namāmīśvaraṃ saccidānandarūpaṃ
lasatkuṇḍalaṃ gokule bhrājamānam |
yaśodābhiyolūkhalāddhāvamānaṃ
Verse 1
parāmṛṣṭamatyantato drutya gopyā || 1 ||
rudantaṃ muhurnetrayugmaṃ mṛjantaṃ
karāmbhojayugmena sātaṅkanetram |
muhuḥ śvāsakampatrirekhāṅkakaṇṭha-
Verse 2
sthitagraiva-dāmodaraṃ bhaktibaddham || 2 ||
itīdṛk svalīlābhirānandakuṇḍe
svaghoṣaṃ nimajjantamākhyāpayantam |
tadīyeṣitājñeṣu bhaktairjitatvaṃ
Verse 3
punaḥ prematastaṃ śatāvṛtti vande || 3 ||
varaṃ deva mokṣaṃ na mokṣāvadhiṃ vā
na cānyaṃ vṛṇe'haṃ vareṣādapīha |
idaṃ te vapurnātha gopālabālaṃ
Verse 4
sadā me manasyāvirāstāṃ kimanyaiḥ || 4 ||
idaṃ te mukhāmbhojamatyantanīlair-
vṛtaṃ kuntalaiḥ snigdha-raktaiśca gopyā |
muhuścumbitaṃ bimbaraktadharaṃ me
Verse 5
manasyāvirāstāṃ alaṃ lakṣalābhaiḥ || 5 ||
namo deva dāmodarānanta viṣṇo
prasīda prabho duḥkhajālābdhimagnam |
kṛpādṛṣṭivṛṣṭyātidīnaṃ batānu
Verse 6
gṛhāṇeśa māṃ ajñamedhyakṣidṛśyaḥ || 6 ||
kuberātmajau baddhamūrtyaiva yadvat
tvayā mocitau bhaktibhājau kṛtau ca |
tathā premabhaktiṃ svakaṃ me prayaccha
Verse 7
na mokṣe graho me'sti dāmodareha || 7 ||
namaste'stu dāmne sphuraddīptidhāmne
tvadīyodarāyātha viśvasya dhāmne |
namo rādhikāyai tvadīyapriyāyai
Verse 8
namo'nantalīlāya devāya tubhyam || 8 ||
iti śrīmadpadmapurāṇe śrī dāmodarāṣṭākaṃ sampūrṇam ||
Sanskrit — Devanagari (original)
नमामीश्वरं सच्चिदानन्दरूपं
लसत्कुण्डलं गोकुले भ्राजमानम् ।
यशोदाभियोलूखलाद्धावमानं
परामृष्टमत्यन्ततो द्रुत्य गोप्या ॥ 1 ॥
रुदन्तं मुहुर्नेत्रयुग्मं मृजन्तं
कराम्भोजयुग्मेन सातङ्कनेत्रम् ।
मुहुः श्वासकम्पत्रिरेखाङ्ककण्ठ-
स्थितग्रैव-दामोदरं भक्तिबद्धम् ॥ 2 ॥
इतीदृक् स्वलीलाभिरानन्दकुण्डे
स्वघोषं निमज्जन्तमाख्यापयन्तम् ।
तदीयेषिताज्ञेषु भक्तैर्जितत्वं
पुनः प्रेमतस्तं शतावृत्ति वन्दे ॥ 3 ॥
वरं देव मोक्षं न मोक्षावधिं वा
न चान्यं वृणेऽहं वरेषादपीह ।
इदं ते वपुर्नाथ गोपालबालं
सदा मे मनस्याविरास्तां किमन्यैः ॥ 4 ॥
इदं ते मुखाम्भोजमत्यन्तनीलैर्-
वृतं कुन्तलैः स्निग्ध-रक्तैश्च गोप्या ।
मुहुश्चुम्बितं बिम्बरक्तधरं मे
मनस्याविरास्तां अलं लक्षलाभैः ॥ 5 ॥
नमो देव दामोदरानन्त विष्णो
प्रसीद प्रभो दुःखजालाब्धिमग्नम् ।
कृपादृष्टिवृष्ट्यातिदीनं बतानु
गृहाणेश मां अज्ञमेध्यक्षिदृश्यः ॥ 6 ॥
कुबेरात्मजौ बद्धमूर्त्यैव यद्वत्
त्वया मोचितौ भक्तिभाजौ कृतौ च ।
तथा प्रेमभक्तिं स्वकं मे प्रयच्छ
न मोक्षे ग्रहो मेऽस्ति दामोदरेह ॥ 7 ॥
नमस्तेऽस्तु दाम्ने स्फुरद्दीप्तिधाम्ने
त्वदीयोदरायाथ विश्वस्य धाम्ने ।
नमो राधिकायै त्वदीयप्रियायै
नमोऽनन्तलीलाय देवाय तुभ्यम् ॥ 8 ॥
इति श्रीमद्पद्मपुराणे श्री दामोदराष्टाकं सम्पूर्णम् ॥