taittirīya saṃhitā - 1.5.3
taittirīya brāhmaṇam - 3.1.2
om || o-mbhūmi̭rbhū॒mnā dyaurva̭ri॒ṇā-'ntari̭kṣa-mmahi॒tvā |
u॒pasthḙ te devyadite॒-'gnima̭nnā॒da-ma॒nnādyā॒yāda̭dhe ||
ā-'yaṅgauḥ pṛśñi̭rakramī॒-dasa̭nanmā॒tara॒-mpunaḥ̭ |
pi॒tara̭-ñca pra॒yan-thsuvaḥ̭ ||
tri॒gṃ॒śaddhāma॒ virā̭jati॒ vākpa̭ta॒ṅgāya̭ śiśriye |
pratya̭sya vaha॒dyubhiḥ̭ ||
a॒sya prā॒ṇāda̭pāna॒tya̭ntaśca̭rati roca॒nā |
vya̭khya-nmahi॒ṣa-ssuvaḥ̭ ||
yattvā᳚ kru॒ddhaḥ pa̭ro॒vapa̭ma॒nyunā॒ yadava̭rtyā |
su॒kalpa̭magne॒ tattava॒ puna॒stvoddī̭payāmasi ||
yattḙ ma॒nyupa̭roptasya pṛthi॒vī-manṷdadhva॒se |
ā॒di॒tyā viśve॒ tadde॒vā vasa̭vaśca sa॒mābha̭rann ||
me॒dinī̭ de॒vī va॒sundha̭rā syā॒dvasṷdhā de॒vī vā॒savī᳚ |
bra॒hma॒va॒rca॒saḥ pi̭tṛ॒ṇāṃ śrotra॒-ñcakṣu॒rmanaḥ̭ ||
de॒vī hi̭raṇyaga॒rbhiṇī̭ de॒vī pra̭so॒darī᳚ |
sada̭ne sa॒tyāya̭ne sīda |
sa॒mu॒drava̭tī sāvi॒trī āha॒no de॒vī ma॒hya̭ṅgī᳚ |
ma॒ho dhara̭ṇī ma॒ho-'tya̭tiṣṭhat ||
śṛ॒ṅge śṛ̭ṅge ya॒jñe ya̭jñe vibhī॒ṣaṇī᳚ indra̭patnī vyā॒pinī॒ sara̭sija i॒ha |
vā॒yu॒matī̭ ja॒laśaya̭nī sva॒ya-ndhā॒rājā̭ sa॒tyanto॒ pari̭medinī
so॒pari̭dhattaṅgāya ||
vi॒ṣṇu॒pa॒tnī-mma̭hī-nde॒vī᳚-mmā॒dha॒vī-mmā̭dhava॒priyām |
lakṣmī᳚-mpriyasa̭khī-nde॒vī॒-nna॒mā॒myacyṷtava॒llabhām ||
o-ndha॒nu॒rdha॒rāyai̭ vi॒dmahḙ sarvasi॒ddhyai ca̭ dhīmahi |
tanno̭ dharā praco॒dayā᳚t |
śṛ॒ṇvanti̭ śro॒ṇāmamṛta̭sya go॒pā-mpuṇyā̭masyā॒ upa̭śṛṇomi॒ vāca᳚m |
ma॒hīnde॒vīṃ-vi~ṣṇṷpatnī majū॒ryā-mpratī॒cī̭menāgṃ ha॒viṣā̭ yajāmaḥ ||
tre॒dhā viṣṇṷ-rurugā॒yo vica̭krame ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaitriśava̭ i॒cchamā̭nā puṇya॒gg॒ ślokaṃ॒-ya~ja̭mānāya kṛṇva॒tī ||
syo॒nāpṛ̭thivi॒bhavā̭nṛkṣa॒rāni॒veśa̭nī yacchā̭na॒śśarma̭ sa॒prathāḥ᳚ ||
adi̭tirde॒vā ga̭ndha॒rvā ma̭nu॒ṣyāḥ᳚ pi॒taro sṷrāsteṣāgṃ sa॒rva bhū॒tā॒nā᳚-mmā॒tā me॒dinī̭ mahatā ma॒hī |
sāvi॒trī gā̭ya॒trī jaga̭tyu॒rvī pṛ॒thvī ba̭hulā॒ viśvā̭ bhū॒tāka॒tamākāyāsā sa॒tyetya॒mṛtḙti vasi॒ṣṭhaḥ ||
ikṣuśāliyavasasyaphalāḍhye pārijāta taruśobhitamūle |
svarṇa ratna maṇi maṇṭapa madhye cintaye-thsakala lokadharitrīm ||
śyāmāṃ-vi~citrā-nnavaratna bhūṣitā-ñcaturbhujā-ntuṅgapayodharānvitām |
indīvarākṣī-nnavaśāli mañjarīṃ śuka-ndadhānāṃ śaraṇa-mbhajāmahe ||
saktṷmiva॒ tita̭unā punanto॒ yatra॒ dhīrā॒ mana̭sā॒ vāca॒ makra̭ta |
atrā॒ sakhā᳚ssa॒khyāni̭ jānate bha॒draiṣāṃ᳚-la~॒kṣmīrni̭hi॒tādhi̭vā॒ci ||
oṃ śānti॒-śśānti॒-śśāntiḥ̭ ||
Sanskrit — Devanagari (original)
तैत्तिरीय संहिता - 1.5.3
तैत्तिरीय ब्राह्मणम् - 3.1.2
ओम् ॥ ओ-म्भूमि॑र्भू॒म्ना द्यौर्व॑रि॒णा-ऽन्तरि॑क्ष-म्महि॒त्वा ।
उ॒पस्थे॑ ते देव्यदिते॒-ऽग्निम॑न्ना॒द-म॒न्नाद्या॒याद॑धे ॥
आ-ऽयङ्गौः पृश्ञि॑रक्रमी॒-दस॑नन्मा॒तर॒-म्पुनः॑ ।
पि॒तर॑-ञ्च प्र॒यन्-थ्सुवः॑ ॥
त्रि॒ग्ं॒शद्धाम॒ विरा॑जति॒ वाक्प॑त॒ङ्गाय॑ शिश्रिये ।
प्रत्य॑स्य वह॒द्युभिः॑ ॥
अ॒स्य प्रा॒णाद॑पान॒त्य॑न्तश्च॑रति रोच॒ना ।
व्य॑ख्य-न्महि॒ष-स्सुवः॑ ॥
यत्त्वा᳚ क्रु॒द्धः प॑रो॒वप॑म॒न्युना॒ यदव॑र्त्या ।
सु॒कल्प॑मग्ने॒ तत्तव॒ पुन॒स्त्वोद्दी॑पयामसि ॥
यत्ते॑ म॒न्युप॑रोप्तस्य पृथि॒वी-मनु॑दध्व॒से ।
आ॒दि॒त्या विश्वे॒ तद्दे॒वा वस॑वश्च स॒माभ॑रन्न् ॥
मे॒दिनी॑ दे॒वी व॒सुन्ध॑रा स्या॒द्वसु॑धा दे॒वी वा॒सवी᳚ ।
ब्र॒ह्म॒व॒र्च॒सः पि॑तृ॒णां श्रोत्र॒-ञ्चक्षु॒र्मनः॑ ॥
दे॒वी हि॑रण्यग॒र्भिणी॑ दे॒वी प्र॑सो॒दरी᳚ ।
सद॑ने स॒त्याय॑ने सीद ।
स॒मु॒द्रव॑ती सावि॒त्री आह॒नो दे॒वी म॒ह्य॑ङ्गी᳚ ।
म॒हो धर॑णी म॒हो-ऽत्य॑तिष्ठत् ॥
शृ॒ङ्गे शृ॑ङ्गे य॒ज्ञे य॑ज्ञे विभी॒षणी᳚ इन्द्र॑पत्नी व्या॒पिनी॒ सर॑सिज इ॒ह ।
वा॒यु॒मती॑ ज॒लशय॑नी स्व॒य-न्धा॒राजा॑ स॒त्यन्तो॒ परि॑मेदिनी
सो॒परि॑धत्तङ्गाय ॥
वि॒ष्णु॒प॒त्नी-म्म॑ही-न्दे॒वी᳚-म्मा॒ध॒वी-म्मा॑धव॒प्रियाम् ।
लक्ष्मी᳚-म्प्रियस॑खी-न्दे॒वी॒-न्न॒मा॒म्यच्यु॑तव॒ल्लभाम् ॥
ओ-न्ध॒नु॒र्ध॒रायै॑ वि॒द्महे॑ सर्वसि॒द्ध्यै च॑ धीमहि ।
तन्नो॑ धरा प्रचो॒दया᳚त् ।
शृ॒ण्वन्ति॑ श्रो॒णाममृत॑स्य गो॒पा-म्पुण्या॑मस्या॒ उप॑शृणोमि॒ वाच᳚म् ।
म॒हीन्दे॒वीं-विँष्णु॑पत्नी मजू॒र्या-म्प्रती॒ची॑मेनाग्ं ह॒विषा॑ यजामः ॥
त्रे॒धा विष्णु॑-रुरुगा॒यो विच॑क्रमे म॒ही-न्दिव॑-म्पृथि॒वी-म॒न्तरि॑क्षम् ।
तच्छ्रो॒णैत्रिशव॑ इ॒च्छमा॑ना पुण्य॒ग्ग्॒ श्लोकं॒-यँज॑मानाय कृण्व॒ती ॥
स्यो॒नापृ॑थिवि॒भवा॑नृक्ष॒रानि॒वेश॑नी यच्छा॑न॒श्शर्म॑ स॒प्रथाः᳚ ॥
अदि॑तिर्दे॒वा ग॑न्ध॒र्वा म॑नु॒ष्याः᳚ पि॒तरो सु॑रास्तेषाग्ं स॒र्व भू॒ता॒ना᳚-म्मा॒ता मे॒दिनी॑ महता म॒ही ।
सावि॒त्री गा॑य॒त्री जग॑त्यु॒र्वी पृ॒थ्वी ब॑हुला॒ विश्वा॑ भू॒ताक॒तमाकायासा स॒त्येत्य॒मृते॑ति वसि॒ष्ठः ॥
इक्षुशालियवसस्यफलाढ्ये पारिजात तरुशोभितमूले ।
स्वर्ण रत्न मणि मण्टप मध्ये चिन्तये-थ्सकल लोकधरित्रीम् ॥
श्यामां-विँचित्रा-न्नवरत्न भूषिता-ञ्चतुर्भुजा-न्तुङ्गपयोधरान्विताम् ।
इन्दीवराक्षी-न्नवशालि मञ्जरीं शुक-न्दधानां शरण-म्भजामहे ॥
सक्तु॑मिव॒ तित॑उना पुनन्तो॒ यत्र॒ धीरा॒ मन॑सा॒ वाच॒ मक्र॑त ।
अत्रा॒ सखा᳚स्स॒ख्यानि॑ जानते भ॒द्रैषां᳚-लँ॒क्ष्मीर्नि॑हि॒ताधि॑वा॒चि ॥
ॐ शान्ति॒-श्शान्ति॒-श्शान्तिः॑ ॥