aruṇāya śaraṇyāya karuṇārasasindhave |
Verse 1
asamānabalāyā''rtarakṣakāya namo namaḥ || 1 ||
ādityāyā''dibhūtāya akhilāgamavedine |
Verse 2
acyutāyā'khilajñāya anantāya namo namaḥ || 2 ||
ināya viśvarūpāya ijyāyaindrāya bhānave |
Verse 3
indirāmandirāptāya vandanīyāya te namaḥ || 3 ||
īśāya suprasannāya suśīlāya suvarcase |
Verse 4
vasupradāya vasave vāsudevāya te namaḥ || 4 ||
ujjvalāyograrūpāya ūrdhvagāya vivasvate |
Verse 5
udyatkiraṇajālāya hṛṣīkeśāya te namaḥ || 5 ||
ūrjasvalāya vīrāya nirjarāya jayāya ca |
Verse 6
ūrudvayābhāvarūpayuktasārathaye namaḥ || 6 ||
ṛṣivandyāya rugghantre ṛkṣacakracarāya ca |
Verse 7
ṛjusvabhāvacittāya nityastutyāya te namaḥ || 7 ||
ṝkāramātṛkāvarṇarūpāyojjvalatejase |
Verse 8
ṝkṣādhināthamitrāya puṣkarākṣāya te namaḥ || 8 ||
luptadantāya śāntāya kāntidāya ghanāya ca |
Verse 9
kanatkanakabhūṣāya khadyotāya namo namaḥ || 9 ||
lūnitākhiladaityāya satyānandasvarūpiṇe |
Verse 10
apavargapradāyā''rtaśaraṇyāya namo namaḥ || 10 ||
ekākine bhagavate sṛṣṭisthityantakāriṇe |
Verse 11
guṇātmane ghṛṇibhṛte bṛhate brahmaṇe namaḥ || 11 ||
aiśvaryadāya śarvāya haridaśvāya śauraye |
Verse 12
daśadiksamprakāśāya bhaktavaśyāya te namaḥ || 12 ||
ojaskarāya jayine jagadānandahetave |
Verse 13
janmamṛtyujarāvyādhivarjitāya namo namaḥ || 13 ||
aunnatyapadasañcārarathasthāyātmarūpiṇe |
Verse 14
kamanīyakarāyā'bjavallabhāya namo namaḥ || 14 ||
antarbahiḥprakāśāya acintyāyā''tmarūpiṇe |
Verse 15
acyutāya sureśāya parasmai jyotiṣe namaḥ || 15 ||
ahaskarāya ravaye haraye paramātmane |
Verse 16
taruṇāya vareṇyāya grahāṇāṃ pataye namaḥ || 16 ||
oṃ namo bhāskarāyā''dimadhyāntarahitāya ca |
Verse 17
saukhyapradāya sakalajagatāṃ pataye namaḥ || 17 ||
namaḥ sūryāya kavaye namo nārāyaṇāya ca |
Verse 18
namo namaḥ pareśāya tejorūpāya te namaḥ || 18 ||
oṃ śrīṃ hiraṇyagarbhāya oṃ hrīṃ sampatkarāya ca |
Verse 19
oṃ aiṃ iṣṭārthadāyā'nuprasannāya namo namaḥ || 19 ||
śrīmate śreyase bhaktakoṭisaukhyapradāyine |
Verse 20
nikhilāgamavedyāya nityānandāya te namaḥ || 20 ||
iti śrī sūrya aṣṭottaraśatanāma stotram |
Sanskrit — Devanagari (original)
अरुणाय शरण्याय करुणारससिन्धवे ।
असमानबलायाऽऽर्तरक्षकाय नमो नमः ॥ 1 ॥
आदित्यायाऽऽदिभूताय अखिलागमवेदिने ।
अच्युतायाऽखिलज्ञाय अनन्ताय नमो नमः ॥ 2 ॥
इनाय विश्वरूपाय इज्यायैन्द्राय भानवे ।
इन्दिरामन्दिराप्ताय वन्दनीयाय ते नमः ॥ 3 ॥
ईशाय सुप्रसन्नाय सुशीलाय सुवर्चसे ।
वसुप्रदाय वसवे वासुदेवाय ते नमः ॥ 4 ॥
उज्ज्वलायोग्ररूपाय ऊर्ध्वगाय विवस्वते ।
उद्यत्किरणजालाय हृषीकेशाय ते नमः ॥ 5 ॥
ऊर्जस्वलाय वीराय निर्जराय जयाय च ।
ऊरुद्वयाभावरूपयुक्तसारथये नमः ॥ 6 ॥
ऋषिवन्द्याय रुग्घन्त्रे ऋक्षचक्रचराय च ।
ऋजुस्वभावचित्ताय नित्यस्तुत्याय ते नमः ॥ 7 ॥
ॠकारमातृकावर्णरूपायोज्ज्वलतेजसे ।
ॠक्षाधिनाथमित्राय पुष्कराक्षाय ते नमः ॥ 8 ॥
लुप्तदन्ताय शान्ताय कान्तिदाय घनाय च ।
कनत्कनकभूषाय खद्योताय नमो नमः ॥ 9 ॥
लूनिताखिलदैत्याय सत्यानन्दस्वरूपिणे ।
अपवर्गप्रदायाऽऽर्तशरण्याय नमो नमः ॥ 10 ॥
एकाकिने भगवते सृष्टिस्थित्यन्तकारिणे ।
गुणात्मने घृणिभृते बृहते ब्रह्मणे नमः ॥ 11 ॥
ऐश्वर्यदाय शर्वाय हरिदश्वाय शौरये ।
दशदिक्सम्प्रकाशाय भक्तवश्याय ते नमः ॥ 12 ॥
ओजस्कराय जयिने जगदानन्दहेतवे ।
जन्ममृत्युजराव्याधिवर्जिताय नमो नमः ॥ 13 ॥
औन्नत्यपदसञ्चाररथस्थायात्मरूपिणे ।
कमनीयकरायाऽब्जवल्लभाय नमो नमः ॥ 14 ॥
अन्तर्बहिःप्रकाशाय अचिन्त्यायाऽऽत्मरूपिणे ।
अच्युताय सुरेशाय परस्मै ज्योतिषे नमः ॥ 15 ॥
अहस्कराय रवये हरये परमात्मने ।
तरुणाय वरेण्याय ग्रहाणां पतये नमः ॥ 16 ॥
ॐ नमो भास्करायाऽऽदिमध्यान्तरहिताय च ।
सौख्यप्रदाय सकलजगतां पतये नमः ॥ 17 ॥
नमः सूर्याय कवये नमो नारायणाय च ।
नमो नमः परेशाय तेजोरूपाय ते नमः ॥ 18 ॥
ॐ श्रीं हिरण्यगर्भाय ॐ ह्रीं सम्पत्कराय च ।
ॐ ऐं इष्टार्थदायाऽनुप्रसन्नाय नमो नमः ॥ 19 ॥
श्रीमते श्रेयसे भक्तकोटिसौख्यप्रदायिने ।
निखिलागमवेद्याय नित्यानन्दाय ते नमः ॥ 20 ॥
इति श्री सूर्य अष्टोत्तरशतनाम स्तोत्रम् ।