භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ .
භ॒ද්ර-ම්ප॑ශ්යේමා॒ක්ෂභි॒ර්යජ॑ත්රාඃ .
ස්ථි॒රෛරඞ්ගෛ᳚ස්තුෂ්ටු॒වාග්ංස॑ස්ත॒නූභිඃ॑ .
ව්යශේ॑ම දේ॒වහි॑තං॒-යँදායුඃ॑ ..
ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ .
ස්ව॑ස්ති නඃ॑ පූ॒ෂා වි॒ශ්වවේ॑දාඃ .
ස්ව॒॒ස්තින॒ස්තාර්ක්ෂ්යෝ॒ අරි॑ෂ්ටනේමිඃ .
ස්ව॒ස්ති නෝ॒ බෘහ॒ස්පති॑ර්දධාතු ..
ඕං ශාන්ති॒-ශ්ශාන්ති॒-ශ්ශාන්තිඃ॑ ..
යෝ॑-(අ)පා-ම්පුෂ්පං॒-වේँද॑ .
පුෂ්ප॑වා-න්ප්ර॒ජාවා᳚-න්පශු॒මා-න්භ॑වති .
ච॒න්ද්රමා॒ වා අ॒පා-ම්පුෂ්පම්᳚ .
පුෂ්ප॑වා-න්ප්ර॒ජාවා᳚-න්පශු॒මා-න්භ॑වති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
අ॒ග්නිර්වා අ॒පාමා॒යත॑නම් .
ආ॒යත॑නවා-න්භවති .
යෝ᳚-(අ)ග්නේරා॒යත॑නං॒-වේँද॑ .
ආ॒යත॑නවා-න්භවති .
ආපෝ॒වා අ॒ග්නේරා॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
වා॒යුර්වා අ॒පාමා॒යත॑නම් .
ආ॒යත॑නවා-න්භවති .
යෝ වා॒යෝරා॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වෛ වා॒යෝරා॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
අ॒සෞ වෛ තප॑න්න॒පාමා॒යත॑නම් .
ආ॒යත॑නවා-න්භවති .
යෝ॑-(අ)මුෂ්ය॒තප॑ත ආ॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වා අ॒මුෂ්ය॒තප॑ත ආ॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
ච॒න්ද්රමා॒ වා අ॒පාමා॒යත॑නම් .
ආ॒යත॑නවා-න්භවති .
යශ්ච॒න්ද්රම॑ස ආ॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වෛ ච॒න්ද්රම॑ස ආ॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
නක්ෂත්ර॑ත්රාණි॒ වා අ॒පාමා॒යත॑නම් .
ආ॒යත॑නවා-න්භවති .
යෝ නක්ෂත්ර॑ත්රාණාමා॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වෛ නක්ෂ॑ත්රාණාමා॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
ප॒ර්ජන්යෝ॒ වා අ॒පාමා॒යත॑නම් .
ආ॒යත॑නවා-න්භවති .
යඃ ප॒ර්ජන්ය॑ස්යා॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වෛ ප॒ර්ජන්ය॑ස්යා॒යත॑නම් .
ආ॒යත॑නවා-න්භවති .
ය ඒ॒වං-වේँද॑ .
යෝ॑-(අ)පාමා॒යත॑නං॒-වේँද॑ .
ආ॒යත॑නවා-න්භවති ..
සං॒වँ॒ත්ස॒රෝ වා අ॒පාමා॒යත॑න॒ම් .
ආ॒යත॑නවා-න්භවති .
ය-ස්සං॑වँත්ස॒රස්යා॒යත॑නං॒-වේँද॑ .
ආ॒යත॑නවා-න්භවති .
ආපෝ॒ වෛ සං॑වँත්ස॒රස්යා॒යත॑නම් .
ආ॒යත॑නවා-න්භවති .
ය ඒවං-වේँද॑ .
යෝ᳚-(අ)ඵ්සු නාව॒-ම්ප්රති॑ෂ්ඨිතාං॒-වේँද॑ .
ප්රත්යේ॒ව ති॑ෂ්ඨති ..
ඕං රා॒ජා॒ධි॒රා॒ජාය॑ ප්රසහ්ය සා॒හිනේ᳚ .
නමෝ॑ ව॒යං-වෛँ᳚ශ්රව॒ණාය॑ කුර්මහේ .
ස මේ॒ කාමා॒න් කාම॒ කාමා॑ය॒ මහ්යම්᳚ .
කා॒මේ॒ශ්ව॒රෝ වෛ᳚ශ්රව॒ණෝ ද॑දාතු .
කු॒බේ॒රාය॑ වෛශ්රව॒ණාය॑ .
ම॒හා॒රාජාය॒ නමඃ॑ ..
ඕ᳚-න්තද්බ්ර॒හ්ම .
ඕ᳚-න්තද්වා॒යුඃ .
ඕ᳚-න්තදා॒ත්මා .
ඕ᳚-න්තථ්ස॒ත්යම් .
ඕ᳚-න්තත්සර්වම්᳚ .
ඕ᳚-න්තත්පුරෝ॒ර්නමඃ ..
අන්තශ්චරති॑ භූතේ॒ෂු ගුහායාං-විँ॑ශ්වමූ॒ර්තිෂු .
ත්වං-යँජ්ඤස්ත්වං-වँෂට්කාරස්ත්ව-මින්ද්රස්ත්වග්ං
රුද්රස්ත්වං-විँෂ්ණුස්ත්ව-ම්බ්රහ්මත්ව॑-ම්ප්රජා॒පතිඃ .
ත්ව-න්ත॑දාප॒ ආපෝ॒ ජ්යෝතී॒රසෝ॒-(අ)මෘත-ම්බ්රහ්ම॒ භූර්භුව॒ස්සුව॒රෝම් .
ඊශානස්සර්ව॑ විද්යා॒නාමීශ්වරස්සර්ව॑භූතා॒නාං
බ්රහ්මාධි॑පති॒-ර්බ්රහ්ම॒ණෝ-(අ)ධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් .
තද්විෂ්ණෝඃ᳚ පර॒ම-ම්ප॒දග්ං සදා॑ පශ්යන්ති සූ॒රයඃ॑ .
දි॒වීව॒ චක්ෂු॒රාත॑තම් .
තද්විප්රා॑සෝ විප॒න්යවෝ॑ ජාගෘ॒වාග්ං සස්සමි॑න්ධතේ .
විෂ්නෝ॒ර්යත්ප॑ර॒ම-ම්ප॒දම් .
ඍතග්ං ස॒ත්ය-ම්ප॑ර-ම්බ්ර॒හ්ම॒ පු॒රුෂ॑-ඞ්කෘෂ්ණ॒පිඞ්ග॑ලම් .
ඌ॒ර්ධ්වරේ॑තං-විँ॑රූපා॒ක්ෂං॒-විँ॒ශ්වරූ॑පාය॒ වෛ නමෝ॒ නමඃ॑ ..
ඕ-න්නා॒රා॒ය॒ණාය॑ වි॒ද්මහේ॑ වාසුදේ॒වාය॑ ධීමහි .
තන්නෝ॑ විෂ්ණුඃ ප්රචෝ॒දයා᳚ත් ..
ඕං ශාන්ති॒-ශ්ශාන්ති॒-ශ්ශාන්තිඃ॑ .
Roman (IAST) Transliteration
bha॒dra-ṅkarṇḙbhi-śśṛṇu॒yāma̭ devāḥ |
bha॒dra-mpa̭śyemā॒kṣabhi॒ryaja̭trāḥ |
sthi॒rairaṅgai᳚stuṣṭu॒vāgṃsa̭sta॒nūbhiḥ̭ |
vyaśḙma de॒vahi̭taṃ॒-ya~dāyuḥ̭ ||
sva॒sti na॒ indro̭ vṛ॒ddhaśra̭vāḥ |
sva̭sti naḥ̭ pū॒ṣā vi॒śvavḙdāḥ |
sva॒॒stina॒stārkṣyo॒ ari̭ṣṭanemiḥ |
sva॒sti no॒ bṛha॒spati̭rdadhātu ||
oṃ śānti॒-śśānti॒-śśāntiḥ̭ ||
yo̭-'pā-mpuṣpaṃ॒-ve~da̭ |
puṣpa̭vā-npra॒jāvā᳚-npaśu॒mā-nbha̭vati |
ca॒ndramā॒ vā a॒pā-mpuṣpam᳚ |
puṣpa̭vā-npra॒jāvā᳚-npaśu॒mā-nbha̭vati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
a॒gnirvā a॒pāmā॒yata̭nam |
ā॒yata̭navā-nbhavati |
yo᳚-'gnerā॒yata̭naṃ॒-ve~da̭ |
ā॒yata̭navā-nbhavati |
āpo॒vā a॒gnerā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
vā॒yurvā a॒pāmā॒yata̭nam |
ā॒yata̭navā-nbhavati |
yo vā॒yorā॒yata̭naṃ॒-ve~da̭ |
ā॒yata̭navā-nbhavati |
āpo॒ vai vā॒yorā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
a॒sau vai tapa̭nna॒pāmā॒yata̭nam |
ā॒yata̭navā-nbhavati |
yo̭-'muṣya॒tapa̭ta ā॒yata̭naṃ॒-ve~da̭ |
ā॒yata̭navā-nbhavati |
āpo॒ vā a॒muṣya॒tapa̭ta ā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
ca॒ndramā॒ vā a॒pāmā॒yata̭nam |
ā॒yata̭navā-nbhavati |
yaśca॒ndrama̭sa ā॒yata̭naṃ॒-ve~da̭ |
ā॒yata̭navā-nbhavati |
āpo॒ vai ca॒ndrama̭sa ā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
nakṣatra̭trāṇi॒ vā a॒pāmā॒yata̭nam |
ā॒yata̭navā-nbhavati |
yo nakṣatra̭trāṇāmā॒yata̭naṃ॒-ve~da̭ |
ā॒yata̭navā-nbhavati |
āpo॒ vai nakṣa̭trāṇāmā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
pa॒rjanyo॒ vā a॒pāmā॒yata̭nam |
ā॒yata̭navā-nbhavati |
yaḥ pa॒rjanya̭syā॒yata̭naṃ॒-ve~da̭ |
ā॒yata̭navā-nbhavati |
āpo॒ vai pa॒rjanya̭syā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
saṃ॒va~॒tsa॒ro vā a॒pāmā॒yata̭na॒m |
ā॒yata̭navā-nbhavati |
ya-ssaṃ̭va~tsa॒rasyā॒yata̭naṃ॒-ve~da̭ |
ā॒yata̭navā-nbhavati |
āpo॒ vai saṃ̭va~tsa॒rasyā॒yata̭nam |
ā॒yata̭navā-nbhavati |
ya evaṃ-ve~da̭ |
yo᳚-'phsu nāva॒-mprati̭ṣṭhitāṃ॒-ve~da̭ |
pratye॒va ti̭ṣṭhati ||
oṃ rā॒jā॒dhi॒rā॒jāya̭ prasahya sā॒hine᳚ |
namo̭ va॒yaṃ-vai~᳚śrava॒ṇāya̭ kurmahe |
sa me॒ kāmā॒n kāma॒ kāmā̭ya॒ mahyam᳚ |
kā॒me॒śva॒ro vai᳚śrava॒ṇo da̭dātu |
ku॒be॒rāya̭ vaiśrava॒ṇāya̭ |
ma॒hā॒rājāya॒ namaḥ̭ ||
o᳚-ntadbra॒hma |
o᳚-ntadvā॒yuḥ |
o᳚-ntadā॒tmā |
o᳚-ntathsa॒tyam |
o᳚-ntatsarvam᳚ |
o᳚-ntatpuro॒rnamaḥ ||
antaścarati̭ bhūte॒ṣu guhāyāṃ-vi~̭śvamū॒rtiṣu |
tvaṃ-ya~jñastvaṃ-va~ṣaṭkārastva-mindrastvagṃ
rudrastvaṃ-vi~ṣṇustva-mbrahmatva̭-mprajā॒patiḥ |
tva-nta̭dāpa॒ āpo॒ jyotī॒raso॒-'mṛta-mbrahma॒ bhūrbhuva॒ssuva॒rom |
īśānassarva̭ vidyā॒nāmīśvarassarva̭bhūtā॒nāṃ
brahmādhi̭pati॒-rbrahma॒ṇo-'dhi̭pati॒-rbrahmā̭ śi॒vo mḙ astu sadāśi॒vom |
tadviṣṇoḥ᳚ para॒ma-mpa॒dagṃ sadā̭ paśyanti sū॒rayaḥ̭ |
di॒vīva॒ cakṣu॒rāta̭tam |
tadviprā̭so vipa॒nyavo̭ jāgṛ॒vāgṃ sassami̭ndhate |
viṣno॒ryatpa̭ra॒ma-mpa॒dam |
ṛtagṃ sa॒tya-mpa̭ra-mbra॒hma॒ pu॒ruṣa̭-ṅkṛṣṇa॒piṅga̭lam |
ū॒rdhvarḙtaṃ-vi~̭rūpā॒kṣaṃ॒-vi~॒śvarṷ̄pāya॒ vai namo॒ namaḥ̭ ||
o-nnā॒rā॒ya॒ṇāya̭ vi॒dmahḙ vāsude॒vāya̭ dhīmahi |
tanno̭ viṣṇuḥ praco॒dayā᳚t ||
oṃ śānti॒-śśānti॒-śśāntiḥ̭ |
Sanskrit — Devanagari (original)
भ॒द्र-ङ्कर्णे॑भि-श्शृणु॒याम॑ देवाः ।
भ॒द्र-म्प॑श्येमा॒क्षभि॒र्यज॑त्राः ।
स्थि॒रैरङ्गै᳚स्तुष्टु॒वाग्ंस॑स्त॒नूभिः॑ ।
व्यशे॑म दे॒वहि॑तं॒-यँदायुः॑ ॥
स्व॒स्ति न॒ इन्द्रो॑ वृ॒द्धश्र॑वाः ।
स्व॑स्ति नः॑ पू॒षा वि॒श्ववे॑दाः ।
स्व॒॒स्तिन॒स्तार्क्ष्यो॒ अरि॑ष्टनेमिः ।
स्व॒स्ति नो॒ बृह॒स्पति॑र्दधातु ॥
ॐ शान्ति॒-श्शान्ति॒-श्शान्तिः॑ ॥
यो॑-ऽपा-म्पुष्पं॒-वेँद॑ ।
पुष्प॑वा-न्प्र॒जावा᳚-न्पशु॒मा-न्भ॑वति ।
च॒न्द्रमा॒ वा अ॒पा-म्पुष्पम्᳚ ।
पुष्प॑वा-न्प्र॒जावा᳚-न्पशु॒मा-न्भ॑वति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
अ॒ग्निर्वा अ॒पामा॒यत॑नम् ।
आ॒यत॑नवा-न्भवति ।
यो᳚-ऽग्नेरा॒यत॑नं॒-वेँद॑ ।
आ॒यत॑नवा-न्भवति ।
आपो॒वा अ॒ग्नेरा॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
वा॒युर्वा अ॒पामा॒यत॑नम् ।
आ॒यत॑नवा-न्भवति ।
यो वा॒योरा॒यत॑नं॒-वेँद॑ ।
आ॒यत॑नवा-न्भवति ।
आपो॒ वै वा॒योरा॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
अ॒सौ वै तप॑न्न॒पामा॒यत॑नम् ।
आ॒यत॑नवा-न्भवति ।
यो॑-ऽमुष्य॒तप॑त आ॒यत॑नं॒-वेँद॑ ।
आ॒यत॑नवा-न्भवति ।
आपो॒ वा अ॒मुष्य॒तप॑त आ॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
च॒न्द्रमा॒ वा अ॒पामा॒यत॑नम् ।
आ॒यत॑नवा-न्भवति ।
यश्च॒न्द्रम॑स आ॒यत॑नं॒-वेँद॑ ।
आ॒यत॑नवा-न्भवति ।
आपो॒ वै च॒न्द्रम॑स आ॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
नक्षत्र॑त्राणि॒ वा अ॒पामा॒यत॑नम् ।
आ॒यत॑नवा-न्भवति ।
यो नक्षत्र॑त्राणामा॒यत॑नं॒-वेँद॑ ।
आ॒यत॑नवा-न्भवति ।
आपो॒ वै नक्ष॑त्राणामा॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
प॒र्जन्यो॒ वा अ॒पामा॒यत॑नम् ।
आ॒यत॑नवा-न्भवति ।
यः प॒र्जन्य॑स्या॒यत॑नं॒-वेँद॑ ।
आ॒यत॑नवा-न्भवति ।
आपो॒ वै प॒र्जन्य॑स्या॒यत॑नम् ।
आ॒यत॑नवा-न्भवति ।
य ए॒वं-वेँद॑ ।
यो॑-ऽपामा॒यत॑नं॒-वेँद॑ ।
आ॒यत॑नवा-न्भवति ॥
सं॒वँ॒त्स॒रो वा अ॒पामा॒यत॑न॒म् ।
आ॒यत॑नवा-न्भवति ।
य-स्सं॑वँत्स॒रस्या॒यत॑नं॒-वेँद॑ ।
आ॒यत॑नवा-न्भवति ।
आपो॒ वै सं॑वँत्स॒रस्या॒यत॑नम् ।
आ॒यत॑नवा-न्भवति ।
य एवं-वेँद॑ ।
यो᳚-ऽफ्सु नाव॒-म्प्रति॑ष्ठितां॒-वेँद॑ ।
प्रत्ये॒व ति॑ष्ठति ॥
ॐ रा॒जा॒धि॒रा॒जाय॑ प्रसह्य सा॒हिने᳚ ।
नमो॑ व॒यं-वैँ᳚श्रव॒णाय॑ कुर्महे ।
स मे॒ कामा॒न् काम॒ कामा॑य॒ मह्यम्᳚ ।
का॒मे॒श्व॒रो वै᳚श्रव॒णो द॑दातु ।
कु॒बे॒राय॑ वैश्रव॒णाय॑ ।
म॒हा॒राजाय॒ नमः॑ ॥
ओ᳚-न्तद्ब्र॒ह्म ।
ओ᳚-न्तद्वा॒युः ।
ओ᳚-न्तदा॒त्मा ।
ओ᳚-न्तथ्स॒त्यम् ।
ओ᳚-न्तत्सर्वम्᳚ ।
ओ᳚-न्तत्पुरो॒र्नमः ॥
अन्तश्चरति॑ भूते॒षु गुहायां-विँ॑श्वमू॒र्तिषु ।
त्वं-यँज्ञस्त्वं-वँषट्कारस्त्व-मिन्द्रस्त्वग्ं
रुद्रस्त्वं-विँष्णुस्त्व-म्ब्रह्मत्व॑-म्प्रजा॒पतिः ।
त्व-न्त॑दाप॒ आपो॒ ज्योती॒रसो॒-ऽमृत-म्ब्रह्म॒ भूर्भुव॒स्सुव॒रोम् ।
ईशानस्सर्व॑ विद्या॒नामीश्वरस्सर्व॑भूता॒नां
ब्रह्माधि॑पति॒-र्ब्रह्म॒णो-ऽधि॑पति॒-र्ब्रह्मा॑ शि॒वो मे॑ अस्तु सदाशि॒वोम् ।
तद्विष्णोः᳚ पर॒म-म्प॒दग्ं सदा॑ पश्यन्ति सू॒रयः॑ ।
दि॒वीव॒ चक्षु॒रात॑तम् ।
तद्विप्रा॑सो विप॒न्यवो॑ जागृ॒वाग्ं सस्समि॑न्धते ।
विष्नो॒र्यत्प॑र॒म-म्प॒दम् ।
ऋतग्ं स॒त्य-म्प॑र-म्ब्र॒ह्म॒ पु॒रुष॑-ङ्कृष्ण॒पिङ्ग॑लम् ।
ऊ॒र्ध्वरे॑तं-विँ॑रूपा॒क्षं॒-विँ॒श्वरू॑पाय॒ वै नमो॒ नमः॑ ॥
ओ-न्ना॒रा॒य॒णाय॑ वि॒द्महे॑ वासुदे॒वाय॑ धीमहि ।
तन्नो॑ विष्णुः प्रचो॒दया᳚त् ॥
ॐ शान्ति॒-श्शान्ति॒-श्शान्तिः॑ ।
bha॒dra-ṅkarṇḙbhi-śśṛṇu॒yāma̭ devāḥ |
bha॒dra-mpa̭śyemā॒kṣabhi॒ryaja̭trāḥ |
sthi॒rairaṅgai᳚stuṣṭu॒vāgṃsa̭sta॒nūbhiḥ̭ |
vyaśḙma de॒vahi̭taṃ॒-ya~dāyuḥ̭ ||
sva॒sti na॒ indro̭ vṛ॒ddhaśra̭vāḥ |
sva̭sti naḥ̭ pū॒ṣā vi॒śvavḙdāḥ |
sva॒॒stina॒stārkṣyo॒ ari̭ṣṭanemiḥ |
sva॒sti no॒ bṛha॒spati̭rdadhātu ||
oṃ śānti॒-śśānti॒-śśāntiḥ̭ ||
yo̭-'pā-mpuṣpaṃ॒-ve~da̭ |
puṣpa̭vā-npra॒jāvā᳚-npaśu॒mā-nbha̭vati |
ca॒ndramā॒ vā a॒pā-mpuṣpam᳚ |
puṣpa̭vā-npra॒jāvā᳚-npaśu॒mā-nbha̭vati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
a॒gnirvā a॒pāmā॒yata̭nam |
ā॒yata̭navā-nbhavati |
yo᳚-'gnerā॒yata̭naṃ॒-ve~da̭ |
ā॒yata̭navā-nbhavati |
āpo॒vā a॒gnerā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
vā॒yurvā a॒pāmā॒yata̭nam |
ā॒yata̭navā-nbhavati |
yo vā॒yorā॒yata̭naṃ॒-ve~da̭ |
ā॒yata̭navā-nbhavati |
āpo॒ vai vā॒yorā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
a॒sau vai tapa̭nna॒pāmā॒yata̭nam |
ā॒yata̭navā-nbhavati |
yo̭-'muṣya॒tapa̭ta ā॒yata̭naṃ॒-ve~da̭ |
ā॒yata̭navā-nbhavati |
āpo॒ vā a॒muṣya॒tapa̭ta ā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
ca॒ndramā॒ vā a॒pāmā॒yata̭nam |
ā॒yata̭navā-nbhavati |
yaśca॒ndrama̭sa ā॒yata̭naṃ॒-ve~da̭ |
ā॒yata̭navā-nbhavati |
āpo॒ vai ca॒ndrama̭sa ā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
nakṣatra̭trāṇi॒ vā a॒pāmā॒yata̭nam |
ā॒yata̭navā-nbhavati |
yo nakṣatra̭trāṇāmā॒yata̭naṃ॒-ve~da̭ |
ā॒yata̭navā-nbhavati |
āpo॒ vai nakṣa̭trāṇāmā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
pa॒rjanyo॒ vā a॒pāmā॒yata̭nam |
ā॒yata̭navā-nbhavati |
yaḥ pa॒rjanya̭syā॒yata̭naṃ॒-ve~da̭ |
ā॒yata̭navā-nbhavati |
āpo॒ vai pa॒rjanya̭syā॒yata̭nam |
ā॒yata̭navā-nbhavati |
ya e॒vaṃ-ve~da̭ |
yo̭-'pāmā॒yata̭naṃ॒-ve~da̭ |
ā॒yata̭navā-nbhavati ||
saṃ॒va~॒tsa॒ro vā a॒pāmā॒yata̭na॒m |
ā॒yata̭navā-nbhavati |
ya-ssaṃ̭va~tsa॒rasyā॒yata̭naṃ॒-ve~da̭ |
ā॒yata̭navā-nbhavati |
āpo॒ vai saṃ̭va~tsa॒rasyā॒yata̭nam |
ā॒yata̭navā-nbhavati |
ya evaṃ-ve~da̭ |
yo᳚-'phsu nāva॒-mprati̭ṣṭhitāṃ॒-ve~da̭ |
pratye॒va ti̭ṣṭhati ||
oṃ rā॒jā॒dhi॒rā॒jāya̭ prasahya sā॒hine᳚ |
namo̭ va॒yaṃ-vai~᳚śrava॒ṇāya̭ kurmahe |
sa me॒ kāmā॒n kāma॒ kāmā̭ya॒ mahyam᳚ |
kā॒me॒śva॒ro vai᳚śrava॒ṇo da̭dātu |
ku॒be॒rāya̭ vaiśrava॒ṇāya̭ |
ma॒hā॒rājāya॒ namaḥ̭ ||
o᳚-ntadbra॒hma |
o᳚-ntadvā॒yuḥ |
o᳚-ntadā॒tmā |
o᳚-ntathsa॒tyam |
o᳚-ntatsarvam᳚ |
o᳚-ntatpuro॒rnamaḥ ||
antaścarati̭ bhūte॒ṣu guhāyāṃ-vi~̭śvamū॒rtiṣu |
tvaṃ-ya~jñastvaṃ-va~ṣaṭkārastva-mindrastvagṃ
rudrastvaṃ-vi~ṣṇustva-mbrahmatva̭-mprajā॒patiḥ |
tva-nta̭dāpa॒ āpo॒ jyotī॒raso॒-'mṛta-mbrahma॒ bhūrbhuva॒ssuva॒rom |
īśānassarva̭ vidyā॒nāmīśvarassarva̭bhūtā॒nāṃ
brahmādhi̭pati॒-rbrahma॒ṇo-'dhi̭pati॒-rbrahmā̭ śi॒vo mḙ astu sadāśi॒vom |
tadviṣṇoḥ᳚ para॒ma-mpa॒dagṃ sadā̭ paśyanti sū॒rayaḥ̭ |
di॒vīva॒ cakṣu॒rāta̭tam |
tadviprā̭so vipa॒nyavo̭ jāgṛ॒vāgṃ sassami̭ndhate |
viṣno॒ryatpa̭ra॒ma-mpa॒dam |
ṛtagṃ sa॒tya-mpa̭ra-mbra॒hma॒ pu॒ruṣa̭-ṅkṛṣṇa॒piṅga̭lam |
ū॒rdhvarḙtaṃ-vi~̭rūpā॒kṣaṃ॒-vi~॒śvarṷ̄pāya॒ vai namo॒ namaḥ̭ ||
o-nnā॒rā॒ya॒ṇāya̭ vi॒dmahḙ vāsude॒vāya̭ dhīmahi |
tanno̭ viṣṇuḥ praco॒dayā᳚t ||
oṃ śānti॒-śśānti॒-śśāntiḥ̭ |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.