dhyānam |
śatamakhamaṇi nīlā cārukalhārahastā
stanabharanamitāṅgī sāndravātsalyasindhuḥ |
alakavinihitābhiḥ sragbhirākṛṣṭanāthā
vilasatu hṛdi godā viṣṇucittātmajā naḥ ||
atha stotram |
śrīraṅganāyakī godā viṣṇucittātmajā satī |
Verse 1
gopīveṣadharā devī bhūsutā bhogaśālinī || 1 ||
tulasīkānanodbhūtā śrīdhanvipuravāsinī |
Verse 2
bhaṭṭanāthapriyakarī śrīkṛṣṇahitabhoginī || 2 ||
āmuktamālyadā bālā raṅganāthapriyā parā |
Verse 3
viśvambharā kalālāpā yatirājasahodarī || 3 ||
kṛṣṇānuraktā subhagā sulabhaśrīḥ sulakṣaṇā |
Verse 4
lakṣmīpriyasakhī śyāmā dayāñcitadṛgañcalā || 4 ||
phalgunyāvirbhavā ramyā dhanurmāsakṛtavratā |
Verse 5
campakāśokapunnāgamālatīvilasatkacā || 5 ||
ākāratrayasampannā nārāyaṇapadāśritā |
Verse 6
śrīmadaṣṭākṣarīmantrarājasthitamanorathā || 6 ||
mokṣapradānanipuṇā manuratnādhidevatā |
Verse 7
brahmaṇyā lokajananī līlāmānuṣarūpiṇī || 7 ||
brahmajñānapradā māyā saccidānandavigrahā |
Verse 8
mahāpativratā viṣṇuguṇakīrtanalolupā || 8 ||
prapannārtiharā nityā vedasaudhavihāriṇī |
Verse 9
śrīraṅganāthamāṇikyamañjarī mañjubhāṣiṇī || 9 ||
padmapriyā padmahastā vedāntadvayabodhinī |
Verse 10
suprasannā bhagavatī śrījanārdanadīpikā || 10 ||
sugandhāvayavā cāruraṅgamaṅgaladīpikā |
Verse 11
dhvajavajrāṅkuśābjāṅkamṛdupādalatāñcitā || 11 ||
tārakākāranakharā pravālamṛdulāṅgulī |
Verse 12
kūrmopameyapādordhvabhāgā śobhanapārṣṇikā || 12 ||
vedārthabhāvatattvajñā lokārādhyāṅghripaṅkajā |
Verse 13
ānandabudbudākārasugulphā paramāṇukā || 13 ||
tejaḥśriyojjvaladhṛtapādāṅgulisubhūṣitā |
Verse 14
mīnaketanatūṇīracārujaṅghāvirājitā || 14 ||
kakudvajjānuyugmāḍhyā svarṇarambhābhasakthikā |
Verse 15
viśālajaghanā pīnasuśroṇī maṇimekhalā || 15 ||
ānandasāgarāvartagambhīrāmbhojanābhikā |
Verse 16
bhāsvadvalitrikā cārujagatpūrṇamahodarī || 16 ||
navavallīromarājī sudhākumbhāyitastanī |
Verse 17
kalpamālānibhabhujā candrakhaṇḍanakhāñcitā || 17 ||
supravāśāṅgulīnyastamahāratnāṅgulīyakā |
Verse 18
navāruṇapravālābhapāṇideśasamañcitā || 18 ||
kambukaṇṭhī sucubukā bimboṣṭhī kundadantayuk |
Verse 19
kāruṇyarasaniṣyandanetradvayasuśobhitā || 19 ||
muktāśucismitā cārucāmpeyanibhanāsikā |
Verse 20
darpaṇākāravipulakapoladvitayāñcitā || 20 ||
anantārkaprakāśodyanmaṇitāṭaṅkaśobhitā |
Verse 21
koṭisūryāgnisaṅkāśanānābhūṣaṇabhūṣitā || 21 ||
sugandhavadanā subhrū ardhacandralalāṭikā |
Verse 22
pūrṇacandrānanā nīlakuṭilālakaśobhitā || 22 ||
saundaryasīmā vilasatkastūrītilakojjvalā |
Verse 23
dhagaddhagāyamānodyanmaṇisīmantabhūṣaṇā || 23 ||
jājvalyamānasadratnadivyacūḍāvataṃsakā |
Verse 24
sūryārdhacandravilasat bhūṣaṇāñcitaveṇikā || 24 ||
atyarkānalatejodhimaṇikañcukadhāriṇī |
Verse 25
sadratnāñcitavidyotavidyutkuñjābhaśāṭikā || 25 ||
nānāmaṇigaṇākīrṇahemāṅgadasubhūṣitā |
Verse 26
kuṅkumāgarukastūrīdivyacandanacarcitā || 26 ||
svocitaujjvalyavividhavicitramaṇihāriṇī |
Verse 27
asaṅkhyeyasukhasparśasarvātiśayabhūṣaṇā || 27 ||
mallikāpārijātādidivyapuṣpasragañcitā |
Verse 28
śrīraṅganilayā pūjyā divyadeśasuśobhitā || 28 ||
iti śrīgodāṣṭottaraśatanāmastotram |
Sanskrit — Devanagari (original)
ध्यानम् ।
शतमखमणि नीला चारुकल्हारहस्ता
स्तनभरनमिताङ्गी सान्द्रवात्सल्यसिन्धुः ।
अलकविनिहिताभिः स्रग्भिराकृष्टनाथा
विलसतु हृदि गोदा विष्णुचित्तात्मजा नः ॥
अथ स्तोत्रम् ।
श्रीरङ्गनायकी गोदा विष्णुचित्तात्मजा सती ।
गोपीवेषधरा देवी भूसुता भोगशालिनी ॥ 1 ॥
तुलसीकाननोद्भूता श्रीधन्विपुरवासिनी ।
भट्टनाथप्रियकरी श्रीकृष्णहितभोगिनी ॥ 2 ॥
आमुक्तमाल्यदा बाला रङ्गनाथप्रिया परा ।
विश्वम्भरा कलालापा यतिराजसहोदरी ॥ 3 ॥
कृष्णानुरक्ता सुभगा सुलभश्रीः सुलक्षणा ।
लक्ष्मीप्रियसखी श्यामा दयाञ्चितदृगञ्चला ॥ 4 ॥
फल्गुन्याविर्भवा रम्या धनुर्मासकृतव्रता ।
चम्पकाशोकपुन्नागमालतीविलसत्कचा ॥ 5 ॥
आकारत्रयसम्पन्ना नारायणपदाश्रिता ।
श्रीमदष्टाक्षरीमन्त्रराजस्थितमनोरथा ॥ 6 ॥
मोक्षप्रदाननिपुणा मनुरत्नाधिदेवता ।
ब्रह्मण्या लोकजननी लीलामानुषरूपिणी ॥ 7 ॥
ब्रह्मज्ञानप्रदा माया सच्चिदानन्दविग्रहा ।
महापतिव्रता विष्णुगुणकीर्तनलोलुपा ॥ 8 ॥
प्रपन्नार्तिहरा नित्या वेदसौधविहारिणी ।
श्रीरङ्गनाथमाणिक्यमञ्जरी मञ्जुभाषिणी ॥ 9 ॥
पद्मप्रिया पद्महस्ता वेदान्तद्वयबोधिनी ।
सुप्रसन्ना भगवती श्रीजनार्दनदीपिका ॥ 10 ॥
सुगन्धावयवा चारुरङ्गमङ्गलदीपिका ।
ध्वजवज्राङ्कुशाब्जाङ्कमृदुपादलताञ्चिता ॥ 11 ॥
तारकाकारनखरा प्रवालमृदुलाङ्गुली ।
कूर्मोपमेयपादोर्ध्वभागा शोभनपार्ष्णिका ॥ 12 ॥
वेदार्थभावतत्त्वज्ञा लोकाराध्याङ्घ्रिपङ्कजा ।
आनन्दबुद्बुदाकारसुगुल्फा परमाणुका ॥ 13 ॥
तेजःश्रियोज्ज्वलधृतपादाङ्गुलिसुभूषिता ।
मीनकेतनतूणीरचारुजङ्घाविराजिता ॥ 14 ॥
ककुद्वज्जानुयुग्माढ्या स्वर्णरम्भाभसक्थिका ।
विशालजघना पीनसुश्रोणी मणिमेखला ॥ 15 ॥
आनन्दसागरावर्तगम्भीराम्भोजनाभिका ।
भास्वद्वलित्रिका चारुजगत्पूर्णमहोदरी ॥ 16 ॥
नववल्लीरोमराजी सुधाकुम्भायितस्तनी ।
कल्पमालानिभभुजा चन्द्रखण्डनखाञ्चिता ॥ 17 ॥
सुप्रवाशाङ्गुलीन्यस्तमहारत्नाङ्गुलीयका ।
नवारुणप्रवालाभपाणिदेशसमञ्चिता ॥ 18 ॥
कम्बुकण्ठी सुचुबुका बिम्बोष्ठी कुन्ददन्तयुक् ।
कारुण्यरसनिष्यन्दनेत्रद्वयसुशोभिता ॥ 19 ॥
मुक्ताशुचिस्मिता चारुचाम्पेयनिभनासिका ।
दर्पणाकारविपुलकपोलद्वितयाञ्चिता ॥ 20 ॥
अनन्तार्कप्रकाशोद्यन्मणिताटङ्कशोभिता ।
कोटिसूर्याग्निसङ्काशनानाभूषणभूषिता ॥ 21 ॥
सुगन्धवदना सुभ्रू अर्धचन्द्रललाटिका ।
पूर्णचन्द्रानना नीलकुटिलालकशोभिता ॥ 22 ॥
सौन्दर्यसीमा विलसत्कस्तूरीतिलकोज्ज्वला ।
धगद्धगायमानोद्यन्मणिसीमन्तभूषणा ॥ 23 ॥
जाज्वल्यमानसद्रत्नदिव्यचूडावतंसका ।
सूर्यार्धचन्द्रविलसत् भूषणाञ्चितवेणिका ॥ 24 ॥
अत्यर्कानलतेजोधिमणिकञ्चुकधारिणी ।
सद्रत्नाञ्चितविद्योतविद्युत्कुञ्जाभशाटिका ॥ 25 ॥
नानामणिगणाकीर्णहेमाङ्गदसुभूषिता ।
कुङ्कुमागरुकस्तूरीदिव्यचन्दनचर्चिता ॥ 26 ॥
स्वोचितौज्ज्वल्यविविधविचित्रमणिहारिणी ।
असङ्ख्येयसुखस्पर्शसर्वातिशयभूषणा ॥ 27 ॥
मल्लिकापारिजातादिदिव्यपुष्पस्रगञ्चिता ।
श्रीरङ्गनिलया पूज्या दिव्यदेशसुशोभिता ॥ 28 ॥
इति श्रीगोदाष्टोत्तरशतनामस्तोत्रम् ।