श्रीभैरव्युवाच
भगवन् श्रोतुमिच्छामि मातङ्ग्याः शतनामकम् ।
यद्गुह्यं सर्वतन्त्रेषु केनापि न प्रकाशितम् ॥ 1 ॥
श्रीभैरव उवाच
शृणु देवि प्रवक्ष्यामि रहस्यातिरहस्यकम् ।
नाख्येयं यत्र कुत्रापि पठनीयं परात्परम् ॥ 2 ॥
यस्यैकवारपठनात्सर्वे विघ्ना उपद्रवाः ।
नश्यन्ति तत्क्षणाद्देवि वह्निना तूलराशिवत् ॥ 3 ॥
प्रसन्ना जायते देवी मातङ्गी चास्य पाठतः ।
सहस्रनामपठने यत्फलं परिकीर्तितम् ।
तत्कोटिगुणितं देवीनामाष्टशतकं शुभम् ॥ 4 ॥
अस्य श्रीमातङ्ग्यष्टोत्तरशतनामस्तोत्रस्य भगवान्मतङ्ग ऋषिः अनुष्टुप्छन्दः श्रीमातङ्गी देवता श्रीमातङ्गी प्रीतये जपे विनियोगः ।
महामत्तमातङ्गिनी सिद्धिरूपा
तथा योगिनी भद्रकाली रमा च ।
भवानी भवप्रीतिदा भूतियुक्ता
भवाराधिता भूतिसम्पत्करी च ॥ 1 ॥
धनाधीशमाता धनागारदृष्टि-
-र्धनेशार्चिता धीरवापी वराङ्गी ।
प्रकृष्टा प्रभारूपिणी कामरूपा
प्रहृष्टा महाकीर्तिदा कर्णनाली ॥ 2 ॥
कराली भगा घोररूपा भगाङ्गी
भगाह्वा भगप्रीतिदा भीमरूपा ।
भवानी महाकौशिकी कोशपूर्णा
किशोरी किशोरप्रिया नन्दीहा ॥ 3 ॥
महाकारणाऽकारणा कर्मशीला
कपाली प्रसिद्धा महासिद्धखण्डा ।
मकारप्रिया मानरूपा महेशी
मलोल्लासिनी लास्यलीलालयाङ्गी ॥ 4 ॥
क्षमा क्षेमशीला क्षपाकारिणी चा-
-ऽक्षयप्रीतिदा भूतियुक्ता भवानी ।
भवाराधिता भूतिसत्यात्मिका च
प्रभोद्भासिता भानुभास्वत्करा च ॥ 5 ॥
धराधीशमाता धरागारदृष्टि-
-र्धरेशार्चिता धीवरा धीवराङ्गी ।
प्रकृष्टा प्रभारूपिणी प्राणरूपा
प्रकृष्टस्वरूपा स्वरूपप्रिया च ॥ 6 ॥
चलत्कुण्डला कामिनी कान्तयुक्ता
कपालाऽचला कालकोद्धारिणी च ।
कदम्बप्रिया कोटरी कोटदेहा
क्रमा कीर्तिदा कर्णरूपा च काक्ष्मीः ॥ 7 ॥
क्षमाङ्गी क्षयप्रेमरूपा क्षया च
क्षयाक्षा क्षयाह्वा क्षयप्रान्तरा च ।
क्षवत्कामिनी क्षारिणी क्षीरपूर्णा
शिवाङ्गी च शाकम्भरी शाकदेहा ॥ 8 ॥
महाशाकयज्ञा फलप्राशका च
शकाह्वाऽशकाह्वा शकाख्या शका च ।
शकाक्षान्तरोषा सुरोषा सुरेखा
महाशेषयज्ञोपवीतप्रिया च ॥ 9 ॥
जयन्ती जया जाग्रती योग्यरूपा
जयाङ्गा जपध्यानसन्तुष्टसञ्ज्ञा ।
जयप्राणरूपा जयस्वर्णदेहा
जयज्वालिनी यामिनी याम्यरूपा ॥ 10 ॥
जगन्मातृरूपा जगद्रक्षणा च
स्वधावौषडन्ता विलम्बाऽविलम्बा ।
षडङ्गा महालम्बरूपासिहस्ता-
पदाहारिणीहारिणी हारिणी च ॥ 11 ॥
महामङ्गला मङ्गलप्रेमकीर्ति-
-र्निशुम्भच्छिदा शुम्भदर्पापहा च ।
तथाऽऽनन्दबीजादिमुक्तिस्वरूपा
तथा चण्डमुण्डापदा मुख्यचण्डा ॥ 12 ॥
प्रचण्डाऽप्रचण्डा महाचण्डवेगा
चलच्चामरा चामरा चन्द्रकीर्तिः ।
सुचामीकरा चित्रभूषोज्ज्वलाङ्गी
सुसङ्गीतगीता च पायादपायात् ॥ 13 ॥
इति ते कथितं देवि नाम्नामष्टोत्तरं शतम् ।
गोप्यं च सर्वतन्त्रेषु गोपनीयं च सर्वदा ॥ 14 ॥
एतस्य सतताभ्यासात्साक्षाद्देवो महेश्वरः ।
त्रिसन्ध्यं च महाभक्त्या पठनीयं सुखोदयम् ॥ 15 ॥
न तस्य दुष्करं किञ्चिज्जायते स्पर्शतः क्षणात् ।
सुकृतं यत्तदेवाप्तं तस्मादावर्तयेत्सदा ॥ 16 ॥
सदैव सन्निधौ तस्य देवी वसति सादरम् ।
अयोगा ये त एवाग्रे सुयोगाश्च भवन्ति वै ॥ 17 ॥
त एव मित्रभूताश्च भवन्ति तत्प्रसादतः ।
विषाणि नोपसर्पन्ति व्याधयो न स्पृशन्ति तान् ॥ 18 ॥
लूताविस्फोटकाः सर्वे शमं यान्ति च तत्क्षणात् ।
जरापलितनिर्मुक्तः कल्पजीवी भवेन्नरः ॥ 19 ॥
अपि किं बहुनोक्तेन सान्निध्यं फलमाप्नुयात् ।
यावन्मया पुरा प्रोक्तं फलं साहस्रनामकम् ।
तत्सर्वं लभते मर्त्यो महामायाप्रसादतः ॥ 20 ॥
इति श्रीरुद्रयामले श्रीमातङ्गीशतनामस्तोत्रम् ।
Roman (IAST) Transliteration
śrībhairavyuvāca
bhagavan śrotumicchāmi mātaṅgyāḥ śatanāmakam |
yadguhyaṃ sarvatantreṣu kenāpi na prakāśitam || 1 ||
śrībhairava uvāca
śṛṇu devi pravakṣyāmi rahasyātirahasyakam |
nākhyeyaṃ yatra kutrāpi paṭhanīyaṃ parātparam || 2 ||
yasyaikavārapaṭhanātsarve vighnā upadravāḥ |
naśyanti tatkṣaṇāddevi vahninā tūlarāśivat || 3 ||
prasannā jāyate devī mātaṅgī cāsya pāṭhataḥ |
sahasranāmapaṭhane yatphalaṃ parikīrtitam |
tatkoṭiguṇitaṃ devīnāmāṣṭaśatakaṃ śubham || 4 ||
asya śrīmātaṅgyaṣṭottaraśatanāmastotrasya bhagavānmataṅga ṛṣiḥ anuṣṭupchandaḥ śrīmātaṅgī devatā śrīmātaṅgī prītaye jape viniyogaḥ |
mahāmattamātaṅginī siddhirūpā
tathā yoginī bhadrakālī ramā ca |
bhavānī bhavaprītidā bhūtiyuktā
bhavārādhitā bhūtisampatkarī ca || 1 ||
dhanādhīśamātā dhanāgāradṛṣṭi-
-rdhaneśārcitā dhīravāpī varāṅgī |
prakṛṣṭā prabhārūpiṇī kāmarūpā
prahṛṣṭā mahākīrtidā karṇanālī || 2 ||
karālī bhagā ghorarūpā bhagāṅgī
bhagāhvā bhagaprītidā bhīmarūpā |
bhavānī mahākauśikī kośapūrṇā
kiśorī kiśorapriyā nandīhā || 3 ||
mahākāraṇā'kāraṇā karmaśīlā
kapālī prasiddhā mahāsiddhakhaṇḍā |
makārapriyā mānarūpā maheśī
malollāsinī lāsyalīlālayāṅgī || 4 ||
kṣamā kṣemaśīlā kṣapākāriṇī cā-
-'kṣayaprītidā bhūtiyuktā bhavānī |
bhavārādhitā bhūtisatyātmikā ca
prabhodbhāsitā bhānubhāsvatkarā ca || 5 ||
dharādhīśamātā dharāgāradṛṣṭi-
-rdhareśārcitā dhīvarā dhīvarāṅgī |
prakṛṣṭā prabhārūpiṇī prāṇarūpā
prakṛṣṭasvarūpā svarūpapriyā ca || 6 ||
calatkuṇḍalā kāminī kāntayuktā
kapālā'calā kālakoddhāriṇī ca |
kadambapriyā koṭarī koṭadehā
kramā kīrtidā karṇarūpā ca kākṣmīḥ || 7 ||
kṣamāṅgī kṣayapremarūpā kṣayā ca
kṣayākṣā kṣayāhvā kṣayaprāntarā ca |
kṣavatkāminī kṣāriṇī kṣīrapūrṇā
śivāṅgī ca śākambharī śākadehā || 8 ||
mahāśākayajñā phalaprāśakā ca
śakāhvā'śakāhvā śakākhyā śakā ca |
śakākṣāntaroṣā suroṣā surekhā
mahāśeṣayajñopavītapriyā ca || 9 ||
jayantī jayā jāgratī yogyarūpā
jayāṅgā japadhyānasantuṣṭasañjñā |
jayaprāṇarūpā jayasvarṇadehā
jayajvālinī yāminī yāmyarūpā || 10 ||
jaganmātṛrūpā jagadrakṣaṇā ca
svadhāvauṣaḍantā vilambā'vilambā |
ṣaḍaṅgā mahālambarūpāsihastā-
padāhāriṇīhāriṇī hāriṇī ca || 11 ||
mahāmaṅgalā maṅgalapremakīrti-
-rniśumbhacchidā śumbhadarpāpahā ca |
tathā''nandabījādimuktisvarūpā
tathā caṇḍamuṇḍāpadā mukhyacaṇḍā || 12 ||
pracaṇḍā'pracaṇḍā mahācaṇḍavegā
calaccāmarā cāmarā candrakīrtiḥ |
sucāmīkarā citrabhūṣojjvalāṅgī
susaṅgītagītā ca pāyādapāyāt || 13 ||
iti te kathitaṃ devi nāmnāmaṣṭottaraṃ śatam |
gopyaṃ ca sarvatantreṣu gopanīyaṃ ca sarvadā || 14 ||
etasya satatābhyāsātsākṣāddevo maheśvaraḥ |
trisandhyaṃ ca mahābhaktyā paṭhanīyaṃ sukhodayam || 15 ||
na tasya duṣkaraṃ kiñcijjāyate sparśataḥ kṣaṇāt |
sukṛtaṃ yattadevāptaṃ tasmādāvartayetsadā || 16 ||
sadaiva sannidhau tasya devī vasati sādaram |
ayogā ye ta evāgre suyogāśca bhavanti vai || 17 ||
ta eva mitrabhūtāśca bhavanti tatprasādataḥ |
viṣāṇi nopasarpanti vyādhayo na spṛśanti tān || 18 ||
lūtāvisphoṭakāḥ sarve śamaṃ yānti ca tatkṣaṇāt |
jarāpalitanirmuktaḥ kalpajīvī bhavennaraḥ || 19 ||
api kiṃ bahunoktena sānnidhyaṃ phalamāpnuyāt |
yāvanmayā purā proktaṃ phalaṃ sāhasranāmakam |
tatsarvaṃ labhate martyo mahāmāyāprasādataḥ || 20 ||
iti śrīrudrayāmale śrīmātaṅgīśatanāmastotram |
śrībhairavyuvāca
bhagavan śrotumicchāmi mātaṅgyāḥ śatanāmakam |
yadguhyaṃ sarvatantreṣu kenāpi na prakāśitam || 1 ||
śrībhairava uvāca
śṛṇu devi pravakṣyāmi rahasyātirahasyakam |
nākhyeyaṃ yatra kutrāpi paṭhanīyaṃ parātparam || 2 ||
yasyaikavārapaṭhanātsarve vighnā upadravāḥ |
naśyanti tatkṣaṇāddevi vahninā tūlarāśivat || 3 ||
prasannā jāyate devī mātaṅgī cāsya pāṭhataḥ |
sahasranāmapaṭhane yatphalaṃ parikīrtitam |
tatkoṭiguṇitaṃ devīnāmāṣṭaśatakaṃ śubham || 4 ||
asya śrīmātaṅgyaṣṭottaraśatanāmastotrasya bhagavānmataṅga ṛṣiḥ anuṣṭupchandaḥ śrīmātaṅgī devatā śrīmātaṅgī prītaye jape viniyogaḥ |
mahāmattamātaṅginī siddhirūpā
tathā yoginī bhadrakālī ramā ca |
bhavānī bhavaprītidā bhūtiyuktā
bhavārādhitā bhūtisampatkarī ca || 1 ||
dhanādhīśamātā dhanāgāradṛṣṭi-
-rdhaneśārcitā dhīravāpī varāṅgī |
prakṛṣṭā prabhārūpiṇī kāmarūpā
prahṛṣṭā mahākīrtidā karṇanālī || 2 ||
karālī bhagā ghorarūpā bhagāṅgī
bhagāhvā bhagaprītidā bhīmarūpā |
bhavānī mahākauśikī kośapūrṇā
kiśorī kiśorapriyā nandīhā || 3 ||
mahākāraṇā'kāraṇā karmaśīlā
kapālī prasiddhā mahāsiddhakhaṇḍā |
makārapriyā mānarūpā maheśī
malollāsinī lāsyalīlālayāṅgī || 4 ||
kṣamā kṣemaśīlā kṣapākāriṇī cā-
-'kṣayaprītidā bhūtiyuktā bhavānī |
bhavārādhitā bhūtisatyātmikā ca
prabhodbhāsitā bhānubhāsvatkarā ca || 5 ||
dharādhīśamātā dharāgāradṛṣṭi-
-rdhareśārcitā dhīvarā dhīvarāṅgī |
prakṛṣṭā prabhārūpiṇī prāṇarūpā
prakṛṣṭasvarūpā svarūpapriyā ca || 6 ||
calatkuṇḍalā kāminī kāntayuktā
kapālā'calā kālakoddhāriṇī ca |
kadambapriyā koṭarī koṭadehā
kramā kīrtidā karṇarūpā ca kākṣmīḥ || 7 ||
kṣamāṅgī kṣayapremarūpā kṣayā ca
kṣayākṣā kṣayāhvā kṣayaprāntarā ca |
kṣavatkāminī kṣāriṇī kṣīrapūrṇā
śivāṅgī ca śākambharī śākadehā || 8 ||
mahāśākayajñā phalaprāśakā ca
śakāhvā'śakāhvā śakākhyā śakā ca |
śakākṣāntaroṣā suroṣā surekhā
mahāśeṣayajñopavītapriyā ca || 9 ||
jayantī jayā jāgratī yogyarūpā
jayāṅgā japadhyānasantuṣṭasañjñā |
jayaprāṇarūpā jayasvarṇadehā
jayajvālinī yāminī yāmyarūpā || 10 ||
jaganmātṛrūpā jagadrakṣaṇā ca
svadhāvauṣaḍantā vilambā'vilambā |
ṣaḍaṅgā mahālambarūpāsihastā-
padāhāriṇīhāriṇī hāriṇī ca || 11 ||
mahāmaṅgalā maṅgalapremakīrti-
-rniśumbhacchidā śumbhadarpāpahā ca |
tathā''nandabījādimuktisvarūpā
tathā caṇḍamuṇḍāpadā mukhyacaṇḍā || 12 ||
pracaṇḍā'pracaṇḍā mahācaṇḍavegā
calaccāmarā cāmarā candrakīrtiḥ |
sucāmīkarā citrabhūṣojjvalāṅgī
susaṅgītagītā ca pāyādapāyāt || 13 ||
iti te kathitaṃ devi nāmnāmaṣṭottaraṃ śatam |
gopyaṃ ca sarvatantreṣu gopanīyaṃ ca sarvadā || 14 ||
etasya satatābhyāsātsākṣāddevo maheśvaraḥ |
trisandhyaṃ ca mahābhaktyā paṭhanīyaṃ sukhodayam || 15 ||
na tasya duṣkaraṃ kiñcijjāyate sparśataḥ kṣaṇāt |
sukṛtaṃ yattadevāptaṃ tasmādāvartayetsadā || 16 ||
sadaiva sannidhau tasya devī vasati sādaram |
ayogā ye ta evāgre suyogāśca bhavanti vai || 17 ||
ta eva mitrabhūtāśca bhavanti tatprasādataḥ |
viṣāṇi nopasarpanti vyādhayo na spṛśanti tān || 18 ||
lūtāvisphoṭakāḥ sarve śamaṃ yānti ca tatkṣaṇāt |
jarāpalitanirmuktaḥ kalpajīvī bhavennaraḥ || 19 ||
api kiṃ bahunoktena sānnidhyaṃ phalamāpnuyāt |
yāvanmayā purā proktaṃ phalaṃ sāhasranāmakam |
tatsarvaṃ labhate martyo mahāmāyāprasādataḥ || 20 ||
iti śrīrudrayāmale śrīmātaṅgīśatanāmastotram |