શ્રીકૃષ્ણ ઉવાચ ।
ત્વમેવ સર્વજનની મૂલપ્રકૃતિરીશ્વરી ।
ત્વમેવાદ્યા સૃષ્ટિવિધૌ સ્વેચ્છયા ત્રિગુણાત્મિકા ॥ 1 ॥
કાર્યાર્થે સગુણા ત્વં ચ વસ્તુતો નિર્ગુણા સ્વયમ્ ।
પરબ્રહ્મસ્વરૂપા ત્વં સત્યા નિત્યા સનાતની ॥ 2 ॥
તેજઃ સ્વરૂપા પરમા ભક્તાનુગ્રવિગ્રહા ।
સર્વસ્વરૂપા સર્વેશા સર્વાધારા પરાત્પરા ॥ 3 ॥
સર્વબીજસ્વરૂપા ચ સર્વપૂજ્યા નિરાશ્રયા ।
સર્વજ્ઞા સર્વતોભદ્રા સર્વમઙ્ગલમઙ્ગલા ॥ 4 ॥
સર્વબુદ્ધિસ્વરૂપા ચ સર્વશક્તિસ્વરૂપિણી ।
સર્વજ્ઞાનપ્રદા દેવી સર્વજ્ઞા સર્વભાવિની ॥ 5 ॥
ત્વં સ્વાહા દેવદાને ચ પિતૃદાને સ્વધા સ્વયમ્ ।
દક્ષિણા સર્વદાને ચ સર્વશક્તિસ્વરૂપિણી ॥ 6 ॥
નિદ્રા ત્વં ચ દયા ત્વં ચ તૃષ્ણા ત્વં ચાત્મનઃ પ્રિયા ।
ક્ષુત્ ક્ષાન્તિઃ શાન્તિરીશા ચ કાન્તિસ્તુષ્ટિશ્ચ શાશ્વતી ॥ 7 ॥
શ્રદ્ધા પુષ્ટિશ્ચ તન્દ્રા ચ લજ્જા શોભા દયા તથા ।
સતાં સમ્પત્સ્વરૂપા શ્રીર્વિપત્તિરસતામિહ ॥ 8 ॥
પ્રીતિરૂપા પુણ્યવતાં પાપિનાં કલહાઙ્કુરા ।
શશ્વત્કર્મમયી શક્તિઃ સર્વદા સર્વજીવિનામ્ ॥ 9 ॥
દેવેભ્યઃ સ્વપદો દાત્રી ધાતુર્ધાત્રી કૃપામયી ।
હિતાય સર્વદેવાનાં સર્વાસુરવિનાશિની ॥ 10 ॥
યોગિનિદ્રા યોગરૂપા યોગદાત્રી ચ યોગિનામ્ ।
સિદ્ધિસ્વરૂપા સિદ્ધાનાં સિદ્ધિદા સિદ્ધયોગિની ॥ 11 ॥
માહેશ્વરી ચ બ્રહ્માણી વિષ્ણુમાયા ચ વૈષ્ણવી ।
ભદ્રદા ભદ્રકાલી ચ સર્વલોકભયઙ્કરી ॥ 12 ॥
ગ્રામે ગ્રામે ગ્રામદેવી ગૃહદેવી ગૃહે ગૃહે ।
સતાં કીર્તિઃ પ્રતિષ્ઠા ચ નિન્દા ત્વમસતાં સદા ॥ 13 ॥
મહાયુદ્ધે મહામારી દુષ્ટસંહારરૂપિણી ।
રક્ષાસ્વરૂપા શિષ્ટાનાં માતેવ હિતકારિણી ॥ 14 ॥
વન્દ્યા પૂજ્યા સ્તુતા ત્વં ચ બ્રહ્માદીનાં ચ સર્વદા ।
બ્રહ્મણ્યરૂપા વિપ્રાણાં તપસ્યા ચ તપસ્વિનામ્ ॥ 15 ॥
વિદ્યા વિદ્યાવતાં ત્વં ચ બુદ્ધિર્બુદ્ધિમતાં સતામ્ ।
મેધા સ્મૃતિસ્વરૂપા ચ પ્રતિભા પ્રતિભાવતામ્ ॥ 16 ॥
રાજ્ઞાં પ્રતાપરૂપા ચ વિશાં વાણિજ્યરૂપિણી ।
સૃષ્ટૌ સૃષ્ટિસ્વરૂપા ત્વં રક્ષારૂપા ચ પાલને ॥ 17 ॥
તથાન્તે ત્વં મહામારી વિશ્વે વિશ્વૈશ્ચ પૂજિતે ।
કાલરાત્રિર્મહારાત્રિર્મોહરાત્રિશ્ચ મોહિની ॥ 18 ॥
દુરત્યયા મે માયા ત્વં યયા સમ્મોહિતં જગત્ ।
યયા મુગ્ધો હિ વિદ્વાંશ્ચ મોક્ષમાર્ગં ન પશ્યતિ ॥ 19 ॥
ઇત્યાત્મના કૃતં સ્તોત્રં દુર્ગાયા દુર્ગનાશનમ્ ।
પૂજાકાલે પઠેદ્યો હિ સિદ્ધિર્ભવતિ વાઞ્છિતા ॥ 20 ॥
ઇતિ શ્રીબ્રહ્મવૈવર્તે મહાપુરાણે દ્વિતીયે પ્રકૃતિખણ્ડે નારદનારાયણસંવાદે દુર્ગોપાખ્યાને ષટ્ષષ્ટિતમોઽધ્યાયે શ્રી દુર્ગા સ્તોત્રમ્ ।
Roman (IAST) Transliteration
śrīkṛṣṇa uvāca |
tvameva sarvajananī mūlaprakṛtirīśvarī |
tvamevādyā sṛṣṭividhau svecchayā triguṇātmikā || 1 ||
kāryārthe saguṇā tvaṃ ca vastuto nirguṇā svayam |
parabrahmasvarūpā tvaṃ satyā nityā sanātanī || 2 ||
tejaḥ svarūpā paramā bhaktānugravigrahā |
sarvasvarūpā sarveśā sarvādhārā parātparā || 3 ||
sarvabījasvarūpā ca sarvapūjyā nirāśrayā |
sarvajñā sarvatobhadrā sarvamaṅgalamaṅgalā || 4 ||
sarvabuddhisvarūpā ca sarvaśaktisvarūpiṇī |
sarvajñānapradā devī sarvajñā sarvabhāvinī || 5 ||
tvaṃ svāhā devadāne ca pitṛdāne svadhā svayam |
dakṣiṇā sarvadāne ca sarvaśaktisvarūpiṇī || 6 ||
nidrā tvaṃ ca dayā tvaṃ ca tṛṣṇā tvaṃ cātmanaḥ priyā |
kṣut kṣāntiḥ śāntirīśā ca kāntistuṣṭiśca śāśvatī || 7 ||
śraddhā puṣṭiśca tandrā ca lajjā śobhā dayā tathā |
satāṃ sampatsvarūpā śrīrvipattirasatāmiha || 8 ||
prītirūpā puṇyavatāṃ pāpināṃ kalahāṅkurā |
śaśvatkarmamayī śaktiḥ sarvadā sarvajīvinām || 9 ||
devebhyaḥ svapado dātrī dhāturdhātrī kṛpāmayī |
hitāya sarvadevānāṃ sarvāsuravināśinī || 10 ||
yoginidrā yogarūpā yogadātrī ca yoginām |
siddhisvarūpā siddhānāṃ siddhidā siddhayoginī || 11 ||
māheśvarī ca brahmāṇī viṣṇumāyā ca vaiṣṇavī |
bhadradā bhadrakālī ca sarvalokabhayaṅkarī || 12 ||
grāme grāme grāmadevī gṛhadevī gṛhe gṛhe |
satāṃ kīrtiḥ pratiṣṭhā ca nindā tvamasatāṃ sadā || 13 ||
mahāyuddhe mahāmārī duṣṭasaṃhārarūpiṇī |
rakṣāsvarūpā śiṣṭānāṃ māteva hitakāriṇī || 14 ||
vandyā pūjyā stutā tvaṃ ca brahmādīnāṃ ca sarvadā |
brahmaṇyarūpā viprāṇāṃ tapasyā ca tapasvinām || 15 ||
vidyā vidyāvatāṃ tvaṃ ca buddhirbuddhimatāṃ satām |
medhā smṛtisvarūpā ca pratibhā pratibhāvatām || 16 ||
rājñāṃ pratāparūpā ca viśāṃ vāṇijyarūpiṇī |
sṛṣṭau sṛṣṭisvarūpā tvaṃ rakṣārūpā ca pālane || 17 ||
tathānte tvaṃ mahāmārī viśve viśvaiśca pūjite |
kālarātrirmahārātrirmoharātriśca mohinī || 18 ||
duratyayā me māyā tvaṃ yayā sammohitaṃ jagat |
yayā mugdho hi vidvāṃśca mokṣamārgaṃ na paśyati || 19 ||
ityātmanā kṛtaṃ stotraṃ durgāyā durganāśanam |
pūjākāle paṭhedyo hi siddhirbhavati vāñchitā || 20 ||
iti śrībrahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde durgopākhyāne ṣaṭṣaṣṭitamo'dhyāye śrī durgā stotram |
Sanskrit — Devanagari (original)
श्रीकृष्ण उवाच ।
त्वमेव सर्वजननी मूलप्रकृतिरीश्वरी ।
त्वमेवाद्या सृष्टिविधौ स्वेच्छया त्रिगुणात्मिका ॥ 1 ॥
कार्यार्थे सगुणा त्वं च वस्तुतो निर्गुणा स्वयम् ।
परब्रह्मस्वरूपा त्वं सत्या नित्या सनातनी ॥ 2 ॥
तेजः स्वरूपा परमा भक्तानुग्रविग्रहा ।
सर्वस्वरूपा सर्वेशा सर्वाधारा परात्परा ॥ 3 ॥
सर्वबीजस्वरूपा च सर्वपूज्या निराश्रया ।
सर्वज्ञा सर्वतोभद्रा सर्वमङ्गलमङ्गला ॥ 4 ॥
सर्वबुद्धिस्वरूपा च सर्वशक्तिस्वरूपिणी ।
सर्वज्ञानप्रदा देवी सर्वज्ञा सर्वभाविनी ॥ 5 ॥
त्वं स्वाहा देवदाने च पितृदाने स्वधा स्वयम् ।
दक्षिणा सर्वदाने च सर्वशक्तिस्वरूपिणी ॥ 6 ॥
निद्रा त्वं च दया त्वं च तृष्णा त्वं चात्मनः प्रिया ।
क्षुत् क्षान्तिः शान्तिरीशा च कान्तिस्तुष्टिश्च शाश्वती ॥ 7 ॥
श्रद्धा पुष्टिश्च तन्द्रा च लज्जा शोभा दया तथा ।
सतां सम्पत्स्वरूपा श्रीर्विपत्तिरसतामिह ॥ 8 ॥
प्रीतिरूपा पुण्यवतां पापिनां कलहाङ्कुरा ।
शश्वत्कर्ममयी शक्तिः सर्वदा सर्वजीविनाम् ॥ 9 ॥
देवेभ्यः स्वपदो दात्री धातुर्धात्री कृपामयी ।
हिताय सर्वदेवानां सर्वासुरविनाशिनी ॥ 10 ॥
योगिनिद्रा योगरूपा योगदात्री च योगिनाम् ।
सिद्धिस्वरूपा सिद्धानां सिद्धिदा सिद्धयोगिनी ॥ 11 ॥
माहेश्वरी च ब्रह्माणी विष्णुमाया च वैष्णवी ।
भद्रदा भद्रकाली च सर्वलोकभयङ्करी ॥ 12 ॥
ग्रामे ग्रामे ग्रामदेवी गृहदेवी गृहे गृहे ।
सतां कीर्तिः प्रतिष्ठा च निन्दा त्वमसतां सदा ॥ 13 ॥
महायुद्धे महामारी दुष्टसंहाररूपिणी ।
रक्षास्वरूपा शिष्टानां मातेव हितकारिणी ॥ 14 ॥
वन्द्या पूज्या स्तुता त्वं च ब्रह्मादीनां च सर्वदा ।
ब्रह्मण्यरूपा विप्राणां तपस्या च तपस्विनाम् ॥ 15 ॥
विद्या विद्यावतां त्वं च बुद्धिर्बुद्धिमतां सताम् ।
मेधा स्मृतिस्वरूपा च प्रतिभा प्रतिभावताम् ॥ 16 ॥
राज्ञां प्रतापरूपा च विशां वाणिज्यरूपिणी ।
सृष्टौ सृष्टिस्वरूपा त्वं रक्षारूपा च पालने ॥ 17 ॥
तथान्ते त्वं महामारी विश्वे विश्वैश्च पूजिते ।
कालरात्रिर्महारात्रिर्मोहरात्रिश्च मोहिनी ॥ 18 ॥
दुरत्यया मे माया त्वं यया सम्मोहितं जगत् ।
यया मुग्धो हि विद्वांश्च मोक्षमार्गं न पश्यति ॥ 19 ॥
इत्यात्मना कृतं स्तोत्रं दुर्गाया दुर्गनाशनम् ।
पूजाकाले पठेद्यो हि सिद्धिर्भवति वाञ्छिता ॥ 20 ॥
इति श्रीब्रह्मवैवर्ते महापुराणे द्वितीये प्रकृतिखण्डे नारदनारायणसंवादे दुर्गोपाख्याने षट्षष्टितमोऽध्याये श्री दुर्गा स्तोत्रम् ।
śrīkṛṣṇa uvāca |
tvameva sarvajananī mūlaprakṛtirīśvarī |
tvamevādyā sṛṣṭividhau svecchayā triguṇātmikā || 1 ||
kāryārthe saguṇā tvaṃ ca vastuto nirguṇā svayam |
parabrahmasvarūpā tvaṃ satyā nityā sanātanī || 2 ||
tejaḥ svarūpā paramā bhaktānugravigrahā |
sarvasvarūpā sarveśā sarvādhārā parātparā || 3 ||
sarvabījasvarūpā ca sarvapūjyā nirāśrayā |
sarvajñā sarvatobhadrā sarvamaṅgalamaṅgalā || 4 ||
sarvabuddhisvarūpā ca sarvaśaktisvarūpiṇī |
sarvajñānapradā devī sarvajñā sarvabhāvinī || 5 ||
tvaṃ svāhā devadāne ca pitṛdāne svadhā svayam |
dakṣiṇā sarvadāne ca sarvaśaktisvarūpiṇī || 6 ||
nidrā tvaṃ ca dayā tvaṃ ca tṛṣṇā tvaṃ cātmanaḥ priyā |
kṣut kṣāntiḥ śāntirīśā ca kāntistuṣṭiśca śāśvatī || 7 ||
śraddhā puṣṭiśca tandrā ca lajjā śobhā dayā tathā |
satāṃ sampatsvarūpā śrīrvipattirasatāmiha || 8 ||
prītirūpā puṇyavatāṃ pāpināṃ kalahāṅkurā |
śaśvatkarmamayī śaktiḥ sarvadā sarvajīvinām || 9 ||
devebhyaḥ svapado dātrī dhāturdhātrī kṛpāmayī |
hitāya sarvadevānāṃ sarvāsuravināśinī || 10 ||
yoginidrā yogarūpā yogadātrī ca yoginām |
siddhisvarūpā siddhānāṃ siddhidā siddhayoginī || 11 ||
māheśvarī ca brahmāṇī viṣṇumāyā ca vaiṣṇavī |
bhadradā bhadrakālī ca sarvalokabhayaṅkarī || 12 ||
grāme grāme grāmadevī gṛhadevī gṛhe gṛhe |
satāṃ kīrtiḥ pratiṣṭhā ca nindā tvamasatāṃ sadā || 13 ||
mahāyuddhe mahāmārī duṣṭasaṃhārarūpiṇī |
rakṣāsvarūpā śiṣṭānāṃ māteva hitakāriṇī || 14 ||
vandyā pūjyā stutā tvaṃ ca brahmādīnāṃ ca sarvadā |
brahmaṇyarūpā viprāṇāṃ tapasyā ca tapasvinām || 15 ||
vidyā vidyāvatāṃ tvaṃ ca buddhirbuddhimatāṃ satām |
medhā smṛtisvarūpā ca pratibhā pratibhāvatām || 16 ||
rājñāṃ pratāparūpā ca viśāṃ vāṇijyarūpiṇī |
sṛṣṭau sṛṣṭisvarūpā tvaṃ rakṣārūpā ca pālane || 17 ||
tathānte tvaṃ mahāmārī viśve viśvaiśca pūjite |
kālarātrirmahārātrirmoharātriśca mohinī || 18 ||
duratyayā me māyā tvaṃ yayā sammohitaṃ jagat |
yayā mugdho hi vidvāṃśca mokṣamārgaṃ na paśyati || 19 ||
ityātmanā kṛtaṃ stotraṃ durgāyā durganāśanam |
pūjākāle paṭhedyo hi siddhirbhavati vāñchitā || 20 ||
iti śrībrahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde durgopākhyāne ṣaṭṣaṣṭitamo'dhyāye śrī durgā stotram |
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.