śṛṇu nāmāni japyāni keto ratha mahāmate |
Verse 1
ketuḥ sthūlaśirāścaiva śiromātro dhvajākṛtiḥ || 1 ||
navagrahayutaḥ siṃhikāsurīgarbhasambhavaḥ |
Verse 2
mahābhītikaraścitravarṇo vai piṅgalākṣakaḥ || 2 ||
sa phalodhūmrasaṅkāśaḥ tīkṣṇadaṃṣṭro mahoragaḥ |
Verse 3
raktanetraścitrakārī tīvrakopo mahāsuraḥ || 3 ||
krūrakaṇṭhaḥ krodhanidhiśchāyāgrahaviśeṣakaḥ |
Verse 4
antyagraho mahāśīrṣo sūryāriḥ puṣpavadgrahī || 4 ||
varahasto gadāpāṇiścitravastradharastathā |
Verse 5
citradhvajapatākaśca ghoraścitrarathaḥ śikhī || 5 ||
kulutthabhakṣakaścaiva vaiḍūryābharaṇastathā |
Verse 6
utpātajanakaḥ śukramitraṃ mandasakhastathā || 6 ||
gadādharaḥ nākapatiḥ antarvedīśvarastathā |
Verse 7
jaiminīgotrajaścitraguptātmā dakṣiṇāmukhaḥ || 7 ||
mukundavarapātraṃ ca mahāsurakulodbhavaḥ |
Verse 8
ghanavarṇo lambadeho mṛtyuputrastathaiva ca || 8 ||
utpātarūpadhārī cā'dṛśyaḥ kālāgnisannibhaḥ |
Verse 9
nṛpīḍo grahakārī ca sarvopadravakārakaḥ || 9 ||
citraprasūto hyanalaḥ sarvavyādhivināśakaḥ |
Verse 10
apasavyapracārī ca navame pāpadāyakaḥ || 10 ||
pañcame śokadaścoparāgakhecara eva ca |
Verse 11
atipuruṣakarmā ca turīye (tu) sukhapradaḥ || 11 ||
tṛtīye vairadaḥ pāpagrahaśca sphoṭakārakaḥ |
Verse 12
prāṇanāthaḥ pañcame tu śramakāraka eva ca || 12 ||
dvitīye'sphuṭavāgdātā viṣākulitavaktrakaḥ |
Verse 13
kāmarūpī siṃhadantaḥ satyepyanṛtavānapi || 13 ||
caturthe mātṛnāśaśca navame pitṛnāśakaḥ |
Verse 14
antye vairapradaścaiva sutānandanabandhakaḥ || 14 ||
sarpākṣijāto'naṅgaśca karmarāśyudbhavastathā |
Verse 15
upānte kīrtidaścaiva saptame kalahapradaḥ || 15 ||
aṣṭame vyādhikartā ca dhane bahusukhapradaḥ |
Verse 16
janane rogadaścordhvamūrdhajo grahanāyakaḥ || 16 ||
pāpadṛṣṭiḥ khecaraśca śāmbhavo'śeṣapūjitaḥ |
Verse 17
śāśvataśca naṭaścaiva śubhā'śubhaphalapradaḥ || 17 ||
dhūmraścaiva sudhāpāyī hyajito bhaktavatsalaḥ |
Verse 18
siṃhāsanaḥ ketumūrtī ravīndudyutināśakaḥ || 18 ||
amaraḥ pīḍako'martyo viṣṇudṛṣṭo'sureśvaraḥ |
Verse 19
bhaktarakṣo'tha vaicitryakapaṭasyandanastathā || 19 ||
vicitraphaladāyī ca bhaktābhīṣṭaphalapradaḥ |
Verse 20
etatketugrahasyoktaṃ nāmnāmaṣṭottaraṃ śatam || 20 ||
yo bhaktyedaṃ japetketurnāmnāmaṣṭottaraṃ śatam |
Verse 21
sa tu ketoḥ prasādena sarvābhīṣṭaṃ samāpnuyāt || 21 ||
iti śrī ketu aṣṭottaraśatanāma stotram |
Sanskrit — Devanagari (original)
शृणु नामानि जप्यानि केतो रथ महामते ।
केतुः स्थूलशिराश्चैव शिरोमात्रो ध्वजाकृतिः ॥ 1 ॥
नवग्रहयुतः सिंहिकासुरीगर्भसम्भवः ।
महाभीतिकरश्चित्रवर्णो वै पिङ्गलाक्षकः ॥ 2 ॥
स फलोधूम्रसङ्काशः तीक्ष्णदंष्ट्रो महोरगः ।
रक्तनेत्रश्चित्रकारी तीव्रकोपो महासुरः ॥ 3 ॥
क्रूरकण्ठः क्रोधनिधिश्छायाग्रहविशेषकः ।
अन्त्यग्रहो महाशीर्षो सूर्यारिः पुष्पवद्ग्रही ॥ 4 ॥
वरहस्तो गदापाणिश्चित्रवस्त्रधरस्तथा ।
चित्रध्वजपताकश्च घोरश्चित्ररथः शिखी ॥ 5 ॥
कुलुत्थभक्षकश्चैव वैडूर्याभरणस्तथा ।
उत्पातजनकः शुक्रमित्रं मन्दसखस्तथा ॥ 6 ॥
गदाधरः नाकपतिः अन्तर्वेदीश्वरस्तथा ।
जैमिनीगोत्रजश्चित्रगुप्तात्मा दक्षिणामुखः ॥ 7 ॥
मुकुन्दवरपात्रं च महासुरकुलोद्भवः ।
घनवर्णो लम्बदेहो मृत्युपुत्रस्तथैव च ॥ 8 ॥
उत्पातरूपधारी चाऽदृश्यः कालाग्निसन्निभः ।
नृपीडो ग्रहकारी च सर्वोपद्रवकारकः ॥ 9 ॥
चित्रप्रसूतो ह्यनलः सर्वव्याधिविनाशकः ।
अपसव्यप्रचारी च नवमे पापदायकः ॥ 10 ॥
पञ्चमे शोकदश्चोपरागखेचर एव च ।
अतिपुरुषकर्मा च तुरीये (तु) सुखप्रदः ॥ 11 ॥
तृतीये वैरदः पापग्रहश्च स्फोटकारकः ।
प्राणनाथः पञ्चमे तु श्रमकारक एव च ॥ 12 ॥
द्वितीयेऽस्फुटवाग्दाता विषाकुलितवक्त्रकः ।
कामरूपी सिंहदन्तः सत्येप्यनृतवानपि ॥ 13 ॥
चतुर्थे मातृनाशश्च नवमे पितृनाशकः ।
अन्त्ये वैरप्रदश्चैव सुतानन्दनबन्धकः ॥ 14 ॥
सर्पाक्षिजातोऽनङ्गश्च कर्मराश्युद्भवस्तथा ।
उपान्ते कीर्तिदश्चैव सप्तमे कलहप्रदः ॥ 15 ॥
अष्टमे व्याधिकर्ता च धने बहुसुखप्रदः ।
जनने रोगदश्चोर्ध्वमूर्धजो ग्रहनायकः ॥ 16 ॥
पापदृष्टिः खेचरश्च शाम्भवोऽशेषपूजितः ।
शाश्वतश्च नटश्चैव शुभाऽशुभफलप्रदः ॥ 17 ॥
धूम्रश्चैव सुधापायी ह्यजितो भक्तवत्सलः ।
सिंहासनः केतुमूर्ती रवीन्दुद्युतिनाशकः ॥ 18 ॥
अमरः पीडकोऽमर्त्यो विष्णुदृष्टोऽसुरेश्वरः ।
भक्तरक्षोऽथ वैचित्र्यकपटस्यन्दनस्तथा ॥ 19 ॥
विचित्रफलदायी च भक्ताभीष्टफलप्रदः ।
एतत्केतुग्रहस्योक्तं नाम्नामष्टोत्तरं शतम् ॥ 20 ॥
यो भक्त्येदं जपेत्केतुर्नाम्नामष्टोत्तरं शतम् ।
स तु केतोः प्रसादेन सर्वाभीष्टं समाप्नुयात् ॥ 21 ॥
इति श्री केतु अष्टोत्तरशतनाम स्तोत्रम् ।