aparādhasahasrāṇi kriyante'harniśaṃ mayā |
Verse 1
dāso'yamiti māṃ matvā kṣamasva parameśvari || 1 ||
āvāhanaṃ na jānāmi na jānāmi visarjanam |
Verse 2
pūjāṃ caiva na jānāmi kṣamyatāṃ parameśvari || 2 ||
mantrahīnaṃ kriyāhīnaṃ bhaktihīnaṃ sureśvari |
Verse 3
yatpūjitaṃ mayā devi paripūrṇaṃ tadastu me || 3 ||
aparādhaśataṃ kṛtvā jagadambeti coccaret |
Verse 4
yāṃ gatiṃ samavāpnoti na tāṃ brahmādayaḥ surāḥ || 4 ||
sāparādho'smi śaraṇaṃ prāptastvāṃ jagadambike |
Verse 5
idānīmanukampyo'haṃ yathecchasi tathā kuru || 5 ||
ajñānādvismṛterbhrāntyā yannyūnamadhikaṃ kṛtam |
Verse 6
viparītaṃ ca tatsarvaṃ kṣamasva parameśvari || 6 ||
kāmeśvari jaganmātaḥ saccidānandavigrahe |
Verse 7
gṛhāṇārcāmimāṃ prītyā prasīda parameśvari || 7 ||
yadakṣarapadabhraṣṭaṃ mātrāhīnaṃ ca yadbhavet |
Verse 8
tatsarvaṃ kṣamyatāṃ devi prasīda parameśvari || 8 ||
guhyātiguhyagoptrī tvaṃ gṛhāṇāsmatkṛtaṃ japam |
Verse 9
siddhirbhavatu me devi tvatprasādānmaheśvari || 9 ||
sarvarūpamayī devī sarvaṃ devīmayaṃ jagat |
Verse 10
ato'haṃ viśvarūpāṃ tvāṃ namāmi parameśvarīm || 10 ||
iti aparādhakṣamāpaṇastotraṃ samāptam ||
Sanskrit — Devanagari (original)
अपराधसहस्राणि क्रियन्तेऽहर्निशं मया ।
दासोऽयमिति मां मत्वा क्षमस्व परमेश्वरि ॥ 1 ॥
आवाहनं न जानामि न जानामि विसर्जनम् ।
पूजां चैव न जानामि क्षम्यतां परमेश्वरि ॥ 2 ॥
मन्त्रहीनं क्रियाहीनं भक्तिहीनं सुरेश्वरि ।
यत्पूजितं मया देवि परिपूर्णं तदस्तु मे ॥ 3 ॥
अपराधशतं कृत्वा जगदम्बेति चोच्चरेत् ।
यां गतिं समवाप्नोति न तां ब्रह्मादयः सुराः ॥ 4 ॥
सापराधोऽस्मि शरणं प्राप्तस्त्वां जगदम्बिके ।
इदानीमनुकम्प्योऽहं यथेच्छसि तथा कुरु ॥ 5 ॥
अज्ञानाद्विस्मृतेर्भ्रान्त्या यन्न्यूनमधिकं कृतम् ।
विपरीतं च तत्सर्वं क्षमस्व परमेश्वरि ॥ 6 ॥
कामेश्वरि जगन्मातः सच्चिदानन्दविग्रहे ।
गृहाणार्चामिमां प्रीत्या प्रसीद परमेश्वरि ॥ 7 ॥
यदक्षरपदभ्रष्टं मात्राहीनं च यद्भवेत् ।
तत्सर्वं क्षम्यतां देवि प्रसीद परमेश्वरि ॥ 8 ॥
गुह्यातिगुह्यगोप्त्री त्वं गृहाणास्मत्कृतं जपम् ।
सिद्धिर्भवतु मे देवि त्वत्प्रसादान्महेश्वरि ॥ 9 ॥
सर्वरूपमयी देवी सर्वं देवीमयं जगत् ।
अतोऽहं विश्वरूपां त्वां नमामि परमेश्वरीम् ॥ 10 ॥
इति अपराधक्षमापणस्तोत्रं समाप्तम् ॥