ଗଲଦ୍ଦାନଗଣ୍ଡଂ ମିଲଦ୍ଭୃଙ୍ଗଷଣ୍ଡଂ
ଚଲଚ୍ଚାରୁଶୁଣ୍ଡଂ ଜଗତ୍ତ୍ରାଣଶୌଣ୍ଡମ୍ ।
କନଦ୍ଦନ୍ତକାଣ୍ଡଂ ଵିପଦ୍ଭଙ୍ଗଚଣ୍ଡଂ
ଶିଵପ୍ରେମପିଣ୍ଡଂ ଭଜେ ଵକ୍ରତୁଣ୍ଡମ୍ ॥ 1 ॥
ଅନାଦ୍ଯନ୍ତମାଦ୍ଯଂ ପରଂ ତତ୍ତ୍ଵମର୍ଥଂ
ଚିଦାକାରମେକଂ ତୁରୀଯଂ ତ୍ଵମେଯମ୍ ।
ହରିବ୍ରହ୍ମମୃଗ୍ଯଂ ପରବ୍ରହ୍ମରୂପଂ
ମନୋଵାଗତୀତଂ ମହଃଶୈଵମୀଡେ ॥ 2 ॥
ସ୍ଵଶକ୍ତ୍ଯାଦି ଶକ୍ତ୍ଯନ୍ତ ସିଂହାସନସ୍ଥଂ
ମନୋହାରି ସର୍ଵାଙ୍ଗରତ୍ନୋରୁଭୂଷମ୍ ।
ଜଟାହୀନ୍ଦୁଗଙ୍ଗାସ୍ଥିଶମ୍ଯାକମୌଲିଂ
ପରାଶକ୍ତିମିତ୍ରଂ ନମଃ ପଞ୍ଚଵକ୍ତ୍ରମ୍ ॥ 3 ॥
ଶିଵେଶାନତତ୍ପୂରୁଷାଘୋରଵାମାଦିଭିଃ
ପଞ୍ଚଭିର୍ହୃନ୍ମୁଖୈଃ ଷଡ୍ଭିରଙ୍ଗୈଃ ।
ଅନୌପମ୍ଯ ଷଟ୍ତ୍ରିଂଶତଂ ତତ୍ତ୍ଵଵିଦ୍ଯାମତୀତଂ
ପରଂ ତ୍ଵାଂ କଥଂ ଵେତ୍ତି କୋ ଵା ॥ 4 ॥
ପ୍ରଵାଲପ୍ରଵାହପ୍ରଭାଶୋଣମର୍ଧଂ
ମରୁତ୍ଵନ୍ମଣି ଶ୍ରୀମହଃ ଶ୍ଯାମମର୍ଧମ୍ ।
ଗୁଣସ୍ଯୂତମେତଦ୍ଵପୁଃ ଶୈଵମନ୍ତଃ
ସ୍ମରାମି ସ୍ମରାପତ୍ତିସମ୍ପତ୍ତିହେତୋଃ ॥ 5 ॥
ସ୍ଵସେଵାସମାଯାତଦେଵାସୁରେନ୍ଦ୍ରା
ନମନ୍ମୌଲିମନ୍ଦାରମାଲାଭିଷିକ୍ତମ୍ ।
ନମସ୍ଯାମି ଶମ୍ଭୋ ପଦାମ୍ଭୋରୁହଂ ତେ
ଭଵାମ୍ଭୋଧିପୋତଂ ଭଵାନୀ ଵିଭାଵ୍ଯମ୍ ॥ 6 ॥
ଜଗନ୍ନାଥ ମନ୍ନାଥ ଗୌରୀସନାଥ
ପ୍ରପନ୍ନାନୁକମ୍ପିନ୍ଵିପନ୍ନାର୍ତିହାରିନ୍ ।
ମହଃସ୍ତୋମମୂର୍ତେ ସମସ୍ତୈକବନ୍ଧୋ
ନମସ୍ତେ ନମସ୍ତେ ପୁନସ୍ତେ ନମୋଽସ୍ତୁ ॥ 7 ॥
ଵିରୂପାକ୍ଷ ଵିଶ୍ଵେଶ ଵିଶ୍ଵାଦିଦେଵ
ତ୍ରଯୀ ମୂଲ ଶମ୍ଭୋ ଶିଵ ତ୍ର୍ଯମ୍ବକ ତ୍ଵମ୍ ।
ପ୍ରସୀଦ ସ୍ମର ତ୍ରାହି ପଶ୍ଯାଵମୁକ୍ତ୍ଯୈ
କ୍ଷମାଂ ପ୍ରାପ୍ନୁହି ତ୍ର୍ଯକ୍ଷ ମାଂ ରକ୍ଷ ମୋଦାତ୍ ॥ 8 ॥
ମହାଦେଵ ଦେଵେଶ ଦେଵାଦିଦେଵ
ସ୍ମରାରେ ପୁରାରେ ଯମାରେ ହରେତି ।
ବ୍ରୁଵାଣଃ ସ୍ମରିଷ୍ଯାମି ଭକ୍ତ୍ଯା \ଲିନॆ ଭଵନ୍ତଂ ତତୋ ମେ ଦଯାଶୀଲ ଦେଵ ପ୍ରସୀଦ ॥ 9 ॥
ତ୍ଵଦନ୍ଯଃ ଶରଣ୍ଯଃ ପ୍ରପନ୍ନସ୍ଯ ନେତି
ପ୍ରସୀଦ ସ୍ମରନ୍ନେଵ ହନ୍ଯାସ୍ତୁ ଦୈନ୍ଯମ୍ ।
ନ ଚେତ୍ତେ ଭଵେଦ୍ଭକ୍ତଵାତ୍ସଲ୍ଯହାନିସ୍ତତୋ
ମେ ଦଯାଲୋ ସଦା ସନ୍ନିଧେହି ॥ 10 ॥
ଅଯଂ ଦାନକାଲସ୍ତ୍ଵହଂ ଦାନପାତ୍ରଂ
ଭଵାନେଵ ଦାତା ତ୍ଵଦନ୍ଯଂ ନ ଯାଚେ ।
ଭଵଦ୍ଭକ୍ତିମେଵ ସ୍ଥିରାଂ ଦେହି ମହ୍ଯଂ
କୃପାଶୀଲ ଶମ୍ଭୋ କୃତାର୍ଥୋଽସ୍ମି ତସ୍ମାତ୍ ॥ 11 ॥
ପଶୁଂ ଵେତ୍ସି ଚେନ୍ମାଂ ତମେଵାଧିରୂଢଃ
କଲଙ୍କୀତି ଵା ମୂର୍ଧ୍ନି ଧତ୍ସେ ତମେଵ ।
ଦ୍ଵିଜିହ୍ଵଃ ପୁନଃ ସୋଽପି ତେ କଣ୍ଠଭୂଷା
ତ୍ଵଦଙ୍ଗୀକୃତାଃ ଶର୍ଵ ସର୍ଵେଽପି ଧନ୍ଯାଃ ॥ 12 ॥
ନ ଶକ୍ନୋମି କର୍ତୁଂ ପରଦ୍ରୋହଲେଶଂ
କଥଂ ପ୍ରୀଯସେ ତ୍ଵଂ ନ ଜାନେ ଗିରୀଶ ।
ତଥାହି ପ୍ରସନ୍ନୋଽସି କସ୍ଯାପି
କାନ୍ତାସୁତଦ୍ରୋହିଣୋ ଵା ପିତୃଦ୍ରୋହିଣୋ ଵା ॥ 13 ॥
ସ୍ତୁତିଂ ଧ୍ଯାନମର୍ଚାଂ ଯଥାଵଦ୍ଵିଧାତୁଂ
ଭଜନ୍ନପ୍ଯଜାନନ୍ମହେଶାଵଲମ୍ବେ ।
ତ୍ରସନ୍ତଂ ସୁତଂ ତ୍ରାତୁମଗ୍ରେ
ମୃକଣ୍ଡୋର୍ଯମପ୍ରାଣନିର୍ଵାପଣଂ ତ୍ଵତ୍ପଦାବ୍ଜମ୍ ॥ 14 ॥
ଶିରୋ ଦୃଷ୍ଟି ହୃଦ୍ରୋଗ ଶୂଲ ପ୍ରମେହଜ୍ଵରାର୍ଶୋ ଜରାଯକ୍ଷ୍ମହିକ୍କାଵିଷାର୍ତାନ୍ ।
ତ୍ଵମାଦ୍ଯୋ ଭିଷଗ୍ଭେଷଜଂ ଭସ୍ମ ଶମ୍ଭୋ
ତ୍ଵମୁଲ୍ଲାଘଯାସ୍ମାନ୍ଵପୁର୍ଲାଘଵାଯ ॥ 15 ॥
ଦରିଦ୍ରୋଽସ୍ମ୍ଯଭଦ୍ରୋଽସ୍ମି ଭଗ୍ନୋଽସ୍ମି ଦୂଯେ
ଵିଷଣ୍ଣୋଽସ୍ମି ସନ୍ନୋଽସ୍ମି ଖିନ୍ନୋଽସ୍ମି ଚାହମ୍ ।
ଭଵାନ୍ପ୍ରାଣିନାମନ୍ତରାତ୍ମାସି ଶମ୍ଭୋ
ମମାଧିଂ ନ ଵେତ୍ସି ପ୍ରଭୋ ରକ୍ଷ ମାଂ ତ୍ଵମ୍ ॥ 16 ॥
ତ୍ଵଦକ୍ଷ୍ଣୋଃ କଟାକ୍ଷଃ ପତେତ୍ତ୍ର୍ଯକ୍ଷ ଯତ୍ର
କ୍ଷଣଂ କ୍ଷ୍ମା ଚ ଲକ୍ଷ୍ମୀଃ ସ୍ଵଯଂ ତଂ ଵୃଣାତେ ।
କିରୀଟସ୍ଫୁରଚ୍ଚାମରଚ୍ଛତ୍ରମାଲାକଲାଚୀଗଜକ୍ଷୌମଭୂଷାଵିଶେଷୈଃ ॥ 17 ॥
ଭଵାନ୍ଯୈ ଭଵାଯାପି ମାତ୍ରେ ଚ ପିତ୍ରେ
ମୃଡାନ୍ଯୈ ମୃଡାଯାପ୍ଯଘଘ୍ନ୍ଯୈ ମଖଘ୍ନେ ।
ଶିଵାଙ୍ଗ୍ଯୈ ଶିଵାଙ୍ଗାଯ କୁର୍ମଃ ଶିଵାଯୈ
ଶିଵାଯାମ୍ବିକାଯୈ ନମସ୍ତ୍ର୍ଯମ୍ବକାଯ ॥ 18 ॥
ଭଵଦ୍ଗୌରଵଂ ମଲ୍ଲଘୁତ୍ଵଂ ଵିଦିତ୍ଵା
ପ୍ରଭୋ ରକ୍ଷ କାରୁଣ୍ଯଦୃଷ୍ଟ୍ଯାନୁଗଂ ମାମ୍ ।
ଶିଵାତ୍ମାନୁଭାଵସ୍ତୁତାଵକ୍ଷମୋଽହଂ
ସ୍ଵଶକ୍ତ୍ଯା କୃତଂ ମେ¶ଅଧଂ କ୍ଷମସ୍ଵ ॥ 19 ॥
ଯଦା କର୍ଣରନ୍ଧ୍ରଂ ଵ୍ରଜେତ୍କାଲଵାହଦ୍ଵିଷତ୍କଣ୍ଠଘଣ୍ଟା ଘଣାତ୍କାରନାଦଃ ।
ଵୃଷାଧୀଶମାରୁହ୍ଯ ଦେଵୌପଵାହ୍ଯନ୍ତଦା
ଵତ୍ସ ମା ଭୀରିତି ପ୍ରୀଣଯ ତ୍ଵମ୍ ॥ 20 ॥
ଯଦା ଦାରୁଣାଭାଷଣା ଭୀଷଣା ମେ
ଭଵିଷ୍ଯନ୍ତ୍ଯୁପାନ୍ତେ କୃତାନ୍ତସ୍ଯ ଦୂତାଃ ।
ତଦା ମନ୍ମନସ୍ତ୍ଵତ୍ପଦାମ୍ଭୋରୁହସ୍ଥଂ
କଥଂ ନିଶ୍ଚଲଂ ସ୍ଯାନ୍ନମସ୍ତେଽସ୍ତୁ ଶମ୍ଭୋ ॥ 21 ॥
ଯଦା ଦୁର୍ନିଵାରଵ୍ଯଥୋଽହଂ ଶଯାନୋ
ଲୁଠନ୍ନିଃଶ୍ଵସନ୍ନିଃସୃତାଵ୍ଯକ୍ତଵାଣିଃ ।
ତଦା ଜହ୍ନୁକନ୍ଯାଜଲାଲଙ୍କୃତଂ ତେ
ଜଟାମଣ୍ଡଲଂ ମନ୍ମନୋମନ୍ଦିରେ ସ୍ଯାତ୍ ॥ 22 ॥
ଯଦା ପୁତ୍ରମିତ୍ରାଦଯୋ ମତ୍ସକାଶେ
ରୁଦନ୍ତ୍ଯସ୍ଯ ହା କୀଦୃଶୀଯଂ ଦଶେତି ।
ତଦା ଦେଵଦେଵେଶ ଗୌରୀଶ ଶମ୍ଭୋ
ନମସ୍ତେ ଶିଵାଯେତ୍ଯଜସ୍ରଂ ବ୍ରଵାଣି ॥ 23 ॥
ଯଦା ପଶ୍ଯତାଂ ମାମସୌ ଵେତ୍ତି
ନାସ୍ମାନଯଂ ଶ୍ଵାସ ଏଵେତି ଵାଚୋ ଭଵେଯୁଃ ।
ତଦା ଭୂତିଭୂଷଂ ଭୁଜଙ୍ଗାଵନଦ୍ଧଂ
ପୁରାରେ ଭଵନ୍ତଂ ସ୍ଫୁଟଂ ଭାଵଯେଯମ୍ ॥ 24 ॥
ଯଦା ଯାତନାଦେହସନ୍ଦେହଵାହୀ
ଭଵେଦାତ୍ମଦେହେ ନ ମୋହୋ ମହାନ୍ମେ ।
ତଦା କାଶଶୀତାଂଶୁସଙ୍କାଶମୀଶ
ସ୍ମରାରେ ଵପୁସ୍ତେ ନମସ୍ତେ ସ୍ମରାମି ॥ 25 ॥
ଯଦାପାରମଚ୍ଛାଯମସ୍ଥାନମଦ୍ଭିର୍ଜନୈର୍ଵା ଵିହୀନଂ ଗମିଷ୍ଯାମି ମାର୍ଗମ୍ ।
ତଦା ତଂ ନିରୁନ୍ଧଙ୍କୃତାନ୍ତସ୍ଯ ମାର୍ଗଂ
ମହାଦେଵ ମହ୍ଯଂ ମନୋଜ୍ଞଂ ପ୍ରଯଚ୍ଛ ॥ 26 ॥
ଯଦା ରୌରଵାଦି ସ୍ମରନ୍ନେଵ ଭୀତ୍ଯା
ଵ୍ରଜାମ୍ଯତ୍ର ମୋହଂ ମହାଦେଵ ଘୋରମ୍ ।
ତଦା ମାମହୋ ନାଥ କସ୍ତାରଯିଷ୍ଯତ୍ଯନାଥଂ ପରାଧୀନମର୍ଧେନ୍ଦୁମୌଲେ ॥ 27 ॥
ଯଦା ଶ୍ଵେତପତ୍ରାଯତାଲଙ୍ଘ୍ଯଶକ୍ତେଃ
କୃତାନ୍ତାଦ୍ଭଯଂ ଭକ୍ତିଵାତ୍ସଲ୍ଯଭାଵାତ୍ ।
ତଦା ପାହି ମାଂ ପାର୍ଵତୀଵଲ୍ଲଭାନ୍ଯଂ
ନ ପଶ୍ଯାମି ପାତାରମେତାଦୃଶଂ ମେ ॥ 28 ॥
ଇଦାନୀମିଦାନୀଂ ମୃତିର୍ମେ ଭଵିତ୍ରୀତ୍ଯହୋ ସନ୍ତତଂ ଚିନ୍ତଯା ପୀଡିତୋଽସ୍ମି ।
କଥଂ ନାମ ମା ଭୂନ୍ମୃତୌ ଭୀତିରେଷା
ନମସ୍ତେ ଗତୀନାଂ ଗତେ ନୀଲକଣ୍ଠ ॥ 29 ॥
ଅମର୍ଯାଦମେଵାହମାବାଲଵୃଦ୍ଧଂ
ହରନ୍ତଂ କୃତାନ୍ତଂ ସମୀକ୍ଷ୍ଯାସ୍ମି ଭୀତଃ ।
ମୃତୌ ତାଵକାଙ୍ଘ୍ର୍ଯବ୍ଜଦିଵ୍ଯପ୍ରସାଦାଦ୍ଭଵାନୀପତେ ନିର୍ଭଯୋଽହଂ ଭଵାନି ॥ 30 ॥
ଜରାଜନ୍ମଗର୍ଭାଧିଵାସାଦିଦୁଃଖାନ୍ଯସହ୍ଯାନି ଜହ୍ଯାଂ ଜଗନ୍ନାଥ ଦେଵ ।
ଭଵନ୍ତଂ ଵିନା ମେ ଗତିର୍ନୈଵ ଶମ୍ଭୋ
ଦଯାଲୋ ନ ଜାଗର୍ତି କିଂ ଵା ଦଯା ତେ ॥ 31 ॥
ଶିଵାଯେତି ଶବ୍ଦୋ ନମଃପୂର୍ଵ ଏଷ
ସ୍ମରନ୍ମୁକ୍ତିକୃନ୍ମୃତ୍ଯୁହା ତତ୍ତ୍ଵଵାଚୀ ।
ମହେଶାନ ମା ଗାନ୍ମନସ୍ତୋ ଵଚସ୍ତଃ
ସଦା ମହ୍ଯମେତତ୍ପ୍ରଦାନଂ ପ୍ରଯଚ୍ଛ ॥ 32 ॥
ତ୍ଵମପ୍ଯମ୍ବ ମାଂ ପଶ୍ଯ ଶୀତାଂଶୁମୌଲିପ୍ରିଯେ ଭେଷଜଂ ତ୍ଵଂ ଭଵଵ୍ଯାଧିଶାନ୍ତୌ
ବହୁକ୍ଲେଶଭାଜଂ ପଦାମ୍ଭୋଜପୋତେ
ଭଵାବ୍ଧୌ ନିମଗ୍ନଂ ନଯସ୍ଵାଦ୍ଯ ପାରମ୍ ॥ 33 ॥
ଅନୁଦ୍ଯଲ୍ଲଲାଟାକ୍ଷି ଵହ୍ନି ପ୍ରରୋହୈରଵାମସ୍ଫୁରଚ୍ଚାରୁଵାମୋରୁଶୋଭୈଃ ।
ଅନଙ୍ଗଭ୍ରମଦ୍ଭୋଗିଭୂଷାଵିଶେଷୈରଚନ୍ଦ୍ରାର୍ଧଚୂଡୈରଲଂ ଦୈଵତୈର୍ନଃ ॥ 34 ॥
ଅକଣ୍ଠେକଲଙ୍କାଦନଙ୍ଗେଭୁଜଙ୍ଗାଦପାଣୌକପାଲାଦଫାଲେଽନଲାକ୍ଷାତ୍ ।
ଅମୌଲୌଶଶାଙ୍କାଦଵାମେକଲତ୍ରାଦହଂ ଦେଵମନ୍ଯଂ ନ ମନ୍ଯେ ନ ମନ୍ଯେ ॥ 35 ॥
ମହାଦେଵ ଶମ୍ଭୋ ଗିରୀଶ ତ୍ରିଶୂଲିଂସ୍ତ୍ଵଦୀଯଂ ସମସ୍ତଂ ଵିଭାତୀତି ଯସ୍ମାତ୍ ।
ଶିଵାଦନ୍ଯଥା ଦୈଵତଂ ନାଭିଜାନେ
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ॥ 36 ॥
ଯତୋଽଜାଯତେଦଂ ପ୍ରପଞ୍ଚଂ ଵିଚିତ୍ରଂ
ସ୍ଥିତିଂ ଯାତି ଯସ୍ମିନ୍ଯଦେକାନ୍ତମନ୍ତେ ।
ସ କର୍ମାଦିହୀନଃ ସ୍ଵଯଞ୍ଜ୍ଯୋତିରାତ୍ମା
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ॥ 37 ॥
କିରୀଟେ ନିଶେଶୋ ଲଲାଟେ ହୁତାଶୋ
ଭୁଜେ ଭୋଗିରାଜୋ ଗଲେ କାଲିମା ଚ ।
ତନୌ କାମିନୀ ଯସ୍ଯ ତତ୍ତୁଲ୍ଯଦେଵଂ
ନ ଜାନେ ନ ଜାନେ ନ ଜାନେ ନ ଜାନେ ॥ 38 ॥
ଅନେନ ସ୍ତଵେନାଦରାଦମ୍ବିକେଶଂ
ପରାଂ ଭକ୍ତିମାସାଦ୍ଯ ଯଂ ଯେ ନମନ୍ତି ।
ମୃତୌ ନିର୍ଭଯାସ୍ତେ ଜନାସ୍ତଂ ଭଜନ୍ତେ
ହୃଦମ୍ଭୋଜମଧ୍ଯେ ସଦାସୀନମୀଶମ୍ ॥ 39 ॥
ଭୁଜଙ୍ଗପ୍ରିଯାକଲ୍ପ ଶମ୍ଭୋ ମଯୈଵଂ
ଭୁଜଙ୍ଗପ୍ରଯାତେନ ଵୃତ୍ତେନ କ୍ଲୃପ୍ତମ୍ ।
ନରଃ ସ୍ତୋତ୍ରମେତତ୍ପଠିତ୍ଵୋରୁଭକ୍ତ୍ଯା
ସୁପୁତ୍ରାଯୁରାରୋଗ୍ଯମୈଶ୍ଵର୍ଯମେତି ॥ 40 ॥
Roman (IAST) Transliteration
galaddānagaṇḍaṃ miladbhṛṅgaṣaṇḍaṃ
calaccāruśuṇḍaṃ jagattrāṇaśauṇḍam |
kanaddantakāṇḍaṃ vipadbhaṅgacaṇḍaṃ
śivapremapiṇḍaṃ bhaje vakratuṇḍam || 1 ||
anādyantamādyaṃ paraṃ tattvamarthaṃ
cidākāramekaṃ turīyaṃ tvameyam |
haribrahmamṛgyaṃ parabrahmarūpaṃ
manovāgatītaṃ mahaḥśaivamīḍe || 2 ||
svaśaktyādi śaktyanta siṃhāsanasthaṃ
manohāri sarvāṅgaratnorubhūṣam |
jaṭāhīndugaṅgāsthiśamyākamauliṃ
parāśaktimitraṃ namaḥ pañcavaktram || 3 ||
śiveśānatatpūruṣāghoravāmādibhiḥ
pañcabhirhṛnmukhaiḥ ṣaḍbhiraṅgaiḥ |
anaupamya ṣaṭtriṃśataṃ tattvavidyāmatītaṃ
paraṃ tvāṃ kathaṃ vetti ko vā || 4 ||
pravālapravāhaprabhāśoṇamardhaṃ
marutvanmaṇi śrīmahaḥ śyāmamardham |
guṇasyūtametadvapuḥ śaivamantaḥ
smarāmi smarāpattisampattihetoḥ || 5 ||
svasevāsamāyātadevāsurendrā
namanmaulimandāramālābhiṣiktam |
namasyāmi śambho padāmbhoruhaṃ te
bhavāmbhodhipotaṃ bhavānī vibhāvyam || 6 ||
jagannātha mannātha gaurīsanātha
prapannānukampinvipannārtihārin |
mahaḥstomamūrte samastaikabandho
namaste namaste punaste namo'stu || 7 ||
virūpākṣa viśveśa viśvādideva
trayī mūla śambho śiva tryambaka tvam |
prasīda smara trāhi paśyāvamuktyai
kṣamāṃ prāpnuhi tryakṣa māṃ rakṣa modāt || 8 ||
mahādeva deveśa devādideva
smarāre purāre yamāre hareti |
bruvāṇaḥ smariṣyāmi bhaktyā \linè bhavantaṃ tato me dayāśīla deva prasīda || 9 ||
tvadanyaḥ śaraṇyaḥ prapannasya neti
prasīda smaranneva hanyāstu dainyam |
na cette bhavedbhaktavātsalyahānistato
me dayālo sadā sannidhehi || 10 ||
ayaṃ dānakālastvahaṃ dānapātraṃ
bhavāneva dātā tvadanyaṃ na yāce |
bhavadbhaktimeva sthirāṃ dehi mahyaṃ
kṛpāśīla śambho kṛtārtho'smi tasmāt || 11 ||
paśuṃ vetsi cenmāṃ tamevādhirūḍhaḥ
kalaṅkīti vā mūrdhni dhatse tameva |
dvijihvaḥ punaḥ so'pi te kaṇṭhabhūṣā
tvadaṅgīkṛtāḥ śarva sarve'pi dhanyāḥ || 12 ||
na śaknomi kartuṃ paradrohaleśaṃ
kathaṃ prīyase tvaṃ na jāne girīśa |
tathāhi prasanno'si kasyāpi
kāntāsutadrohiṇo vā pitṛdrohiṇo vā || 13 ||
stutiṃ dhyānamarcāṃ yathāvadvidhātuṃ
bhajannapyajānanmaheśāvalambe |
trasantaṃ sutaṃ trātumagre
mṛkaṇḍoryamaprāṇanirvāpaṇaṃ tvatpadābjam || 14 ||
śiro dṛṣṭi hṛdroga śūla pramehajvarārśo jarāyakṣmahikkāviṣārtān |
tvamādyo bhiṣagbheṣajaṃ bhasma śambho
tvamullāghayāsmānvapurlāghavāya || 15 ||
daridro'smyabhadro'smi bhagno'smi dūye
viṣaṇṇo'smi sanno'smi khinno'smi cāham |
bhavānprāṇināmantarātmāsi śambho
mamādhiṃ na vetsi prabho rakṣa māṃ tvam || 16 ||
tvadakṣṇoḥ kaṭākṣaḥ patettryakṣa yatra
kṣaṇaṃ kṣmā ca lakṣmīḥ svayaṃ taṃ vṛṇāte |
kirīṭasphuraccāmaracchatramālākalācīgajakṣaumabhūṣāviśeṣaiḥ || 17 ||
bhavānyai bhavāyāpi mātre ca pitre
mṛḍānyai mṛḍāyāpyaghaghnyai makhaghne |
śivāṅgyai śivāṅgāya kurmaḥ śivāyai
śivāyāmbikāyai namastryambakāya || 18 ||
bhavadgauravaṃ mallaghutvaṃ viditvā
prabho rakṣa kāruṇyadṛṣṭyānugaṃ mām |
śivātmānubhāvastutāvakṣamo'haṃ
svaśaktyā kṛtaṃ me¶adhaṃ kṣamasva || 19 ||
yadā karṇarandhraṃ vrajetkālavāhadviṣatkaṇṭhaghaṇṭā ghaṇātkāranādaḥ |
vṛṣādhīśamāruhya devaupavāhyantadā
vatsa mā bhīriti prīṇaya tvam || 20 ||
yadā dāruṇābhāṣaṇā bhīṣaṇā me
bhaviṣyantyupānte kṛtāntasya dūtāḥ |
tadā manmanastvatpadāmbhoruhasthaṃ
kathaṃ niścalaṃ syānnamaste'stu śambho || 21 ||
yadā durnivāravyatho'haṃ śayāno
luṭhanniḥśvasanniḥsṛtāvyaktavāṇiḥ |
tadā jahnukanyājalālaṅkṛtaṃ te
jaṭāmaṇḍalaṃ manmanomandire syāt || 22 ||
yadā putramitrādayo matsakāśe
rudantyasya hā kīdṛśīyaṃ daśeti |
tadā devadeveśa gaurīśa śambho
namaste śivāyetyajasraṃ bravāṇi || 23 ||
yadā paśyatāṃ māmasau vetti
nāsmānayaṃ śvāsa eveti vāco bhaveyuḥ |
tadā bhūtibhūṣaṃ bhujaṅgāvanaddhaṃ
purāre bhavantaṃ sphuṭaṃ bhāvayeyam || 24 ||
yadā yātanādehasandehavāhī
bhavedātmadehe na moho mahānme |
tadā kāśaśītāṃśusaṅkāśamīśa
smarāre vapuste namaste smarāmi || 25 ||
yadāpāramacchāyamasthānamadbhirjanairvā vihīnaṃ gamiṣyāmi mārgam |
tadā taṃ nirundhaṅkṛtāntasya mārgaṃ
mahādeva mahyaṃ manojñaṃ prayaccha || 26 ||
yadā rauravādi smaranneva bhītyā
vrajāmyatra mohaṃ mahādeva ghoram |
tadā māmaho nātha kastārayiṣyatyanāthaṃ parādhīnamardhendumaule || 27 ||
yadā śvetapatrāyatālaṅghyaśakteḥ
kṛtāntādbhayaṃ bhaktivātsalyabhāvāt |
tadā pāhi māṃ pārvatīvallabhānyaṃ
na paśyāmi pātārametādṛśaṃ me || 28 ||
idānīmidānīṃ mṛtirme bhavitrītyaho santataṃ cintayā pīḍito'smi |
kathaṃ nāma mā bhūnmṛtau bhītireṣā
namaste gatīnāṃ gate nīlakaṇṭha || 29 ||
amaryādamevāhamābālavṛddhaṃ
harantaṃ kṛtāntaṃ samīkṣyāsmi bhītaḥ |
mṛtau tāvakāṅghryabjadivyaprasādādbhavānīpate nirbhayo'haṃ bhavāni || 30 ||
jarājanmagarbhādhivāsādiduḥkhānyasahyāni jahyāṃ jagannātha deva |
bhavantaṃ vinā me gatirnaiva śambho
dayālo na jāgarti kiṃ vā dayā te || 31 ||
śivāyeti śabdo namaḥpūrva eṣa
smaranmuktikṛnmṛtyuhā tattvavācī |
maheśāna mā gānmanasto vacastaḥ
sadā mahyametatpradānaṃ prayaccha || 32 ||
tvamapyamba māṃ paśya śītāṃśumaulipriye bheṣajaṃ tvaṃ bhavavyādhiśāntau
bahukleśabhājaṃ padāmbhojapote
bhavābdhau nimagnaṃ nayasvādya pāram || 33 ||
anudyallalāṭākṣi vahni prarohairavāmasphuraccāruvāmoruśobhaiḥ |
anaṅgabhramadbhogibhūṣāviśeṣairacandrārdhacūḍairalaṃ daivatairnaḥ || 34 ||
akaṇṭhekalaṅkādanaṅgebhujaṅgādapāṇaukapālādaphāle'nalākṣāt |
amaulauśaśāṅkādavāmekalatrādahaṃ devamanyaṃ na manye na manye || 35 ||
mahādeva śambho girīśa triśūliṃstvadīyaṃ samastaṃ vibhātīti yasmāt |
śivādanyathā daivataṃ nābhijāne
śivo'haṃ śivo'haṃ śivo'haṃ śivo'ham || 36 ||
yato'jāyatedaṃ prapañcaṃ vicitraṃ
sthitiṃ yāti yasminyadekāntamante |
sa karmādihīnaḥ svayañjyotirātmā
śivo'haṃ śivo'haṃ śivo'haṃ śivo'ham || 37 ||
kirīṭe niśeśo lalāṭe hutāśo
bhuje bhogirājo gale kālimā ca |
tanau kāminī yasya tattulyadevaṃ
na jāne na jāne na jāne na jāne || 38 ||
anena stavenādarādambikeśaṃ
parāṃ bhaktimāsādya yaṃ ye namanti |
mṛtau nirbhayāste janāstaṃ bhajante
hṛdambhojamadhye sadāsīnamīśam || 39 ||
bhujaṅgapriyākalpa śambho mayaivaṃ
bhujaṅgaprayātena vṛttena klṛptam |
naraḥ stotrametatpaṭhitvorubhaktyā
suputrāyurārogyamaiśvaryameti || 40 ||
Sanskrit — Devanagari (original)
गलद्दानगण्डं मिलद्भृङ्गषण्डं
चलच्चारुशुण्डं जगत्त्राणशौण्डम् ।
कनद्दन्तकाण्डं विपद्भङ्गचण्डं
शिवप्रेमपिण्डं भजे वक्रतुण्डम् ॥ 1 ॥
अनाद्यन्तमाद्यं परं तत्त्वमर्थं
चिदाकारमेकं तुरीयं त्वमेयम् ।
हरिब्रह्ममृग्यं परब्रह्मरूपं
मनोवागतीतं महःशैवमीडे ॥ 2 ॥
स्वशक्त्यादि शक्त्यन्त सिंहासनस्थं
मनोहारि सर्वाङ्गरत्नोरुभूषम् ।
जटाहीन्दुगङ्गास्थिशम्याकमौलिं
पराशक्तिमित्रं नमः पञ्चवक्त्रम् ॥ 3 ॥
शिवेशानतत्पूरुषाघोरवामादिभिः
पञ्चभिर्हृन्मुखैः षड्भिरङ्गैः ।
अनौपम्य षट्त्रिंशतं तत्त्वविद्यामतीतं
परं त्वां कथं वेत्ति को वा ॥ 4 ॥
प्रवालप्रवाहप्रभाशोणमर्धं
मरुत्वन्मणि श्रीमहः श्याममर्धम् ।
गुणस्यूतमेतद्वपुः शैवमन्तः
स्मरामि स्मरापत्तिसम्पत्तिहेतोः ॥ 5 ॥
स्वसेवासमायातदेवासुरेन्द्रा
नमन्मौलिमन्दारमालाभिषिक्तम् ।
नमस्यामि शम्भो पदाम्भोरुहं ते
भवाम्भोधिपोतं भवानी विभाव्यम् ॥ 6 ॥
जगन्नाथ मन्नाथ गौरीसनाथ
प्रपन्नानुकम्पिन्विपन्नार्तिहारिन् ।
महःस्तोममूर्ते समस्तैकबन्धो
नमस्ते नमस्ते पुनस्ते नमोऽस्तु ॥ 7 ॥
विरूपाक्ष विश्वेश विश्वादिदेव
त्रयी मूल शम्भो शिव त्र्यम्बक त्वम् ।
प्रसीद स्मर त्राहि पश्यावमुक्त्यै
क्षमां प्राप्नुहि त्र्यक्ष मां रक्ष मोदात् ॥ 8 ॥
महादेव देवेश देवादिदेव
स्मरारे पुरारे यमारे हरेति ।
ब्रुवाणः स्मरिष्यामि भक्त्या \लिनॆ भवन्तं ततो मे दयाशील देव प्रसीद ॥ 9 ॥
त्वदन्यः शरण्यः प्रपन्नस्य नेति
प्रसीद स्मरन्नेव हन्यास्तु दैन्यम् ।
न चेत्ते भवेद्भक्तवात्सल्यहानिस्ततो
मे दयालो सदा सन्निधेहि ॥ 10 ॥
अयं दानकालस्त्वहं दानपात्रं
भवानेव दाता त्वदन्यं न याचे ।
भवद्भक्तिमेव स्थिरां देहि मह्यं
कृपाशील शम्भो कृतार्थोऽस्मि तस्मात् ॥ 11 ॥
पशुं वेत्सि चेन्मां तमेवाधिरूढः
कलङ्कीति वा मूर्ध्नि धत्से तमेव ।
द्विजिह्वः पुनः सोऽपि ते कण्ठभूषा
त्वदङ्गीकृताः शर्व सर्वेऽपि धन्याः ॥ 12 ॥
न शक्नोमि कर्तुं परद्रोहलेशं
कथं प्रीयसे त्वं न जाने गिरीश ।
तथाहि प्रसन्नोऽसि कस्यापि
कान्तासुतद्रोहिणो वा पितृद्रोहिणो वा ॥ 13 ॥
स्तुतिं ध्यानमर्चां यथावद्विधातुं
भजन्नप्यजानन्महेशावलम्बे ।
त्रसन्तं सुतं त्रातुमग्रे
मृकण्डोर्यमप्राणनिर्वापणं त्वत्पदाब्जम् ॥ 14 ॥
शिरो दृष्टि हृद्रोग शूल प्रमेहज्वरार्शो जरायक्ष्महिक्काविषार्तान् ।
त्वमाद्यो भिषग्भेषजं भस्म शम्भो
त्वमुल्लाघयास्मान्वपुर्लाघवाय ॥ 15 ॥
दरिद्रोऽस्म्यभद्रोऽस्मि भग्नोऽस्मि दूये
विषण्णोऽस्मि सन्नोऽस्मि खिन्नोऽस्मि चाहम् ।
भवान्प्राणिनामन्तरात्मासि शम्भो
ममाधिं न वेत्सि प्रभो रक्ष मां त्वम् ॥ 16 ॥
त्वदक्ष्णोः कटाक्षः पतेत्त्र्यक्ष यत्र
क्षणं क्ष्मा च लक्ष्मीः स्वयं तं वृणाते ।
किरीटस्फुरच्चामरच्छत्रमालाकलाचीगजक्षौमभूषाविशेषैः ॥ 17 ॥
भवान्यै भवायापि मात्रे च पित्रे
मृडान्यै मृडायाप्यघघ्न्यै मखघ्ने ।
शिवाङ्ग्यै शिवाङ्गाय कुर्मः शिवायै
शिवायाम्बिकायै नमस्त्र्यम्बकाय ॥ 18 ॥
भवद्गौरवं मल्लघुत्वं विदित्वा
प्रभो रक्ष कारुण्यदृष्ट्यानुगं माम् ।
शिवात्मानुभावस्तुतावक्षमोऽहं
स्वशक्त्या कृतं मे¶अधं क्षमस्व ॥ 19 ॥
यदा कर्णरन्ध्रं व्रजेत्कालवाहद्विषत्कण्ठघण्टा घणात्कारनादः ।
वृषाधीशमारुह्य देवौपवाह्यन्तदा
वत्स मा भीरिति प्रीणय त्वम् ॥ 20 ॥
यदा दारुणाभाषणा भीषणा मे
भविष्यन्त्युपान्ते कृतान्तस्य दूताः ।
तदा मन्मनस्त्वत्पदाम्भोरुहस्थं
कथं निश्चलं स्यान्नमस्तेऽस्तु शम्भो ॥ 21 ॥
यदा दुर्निवारव्यथोऽहं शयानो
लुठन्निःश्वसन्निःसृताव्यक्तवाणिः ।
तदा जह्नुकन्याजलालङ्कृतं ते
जटामण्डलं मन्मनोमन्दिरे स्यात् ॥ 22 ॥
यदा पुत्रमित्रादयो मत्सकाशे
रुदन्त्यस्य हा कीदृशीयं दशेति ।
तदा देवदेवेश गौरीश शम्भो
नमस्ते शिवायेत्यजस्रं ब्रवाणि ॥ 23 ॥
यदा पश्यतां मामसौ वेत्ति
नास्मानयं श्वास एवेति वाचो भवेयुः ।
तदा भूतिभूषं भुजङ्गावनद्धं
पुरारे भवन्तं स्फुटं भावयेयम् ॥ 24 ॥
यदा यातनादेहसन्देहवाही
भवेदात्मदेहे न मोहो महान्मे ।
तदा काशशीतांशुसङ्काशमीश
स्मरारे वपुस्ते नमस्ते स्मरामि ॥ 25 ॥
यदापारमच्छायमस्थानमद्भिर्जनैर्वा विहीनं गमिष्यामि मार्गम् ।
तदा तं निरुन्धङ्कृतान्तस्य मार्गं
महादेव मह्यं मनोज्ञं प्रयच्छ ॥ 26 ॥
यदा रौरवादि स्मरन्नेव भीत्या
व्रजाम्यत्र मोहं महादेव घोरम् ।
तदा मामहो नाथ कस्तारयिष्यत्यनाथं पराधीनमर्धेन्दुमौले ॥ 27 ॥
यदा श्वेतपत्रायतालङ्घ्यशक्तेः
कृतान्ताद्भयं भक्तिवात्सल्यभावात् ।
तदा पाहि मां पार्वतीवल्लभान्यं
न पश्यामि पातारमेतादृशं मे ॥ 28 ॥
इदानीमिदानीं मृतिर्मे भवित्रीत्यहो सन्ततं चिन्तया पीडितोऽस्मि ।
कथं नाम मा भून्मृतौ भीतिरेषा
नमस्ते गतीनां गते नीलकण्ठ ॥ 29 ॥
अमर्यादमेवाहमाबालवृद्धं
हरन्तं कृतान्तं समीक्ष्यास्मि भीतः ।
मृतौ तावकाङ्घ्र्यब्जदिव्यप्रसादाद्भवानीपते निर्भयोऽहं भवानि ॥ 30 ॥
जराजन्मगर्भाधिवासादिदुःखान्यसह्यानि जह्यां जगन्नाथ देव ।
भवन्तं विना मे गतिर्नैव शम्भो
दयालो न जागर्ति किं वा दया ते ॥ 31 ॥
शिवायेति शब्दो नमःपूर्व एष
स्मरन्मुक्तिकृन्मृत्युहा तत्त्ववाची ।
महेशान मा गान्मनस्तो वचस्तः
सदा मह्यमेतत्प्रदानं प्रयच्छ ॥ 32 ॥
त्वमप्यम्ब मां पश्य शीतांशुमौलिप्रिये भेषजं त्वं भवव्याधिशान्तौ
बहुक्लेशभाजं पदाम्भोजपोते
भवाब्धौ निमग्नं नयस्वाद्य पारम् ॥ 33 ॥
अनुद्यल्ललाटाक्षि वह्नि प्ररोहैरवामस्फुरच्चारुवामोरुशोभैः ।
अनङ्गभ्रमद्भोगिभूषाविशेषैरचन्द्रार्धचूडैरलं दैवतैर्नः ॥ 34 ॥
अकण्ठेकलङ्कादनङ्गेभुजङ्गादपाणौकपालादफालेऽनलाक्षात् ।
अमौलौशशाङ्कादवामेकलत्रादहं देवमन्यं न मन्ये न मन्ये ॥ 35 ॥
महादेव शम्भो गिरीश त्रिशूलिंस्त्वदीयं समस्तं विभातीति यस्मात् ।
शिवादन्यथा दैवतं नाभिजाने
शिवोऽहं शिवोऽहं शिवोऽहं शिवोऽहम् ॥ 36 ॥
यतोऽजायतेदं प्रपञ्चं विचित्रं
स्थितिं याति यस्मिन्यदेकान्तमन्ते ।
स कर्मादिहीनः स्वयञ्ज्योतिरात्मा
शिवोऽहं शिवोऽहं शिवोऽहं शिवोऽहम् ॥ 37 ॥
किरीटे निशेशो ललाटे हुताशो
भुजे भोगिराजो गले कालिमा च ।
तनौ कामिनी यस्य तत्तुल्यदेवं
न जाने न जाने न जाने न जाने ॥ 38 ॥
अनेन स्तवेनादरादम्बिकेशं
परां भक्तिमासाद्य यं ये नमन्ति ।
मृतौ निर्भयास्ते जनास्तं भजन्ते
हृदम्भोजमध्ये सदासीनमीशम् ॥ 39 ॥
भुजङ्गप्रियाकल्प शम्भो मयैवं
भुजङ्गप्रयातेन वृत्तेन क्लृप्तम् ।
नरः स्तोत्रमेतत्पठित्वोरुभक्त्या
सुपुत्रायुरारोग्यमैश्वर्यमेति ॥ 40 ॥
galaddānagaṇḍaṃ miladbhṛṅgaṣaṇḍaṃ
calaccāruśuṇḍaṃ jagattrāṇaśauṇḍam |
kanaddantakāṇḍaṃ vipadbhaṅgacaṇḍaṃ
śivapremapiṇḍaṃ bhaje vakratuṇḍam || 1 ||
anādyantamādyaṃ paraṃ tattvamarthaṃ
cidākāramekaṃ turīyaṃ tvameyam |
haribrahmamṛgyaṃ parabrahmarūpaṃ
manovāgatītaṃ mahaḥśaivamīḍe || 2 ||
svaśaktyādi śaktyanta siṃhāsanasthaṃ
manohāri sarvāṅgaratnorubhūṣam |
jaṭāhīndugaṅgāsthiśamyākamauliṃ
parāśaktimitraṃ namaḥ pañcavaktram || 3 ||
śiveśānatatpūruṣāghoravāmādibhiḥ
pañcabhirhṛnmukhaiḥ ṣaḍbhiraṅgaiḥ |
anaupamya ṣaṭtriṃśataṃ tattvavidyāmatītaṃ
paraṃ tvāṃ kathaṃ vetti ko vā || 4 ||
pravālapravāhaprabhāśoṇamardhaṃ
marutvanmaṇi śrīmahaḥ śyāmamardham |
guṇasyūtametadvapuḥ śaivamantaḥ
smarāmi smarāpattisampattihetoḥ || 5 ||
svasevāsamāyātadevāsurendrā
namanmaulimandāramālābhiṣiktam |
namasyāmi śambho padāmbhoruhaṃ te
bhavāmbhodhipotaṃ bhavānī vibhāvyam || 6 ||
jagannātha mannātha gaurīsanātha
prapannānukampinvipannārtihārin |
mahaḥstomamūrte samastaikabandho
namaste namaste punaste namo'stu || 7 ||
virūpākṣa viśveśa viśvādideva
trayī mūla śambho śiva tryambaka tvam |
prasīda smara trāhi paśyāvamuktyai
kṣamāṃ prāpnuhi tryakṣa māṃ rakṣa modāt || 8 ||
mahādeva deveśa devādideva
smarāre purāre yamāre hareti |
bruvāṇaḥ smariṣyāmi bhaktyā \linè bhavantaṃ tato me dayāśīla deva prasīda || 9 ||
tvadanyaḥ śaraṇyaḥ prapannasya neti
prasīda smaranneva hanyāstu dainyam |
na cette bhavedbhaktavātsalyahānistato
me dayālo sadā sannidhehi || 10 ||
ayaṃ dānakālastvahaṃ dānapātraṃ
bhavāneva dātā tvadanyaṃ na yāce |
bhavadbhaktimeva sthirāṃ dehi mahyaṃ
kṛpāśīla śambho kṛtārtho'smi tasmāt || 11 ||
paśuṃ vetsi cenmāṃ tamevādhirūḍhaḥ
kalaṅkīti vā mūrdhni dhatse tameva |
dvijihvaḥ punaḥ so'pi te kaṇṭhabhūṣā
tvadaṅgīkṛtāḥ śarva sarve'pi dhanyāḥ || 12 ||
na śaknomi kartuṃ paradrohaleśaṃ
kathaṃ prīyase tvaṃ na jāne girīśa |
tathāhi prasanno'si kasyāpi
kāntāsutadrohiṇo vā pitṛdrohiṇo vā || 13 ||
stutiṃ dhyānamarcāṃ yathāvadvidhātuṃ
bhajannapyajānanmaheśāvalambe |
trasantaṃ sutaṃ trātumagre
mṛkaṇḍoryamaprāṇanirvāpaṇaṃ tvatpadābjam || 14 ||
śiro dṛṣṭi hṛdroga śūla pramehajvarārśo jarāyakṣmahikkāviṣārtān |
tvamādyo bhiṣagbheṣajaṃ bhasma śambho
tvamullāghayāsmānvapurlāghavāya || 15 ||
daridro'smyabhadro'smi bhagno'smi dūye
viṣaṇṇo'smi sanno'smi khinno'smi cāham |
bhavānprāṇināmantarātmāsi śambho
mamādhiṃ na vetsi prabho rakṣa māṃ tvam || 16 ||
tvadakṣṇoḥ kaṭākṣaḥ patettryakṣa yatra
kṣaṇaṃ kṣmā ca lakṣmīḥ svayaṃ taṃ vṛṇāte |
kirīṭasphuraccāmaracchatramālākalācīgajakṣaumabhūṣāviśeṣaiḥ || 17 ||
bhavānyai bhavāyāpi mātre ca pitre
mṛḍānyai mṛḍāyāpyaghaghnyai makhaghne |
śivāṅgyai śivāṅgāya kurmaḥ śivāyai
śivāyāmbikāyai namastryambakāya || 18 ||
bhavadgauravaṃ mallaghutvaṃ viditvā
prabho rakṣa kāruṇyadṛṣṭyānugaṃ mām |
śivātmānubhāvastutāvakṣamo'haṃ
svaśaktyā kṛtaṃ me¶adhaṃ kṣamasva || 19 ||
yadā karṇarandhraṃ vrajetkālavāhadviṣatkaṇṭhaghaṇṭā ghaṇātkāranādaḥ |
vṛṣādhīśamāruhya devaupavāhyantadā
vatsa mā bhīriti prīṇaya tvam || 20 ||
yadā dāruṇābhāṣaṇā bhīṣaṇā me
bhaviṣyantyupānte kṛtāntasya dūtāḥ |
tadā manmanastvatpadāmbhoruhasthaṃ
kathaṃ niścalaṃ syānnamaste'stu śambho || 21 ||
yadā durnivāravyatho'haṃ śayāno
luṭhanniḥśvasanniḥsṛtāvyaktavāṇiḥ |
tadā jahnukanyājalālaṅkṛtaṃ te
jaṭāmaṇḍalaṃ manmanomandire syāt || 22 ||
yadā putramitrādayo matsakāśe
rudantyasya hā kīdṛśīyaṃ daśeti |
tadā devadeveśa gaurīśa śambho
namaste śivāyetyajasraṃ bravāṇi || 23 ||
yadā paśyatāṃ māmasau vetti
nāsmānayaṃ śvāsa eveti vāco bhaveyuḥ |
tadā bhūtibhūṣaṃ bhujaṅgāvanaddhaṃ
purāre bhavantaṃ sphuṭaṃ bhāvayeyam || 24 ||
yadā yātanādehasandehavāhī
bhavedātmadehe na moho mahānme |
tadā kāśaśītāṃśusaṅkāśamīśa
smarāre vapuste namaste smarāmi || 25 ||
yadāpāramacchāyamasthānamadbhirjanairvā vihīnaṃ gamiṣyāmi mārgam |
tadā taṃ nirundhaṅkṛtāntasya mārgaṃ
mahādeva mahyaṃ manojñaṃ prayaccha || 26 ||
yadā rauravādi smaranneva bhītyā
vrajāmyatra mohaṃ mahādeva ghoram |
tadā māmaho nātha kastārayiṣyatyanāthaṃ parādhīnamardhendumaule || 27 ||
yadā śvetapatrāyatālaṅghyaśakteḥ
kṛtāntādbhayaṃ bhaktivātsalyabhāvāt |
tadā pāhi māṃ pārvatīvallabhānyaṃ
na paśyāmi pātārametādṛśaṃ me || 28 ||
idānīmidānīṃ mṛtirme bhavitrītyaho santataṃ cintayā pīḍito'smi |
kathaṃ nāma mā bhūnmṛtau bhītireṣā
namaste gatīnāṃ gate nīlakaṇṭha || 29 ||
amaryādamevāhamābālavṛddhaṃ
harantaṃ kṛtāntaṃ samīkṣyāsmi bhītaḥ |
mṛtau tāvakāṅghryabjadivyaprasādādbhavānīpate nirbhayo'haṃ bhavāni || 30 ||
jarājanmagarbhādhivāsādiduḥkhānyasahyāni jahyāṃ jagannātha deva |
bhavantaṃ vinā me gatirnaiva śambho
dayālo na jāgarti kiṃ vā dayā te || 31 ||
śivāyeti śabdo namaḥpūrva eṣa
smaranmuktikṛnmṛtyuhā tattvavācī |
maheśāna mā gānmanasto vacastaḥ
sadā mahyametatpradānaṃ prayaccha || 32 ||
tvamapyamba māṃ paśya śītāṃśumaulipriye bheṣajaṃ tvaṃ bhavavyādhiśāntau
bahukleśabhājaṃ padāmbhojapote
bhavābdhau nimagnaṃ nayasvādya pāram || 33 ||
anudyallalāṭākṣi vahni prarohairavāmasphuraccāruvāmoruśobhaiḥ |
anaṅgabhramadbhogibhūṣāviśeṣairacandrārdhacūḍairalaṃ daivatairnaḥ || 34 ||
akaṇṭhekalaṅkādanaṅgebhujaṅgādapāṇaukapālādaphāle'nalākṣāt |
amaulauśaśāṅkādavāmekalatrādahaṃ devamanyaṃ na manye na manye || 35 ||
mahādeva śambho girīśa triśūliṃstvadīyaṃ samastaṃ vibhātīti yasmāt |
śivādanyathā daivataṃ nābhijāne
śivo'haṃ śivo'haṃ śivo'haṃ śivo'ham || 36 ||
yato'jāyatedaṃ prapañcaṃ vicitraṃ
sthitiṃ yāti yasminyadekāntamante |
sa karmādihīnaḥ svayañjyotirātmā
śivo'haṃ śivo'haṃ śivo'haṃ śivo'ham || 37 ||
kirīṭe niśeśo lalāṭe hutāśo
bhuje bhogirājo gale kālimā ca |
tanau kāminī yasya tattulyadevaṃ
na jāne na jāne na jāne na jāne || 38 ||
anena stavenādarādambikeśaṃ
parāṃ bhaktimāsādya yaṃ ye namanti |
mṛtau nirbhayāste janāstaṃ bhajante
hṛdambhojamadhye sadāsīnamīśam || 39 ||
bhujaṅgapriyākalpa śambho mayaivaṃ
bhujaṅgaprayātena vṛttena klṛptam |
naraḥ stotrametatpaṭhitvorubhaktyā
suputrāyurārogyamaiśvaryameti || 40 ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.