Narayana Ashtakshari Stuti — Latin Script

Meaning —

Verse 1

oṃ namaḥ praṇavārthārtha sthūlasūkṣma kṣarākṣara
vyaktāvyakta kalātīta oṅkārāya namo namaḥ || 1 ||

Verse 2

namo devādidevāya dehasañcārahetave
daityasaṅghavināśāya nakārāya namo namaḥ || 2 ||

Verse 3

mohanaṃ viśvarūpaṃ ca śiṣṭācārasupoṣitam
mohavidhvaṃsakaṃ vande mokārāya namo namaḥ || 3 ||

Verse 4

nārāyaṇāya navyāya narasiṃhāya nāmine
nādāya nādine tubhyaṃ nākārāya namo namaḥ || 4 ||

Verse 5

rāmacandraṃ raghupatiṃ pitrājñāparipālakam
kausalyātanayaṃ vande rākārāya namo namaḥ || 5 ||

Verse 6

yajñāya yajñagamyāya yajñarakṣākarāya ca
yajñāṅgarūpiṇe tubhyaṃ yakārāya namo namaḥ || 6 ||

Verse 7

ṇākāraṃ lokavikhyātaṃ nānājanmaphalapradam
nānābhīṣṭapradaṃ vande ṇākārāya namo namaḥ || 7 ||

Verse 8

yajñakartre yajñabhartre yajñarūpāya te namaḥ
sujñānagocarāyā'stu yakārāya namo namaḥ || 8 ||

iti śrī nārāyaṇa aṣṭākṣarī stutiḥ |

Sanskrit — Devanagari (original)

ॐ नमः प्रणवार्थार्थ स्थूलसूक्ष्म क्षराक्षर

व्यक्ताव्यक्त कलातीत ओङ्काराय नमो नमः ॥ 1 ॥

नमो देवादिदेवाय देहसञ्चारहेतवे

दैत्यसङ्घविनाशाय नकाराय नमो नमः ॥ 2 ॥

मोहनं विश्वरूपं च शिष्टाचारसुपोषितम्

मोहविध्वंसकं वन्दे मोकाराय नमो नमः ॥ 3 ॥

नारायणाय नव्याय नरसिंहाय नामिने

नादाय नादिने तुभ्यं नाकाराय नमो नमः ॥ 4 ॥

रामचन्द्रं रघुपतिं पित्राज्ञापरिपालकम्

कौसल्यातनयं वन्दे राकाराय नमो नमः ॥ 5 ॥

यज्ञाय यज्ञगम्याय यज्ञरक्षाकराय च

यज्ञाङ्गरूपिणे तुभ्यं यकाराय नमो नमः ॥ 6 ॥

णाकारं लोकविख्यातं नानाजन्मफलप्रदम्

नानाभीष्टप्रदं वन्दे णाकाराय नमो नमः ॥ 7 ॥

यज्ञकर्त्रे यज्ञभर्त्रे यज्ञरूपाय ते नमः

सुज्ञानगोचरायाऽस्तु यकाराय नमो नमः ॥ 8 ॥

इति श्री नारायण अष्टाक्षरी स्तुतिः ।