jagajjālapālaṃ kanatkaṇṭhamālaṃ
śaraccandraphālaṃ mahādaityakālam |
nabhonīlakāyaṃ durāvāramāyaṃ
Verse 1
supadmāsahāyaṃ bhaje'haṃ bhaje'ham || 1 ||
sadāmbhodhivāsaṃ galatpuṣpahāsaṃ
jagatsannivāsaṃ śatādityabhāsam |
gadācakraśastraṃ lasatpītavastraṃ
Verse 2
hasaccāruvaktraṃ bhaje'haṃ bhaje'ham || 2 ||
ramākaṇṭhahāraṃ śrutivrātasāraṃ
jalāntarvihāraṃ dharābhārahāram |
cidānandarūpaṃ manojñasvarūpaṃ
Verse 3
dhṛtānekarūpaṃ bhaje'haṃ bhaje'ham || 3 ||
jarājanmahīnaṃ parānandapīnaṃ
samādhānalīnaṃ sadaivānavīnam |
jagajjanmahetuṃ surānīkaketuṃ
Verse 4
trilokaikasetuṃ bhaje'haṃ bhaje'ham || 4 ||
kṛtāmnāyagānaṃ khagādhīśayānaṃ
vimukternidānaṃ harārātimānam |
svabhaktānukūlaṃ jagadvṛkṣamūlaṃ
Verse 5
nirastārtaśūlaṃ bhaje'haṃ bhaje'ham || 5 ||
samastāmareśaṃ dvirephābhakeśaṃ
jagadbimbaleśaṃ hṛdākāśaveśam |
sadā divyadehaṃ vimuktākhilehaṃ
Verse 6
suvaikuṇṭhagehaṃ bhaje'haṃ bhaje'ham || 6 ||
surālībaliṣṭhaṃ trilokīvariṣṭhaṃ
gurūṇāṃ gariṣṭhaṃ svarūpaikaniṣṭham |
sadā yuddhadhīraṃ mahāvīravīraṃ
Verse 7
bhavāmbhodhitīraṃ bhaje'haṃ bhaje'ham || 7 ||
ramāvāmabhāgaṃ talālagnanāgaṃ
kṛtādhīnayāgaṃ gatārāgarāgam |
munīndraissugītaṃ suraissamparītaṃ
Verse 8
guṇaughairatītaṃ bhaje'haṃ bhaje'ham || 8 ||
phalaśruti |
idaṃ yastu nityaṃ samādhāya cittaṃ
paṭhedaṣṭakaṃ kaṇṭhahāraṃ murāreḥ |
sa viṣṇorviśokaṃ dhruvaṃ yāti lokaṃ
Verse 9
jarājanmaśokaṃ punarvindate no || 9 ||
iti śrī paramahaṃsasvāmi brahmānandaviracitaṃ śrīharistotram ||
Sanskrit — Devanagari (original)
जगज्जालपालं कनत्कण्ठमालं
शरच्चन्द्रफालं महादैत्यकालम् ।
नभोनीलकायं दुरावारमायं
सुपद्मासहायं भजेऽहं भजेऽहम् ॥ 1 ॥
सदाम्भोधिवासं गलत्पुष्पहासं
जगत्सन्निवासं शतादित्यभासम् ।
गदाचक्रशस्त्रं लसत्पीतवस्त्रं
हसच्चारुवक्त्रं भजेऽहं भजेऽहम् ॥ 2 ॥
रमाकण्ठहारं श्रुतिव्रातसारं
जलान्तर्विहारं धराभारहारम् ।
चिदानन्दरूपं मनोज्ञस्वरूपं
धृतानेकरूपं भजेऽहं भजेऽहम् ॥ 3 ॥
जराजन्महीनं परानन्दपीनं
समाधानलीनं सदैवानवीनम् ।
जगज्जन्महेतुं सुरानीककेतुं
त्रिलोकैकसेतुं भजेऽहं भजेऽहम् ॥ 4 ॥
कृताम्नायगानं खगाधीशयानं
विमुक्तेर्निदानं हरारातिमानम् ।
स्वभक्तानुकूलं जगद्वृक्षमूलं
निरस्तार्तशूलं भजेऽहं भजेऽहम् ॥ 5 ॥
समस्तामरेशं द्विरेफाभकेशं
जगद्बिम्बलेशं हृदाकाशवेशम् ।
सदा दिव्यदेहं विमुक्ताखिलेहं
सुवैकुण्ठगेहं भजेऽहं भजेऽहम् ॥ 6 ॥
सुरालीबलिष्ठं त्रिलोकीवरिष्ठं
गुरूणां गरिष्ठं स्वरूपैकनिष्ठम् ।
सदा युद्धधीरं महावीरवीरं
भवाम्भोधितीरं भजेऽहं भजेऽहम् ॥ 7 ॥
रमावामभागं तलालग्ननागं
कृताधीनयागं गतारागरागम् ।
मुनीन्द्रैस्सुगीतं सुरैस्सम्परीतं
गुणौघैरतीतं भजेऽहं भजेऽहम् ॥ 8 ॥
फलश्रुति ।
इदं यस्तु नित्यं समाधाय चित्तं
पठेदष्टकं कण्ठहारं मुरारेः ।
स विष्णोर्विशोकं ध्रुवं याति लोकं
जराजन्मशोकं पुनर्विन्दते नो ॥ 9 ॥
इति श्री परमहंसस्वामि ब्रह्मानन्दविरचितं श्रीहरिस्तोत्रम् ॥