Bhavani Ashtakam — Bengali Script

ন তাতো ন মাতা ন বন্ধুর্ন দাতা

ন পুত্রো ন পুত্রী ন ভৃত্যো ন ভর্তা

ন জাযা ন বিদ্যা ন বৃত্তির্মমৈব

গতিস্ত্বং গতিস্ত্বং ত্বমেকা ভবানি ॥ 1 ॥

ভবাব্ধাবপারে মহাদুঃখভীরু

পপাত প্রকামী প্রলোভী প্রমত্তঃ

কুসংসারপাশপ্রবদ্ধঃ সদাহং

গতিস্ত্বং গতিস্ত্বং ত্বমেকা ভবানি ॥ 2 ॥

ন জানামি দানং ন চ ধ্যানযোগং

ন জানামি তন্ত্রং ন চ স্তোত্রমন্ত্রম্

ন জানামি পূজাং ন চ ন্যাসযোগং

গতিস্ত্বং গতিস্ত্বং ত্বমেকা ভবানি ॥ 3 ॥

ন জানামি পুণ্যং ন জানামি তীর্থং

ন জানামি মুক্তিং লযং বা কদাচিত্

ন জানামি ভক্তিং ব্রতং বাপি মাতঃ

গতিস্ত্বং গতিস্ত্বং ত্বমেকা ভবানি ॥ 4 ॥

কুকর্মী কুসঙ্গী কুবুদ্ধিঃ কুদাসঃ

কুলাচারহীনঃ কদাচারলীনঃ

কুদৃষ্টিঃ কুবাক্যপ্রবন্ধঃ সদাহং

গতিস্ত্বং গতিস্ত্বং ত্বমেকা ভবানি ॥ 5 ॥

প্রজেশং রমেশং মহেশং সুরেশং

দিনেশং নিশীথেশ্বরং বা কদাচিত্

ন জানামি চান্যত্ সদাহং শরণ্যে

গতিস্ত্বং গতিস্ত্বং ত্বমেকা ভবানি ॥ 6 ॥

বিবাদে বিষাদে প্রমাদে প্রবাসে

জলে চানলে পর্বতে শত্রুমধ্যে

অরণ্যে শরণ্যে সদা মাং প্রপাহি

গতিস্ত্বং গতিস্ত্বং ত্বমেকা ভবানি ॥ 7 ॥

অনাথো দরিদ্রো জরারোগযুক্তো

মহাক্ষীণদীনঃ সদা জাড্যবক্ত্রঃ

বিপত্তৌ প্রবিষ্টঃ প্রনষ্টঃ সদাহং

গতিস্ত্বং গতিস্ত্বং ত্বমেকা ভবানি ॥ 8 ॥

॥ ইতি শ্রীমদাদিশঙ্করাচার্যবিরচিতং ভবান্যষ্টকং সম্পূর্ণম্ ॥

Roman (IAST) Transliteration

na tāto na mātā na bandhurna dātā

na putro na putrī na bhṛtyo na bhartā

na jāyā na vidyā na vṛttirmamaiva

gatistvaṃ gatistvaṃ tvamekā bhavāni || 1 ||

bhavābdhāvapāre mahāduḥkhabhīru

papāta prakāmī pralobhī pramattaḥ

kusaṃsārapāśaprabaddhaḥ sadāhaṃ

gatistvaṃ gatistvaṃ tvamekā bhavāni || 2 ||

na jānāmi dānaṃ na ca dhyānayogaṃ

na jānāmi tantraṃ na ca stotramantram

na jānāmi pūjāṃ na ca nyāsayogaṃ

gatistvaṃ gatistvaṃ tvamekā bhavāni || 3 ||

na jānāmi puṇyaṃ na jānāmi tīrthaṃ

na jānāmi muktiṃ layaṃ vā kadācit

na jānāmi bhaktiṃ vrataṃ vāpi mātaḥ

gatistvaṃ gatistvaṃ tvamekā bhavāni || 4 ||

kukarmī kusaṅgī kubuddhiḥ kudāsaḥ

kulācārahīnaḥ kadācāralīnaḥ

kudṛṣṭiḥ kuvākyaprabandhaḥ sadāhaṃ

gatistvaṃ gatistvaṃ tvamekā bhavāni || 5 ||

prajeśaṃ rameśaṃ maheśaṃ sureśaṃ

dineśaṃ niśītheśvaraṃ vā kadācit

na jānāmi cānyat sadāhaṃ śaraṇye

gatistvaṃ gatistvaṃ tvamekā bhavāni || 6 ||

vivāde viṣāde pramāde pravāse

jale cānale parvate śatrumadhye

araṇye śaraṇye sadā māṃ prapāhi

gatistvaṃ gatistvaṃ tvamekā bhavāni || 7 ||

anātho daridro jarārogayukto

mahākṣīṇadīnaḥ sadā jāḍyavaktraḥ

vipattau praviṣṭaḥ pranaṣṭaḥ sadāhaṃ

gatistvaṃ gatistvaṃ tvamekā bhavāni || 8 ||

|| iti śrīmadādiśaṅkarācāryaviracitaṃ bhavānyaṣṭakaṃ sampūrṇam ||

Sanskrit — Devanagari (original)

न तातो न माता न बन्धुर्न दाता

न पुत्रो न पुत्री न भृत्यो न भर्ता

न जाया न विद्या न वृत्तिर्ममैव

गतिस्त्वं गतिस्त्वं त्वमेका भवानि ॥ 1 ॥

भवाब्धावपारे महादुःखभीरु

पपात प्रकामी प्रलोभी प्रमत्तः

कुसंसारपाशप्रबद्धः सदाहं

गतिस्त्वं गतिस्त्वं त्वमेका भवानि ॥ 2 ॥

न जानामि दानं न च ध्यानयोगं

न जानामि तन्त्रं न च स्तोत्रमन्त्रम्

न जानामि पूजां न च न्यासयोगं

गतिस्त्वं गतिस्त्वं त्वमेका भवानि ॥ 3 ॥

न जानामि पुण्यं न जानामि तीर्थं

न जानामि मुक्तिं लयं वा कदाचित्

न जानामि भक्तिं व्रतं वापि मातः

गतिस्त्वं गतिस्त्वं त्वमेका भवानि ॥ 4 ॥

कुकर्मी कुसङ्गी कुबुद्धिः कुदासः

कुलाचारहीनः कदाचारलीनः

कुदृष्टिः कुवाक्यप्रबन्धः सदाहं

गतिस्त्वं गतिस्त्वं त्वमेका भवानि ॥ 5 ॥

प्रजेशं रमेशं महेशं सुरेशं

दिनेशं निशीथेश्वरं वा कदाचित्

न जानामि चान्यत् सदाहं शरण्ये

गतिस्त्वं गतिस्त्वं त्वमेका भवानि ॥ 6 ॥

विवादे विषादे प्रमादे प्रवासे

जले चानले पर्वते शत्रुमध्ये

अरण्ये शरण्ये सदा मां प्रपाहि

गतिस्त्वं गतिस्त्वं त्वमेका भवानि ॥ 7 ॥

अनाथो दरिद्रो जरारोगयुक्तो

महाक्षीणदीनः सदा जाड्यवक्त्रः

विपत्तौ प्रविष्टः प्रनष्टः सदाहं

गतिस्त्वं गतिस्त्वं त्वमेका भवानि ॥ 8 ॥

॥ इति श्रीमदादिशङ्कराचार्यविरचितं भवान्यष्टकं सम्पूर्णम् ॥