Dharmashashta Stotram (shri Bharati Tirtha Kritam) — Sinhala Script

ජගත්ප්රතිෂ්ඨාහේතුර්යඃ ධර්මඃ ශ්රුත්යන්තකීර්තිතඃ .

තස්යාපි ශාස්තා යෝ දේවස්තං සදා සමුපාශ්රයේ .. 1 ..

ශ්රීශඞ්කරාචාර්යෛඃ ශිවාවතාරෛඃ

ධර්මප්රචාරාය සමස්තකාලේ .

සුස්ථාපිතං ශෘඞ්ගමහීධ්රවර්යේ

පීඨං යතීන්ද්රාඃ පරිභූෂයන්ති .. 2 ..

තේෂ්වේව කර්මන්දිවරේෂු විද්යා-

-තපෝධනේෂු ප්රථිතානුභාවඃ .

විද්යාසුතීර්ථෝ(අ)භිනවෝ(අ)ද්ය යෝගී

ශාස්තාරමාලෝකයිතුං ප්රතස්ථේ .. 3 ..

ධර්මස්ය ගෝප්තා යතිපුඞ්ගවෝ(අ)යං

ධර්මස්ය ශාස්තාරමවෛක්ෂතේති .

යුක්තං තදේතද්යුභයෝස්තයෝර්හි

සම්මේලනං ලෝකහිතාය නූනම් .. 4 ..

කාලේ(අ)ස්මින් කලිමලදූෂිතේ(අ)පි ධර්මඃ

ශ්රෞතෝ(අ)යං න ඛලු විලෝපමාප තත්ර .

හේතුඃ ඛල්වයමිහ නූනමේව නාන්යඃ

ශාස්තා(අ)ස්තේ සකලජනෛකවන්ද්යපාදඃ .. 5 ..

ජ්ඤානං ෂඩාස්යවරතාතකෘපෛකලභ්යං

මෝක්ෂස්තු තාර්ක්ෂ්යවරවාහදයෛකලභ්යඃ .

ජ්ඤානං ච මෝක්ෂ උභයං තු විනා ශ්රමේණ

ප්රාප්යං ජනෛඃ හරිහරාත්මජසත්ප්රසාදාත් .. 6 ..

යමනියමාදිසමේතෛඃ යතචිත්තෛර්යෝගිභිඃ සදා ධ්යේයම් .

ශාස්තාරං හෘදි කලයේ ධාතාරං සර්වලෝකස්ය .. 7 ..

ශබරගිරිනිවාසඃ සර්වලෝකෛකපූජ්යඃ

නතජනසුඛකාරී නම්රහෘත්තාපහාරී .

ත්රිදශදිතිජසේව්යඃ ස්වර්ගමෝක්ෂප්රදාතා

හරිහරසුතදේවඃ සන්තතං ශං තනෝතු .. 8 ..

ඉති ශෘඞ්ගේරි ජගද්ගුරු ශ්රී ශ්රී භාරතීතීර්ථ මහාස්වාමිභිඃ විරචිතං ධර්මශාස්තා ස්තෝත්රම් .

Roman (IAST) Transliteration

jagatpratiṣṭhāheturyaḥ dharmaḥ śrutyantakīrtitaḥ |

tasyāpi śāstā yo devastaṃ sadā samupāśraye || 1 ||

śrīśaṅkarācāryaiḥ śivāvatāraiḥ

dharmapracārāya samastakāle |

susthāpitaṃ śṛṅgamahīdhravarye

pīṭhaṃ yatīndrāḥ paribhūṣayanti || 2 ||

teṣveva karmandivareṣu vidyā-

-tapodhaneṣu prathitānubhāvaḥ |

vidyāsutīrtho'bhinavo'dya yogī

śāstāramālokayituṃ pratasthe || 3 ||

dharmasya goptā yatipuṅgavo'yaṃ

dharmasya śāstāramavaikṣateti |

yuktaṃ tadetadyubhayostayorhi

sammelanaṃ lokahitāya nūnam || 4 ||

kāle'smin kalimaladūṣite'pi dharmaḥ

śrauto'yaṃ na khalu vilopamāpa tatra |

hetuḥ khalvayamiha nūnameva nānyaḥ

śāstā'ste sakalajanaikavandyapādaḥ || 5 ||

jñānaṃ ṣaḍāsyavaratātakṛpaikalabhyaṃ

mokṣastu tārkṣyavaravāhadayaikalabhyaḥ |

jñānaṃ ca mokṣa ubhayaṃ tu vinā śrameṇa

prāpyaṃ janaiḥ hariharātmajasatprasādāt || 6 ||

yamaniyamādisametaiḥ yatacittairyogibhiḥ sadā dhyeyam |

śāstāraṃ hṛdi kalaye dhātāraṃ sarvalokasya || 7 ||

śabaragirinivāsaḥ sarvalokaikapūjyaḥ

natajanasukhakārī namrahṛttāpahārī |

tridaśaditijasevyaḥ svargamokṣapradātā

hariharasutadevaḥ santataṃ śaṃ tanotu || 8 ||

iti śṛṅgeri jagadguru śrī śrī bhāratītīrtha mahāsvāmibhiḥ viracitaṃ dharmaśāstā stotram |

Sanskrit — Devanagari (original)

जगत्प्रतिष्ठाहेतुर्यः धर्मः श्रुत्यन्तकीर्तितः ।

तस्यापि शास्ता यो देवस्तं सदा समुपाश्रये ॥ 1 ॥

श्रीशङ्कराचार्यैः शिवावतारैः

धर्मप्रचाराय समस्तकाले ।

सुस्थापितं शृङ्गमहीध्रवर्ये

पीठं यतीन्द्राः परिभूषयन्ति ॥ 2 ॥

तेष्वेव कर्मन्दिवरेषु विद्या-

-तपोधनेषु प्रथितानुभावः ।

विद्यासुतीर्थोऽभिनवोऽद्य योगी

शास्तारमालोकयितुं प्रतस्थे ॥ 3 ॥

धर्मस्य गोप्ता यतिपुङ्गवोऽयं

धर्मस्य शास्तारमवैक्षतेति ।

युक्तं तदेतद्युभयोस्तयोर्हि

सम्मेलनं लोकहिताय नूनम् ॥ 4 ॥

कालेऽस्मिन् कलिमलदूषितेऽपि धर्मः

श्रौतोऽयं न खलु विलोपमाप तत्र ।

हेतुः खल्वयमिह नूनमेव नान्यः

शास्ताऽस्ते सकलजनैकवन्द्यपादः ॥ 5 ॥

ज्ञानं षडास्यवरतातकृपैकलभ्यं

मोक्षस्तु तार्क्ष्यवरवाहदयैकलभ्यः ।

ज्ञानं च मोक्ष उभयं तु विना श्रमेण

प्राप्यं जनैः हरिहरात्मजसत्प्रसादात् ॥ 6 ॥

यमनियमादिसमेतैः यतचित्तैर्योगिभिः सदा ध्येयम् ।

शास्तारं हृदि कलये धातारं सर्वलोकस्य ॥ 7 ॥

शबरगिरिनिवासः सर्वलोकैकपूज्यः

नतजनसुखकारी नम्रहृत्तापहारी ।

त्रिदशदितिजसेव्यः स्वर्गमोक्षप्रदाता

हरिहरसुतदेवः सन्ततं शं तनोतु ॥ 8 ॥

इति शृङ्गेरि जगद्गुरु श्री श्री भारतीतीर्थ महास्वामिभिः विरचितं धर्मशास्ता स्तोत्रम् ।