Shri Lalita Hridayam — Tamil Script

அதஶ்ரீலலிதாஹ்ரு'தயஸ்தோத்ரம் ॥

ஶ்ரீலலிதாம்பிகாயை நமஃ ।

தேவ்யுவாச ।

தேவதேவ மஹாதேவ ஸச்சிதாநந்தவிக்ரஹா ।

ஸுந்தர்யாஹ்ரு'தயம் ஸ்தோத்ரம் பரம் கௌதூஹலம் விபோ ॥ 1॥

ஈஶ்வரௌவாச ।

ஸாது ஸாதுத்வயா ப்ராஜ்ஞே லோகாநுக்ரஹகாரகம் ।

ரஹஸ்யமபிவக்ஷ்யாமி ஸாவதாநமநாஃஶ‍ரு'ணு ॥ 2॥

ஶ்ரீவித்யாம் ஜகதாம் தாத்ரீம் ஸர்க்கஸ்திதிலயேஶ்வரீம் ।

நமாமிலலிதாம் நித்யாம் பக்தாநாமிஷ்டதாயிநீம் ॥ 3॥

பிந்துத்ரிகோணஸம்யுக்தம் வஸுகோணஸமந்விதம் ।

தஶகோணத்வயோபேதம் சதுர்த்தஶ ஸமந்விதம் ॥ 4॥

தலாஷ்டகேஸரோபேதம் தலஷோடஶகாந்விதம் ।

வ்ரு'த்தத்ரயயாந்விதம்பூமிஸதநத்ரயபூஷிதம் ॥ 5॥

நமாமி லலிதாசக்ரம் பக்தாநாமிஷ்டதாயகம் ।

அம்ரு'தாம்போநிதிந்தத்ர ரத்நத்வீபம் நமாம்யஹம் ॥ 6॥

நாநாவ்ரு'க்ஷமஹோத்யாநம் வந்தேஹம் கல்பவாடிகாம் ।

ஸந்தாநவாடிகாம்வந்தே ஹரிசந்தநவாடிகாம் ॥ 7॥

மந்தாரவாடிகாம் பாரிஜாதவாடீம் முதா பஜே ।

நமாமிதவ தேவேஶி கதம்பவநவாடிகாம் ॥ 8॥

புஷ்யராகமஹாரத்நப்ராகாரம் ப்ரணமாம்யஹம் ।

பத்மராகாதிமணிபிஃப்ராகாரம் ஸர்வதா பஜே ॥ 9॥

கோமேதரத்நப்ராகாரம் வஜ்ரப்ராகாரமாஶ்ரயே ।

வைடூர்யரத்நப்ராகாரம்ப்ரணமாமி குலேஶ்வரீ ॥ 10॥

இந்த்ரநீலாக்யரத்நாநாம் ப்ராகாரம் ப்ரணமாம்யஹம் ।

முக்தாபலமஹாரத்நப்ராகாரம்ப்ரணமாம்யஹம் ॥ 11॥

மரதாக்யமஹாரத்நப்ராகாராய நமோநமஃ ।

வித்ருமாக்யமஹாரத்நப்ராகாரம்ப்ரணமாம்யஹம் ॥ 12॥

மாணிக்யமண்டபம் ரத்நஸஹஸ்ரஸ்தம்பமண்டபம் ।

லலிதே!தவதேவேஶி பஜாம்யம்ரு'தவாபிகாம் ॥ 13॥

ஆநந்தவாபிகாம் வந்தேவிமர்ஶவாபிகாம் பஜே ।

பஜேபாலாதபோல்காரம் சந்த்ரிகோகாரிகாம் பஜே ॥ 14॥

மஹாஶ‍ரு'ங்காரபரிகாம் மஹாபத்மாடவீம் பஜே ।

சிந்தாமணிமஹாரத்நக்ரு'ஹராஜம் நமாம்யஹம் ॥ 15॥

பூர்வாந்நாயமயம் பூர்வ்வத்வாரம் தேவி நமாம்யஹம் ।

தக்ஷிணாந்நாயரூபந்தேதக்ஷிணத்வாரமாஶ்ரயே ॥ 16॥

நமாமி பஶ்சிமத்வாரம் பஶ்சிமாம்நாய ரூபகம் ।

வந்தேஹமுத்தரத்வாரமுத்தராம்நாயரூபகம் ॥ 17॥

ஊர்த்த்வாம்நாயமயம் வந்தே ஹ்யூர்த்தத்வாரம் குலேஶ்வரி ।

லலிதேதவ தேவேஶி மஹாஸிம்ஹாஸநம் பஜே ॥ 18॥

ப்ரஹ்மாத்மகம் மஞ்சபாதமேகம் தவ நமாம்யஹம் ।

ஏகம்விஷ்ணுமயம் மஞ்சபாதமந்யம் நமாம்யஹம் ॥ 19॥

ஏகம் ருத்ரமயம் மஞ்சபாதமந்யம் நமாம்யஹம் ।

மஞ்சபாதம்மமாம்யேகம் தவ தேவீஶ்வராத்மகம் ॥ 20॥

மஞ்சைகபலகம் வந்தே ஸதாஶிவமயம் ஶுபம் ।

நமாமிதேஹம்ஸதூலதல்பகம் பரமேஶ்வரீ! ॥ 21॥

நமாமிதே ஹம்ஸதூலமஹோபாதாநமுத்தமம் ।

கௌஸ்துபாஸ்தரணம்வந்தே தவ நித்யம் குலேஶ்வரீ ॥ 22॥

மஹாவிதாநிகாம் வந்தே மஹாயவிநிகாம் பஜே ।

ஏவம் பூஜாக்ரு'ஹம் த்யாத்வா ஶ்ரீசக்ரே ஶ்ரீஶிவாம் பஜே ॥ 23॥

ஸ்வதக்ஷிணே ஸ்தாபயாமி பாகே புஷ்பாக்ஷதாதிகாந் ।

அமிதாம்ஸ்தேமஹாதேவி தீபாந் ஸந்தர்ஶயாம்யஹம் ॥ 24॥

மூலேந த்ரிபுராசக்ரம் தவ ஸம்பூஜ்யயாம்யஹம் ।

த்ரிபிஃகண்டைஸ்தவக்யாதைஃ பூஜயாமி மஹேஶ்வரி! ॥ 25॥

வாய்வக்நி ஜலஸம்யுக்தம் ப்ராணாயாமைரஹம் ஶிவை ।

ஶோஷாணாந்தாஹநம் சைவ கரோமி ப்லாவநம் ததா ॥ 26॥

த்ரிவாரம் மூலமந்த்ரேண ப்ராணாயாமம் கரோம்யஹம் ।

பாஷண்டகாரிணோபூதா பூமௌயே சாந்தரிக்ஷகே ॥ 27॥

கரோம்யநேந மந்த்ரேண தாலத்ரயமஹம் ஶிவே ।

நாராயணோऽஹம்ப்ரஹ்மாஹம் பைரவோऽஹம் ஶிவோஸ்ம்யஹம் ॥ 28॥

தேவோஹம் பரமாநந்தோऽஸ்ம்யஹம் த்ரிபுரஸுந்தரி ।

த்யாத்வாவை வஜ்ரகவசம் ந்யாஸம் தவ கரோம்யஹம் ॥ 29॥

குமாரீபீஜஸம்யுக்தம் மஹாத்ரிபுரஸுந்தரி! ।

மாம்ரக்ஷரக்ஷேதி ஹ்ரு'தி கரோம்யஜ்ஞலிமீஶ்வரி! ॥ 30॥

மஹாதேவ்யாஸநாயேதி ப்ரகரோம்யாஸநம் ஶிவே ।

சக்ராஸநந்நமஸ்யாமி ஸர்வமந்த்ராஸநம் ஶிவே ॥ 31॥

ஸாத்த்யஸித்தாஸநம் மந்த்ரைரேபிர்யுக்தம் மஹேஶ்வரி ।

கரோம்யஸ்மிஞ்சக்ரமந்த்ரைர்தேவதாஸநமுத்தமம் ॥ 32॥

கரோம்யத ஷடங்காக்யம் மாத்ரு'காம் ச கலாம் ந்யஸே ।

ஶ்ரீகண்டங்கேஶவம் சைவ ப்ரபஞ்சம் யோகமாத்ரு'காம் ॥ 33॥

தத்த்வந்யாஸம் ததஃ கூர்வ்வே சதுஷ்பீடம் யதாசரே ।

லகுஷோடாந்ததஃ கூர்வ்வே ஶக்திந்யாஸம் மஹோத்தமம் ॥ 34॥

பீடந்யாஸம் ததஃ குர்வே தேவதாவாஹநம் ப்ரியே ।

குங்குமந்யாஸகஞ்சைவ சக்ரந்யாஸமதாசரே ॥ 35॥

சக்ரந்யாஸம் ததஃ குர்வ்வே ந்யாஸம் காமகலாத்வயம் ।

ஷோடஶார்ண்ணமஹாமந்த்ரைரங்கந்யாஸங்கரோம்யஹம் ॥ 36॥

மஹாஷோடாம் ததஃ குர்வ்வே ஶாம்பவம் ச மஹாப்ரியே ।

ததோமூலம்ப்ரஜப்த்வாத பாதுகாஞ்ச ததஃ பரம் ॥ 37॥

குரவே ஸம்யகர்ச்யாத தேவதாம் ஹ்ரு'திஸம்பஜே ।

கரோமிமண்டலம் வ்ரு'த்தம் சதுரஶ்ரம் ஶிவப்ரியே ॥ 38॥

புஷ்பைரப்யர்ச்ச்யஸாதாரம் ஶங்கம் ஸம்பூஜயாமஹம் ।

அர்ச்சயாமிஷடங்கேந ஜலமாபூரயாம்யஹம் ॥ 39॥

ததாமி சாதிமம் பிந்தும் குர்வே மூலாபிமந்த்ரிதம் ।

தஜ்ஜலேநஜகந்மாதஸ்த்ரிகோணம் வ்ரு'த்தஸம்யுதம் ॥ 40॥

ஷல்கோணம் சதுரஶ்ரஞ்ச மண்டலம் ப்ரணமாம்யஹம் ।

வித்யயாபூஜயாமீஹ த்ரிகண்டேந து பூஜநம் ॥ 41॥

பீஜேநவ்ரு'த்தஷல்கோணம் பூஜயாமி தவப்ரியே ।

தஸ்மிந்தேவீகலாத்மாநாம் மணிமண்டலமாஶ்ரயே ॥ 42॥

தூம்ரார்ச்சிஷம் நமஸ்யாமி ஊஷ்மாம் ச ஜ்வலநீம் ததா ।

ஜ்வாலிநீஞ்ச நமஸ்யாமி வந்தேஹம் விஸ்புலிங்கிநீம் ॥ 43॥

ஸுஶ்ரியம் ச ஸுரூபாஞ்சகம்பிலாம் ப்ரணமாம்யஹம் ।

நௌமிஹவ்யவஹாம் நித்யாம் பஜே கவ்யவஹாம் கலாம் ॥ 44॥

ஸூர்யாக்நிமண்டலாம் தத்ர ஸகலாத்வாதஶாத்மகம் ।

அர்க்யபாத்யமஹந்தத்ர தபிநீம் தாபிநீம் பஜே ॥ 45॥

தூம்ராம் மரீசீம் வந்தேஹம் ஜ்வாலிநீம் மருஹம் பஜே ।

ஸுஷும்நாம்போகதாம் வந்தே பஜே விஶ்வாம் ச போதிநீம் ॥ 46॥

தாரிணீம் ச க்ஷமாம் வந்தே ஸௌரீரேதாஃ கலாபஜே ।

ஆஶ்ரயேமண்மலம் சாந்த்ரம் தல்கலாஷோடஶாத்மகம் ॥ 47॥

அம்ரு'தாம் மாநதாம் வந்தே பூஷாம் துஷ்டீம் பஜாம்யஹம் ।

புஷ்டிம்பஜே மஹாதேவி பஜேऽஹம் ச ரதிம் த்ரு'திம் ॥ 48॥

ரஶநிம் சந்த்ரிகாம் வந்தே காந்தீம் ஜோத்ஸநா ஶ்ரியம் பஜே ।

நேஔமிப்ரீதிஞ்சாகததாஞ்சபூர்ண்ணிமாமம்ரு'தாம்பஜே ॥ 49॥

த்ரிகோணலேகநம் குர்வ்வே ஆகாராதிஸுரேககம் ।

ஹலக்ஷவர்ண்ணஸம்யுக்தம்ஸ்பீதம் தம் ஹம்ஸபாஸ்கரம் ॥ 50॥

வாக்காமஶக்தி ஸம்யுக்தம் ஹம்ஸமாராதயாம்யஹம் ।

வ்ரு'த்தாத்பஹிஃஷடஶ்ரஸ்யலேகநம் ப்ரகரோம்யஹம் ॥ 51॥

புரதோக்ந்யாதிஷல்க़ஓணம் கககேநார்ச்சயாம்யஹம் ।

ஶ்ரீவித்யயாஸப்தவாரம் கரோம்யத்ராபி மந்த்ரிதம் ॥ 52॥

ஸமர்ப்பயாமி தேவேஶி தஸ்மாத் கந்தாக்ஷதாதிகம் ।

த்யாயாமிபூஜாத்ரவ்யேஷு தத் ஸர்வம் வித்யயாயுதம் ॥ 53॥

சதுர்ந்நவதிஸந்மந்த்ராந் ஸ்ப்ரு'ஷ்ட்வா தத் ப்ரஜபாம்யஹம் ।

வஹ்நேர்த்தஶகலாஃஸூர்யகலாத்வாதஶகம் பஜே ॥ 54॥

ஆஶ்ரயே ஶோடஷகலாஸ்தத்ர சந்த்ரமஸஸ்ததா ।

ஸ்ரு'ஷ்டிம்வ்ரு'த்திம் ஸ்ம்ரு'திம் வந்தே மேதாம் காந்தீம் ததைவ ச ॥ 55॥

லக்ஷ்மீம் த்யுதிம் ஸ்திதாம் வந்தே ஸ்திதிம் ஸித்திம் பஜாம்யஹம் ।

ஏதாப்ரஹ்மகலாவந்தே ஜராந்தாம் பாலிநீம் பஜே ॥ 56॥

ஶாந்திம் நமாமீஶ்வரீம் ச ரதீம் வந்தே ச காரிகாம் ।

வரதாம்ஹ்லாதிநீம் வந்தே ப்ரீதிம் தீர்காம் பஜாபம்யஹம் ॥ 57॥

ஏதா விஷ்ணுஅகலாவந்தே தீக்ஷணாம் ரௌத்ரிம் பயாம் பஜே ।

நித்ராந்தந்த்ரீம் க்ஷுதாம் வந்தே நமாமி க்ரோதிநீம் க்ரியாம் ॥ 58॥

உல்காரீம் ம்ரு'த்யுரூபாம் ச ஏதா ருத்ரகலா பஜே ।

நீலாம்பீதாம் பஜே ஶ்வேதாம் வந்தேஹமருணாம் கலாம் ॥ 59॥

அநந்தக்யாம் கலாஞ்சேதி ஈஶ்வரஸ்ய கலாபஜே ।

நிவ்ரு'த்திஞ்சப்ரதிஷ்டாஞ்சவித்யாம்ஶாந்திம் பஜாம்யஹம் ॥ 60॥

ரோதிகாம் தீபிகாம் வந்தே ரேசிகாம் மோசிகாம் பஜே ।

பராம்ஸூக்ஷாம்ரு'தாம் ஸூக்ஷாம் ப்ரணாமி குலேஶ்வரி! ॥ 61॥

ஜ்ஞாநாக்யாஞ்சநமஸ்யாமி நௌமிஜ்ஞாநாம்ரு'தாம் கலாம் ।

ஆப்யாயிநீம்வ்யாபிநீம் ச மோதிநீம் ப்ரணமாம்யஹம் ॥ 62॥

கலாஃ ஸதாஶிவஸ்யைதாஃ ஷோடஶ ப்ரணமாம்யஹம் ।

விஷ்ணுயோநிந்நமஸ்யாமி மூலவித்யாம் நமாம்யஹம் ॥ 63॥

த்ரையம்பகம் நமஸ்யாமி தத்விஷ்ணும் ப்ரணமாம்யஹம் ।

விஷ்ணுயோநிம்நமஸ்யாமி மூலவித்யாம் நமாம்யஹம் ॥ 64॥

அம்ரு'தம் மந்த்ரிதம் வந்தே சதுர்ந்நவதிபிஸ்ததா ।

அகண்டைகரஸாநந்தகரேபரஸுதாத்மநி ॥ 65॥

ஸ்வச்சந்தஸ்பபுரணம் மந்த்ரம் நீதேஹி குலரூபிணி ।

அகுலஸ்தாம்ரு'தாகாரேஸித்திஜ்ஞாநகரேபரே ॥ 66॥

அம்ரு'தம் நிதேஹ்யஸ்மிந் வஸ்துநிக்லிந்நரூபிணி ।

தத்ரூபாணேகரஸ்யத்வங்க்ரு'த்வாஹ்யேதத்ஸ்வரூபிணி ॥ 67॥

பூத்வா பராம்ரு'தாகாரமயி சித் ஸ்புரணம் குரு ।

ஏபிர்ம்மநூத்தமைர்வந்தேமந்த்ரிதம் பரமாம்ரு'தம் ॥ 68॥

ஜோதிம்மயமிதம் வந்தே பரமர்க்யஞ்ச ஸுந்தரி ।

தத்விந்துபிர்மேஶிரஸி குரும் ஸந்தர்ப்பயாம்யஹம் ॥ 69॥

ப்ரஹ்மாஸ்மிந் தத்விந்தும் குண்டலிந்யாம் ஜுஹோம்யஹம் ।

ஹ்ரு'ச்சக்ரஸ்தாம்-மஹாதேவீம்மஹாத்ரிபுரஸுந்தரீம் ॥ 70॥

நிரஸ்தமோஹதிமிராம் ஸாக்ஷாத் ஸம்வித்ஸ்வரூபிணீம் ।

நாஸாபுடாத்பரகலாமதநிர்க்கமயாம்யஹம் ॥ 71॥

நமாமியோநிமத்த்யாஸ்தாம் த்ரிகண்டகுஸுமாம்ஞ்ஜலிம் ।

ஜகந்மாதர்மஹாதேவியந்த்ரேத்வாம் ஸ்தாபயாம்யஹம் ॥ 72॥

ஸுதாசைதந்யமூர்த்தீம் தே கல்பயாமிமநும் தவ ।

அநேநதேவிமந்த்ரயந்த்ரேத்வாம் ஸ்தாபயாம்யஹம் ॥ 73॥

மஹாபத்மவநாந்தஸ்தே காரணாநந்தவிக்ரஹே ।

ஸர்வபூதஹிதேமாதரேஹ்யபி பரமேஶ்வரி ॥ 74॥

தேவேஶீ பக்தஸுலபே ஸர்வாபரணபூஷிதே ।

யாவத்வம்பூஜயாமீஹதாவத்த்வம் ஸுஸ்திராபவ ॥ 75॥

அநேந மந்த்ரயுக்மேந த்வாமத்ராவாஹயாம்யஹம் ।

கல்பயாமிநமஃ பாதமர்க்யம் தே கல்பயாம்யஹம் ॥ 76॥

கந்ததைலாப்யஞ்ஜநஞ்சமஜ்ஜஶாலாப்ரவேஶம் ।

கல்பயாமிநமஸ்தஸ்மை மணிபீடோப்ரவேஶநம் ॥ 77॥

திவ்யஸ்நாநீயமீஶாநி க்ரு'ஹாணோத்வர்த்தநம் ஶுபே ।

க்ரு'ஹாணோஷ்ணாதகஸ்நாநங்கல்பயாம்யபிஷேசநம் ॥ 78॥

ஹேமகும்பாயுதைஃ ஸ்நிக்த்தைஃ கல்பயாம்யபிஷேசநம் ।

கல்பயாமிநமஸ்துப்யம் தேஔதேந பரிமார்ஜ்ஜநம் ॥ 79॥

பாலபாநு ப்ரதீகாஶம் துகூலம் பரிதாநகம் ।

அருணேநதுகுலேநோத்தரீயம் கல்பயாம்யஹம் ॥ 80॥

ப்ரவேஶநம் கல்பயாமி ஸர்வாங்காநி விலேபநம் ।

நமஸ்தேகல்பயாம்யத்ர மணிபீடோபவேஶநம் ॥ 81॥

அஷ்டகந்தைஃ கல்பயாமி தவலேகநமம்பிகே ।

காலாகருமஹாதூபங்கல்பயாமி நமஶ்ஶிவே ॥ 82॥

மல்லிகாமாலாதீஜாதி சம்பகாதி மநோரமைஃ ।

அர்ச்சிதாங்குஸுமைர்ம்மாலாம் கல்பயாமி நமஶ்ஶிவே ॥ 83॥

ப்ரவேஶநம் கல்பயாமி நமோ பூஷணமண்டபே ।

உபவேஶ்யம்ரத்நபீடே தத்ரதே கல்பயாம்யஹம் ॥ 84॥

நவமாணிக்யமகுடம் தத்ரதே கல்பயாம்யஹம் ।

ஶரச்சந்த்ரநிபம்யுக்தம் தச்சந்த்ரஶகலம் தவ ॥ 85॥

தத ஸீமந்தஸிந்தூரம் கஸ்தூரீதிலகம் தவ ।

காலாஜ்ஞநங்கல்பயாமி பாலீயுகலமுத்தமம் ॥ 86॥

மணிகுண்டலயுக்மஞ்ச நாஸாபரணமீஶ்வரீ! ।

தாடங்கயுகலந்தேவி லலிதே தாரயாம்யஹம் ॥ 87॥

அதாத்யாம் பூஷணம் கண்டே மஹாசிந்தாகமுத்தமம் ।

பதகந்தே கல்பயாமி மஹாபதகமுத்தமம் ॥ 88॥

முக்தாவலீம் கல்பயாமி சைகாவலி ஸமந்விதாம் ।

சந்நவீரஞ்சகேயூரயுகலாநாம் சதுஷ்டயம் ॥ 89॥

வலயாவலிமாலாநீம் சோர்மிகாவலிமீஶ்வரி ।

காஞ்சீதாமகடீஸூத்ரம்ஸௌபக்யாபரணம் ச தே ॥ 90॥

த்ரிபுரே பாதகடகம் கல்பயே ரத்நநூபுரம் ।

பாதாங்குலீயகந்துப்யம் பாஶமேகம் கரேதவ ॥ 91॥

அந்யே கரேங்குஶம் தேவி பூண்ட்ரேக்ஷுதநுஷம் தவ ।

அபரேபுஷ்பபாணஞ்ச ஶ்ரீமந்மாணிக்யபாதுகே ॥ 92॥

ததாவரண தேவேஶி மஹாமஞ்சாதிரோஹணம் ।

காமேஶ்வராங்கபர்யங்கமுபவேஶநமுத்தமம் ॥ 93॥

ஸுதயா பூர்ண்ணசஷகம் ததஸ்தத் பாநமுத்தமம் ।

கர்ப்பூரவீடிகாந்துப்யம் கல்பயாமி நமஃ ஶிவே ॥ 94॥

ஆநந்தோல்லாஸவிலஸத்தம்ஸம் தே கல்பயாம்யஹம் ।

மங்கலாராத்ரிகம்வந்தே சத்ரம் தே கல்பயாம்யஹம் ॥ 95॥

சாமரம் யூகலம் தேவிதர்ப்பணம் கல்பயாம்யஹம் ।

தாலவ்ரிந்தங்கல்பயாமிகந்தபுஷ்பாக்ஷதைரபி ॥ 96॥

தூபம் தீபஶ்சநைவேத்யம் கல்பயாமி ஶிவப்ரியே ।

அதாஹம்பைந்தவே சக்ரே ஸர்வாநந்தமயாத்மகே ॥ 97॥

ரத்நஸிம்ஹாஸநே ரம்யே ஸமாஸீநாம் ஶிவப்ரியாம் ।

உத்யத்பாநுஸஹஸ்ராபாஞ்ஜபாபுஷ்பஸமப்ரபாம் ॥ 98॥

நவரத்நப்ரபாயுக்தமகுடேந விராஜிதாம் ।

சந்த்ரரேகாஸமோபேதாங்கஸ்தூரிதிலகாங்கிதாம் ॥ 99॥

காமகோதண்டஸௌந்தர்யநிர்ஜ்ஜிதப்ரூலதாயுதாம் ।

அஞ்ஜநாஞ்சிதநேத்ராந்துபத்மபத்ரநிபேஷணாம் ॥ 100॥

மணிகுண்டலஸம்யுக்த கர்ண்ணத்வயவிராஜிதாம் ।

தாம்பூலபூரிதமுகீம்ஸுஸ்மிதாஸ்யவிராஜிதாம் ॥ 101॥

ஆத்யபூஷணஸம்யுக்தாம் ஹேமசிந்தாகஸம்யுதாம் ।

பதகேநஸமோபேதாம் மஹாபதகஸம்யுதாம் ॥ 102॥

முக்தாபலஸமோபேதாமேகாவலிஸமந்விதாம் ।

கௌஸுபாங்கதஸம்யுக்தசதுர்பாஹுஸமந்விதாம் ॥ 103॥

அஷ்டகந்தஸமோபேதாம் ஶ்ரீசந்தநவிராஜிதாம் ।

ஹேமகும்போபமப்ரக்யஸ்தநத்வந்தவிராஜிதாம் ॥ 104॥

ரக்தவஸ்த்ரபரீதாநாம் ரக்தகஞ்சுகஸம்யுதாம் ।

ஸூக்ஷ்மரோமாவலியுக்ததநுமத்த்யவிராஜிதாம் ॥ 105॥

முக்தாமாணிக்யகசித காஞ்சீயுதநிதம்பநீம் ।

ஸதாஶிவாஙகஸ்தப்ரு'ஹந்மஹாஜகநமண்டலாம் ॥ 106॥

கதலிஸ்தம்பஸம்ராஜதூருத்வயவிராஜிதாம் ।

கபாலீகாந்திஸங்காஶஜங்காயுகலஶோபிதாம் ॥ 107॥

க்ரூடகுல்பத்வேயோபேதாம் ரக்தபாதஸமந்விதாம் ।

ப்ரஹ்மவிஷ்ணுமஹேஶாதிகிரீடஸ்பூர்ஜ்ஜிதாங்க்ரிகாம் ॥ 108॥

காந்த்யா விராஜிதபதாம் பக்தத்ராண பராயணாம் ।

இக்ஷுகார்முகபுஷ்பேஷுபாஶாங்குஶதராம்ஶுபாம் ॥ 109॥

ஸம்வித்ஸ்வரூபிணீம் வந்தே த்யாயாமி பரமேஶ்வரீம் ।

ப்ரதர்ஶயாம்யதஶிவேதஶாமுத்ராஃ பலப்ரதாஃ ॥ 110॥

த்வாம் தர்ப்பயாமி த்ரிபுரே த்ரிதநா பார்வ்வதி ।

அக்நௌமஹேஶதிக்பாகே நைர்ரு'த்ர்யாம் மாருதே ததா ॥ 111॥

இந்த்ராஶாவாருணீ பாகே ஷடங்காந்யர்ச்சயே க்ரமாத் ।

ஆத்யாங்காமேஶ்வரீம் வந்தே நமாமி பகமாலிநீம் ॥ 112॥

நித்யக்லிந்நாம் நமஸ்யாமி பேருண்டாம் ப்ரணமாம்யஹம் ।

வஹ்நிவாஸாந்நமஸ்யாமி மஹாவித்யேஶ்வரீம் பஜே ॥ 113॥

ஶிவதூதிம் நமஸ்யாமி த்வரிதாம் குல ஸுந்தரீம் ।

நித்யாந்நீலபதாகாஞ்ச விஜயாம் ஸர்வமங்கலாம் ॥ 114॥

ஜ்வாலாமாலாஞ்ச சித்ராஞ்ச மஹாநித்யாம் ச ஸம்ஸ்துவே ।

ப்ரகாஶாநந்தநாதாக்யாம்பராஶக்திநமாம்யஹம் ॥ 115॥

ஶுக்லதேவீம் நமஸ்யாமி ப்ரணமாமி குலேஶ்வரீம் ।

பரஶிவாநந்தநாதாக்யாம்பராஶக்தி நமாம்யஹம் ॥ 116॥

கௌலேஶ்வராநந்தநாதம் நௌமி காமேஶ்வரீம் ஸதா ।

போகாநந்தந்நமஸ்யாமி ஸித்தௌகஞ்ச வராநநே ॥ 117॥

க்லிந்நாநந்தம் நமஸ்யாமி ஸமயாநந்தமேவச ।

ஸஹஜாநந்தநாதஞ்சப்ரணமாமி முஹுர்முஹு ॥ 118॥

மாநவௌகம் நமஸ்யாமி ககநாநந்தகப்யஹம் ।

விஶ்வாநந்தந்நமஸ்யாமி விமலாநந்தமேவச ॥ 119॥

மதநாநந்தநாதஞ்ச புவநாநந்தரூபிணீம் ।

லீலாநந்தந்நமஸ்யாமி ஸ்வாத்மாநந்தம் மஹேஶ்வரி ॥ 120॥

ப்ரணமாமிப்ரியாநந்தம் ஸர்வகாமபலப்ரதம் ।

பரமேஷ்டிகுரும்வந்தே பரமங்குருமாஶ்ரயே ॥ 121॥

ஶ்ரீகுரும் ப்ரணமஸ்யாமி மூர்த்த்நி ப்ரஹ்மபிலேஶ்வரீம் ।

ஶ்ரீமதாநந்தநாதாக்யஶ்ரிகுரோபாதுகாம் ததா ॥ 122॥

அத ப்ராதமிகே தேவி சதுரஶ்ரே குலேஶ்வரி ।

அணிமாம்லகிமாம் வந்தே மஹிமாம் ப்ரணமாம்யஹம் ॥ 123॥

ஈஶித்வஸித்திம் கலயே வஶித்வம் ப்ரணமாம்யஹம் ।

ப்ராகாம்யஸித்திம்புக்திஞ்ச இச்சாப்ராப்ர்திமஹம் பஜே ॥ 124॥

ஸர்வகாமப்ரதாம் ஸர்வகாமஸித்திமஹம் பஜே ।

மத்த்யமேசதுரஶ்ரேஹம் ப்ராஹ்மீம் மாஹேஶ்வரீம் பஜே ॥ 125॥

கௌமாரீம் வைஷ்ணவீம் வந்தே வாராஹீம் ப்ரணமாம்யஹம் ।

மாஹேந்த்ரீமபிசாமுண்டாம்மஹாலக்ஷ்மீமஹம் பஜே ॥ 126॥

த்ரு'தீயே சதுரஶ்ரே து ஸர்வஸங்க்ஷோபிணீம் பஜே ।

ஸர்வவித்ராபிணீம்முத்ராம் ஸர்வாகர்ஷிணிகாம் பஜே ॥ 127॥

முத்ராம் வஶங்கரீம் வந்தே ஸர்வோந்மாதிநிகாம் பஜே ।

பஜேமஹாங்குஶாம் முத்ராம் கேசரீம் ப்ரணமாம்யஹம் ॥ 128॥

பீஜாமுத்ராம் யோநிமுத்ராம் பஜே ஸர்வத்ரிகண்டிநீம் ।

த்ரைலோக்யமோஹநஞ்சக்ரம் நமாமி லலிதே தவ ॥ 129॥

நமாமி யோகிநீம் தத்ர ப்ரகடாக்யாமபீஷ்டதாம் ।

ஸுதார்ண்ணவாஸநம்வந்தே தத்ர தே பரமேஶ்வரி ॥ 130॥

சக்ரேஶ்வரி மஹம் வந்தே த்ரிபுராம் ப்ரணமாம்யஹம் ।

ஸர்வஸங்க்ஷோபிணீம்முத்ராம் ததோஹம் கலயே ஶிவே ॥ 131॥

அதாஹம் ஷோடஶதலே காமாகர்ஷிணிகாம் பஜே ।

புத்த்யாகர்ஷிணிகாம் வந்தேऽஹங்காராகர்ஷிணீம் பஜே ॥ 132॥

ஶப்தாகர்ஷிணிகாம் வந்தே ஸ்பர்ஶாகர்ஷிணிகாம் பஜே ।

ரூபாகர்ஷிணிகாம்வந்தே ரஸாகர்ஷிணிகாம் பஜே ॥ 133॥

கந்தாகர்ஷிணிகாம் வந்தே சித்தாகர்ஷிணிகாம் பஜே ।

தைர்யாகர்ஷிணிகாம்வந்தே ஸ்ம்ரு'த்யாகர்ஷிணிகாம் பஜே ॥ 134॥

நாமாகர்ஷிணிகாம் வந்தே பீஜாகர்ஷிணிகாம் பஜே ।

ஆத்மாகர்ஷிணிகாம்வந்தே அம்ரு'தாகர்ஷிணிகாம் பஜே ॥ 135॥

ஶரீராகர்ஷிணிகாம் வந்தே நித்யாம் ஶ்ரீபரமேஶ்வரி ।

ஸர்வாஶாபூரகம்வந்தே கல்பயேஹம் தவேஶ்வரி ॥ 136॥

குப்தாக்யாம் யோகிநீம் வந்தே மாதரம் குப்தபூஜ்யதாம் ।

போதாம்புஜாஸநந்தத்ர நமாமி லலிதே தவ ॥ 137॥

த்ரிபுரேஶீம் நமஸ்யாமி பஜாமிஷ்டார்த்தஸித்திதாம் ।

ஸர்வவித்ராவிணிமுத்ராந்தத்ராஹம் தே விசந்தயே ॥ 138॥

ஸிவே தவாஷ்டபத்ரேஹமநங்ககுஸுமாம் பஜே ।

அநங்கமேகலாம்வந்தே அநங்கமதநாம் பஜே ॥ 139॥

நமோஹம் ப்ரணஸ்யாமி அநங்கமதநாதுராம் ।

அநங்கரேகாங்கலயே பஜேநங்காம் ச வேகிநீம் ॥ 140॥

அநங்காகுஶவந்தேऽஹமநங்கமாலிநீம் பஜே ।

தத்ராஹம்ப்ரணஸ்யாமி தேவ்யா ஆஸநமுத்தமம் ॥ 141॥

நமாமி ஜகதீஶாநீம் தத்ர த்ரிபுரஸுந்தரீம் ।

ஸர்வாகர்ஷிணிகாம்முத்ராம் தத்ராஹ கல்பயாமிதே ॥ 142॥

புவநாஶ்ரயே தவ ஶிவே ஸர்வஸங்க்ஷோபிணீம் பஜே ।

ஸர்வவித்ராவிணீம்வந்தே ஸர்வகர்ஷிணிகாம் பஜே ॥ 143॥

ஸர்வஹ்லாதிநீம் வந்தே ஸர்வஸம்மோஹிநீம் பஜே ।

ஸகலஸ்தம்பிநீம் வந்தே கலயே ஸர்வஜ்ரு'ம்பிணீம் ॥ 144॥

வஶங்கரீம் நமஸ்யாமி ஸர்வரஜ்ஞிநிகாம் பஜே ।

ஸகலோந்மதிநீம் வந்தே பஜே ஸர்வார்தஸாதகே ॥ 145॥

ஸம்பத்திபுரிகாம் வந்தே ஸர்வமந்த்ரமயீம் பஜே ।

பஜாம்யேவததஶ்ஶக்திம் ஸர்வத்வந்த்வக்ஷ்யங்கரீம் ॥ 146॥

தத்ராஹம் கலயே சக்ரம் ஸர்வஸௌபாக்யதாயகம் ।

நமாமிஜகதாம் தாத்ரீம் ஸம்ப்ரதாயாக்யயோகிநிம் ॥ 147॥

நமாமி பரமேஶாநீம் மஹாத்ரிபுரவாஸிநிம் ।

கலயேஹந்தவ ஶிவே முத்ராம் ஸர்வஶங்கரீம் ॥ 148॥

பஹிர்த்தஶாரே தே தேவி ஸர்வஸித்திப்ரதாம் பஜே ।

ஸர்வஸம்பத்ப்ரதாம் வந்தே ஸர்வப்ரியங்கரீம் பஜே ॥ 149॥

நமாம்யஹம் ததோ தேவீம் ஸர்வமங்கலகாரிணீம் ।

ஸர்வகாமப்ரதாம்வந்தே ஸர்வதுஃகவிமோசிநிம் ॥ 150॥

ஸர்வம்ரு'த்யுப்ரஶமநீம் ஸர்வவிக்நநிவாரிணீம் ।

ஸர்வாங்கஸுந்தரீம்வந்தே ஸர்வஸௌபாக்யதாயிநீம் ॥ 151॥

ஸர்வார்த்தஸாதகம் சக்ரம் தத்ராஹம் நே விசிந்தயே ।

தத்ராஹந்தே நமஸ்யாமி குலோத்தீர்ணாக்ய யோகிநீம் ॥ 152॥

ஸர்வமந்த்ரஸநம் வந்தே த்ரிபுராஶ்ரியமாஶ்ரயே ।

கலயாமிததோ முத்ராம் ஸர்வோந்மாதந காரிணீம் ॥ 153॥

அந்தர்த்தஶாரே தே தேவி ஸர்வஜ்ஞாம் ப்ரணமாம்யஹம் ।

ஸர்வஶக்திந்நமஸ்யாமி ஸர்வைஶ்வர்யப்ரதாம் பஜே ॥ 154॥

ஸர்வஜ்ஞாநமயீம் வந்தே ஸர்வவ்யாதிவிநாஶிநீம் ।

ஸர்வாதாரஸ்வரூபாஞ்சஸர்வபாபஹராம்பஜே ॥ 155॥

ஸர்வாநந்தமயிம் வந்தே ஸர்வரக்ஷாஸ்வரூபிணீம் ।

ப்ரணமாமிமஹாதேவீம் ஸர்வேப்ஸித பலப்ரதாம் ॥ 156॥

ஸர்வரக்ஷாகரம் சக்ரம் ஸுந்தரீம் கலயே ஸதா ।

நிகர்பயோநீம்வந்தே தத்ராஹம் ப்ரணமாம்யஹம் ॥ 157॥

ஸாத்த்யஸித்தாஸநம் வந்தே பஜே த்ரிபுரமாலிநீம் ।

கலயாமிததோ தேவீம் முத்ராம் ஸர்வமஹாங்குஶாம் ॥ 158॥

அஷ்டாரே வஶிநீம் வந்தே மஹா காமேஶ்வரீம் பஜே ।

மோதிநீம்விமலாம்வந்தே அருணாஜயிநீம் பஜே ॥ 159॥

ஸர்வேஶ்வரீம் நமஸ்யாமி கௌலிநீம் ப்ரணமாம்யஹம் ।

ஸர்வரோகஹரஞ்சக்ரம் தத்ராஹம் கலயே ஸதா ॥ 160॥

நமாமி த்ரிபுரா ஸித்திம் பஜே முத்ராம் ச கேசரீம் ।

மஹாத்ரிகோணவத்பாஹுசதுரஶ்ரே குலேஶ்வரி ॥ 161॥

நமாமி ஜ்ரு'ம்பணாபாணம் ஸர்வஸம்மோஹிநீம் பஜே ।

பாஶஞ்சாபம் பஜே நித்யம் பஜே ஸ்தம்பநமங்குஶம் ॥ 162॥

த்ரிகோணேஹம் ஜகத்தாத்ரீம் மஹாகாமேஶ்வரீம் பஜே ।

மஹாவஜ்ரேஶ்வரீம்வந்தே மஹாஶ்ரீபகமாலிநீம் ॥ 163॥

மஹாஶ்ரீஸுந்தரீம் வந்தே ஸர்வகாமபலப்ரதாம் ।

ஸர்வஸித்திப்ரதஞ்சக்ரம் தவதேவி நமாம்யஹம் ॥ 164॥

நமாம்யதிரஹஸ்யாக்யாம் யோகிநீம் தவகாமதாம் ।

த்ரிபுராம்பாந்நமஸ்யாமி பீஜாமுத்ராமஹாம்பஜே ॥ 165॥

மூலமந்த்ரேண லலிதே தல்பிந்தௌ பூஜயாம்யஹம் ।

ஸர்வாநந்தமயஞ்சக்ரம் தவதேவி பஜாம்யஹம் ॥ 166॥

பராம் பரரஹஸ்யாக்யாம் யோகிநீம் தத்ரகாமதாம் ।

மஹாசக்ரேஶ்வரீம்வந்தே யோநிமுத்ராமஹம் பஜே ॥ 167॥

தூபதீபாதிகம் ஸர்வமர்ப்பிதம் கல்பயாம்யஹம் ।

த்வல்ப்ரீதயேமஹாமுத்ராம் தர்ஶயாமி ததஶ்ஶிவே ॥ 168॥

ஶால்யந்நம் மதுஸம்யுக்தம் பாயஸாபூப ஸம்யுக்தம் ।

க்ரு'தஸூபஸமாயுக்தந்ததிக்ஷீரஸமந்விதம் ॥ 169॥

ஸர்வபக்ஷ்யஸமாயுக்தம் பஹுஶாகஸமந்விதம் ।

நிக்ஷிப்யகாஞ்சநே பாத்ரே நைவேத்யம் கல்பயாமி தே ॥ 170॥

ஸங்கல்பபிந்துநா சக்ரம் குசௌ பிந்துத்வயேந ச ।

யோநிஶ்சஸபரார்த்தேந க்ரு'த்வா ஶ்ரீலலிதே தவ ॥ 171॥

ஏதத் காமகலா ரூபம் பக்தாநாம் ஸர்வகாமதம் ।

ஸர்வஸௌபாக்யதம்வந்தே தத்ர த்ரிபுரஸுந்தரீம் ॥ 172॥

வாமபாகே மஹேஶாநி வ்ரு'த்தம் ச சதுரஸ்ரகம் ।

க்ரு'த்வாகந்தாக்ஷதாத்யைஶ்சாப்யர்ச்சயாமி மஹேஶ்வரீம் ॥ 173॥

வாக்தவாத்யம் நமஸ்யாமி தத்ர வ்யாபகமண்டலம் ।

ஜலயுக்தேநபாணௌ ச ஶுத்தமுத்ரா ஸமந்விதம் ॥ 174॥

தத்ர மந்த்ரேண தாஸ்யாமி தேவி தே பலிமுத்தமம் ।

நமஸ்தேதேவதேவேஶி நம ஸ்த்ரைலோக்யவந்திதே ॥ 175॥

நமஶ்ஶிவவராங்கஸ்தே நமஸ்த்ரீபுரஸுந்தரி ।

ப்ரதக்ஷிணநமஸ்காரமநேநாஹம் கரோமி தே ॥ 176॥

தத ஸங்கல்பமந்த்ராணாம் ஸமாஜம் பரமேஶ்வரி ।

ப்ரஜபாமிமஹாவித்யாம் த்வத் ப்ரீத்யர்த்தமஹம் ஶிவே ॥ 177॥

தவ வித்யாம் ப்ரஜப்த்வாத நௌமி த்வாம் பரமேஶ்வரி ।

மஹாதேவிமஹேஶாநி மஹாஶிவமயே ப்ரியே ॥ 178॥

மஹாநித்யே மஹாஸித்தே த்வாமஹம் ஶரணம் ஶிவே ।

ஜயத்வந்த்ரிபுரே தேவி லலிதே பரமேஶ்வரி ॥ 179॥

ஸதாஶிவ ப்ரியங்கரி பாஹிமாம் கருணாநிதே ।

ஜகந்மாதர்ஜ்ஜகத்ரூபேஜகதீஶ்வரவல்லபே ॥ 180॥

ஜகந்மயி ஜகத் ஸ்துத்யே கௌரி த்வாமஹமாஶ்ரயே ।

அநாத்யேஸர்வலோகாநாமாத்யே பக்தேஷ்டதாயிநி ॥ 181॥

கிரிராஜேந்த்ரதநயே நமஸ்தீபுரஸுந்தரி ।

ஜயாரீஞ்ஜயதேவேஶிப்ரஹ்மமாதர்மஹேஶ்வரி ॥ 182॥

விஷ்ணுமாதரமாத்யந்தே ஹரமாதஸ்ஸுரேஶ்வரி ।

ப்ரஹ்ம்யாதிமாத்ரு'ஸம்ஸ்துத்யே ஸர்வாபரண ஸம்யுக்தே ॥ 183॥

ஜ்யோதிர்மயி மஹாரூபே பாஹிமாம் த்ரிபுரே ஸதா ।

லக்ஷ்மீவாண்யாதிஸம் பூஜ்யே ப்ரஹ்மவிஷ்ணுஶிவப்ரிய ॥ 184॥

பஜாமி தவ பாதாப்ஜம் தேவி த்ரிபுரஸுந்தரி ।

த்வல்ப்ரீத்யர்த்தம்யதஃ காஞ்சீச்சக்திம் வைபூஜயாம்யஹம் ॥ 185॥

ததஶ்ச கேதநாம் ஶக்திம் தர்பயாமி மஹேஶ்வரி ।

ததாபித்வாம் பஜம்ஸ்தோஷம் சிதக்நௌ ச ததாம்யஹம் ॥ 186॥

த்வல்ப்ரீத்யர்த்யம் மஹாதேவி மமாபீஷ்டார்த்த ஸித்தயே ।

பத்த்வாத்வாம் கைசரீமுத்ராம் க்ஷமஸ்வோத்வாஸயாம்யஹம் ॥ 187॥

திஷ்டமே ஹ்ரு'தயேநித்யம் த்ரிபுரே பரமேஶ்வரி ।

ஜகதம்பமஹாராஜ்ஞி மஹாஶக்தி ஶிவப்ரியே ॥ 188॥

ஹ்ரு'ச்சக்ரே திஷ்தமே நித்யம் மஹாத்ரிபுரஸுந்தரி ।

ஏதத்த்ரிபுரஸுந்தர்யா ஹ்ரு'தயம் ஸர்வகாமதம் ॥ 189॥

மஹாரஹஸ்யம் ஸததம் துர்ல்லபம் தைவதைரபி ।

ஸாக்ஷாத்ஸதாஶிவேநோக்தம் குஹ்யாத் குஹ்யமநுத்தமம் ॥ 190॥

யஃ பதேத் ஶ்ரத்தயா நித்யம் ஶ‍ரு'ணுயாத்வா ஸமாஹிதஃ ।

நித்யபூஜாபலந்தேவ்யாஸ்ஸலபேந்நாத்ர ஸம்ஶயஃ ॥ 191॥

பாபைஃ ஸமுச்யதே ஸத்யஃ காயவாக்க் ஸித்தஸம்பவைஃ ।

பூர்வஜந்மஸமுத் ப்ரததைர்ஜ்ஞாநாஜ்ஞக்ரு'தைரபி ॥ 192॥

ஸர்வக்ரதுஷுயத் புண்யம் ஸர்வதீர்த்தேஷு யர்பலம் ।

தத்புண்யம் லபதே நித்யம் மாநவோ நாத்ர ஸம்ஶயஃ ॥ 193॥

அசலாம் லபதே லக்ஷ்மீம் த்ரைலோக்யேநாதி துர்லபாம் ।

ஸாக்ஷாத்விஷ்ணுர்மஹாலக்ஷ்யாஶீக்ரமேவ பவிஷ்யதி ॥ 194॥

அஷ்டைஶ்வர்ய மவாப்நோதி ஸ ஶீக்ரம் மாநவோத்தமஃ ।

கண்டிகாபாதுகாஸித்த்யாதிஷ்டகம்ஶீக்ரமஶ்நுதே ॥ 195॥

ஶ்ரீமத்த்ரிபுராம்பிகாயை நமஃ ।

॥ ஶ்ரீலலிதாஹ்ரு'தயஸ்தோத்ரம் ஸம்பூர்ணம் ॥

ௐ தத் ஸத் ॥

Roman (IAST) Transliteration

athaśrīlalitāhṛdayastotram ||

śrīlalitāmbikāyai namaḥ |

devyuvāca |

devadeva mahādeva saccidānandavigrahā |

sundaryāhṛdayaṃ stotraṃ paraṃ kautūhalaṃ vibho || 1||

īśvarauvāca |

sādhu sādhutvayā prājñe lokānugrahakārakam |

rahasyamapivakṣyāmi sāvadhānamanāḥśa‍ṛṇu || 2||

śrīvidyāṃ jagatāṃ dhātrīṃ sarggasthitilayeśvarīm |

namāmilalitāṃ nityāṃ bhaktānāmiṣṭadāyinīm || 3||

bindutrikoṇasamyuktaṃ vasukoṇasamanvitam |

daśakoṇadvayopetaṃ caturddaśa samanvitam || 4||

dalāṣṭakesaropetaṃ dalaṣoḍaśakānvitam |

vṛttatrayayānvitambhūmisadanatrayabhūṣitam || 5||

namāmi lalitācakraṃ bhaktānāmiṣṭadāyakam |

amṛtāmbhonidhintatra ratnadvīpaṃ namāmyaham || 6||

nānāvṛkṣamahodyānaṃ vandehaṃ kalpavāṭikām |

santānavāṭikāṃvande haricandanavāṭikām || 7||

mandāravāṭikāṃ pārijātavāṭīṃ mudā bhaje |

namāmitava deveśi kadambavanavāṭikām || 8||

puṣyarāgamahāratnaprākāraṃ praṇamāmyaham |

padmarāgādimaṇibhiḥprākāraṃ sarvadā bhaje || 9||

gomedaratnaprākāraṃ vajraprākāramāśraye |

vaiḍūryaratnaprākārampraṇamāmi kuleśvarī || 10||

indranīlākhyaratnānāṃ prākāraṃ praṇamāmyaham |

muktāphalamahāratnaprākārampraṇamāmyaham || 11||

maratākhyamahāratnaprākārāya namonamaḥ |

vidrumākhyamahāratnaprākārampraṇamāmyaham || 12||

māṇikyamaṇḍapaṃ ratnasahasrastambhamaṇḍapam |

lalite!tavadeveśi bhajāmyamṛtavāpikām || 13||

ānandavāpikāṃ vandevimarśavāpikāṃ bhaje |

bhajebālātapolgāraṃ candrikogārikāṃ bhaje || 14||

mahāśa‍ṛṅgāraparikhāṃ mahāpatmāṭavīṃ bhaje |

cintāmaṇimahāratnagṛharājaṃ namāmyaham || 15||

pūrvānnāyamayaṃ pūrvvadvāraṃ devi namāmyaham |

dakṣiṇānnāyarūpantedakṣiṇadvāramāśraye || 16||

namāmi paścimadvāraṃ paścimāmnāya rūpakam |

vandehamuttaradvāramuttarāmnāyarūpakam || 17||

ūrddhvāmnāyamayaṃ vande hyūrddhadvāraṃ kuleśvari |

lalitetava deveśi mahāsiṃhāsanaṃ bhaje || 18||

brahmātmakaṃ mañcapādamekaṃ tava namāmyaham |

ekaṃviṣṇumayaṃ mañcapādamanyaṃ namāmyaham || 19||

ekaṃ rudramayaṃ mañcapādamanyaṃ namāmyaham |

mañcapādammamāmyekaṃ tava devīśvarātmakam || 20||

mañcaikaphalakaṃ vande sadāśivamayaṃ śubham |

namāmitehaṃsatūlatalpakaṃ parameśvarī! || 21||

namāmite haṃsatūlamahopādhānamuttamam |

kaustubhāstaraṇaṃvande tava nityaṃ kuleśvarī || 22||

mahāvitānikāṃ vande mahāyavinikāṃ bhaje |

evaṃ pūjāgṛhaṃ dhyātvā śrīcakre śrīśivāṃ bhaje || 23||

svadakṣiṇe sthāpayāmi bhāge puṣpākṣatādikān |

amitāṃstemahādevi dīpān sandarśayāmyaham || 24||

mūlena tripurācakraṃ tava sampūjyayāmyaham |

tribhiḥkhaṇḍaistavakhyātaiḥ pūjayāmi maheśvari! || 25||

vāyvagni jalasamyuktaṃ prāṇāyāmairahaṃ śivai |

śoṣāṇāndāhanaṃ caiva karomi plāvanaṃ tathā || 26||

trivāraṃ mūlamantreṇa prāṇāyāmaṃ karomyaham |

pāṣaṇḍakāriṇobhūtā bhūmauye cāntarikṣake || 27||

karomyanena mantreṇa tālatrayamahaṃ śive |

nārāyaṇo'hambrahmāhaṃ bhairavo'haṃ śivosmyaham || 28||

devohaṃ paramānando'smyahaṃ tripurasundari |

dhyātvāvai vajrakavacaṃ nyāsaṃ tava karomyaham || 29||

kumārībījasamyuktaṃ mahātripurasundari! |

māṃrakṣarakṣeti hṛdi karomyajñalimīśvari! || 30||

mahādevyāsanāyeti prakaromyāsanaṃ śive |

cakrāsanannamasyāmi sarvamantrāsanaṃ śive || 31||

sāddhyasiddhāsanaṃ mantrairebhiryuktaṃ maheśvari |

karomyasmiñcakramantrairdevatāsanamuttamam || 32||

karomyatha ṣaḍaṅgākhyaṃ mātṛkāṃ ca kalāṃ nyase |

śrīkaṇṭaṅkeśavaṃ caiva prapañcaṃ yogamātṛkām || 33||

tattvanyāsaṃ tataḥ kūrvve catuṣpīṭaṃ yathācare |

laghuṣoḍhāntataḥ kūrvve śaktinyāsaṃ mahottamam || 34||

pīṭanyāsaṃ tataḥ kurve devatāvāhanaṃ priye |

kuṅkumanyāsakañcaiva cakranyāsamathācare || 35||

cakranyāsaṃ tataḥ kurvve nyāsaṃ kāmakalādvayam |

ṣoḍaśārṇṇamahāmantrairaṅganyāsaṅkaromyaham || 36||

mahāṣoḍhāṃ tataḥ kurvve śāmbhavaṃ ca mahāpriye |

tatomūlamprajaptvātha pādukāñca tataḥ param || 37||

gurave samyagarcyātha devatāṃ hṛdisambhaje |

karomimaṇḍalaṃ vṛttaṃ caturaśraṃ śivapriye || 38||

puṣpairabhyarccyasādhāraṃ śaṅkhaṃ sampūjayāmaham |

arccayāmiṣaḍaṅgena jalamāpūrayāmyaham || 39||

dadāmi cādimaṃ binduṃ kurve mūlābhimantritam |

tajjalenajaganmātastrikoṇaṃ vṛttasamyutam || 40||

ṣalkoṇaṃ caturaśrañca maṇḍalaṃ praṇamāmyaham |

vidyayāpūjayāmīha trikhaṇḍena tu pūjanam || 41||

bījenavṛttaṣalkoṇaṃ pūjayāmi tavapriye |

tasmindevīkalātmānāṃ maṇimaṇḍalamāśraye || 42||

dhūmrārcciṣaṃ namasyāmi ūṣmāṃ ca jvalanīṃ tathā |

jvālinīñca namasyāmi vandehaṃ vispuliṅginīm || 43||

suśriyaṃ ca surūpāñcakampilāṃ praṇamāmyaham |

naumihavyavahāṃ nityāṃ bhaje kavyavahāṃ kalām || 44||

sūryāgnimaṇḍalāṃ tatra sakalādvādaśātmakam |

arghyapādyamahantatra tapinīṃ tāpinīṃ bhaje || 45||

dhūmrāṃ marīcīṃ vandehaṃ jvālinīṃ maruhaṃ bhaje |

suṣumnāmbhogadāṃ vande bhaje viśvāṃ ca bodhinīm || 46||

dhāriṇīṃ ca kṣamāṃ vande saurīretāḥ kalābhaje |

āśrayemaṇmalaṃ cāndraṃ talkalāṣoḍaśātmakam || 47||

amṛtāṃ mānadāṃ vande pūṣāṃ tuṣṭīṃ bhajāmyaham |

puṣṭimbhaje mahādevi bhaje'haṃ ca ratiṃ dhṛtim || 48||

raśaniṃ candrikāṃ vande kāntīṃ jotsanā śriyaṃ bhaje |

neaumiprītiñcāgatadāñcapūrṇṇimāmamṛtāmbhaje || 49||

trikoṇalekhanaṃ kurvve ākārādisurekhakam |

halakṣavarṇṇasamyuktaṃspītaṃ taṃ haṃsabhāskaram || 50||

vākkāmaśakti saṃyuktaṃ haṃsamārādhayāmyaham |

vṛttādbahiḥṣaḍaśrasyalekhanaṃ prakaromyaham || 51||

puratognyādiṣalkha़oṇaṃ kakhagenārccayāmyaham |

śrīvidyayāsaptavāraṃ karomyatrābhi mantritam || 52||

samarppayāmi deveśi tasmāt gandhākṣatādikam |

dhyāyāmipūjādravyeṣu tat sarvaṃ vidyayāyutam || 53||

caturnnavatisanmantrān spṛṣṭvā tat prajapāmyaham |

vahnerddaśakalāḥsūryakalādvādaśakaṃ bhaje || 54||

āśraye śoḍaṣakalāstatra candramasastadā |

sṛṣṭimvṛddhiṃ smṛtiṃ vande medhāṃ kāntīṃ tathaiva ca || 55||

lakṣmīṃ dyuthiṃ sthitāṃ vande sthitiṃ siddhiṃ bhajāmyaham |

etābrahmakalāvande jarānthāṃ pālinīṃ bhaje || 56||

śāntiṃ namāmīśvarīṃ ca ratīṃ vande ca kārikām |

varadāṃhlādinīṃ vande prītiṃ dīrghāṃ bhajābhamyaham || 57||

etā viṣṇuakalāvande tīkṣaṇāṃ raudriṃ bhayāṃ bhaje |

nidrāntandrīṃ kṣudhāṃ vande namāmi krodhinīṃ kriyām || 58||

ulkārīṃ mṛtyurūpāṃ ca etā rudrakalā bhaje |

nīlāmpītāṃ bhaje śvetāṃ vandehamaruṇāṃ kalām || 59||

anantakhyāṃ kalāñceti īśvarasya kalābhaje |

nivṛttiñcapratiṣṭhāñcavidyāṃśāntiṃ bhajāmyaham || 60||

rodhikāṃ dīpikāṃ vande recikāṃ mocikāṃ bhaje |

parāṃsūkṣāmṛtāṃ sūkṣāṃ praṇāmi kuleśvari! || 61||

jñānākhyāñcanamasyāmi naumijñānāmṛtāṃ kalām |

āpyāyinīṃvyāpinīṃ ca modinīṃ praṇamāmyaham || 62||

kalāḥ sadāśivasyaitāḥ ṣoḍaśa praṇamāmyaham |

viṣṇuyoninnamasyāmi mūlavidyāṃ namāmyaham || 63||

traiyambakaṃ namasyāmi tadviṣṇuṃ praṇamāmyaham |

viṣṇuyonimnamasyāmi mūlavidyāṃ namāmyaham || 64||

amṛtaṃ mantritaṃ vande caturnnavatibhistathā |

akhaṇḍaikarasānandakareparasudhātmani || 65||

svacchandaspapuraṇaṃ mantraṃ nīdhehi kularūpiṇi |

akulasthāmṛtākāresiddhijñānakarepare || 66||

amṛtaṃ nidhehyasmin vastuniklinnarūpiṇi |

tadrūpāṇekarasyatvaṅkṛtvāhyetatsvarūpiṇi || 67||

bhūtvā parāmṛtākāramayi cit spuraṇaṃ kuru |

ebhirmmanūttamairvandemantritaṃ paramāmṛtam || 68||

jotimmayamidaṃ vande paramarghyañca sundari |

tadvindubhirmeśirasi guruṃ santarppayāmyaham || 69||

brahmāsmin tadvinduṃ kuṇḍalinyāṃ juhomyaham |

hṛccakrastāṃ-mahādevīmmahātripurasundarīm || 70||

nirastamohatimirāṃ sākṣāt saṃvitsvarūpiṇīm |

nāsāpuṭātparakalāmathanirggamayāmyaham || 71||

namāmiyonimaddhyāsthāṃ trikhaṇḍakusumāṃñjalim |

jaganmātarmahādeviyantretvāṃ sthāpayāmyaham || 72||

sudhācaitanyamūrttīṃ te kalpayāmimanuṃ tava |

anenadevimantrayantretvāṃ sthāpayāmyaham || 73||

mahāpadmavanāntasthe kāraṇānantavigrahe |

sarvabhūtahitemātarehyapi parameśvari || 74||

deveśī bhaktasulabhe sarvābharaṇabhūṣite |

yāvatvampūjayāmīhatāvattvaṃ susthirābhava || 75||

anena mantrayugmena tvāmatrāvāhayāmyaham |

kalpayāminamaḥ pādamarghyaṃ te kalpayāmyaham || 76||

gandhatailābhyañjanañcamajjaśālāpraveśam |

kalpayāminamastasmai maṇipīṭhopraveśanam || 77||

divyasnānīyamīśāni gṛhāṇodvarttanaṃ śubhe |

gṛhāṇoṣṇādakasnānaṅkalpayāmyabhiṣecanam || 78||

hemakumbhāyutaiḥ snigddhaiḥ kalpayāmyabhiṣecanam |

kalpayāminamastubhyaṃ dheautena parimārjjanam || 79||

bālabhānu pratīkāśaṃ dukūlaṃ paridhānakam |

aruṇenadukulenottarīyaṃ kalpayāmyaham || 80||

praveśanaṃ kalpayāmi sarvāṅgāni vilepanam |

namastekalpayāmyatra maṇipīṭhopaveśanam || 81||

aṣṭagandhaiḥ kalpayāmi tavalekhanamambike |

kālāgarumahādhūpaṅkalpayāmi namaśśive || 82||

mallikāmālātījāti campakādi manoramaiḥ |

arccitāṅkusumairmmālāṃ kalpayāmi namaśśive || 83||

praveśanaṃ kalpayāmi namo bhūṣaṇamaṇḍape |

upaveśyaṃratnapīṭhe tatrate kalpayāmyaham || 84||

navamāṇikyamakuṭaṃ tatrate kalpayāmyaham |

śaraccandranibhaṃyuktaṃ taccandraśakalaṃ tava || 85||

tata sīmantasindūraṃ kastūrītilakaṃ tava |

kālājñanaṅkalpayāmi pālīyugalamuttamam || 86||

maṇikuṇḍalayugmañca nāsābharaṇamīśvarī! |

tāṭaṅkayugalandevi lalite dhārayāmyaham || 87||

athādyāṃ bhūṣaṇaṃ kaṇṭhe mahācintākamuttamam |

padakante kalpayāmi mahāpadakamuttamam || 88||

muktāvalīṃ kalpayāmi caikāvali samanvitām |

channavīrañcakeyūrayugalānāṃ catuṣṭayam || 89||

valayāvalimālānīṃ cormikāvalimīśvari |

kāñcīdāmakaṭīsūtraṃsaubhagyābharaṇaṃ ca te || 90||

tripure pādakaṭakaṃ kalpaye ratnanūpuram |

pādāṅgulīyakantubhyaṃ pāśamekaṃ karetava || 91||

anye kareṅkuśaṃ devi pūṇḍrekṣudhanuṣaṃ tava |

aparepuṣpabāṇañca śrīmanmāṇikyapāduke || 92||

tadāvaraṇa deveśi mahāmañcādirohaṇam |

kāmeśvarāṅkaparyaṅkamupaveśanamuttamam || 93||

sudhayā pūrṇṇacaṣakaṃ tatastat pānamuttamam |

karppūravīṭikāntubhyaṃ kalpayāmi namaḥ śive || 94||

ānandollāsavilasaddhaṃsaṃ te kalpayāmyaham |

maṅgalārātrikaṃvande chatraṃ te kalpayāmyaham || 95||

cāmaraṃ yūgalaṃ devidarppaṇaṃ kalpayāmyaham |

tālavrintaṅkalpayāmigandhapuṣpākṣatairapi || 96||

dhūpaṃ dīpaścanaivedyaṃ kalpayāmi śivapriye |

athāhambaindave cakre sarvānandamayātmake || 97||

ratnasiṃhāsane ramye samāsīnāṃ śivapriyām |

udyadbhānusahasrābhāñjapāpuṣpasamaprabhām || 98||

navaratnaprabhāyuktamakuṭena virājitām |

candrarekhāsamopetāṅkastūritilakāṅkitām || 99||

kāmakodaṇḍasaundaryanirjjitabhrūlatāyutām |

añjanāñcitanetrāntupadmapatranibheṣaṇām || 100||

maṇikuṇḍalasamyukta karṇṇadvayavirājitām |

tāmbūlapūritamukhīṃsusmitāsyavirājitām || 101||

ādyabhūṣaṇasamyuktāṃ hemacintākasaṃyutām |

padakenasamopetāṃ mahāpadakasaṃyutām || 102||

muktāphalasamopetāmekāvalisamanvitām |

kausubhāṅgadasaṃyuktacaturbāhusamanvitām || 103||

aṣṭagandhasamopetāṃ śrīcandanavirājitām |

hemakumbhopamaprakhyastanadvandavirājitām || 104||

raktavastraparīdhānāṃ raktakañcukasaṃyutām |

sūkṣmaromāvaliyuktatanumaddhyavirājitām || 105||

muktāmāṇikyakhacita kāñcīyutanitambanīm |

sadāśivāṅakasthabṛhanmahājaghanamaṇḍalām || 106||

kadalistambhasaṃrājadūrudvayavirājitām |

kapālīkāntisaṅkāśajaṅghāyugalaśobhitām || 107||

grūḍhagulphadveyopetāṃ raktapādasamanvitām |

brahmaviṣṇumaheśādikirīṭasphūrjjitāṅghrikām || 108||

kāntyā virājitapadāṃ bhaktatrāṇa parāyaṇām |

ikṣukārmukapuṣpeṣupāśāṅkuśadharāṃśubhām || 109||

saṃvitsvarūpiṇīṃ vande dhyāyāmi parameśvarīm |

pradarśayāmyathaśivedaśāmudrāḥ phalapradāḥ || 110||

tvāṃ tarppayāmi tripure tridhanā pārvvati |

agnaumaheśadigbhāge nairṛtryāṃ mārute tathā || 111||

indrāśāvāruṇī bhāge ṣaḍaṅgānyarccaye kramāt |

ādyāṅkāmeśvarīṃ vande namāmi bhagamālinīm || 112||

nityaklinnāṃ namasyāmi bheruṇḍāṃ praṇamāmyaham |

vahnivāsānnamasyāmi mahāvidyeśvarīṃ bhaje || 113||

śivadūtiṃ namasyāmi tvaritāṃ kula sundarīm |

nityānnīlapatākāñca vijayāṃ sarvamaṅgalām || 114||

jvālāmālāñca citrāñca mahānityāṃ ca saṃstuve |

prakāśānandanāthākhyāmparāśaktinamāmyaham || 115||

śukladevīṃ namasyāmi praṇamāmi kuleśvarīm |

paraśivānandanāthākhyāmparāśakti namāmyaham || 116||

kauleśvarānandanāthaṃ naumi kāmeśvarīṃ sadā |

bhogānandannamasyāmi siddhaughañca varānane || 117||

klinnānandaṃ namasyāmi samayānandamevaca |

sahajānandanāthañcapraṇamāmi muhurmuhu || 118||

mānavaughaṃ namasyāmi gaganānandagapyaham |

viśvānandannamasyāmi vimalānandamevaca || 119||

madanānandanāthañca bhuvanānandarūpiṇīm |

līlānandannamasyāmi svātmānandaṃ maheśvari || 120||

praṇamāmipriyānandaṃ sarvakāmaphalapradam |

parameṣṭiguruṃvande paramaṅgurumāśraye || 121||

śrīguruṃ praṇamasyāmi mūrddhni brahmabileśvarīm |

śrīmadānandanāthākhyaśriguropādukāṃ tathā || 122||

atha prāthamike devi caturaśre kuleśvari |

aṇimāṃlakhimāṃ vande mahimāṃ praṇamāmyaham || 123||

īśitvasiddhiṃ kalaye vaśitvaṃ praṇamāmyaham |

prākāmyasiddhimbhuktiñca icchāprāprtimahaṃ bhaje || 124||

sarvakāmapradāṃ sarvakāmasiddhimahaṃ bhaje |

maddhyamecaturaśrehaṃ brāhmīṃ māheśvarīṃ bhaje || 125||

kaumārīṃ vaiṣṇavīṃ vande vārāhīṃ praṇamāmyaham |

māhendrīmapicāmuṇḍāmmahālakṣmīmahaṃ bhaje || 126||

tṛtīye caturaśre tu sarvasaṅkṣobhiṇīṃ bhaje |

sarvavidrāpiṇīmmudrāṃ sarvākarṣiṇikāṃ bhaje || 127||

mudrāṃ vaśaṅkarīṃ vande sarvonmādinikāṃ bhaje |

bhajemahāṅkuśāṃ mudrāṃ khecarīṃ praṇamāmyaham || 128||

bījāmudrāṃ yonimudrāṃ bhaje sarvatrikhaṇḍinīm |

trailokyamohanañcakraṃ namāmi lalite tava || 129||

namāmi yoginīṃ tatra prakhaṭākhyāmabhīṣṭadām |

sudhārṇṇavāsanaṃvande tatra te parameśvari || 130||

cakreśvari mahaṃ vande tripurāṃ praṇamāmyaham |

sarvasaṅkṣobhiṇīmmudrāṃ tatohaṃ kalaye śive || 131||

athāhaṃ ṣoḍaśadale kāmākarṣiṇikāṃ bhaje |

buddhyākarṣiṇikāṃ vande'haṅkārākarṣiṇīṃ bhaje || 132||

śabdākarṣiṇikāṃ vande sparśākarṣiṇikāṃ bhaje |

rūpākarṣiṇikāṃvande rasākarṣiṇikāṃ bhaje || 133||

gandhākarṣiṇikāṃ vande cittākarṣiṇikāṃ bhaje |

dhairyākarṣiṇikāṃvande smṛtyākarṣiṇikāṃ bhaje || 134||

nāmākarṣiṇikāṃ vande bījākarṣiṇikāṃ bhaje |

ātmākarṣiṇikāṃvande amṛtākarṣiṇikāṃ bhaje || 135||

śarīrākarṣiṇikāṃ vande nityāṃ śrīparameśvari |

sarvāśāpūrakaṃvande kalpayehaṃ taveśvari || 136||

guptākhyāṃ yoginīṃ vande mātaraṃ guptapūjyatām |

potāmbujāsanantatra namāmi lalite tava || 137||

tripureśīṃ namasyāmi bhajāmiṣṭārtthasiddhidām |

sarvavidrāviṇimudrāntatrāhaṃ te vicantaye || 138||

sive tavāṣṭapatrehamanaṅgakusumāṃ bhaje |

anaṅgamekhalāṃvande anaṅgamadanāṃ bhaje || 139||

namohaṃ praṇasyāmi anaṅgamadanāturām |

anaṅgarekhāṅkalaye bhajenaṅgāṃ ca veginīm || 140||

anaṅgākuśavande'hamanaṅgamālinīṃ bhaje |

tatrāhampraṇasyāmi devyā āsanamuttamam || 141||

namāmi jagatīśānīṃ tatra tripurasundarīm |

sarvākarṣiṇikāmmudrāṃ tatrāha kalpayāmite || 142||

bhuvanāśraye tava śive sarvasaṅkṣobhiṇīṃ bhaje |

sarvavidrāviṇīṃvande sarvakarṣiṇikāṃ bhaje || 143||

sarvahlādinīṃ vande sarvasammohinīṃ bhaje |

sakalastambhinīṃ vande kalaye sarvajṛmbhiṇīm || 144||

vaśaṅkarīṃ namasyāmi sarvarajñinikāṃ bhaje |

sakalonmadinīṃ vande bhaje sarvārthasādhake || 145||

sampattipurikāṃ vande sarvamantramayīṃ bhaje |

bhajāmyevatataśśaktiṃ sarvadvandvakṣyaṅkarīm || 146||

tatrāhaṃ kalaye cakraṃ sarvasaubhāgyadāyakam |

namāmijagatāṃ dhātrīṃ sampradāyākhyayoginim || 147||

namāmi parameśānīṃ mahātripuravāsinim |

kalayehantava śive mudrāṃ sarvaśaṅkarīm || 148||

bahirddaśāre te devi sarvasiddhipradāṃ bhaje |

sarvasampatpradāṃ vande sarvapriyaṅkarīṃ bhaje || 149||

namāmyahaṃ tato devīṃ sarvamaṅgalakāriṇīm |

sarvakāmapradāṃvande sarvaduḥkhavimocinim || 150||

sarvamṛtyupraśamanīṃ sarvavighnanivāriṇīm |

sarvāṅgasundarīṃvande sarvasaubhāgyadāyinīm || 151||

sarvārtthasādhakaṃ cakraṃ tatrāhaṃ ne vicintaye |

tatrāhante namasyāmi kulottīrṇākhya yoginīm || 152||

sarvamantrasanaṃ vande tripurāśriyamāśraye |

kalayāmitato mudrāṃ sarvonmādana kāriṇīm || 153||

antarddaśāre te devi sarvajñāṃ praṇamāmyaham |

sarvaśaktinnamasyāmi sarvaiśvaryapradāṃ bhaje || 154||

sarvajñānamayīṃ vande sarvavyādhivināśinīm |

sarvādhārasvarūpāñcasarvapāpaharāmbhaje || 155||

sarvānandamayiṃ vande sarvarakṣāsvarūpiṇīm |

praṇamāmimahādevīṃ sarvepsita phalapradām || 156||

sarvarakṣākaraṃ cakraṃ sundarīṃ kalaye sadā |

nigarbhayonīṃvande tatrāhaṃ praṇamāmyaham || 157||

sāddhyasiddhāsanaṃ vande bhaje tripuramālinīm |

kalayāmitato devīṃ mudrāṃ sarvamahāṅkuśām || 158||

aṣṭāre vaśinīṃ vande mahā kāmeśvarīṃ bhaje |

modinīṃvimalāṃvande aruṇājayinīṃ bhaje || 159||

sarveśvarīṃ namasyāmi kaulinīṃ praṇamāmyaham |

sarvarogaharañcakraṃ tatrāhaṃ kalaye sadā || 160||

namāmi tripurā siddhiṃ bhaje mudrāṃ ca khecarīm |

mahātrikoṇavatbāhucaturaśre kuleśvari || 161||

namāmi jṛmbhaṇābāṇaṃ sarvasammohinīṃ bhaje |

pāśañcāpaṃ bhaje nityaṃ bhaje stambhanamaṅkuśam || 162||

trikoṇehaṃ jagaddhātrīṃ mahākāmeśvarīṃ bhaje |

mahāvajreśvarīṃvande mahāśrībhagamālinīm || 163||

mahāśrīsundarīṃ vande sarvakāmaphalapradām |

sarvasiddhipradañcakraṃ tavadevi namāmyaham || 164||

namāmyatirahasyākhyāṃ yoginīṃ tavakāmadām |

tripurāmbānnamasyāmi bījāmudrāmahāmbhaje || 165||

mūlamantreṇa lalite talbindau pūjayāmyaham |

sarvānandamayañcakraṃ tavadevi bhajāmyaham || 166||

parāṃ pararahasyākhyāṃ yoginīṃ tatrakāmadām |

mahācakreśvarīṃvande yonimudrāmahaṃ bhaje || 167||

dhūpadīpādikaṃ sarvamarppitaṃ kalpayāmyaham |

tvalprītayemahāmudrāṃ darśayāmi tataśśive || 168||

śālyannaṃ madhusamyuktaṃ pāyasāpūpa samyuktam |

ghṛtasūpasamāyuktandadhikṣīrasamanvitam || 169||

sarvabhakṣyasamāyuktaṃ bahuśākasamanvitam |

nikṣipyakāñcane pātre naivedyaṃ kalpayāmi te || 170||

saṅkalpabindunā cakraṃ kucau bindudvayena ca |

yoniścasaparārddhena kṛtvā śrīlalite tava || 171||

etat kāmakalā rūpaṃ bhaktānāṃ sarvakāmadam |

sarvasaubhāgyadaṃvande tatra tripurasundarīm || 172||

vāmabhāge maheśāni vṛttaṃ ca caturasrakam |

kṛtvāgandhākṣatādyaiścāpyarccayāmi maheśvarīm || 173||

vāgdavādyaṃ namasyāmi tatra vyāpakamaṇḍalam |

jalayuktenapāṇau ca śuddhamudrā samanvitam || 174||

tatra mantreṇa dāsyāmi devi te balimuttamam |

namastedevadeveśi nama strailokyavandite || 175||

namaśśivavarāṅkasthe namastrīpurasundari |

pradakṣiṇanamaskāramanenāhaṃ karomi te || 176||

tata saṅkalpamantrāṇāṃ samājaṃ parameśvari |

prajapāmimahāvidyāṃ tvat prītyartthamahaṃ śive || 177||

tava vidyāṃ prajaptvātha naumi tvāṃ parameśvari |

mahādevimaheśāni mahāśivamaye priye || 178||

mahānitye mahāsiddhe tvāmahaṃ śaraṇaṃ śive |

jayatvantripure devi lalite parameśvari || 179||

sadāśiva priyaṅkari pāhimāṃ karuṇānidhe |

jaganmātarjjagadrūpejagadīśvaravallabhe || 180||

jaganmayi jagat stutye gauri tvāmahamāśraye |

anādyesarvalokānāmādye bhakteṣṭadāyini || 181||

girirājendratanaye namastīpurasundari |

jayārīñjayadeveśibrahmamātarmaheśvari || 182||

viṣṇumātaramādyante haramātassureśvari |

brahmyādimātṛsaṃstutye sarvābharaṇa samyukte || 183||

jyotirmayi mahārūpe pāhimāṃ tripure sadā |

lakṣmīvāṇyādisaṃ pūjye brahmaviṣṇuśivapriya || 184||

bhajāmi tava pādābjaṃ devi tripurasundari |

tvalprītyartthaṃyataḥ kāñcīcchaktiṃ vaipūjayāmyaham || 185||

tataśca ketanāṃ śaktiṃ tarpayāmi maheśvari |

tathāpitvāṃ bhajaṃstoṣaṃ cidagnau ca dadāmyaham || 186||

tvalprītyarthyaṃ mahādevi mamābhīṣṭārttha siddhaye |

baddhvātvāṃ khaicarīmudrāṃ kṣamasvodvāsayāmyaham || 187||

tiṣṭhame hṛdayenityaṃ tripure parameśvari |

jagadambamahārājñi mahāśakti śivapriye || 188||

hṛccakre tiṣtame nityaṃ mahātripurasundari |

etattripurasundaryā hṛdayaṃ sarvakāmadam || 189||

mahārahasyaṃ satataṃ durllabhaṃ daivatairapi |

sākṣātsadāśivenoktaṃ guhyāt guhyamanuttamam || 190||

yaḥ patet śraddhayā nityaṃ śa‍ṛṇuyādvā samāhitaḥ |

nityapūjāphalandevyāssalabhennātra saṃśayaḥ || 191||

pāpaiḥ samucyate sadyaḥ kāyavākk sittasambhavaiḥ |

pūrvajanmasamut bhradatairjñānājñakṛtairapi || 192||

sarvakratuṣuyat puṇyaṃ sarvatīrttheṣu yarphalam |

tatpuṇyaṃ labhate nityaṃ mānavo nātra saṃśayaḥ || 193||

acalāṃ labhate lakṣmīṃ trailokyenāti durlabhām |

sākṣādviṣṇurmahālakṣyāśīghrameva bhaviṣyati || 194||

aṣṭaiśvarya mavāpnoti sa śīghraṃ mānavottamaḥ |

ghaṇḍikāpādukāsiddhyādiṣṭakaṃśīghramaśnute || 195||

śrīmattripurāmbikāyai namaḥ |

|| śrīlalitāhṛdayastotraṃ sampūrṇam ||

oṃ tat sat ||

Sanskrit — Devanagari (original)

अथश्रीललिताहृदयस्तोत्रम् ॥

श्रीललिताम्बिकायै नमः ।

देव्युवाच ।

देवदेव महादेव सच्चिदानन्दविग्रहा ।

सुन्दर्याहृदयं स्तोत्रं परं कौतूहलं विभो ॥ 1॥

ईश्वरौवाच ।

साधु साधुत्वया प्राज्ञे लोकानुग्रहकारकम् ।

रहस्यमपिवक्ष्यामि सावधानमनाःश‍ऋणु ॥ 2॥

श्रीविद्यां जगतां धात्रीं सर्ग्गस्थितिलयेश्वरीम् ।

नमामिललितां नित्यां भक्तानामिष्टदायिनीम् ॥ 3॥

बिन्दुत्रिकोणसम्युक्तं वसुकोणसमन्वितम् ।

दशकोणद्वयोपेतं चतुर्द्दश समन्वितम् ॥ 4॥

दलाष्टकेसरोपेतं दलषोडशकान्वितम् ।

वृत्तत्रययान्वितम्भूमिसदनत्रयभूषितम् ॥ 5॥

नमामि ललिताचक्रं भक्तानामिष्टदायकम् ।

अमृताम्भोनिधिन्तत्र रत्नद्वीपं नमाम्यहम् ॥ 6॥

नानावृक्षमहोद्यानं वन्देहं कल्पवाटिकाम् ।

सन्तानवाटिकांवन्दे हरिचन्दनवाटिकाम् ॥ 7॥

मन्दारवाटिकां पारिजातवाटीं मुदा भजे ।

नमामितव देवेशि कदम्बवनवाटिकाम् ॥ 8॥

पुष्यरागमहारत्नप्राकारं प्रणमाम्यहम् ।

पद्मरागादिमणिभिःप्राकारं सर्वदा भजे ॥ 9॥

गोमेदरत्नप्राकारं वज्रप्राकारमाश्रये ।

वैडूर्यरत्नप्राकारम्प्रणमामि कुलेश्वरी ॥ 10॥

इन्द्रनीलाख्यरत्नानां प्राकारं प्रणमाम्यहम् ।

मुक्ताफलमहारत्नप्राकारम्प्रणमाम्यहम् ॥ 11॥

मरताख्यमहारत्नप्राकाराय नमोनमः ।

विद्रुमाख्यमहारत्नप्राकारम्प्रणमाम्यहम् ॥ 12॥

माणिक्यमण्डपं रत्नसहस्रस्तम्भमण्डपम् ।

ललिते!तवदेवेशि भजाम्यमृतवापिकाम् ॥ 13॥

आनन्दवापिकां वन्देविमर्शवापिकां भजे ।

भजेबालातपोल्गारं चन्द्रिकोगारिकां भजे ॥ 14॥

महाश‍ऋङ्गारपरिखां महापत्माटवीं भजे ।

चिन्तामणिमहारत्नगृहराजं नमाम्यहम् ॥ 15॥

पूर्वान्नायमयं पूर्व्वद्वारं देवि नमाम्यहम् ।

दक्षिणान्नायरूपन्तेदक्षिणद्वारमाश्रये ॥ 16॥

नमामि पश्चिमद्वारं पश्चिमाम्नाय रूपकम् ।

वन्देहमुत्तरद्वारमुत्तराम्नायरूपकम् ॥ 17॥

ऊर्द्ध्वाम्नायमयं वन्दे ह्यूर्द्धद्वारं कुलेश्वरि ।

ललितेतव देवेशि महासिंहासनं भजे ॥ 18॥

ब्रह्मात्मकं मञ्चपादमेकं तव नमाम्यहम् ।

एकंविष्णुमयं मञ्चपादमन्यं नमाम्यहम् ॥ 19॥

एकं रुद्रमयं मञ्चपादमन्यं नमाम्यहम् ।

मञ्चपादम्ममाम्येकं तव देवीश्वरात्मकम् ॥ 20॥

मञ्चैकफलकं वन्दे सदाशिवमयं शुभम् ।

नमामितेहंसतूलतल्पकं परमेश्वरी! ॥ 21॥

नमामिते हंसतूलमहोपाधानमुत्तमम् ।

कौस्तुभास्तरणंवन्दे तव नित्यं कुलेश्वरी ॥ 22॥

महावितानिकां वन्दे महायविनिकां भजे ।

एवं पूजागृहं ध्यात्वा श्रीचक्रे श्रीशिवां भजे ॥ 23॥

स्वदक्षिणे स्थापयामि भागे पुष्पाक्षतादिकान् ।

अमितांस्तेमहादेवि दीपान् सन्दर्शयाम्यहम् ॥ 24॥

मूलेन त्रिपुराचक्रं तव सम्पूज्ययाम्यहम् ।

त्रिभिःखण्डैस्तवख्यातैः पूजयामि महेश्वरि! ॥ 25॥

वाय्वग्नि जलसम्युक्तं प्राणायामैरहं शिवै ।

शोषाणान्दाहनं चैव करोमि प्लावनं तथा ॥ 26॥

त्रिवारं मूलमन्त्रेण प्राणायामं करोम्यहम् ।

पाषण्डकारिणोभूता भूमौये चान्तरिक्षके ॥ 27॥

करोम्यनेन मन्त्रेण तालत्रयमहं शिवे ।

नारायणोऽहम्ब्रह्माहं भैरवोऽहं शिवोस्म्यहम् ॥ 28॥

देवोहं परमानन्दोऽस्म्यहं त्रिपुरसुन्दरि ।

ध्यात्वावै वज्रकवचं न्यासं तव करोम्यहम् ॥ 29॥

कुमारीबीजसम्युक्तं महात्रिपुरसुन्दरि! ।

मांरक्षरक्षेति हृदि करोम्यज्ञलिमीश्वरि! ॥ 30॥

महादेव्यासनायेति प्रकरोम्यासनं शिवे ।

चक्रासनन्नमस्यामि सर्वमन्त्रासनं शिवे ॥ 31॥

साद्ध्यसिद्धासनं मन्त्रैरेभिर्युक्तं महेश्वरि ।

करोम्यस्मिञ्चक्रमन्त्रैर्देवतासनमुत्तमम् ॥ 32॥

करोम्यथ षडङ्गाख्यं मातृकां च कलां न्यसे ।

श्रीकण्टङ्केशवं चैव प्रपञ्चं योगमातृकाम् ॥ 33॥

तत्त्वन्यासं ततः कूर्व्वे चतुष्पीटं यथाचरे ।

लघुषोढान्ततः कूर्व्वे शक्तिन्यासं महोत्तमम् ॥ 34॥

पीटन्यासं ततः कुर्वे देवतावाहनं प्रिये ।

कुङ्कुमन्यासकञ्चैव चक्रन्यासमथाचरे ॥ 35॥

चक्रन्यासं ततः कुर्व्वे न्यासं कामकलाद्वयम् ।

षोडशार्ण्णमहामन्त्रैरङ्गन्यासङ्करोम्यहम् ॥ 36॥

महाषोढां ततः कुर्व्वे शाम्भवं च महाप्रिये ।

ततोमूलम्प्रजप्त्वाथ पादुकाञ्च ततः परम् ॥ 37॥

गुरवे सम्यगर्च्याथ देवतां हृदिसम्भजे ।

करोमिमण्डलं वृत्तं चतुरश्रं शिवप्रिये ॥ 38॥

पुष्पैरभ्यर्च्च्यसाधारं शङ्खं सम्पूजयामहम् ।

अर्च्चयामिषडङ्गेन जलमापूरयाम्यहम् ॥ 39॥

ददामि चादिमं बिन्दुं कुर्वे मूलाभिमन्त्रितम् ।

तज्जलेनजगन्मातस्त्रिकोणं वृत्तसम्युतम् ॥ 40॥

षल्कोणं चतुरश्रञ्च मण्डलं प्रणमाम्यहम् ।

विद्ययापूजयामीह त्रिखण्डेन तु पूजनम् ॥ 41॥

बीजेनवृत्तषल्कोणं पूजयामि तवप्रिये ।

तस्मिन्देवीकलात्मानां मणिमण्डलमाश्रये ॥ 42॥

धूम्रार्च्चिषं नमस्यामि ऊष्मां च ज्वलनीं तथा ।

ज्वालिनीञ्च नमस्यामि वन्देहं विस्पुलिङ्गिनीम् ॥ 43॥

सुश्रियं च सुरूपाञ्चकम्पिलां प्रणमाम्यहम् ।

नौमिहव्यवहां नित्यां भजे कव्यवहां कलाम् ॥ 44॥

सूर्याग्निमण्डलां तत्र सकलाद्वादशात्मकम् ।

अर्घ्यपाद्यमहन्तत्र तपिनीं तापिनीं भजे ॥ 45॥

धूम्रां मरीचीं वन्देहं ज्वालिनीं मरुहं भजे ।

सुषुम्नाम्भोगदां वन्दे भजे विश्वां च बोधिनीम् ॥ 46॥

धारिणीं च क्षमां वन्दे सौरीरेताः कलाभजे ।

आश्रयेमण्मलं चान्द्रं तल्कलाषोडशात्मकम् ॥ 47॥

अमृतां मानदां वन्दे पूषां तुष्टीं भजाम्यहम् ।

पुष्टिम्भजे महादेवि भजेऽहं च रतिं धृतिम् ॥ 48॥

रशनिं चन्द्रिकां वन्दे कान्तीं जोत्सना श्रियं भजे ।

नेऔमिप्रीतिञ्चागतदाञ्चपूर्ण्णिमाममृताम्भजे ॥ 49॥

त्रिकोणलेखनं कुर्व्वे आकारादिसुरेखकम् ।

हलक्षवर्ण्णसम्युक्तंस्पीतं तं हंसभास्करम् ॥ 50॥

वाक्कामशक्ति संयुक्तं हंसमाराधयाम्यहम् ।

वृत्ताद्बहिःषडश्रस्यलेखनं प्रकरोम्यहम् ॥ 51॥

पुरतोग्न्यादिषल्ख़ओणं कखगेनार्च्चयाम्यहम् ।

श्रीविद्ययासप्तवारं करोम्यत्राभि मन्त्रितम् ॥ 52॥

समर्प्पयामि देवेशि तस्मात् गन्धाक्षतादिकम् ।

ध्यायामिपूजाद्रव्येषु तत् सर्वं विद्ययायुतम् ॥ 53॥

चतुर्न्नवतिसन्मन्त्रान् स्पृष्ट्वा तत् प्रजपाम्यहम् ।

वह्नेर्द्दशकलाःसूर्यकलाद्वादशकं भजे ॥ 54॥

आश्रये शोडषकलास्तत्र चन्द्रमसस्तदा ।

सृष्टिम्वृद्धिं स्मृतिं वन्दे मेधां कान्तीं तथैव च ॥ 55॥

लक्ष्मीं द्युथिं स्थितां वन्दे स्थितिं सिद्धिं भजाम्यहम् ।

एताब्रह्मकलावन्दे जरान्थां पालिनीं भजे ॥ 56॥

शान्तिं नमामीश्वरीं च रतीं वन्दे च कारिकाम् ।

वरदांह्लादिनीं वन्दे प्रीतिं दीर्घां भजाभम्यहम् ॥ 57॥

एता विष्णुअकलावन्दे तीक्षणां रौद्रिं भयां भजे ।

निद्रान्तन्द्रीं क्षुधां वन्दे नमामि क्रोधिनीं क्रियाम् ॥ 58॥

उल्कारीं मृत्युरूपां च एता रुद्रकला भजे ।

नीलाम्पीतां भजे श्वेतां वन्देहमरुणां कलाम् ॥ 59॥

अनन्तख्यां कलाञ्चेति ईश्वरस्य कलाभजे ।

निवृत्तिञ्चप्रतिष्ठाञ्चविद्यांशान्तिं भजाम्यहम् ॥ 60॥

रोधिकां दीपिकां वन्दे रेचिकां मोचिकां भजे ।

परांसूक्षामृतां सूक्षां प्रणामि कुलेश्वरि! ॥ 61॥

ज्ञानाख्याञ्चनमस्यामि नौमिज्ञानामृतां कलाम् ।

आप्यायिनींव्यापिनीं च मोदिनीं प्रणमाम्यहम् ॥ 62॥

कलाः सदाशिवस्यैताः षोडश प्रणमाम्यहम् ।

विष्णुयोनिन्नमस्यामि मूलविद्यां नमाम्यहम् ॥ 63॥

त्रैयम्बकं नमस्यामि तद्विष्णुं प्रणमाम्यहम् ।

विष्णुयोनिम्नमस्यामि मूलविद्यां नमाम्यहम् ॥ 64॥

अमृतं मन्त्रितं वन्दे चतुर्न्नवतिभिस्तथा ।

अखण्डैकरसानन्दकरेपरसुधात्मनि ॥ 65॥

स्वच्छन्दस्पपुरणं मन्त्रं नीधेहि कुलरूपिणि ।

अकुलस्थामृताकारेसिद्धिज्ञानकरेपरे ॥ 66॥

अमृतं निधेह्यस्मिन् वस्तुनिक्लिन्नरूपिणि ।

तद्रूपाणेकरस्यत्वङ्कृत्वाह्येतत्स्वरूपिणि ॥ 67॥

भूत्वा परामृताकारमयि चित् स्पुरणं कुरु ।

एभिर्म्मनूत्तमैर्वन्देमन्त्रितं परमामृतम् ॥ 68॥

जोतिम्मयमिदं वन्दे परमर्घ्यञ्च सुन्दरि ।

तद्विन्दुभिर्मेशिरसि गुरुं सन्तर्प्पयाम्यहम् ॥ 69॥

ब्रह्मास्मिन् तद्विन्दुं कुण्डलिन्यां जुहोम्यहम् ।

हृच्चक्रस्तां-महादेवीम्महात्रिपुरसुन्दरीम् ॥ 70॥

निरस्तमोहतिमिरां साक्षात् संवित्स्वरूपिणीम् ।

नासापुटात्परकलामथनिर्ग्गमयाम्यहम् ॥ 71॥

नमामियोनिमद्ध्यास्थां त्रिखण्डकुसुमांञ्जलिम् ।

जगन्मातर्महादेवियन्त्रेत्वां स्थापयाम्यहम् ॥ 72॥

सुधाचैतन्यमूर्त्तीं ते कल्पयामिमनुं तव ।

अनेनदेविमन्त्रयन्त्रेत्वां स्थापयाम्यहम् ॥ 73॥

महापद्मवनान्तस्थे कारणानन्तविग्रहे ।

सर्वभूतहितेमातरेह्यपि परमेश्वरि ॥ 74॥

देवेशी भक्तसुलभे सर्वाभरणभूषिते ।

यावत्वम्पूजयामीहतावत्त्वं सुस्थिराभव ॥ 75॥

अनेन मन्त्रयुग्मेन त्वामत्रावाहयाम्यहम् ।

कल्पयामिनमः पादमर्घ्यं ते कल्पयाम्यहम् ॥ 76॥

गन्धतैलाभ्यञ्जनञ्चमज्जशालाप्रवेशम् ।

कल्पयामिनमस्तस्मै मणिपीठोप्रवेशनम् ॥ 77॥

दिव्यस्नानीयमीशानि गृहाणोद्वर्त्तनं शुभे ।

गृहाणोष्णादकस्नानङ्कल्पयाम्यभिषेचनम् ॥ 78॥

हेमकुम्भायुतैः स्निग्द्धैः कल्पयाम्यभिषेचनम् ।

कल्पयामिनमस्तुभ्यं धेऔतेन परिमार्ज्जनम् ॥ 79॥

बालभानु प्रतीकाशं दुकूलं परिधानकम् ।

अरुणेनदुकुलेनोत्तरीयं कल्पयाम्यहम् ॥ 80॥

प्रवेशनं कल्पयामि सर्वाङ्गानि विलेपनम् ।

नमस्तेकल्पयाम्यत्र मणिपीठोपवेशनम् ॥ 81॥

अष्टगन्धैः कल्पयामि तवलेखनमम्बिके ।

कालागरुमहाधूपङ्कल्पयामि नमश्शिवे ॥ 82॥

मल्लिकामालातीजाति चम्पकादि मनोरमैः ।

अर्च्चिताङ्कुसुमैर्म्मालां कल्पयामि नमश्शिवे ॥ 83॥

प्रवेशनं कल्पयामि नमो भूषणमण्डपे ।

उपवेश्यंरत्नपीठे तत्रते कल्पयाम्यहम् ॥ 84॥

नवमाणिक्यमकुटं तत्रते कल्पयाम्यहम् ।

शरच्चन्द्रनिभंयुक्तं तच्चन्द्रशकलं तव ॥ 85॥

तत सीमन्तसिन्दूरं कस्तूरीतिलकं तव ।

कालाज्ञनङ्कल्पयामि पालीयुगलमुत्तमम् ॥ 86॥

मणिकुण्डलयुग्मञ्च नासाभरणमीश्वरी! ।

ताटङ्कयुगलन्देवि ललिते धारयाम्यहम् ॥ 87॥

अथाद्यां भूषणं कण्ठे महाचिन्ताकमुत्तमम् ।

पदकन्ते कल्पयामि महापदकमुत्तमम् ॥ 88॥

मुक्तावलीं कल्पयामि चैकावलि समन्विताम् ।

छन्नवीरञ्चकेयूरयुगलानां चतुष्टयम् ॥ 89॥

वलयावलिमालानीं चोर्मिकावलिमीश्वरि ।

काञ्चीदामकटीसूत्रंसौभग्याभरणं च ते ॥ 90॥

त्रिपुरे पादकटकं कल्पये रत्ननूपुरम् ।

पादाङ्गुलीयकन्तुभ्यं पाशमेकं करेतव ॥ 91॥

अन्ये करेङ्कुशं देवि पूण्ड्रेक्षुधनुषं तव ।

अपरेपुष्पबाणञ्च श्रीमन्माणिक्यपादुके ॥ 92॥

तदावरण देवेशि महामञ्चादिरोहणम् ।

कामेश्वराङ्कपर्यङ्कमुपवेशनमुत्तमम् ॥ 93॥

सुधया पूर्ण्णचषकं ततस्तत् पानमुत्तमम् ।

कर्प्पूरवीटिकान्तुभ्यं कल्पयामि नमः शिवे ॥ 94॥

आनन्दोल्लासविलसद्धंसं ते कल्पयाम्यहम् ।

मङ्गलारात्रिकंवन्दे छत्रं ते कल्पयाम्यहम् ॥ 95॥

चामरं यूगलं देविदर्प्पणं कल्पयाम्यहम् ।

तालव्रिन्तङ्कल्पयामिगन्धपुष्पाक्षतैरपि ॥ 96॥

धूपं दीपश्चनैवेद्यं कल्पयामि शिवप्रिये ।

अथाहम्बैन्दवे चक्रे सर्वानन्दमयात्मके ॥ 97॥

रत्नसिंहासने रम्ये समासीनां शिवप्रियाम् ।

उद्यद्भानुसहस्राभाञ्जपापुष्पसमप्रभाम् ॥ 98॥

नवरत्नप्रभायुक्तमकुटेन विराजिताम् ।

चन्द्ररेखासमोपेताङ्कस्तूरितिलकाङ्किताम् ॥ 99॥

कामकोदण्डसौन्दर्यनिर्ज्जितभ्रूलतायुताम् ।

अञ्जनाञ्चितनेत्रान्तुपद्मपत्रनिभेषणाम् ॥ 100॥

मणिकुण्डलसम्युक्त कर्ण्णद्वयविराजिताम् ।

ताम्बूलपूरितमुखींसुस्मितास्यविराजिताम् ॥ 101॥

आद्यभूषणसम्युक्तां हेमचिन्ताकसंयुताम् ।

पदकेनसमोपेतां महापदकसंयुताम् ॥ 102॥

मुक्ताफलसमोपेतामेकावलिसमन्विताम् ।

कौसुभाङ्गदसंयुक्तचतुर्बाहुसमन्विताम् ॥ 103॥

अष्टगन्धसमोपेतां श्रीचन्दनविराजिताम् ।

हेमकुम्भोपमप्रख्यस्तनद्वन्दविराजिताम् ॥ 104॥

रक्तवस्त्रपरीधानां रक्तकञ्चुकसंयुताम् ।

सूक्ष्मरोमावलियुक्ततनुमद्ध्यविराजिताम् ॥ 105॥

मुक्तामाणिक्यखचित काञ्चीयुतनितम्बनीम् ।

सदाशिवाङकस्थबृहन्महाजघनमण्डलाम् ॥ 106॥

कदलिस्तम्भसंराजदूरुद्वयविराजिताम् ।

कपालीकान्तिसङ्काशजङ्घायुगलशोभिताम् ॥ 107॥

ग्रूढगुल्फद्वेयोपेतां रक्तपादसमन्विताम् ।

ब्रह्मविष्णुमहेशादिकिरीटस्फूर्ज्जिताङ्घ्रिकाम् ॥ 108॥

कान्त्या विराजितपदां भक्तत्राण परायणाम् ।

इक्षुकार्मुकपुष्पेषुपाशाङ्कुशधरांशुभाम् ॥ 109॥

संवित्स्वरूपिणीं वन्दे ध्यायामि परमेश्वरीम् ।

प्रदर्शयाम्यथशिवेदशामुद्राः फलप्रदाः ॥ 110॥

त्वां तर्प्पयामि त्रिपुरे त्रिधना पार्व्वति ।

अग्नौमहेशदिग्भागे नैरृत्र्यां मारुते तथा ॥ 111॥

इन्द्राशावारुणी भागे षडङ्गान्यर्च्चये क्रमात् ।

आद्याङ्कामेश्वरीं वन्दे नमामि भगमालिनीम् ॥ 112॥

नित्यक्लिन्नां नमस्यामि भेरुण्डां प्रणमाम्यहम् ।

वह्निवासान्नमस्यामि महाविद्येश्वरीं भजे ॥ 113॥

शिवदूतिं नमस्यामि त्वरितां कुल सुन्दरीम् ।

नित्यान्नीलपताकाञ्च विजयां सर्वमङ्गलाम् ॥ 114॥

ज्वालामालाञ्च चित्राञ्च महानित्यां च संस्तुवे ।

प्रकाशानन्दनाथाख्याम्पराशक्तिनमाम्यहम् ॥ 115॥

शुक्लदेवीं नमस्यामि प्रणमामि कुलेश्वरीम् ।

परशिवानन्दनाथाख्याम्पराशक्ति नमाम्यहम् ॥ 116॥

कौलेश्वरानन्दनाथं नौमि कामेश्वरीं सदा ।

भोगानन्दन्नमस्यामि सिद्धौघञ्च वरानने ॥ 117॥

क्लिन्नानन्दं नमस्यामि समयानन्दमेवच ।

सहजानन्दनाथञ्चप्रणमामि मुहुर्मुहु ॥ 118॥

मानवौघं नमस्यामि गगनानन्दगप्यहम् ।

विश्वानन्दन्नमस्यामि विमलानन्दमेवच ॥ 119॥

मदनानन्दनाथञ्च भुवनानन्दरूपिणीम् ।

लीलानन्दन्नमस्यामि स्वात्मानन्दं महेश्वरि ॥ 120॥

प्रणमामिप्रियानन्दं सर्वकामफलप्रदम् ।

परमेष्टिगुरुंवन्दे परमङ्गुरुमाश्रये ॥ 121॥

श्रीगुरुं प्रणमस्यामि मूर्द्ध्नि ब्रह्मबिलेश्वरीम् ।

श्रीमदानन्दनाथाख्यश्रिगुरोपादुकां तथा ॥ 122॥

अथ प्राथमिके देवि चतुरश्रे कुलेश्वरि ।

अणिमांलखिमां वन्दे महिमां प्रणमाम्यहम् ॥ 123॥

ईशित्वसिद्धिं कलये वशित्वं प्रणमाम्यहम् ।

प्राकाम्यसिद्धिम्भुक्तिञ्च इच्छाप्राप्र्तिमहं भजे ॥ 124॥

सर्वकामप्रदां सर्वकामसिद्धिमहं भजे ।

मद्ध्यमेचतुरश्रेहं ब्राह्मीं माहेश्वरीं भजे ॥ 125॥

कौमारीं वैष्णवीं वन्दे वाराहीं प्रणमाम्यहम् ।

माहेन्द्रीमपिचामुण्डाम्महालक्ष्मीमहं भजे ॥ 126॥

तृतीये चतुरश्रे तु सर्वसङ्क्षोभिणीं भजे ।

सर्वविद्रापिणीम्मुद्रां सर्वाकर्षिणिकां भजे ॥ 127॥

मुद्रां वशङ्करीं वन्दे सर्वोन्मादिनिकां भजे ।

भजेमहाङ्कुशां मुद्रां खेचरीं प्रणमाम्यहम् ॥ 128॥

बीजामुद्रां योनिमुद्रां भजे सर्वत्रिखण्डिनीम् ।

त्रैलोक्यमोहनञ्चक्रं नमामि ललिते तव ॥ 129॥

नमामि योगिनीं तत्र प्रखटाख्यामभीष्टदाम् ।

सुधार्ण्णवासनंवन्दे तत्र ते परमेश्वरि ॥ 130॥

चक्रेश्वरि महं वन्दे त्रिपुरां प्रणमाम्यहम् ।

सर्वसङ्क्षोभिणीम्मुद्रां ततोहं कलये शिवे ॥ 131॥

अथाहं षोडशदले कामाकर्षिणिकां भजे ।

बुद्ध्याकर्षिणिकां वन्देऽहङ्काराकर्षिणीं भजे ॥ 132॥

शब्दाकर्षिणिकां वन्दे स्पर्शाकर्षिणिकां भजे ।

रूपाकर्षिणिकांवन्दे रसाकर्षिणिकां भजे ॥ 133॥

गन्धाकर्षिणिकां वन्दे चित्ताकर्षिणिकां भजे ।

धैर्याकर्षिणिकांवन्दे स्मृत्याकर्षिणिकां भजे ॥ 134॥

नामाकर्षिणिकां वन्दे बीजाकर्षिणिकां भजे ।

आत्माकर्षिणिकांवन्दे अमृताकर्षिणिकां भजे ॥ 135॥

शरीराकर्षिणिकां वन्दे नित्यां श्रीपरमेश्वरि ।

सर्वाशापूरकंवन्दे कल्पयेहं तवेश्वरि ॥ 136॥

गुप्ताख्यां योगिनीं वन्दे मातरं गुप्तपूज्यताम् ।

पोताम्बुजासनन्तत्र नमामि ललिते तव ॥ 137॥

त्रिपुरेशीं नमस्यामि भजामिष्टार्त्थसिद्धिदाम् ।

सर्वविद्राविणिमुद्रान्तत्राहं ते विचन्तये ॥ 138॥

सिवे तवाष्टपत्रेहमनङ्गकुसुमां भजे ।

अनङ्गमेखलांवन्दे अनङ्गमदनां भजे ॥ 139॥

नमोहं प्रणस्यामि अनङ्गमदनातुराम् ।

अनङ्गरेखाङ्कलये भजेनङ्गां च वेगिनीम् ॥ 140॥

अनङ्गाकुशवन्देऽहमनङ्गमालिनीं भजे ।

तत्राहम्प्रणस्यामि देव्या आसनमुत्तमम् ॥ 141॥

नमामि जगतीशानीं तत्र त्रिपुरसुन्दरीम् ।

सर्वाकर्षिणिकाम्मुद्रां तत्राह कल्पयामिते ॥ 142॥

भुवनाश्रये तव शिवे सर्वसङ्क्षोभिणीं भजे ।

सर्वविद्राविणींवन्दे सर्वकर्षिणिकां भजे ॥ 143॥

सर्वह्लादिनीं वन्दे सर्वसम्मोहिनीं भजे ।

सकलस्तम्भिनीं वन्दे कलये सर्वजृम्भिणीम् ॥ 144॥

वशङ्करीं नमस्यामि सर्वरज्ञिनिकां भजे ।

सकलोन्मदिनीं वन्दे भजे सर्वार्थसाधके ॥ 145॥

सम्पत्तिपुरिकां वन्दे सर्वमन्त्रमयीं भजे ।

भजाम्येवततश्शक्तिं सर्वद्वन्द्वक्ष्यङ्करीम् ॥ 146॥

तत्राहं कलये चक्रं सर्वसौभाग्यदायकम् ।

नमामिजगतां धात्रीं सम्प्रदायाख्ययोगिनिम् ॥ 147॥

नमामि परमेशानीं महात्रिपुरवासिनिम् ।

कलयेहन्तव शिवे मुद्रां सर्वशङ्करीम् ॥ 148॥

बहिर्द्दशारे ते देवि सर्वसिद्धिप्रदां भजे ।

सर्वसम्पत्प्रदां वन्दे सर्वप्रियङ्करीं भजे ॥ 149॥

नमाम्यहं ततो देवीं सर्वमङ्गलकारिणीम् ।

सर्वकामप्रदांवन्दे सर्वदुःखविमोचिनिम् ॥ 150॥

सर्वमृत्युप्रशमनीं सर्वविघ्ननिवारिणीम् ।

सर्वाङ्गसुन्दरींवन्दे सर्वसौभाग्यदायिनीम् ॥ 151॥

सर्वार्त्थसाधकं चक्रं तत्राहं ने विचिन्तये ।

तत्राहन्ते नमस्यामि कुलोत्तीर्णाख्य योगिनीम् ॥ 152॥

सर्वमन्त्रसनं वन्दे त्रिपुराश्रियमाश्रये ।

कलयामिततो मुद्रां सर्वोन्मादन कारिणीम् ॥ 153॥

अन्तर्द्दशारे ते देवि सर्वज्ञां प्रणमाम्यहम् ।

सर्वशक्तिन्नमस्यामि सर्वैश्वर्यप्रदां भजे ॥ 154॥

सर्वज्ञानमयीं वन्दे सर्वव्याधिविनाशिनीम् ।

सर्वाधारस्वरूपाञ्चसर्वपापहराम्भजे ॥ 155॥

सर्वानन्दमयिं वन्दे सर्वरक्षास्वरूपिणीम् ।

प्रणमामिमहादेवीं सर्वेप्सित फलप्रदाम् ॥ 156॥

सर्वरक्षाकरं चक्रं सुन्दरीं कलये सदा ।

निगर्भयोनींवन्दे तत्राहं प्रणमाम्यहम् ॥ 157॥

साद्ध्यसिद्धासनं वन्दे भजे त्रिपुरमालिनीम् ।

कलयामिततो देवीं मुद्रां सर्वमहाङ्कुशाम् ॥ 158॥

अष्टारे वशिनीं वन्दे महा कामेश्वरीं भजे ।

मोदिनींविमलांवन्दे अरुणाजयिनीं भजे ॥ 159॥

सर्वेश्वरीं नमस्यामि कौलिनीं प्रणमाम्यहम् ।

सर्वरोगहरञ्चक्रं तत्राहं कलये सदा ॥ 160॥

नमामि त्रिपुरा सिद्धिं भजे मुद्रां च खेचरीम् ।

महात्रिकोणवत्बाहुचतुरश्रे कुलेश्वरि ॥ 161॥

नमामि जृम्भणाबाणं सर्वसम्मोहिनीं भजे ।

पाशञ्चापं भजे नित्यं भजे स्तम्भनमङ्कुशम् ॥ 162॥

त्रिकोणेहं जगद्धात्रीं महाकामेश्वरीं भजे ।

महावज्रेश्वरींवन्दे महाश्रीभगमालिनीम् ॥ 163॥

महाश्रीसुन्दरीं वन्दे सर्वकामफलप्रदाम् ।

सर्वसिद्धिप्रदञ्चक्रं तवदेवि नमाम्यहम् ॥ 164॥

नमाम्यतिरहस्याख्यां योगिनीं तवकामदाम् ।

त्रिपुराम्बान्नमस्यामि बीजामुद्रामहाम्भजे ॥ 165॥

मूलमन्त्रेण ललिते तल्बिन्दौ पूजयाम्यहम् ।

सर्वानन्दमयञ्चक्रं तवदेवि भजाम्यहम् ॥ 166॥

परां पररहस्याख्यां योगिनीं तत्रकामदाम् ।

महाचक्रेश्वरींवन्दे योनिमुद्रामहं भजे ॥ 167॥

धूपदीपादिकं सर्वमर्प्पितं कल्पयाम्यहम् ।

त्वल्प्रीतयेमहामुद्रां दर्शयामि ततश्शिवे ॥ 168॥

शाल्यन्नं मधुसम्युक्तं पायसापूप सम्युक्तम् ।

घृतसूपसमायुक्तन्दधिक्षीरसमन्वितम् ॥ 169॥

सर्वभक्ष्यसमायुक्तं बहुशाकसमन्वितम् ।

निक्षिप्यकाञ्चने पात्रे नैवेद्यं कल्पयामि ते ॥ 170॥

सङ्कल्पबिन्दुना चक्रं कुचौ बिन्दुद्वयेन च ।

योनिश्चसपरार्द्धेन कृत्वा श्रीललिते तव ॥ 171॥

एतत् कामकला रूपं भक्तानां सर्वकामदम् ।

सर्वसौभाग्यदंवन्दे तत्र त्रिपुरसुन्दरीम् ॥ 172॥

वामभागे महेशानि वृत्तं च चतुरस्रकम् ।

कृत्वागन्धाक्षताद्यैश्चाप्यर्च्चयामि महेश्वरीम् ॥ 173॥

वाग्दवाद्यं नमस्यामि तत्र व्यापकमण्डलम् ।

जलयुक्तेनपाणौ च शुद्धमुद्रा समन्वितम् ॥ 174॥

तत्र मन्त्रेण दास्यामि देवि ते बलिमुत्तमम् ।

नमस्तेदेवदेवेशि नम स्त्रैलोक्यवन्दिते ॥ 175॥

नमश्शिववराङ्कस्थे नमस्त्रीपुरसुन्दरि ।

प्रदक्षिणनमस्कारमनेनाहं करोमि ते ॥ 176॥

तत सङ्कल्पमन्त्राणां समाजं परमेश्वरि ।

प्रजपामिमहाविद्यां त्वत् प्रीत्यर्त्थमहं शिवे ॥ 177॥

तव विद्यां प्रजप्त्वाथ नौमि त्वां परमेश्वरि ।

महादेविमहेशानि महाशिवमये प्रिये ॥ 178॥

महानित्ये महासिद्धे त्वामहं शरणं शिवे ।

जयत्वन्त्रिपुरे देवि ललिते परमेश्वरि ॥ 179॥

सदाशिव प्रियङ्करि पाहिमां करुणानिधे ।

जगन्मातर्ज्जगद्रूपेजगदीश्वरवल्लभे ॥ 180॥

जगन्मयि जगत् स्तुत्ये गौरि त्वामहमाश्रये ।

अनाद्येसर्वलोकानामाद्ये भक्तेष्टदायिनि ॥ 181॥

गिरिराजेन्द्रतनये नमस्तीपुरसुन्दरि ।

जयारीञ्जयदेवेशिब्रह्ममातर्महेश्वरि ॥ 182॥

विष्णुमातरमाद्यन्ते हरमातस्सुरेश्वरि ।

ब्रह्म्यादिमातृसंस्तुत्ये सर्वाभरण सम्युक्ते ॥ 183॥

ज्योतिर्मयि महारूपे पाहिमां त्रिपुरे सदा ।

लक्ष्मीवाण्यादिसं पूज्ये ब्रह्मविष्णुशिवप्रिय ॥ 184॥

भजामि तव पादाब्जं देवि त्रिपुरसुन्दरि ।

त्वल्प्रीत्यर्त्थंयतः काञ्चीच्छक्तिं वैपूजयाम्यहम् ॥ 185॥

ततश्च केतनां शक्तिं तर्पयामि महेश्वरि ।

तथापित्वां भजंस्तोषं चिदग्नौ च ददाम्यहम् ॥ 186॥

त्वल्प्रीत्यर्थ्यं महादेवि ममाभीष्टार्त्थ सिद्धये ।

बद्ध्वात्वां खैचरीमुद्रां क्षमस्वोद्वासयाम्यहम् ॥ 187॥

तिष्ठमे हृदयेनित्यं त्रिपुरे परमेश्वरि ।

जगदम्बमहाराज्ञि महाशक्ति शिवप्रिये ॥ 188॥

हृच्चक्रे तिष्तमे नित्यं महात्रिपुरसुन्दरि ।

एतत्त्रिपुरसुन्दर्या हृदयं सर्वकामदम् ॥ 189॥

महारहस्यं सततं दुर्ल्लभं दैवतैरपि ।

साक्षात्सदाशिवेनोक्तं गुह्यात् गुह्यमनुत्तमम् ॥ 190॥

यः पतेत् श्रद्धया नित्यं श‍ऋणुयाद्वा समाहितः ।

नित्यपूजाफलन्देव्यास्सलभेन्नात्र संशयः ॥ 191॥

पापैः समुच्यते सद्यः कायवाक्क् सित्तसम्भवैः ।

पूर्वजन्मसमुत् भ्रदतैर्ज्ञानाज्ञकृतैरपि ॥ 192॥

सर्वक्रतुषुयत् पुण्यं सर्वतीर्त्थेषु यर्फलम् ।

तत्पुण्यं लभते नित्यं मानवो नात्र संशयः ॥ 193॥

अचलां लभते लक्ष्मीं त्रैलोक्येनाति दुर्लभाम् ।

साक्षाद्विष्णुर्महालक्ष्याशीघ्रमेव भविष्यति ॥ 194॥

अष्टैश्वर्य मवाप्नोति स शीघ्रं मानवोत्तमः ।

घण्डिकापादुकासिद्ध्यादिष्टकंशीघ्रमश्नुते ॥ 195॥

श्रीमत्त्रिपुराम्बिकायै नमः ।

॥ श्रीललिताहृदयस्तोत्रं सम्पूर्णम् ॥

ॐ तत् सत् ॥