Siddhi Vinayaka Stotram — Telugu Script

Meaning —

విఘ్నేశ విఘ్నచయఖణ్డననామధేయ
శ్రీశఙ్కరాత్మజ సురాధిపవన్ద్యపాద ।
దుర్గామహావ్రతఫలాఖిలమఙ్గలాత్మన్
విఘ్నం మమాపహర సిద్ధివినాయక త్వమ్ ॥ 1 ॥

vighneśa vighnacayakhaṇḍananāmadheya
śrīśaṅkarātmaja surādhipavandyapāda |
durgāmahāvrataphalākhilamaṅgalātman
vighnaṃ mamāpahara siddhivināyaka tvam || 1 ||

Verse 2

సత్పద్మరాగమణివర్ణశరీరకాన్తిః
శ్రీసిద్ధిబుద్ధిపరిచర్చితకుఙ్కుమశ్రీః ।
వక్షఃస్థలే వలయితాతిమనోజ్ఞశుణ్డో
విఘ్నం మమాపహర సిద్ధివినాయక త్వమ్ ॥ 2 ॥

satpadmarāgamaṇivarṇaśarīrakāntiḥ
śrīsiddhibuddhiparicarcitakuṅkumaśrīḥ |
vakṣaḥsthale valayitātimanojñaśuṇḍo
vighnaṃ mamāpahara siddhivināyaka tvam || 2 ||

Verse 3

పాశాఙ్కుశాబ్జపరశూంశ్చ దధచ్చతుర్భి-
-ర్దోర్భిశ్చ శోణకుసుమస్రగుమాఙ్గజాతః ।
సిన్దూరశోభితలలాటవిధుప్రకాశో
విఘ్నం మమాపహర సిద్ధివినాయక త్వమ్ ॥ 3 ॥

pāśāṅkuśābjaparaśūṃśca dadhaccaturbhi-
-rdorbhiśca śoṇakusumasragumāṅgajātaḥ |
sindūraśobhitalalāṭavidhuprakāśo
vighnaṃ mamāpahara siddhivināyaka tvam || 3 ||

Verse 4

కార్యేషు విఘ్నచయభీతవిరిఞ్చముఖ్యైః
సమ్పూజితః సురవరైరపి మోదకాద్యైః ।
సర్వేషు చ ప్రథమమేవ సురేషు పూజ్యో
విఘ్నం మమాపహర సిద్ధివినాయక త్వమ్ ॥ 4 ॥

kāryeṣu vighnacayabhītaviriñcamukhyaiḥ
sampūjitaḥ suravarairapi modakādyaiḥ |
sarveṣu ca prathamameva sureṣu pūjyo
vighnaṃ mamāpahara siddhivināyaka tvam || 4 ||

Verse 5

శీఘ్రాఞ్చనస్ఖలనతుఙ్గరవోర్ధ్వకణ్ఠ-
-స్థూలేన్దురుద్రగణహాసితదేవసఙ్ఘః ।
శూర్పశ్రుతిశ్చ పృథువర్తులతుఙ్గతున్దో
విఘ్నం మమాపహర సిద్ధివినాయక త్వమ్ ॥ 5 ॥

śīghrāñcanaskhalanatuṅgaravordhvakaṇṭha-
-sthūlendurudragaṇahāsitadevasaṅghaḥ |
śūrpaśrutiśca pṛthuvartulatuṅgatundo
vighnaṃ mamāpahara siddhivināyaka tvam || 5 ||

Verse 6

యజ్ఞోపవీతపదలమ్భితనాగరాజ
మాసాదిపుణ్యదదృశీకృతృక్షరాజః ।
భక్తాభయప్రద దయాలయ విఘ్నరాజ
విఘ్నం మమాపహర సిద్ధివినాయక త్వమ్ ॥ 6 ॥

yajñopavītapadalambhitanāgarāja
māsādipuṇyadadṛśīkṛtṛkṣarājaḥ |
bhaktābhayaprada dayālaya vighnarāja
vighnaṃ mamāpahara siddhivināyaka tvam || 6 ||

Verse 7

సద్రత్నసారతతిరాజితసత్కిరీటః
కౌసుమ్భచారువసనద్వయ ఊర్జితశ్రీః ।
సర్వత్రమఙ్గలకరస్మరణప్రతాపో
విఘ్నం మమాపహర సిద్ధివినాయక త్వమ్ ॥ 7 ॥

sadratnasāratatirājitasatkirīṭaḥ
kausumbhacāruvasanadvaya ūrjitaśrīḥ |
sarvatramaṅgalakarasmaraṇapratāpo
vighnaṃ mamāpahara siddhivināyaka tvam || 7 ||

Verse 8

దేవాన్తకాద్యసురభీతసురార్తిహర్తా
విజ్ఞానబోధనవరేణ తమోఽపహర్తా ।
ఆనన్దితత్రిభువనేశ కుమారబన్ధో
విఘ్నం మమాపహర సిద్ధివినాయక త్వమ్ ॥ 8 ॥

devāntakādyasurabhītasurārtihartā
vijñānabodhanavareṇa tamo'pahartā |
ānanditatribhuvaneśa kumārabandho
vighnaṃ mamāpahara siddhivināyaka tvam || 8 ||

ఇతి శ్రీముద్గలపురాణే శ్రీసిద్ధివినాయక స్తోత్రం సమ్పూర్ణమ్ ।

Sanskrit — Devanagari (original)

विघ्नेश विघ्नचयखण्डननामधेय

श्रीशङ्करात्मज सुराधिपवन्द्यपाद ।

दुर्गामहाव्रतफलाखिलमङ्गलात्मन्

विघ्नं ममापहर सिद्धिविनायक त्वम् ॥ 1 ॥

सत्पद्मरागमणिवर्णशरीरकान्तिः

श्रीसिद्धिबुद्धिपरिचर्चितकुङ्कुमश्रीः ।

वक्षःस्थले वलयितातिमनोज्ञशुण्डो

विघ्नं ममापहर सिद्धिविनायक त्वम् ॥ 2 ॥

पाशाङ्कुशाब्जपरशूंश्च दधच्चतुर्भि-

-र्दोर्भिश्च शोणकुसुमस्रगुमाङ्गजातः ।

सिन्दूरशोभितललाटविधुप्रकाशो

विघ्नं ममापहर सिद्धिविनायक त्वम् ॥ 3 ॥

कार्येषु विघ्नचयभीतविरिञ्चमुख्यैः

सम्पूजितः सुरवरैरपि मोदकाद्यैः ।

सर्वेषु च प्रथममेव सुरेषु पूज्यो

विघ्नं ममापहर सिद्धिविनायक त्वम् ॥ 4 ॥

शीघ्राञ्चनस्खलनतुङ्गरवोर्ध्वकण्ठ-

-स्थूलेन्दुरुद्रगणहासितदेवसङ्घः ।

शूर्पश्रुतिश्च पृथुवर्तुलतुङ्गतुन्दो

विघ्नं ममापहर सिद्धिविनायक त्वम् ॥ 5 ॥

यज्ञोपवीतपदलम्भितनागराज

मासादिपुण्यददृशीकृतृक्षराजः ।

भक्ताभयप्रद दयालय विघ्नराज

विघ्नं ममापहर सिद्धिविनायक त्वम् ॥ 6 ॥

सद्रत्नसारततिराजितसत्किरीटः

कौसुम्भचारुवसनद्वय ऊर्जितश्रीः ।

सर्वत्रमङ्गलकरस्मरणप्रतापो

विघ्नं ममापहर सिद्धिविनायक त्वम् ॥ 7 ॥

देवान्तकाद्यसुरभीतसुरार्तिहर्ता

विज्ञानबोधनवरेण तमोऽपहर्ता ।

आनन्दितत्रिभुवनेश कुमारबन्धो

विघ्नं ममापहर सिद्धिविनायक त्वम् ॥ 8 ॥

इति श्रीमुद्गलपुराणे श्रीसिद्धिविनायक स्तोत्रं सम्पूर्णम् ।

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

సిద్ధి వినాయక స్తోత్రమ్