𑌕𑍗𑌸𑌲𑍍𑌯𑌾 𑌸𑍁𑌪𑍍𑌰𑌜𑌾 𑌰𑌾𑌮 𑌪𑍂𑌰𑍍𑌵𑌾𑌸𑌨𑍍𑌧𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ।
𑌉𑌤𑍍𑌤𑌿𑌷𑍍𑌠 𑌨𑌰𑌶𑌾𑌰𑍍𑌦𑍂𑌲 𑌕𑌰𑍍𑌤𑌵𑍍𑌯𑌂 𑌦𑍈𑌵𑌮𑌾𑌹𑍍𑌨𑌿𑌕𑌮𑍍 ॥ 1 ॥
𑌉𑌤𑍍𑌤𑌿𑌷𑍍𑌠𑍋𑌤𑍍𑌤𑌿𑌷𑍍𑌠 𑌗𑍋𑌵𑌿𑌨𑍍𑌦 𑌉𑌤𑍍𑌤𑌿𑌷𑍍𑌠 𑌗𑌰𑍁𑌡𑌧𑍍𑌵𑌜 ।
𑌉𑌤𑍍𑌤𑌿𑌷𑍍𑌠 𑌕𑌮𑌲𑌾𑌕𑌾𑌨𑍍𑌤 𑌤𑍍𑌰𑍈𑌲𑍋𑌕𑍍𑌯𑌂 𑌮𑌙𑍍𑌗𑌲𑌂 𑌕𑍁𑌰𑍁 ॥ 2 ॥
𑌮𑌾𑌤𑌸𑍍𑌸𑌮𑌸𑍍𑌤 𑌜𑌗𑌤𑌾𑌂 𑌮𑌧𑍁𑌕𑍈𑌟𑌭𑌾𑌰𑍇𑌃
𑌵𑌕𑍍𑌷𑍋𑌵𑌿𑌹𑌾𑌰𑌿𑌣𑌿 𑌮𑌨𑍋𑌹𑌰 𑌦𑌿𑌵𑍍𑌯𑌮𑍂𑌰𑍍𑌤𑍇 ।
𑌶𑍍𑌰𑍀𑌸𑍍𑌵𑌾𑌮𑌿𑌨𑌿 𑌶𑍍𑌰𑌿𑌤𑌜𑌨𑌪𑍍𑌰𑌿𑌯 𑌦𑌾𑌨𑌶𑍀𑌲𑍇
𑌶𑍍𑌰𑍀 𑌵𑍇𑌙𑍍𑌕𑌟𑍇𑌶 𑌦𑌯𑌿𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 3 ॥
𑌤𑌵 𑌸𑍁𑌪𑍍𑌰𑌭𑌾𑌤𑌮𑌰𑌵𑌿𑌨𑍍𑌦 𑌲𑍋𑌚𑌨𑍇
𑌭𑌵𑌤𑍁 𑌪𑍍𑌰𑌸𑌨𑍍𑌨𑌮𑍁𑌖 𑌚𑌨𑍍𑌦𑍍𑌰𑌮𑌣𑍍𑌡𑌲𑍇 ।
𑌵𑌿𑌧𑌿 𑌶𑌙𑍍𑌕𑌰𑍇𑌨𑍍𑌦𑍍𑌰 𑌵𑌨𑌿𑌤𑌾𑌭𑌿𑌰𑌰𑍍𑌚𑌿𑌤𑍇
𑌵𑍃𑌶 𑌶𑍈𑌲𑌨𑌾𑌥 𑌦𑌯𑌿𑌤𑍇 𑌦𑌯𑌾𑌨𑌿𑌧𑍇 ॥ 4 ॥
𑌅𑌤𑍍𑌰𑍍𑌯𑌾𑌦𑌿 𑌸𑌪𑍍𑌤 𑌋𑌷𑌯𑌸𑍍𑌸𑌮𑍁𑌪𑌾𑌸𑍍𑌯 𑌸𑌨𑍍𑌧𑍍𑌯𑌾𑌂
𑌆𑌕𑌾𑌶 𑌸𑌿𑌨𑍍𑌧𑍁 𑌕𑌮𑌲𑌾𑌨𑌿 𑌮𑌨𑍋𑌹𑌰𑌾𑌣𑌿 ।
𑌆𑌦𑌾𑌯 𑌪𑌾𑌦𑌯𑍁𑌗 𑌮𑌰𑍍𑌚𑌯𑌿𑌤𑍁𑌂 𑌪𑍍𑌰𑌪𑌨𑍍𑌨𑌾𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 5 ॥
𑌪𑌞𑍍𑌚𑌾𑌨𑌨𑌾𑌬𑍍𑌜 𑌭𑌵 𑌷𑌣𑍍𑌮𑍁𑌖 𑌵𑌾𑌸𑌵𑌾𑌦𑍍𑌯𑌾𑌃
𑌤𑍍𑌰𑍈𑌵𑌿𑌕𑍍𑌰𑌮𑌾𑌦𑌿 𑌚𑌰𑌿𑌤𑌂 𑌵𑌿𑌬𑍁𑌧𑌾𑌃 𑌸𑍍𑌤𑍁𑌵𑌨𑍍𑌤𑌿 ।
𑌭𑌾𑌷𑌾𑌪𑌤𑌿𑌃 𑌪𑌠𑌤𑌿 𑌵𑌾𑌸𑌰 𑌶𑍁𑌦𑍍𑌧𑌿 𑌮𑌾𑌰𑌾𑌤𑍍
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 6 ॥
𑌈𑌶𑌤𑍍-𑌪𑍍𑌰𑌫𑍁𑌲𑍍𑌲 𑌸𑌰𑌸𑍀𑌰𑍁𑌹 𑌨𑌾𑌰𑌿𑌕𑍇𑌲
𑌪𑍂𑌗𑌦𑍍𑌰𑍁𑌮𑌾𑌦𑌿 𑌸𑍁𑌮𑌨𑍋𑌹𑌰 𑌪𑌾𑌲𑌿𑌕𑌾𑌨𑌾𑌮𑍍 ।
𑌆𑌵𑌾𑌤𑌿 𑌮𑌨𑍍𑌦𑌮𑌨𑌿𑌲𑌃 𑌸𑌹𑌦𑌿𑌵𑍍𑌯 𑌗𑌨𑍍𑌧𑍈𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 7 ॥
𑌉𑌨𑍍𑌮𑍀𑌲𑍍𑌯𑌨𑍇𑌤𑍍𑌰 𑌯𑍁𑌗𑌮𑍁𑌤𑍍𑌤𑌮 𑌪𑌞𑍍𑌜𑌰𑌸𑍍𑌥𑌾𑌃
𑌪𑌾𑌤𑍍𑌰𑌾𑌵𑌸𑌿𑌷𑍍𑌟 𑌕𑌦𑌲𑍀 𑌫𑌲 𑌪𑌾𑌯𑌸𑌾𑌨𑌿 ।
𑌭𑍁𑌕𑍍𑌤𑍍𑌵𑌾𑌃 𑌸𑌲𑍀𑌲 𑌮𑌥𑌕𑍇𑌲𑌿 𑌶𑍁𑌕𑌾𑌃 𑌪𑌠𑌨𑍍𑌤𑌿
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 8 ॥
𑌤𑌨𑍍𑌤𑍍𑌰𑍀 𑌪𑍍𑌰𑌕𑌰𑍍𑌷 𑌮𑌧𑍁𑌰 𑌸𑍍𑌵𑌨𑌯𑌾 𑌵𑌿𑌪𑌞𑍍𑌚𑍍𑌯𑌾
𑌗𑌾𑌯𑌤𑍍𑌯𑌨𑌨𑍍𑌤 𑌚𑌰𑌿𑌤𑌂 𑌤𑌵 𑌨𑌾𑌰𑌦𑍋𑌽𑌪𑌿 ।
𑌭𑌾𑌷𑌾 𑌸𑌮𑌗𑍍𑌰 𑌮𑌸𑌤𑍍-𑌕𑍃𑌤𑌚𑌾𑌰𑍁 𑌰𑌮𑍍𑌯𑌂
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 9 ॥
𑌭𑍃𑌙𑍍𑌗𑌾𑌵𑌲𑍀 𑌚 𑌮𑌕𑌰𑌨𑍍𑌦 𑌰𑌸𑌾𑌨𑍁 𑌵𑌿𑌦𑍍𑌧
𑌝𑍁𑌙𑍍𑌕𑌾𑌰𑌗𑍀𑌤 𑌨𑌿𑌨𑌦𑍈𑌃 𑌸𑌹𑌸𑍇𑌵𑌨𑌾𑌯 ।
𑌨𑌿𑌰𑍍𑌯𑌾𑌤𑍍𑌯𑍁𑌪𑌾𑌨𑍍𑌤 𑌸𑌰𑌸𑍀 𑌕𑌮𑌲𑍋𑌦𑌰𑍇𑌭𑍍𑌯𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 10 ॥
𑌯𑍋𑌷𑌾𑌗𑌣𑍇𑌨 𑌵𑌰𑌦𑌧𑍍𑌨𑌿 𑌵𑌿𑌮𑌥𑍍𑌯𑌮𑌾𑌨𑍇
𑌘𑍋𑌷𑌾𑌲𑌯𑍇𑌷𑍁 𑌦𑌧𑌿𑌮𑌨𑍍𑌥𑌨 𑌤𑍀𑌵𑍍𑌰𑌘𑍋𑌷𑌾𑌃 ।
𑌰𑍋𑌷𑌾𑌤𑍍𑌕𑌲𑌿𑌂 𑌵𑌿𑌦𑌧𑌤𑍇 𑌕𑌕𑍁𑌭𑌶𑍍𑌚 𑌕𑍁𑌮𑍍𑌭𑌾𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 11 ॥
𑌪𑌦𑍍𑌮𑍇𑌶𑌮𑌿𑌤𑍍𑌰 𑌶𑌤𑌪𑌤𑍍𑌰 𑌗𑌤𑌾𑌲𑌿𑌵𑌰𑍍𑌗𑌾𑌃
𑌹𑌰𑍍𑌤𑍁𑌂 𑌶𑍍𑌰𑌿𑌯𑌂 𑌕𑍁𑌵𑌲𑌯𑌸𑍍𑌯 𑌨𑌿𑌜𑌾𑌙𑍍𑌗𑌲𑌕𑍍𑌷𑍍𑌮𑍍𑌯𑌾𑌃 ।
𑌭𑍇𑌰𑍀 𑌨𑌿𑌨𑌾𑌦𑌮𑌿𑌵 𑌭𑌿𑌭𑍍𑌰𑌤𑌿 𑌤𑍀𑌵𑍍𑌰𑌨𑌾𑌦𑌮𑍍
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 12 ॥
𑌶𑍍𑌰𑍀𑌮𑌨𑍍𑌨𑌭𑍀𑌷𑍍𑌟 𑌵𑌰𑌦𑌾𑌖𑌿𑌲 𑌲𑍋𑌕 𑌬𑌨𑍍𑌧𑍋
𑌶𑍍𑌰𑍀 𑌶𑍍𑌰𑍀𑌨𑌿𑌵𑌾𑌸 𑌜𑌗𑌦𑍇𑌕 𑌦𑌯𑍈𑌕 𑌸𑌿𑌨𑍍𑌧𑍋 ।
𑌶𑍍𑌰𑍀 𑌦𑍇𑌵𑌤𑌾 𑌗𑍃𑌹 𑌭𑍁𑌜𑌾𑌨𑍍𑌤𑌰 𑌦𑌿𑌵𑍍𑌯𑌮𑍂𑌰𑍍𑌤𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 13 ॥
𑌶𑍍𑌰𑍀 𑌸𑍍𑌵𑌾𑌮𑌿 𑌪𑍁𑌷𑍍𑌕𑌰𑌿𑌣𑌿𑌕𑌾𑌪𑍍𑌲𑌵 𑌨𑌿𑌰𑍍𑌮𑌲𑌾𑌙𑍍𑌗𑌾𑌃
𑌶𑍍𑌰𑍇𑌯𑌾𑌰𑍍𑌥𑌿𑌨𑍋 𑌹𑌰𑌵𑌿𑌰𑌿𑌞𑍍𑌚𑌿 𑌸𑌨𑌨𑍍𑌦𑌨𑌾𑌦𑍍𑌯𑌾𑌃 ।
𑌦𑍍𑌵𑌾𑌰𑍇 𑌵𑌸𑌨𑍍𑌤𑌿 𑌵𑌰𑌨𑍇𑌤𑍍𑌰 𑌹𑌤𑍋𑌤𑍍𑌤 𑌮𑌾𑌙𑍍𑌗𑌾𑌃
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 14 ॥
𑌶𑍍𑌰𑍀 𑌶𑍇𑌷𑌶𑍈𑌲 𑌗𑌰𑍁𑌡𑌾𑌚𑌲 𑌵𑍇𑌙𑍍𑌕𑌟𑌾𑌦𑍍𑌰𑌿
𑌨𑌾𑌰𑌾𑌯𑌣𑌾𑌦𑍍𑌰𑌿 𑌵𑍃𑌷𑌭𑌾𑌦𑍍𑌰𑌿 𑌵𑍃𑌷𑌾𑌦𑍍𑌰𑌿 𑌮𑍁𑌖𑍍𑌯𑌾𑌮𑍍 ।
𑌆𑌖𑍍𑌯𑌾𑌂 𑌤𑍍𑌵𑌦𑍀𑌯 𑌵𑌸𑌤𑍇 𑌰𑌨𑌿𑌶𑌂 𑌵𑌦𑌨𑍍𑌤𑌿
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 15 ॥
𑌸𑍇𑌵𑌾𑌪𑌰𑌾𑌃 𑌶𑌿𑌵 𑌸𑍁𑌰𑍇𑌶 𑌕𑍃𑌶𑌾𑌨𑍁𑌧𑌰𑍍𑌮
𑌰𑌕𑍍𑌷𑍋𑌮𑍍𑌬𑍁𑌨𑌾𑌥 𑌪𑌵𑌮𑌾𑌨 𑌧𑌨𑌾𑌧𑌿 𑌨𑌾𑌥𑌾𑌃 ।
𑌬𑌦𑍍𑌧𑌾𑌞𑍍𑌜𑌲𑌿 𑌪𑍍𑌰𑌵𑌿𑌲𑌸𑌨𑍍𑌨𑌿𑌜 𑌶𑍀𑌰𑍍𑌷𑌦𑍇𑌶𑌾𑌃
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 16 ॥
𑌧𑌾𑌟𑍀𑌷𑍁 𑌤𑍇 𑌵𑌿𑌹𑌗𑌰𑌾𑌜 𑌮𑍃𑌗𑌾𑌧𑌿𑌰𑌾𑌜
𑌨𑌾𑌗𑌾𑌧𑌿𑌰𑌾𑌜 𑌗𑌜𑌰𑌾𑌜 𑌹𑌯𑌾𑌧𑌿𑌰𑌾𑌜𑌾𑌃 ।
𑌸𑍍𑌵𑌸𑍍𑌵𑌾𑌧𑌿𑌕𑌾𑌰 𑌮𑌹𑌿𑌮𑌾𑌧𑌿𑌕 𑌮𑌰𑍍𑌥𑌯𑌨𑍍𑌤𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 17 ॥
𑌸𑍂𑌰𑍍𑌯𑍇𑌨𑍍𑌦𑍁 𑌭𑍗𑌮 𑌬𑍁𑌧𑌵𑌾𑌕𑍍𑌪𑌤𑌿 𑌕𑌾𑌵𑍍𑌯𑌶𑍗𑌰𑌿
𑌸𑍍𑌵𑌰𑍍𑌭𑌾𑌨𑍁𑌕𑍇𑌤𑍁 𑌦𑌿𑌵𑌿𑌶𑌤𑍍-𑌪𑌰𑌿𑌶𑌤𑍍-𑌪𑍍𑌰𑌧𑌾𑌨𑌾𑌃 ।
𑌤𑍍𑌵𑌦𑍍𑌦𑌾𑌸𑌦𑌾𑌸 𑌚𑌰𑌮𑌾𑌵𑌧𑌿 𑌦𑌾𑌸𑌦𑌾𑌸𑌾𑌃
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 18 ॥
𑌤𑌤𑍍-𑌪𑌾𑌦𑌧𑍂𑌲𑌿 𑌭𑌰𑌿𑌤 𑌸𑍍𑌫𑍁𑌰𑌿𑌤𑍋𑌤𑍍𑌤𑌮𑌾𑌙𑍍𑌗𑌾𑌃
𑌸𑍍𑌵𑌰𑍍𑌗𑌾𑌪𑌵𑌰𑍍𑌗 𑌨𑌿𑌰𑌪𑍇𑌕𑍍𑌷 𑌨𑌿𑌜𑌾𑌨𑍍𑌤𑌰𑌙𑍍𑌗𑌾𑌃 ।
𑌕𑌲𑍍𑌪𑌾𑌗𑌮𑌾 𑌕𑌲𑌨𑌯𑌾𑌽𑌽𑌕𑍁𑌲𑌤𑌾𑌂 𑌲𑌭𑌨𑍍𑌤𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 19 ॥
𑌤𑍍𑌵𑌦𑍍𑌗𑍋𑌪𑍁𑌰𑌾𑌗𑍍𑌰 𑌶𑌿𑌖𑌰𑌾𑌣𑌿 𑌨𑌿𑌰𑍀𑌕𑍍𑌷𑌮𑌾𑌣𑌾𑌃
𑌸𑍍𑌵𑌰𑍍𑌗𑌾𑌪𑌵𑌰𑍍𑌗 𑌪𑌦𑌵𑍀𑌂 𑌪𑌰𑌮𑌾𑌂 𑌶𑍍𑌰𑌯𑌨𑍍𑌤𑌃 ।
𑌮𑌰𑍍𑌤𑍍𑌯𑌾 𑌮𑌨𑍁𑌷𑍍𑌯 𑌭𑍁𑌵𑌨𑍇 𑌮𑌤𑌿𑌮𑌾𑌶𑍍𑌰𑌯𑌨𑍍𑌤𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 20 ॥
𑌶𑍍𑌰𑍀 𑌭𑍂𑌮𑌿𑌨𑌾𑌯𑌕 𑌦𑌯𑌾𑌦𑌿 𑌗𑍁𑌣𑌾𑌮𑍃𑌤𑌾𑌬𑍍𑌦𑍇
𑌦𑍇𑌵𑌾𑌦𑌿𑌦𑍇𑌵 𑌜𑌗𑌦𑍇𑌕 𑌶𑌰𑌣𑍍𑌯𑌮𑍂𑌰𑍍𑌤𑍇 ।
𑌶𑍍𑌰𑍀𑌮𑌨𑍍𑌨𑌨𑌨𑍍𑌤 𑌗𑌰𑍁𑌡𑌾𑌦𑌿𑌭𑌿 𑌰𑌰𑍍𑌚𑌿𑌤𑌾𑌙𑍍𑌘𑍍𑌰𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 21 ॥
𑌶𑍍𑌰𑍀 𑌪𑌦𑍍𑌮𑌨𑌾𑌭 𑌪𑍁𑌰𑍁𑌷𑍋𑌤𑍍𑌤𑌮 𑌵𑌾𑌸𑍁𑌦𑍇𑌵
𑌵𑍈𑌕𑍁𑌣𑍍𑌠 𑌮𑌾𑌧𑌵 𑌜𑌨𑌾𑌰𑍍𑌦𑌨 𑌚𑌕𑍍𑌰𑌪𑌾𑌣𑍇 ।
𑌶𑍍𑌰𑍀 𑌵𑌤𑍍𑌸 𑌚𑌿𑌹𑍍𑌨 𑌶𑌰𑌣𑌾𑌗𑌤 𑌪𑌾𑌰𑌿𑌜𑌾𑌤
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 22 ॥
𑌕𑌨𑍍𑌦𑌰𑍍𑌪 𑌦𑌰𑍍𑌪 𑌹𑌰 𑌸𑍁𑌨𑍍𑌦𑌰 𑌦𑌿𑌵𑍍𑌯 𑌮𑍂𑌰𑍍𑌤𑍇
𑌕𑌾𑌨𑍍𑌤𑌾 𑌕𑍁𑌚𑌾𑌮𑍍𑌬𑍁𑌰𑍁𑌹 𑌕𑍁𑌟𑍍𑌮𑌲 𑌲𑍋𑌲𑌦𑍃𑌷𑍍𑌟𑍇 ।
𑌕𑌲𑍍𑌯𑌾𑌣 𑌨𑌿𑌰𑍍𑌮𑌲 𑌗𑍁𑌣𑌾𑌕𑌰 𑌦𑌿𑌵𑍍𑌯𑌕𑍀𑌰𑍍𑌤𑍇
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 23 ॥
𑌮𑍀𑌨𑌾𑌕𑍃𑌤𑍇 𑌕𑌮𑌠𑌕𑍋𑌲 𑌨𑍃𑌸𑌿𑌂𑌹 𑌵𑌰𑍍𑌣𑌿𑌨𑍍
𑌸𑍍𑌵𑌾𑌮𑌿𑌨𑍍 𑌪𑌰𑌶𑍍𑌵𑌥 𑌤𑌪𑍋𑌧𑌨 𑌰𑌾𑌮𑌚𑌨𑍍𑌦𑍍𑌰 ।
𑌶𑍇𑌷𑌾𑌂𑌶𑌰𑌾𑌮 𑌯𑌦𑍁𑌨𑌨𑍍𑌦𑌨 𑌕𑌲𑍍𑌕𑌿𑌰𑍂𑌪
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 24 ॥
𑌏𑌲𑌾𑌲𑌵𑌙𑍍𑌗 𑌘𑌨𑌸𑌾𑌰 𑌸𑍁𑌗𑌨𑍍𑌧𑌿 𑌤𑍀𑌰𑍍𑌥𑌂
𑌦𑌿𑌵𑍍𑌯𑌂 𑌵𑌿𑌯𑌤𑍍𑌸𑌰𑌿𑌤𑌿 𑌹𑍇𑌮𑌘𑌟𑍇𑌷𑍁 𑌪𑍂𑌰𑍍𑌣𑌮𑍍 ।
𑌧𑍃𑌤𑍍𑌵𑌾𑌦𑍍𑌯 𑌵𑍈𑌦𑌿𑌕 𑌶𑌿𑌖𑌾𑌮𑌣𑌯𑌃 𑌪𑍍𑌰𑌹𑍃𑌷𑍍𑌟𑌾𑌃
𑌤𑌿𑌷𑍍𑌠𑌨𑍍𑌤𑌿 𑌵𑍇𑌙𑍍𑌕𑌟𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 25 ॥
𑌭𑌾𑌸𑍍𑌵𑌾𑌨𑍁𑌦𑍇𑌤𑌿 𑌵𑌿𑌕𑌚𑌾𑌨𑌿 𑌸𑌰𑍋𑌰𑍁𑌹𑌾𑌣𑌿
𑌸𑌮𑍍𑌪𑍂𑌰𑌯𑌨𑍍𑌤𑌿 𑌨𑌿𑌨𑌦𑍈𑌃 𑌕𑌕𑍁𑌭𑍋 𑌵𑌿𑌹𑌙𑍍𑌗𑌾𑌃 ।
𑌶𑍍𑌰𑍀𑌵𑍈𑌷𑍍𑌣𑌵𑌾𑌃 𑌸𑌤𑌤 𑌮𑌰𑍍𑌥𑌿𑌤 𑌮𑌙𑍍𑌗𑌲𑌾𑌸𑍍𑌤𑍇
𑌧𑌾𑌮𑌾𑌶𑍍𑌰𑌯𑌨𑍍𑌤𑌿 𑌤𑌵 𑌵𑍇𑌙𑍍𑌕𑌟 𑌸𑍁𑌪𑍍𑌰𑌭𑌾𑌤𑌮𑍍 ॥ 26 ॥
𑌬𑍍𑌰𑌹𑍍𑌮𑌾𑌦𑌯-𑌸𑍍𑌸𑍁𑌰𑌵𑌰𑌾-𑌸𑍍𑌸𑌮𑌹𑌰𑍍𑌷𑌯𑌸𑍍𑌤𑍇
𑌸𑌨𑍍𑌤𑌸𑍍𑌸𑌨𑌨𑍍𑌦𑌨-𑌮𑍁𑌖𑌾𑌸𑍍𑌤𑍍𑌵𑌥 𑌯𑍋𑌗𑌿𑌵𑌰𑍍𑌯𑌾𑌃 ।
𑌧𑌾𑌮𑌾𑌨𑍍𑌤𑌿𑌕𑍇 𑌤𑌵 𑌹𑌿 𑌮𑌙𑍍𑌗𑌲𑌵𑌸𑍍𑌤𑍁𑌹𑌸𑍍𑌤𑌾𑌃
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 27 ॥
𑌲𑌕𑍍𑌶𑍍𑌮𑍀𑌨𑌿𑌵𑌾𑌸 𑌨𑌿𑌰𑌵𑌦𑍍𑌯 𑌗𑍁𑌣𑍈𑌕 𑌸𑌿𑌨𑍍𑌧𑍋
𑌸𑌂𑌸𑌾𑌰𑌸𑌾𑌗𑌰 𑌸𑌮𑍁𑌤𑍍𑌤𑌰𑌣𑍈𑌕 𑌸𑍇𑌤𑍋 ।
𑌵𑍇𑌦𑌾𑌨𑍍𑌤 𑌵𑍇𑌦𑍍𑌯 𑌨𑌿𑌜𑌵𑍈𑌭𑌵 𑌭𑌕𑍍𑌤 𑌭𑍋𑌗𑍍𑌯
𑌶𑍍𑌰𑍀 𑌵𑍇𑌙𑍍𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 28 ॥
𑌇𑌤𑍍𑌥𑌂 𑌵𑍃𑌷𑌾𑌚𑌲𑌪𑌤𑍇𑌰𑌿𑌹 𑌸𑍁𑌪𑍍𑌰𑌭𑌾𑌤𑌂
𑌯𑍇 𑌮𑌾𑌨𑌵𑌾𑌃 𑌪𑍍𑌰𑌤𑌿𑌦𑌿𑌨𑌂 𑌪𑌠𑌿𑌤𑍁𑌂 𑌪𑍍𑌰𑌵𑍃𑌤𑍍𑌤𑌾𑌃 ।
𑌤𑍇𑌷𑌾𑌂 𑌪𑍍𑌰𑌭𑌾𑌤 𑌸𑌮𑌯𑍇 𑌸𑍍𑌮𑍃𑌤𑌿𑌰𑌙𑍍𑌗𑌭𑌾𑌜𑌾𑌂
𑌪𑍍𑌰𑌜𑍍𑌞𑌾𑌂 𑌪𑌰𑌾𑌰𑍍𑌥 𑌸𑍁𑌲𑌭𑌾𑌂 𑌪𑌰𑌮𑌾𑌂 𑌪𑍍𑌰𑌸𑍂𑌤𑍇 ॥ 29 ॥
Roman (IAST) Transliteration
kausalyā suprajā rāma pūrvāsandhyā pravartate |
uttiṣṭha naraśārdūla kartavyaṃ daivamāhnikam || 1 ||
uttiṣṭhottiṣṭha govinda uttiṣṭha garuḍadhvaja |
uttiṣṭha kamalākānta trailokyaṃ maṅgalaṃ kuru || 2 ||
mātassamasta jagatāṃ madhukaiṭabhāreḥ
vakṣovihāriṇi manohara divyamūrte |
śrīsvāmini śritajanapriya dānaśīle
śrī veṅkaṭeśa dayite tava suprabhātam || 3 ||
tava suprabhātamaravinda locane
bhavatu prasannamukha candramaṇḍale |
vidhi śaṅkarendra vanitābhirarcite
vṛśa śailanātha dayite dayānidhe || 4 ||
atryādi sapta ṛṣayassamupāsya sandhyāṃ
ākāśa sindhu kamalāni manoharāṇi |
ādāya pādayuga marcayituṃ prapannāḥ
śeṣādri śekhara vibho tava suprabhātam || 5 ||
pañcānanābja bhava ṣaṇmukha vāsavādyāḥ
traivikramādi caritaṃ vibudhāḥ stuvanti |
bhāṣāpatiḥ paṭhati vāsara śuddhi mārāt
śeṣādri śekhara vibho tava suprabhātam || 6 ||
īśat-praphulla sarasīruha nārikela
pūgadrumādi sumanohara pālikānām |
āvāti mandamanilaḥ sahadivya gandhaiḥ
śeṣādri śekhara vibho tava suprabhātam || 7 ||
unmīlyanetra yugamuttama pañjarasthāḥ
pātrāvasiṣṭa kadalī phala pāyasāni |
bhuktvāḥ salīla mathakeli śukāḥ paṭhanti
śeṣādri śekhara vibho tava suprabhātam || 8 ||
tantrī prakarṣa madhura svanayā vipañcyā
gāyatyananta caritaṃ tava nārado'pi |
bhāṣā samagra masat-kṛtacāru ramyaṃ
śeṣādri śekhara vibho tava suprabhātam || 9 ||
bhṛṅgāvalī ca makaranda rasānu viddha
jhuṅkāragīta ninadaiḥ sahasevanāya |
niryātyupānta sarasī kamalodarebhyaḥ
śeṣādri śekhara vibho tava suprabhātam || 10 ||
yoṣāgaṇena varadadhni vimathyamāne
ghoṣālayeṣu dadhimanthana tīvraghoṣāḥ |
roṣātkaliṃ vidadhate kakubhaśca kumbhāḥ
śeṣādri śekhara vibho tava suprabhātam || 11 ||
padmeśamitra śatapatra gatālivargāḥ
hartuṃ śriyaṃ kuvalayasya nijāṅgalakṣmyāḥ |
bherī ninādamiva bhibhrati tīvranādam
śeṣādri śekhara vibho tava suprabhātam || 12 ||
śrīmannabhīṣṭa varadākhila loka bandho
śrī śrīnivāsa jagadeka dayaika sindho |
śrī devatā gṛha bhujāntara divyamūrte
śrī veṅkaṭācalapate tava suprabhātam || 13 ||
śrī svāmi puṣkariṇikāplava nirmalāṅgāḥ
śreyārthino haraviriñci sanandanādyāḥ |
dvāre vasanti varanetra hatotta māṅgāḥ
śrī veṅkaṭācalapate tava suprabhātam || 14 ||
śrī śeṣaśaila garuḍācala veṅkaṭādri
nārāyaṇādri vṛṣabhādri vṛṣādri mukhyām |
ākhyāṃ tvadīya vasate raniśaṃ vadanti
śrī veṅkaṭācalapate tava suprabhātam || 15 ||
sevāparāḥ śiva sureśa kṛśānudharma
rakṣombunātha pavamāna dhanādhi nāthāḥ |
baddhāñjali pravilasannija śīrṣadeśāḥ
śrī veṅkaṭācalapate tava suprabhātam || 16 ||
dhāṭīṣu te vihagarāja mṛgādhirāja
nāgādhirāja gajarāja hayādhirājāḥ |
svasvādhikāra mahimādhika marthayante
śrī veṅkaṭācalapate tava suprabhātam || 17 ||
sūryendu bhauma budhavākpati kāvyaśauri
svarbhānuketu diviśat-pariśat-pradhānāḥ |
tvaddāsadāsa caramāvadhi dāsadāsāḥ
śrī veṅkaṭācalapate tava suprabhātam || 18 ||
tat-pādadhūli bharita sphuritottamāṅgāḥ
svargāpavarga nirapekṣa nijāntaraṅgāḥ |
kalpāgamā kalanayā''kulatāṃ labhante
śrī veṅkaṭācalapate tava suprabhātam || 19 ||
tvadgopurāgra śikharāṇi nirīkṣamāṇāḥ
svargāpavarga padavīṃ paramāṃ śrayantaḥ |
martyā manuṣya bhuvane matimāśrayante
śrī veṅkaṭācalapate tava suprabhātam || 20 ||
śrī bhūmināyaka dayādi guṇāmṛtābde
devādideva jagadeka śaraṇyamūrte |
śrīmannananta garuḍādibhi rarcitāṅghre
śrī veṅkaṭācalapate tava suprabhātam || 21 ||
śrī padmanābha puruṣottama vāsudeva
vaikuṇṭha mādhava janārdana cakrapāṇe |
śrī vatsa cihna śaraṇāgata pārijāta
śrī veṅkaṭācalapate tava suprabhātam || 22 ||
kandarpa darpa hara sundara divya mūrte
kāntā kucāmburuha kuṭmala loladṛṣṭe |
kalyāṇa nirmala guṇākara divyakīrte
śrī veṅkaṭācalapate tava suprabhātam || 23 ||
mīnākṛte kamaṭhakola nṛsiṃha varṇin
svāmin paraśvatha tapodhana rāmacandra |
śeṣāṃśarāma yadunandana kalkirūpa
śrī veṅkaṭācalapate tava suprabhātam || 24 ||
elālavaṅga ghanasāra sugandhi tīrthaṃ
divyaṃ viyatsariti hemaghaṭeṣu pūrṇam |
dhṛtvādya vaidika śikhāmaṇayaḥ prahṛṣṭāḥ
tiṣṭhanti veṅkaṭapate tava suprabhātam || 25 ||
bhāsvānudeti vikacāni saroruhāṇi
sampūrayanti ninadaiḥ kakubho vihaṅgāḥ |
śrīvaiṣṇavāḥ satata marthita maṅgalāste
dhāmāśrayanti tava veṅkaṭa suprabhātam || 26 ||
brahmādaya-ssuravarā-ssamaharṣayaste
santassanandana-mukhāstvatha yogivaryāḥ |
dhāmāntike tava hi maṅgalavastuhastāḥ
śrī veṅkaṭācalapate tava suprabhātam || 27 ||
lakśmīnivāsa niravadya guṇaika sindho
saṃsārasāgara samuttaraṇaika seto |
vedānta vedya nijavaibhava bhakta bhogya
śrī veṅkaṭācalapate tava suprabhātam || 28 ||
itthaṃ vṛṣācalapateriha suprabhātaṃ
ye mānavāḥ pratidinaṃ paṭhituṃ pravṛttāḥ |
teṣāṃ prabhāta samaye smṛtiraṅgabhājāṃ
prajñāṃ parārtha sulabhāṃ paramāṃ prasūte || 29 ||
Sanskrit — Devanagari (original)
कौसल्या सुप्रजा राम पूर्वासन्ध्या प्रवर्तते ।
उत्तिष्ठ नरशार्दूल कर्तव्यं दैवमाह्निकम् ॥ 1 ॥
उत्तिष्ठोत्तिष्ठ गोविन्द उत्तिष्ठ गरुडध्वज ।
उत्तिष्ठ कमलाकान्त त्रैलोक्यं मङ्गलं कुरु ॥ 2 ॥
मातस्समस्त जगतां मधुकैटभारेः
वक्षोविहारिणि मनोहर दिव्यमूर्ते ।
श्रीस्वामिनि श्रितजनप्रिय दानशीले
श्री वेङ्कटेश दयिते तव सुप्रभातम् ॥ 3 ॥
तव सुप्रभातमरविन्द लोचने
भवतु प्रसन्नमुख चन्द्रमण्डले ।
विधि शङ्करेन्द्र वनिताभिरर्चिते
वृश शैलनाथ दयिते दयानिधे ॥ 4 ॥
अत्र्यादि सप्त ऋषयस्समुपास्य सन्ध्यां
आकाश सिन्धु कमलानि मनोहराणि ।
आदाय पादयुग मर्चयितुं प्रपन्नाः
शेषाद्रि शेखर विभो तव सुप्रभातम् ॥ 5 ॥
पञ्चाननाब्ज भव षण्मुख वासवाद्याः
त्रैविक्रमादि चरितं विबुधाः स्तुवन्ति ।
भाषापतिः पठति वासर शुद्धि मारात्
शेषाद्रि शेखर विभो तव सुप्रभातम् ॥ 6 ॥
ईशत्-प्रफुल्ल सरसीरुह नारिकेल
पूगद्रुमादि सुमनोहर पालिकानाम् ।
आवाति मन्दमनिलः सहदिव्य गन्धैः
शेषाद्रि शेखर विभो तव सुप्रभातम् ॥ 7 ॥
उन्मील्यनेत्र युगमुत्तम पञ्जरस्थाः
पात्रावसिष्ट कदली फल पायसानि ।
भुक्त्वाः सलील मथकेलि शुकाः पठन्ति
शेषाद्रि शेखर विभो तव सुप्रभातम् ॥ 8 ॥
तन्त्री प्रकर्ष मधुर स्वनया विपञ्च्या
गायत्यनन्त चरितं तव नारदोऽपि ।
भाषा समग्र मसत्-कृतचारु रम्यं
शेषाद्रि शेखर विभो तव सुप्रभातम् ॥ 9 ॥
भृङ्गावली च मकरन्द रसानु विद्ध
झुङ्कारगीत निनदैः सहसेवनाय ।
निर्यात्युपान्त सरसी कमलोदरेभ्यः
शेषाद्रि शेखर विभो तव सुप्रभातम् ॥ 10 ॥
योषागणेन वरदध्नि विमथ्यमाने
घोषालयेषु दधिमन्थन तीव्रघोषाः ।
रोषात्कलिं विदधते ककुभश्च कुम्भाः
शेषाद्रि शेखर विभो तव सुप्रभातम् ॥ 11 ॥
पद्मेशमित्र शतपत्र गतालिवर्गाः
हर्तुं श्रियं कुवलयस्य निजाङ्गलक्ष्म्याः ।
भेरी निनादमिव भिभ्रति तीव्रनादम्
शेषाद्रि शेखर विभो तव सुप्रभातम् ॥ 12 ॥
श्रीमन्नभीष्ट वरदाखिल लोक बन्धो
श्री श्रीनिवास जगदेक दयैक सिन्धो ।
श्री देवता गृह भुजान्तर दिव्यमूर्ते
श्री वेङ्कटाचलपते तव सुप्रभातम् ॥ 13 ॥
श्री स्वामि पुष्करिणिकाप्लव निर्मलाङ्गाः
श्रेयार्थिनो हरविरिञ्चि सनन्दनाद्याः ।
द्वारे वसन्ति वरनेत्र हतोत्त माङ्गाः
श्री वेङ्कटाचलपते तव सुप्रभातम् ॥ 14 ॥
श्री शेषशैल गरुडाचल वेङ्कटाद्रि
नारायणाद्रि वृषभाद्रि वृषाद्रि मुख्याम् ।
आख्यां त्वदीय वसते रनिशं वदन्ति
श्री वेङ्कटाचलपते तव सुप्रभातम् ॥ 15 ॥
सेवापराः शिव सुरेश कृशानुधर्म
रक्षोम्बुनाथ पवमान धनाधि नाथाः ।
बद्धाञ्जलि प्रविलसन्निज शीर्षदेशाः
श्री वेङ्कटाचलपते तव सुप्रभातम् ॥ 16 ॥
धाटीषु ते विहगराज मृगाधिराज
नागाधिराज गजराज हयाधिराजाः ।
स्वस्वाधिकार महिमाधिक मर्थयन्ते
श्री वेङ्कटाचलपते तव सुप्रभातम् ॥ 17 ॥
सूर्येन्दु भौम बुधवाक्पति काव्यशौरि
स्वर्भानुकेतु दिविशत्-परिशत्-प्रधानाः ।
त्वद्दासदास चरमावधि दासदासाः
श्री वेङ्कटाचलपते तव सुप्रभातम् ॥ 18 ॥
तत्-पादधूलि भरित स्फुरितोत्तमाङ्गाः
स्वर्गापवर्ग निरपेक्ष निजान्तरङ्गाः ।
कल्पागमा कलनयाऽऽकुलतां लभन्ते
श्री वेङ्कटाचलपते तव सुप्रभातम् ॥ 19 ॥
त्वद्गोपुराग्र शिखराणि निरीक्षमाणाः
स्वर्गापवर्ग पदवीं परमां श्रयन्तः ।
मर्त्या मनुष्य भुवने मतिमाश्रयन्ते
श्री वेङ्कटाचलपते तव सुप्रभातम् ॥ 20 ॥
श्री भूमिनायक दयादि गुणामृताब्दे
देवादिदेव जगदेक शरण्यमूर्ते ।
श्रीमन्ननन्त गरुडादिभि रर्चिताङ्घ्रे
श्री वेङ्कटाचलपते तव सुप्रभातम् ॥ 21 ॥
श्री पद्मनाभ पुरुषोत्तम वासुदेव
वैकुण्ठ माधव जनार्दन चक्रपाणे ।
श्री वत्स चिह्न शरणागत पारिजात
श्री वेङ्कटाचलपते तव सुप्रभातम् ॥ 22 ॥
कन्दर्प दर्प हर सुन्दर दिव्य मूर्ते
कान्ता कुचाम्बुरुह कुट्मल लोलदृष्टे ।
कल्याण निर्मल गुणाकर दिव्यकीर्ते
श्री वेङ्कटाचलपते तव सुप्रभातम् ॥ 23 ॥
मीनाकृते कमठकोल नृसिंह वर्णिन्
स्वामिन् परश्वथ तपोधन रामचन्द्र ।
शेषांशराम यदुनन्दन कल्किरूप
श्री वेङ्कटाचलपते तव सुप्रभातम् ॥ 24 ॥
एलालवङ्ग घनसार सुगन्धि तीर्थं
दिव्यं वियत्सरिति हेमघटेषु पूर्णम् ।
धृत्वाद्य वैदिक शिखामणयः प्रहृष्टाः
तिष्ठन्ति वेङ्कटपते तव सुप्रभातम् ॥ 25 ॥
भास्वानुदेति विकचानि सरोरुहाणि
सम्पूरयन्ति निनदैः ककुभो विहङ्गाः ।
श्रीवैष्णवाः सतत मर्थित मङ्गलास्ते
धामाश्रयन्ति तव वेङ्कट सुप्रभातम् ॥ 26 ॥
ब्रह्मादय-स्सुरवरा-स्समहर्षयस्ते
सन्तस्सनन्दन-मुखास्त्वथ योगिवर्याः ।
धामान्तिके तव हि मङ्गलवस्तुहस्ताः
श्री वेङ्कटाचलपते तव सुप्रभातम् ॥ 27 ॥
लक्श्मीनिवास निरवद्य गुणैक सिन्धो
संसारसागर समुत्तरणैक सेतो ।
वेदान्त वेद्य निजवैभव भक्त भोग्य
श्री वेङ्कटाचलपते तव सुप्रभातम् ॥ 28 ॥
इत्थं वृषाचलपतेरिह सुप्रभातं
ये मानवाः प्रतिदिनं पठितुं प्रवृत्ताः ।
तेषां प्रभात समये स्मृतिरङ्गभाजां
प्रज्ञां परार्थ सुलभां परमां प्रसूते ॥ 29 ॥
kausalyā suprajā rāma pūrvāsandhyā pravartate |
uttiṣṭha naraśārdūla kartavyaṃ daivamāhnikam || 1 ||
uttiṣṭhottiṣṭha govinda uttiṣṭha garuḍadhvaja |
uttiṣṭha kamalākānta trailokyaṃ maṅgalaṃ kuru || 2 ||
mātassamasta jagatāṃ madhukaiṭabhāreḥ
vakṣovihāriṇi manohara divyamūrte |
śrīsvāmini śritajanapriya dānaśīle
śrī veṅkaṭeśa dayite tava suprabhātam || 3 ||
tava suprabhātamaravinda locane
bhavatu prasannamukha candramaṇḍale |
vidhi śaṅkarendra vanitābhirarcite
vṛśa śailanātha dayite dayānidhe || 4 ||
atryādi sapta ṛṣayassamupāsya sandhyāṃ
ākāśa sindhu kamalāni manoharāṇi |
ādāya pādayuga marcayituṃ prapannāḥ
śeṣādri śekhara vibho tava suprabhātam || 5 ||
pañcānanābja bhava ṣaṇmukha vāsavādyāḥ
traivikramādi caritaṃ vibudhāḥ stuvanti |
bhāṣāpatiḥ paṭhati vāsara śuddhi mārāt
śeṣādri śekhara vibho tava suprabhātam || 6 ||
īśat-praphulla sarasīruha nārikela
pūgadrumādi sumanohara pālikānām |
āvāti mandamanilaḥ sahadivya gandhaiḥ
śeṣādri śekhara vibho tava suprabhātam || 7 ||
unmīlyanetra yugamuttama pañjarasthāḥ
pātrāvasiṣṭa kadalī phala pāyasāni |
bhuktvāḥ salīla mathakeli śukāḥ paṭhanti
śeṣādri śekhara vibho tava suprabhātam || 8 ||
tantrī prakarṣa madhura svanayā vipañcyā
gāyatyananta caritaṃ tava nārado'pi |
bhāṣā samagra masat-kṛtacāru ramyaṃ
śeṣādri śekhara vibho tava suprabhātam || 9 ||
bhṛṅgāvalī ca makaranda rasānu viddha
jhuṅkāragīta ninadaiḥ sahasevanāya |
niryātyupānta sarasī kamalodarebhyaḥ
śeṣādri śekhara vibho tava suprabhātam || 10 ||
yoṣāgaṇena varadadhni vimathyamāne
ghoṣālayeṣu dadhimanthana tīvraghoṣāḥ |
roṣātkaliṃ vidadhate kakubhaśca kumbhāḥ
śeṣādri śekhara vibho tava suprabhātam || 11 ||
padmeśamitra śatapatra gatālivargāḥ
hartuṃ śriyaṃ kuvalayasya nijāṅgalakṣmyāḥ |
bherī ninādamiva bhibhrati tīvranādam
śeṣādri śekhara vibho tava suprabhātam || 12 ||
śrīmannabhīṣṭa varadākhila loka bandho
śrī śrīnivāsa jagadeka dayaika sindho |
śrī devatā gṛha bhujāntara divyamūrte
śrī veṅkaṭācalapate tava suprabhātam || 13 ||
śrī svāmi puṣkariṇikāplava nirmalāṅgāḥ
śreyārthino haraviriñci sanandanādyāḥ |
dvāre vasanti varanetra hatotta māṅgāḥ
śrī veṅkaṭācalapate tava suprabhātam || 14 ||
śrī śeṣaśaila garuḍācala veṅkaṭādri
nārāyaṇādri vṛṣabhādri vṛṣādri mukhyām |
ākhyāṃ tvadīya vasate raniśaṃ vadanti
śrī veṅkaṭācalapate tava suprabhātam || 15 ||
sevāparāḥ śiva sureśa kṛśānudharma
rakṣombunātha pavamāna dhanādhi nāthāḥ |
baddhāñjali pravilasannija śīrṣadeśāḥ
śrī veṅkaṭācalapate tava suprabhātam || 16 ||
dhāṭīṣu te vihagarāja mṛgādhirāja
nāgādhirāja gajarāja hayādhirājāḥ |
svasvādhikāra mahimādhika marthayante
śrī veṅkaṭācalapate tava suprabhātam || 17 ||
sūryendu bhauma budhavākpati kāvyaśauri
svarbhānuketu diviśat-pariśat-pradhānāḥ |
tvaddāsadāsa caramāvadhi dāsadāsāḥ
śrī veṅkaṭācalapate tava suprabhātam || 18 ||
tat-pādadhūli bharita sphuritottamāṅgāḥ
svargāpavarga nirapekṣa nijāntaraṅgāḥ |
kalpāgamā kalanayā''kulatāṃ labhante
śrī veṅkaṭācalapate tava suprabhātam || 19 ||
tvadgopurāgra śikharāṇi nirīkṣamāṇāḥ
svargāpavarga padavīṃ paramāṃ śrayantaḥ |
martyā manuṣya bhuvane matimāśrayante
śrī veṅkaṭācalapate tava suprabhātam || 20 ||
śrī bhūmināyaka dayādi guṇāmṛtābde
devādideva jagadeka śaraṇyamūrte |
śrīmannananta garuḍādibhi rarcitāṅghre
śrī veṅkaṭācalapate tava suprabhātam || 21 ||
śrī padmanābha puruṣottama vāsudeva
vaikuṇṭha mādhava janārdana cakrapāṇe |
śrī vatsa cihna śaraṇāgata pārijāta
śrī veṅkaṭācalapate tava suprabhātam || 22 ||
kandarpa darpa hara sundara divya mūrte
kāntā kucāmburuha kuṭmala loladṛṣṭe |
kalyāṇa nirmala guṇākara divyakīrte
śrī veṅkaṭācalapate tava suprabhātam || 23 ||
mīnākṛte kamaṭhakola nṛsiṃha varṇin
svāmin paraśvatha tapodhana rāmacandra |
śeṣāṃśarāma yadunandana kalkirūpa
śrī veṅkaṭācalapate tava suprabhātam || 24 ||
elālavaṅga ghanasāra sugandhi tīrthaṃ
divyaṃ viyatsariti hemaghaṭeṣu pūrṇam |
dhṛtvādya vaidika śikhāmaṇayaḥ prahṛṣṭāḥ
tiṣṭhanti veṅkaṭapate tava suprabhātam || 25 ||
bhāsvānudeti vikacāni saroruhāṇi
sampūrayanti ninadaiḥ kakubho vihaṅgāḥ |
śrīvaiṣṇavāḥ satata marthita maṅgalāste
dhāmāśrayanti tava veṅkaṭa suprabhātam || 26 ||
brahmādaya-ssuravarā-ssamaharṣayaste
santassanandana-mukhāstvatha yogivaryāḥ |
dhāmāntike tava hi maṅgalavastuhastāḥ
śrī veṅkaṭācalapate tava suprabhātam || 27 ||
lakśmīnivāsa niravadya guṇaika sindho
saṃsārasāgara samuttaraṇaika seto |
vedānta vedya nijavaibhava bhakta bhogya
śrī veṅkaṭācalapate tava suprabhātam || 28 ||
itthaṃ vṛṣācalapateriha suprabhātaṃ
ye mānavāḥ pratidinaṃ paṭhituṃ pravṛttāḥ |
teṣāṃ prabhāta samaye smṛtiraṅgabhājāṃ
prajñāṃ parārtha sulabhāṃ paramāṃ prasūte || 29 ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.