nārada uvāca
bhagavan devadeveśa sṛṣṭisthitilayeśvara |
Verse 1
śatamaṣṭottaraṃ nāmnāṃ bagalāyā vadādhunā || 1 ||
śrī bhagavānuvāca
śṛṇu vatsa pravakṣyāmi nāmnāmaṣṭottaraṃ śatam |
Verse 2
pītāmbaryā mahādevyāḥ stotraṃ pāpapraṇāśanam || 2 ||
yasya prapaṭhanātsadyo vādī mūkobhavet kṣaṇāt |
Verse 3
ripavasstambhanaṃ yānti satyaṃ satyaṃ vadāmyaham || 3 ||
oṃ asya śrīpītāmbaryaṣṭottaraśatanāmastotrasya sadāśiva ṛṣiḥ anuṣṭupchandaḥ śrīpītāmbarī devatā śrīpītāmbarī prītaye jape viniyogaḥ |
oṃ bagalā viṣṇuvanitā viṣṇuśaṅkarabhāminī |
Verse 4
bahulā devamātā ca mahāviṣṇuprasūrapi || 4 ||
mahāmatsyā mahākūrmā mahāvārāharūpiṇī |
Verse 5
nārasiṃhapriyā ramyā vāmanā paṭurūpiṇī || 5 ||
jāmadagnyasvarūpā ca rāmā rāmaprapūjitā |
Verse 6
kṛṣṇā kapardinī kṛtyā kalahā ca vikāriṇī || 6 ||
buddhirūpā buddhabhāryā bauddhapāṣaṇḍakhaṇḍinī |
Verse 7
kalkirūpā kaliharā kalidurgatināśinī || 7 ||
koṭisūryapratīkāśā koṭikandarpamohinī |
Verse 8
kevalā kaṭhinā kālī kalā kaivalyadāyinī || 8 ||
keśavī keśavārādhyā kiśorī keśavastutā |
Verse 9
rudrarūpā rudramūrtī rudrāṇī rudradevatā || 9 ||
nakṣatrarūpā nakṣatrā nakṣatreśaprapūjitā |
Verse 10
nakṣatreśapriyā nityā nakṣatrapativanditā || 10 ||
nāginī nāgajananī nāgarājapravanditā |
Verse 11
nāgeśvarī nāgakanyā nāgarī ca nagātmajā || 11 ||
nagādhirājatanayā nagarājaprapūjitā |
Verse 12
navīnā nīradā pītā śyāmā saundaryakāriṇī || 12 ||
raktā nīlā ghanā śubhrā śvetā saubhāgyadāyinī |
Verse 13
sundarī saubhagā saumyā svarṇābhā svargatipradā || 13 ||
riputrāsakarī rekhā śatrusaṃhārakāriṇī |
Verse 14
bhāminī ca tathā māyā stambhinī mohinī śubhā || 14 ||
rāgadveṣakarī rātrī rauravadhvaṃsakāriṇī |
Verse 15
yakṣiṇī siddhanivahā siddheśā siddhirūpiṇī || 15 ||
laṅkāpatidhvaṃsakarī laṅkeśaripuvanditā |
Verse 16
laṅkānāthakulaharā mahārāvaṇahāriṇī || 16 ||
devadānavasiddhaughapūjitāparameśvarī |
Verse 17
parāṇurūpā paramā paratantravināśinī || 17 ||
varadā varadārādhyā varadānaparāyaṇā |
Verse 18
varadeśapriyā vīrā vīrabhūṣaṇabhūṣitā || 18 ||
vasudā bahudā vāṇī brahmarūpā varānanā |
Verse 19
baladā pītavasanā pītabhūṣaṇabhūṣitā || 19 ||
pītapuṣpapriyā pītahārā pītasvarūpiṇī |
Verse 20
iti te kathitaṃ vipra nāmnāmaṣṭottaraṃ śatam || 20 ||
yaḥ paṭhetpāṭhayedvāpi śṛṇuyādvā samāhitaḥ |
Verse 21
tasya śatruḥ kṣayaṃ sadyo yāti naivātra saṃśayaḥ || 21 ||
prabhātakāle prayato manuṣyaḥ
paṭhetsubhaktyā paricintya pītām |
dhruvaṃ bhavettasya samastavṛddhiḥ
Verse 22
vināśamāyāti ca tasya śatruḥ || 22 ||
iti śrīviṣṇuyāmale nāradaviṣṇusaṃvāde śrībagalāṣṭottaraśatanāmastotram |
Sanskrit — Devanagari (original)
नारद उवाच
भगवन् देवदेवेश सृष्टिस्थितिलयेश्वर ।
शतमष्टोत्तरं नाम्नां बगलाया वदाधुना ॥ 1 ॥
श्री भगवानुवाच
शृणु वत्स प्रवक्ष्यामि नाम्नामष्टोत्तरं शतम् ।
पीताम्बर्या महादेव्याः स्तोत्रं पापप्रणाशनम् ॥ 2 ॥
यस्य प्रपठनात्सद्यो वादी मूकोभवेत् क्षणात् ।
रिपवस्स्तम्भनं यान्ति सत्यं सत्यं वदाम्यहम् ॥ 3 ॥
ॐ अस्य श्रीपीताम्बर्यष्टोत्तरशतनामस्तोत्रस्य सदाशिव ऋषिः अनुष्टुप्छन्दः श्रीपीताम्बरी देवता श्रीपीताम्बरी प्रीतये जपे विनियोगः ।
ॐ बगला विष्णुवनिता विष्णुशङ्करभामिनी ।
बहुला देवमाता च महाविष्णुप्रसूरपि ॥ 4 ॥
महामत्स्या महाकूर्मा महावाराहरूपिणी ।
नारसिंहप्रिया रम्या वामना पटुरूपिणी ॥ 5 ॥
जामदग्न्यस्वरूपा च रामा रामप्रपूजिता ।
कृष्णा कपर्दिनी कृत्या कलहा च विकारिणी ॥ 6 ॥
बुद्धिरूपा बुद्धभार्या बौद्धपाषण्डखण्डिनी ।
कल्किरूपा कलिहरा कलिदुर्गतिनाशिनी ॥ 7 ॥
कोटिसूर्यप्रतीकाशा कोटिकन्दर्पमोहिनी ।
केवला कठिना काली कला कैवल्यदायिनी ॥ 8 ॥
केशवी केशवाराध्या किशोरी केशवस्तुता ।
रुद्ररूपा रुद्रमूर्ती रुद्राणी रुद्रदेवता ॥ 9 ॥
नक्षत्ररूपा नक्षत्रा नक्षत्रेशप्रपूजिता ।
नक्षत्रेशप्रिया नित्या नक्षत्रपतिवन्दिता ॥ 10 ॥
नागिनी नागजननी नागराजप्रवन्दिता ।
नागेश्वरी नागकन्या नागरी च नगात्मजा ॥ 11 ॥
नगाधिराजतनया नगराजप्रपूजिता ।
नवीना नीरदा पीता श्यामा सौन्दर्यकारिणी ॥ 12 ॥
रक्ता नीला घना शुभ्रा श्वेता सौभाग्यदायिनी ।
सुन्दरी सौभगा सौम्या स्वर्णाभा स्वर्गतिप्रदा ॥ 13 ॥
रिपुत्रासकरी रेखा शत्रुसंहारकारिणी ।
भामिनी च तथा माया स्तम्भिनी मोहिनी शुभा ॥ 14 ॥
रागद्वेषकरी रात्री रौरवध्वंसकारिणी ।
यक्षिणी सिद्धनिवहा सिद्धेशा सिद्धिरूपिणी ॥ 15 ॥
लङ्कापतिध्वंसकरी लङ्केशरिपुवन्दिता ।
लङ्कानाथकुलहरा महारावणहारिणी ॥ 16 ॥
देवदानवसिद्धौघपूजितापरमेश्वरी ।
पराणुरूपा परमा परतन्त्रविनाशिनी ॥ 17 ॥
वरदा वरदाराध्या वरदानपरायणा ।
वरदेशप्रिया वीरा वीरभूषणभूषिता ॥ 18 ॥
वसुदा बहुदा वाणी ब्रह्मरूपा वरानना ।
बलदा पीतवसना पीतभूषणभूषिता ॥ 19 ॥
पीतपुष्पप्रिया पीतहारा पीतस्वरूपिणी ।
इति ते कथितं विप्र नाम्नामष्टोत्तरं शतम् ॥ 20 ॥
यः पठेत्पाठयेद्वापि शृणुयाद्वा समाहितः ।
तस्य शत्रुः क्षयं सद्यो याति नैवात्र संशयः ॥ 21 ॥
प्रभातकाले प्रयतो मनुष्यः
पठेत्सुभक्त्या परिचिन्त्य पीताम् ।
ध्रुवं भवेत्तस्य समस्तवृद्धिः
विनाशमायाति च तस्य शत्रुः ॥ 22 ॥
इति श्रीविष्णुयामले नारदविष्णुसंवादे श्रीबगलाष्टोत्तरशतनामस्तोत्रम् ।