 ||

Verse 9

জানুনী সেতুকৃত্-পাতু জঙ্ঘে দশমুখান্তকঃ ।
পাদৌ বিভীষণশ্রীদঃ পাতু রামোঽখিলং বপুঃ ॥ 9 ॥

jānunī setukṛt-pātu jaṅghe daśamukhāntakaḥ |
pādau vibhīṣaṇaśrīdaḥ pātu rāmo'khilaṃ vapuḥ || 9 ||

Verse 10

এতাং রামবলোপেতাং রক্ষাং যঃ সুকৃতী পঠেত্ ।
স চিরাযুঃ সুখী পুত্রী বিজযী বিনযী ভবেত্ ॥ 10 ॥

etāṃ rāmabalopetāṃ rakṣāṃ yaḥ sukṛtī paṭhet |
sa cirāyuḥ sukhī putrī vijayī vinayī bhavet || 10 ||

Verse 11

পাতাল-ভূতল-ব্যোম-চারিণ-শ্চদ্ম-চারিণঃ ।
ন দ্রষ্টুমপি শক্তাস্তে রক্ষিতং রামনামভিঃ ॥ 11 ॥

pātāla-bhūtala-vyoma-cāriṇa-ścadma-cāriṇaḥ |
na draṣṭumapi śaktāste rakṣitaṃ rāmanāmabhiḥ || 11 ||

Verse 12

রামেতি রামভদ্রেতি রামচন্দ্রেতি বা স্মরন্ ।
নরো ন লিপ্যতে পাপৈর্ভুক্তিং মুক্তিং চ বিন্দতি ॥ 12 ॥

rāmeti rāmabhadreti rāmacandreti vā smaran |
naro na lipyate pāpairbhuktiṃ muktiṃ ca vindati || 12 ||

Verse 13

জগজ্জৈত্রৈক মন্ত্রেণ রামনাম্নাভি রক্ষিতম্ ।
যঃ কণ্ঠে ধারযেত্তস্য করস্থাঃ সর্বসিদ্ধযঃ ॥ 13 ॥

jagajjaitraika mantreṇa rāmanāmnābhi rakṣitam |
yaḥ kaṇṭhe dhārayettasya karasthāḥ sarvasiddhayaḥ || 13 ||

Verse 14

বজ্রপঞ্জর নামেদং যো রামকবচং স্মরেত্ ।
অব্যাহতাজ্ঞঃ সর্বত্র লভতে জযমঙ্গলম্ ॥ 14 ॥

vajrapañjara nāmedaṃ yo rāmakavacaṃ smaret |
avyāhatājñaḥ sarvatra labhate jayamaṅgalam || 14 ||

Verse 15

আদিষ্টবান্-যথা স্বপ্নে রামরক্ষামিমাং হরঃ ।
তথা লিখিতবান্-প্রাতঃ প্রবুদ্ধৌ বুধকৌশিকঃ ॥ 15 ॥

ādiṣṭavān-yathā svapne rāmarakṣāmimāṃ haraḥ |
tathā likhitavān-prātaḥ prabuddhau budhakauśikaḥ || 15 ||

Verse 16

আরামঃ কল্পবৃক্ষাণাং বিরামঃ সকলাপদাম্ ।
অভিরাম-স্ত্রিলোকানাং রামঃ শ্রীমান্ স নঃ প্রভুঃ ॥ 16 ॥

ārāmaḥ kalpavṛkṣāṇāṃ virāmaḥ sakalāpadām |
abhirāma-strilokānāṃ rāmaḥ śrīmān sa naḥ prabhuḥ || 16 ||

Verse 17

তরুণৌ রূপসম্পন্নৌ সুকুমারৌ মহাবলৌ ।
পুণ্ডরীক বিশালাক্ষৌ চীরকৃষ্ণাজিনাম্বরৌ ॥ 17 ॥

taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 17 ||

Verse 18

ফলমূলাশিনৌ দান্তৌ তাপসৌ ব্রহ্মচারিণৌ ।
পুত্রৌ দশরথস্যৈতৌ ভ্রাতরৌ রামলক্ষ্মণৌ ॥ 18 ॥

phalamūlāśinau dāntau tāpasau brahmacāriṇau |
putrau daśarathasyaitau bhrātarau rāmalakṣmaṇau || 18 ||

Verse 19

শরণ্যৌ সর্বসত্ত্বানাং শ্রেষ্ঠৌ সর্বধনুষ্মতাম্ ।
রক্ষঃকুল নিহন্তারৌ ত্রাযেতাং নো রঘূত্তমৌ ॥ 19 ॥

śaraṇyau sarvasattvānāṃ śreṣṭhau sarvadhanuṣmatām |
rakṣaḥkula nihantārau trāyetāṃ no raghūttamau || 19 ||

Verse 20

আত্ত সজ্য ধনুষা বিষুস্পৃশা বক্ষযাশুগ নিষঙ্গ সঙ্গিনৌ ।
রক্ষণায মম রামলক্ষণাবগ্রতঃ পথি সদৈব গচ্ছতাম্ ॥ 20 ॥

ātta sajya dhanuṣā viṣuspṛśā vakṣayāśuga niṣaṅga saṅginau |
rakṣaṇāya mama rāmalakṣaṇāvagrataḥ pathi sadaiva gacchatām || 20 ||

Verse 21

সন্নদ্ধঃ কবচী খড্গী চাপবাণধরো যুবা ।
গচ্ছন্ মনোরথান্নশ্চ (মনোরথোঽস্মাকং) রামঃ পাতু স লক্ষ্মণঃ ॥ 21 ॥

sannaddhaḥ kavacī khaḍgī cāpabāṇadharo yuvā |
gacchan manorathānnaśca (manoratho'smākaṃ) rāmaḥ pātu sa lakṣmaṇaḥ || 21 ||

Verse 22

রামো দাশরথি শ্শূরো লক্ষ্মণানুচরো বলী ।
কাকুত্সঃ পুরুষঃ পূর্ণঃ কৌসল্যেযো রঘূত্তমঃ ॥ 22 ॥

rāmo dāśarathi śśūro lakṣmaṇānucaro balī |
kākutsaḥ puruṣaḥ pūrṇaḥ kausalyeyo raghūttamaḥ || 22 ||

Verse 23

বেদান্তবেদ্যো যজ্ঞেশঃ পুরাণ পুরুষোত্তমঃ ।
জানকীবল্লভঃ শ্রীমানপ্রমেয পরাক্রমঃ ॥ 23 ॥

vedāntavedyo yajñeśaḥ purāṇa puruṣottamaḥ |
jānakīvallabhaḥ śrīmānaprameya parākramaḥ || 23 ||

Verse 24

ইত্যেতানি জপেন্নিত্যং মদ্ভক্তঃ শ্রদ্ধযান্বিতঃ ।
অশ্বমেধাধিকং পুণ্যং সম্প্রাপ্নোতি ন সংশযঃ ॥ 24 ॥

ityetāni japennityaṃ madbhaktaḥ śraddhayānvitaḥ |
aśvamedhādhikaṃ puṇyaṃ samprāpnoti na saṃśayaḥ || 24 ||

Verse 25

রামং দূর্বাদল শ্যামং পদ্মাক্ষং পীতবাসসম্ ।
স্তুবন্তি নামভি-র্দিব্যৈর্ন তে সংসারিণো নরাঃ ॥ 25 ॥

rāmaṃ dūrvādala śyāmaṃ padmākṣaṃ pītavāsasam |
stuvanti nāmabhi-rdivyairna te saṃsāriṇo narāḥ || 25 ||

Verse 26

রামং লক্ষ্মণ পূর্বজং রঘুবরং সীতাপতিং সুন্দরম্
কাকুত্স্থং করুণার্ণবং গুণনিধিং বিপ্রপ্রিযং ধার্মিকম্ ।
রাজেন্দ্রং সত্যসন্ধং দশরথতনযং শ্যামলং শান্তমূর্তিম্
বন্দে লোকাভিরামং রঘুকুল তিলকং রাঘবং রাবণারিম্ ॥ 26 ॥

rāmaṃ lakṣmaṇa pūrvajaṃ raghuvaraṃ sītāpatiṃ sundaram
kākutsthaṃ karuṇārṇavaṃ guṇanidhiṃ viprapriyaṃ dhārmikam |
rājendraṃ satyasandhaṃ daśarathatanayaṃ śyāmalaṃ śāntamūrtim
vande lokābhirāmaṃ raghukula tilakaṃ rāghavaṃ rāvaṇārim || 26 ||

Verse 27

রামায রামভদ্রায রামচন্দ্রায বেধসে ।
রঘুনাথায নাথায সীতাযাঃ পতযে নমঃ ॥ 27 ॥

rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ || 27 ||

Verse 28

শ্রীরাম রাম রঘুনন্দন রাম রাম
শ্রীরাম রাম ভরতাগ্রজ রাম রাম ।
শ্রীরাম রাম রণকর্কশ রাম রাম
শ্রীরাম রাম শরণং ভব রাম রাম ॥ 28 ॥

śrīrāma rāma raghunandana rāma rāma
śrīrāma rāma bharatāgraja rāma rāma |
śrīrāma rāma raṇakarkaśa rāma rāma
śrīrāma rāma śaraṇaṃ bhava rāma rāma || 28 ||

Verse 29

শ্রীরাম চন্দ্র চরণৌ মনসা স্মরামি
শ্রীরাম চন্দ্র চরণৌ বচসা গৃহ্ণামি ।
শ্রীরাম চন্দ্র চরণৌ শিরসা নমামি
শ্রীরাম চন্দ্র চরণৌ শরণং প্রপদ্যে ॥ 29 ॥

śrīrāma candra caraṇau manasā smarāmi
śrīrāma candra caraṇau vacasā gṛhṇāmi |
śrīrāma candra caraṇau śirasā namāmi
śrīrāma candra caraṇau śaraṇaṃ prapadye || 29 ||

Verse 30

মাতা রামো মত্-পিতা রামচন্দ্রঃ
স্বামী রামো মত্-সখা রামচন্দ্রঃ ।
সর্বস্বং মে রামচন্দ্রো দযালুঃ
নান্যং জানে নৈব জানে ন জানে ॥ 30 ॥

mātā rāmo mat-pitā rāmacandraḥ
svāmī rāmo mat-sakhā rāmacandraḥ |
sarvasvaṃ me rāmacandro dayāluḥ
nānyaṃ jāne naiva jāne na jāne || 30 ||

Verse 31

দক্ষিণে লক্ষ্মণো যস্য বামে চ (তু) জনকাত্মজা ।
পুরতো মারুতির্যস্য তং বন্দে রঘুনন্দনম্ ॥ 31 ॥

dakṣiṇe lakṣmaṇo yasya vāme ca (tu) janakātmajā |
purato mārutiryasya taṃ vande raghunandanam || 31 ||

Verse 32

লোকাভিরামং রণরঙ্গধীরং
রাজীবনেত্রং রঘুবংশনাথম্ ।
কারুণ্যরূপং করুণাকরং তং
শ্রীরামচন্দ্রং শরণং প্রপদ্যে ॥ 32 ॥

lokābhirāmaṃ raṇaraṅgadhīraṃ
rājīvanetraṃ raghuvaṃśanātham |
kāruṇyarūpaṃ karuṇākaraṃ taṃ
śrīrāmacandraṃ śaraṇaṃ prapadye || 32 ||

Verse 33

মনোজবং মারুত তুল্য বেগং
জিতেন্দ্রিযং বুদ্ধিমতাং বরিষ্টম্ ।
বাতাত্মজং বানরযূথ মুখ্যং
শ্রীরামদূতং শরণং প্রপদ্যে ॥ 33 ॥

manojavaṃ māruta tulya vegaṃ
jitendriyaṃ buddhimatāṃ variṣṭam |
vātātmajaṃ vānarayūtha mukhyaṃ
śrīrāmadūtaṃ śaraṇaṃ prapadye || 33 ||

Verse 34

কূজন্তং রামরামেতি মধুরং মধুরাক্ষরম্ ।
আরুহ্যকবিতা শাখাং বন্দে বাল্মীকি কোকিলম্ ॥ 34 ॥

kūjantaṃ rāmarāmeti madhuraṃ madhurākṣaram |
āruhyakavitā śākhāṃ vande vālmīki kokilam || 34 ||

Verse 35

আপদামপহর্তারং দাতারং সর্বসম্পদাম্ ।
লোকাভিরামং শ্রীরামং ভূযোভূযো নমাম্যহম্ ॥ 35 ॥

āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyobhūyo namāmyaham || 35 ||

Verse 36

ভর্জনং ভববীজানামর্জনং সুখসম্পদাম্ ।
তর্জনং যমদূতানাং রাম রামেতি গর্জনম্ ॥ 36 ॥

bharjanaṃ bhavabījānāmarjanaṃ sukhasampadām |
tarjanaṃ yamadūtānāṃ rāma rāmeti garjanam || 36 ||

Verse 37

রামো রাজমণিঃ সদা বিজযতে রামং রমেশং ভজে
রামেণাভিহতা নিশাচরচমূ রামায তস্মৈ নমঃ ।
রামান্নাস্তি পরাযণং পরতরং রামস্য দাসোস্ম্যহং
রামে চিত্তলযঃ সদা ভবতু মে ভো রাম মামুদ্ধর ॥ 37 ॥

rāmo rājamaṇiḥ sadā vijayate rāmaṃ rameśaṃ bhaje
rāmeṇābhihatā niśācaracamū rāmāya tasmai namaḥ |
rāmānnāsti parāyaṇaṃ parataraṃ rāmasya dāsosmyahaṃ
rāme cittalayaḥ sadā bhavatu me bho rāma māmuddhara || 37 ||

Verse 38

শ্রীরাম রাম রামেতি রমে রামে মনোরমে ।
সহস্রনাম তত্তুল্যং রাম নাম বরাননে ॥ 38 ॥

śrīrāma rāma rāmeti rame rāme manorame |
sahasranāma tattulyaṃ rāma nāma varānane || 38 ||

ইতি শ্রীবুধকৌশিকমুনি বিরচিতং শ্রীরাম রক্ষাস্তোত্রং সম্পূর্ণম্ ।
শ্রীরাম জযরাম জযজযরাম ।

Sanskrit — Devanagari (original)

ॐ अस्य श्री रामरक्षा स्तोत्रमन्त्रस्य

बुधकौशिक ऋषिः

श्री सीताराम चन्द्रोदेवता

अनुष्टुप् छन्दः

सीता शक्तिः

श्रीमद् हनुमान् कीलकम्

श्रीरामचन्द्र प्रीत्यर्थे रामरक्षा स्तोत्रजपे विनियोगः ॥

ध्यानम्

ध्यायेदाजानुबाहुं धृतशर धनुषं बद्ध पद्मासनस्थं

पीतं वासोवसानं नवकमल दलस्पर्थि नेत्रं प्रसन्नम् ।

वामाङ्कारूढ सीतामुख कमलमिलल्लोचनं नीरदाभं

नानालङ्कार दीप्तं दधतमुरु जटामण्डलं रामचन्द्रम् ॥

स्तोत्रम्

चरितं रघुनाथस्य शतकोटि प्रविस्तरम् ।

एकैकमक्षरं पुंसां महापातक नाशनम् ॥ 1 ॥

ध्यात्वा नीलोत्पल श्यामं रामं राजीवलोचनम् ।

जानकी लक्ष्मणोपेतं जटामुकुट मण्डितम् ॥ 2 ॥

सासितूण धनुर्बाण पाणिं नक्तं चरान्तकम् ।

स्वलीलया जगत्त्रातु माविर्भूतमजं विभुम् ॥ 3 ॥

रामरक्षां पठेत्प्राज्ञः पापघ्नीं सर्वकामदाम् ।

शिरो मे राघवः पातु फालं (भालं) दशरथात्मजः ॥ 4 ॥

कौसल्येयो दृशौपातु विश्वामित्रप्रियः शृती ।

घ्राणं पातु मखत्राता मुखं सौमित्रिवत्सलः ॥ 5 ॥

जिह्वां विद्यानिधिः पातु कण्ठं भरतवन्दितः ।

स्कन्धौ दिव्यायुधः पातु भुजौ भग्नेशकार्मुकः ॥ 6 ॥

करौ सीतापतिः पातु हृदयं जामदग्न्यजित् ।

मध्यं पातु खरध्वंसी नाभिं जाम्बवदाश्रयः ॥ 7 ॥

सुग्रीवेशः कटिं पातु सक्थिनी हनुमत्-प्रभुः ।

ऊरू रघूत्तमः पातु रक्षःकुल विनाशकृत् ॥ 8 ॥

जानुनी सेतुकृत्-पातु जङ्घे दशमुखान्तकः ।

पादौ विभीषणश्रीदः पातु रामोऽखिलं वपुः ॥ 9 ॥

एतां रामबलोपेतां रक्षां यः सुकृती पठेत् ।

स चिरायुः सुखी पुत्री विजयी विनयी भवेत् ॥ 10 ॥

पाताल-भूतल-व्योम-चारिण-श्चद्म-चारिणः ।

न द्रष्टुमपि शक्तास्ते रक्षितं रामनामभिः ॥ 11 ॥

रामेति रामभद्रेति रामचन्द्रेति वा स्मरन् ।

नरो न लिप्यते पापैर्भुक्तिं मुक्तिं च विन्दति ॥ 12 ॥

जगज्जैत्रैक मन्त्रेण रामनाम्नाभि रक्षितम् ।

यः कण्ठे धारयेत्तस्य करस्थाः सर्वसिद्धयः ॥ 13 ॥

वज्रपञ्जर नामेदं यो रामकवचं स्मरेत् ।

अव्याहताज्ञः सर्वत्र लभते जयमङ्गलम् ॥ 14 ॥

आदिष्टवान्-यथा स्वप्ने रामरक्षामिमां हरः ।

तथा लिखितवान्-प्रातः प्रबुद्धौ बुधकौशिकः ॥ 15 ॥

आरामः कल्पवृक्षाणां विरामः सकलापदाम् ।

अभिराम-स्त्रिलोकानां रामः श्रीमान् स नः प्रभुः ॥ 16 ॥

तरुणौ रूपसम्पन्नौ सुकुमारौ महाबलौ ।

पुण्डरीक विशालाक्षौ चीरकृष्णाजिनाम्बरौ ॥ 17 ॥

फलमूलाशिनौ दान्तौ तापसौ ब्रह्मचारिणौ ।

पुत्रौ दशरथस्यैतौ भ्रातरौ रामलक्ष्मणौ ॥ 18 ॥

शरण्यौ सर्वसत्त्वानां श्रेष्ठौ सर्वधनुष्मताम् ।

रक्षःकुल निहन्तारौ त्रायेतां नो रघूत्तमौ ॥ 19 ॥

आत्त सज्य धनुषा विषुस्पृशा वक्षयाशुग निषङ्ग सङ्गिनौ ।

रक्षणाय मम रामलक्षणावग्रतः पथि सदैव गच्छताम् ॥ 20 ॥

सन्नद्धः कवची खड्गी चापबाणधरो युवा ।

गच्छन् मनोरथान्नश्च (मनोरथोऽस्माकं) रामः पातु स लक्ष्मणः ॥ 21 ॥

रामो दाशरथि श्शूरो लक्ष्मणानुचरो बली ।

काकुत्सः पुरुषः पूर्णः कौसल्येयो रघूत्तमः ॥ 22 ॥

वेदान्तवेद्यो यज्ञेशः पुराण पुरुषोत्तमः ।

जानकीवल्लभः श्रीमानप्रमेय पराक्रमः ॥ 23 ॥

इत्येतानि जपेन्नित्यं मद्भक्तः श्रद्धयान्वितः ।

अश्वमेधाधिकं पुण्यं सम्प्राप्नोति न संशयः ॥ 24 ॥

रामं दूर्वादल श्यामं पद्माक्षं पीतवाससम् ।

स्तुवन्ति नामभि-र्दिव्यैर्न ते संसारिणो नराः ॥ 25 ॥

रामं लक्ष्मण पूर्वजं रघुवरं सीतापतिं सुन्दरम्

काकुत्स्थं करुणार्णवं गुणनिधिं विप्रप्रियं धार्मिकम् ।

राजेन्द्रं सत्यसन्धं दशरथतनयं श्यामलं शान्तमूर्तिम्

वन्दे लोकाभिरामं रघुकुल तिलकं राघवं रावणारिम् ॥ 26 ॥

रामाय रामभद्राय रामचन्द्राय वेधसे ।

रघुनाथाय नाथाय सीतायाः पतये नमः ॥ 27 ॥

श्रीराम राम रघुनन्दन राम राम

श्रीराम राम भरताग्रज राम राम ।

श्रीराम राम रणकर्कश राम राम

श्रीराम राम शरणं भव राम राम ॥ 28 ॥

श्रीराम चन्द्र चरणौ मनसा स्मरामि

श्रीराम चन्द्र चरणौ वचसा गृह्णामि ।

श्रीराम चन्द्र चरणौ शिरसा नमामि

श्रीराम चन्द्र चरणौ शरणं प्रपद्ये ॥ 29 ॥

माता रामो मत्-पिता रामचन्द्रः

स्वामी रामो मत्-सखा रामचन्द्रः ।

सर्वस्वं मे रामचन्द्रो दयालुः

नान्यं जाने नैव जाने न जाने ॥ 30 ॥

दक्षिणे लक्ष्मणो यस्य वामे च (तु) जनकात्मजा ।

पुरतो मारुतिर्यस्य तं वन्दे रघुनन्दनम् ॥ 31 ॥

लोकाभिरामं रणरङ्गधीरं

राजीवनेत्रं रघुवंशनाथम् ।

कारुण्यरूपं करुणाकरं तं

श्रीरामचन्द्रं शरणं प्रपद्ये ॥ 32 ॥

मनोजवं मारुत तुल्य वेगं

जितेन्द्रियं बुद्धिमतां वरिष्टम् ।

वातात्मजं वानरयूथ मुख्यं

श्रीरामदूतं शरणं प्रपद्ये ॥ 33 ॥

कूजन्तं रामरामेति मधुरं मधुराक्षरम् ।

आरुह्यकविता शाखां वन्दे वाल्मीकि कोकिलम् ॥ 34 ॥

आपदामपहर्तारं दातारं सर्वसम्पदाम् ।

लोकाभिरामं श्रीरामं भूयोभूयो नमाम्यहम् ॥ 35 ॥

भर्जनं भवबीजानामर्जनं सुखसम्पदाम् ।

तर्जनं यमदूतानां राम रामेति गर्जनम् ॥ 36 ॥

रामो राजमणिः सदा विजयते रामं रमेशं भजे

रामेणाभिहता निशाचरचमू रामाय तस्मै नमः ।

रामान्नास्ति परायणं परतरं रामस्य दासोस्म्यहं

रामे चित्तलयः सदा भवतु मे भो राम मामुद्धर ॥ 37 ॥

श्रीराम राम रामेति रमे रामे मनोरमे ।

सहस्रनाम तत्तुल्यं राम नाम वरानने ॥ 38 ॥

इति श्रीबुधकौशिकमुनि विरचितं श्रीराम रक्षास्तोत्रं सम्पूर्णम् ।

श्रीराम जयराम जयजयराम ।

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

শ্রী রাম রক্ষা স্তোত্রম্