āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||
namaḥ kodaṇḍahastāya sandhīkṛtaśarāya ca |
Verse 1
daṇḍitākhiladaityāya rāmāyāpannivāriṇe || 1 ||
āpannajanarakṣaikadīkṣāyāmitatejase |
Verse 2
namo'stu viṣṇave tubhyaṃ rāmāyāpannivāriṇe || 2 ||
padāmbhojarajassparśapavitramuniyoṣite |
Verse 3
namo'stu sītāpataye rāmāyāpannivāriṇe || 3 ||
dānavendramahāmattagajapañcāsyarūpiṇe |
Verse 4
namo'stu raghunāthāya rāmāyāpannivāriṇe || 4 ||
mahijākucasaṃlagnakuṅkumāruṇavakṣase |
Verse 5
namaḥ kalyāṇarūpāya rāmāyāpannivāriṇe || 5 ||
padmasambhava bhūteśa munisaṃstutakīrtaye |
Verse 6
namo mārtāṇḍavaṃśyāya rāmāyāpannivāriṇe || 6 ||
haratyārtiṃ ca lokānāṃ yo vā madhuniṣūdanaḥ |
Verse 7
namo'stu haraye tubhyaṃ rāmāyāpannivāriṇe || 7 ||
tāpakāraṇasaṃsāragajasiṃhasvarūpiṇe |
Verse 8
namo vedāntavedyāya rāmāyāpannivāriṇe || 8 ||
raṅgattaraṅgajaladhigarvahṛccharadhāriṇe |
Verse 9
namaḥ pratāparūpāya rāmāyāpannivāriṇe || 9 ||
dāropahitacandrāvataṃsadhyātasvamūrtaye |
Verse 10
namaḥ satyasvarūpāya rāmāyāpannivāriṇe || 10 ||
tārānāyakasaṅkāśavadanāya mahaujase |
Verse 11
namo'stu tāṭakāhantre rāmāyāpannivāriṇe || 11 ||
ramyasānulasaccitrakūṭāśramavihāriṇe |
Verse 12
namaḥ saumitrisevyāya rāmāyāpannivāriṇe || 12 ||
sarvadevahitāsakta daśānanavināśine |
Verse 13
namo'stu duḥkhadhvaṃsāya rāmāyāpannivāriṇe || 13 ||
ratnasānunivāsaika vandyapādāmbujāya ca |
Verse 14
namastrailokyanāthāya rāmāyāpannivāriṇe || 14 ||
saṃsārabandhamokṣaikahetudhāmaprakāśine |
Verse 15
namaḥ kaluṣasaṃhartre rāmāyāpannivāriṇe || 15 ||
pavanāśuga saṅkṣipta mārīcādi surāraye |
Verse 16
namo makhaparitrātre rāmāyāpannivāriṇe || 16 ||
dāmbhiketarabhaktaughamahadānandadāyine |
Verse 17
namaḥ kamalanetrāya rāmāyāpannivāriṇe || 17 ||
lokatrayodvegakara kumbhakarṇaśiraśchide |
Verse 18
namo nīradadehāya rāmāyāpannivāriṇe || 18 ||
kākāsuraikanayanaharallīlāstradhāriṇe |
Verse 19
namo bhaktaikavedyāya rāmāyāpannivāriṇe || 19 ||
bhikṣurūpasamākrānta balisarvaikasampade |
Verse 20
namo vāmanarūpāya rāmāyāpannivāriṇe || 20 ||
rājīvanetrasuspanda rucirāṅgasurociṣe |
Verse 21
namaḥ kaivalyanidhaye rāmāyāpannivāriṇe || 21 ||
mandamārutasaṃvīta mandāradrumavāsine |
Verse 22
namaḥ pallavapādāya rāmāyāpannivāriṇe || 22 ||
śrīkaṇṭhacāpadalanadhurīṇabalabāhave |
Verse 23
namaḥ sītānuṣaktāya rāmāyāpannivāriṇe || 23 ||
rājarājasuhṛdyoṣārcita maṅgalamūrtaye |
Verse 24
nama ikṣvākuvaṃśyāya rāmāyāpannivāriṇe || 24 ||
mañjulādarśaviprekṣaṇotsukaikavilāsine |
Verse 25
namaḥ pālitabhaktāya rāmāyāpannivāriṇe || 25 ||
bhūribhūdhara kodaṇḍamūrti dhyeyasvarūpiṇe |
Verse 26
namo'stu tejonidhaye rāmāyāpannivāriṇe || 26 ||
yogīndrahṛtsarojātamadhupāya mahātmane |
Verse 27
namo rājādhirājāya rāmāyāpannivāriṇe || 27 ||
bhūvarāhasvarūpāya namo bhūripradāyine |
Verse 28
namo hiraṇyagarbhāya rāmāyāpannivāriṇe || 28 ||
yoṣāñjalivinirmukta lājāñcitavapuṣmate |
Verse 29
namaḥ saundaryanidhaye rāmāyāpannivāriṇe || 29 ||
nakhakoṭivinirbhinnadaityādhipativakṣase |
Verse 30
namo nṛsiṃharūpāya rāmāyāpannivāriṇe || 30 ||
māyāmānuṣadehāya vedoddharaṇahetave |
Verse 31
namo'stu matsyarūpāya rāmāyāpannivāriṇe || 31 ||
mitiśūnya mahādivyamahimne mānitātmane |
Verse 32
namo brahmasvarūpāya rāmāyāpannivāriṇe || 32 ||
ahaṅkāretarajana svāntasaudhavihāriṇe |
Verse 33
namo'stu citsvarūpāya rāmāyāpannivāriṇe || 33 ||
sītālakṣmaṇasaṃśobhipārśvāya paramātmane |
Verse 34
namaḥ paṭṭābhiṣiktāya rāmāyāpannivāriṇe || 34 ||
agrataḥ pṛṣṭhataścaiva pārśvataśca mahābalau |
Verse 35
ākarṇapūrṇadhanvānau rakṣetāṃ rāmalakṣmaṇau || 35 ||
sannaddhaḥ kavacī khaḍgī cāpabāṇadharo yuvā |
Verse 36
tiṣṭhanmamāgrato nityaṃ rāmaḥ pātu salakṣmaṇaḥ || 36 ||
āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||
phalaśruti
imaṃ stavaṃ bhagavataḥ paṭhedyaḥ prītamānasaḥ |
Verse 1
prabhāte vā pradoṣe vā rāmasya paramātmanaḥ || 1 ||
sa tu tīrtvā bhavāmbodhimāpadassakalānapi |
Verse 2
rāmasāyujyamāpnoti devadevaprasādataḥ || 2 ||
kārāgṛhādibādhāsu samprāpte bahusaṅkaṭe |
Verse 3
āpannivārakastotraṃ paṭhedyastu yathāvidhiḥ || 3 ||
saṃyojyānuṣṭubhaṃ mantramanuślokaṃ smaranvibhum |
Verse 4
saptāhātsarvabādhābhyo mucyate nātra saṃśayaḥ || 4 ||
dvātriṃśadvārajapataḥ pratyahaṃ tu dṛḍhavrataḥ |
Verse 5
vaiśākhe bhānumālokya pratyahaṃ śatasaṅkhyayā || 5 ||
dhanavān dhanadaprakhyassa bhavennātra saṃśayaḥ |
Verse 6
bahunātra kimuktena yaṃ yaṃ kāmayate naraḥ || 6 ||
taṃ taṃ kāmamavāpnoti stotreṇānena mānavaḥ |
Verse 7
yantrapūjāvidhānena japahomāditarpaṇaiḥ || 7 ||
yastu kurvīta sahasā sarvānkāmānavāpnuyāt |
Verse 8
iha loke sukhī bhūtvā pare mukto bhaviṣyati || 8 ||
Sanskrit — Devanagari (original)
आपदामपहर्तारं दातारं सर्वसम्पदाम् ।
लोकाभिरामं श्रीरामं भूयो भूयो नमाम्यहम् ॥
नमः कोदण्डहस्ताय सन्धीकृतशराय च ।
दण्डिताखिलदैत्याय रामायापन्निवारिणे ॥ 1 ॥
आपन्नजनरक्षैकदीक्षायामिततेजसे ।
नमोऽस्तु विष्णवे तुभ्यं रामायापन्निवारिणे ॥ 2 ॥
पदाम्भोजरजस्स्पर्शपवित्रमुनियोषिते ।
नमोऽस्तु सीतापतये रामायापन्निवारिणे ॥ 3 ॥
दानवेन्द्रमहामत्तगजपञ्चास्यरूपिणे ।
नमोऽस्तु रघुनाथाय रामायापन्निवारिणे ॥ 4 ॥
महिजाकुचसंलग्नकुङ्कुमारुणवक्षसे ।
नमः कल्याणरूपाय रामायापन्निवारिणे ॥ 5 ॥
पद्मसम्भव भूतेश मुनिसंस्तुतकीर्तये ।
नमो मार्ताण्डवंश्याय रामायापन्निवारिणे ॥ 6 ॥
हरत्यार्तिं च लोकानां यो वा मधुनिषूदनः ।
नमोऽस्तु हरये तुभ्यं रामायापन्निवारिणे ॥ 7 ॥
तापकारणसंसारगजसिंहस्वरूपिणे ।
नमो वेदान्तवेद्याय रामायापन्निवारिणे ॥ 8 ॥
रङ्गत्तरङ्गजलधिगर्वहृच्छरधारिणे ।
नमः प्रतापरूपाय रामायापन्निवारिणे ॥ 9 ॥
दारोपहितचन्द्रावतंसध्यातस्वमूर्तये ।
नमः सत्यस्वरूपाय रामायापन्निवारिणे ॥ 10 ॥
तारानायकसङ्काशवदनाय महौजसे ।
नमोऽस्तु ताटकाहन्त्रे रामायापन्निवारिणे ॥ 11 ॥
रम्यसानुलसच्चित्रकूटाश्रमविहारिणे ।
नमः सौमित्रिसेव्याय रामायापन्निवारिणे ॥ 12 ॥
सर्वदेवहितासक्त दशाननविनाशिने ।
नमोऽस्तु दुःखध्वंसाय रामायापन्निवारिणे ॥ 13 ॥
रत्नसानुनिवासैक वन्द्यपादाम्बुजाय च ।
नमस्त्रैलोक्यनाथाय रामायापन्निवारिणे ॥ 14 ॥
संसारबन्धमोक्षैकहेतुधामप्रकाशिने ।
नमः कलुषसंहर्त्रे रामायापन्निवारिणे ॥ 15 ॥
पवनाशुग सङ्क्षिप्त मारीचादि सुरारये ।
नमो मखपरित्रात्रे रामायापन्निवारिणे ॥ 16 ॥
दाम्भिकेतरभक्तौघमहदानन्ददायिने ।
नमः कमलनेत्राय रामायापन्निवारिणे ॥ 17 ॥
लोकत्रयोद्वेगकर कुम्भकर्णशिरश्छिदे ।
नमो नीरददेहाय रामायापन्निवारिणे ॥ 18 ॥
काकासुरैकनयनहरल्लीलास्त्रधारिणे ।
नमो भक्तैकवेद्याय रामायापन्निवारिणे ॥ 19 ॥
भिक्षुरूपसमाक्रान्त बलिसर्वैकसम्पदे ।
नमो वामनरूपाय रामायापन्निवारिणे ॥ 20 ॥
राजीवनेत्रसुस्पन्द रुचिराङ्गसुरोचिषे ।
नमः कैवल्यनिधये रामायापन्निवारिणे ॥ 21 ॥
मन्दमारुतसंवीत मन्दारद्रुमवासिने ।
नमः पल्लवपादाय रामायापन्निवारिणे ॥ 22 ॥
श्रीकण्ठचापदलनधुरीणबलबाहवे ।
नमः सीतानुषक्ताय रामायापन्निवारिणे ॥ 23 ॥
राजराजसुहृद्योषार्चित मङ्गलमूर्तये ।
नम इक्ष्वाकुवंश्याय रामायापन्निवारिणे ॥ 24 ॥
मञ्जुलादर्शविप्रेक्षणोत्सुकैकविलासिने ।
नमः पालितभक्ताय रामायापन्निवारिणे ॥ 25 ॥
भूरिभूधर कोदण्डमूर्ति ध्येयस्वरूपिणे ।
नमोऽस्तु तेजोनिधये रामायापन्निवारिणे ॥ 26 ॥
योगीन्द्रहृत्सरोजातमधुपाय महात्मने ।
नमो राजाधिराजाय रामायापन्निवारिणे ॥ 27 ॥
भूवराहस्वरूपाय नमो भूरिप्रदायिने ।
नमो हिरण्यगर्भाय रामायापन्निवारिणे ॥ 28 ॥
योषाञ्जलिविनिर्मुक्त लाजाञ्चितवपुष्मते ।
नमः सौन्दर्यनिधये रामायापन्निवारिणे ॥ 29 ॥
नखकोटिविनिर्भिन्नदैत्याधिपतिवक्षसे ।
नमो नृसिंहरूपाय रामायापन्निवारिणे ॥ 30 ॥
मायामानुषदेहाय वेदोद्धरणहेतवे ।
नमोऽस्तु मत्स्यरूपाय रामायापन्निवारिणे ॥ 31 ॥
मितिशून्य महादिव्यमहिम्ने मानितात्मने ।
नमो ब्रह्मस्वरूपाय रामायापन्निवारिणे ॥ 32 ॥
अहङ्कारेतरजन स्वान्तसौधविहारिणे ।
नमोऽस्तु चित्स्वरूपाय रामायापन्निवारिणे ॥ 33 ॥
सीतालक्ष्मणसंशोभिपार्श्वाय परमात्मने ।
नमः पट्टाभिषिक्ताय रामायापन्निवारिणे ॥ 34 ॥
अग्रतः पृष्ठतश्चैव पार्श्वतश्च महाबलौ ।
आकर्णपूर्णधन्वानौ रक्षेतां रामलक्ष्मणौ ॥ 35 ॥
सन्नद्धः कवची खड्गी चापबाणधरो युवा ।
तिष्ठन्ममाग्रतो नित्यं रामः पातु सलक्ष्मणः ॥ 36 ॥
आपदामपहर्तारं दातारं सर्वसम्पदाम् ।
लोकाभिरामं श्रीरामं भूयो भूयो नमाम्यहम् ॥
फलश्रुति
इमं स्तवं भगवतः पठेद्यः प्रीतमानसः ।
प्रभाते वा प्रदोषे वा रामस्य परमात्मनः ॥ 1 ॥
स तु तीर्त्वा भवाम्बोधिमापदस्सकलानपि ।
रामसायुज्यमाप्नोति देवदेवप्रसादतः ॥ 2 ॥
कारागृहादिबाधासु सम्प्राप्ते बहुसङ्कटे ।
आपन्निवारकस्तोत्रं पठेद्यस्तु यथाविधिः ॥ 3 ॥
संयोज्यानुष्टुभं मन्त्रमनुश्लोकं स्मरन्विभुम् ।
सप्ताहात्सर्वबाधाभ्यो मुच्यते नात्र संशयः ॥ 4 ॥
द्वात्रिंशद्वारजपतः प्रत्यहं तु दृढव्रतः ।
वैशाखे भानुमालोक्य प्रत्यहं शतसङ्ख्यया ॥ 5 ॥
धनवान् धनदप्रख्यस्स भवेन्नात्र संशयः ।
बहुनात्र किमुक्तेन यं यं कामयते नरः ॥ 6 ॥
तं तं काममवाप्नोति स्तोत्रेणानेन मानवः ।
यन्त्रपूजाविधानेन जपहोमादितर्पणैः ॥ 7 ॥
यस्तु कुर्वीत सहसा सर्वान्कामानवाप्नुयात् ।
इह लोके सुखी भूत्वा परे मुक्तो भविष्यति ॥ 8 ॥