ধ্যানম্
মাণিক্যবীণামুপলালযন্তীং মদালসাং মঞ্জুলবাগ্বিলাসাম্ ।
মাহেন্দ্রনীলদ্যুতিকোমলাঙ্গীং মাতঙ্গকন্যাং মনসা স্মরামি ॥ 1 ॥
চতুর্ভুজে চন্দ্রকলাবতংসে কুচোন্নতে কুঙ্কুমরাগশোণে ।
পুণ্ড্রেক্ষুপাশাঙ্কুশপুষ্পবাণহস্তে নমস্তে জগদেকমাতঃ ॥ 2 ॥
বিনিযোগঃ
মাতা মরকতশ্যামা মাতঙ্গী মদশালিনী ।
কুর্যাত্কটাক্ষং কল্যাণী কদম্ববনবাসিনী ॥ 3 ॥
স্তুতি
জয মাতঙ্গতনযে জয নীলোত্পলদ্যুতে ।
জয সঙ্গীতরসিকে জয লীলাশুকপ্রিযে ॥ 4 ॥
দণ্ডকম্
জয জননি সুধাসমুদ্রান্তরুদ্যন্মণীদ্বীপসংরূঢ বিল্বাটবীমধ্যকল্পদ্রুমাকল্পকাদম্বকান্তারবাসপ্রিযে কৃত্তিবাসপ্রিযে সর্বলোকপ্রিযে, সাদরারব্ধসঙ্গীতসম্ভাবনাসম্ভ্রমালোলনীপস্রগাবদ্ধচূলীসনাথত্রিকে সানুমত্পুত্রিকে, শেখরীভূতশীতাংশুরেখামযূখাবলীবদ্ধসুস্নিগ্ধনীলালকশ্রেণিশৃঙ্গারিতে লোকসম্ভাবিতে কামলীলাধনুস্সন্নিভভ্রূলতাপুষ্পসন্দোহসন্দেহকৃল্লোচনে বাক্সুধাসেচনে চারুগোরোচনাপঙ্ককেলীললামাভিরামে সুরামে রমে, প্রোল্লসদ্বালিকামৌক্তিকশ্রেণিকাচন্দ্রিকামণ্ডলোদ্ভাসি লাবণ্যগণ্ডস্থলন্যস্তকস্তূরিকাপত্ররেখাসমুদ্ভূত সৌরভ্যসম্ভ্রান্তভৃঙ্গাঙ্গনাগীতসান্দ্রীভবন্মন্ত্রতন্ত্রীস্বরে সুস্বরে ভাস্বরে, বল্লকীবাদনপ্রক্রিযালোলতালীদলাবদ্ধ-তাটঙ্কভূষাবিশেষান্বিতে সিদ্ধসম্মানিতে, দিব্যহালামদোদ্বেলহেলালসচ্চক্ষুরান্দোলনশ্রীসমাক্ষিপ্তকর্ণৈকনীলোত্পলে শ্যামলে পূরিতাশেষলোকাভিবাঞ্ছাফলে শ্রীফলে, স্বেদবিন্দূল্লসদ্ফাললাবণ্য নিষ্যন্দসন্দোহসন্দেহকৃন্নাসিকামৌক্তিকে সর্ববিশ্বাত্মিকে সর্বসিদ্ধ্যাত্মিকে কালিকে মুগ্ধমন্দস্মিতোদারবক্ত্রস্ফুরত্ পূগতাম্বূলকর্পূরখণ্ডোত্করে জ্ঞানমুদ্রাকরে সর্বসম্পত্করে পদ্মভাস্বত্করে শ্রীকরে, কুন্দপুষ্পদ্যুতিস্নিগ্ধদন্তাবলীনির্মলালোলকল্লোলসম্মেলন স্মেরশোণাধরে চারুবীণাধরে পক্ববিম্বাধরে,
সুললিত নবযৌবনারম্ভচন্দ্রোদযোদ্বেললাবণ্যদুগ্ধার্ণবাবির্ভবত্কম্বুবিম্বোকভৃত্কন্থরে সত্কলামন্দিরে মন্থরে দিব্যরত্নপ্রভাবন্ধুরচ্ছন্নহারাদিভূষাসমুদ্যোতমানানবদ্যাঙ্গশোভে শুভে, রত্নকেযূররশ্মিচ্ছটাপল্লবপ্রোল্লসদ্দোল্লতারাজিতে যোগিভিঃ পূজিতে বিশ্বদিঙ্মণ্ডলব্যাপ্তমাণিক্যতেজস্স্ফুরত্কঙ্কণালঙ্কৃতে বিভ্রমালঙ্কৃতে সাধুভিঃ পূজিতে বাসরারম্ভবেলাসমুজ্জৃম্ভ
মাণারবিন্দপ্রতিদ্বন্দ্বিপাণিদ্বযে সন্ততোদ্যদ্দযে অদ্বযে দিব্যরত্নোর্মিকাদীধিতিস্তোম সন্ধ্যাযমানাঙ্গুলীপল্লবোদ্যন্নখেন্দুপ্রভামণ্ডলে সন্নুতাখণ্ডলে চিত্প্রভামণ্ডলে প্রোল্লসত্কুণ্ডলে,
তারকারাজিনীকাশহারাবলিস্মের চারুস্তনাভোগভারানমন্মধ্যবল্লীবলিচ্ছেদ বীচীসমুদ্যত্সমুল্লাসসন্দর্শিতাকারসৌন্দর্যরত্নাকরে বল্লকীভৃত্করে কিঙ্করশ্রীকরে, হেমকুম্ভোপমোত্তুঙ্গ বক্ষোজভারাবনম্রে ত্রিলোকাবনম্রে লসদ্বৃত্তগম্ভীর নাভীসরস্তীরশৈবালশঙ্কাকরশ্যামরোমাবলীভূষণে মঞ্জুসম্ভাষণে, চারুশিঞ্চত্কটীসূত্রনির্ভত্সিতানঙ্গলীলধনুশ্শিঞ্চিনীডম্বরে দিব্যরত্নাম্বরে,
পদ্মরাগোল্লস ন্মেখলামৌক্তিকশ্রোণিশোভাজিতস্বর্ণভূভৃত্তলে চন্দ্রিকাশীতলে বিকসিতনবকিংশুকাতাম্রদিব্যাংশুকচ্ছন্ন চারূরুশোভাপরাভূতসিন্দূরশোণাযমানেন্দ্রমাতঙ্গ হস্তার্গলে বৈভবানর্গলে শ্যামলে কোমলস্নিগ্ধ নীলোত্পলোত্পাদিতানঙ্গতূণীরশঙ্কাকরোদার জঙ্ঘালতে চারুলীলাগতে নম্রদিক্পালসীমন্তিনী কুন্তলস্নিগ্ধনীলপ্রভাপুঞ্চসঞ্জাতদুর্বাঙ্কুরাশঙ্ক সারঙ্গসংযোগরিঙ্খন্নখেন্দূজ্জ্বলে প্রোজ্জ্বলে নির্মলে প্রহ্ব দেবেশ লক্ষ্মীশ ভূতেশ তোযেশ বাণীশ কীনাশ দৈত্যেশ যক্ষেশ বায্বগ্নিকোটীরমাণিক্য সংহৃষ্টবালাতপোদ্দাম লাক্ষারসারুণ্যতারুণ্য লক্ষ্মীগৃহিতাঙ্ঘ্রিপদ্মে সুপদ্মে উমে,
সুরুচিরনবরত্নপীঠস্থিতে সুস্থিতে রত্নপদ্মাসনে রত্নসিংহাসনে শঙ্খপদ্মদ্বযোপাশ্রিতে বিশ্রুতে তত্র বিঘ্নেশদুর্গাবটুক্ষেত্রপালৈর্যুতে মত্তমাতঙ্গ কন্যাসমূহান্বিতে ভৈরবৈরষ্টভির্বেষ্টিতে মঞ্চুলামেনকাদ্যঙ্গনামানিতে দেবি বামাদিভিঃ শক্তিভিস্সেবিতে ধাত্রি লক্ষ্ম্যাদিশক্ত্যষ্টকৈঃ সংযুতে মাতৃকামণ্ডলৈর্মণ্ডিতে যক্ষগন্ধর্বসিদ্ধাঙ্গনা মণ্ডলৈরর্চিতে, ভৈরবী সংবৃতে পঞ্চবাণাত্মিকে পঞ্চবাণেন রত্যা চ সম্ভাবিতে প্রীতিভাজা বসন্তেন চানন্দিতে ভক্তিভাজং পরং শ্রেযসে কল্পসে যোগিনাং মানসে দ্যোতসে ছন্দসামোজসা ভ্রাজসে গীতবিদ্যা বিনোদাতি তৃষ্ণেন কৃষ্ণেন সম্পূজ্যসে ভক্তিমচ্চেতসা বেধসা স্তূযসে বিশ্বহৃদ্যেন বাদ্যেন বিদ্যাধরৈর্গীযসে, শ্রবণহরদক্ষিণক্বাণযা বীণযা কিন্নরৈর্গীযসে যক্ষগন্ধর্বসিদ্ধাঙ্গনা মণ্ডলৈরর্চ্যসে সর্বসৌভাগ্যবাঞ্ছাবতীভির্ বধূভিস্সুরাণাং সমারাধ্যসে সর্ববিদ্যাবিশেষত্মকং চাটুগাথা সমুচ্চারণাকণ্ঠমূলোল্লসদ্বর্ণরাজিত্রযং কোমলশ্যামলোদারপক্ষদ্বযং তুণ্ডশোভাতিদূরীভবত্ কিংশুকং তং শুকং লালযন্তী পরিক্রীডসে,
পাণিপদ্মদ্বযেনাক্ষমালামপি স্ফাটিকীং জ্ঞানসারাত্মকং পুস্তকঞ্চঙ্কুশং পাশমাবিভ্রতী তেন সঞ্চিন্ত্যসে তস্য বক্ত্রান্তরাত্ গদ্যপদ্যাত্মিকা ভারতী নিস্সরেত্ যেন বাধ্বংসনাদা কৃতির্ভাব্যসে তস্য বশ্যা ভবন্তিস্তিযঃ পূরুষাঃ যেন বা শাতকম্বদ্যুতির্ভাব্যসে সোপি লক্ষ্মীসহস্রৈঃ পরিক্রীডতে, কিন্ন সিদ্ধ্যেদ্বপুঃ শ্যামলং কোমলং চন্দ্রচূডান্বিতং তাবকং ধ্যাযতঃ তস্য লীলা সরোবারিধীঃ তস্য কেলীবনং নন্দনং তস্য ভদ্রাসনং ভূতলং তস্য গীর্দেবতা কিঙ্করি তস্য চাজ্ঞাকরী শ্রী স্বযং,
সর্বতীর্থাত্মিকে সর্ব মন্ত্রাত্মিকে, সর্ব যন্ত্রাত্মিকে সর্ব তন্ত্রাত্মিকে, সর্ব চক্রাত্মিকে সর্ব শক্ত্যাত্মিকে, সর্ব পীঠাত্মিকে সর্ব বেদাত্মিকে, সর্ব বিদ্যাত্মিকে সর্ব যোগাত্মিকে, সর্ব বর্ণাত্মিকে সর্বগীতাত্মিকে, সর্ব নাদাত্মিকে সর্ব শব্দাত্মিকে, সর্ব বিশ্বাত্মিকে সর্ব বর্গাত্মিকে, সর্ব সর্বাত্মিকে সর্বগে সর্ব রূপে, জগন্মাতৃকে পাহি মাং পাহি মাং পাহি মাং দেবি তুভ্যং নমো দেবি তুভ্যং নমো দেবি তুভ্যং নমো দেবি তুভ্যং নমঃ ॥
Roman (IAST) Transliteration
dhyānam
māṇikyavīṇāmupalālayantīṃ madālasāṃ mañjulavāgvilāsām |
māhendranīladyutikomalāṅgīṃ mātaṅgakanyāṃ manasā smarāmi || 1 ||
caturbhuje candrakalāvataṃse kuconnate kuṅkumarāgaśoṇe |
puṇḍrekṣupāśāṅkuśapuṣpabāṇahaste namaste jagadekamātaḥ || 2 ||
viniyogaḥ
mātā marakataśyāmā mātaṅgī madaśālinī |
kuryātkaṭākṣaṃ kalyāṇī kadambavanavāsinī || 3 ||
stuti
jaya mātaṅgatanaye jaya nīlotpaladyute |
jaya saṅgītarasike jaya līlāśukapriye || 4 ||
daṇḍakam
jaya janani sudhāsamudrāntarudyanmaṇīdvīpasaṃrūḍha bilvāṭavīmadhyakalpadrumākalpakādambakāntāravāsapriye kṛttivāsapriye sarvalokapriye, sādarārabdhasaṅgītasambhāvanāsambhramālolanīpasragābaddhacūlīsanāthatrike sānumatputrike, śekharībhūtaśītāṃśurekhāmayūkhāvalībaddhasusnigdhanīlālakaśreṇiśṛṅgārite lokasambhāvite kāmalīlādhanussannibhabhrūlatāpuṣpasandohasandehakṛllocane vāksudhāsecane cārugorocanāpaṅkakelīlalāmābhirāme surāme rame, prollasadvālikāmauktikaśreṇikācandrikāmaṇḍalodbhāsi lāvaṇyagaṇḍasthalanyastakastūrikāpatrarekhāsamudbhūta saurabhyasambhrāntabhṛṅgāṅganāgītasāndrībhavanmantratantrīsvare susvare bhāsvare, vallakīvādanaprakriyālolatālīdalābaddha-tāṭaṅkabhūṣāviśeṣānvite siddhasammānite, divyahālāmadodvelahelālasaccakṣurāndolanaśrīsamākṣiptakarṇaikanīlotpale śyāmale pūritāśeṣalokābhivāñchāphale śrīphale, svedabindūllasadphālalāvaṇya niṣyandasandohasandehakṛnnāsikāmauktike sarvaviśvātmike sarvasiddhyātmike kālike mugdhamandasmitodāravaktrasphurat pūgatāmbūlakarpūrakhaṇḍotkare jñānamudrākare sarvasampatkare padmabhāsvatkare śrīkare, kundapuṣpadyutisnigdhadantāvalīnirmalālolakallolasammelana smeraśoṇādhare cāruvīṇādhare pakvabimbādhare,
sulalita navayauvanārambhacandrodayodvelalāvaṇyadugdhārṇavāvirbhavatkambubimbokabhṛtkanthare satkalāmandire manthare divyaratnaprabhābandhuracchannahārādibhūṣāsamudyotamānānavadyāṅgaśobhe śubhe, ratnakeyūraraśmicchaṭāpallavaprollasaddollatārājite yogibhiḥ pūjite viśvadiṅmaṇḍalavyāptamāṇikyatejassphuratkaṅkaṇālaṅkṛte vibhramālaṅkṛte sādhubhiḥ pūjite vāsarārambhavelāsamujjṛmbha
māṇāravindapratidvandvipāṇidvaye santatodyaddaye advaye divyaratnormikādīdhitistoma sandhyāyamānāṅgulīpallavodyannakhenduprabhāmaṇḍale sannutākhaṇḍale citprabhāmaṇḍale prollasatkuṇḍale,
tārakārājinīkāśahārāvalismera cārustanābhogabhārānamanmadhyavallīvaliccheda vīcīsamudyatsamullāsasandarśitākārasaundaryaratnākare vallakībhṛtkare kiṅkaraśrīkare, hemakumbhopamottuṅga vakṣojabhārāvanamre trilokāvanamre lasadvṛttagambhīra nābhīsarastīraśaivālaśaṅkākaraśyāmaromāvalībhūṣaṇe mañjusambhāṣaṇe, cāruśiñcatkaṭīsūtranirbhatsitānaṅgalīladhanuśśiñcinīḍambare divyaratnāmbare,
padmarāgollasa nmekhalāmauktikaśroṇiśobhājitasvarṇabhūbhṛttale candrikāśītale vikasitanavakiṃśukātāmradivyāṃśukacchanna cārūruśobhāparābhūtasindūraśoṇāyamānendramātaṅga hastārgale vaibhavānargale śyāmale komalasnigdha nīlotpalotpāditānaṅgatūṇīraśaṅkākarodāra jaṅghālate cārulīlāgate namradikpālasīmantinī kuntalasnigdhanīlaprabhāpuñcasañjātadurvāṅkurāśaṅka sāraṅgasaṃyogariṅkhannakhendūjjvale projjvale nirmale prahva deveśa lakṣmīśa bhūteśa toyeśa vāṇīśa kīnāśa daityeśa yakṣeśa vāyvagnikoṭīramāṇikya saṃhṛṣṭabālātapoddāma lākṣārasāruṇyatāruṇya lakṣmīgṛhitāṅghripadme supadme ume,
suruciranavaratnapīṭhasthite susthite ratnapadmāsane ratnasiṃhāsane śaṅkhapadmadvayopāśrite viśrute tatra vighneśadurgāvaṭukṣetrapālairyute mattamātaṅga kanyāsamūhānvite bhairavairaṣṭabhirveṣṭite mañculāmenakādyaṅganāmānite devi vāmādibhiḥ śaktibhissevite dhātri lakṣmyādiśaktyaṣṭakaiḥ saṃyute mātṛkāmaṇḍalairmaṇḍite yakṣagandharvasiddhāṅganā maṇḍalairarcite, bhairavī saṃvṛte pañcabāṇātmike pañcabāṇena ratyā ca sambhāvite prītibhājā vasantena cānandite bhaktibhājaṃ paraṃ śreyase kalpase yogināṃ mānase dyotase chandasāmojasā bhrājase gītavidyā vinodāti tṛṣṇena kṛṣṇena sampūjyase bhaktimaccetasā vedhasā stūyase viśvahṛdyena vādyena vidyādharairgīyase, śravaṇaharadakṣiṇakvāṇayā vīṇayā kinnarairgīyase yakṣagandharvasiddhāṅganā maṇḍalairarcyase sarvasaubhāgyavāñchāvatībhir vadhūbhissurāṇāṃ samārādhyase sarvavidyāviśeṣatmakaṃ cāṭugāthā samuccāraṇākaṇṭhamūlollasadvarṇarājitrayaṃ komalaśyāmalodārapakṣadvayaṃ tuṇḍaśobhātidūrībhavat kiṃśukaṃ taṃ śukaṃ lālayantī parikrīḍase,
pāṇipadmadvayenākṣamālāmapi sphāṭikīṃ jñānasārātmakaṃ pustakañcaṅkuśaṃ pāśamābibhratī tena sañcintyase tasya vaktrāntarāt gadyapadyātmikā bhāratī nissaret yena vādhvaṃsanādā kṛtirbhāvyase tasya vaśyā bhavantistiyaḥ pūruṣāḥ yena vā śātakambadyutirbhāvyase sopi lakṣmīsahasraiḥ parikrīḍate, kinna siddhyedvapuḥ śyāmalaṃ komalaṃ candracūḍānvitaṃ tāvakaṃ dhyāyataḥ tasya līlā sarovāridhīḥ tasya kelīvanaṃ nandanaṃ tasya bhadrāsanaṃ bhūtalaṃ tasya gīrdevatā kiṅkari tasya cājñākarī śrī svayaṃ,
sarvatīrthātmike sarva mantrātmike, sarva yantrātmike sarva tantrātmike, sarva cakrātmike sarva śaktyātmike, sarva pīṭhātmike sarva vedātmike, sarva vidyātmike sarva yogātmike, sarva varṇātmike sarvagītātmike, sarva nādātmike sarva śabdātmike, sarva viśvātmike sarva vargātmike, sarva sarvātmike sarvage sarva rūpe, jaganmātṛke pāhi māṃ pāhi māṃ pāhi māṃ devi tubhyaṃ namo devi tubhyaṃ namo devi tubhyaṃ namo devi tubhyaṃ namaḥ ||
Sanskrit — Devanagari (original)
ध्यानम्
माणिक्यवीणामुपलालयन्तीं मदालसां मञ्जुलवाग्विलासाम् ।
माहेन्द्रनीलद्युतिकोमलाङ्गीं मातङ्गकन्यां मनसा स्मरामि ॥ 1 ॥
चतुर्भुजे चन्द्रकलावतंसे कुचोन्नते कुङ्कुमरागशोणे ।
पुण्ड्रेक्षुपाशाङ्कुशपुष्पबाणहस्ते नमस्ते जगदेकमातः ॥ 2 ॥
विनियोगः
माता मरकतश्यामा मातङ्गी मदशालिनी ।
कुर्यात्कटाक्षं कल्याणी कदम्बवनवासिनी ॥ 3 ॥
स्तुति
जय मातङ्गतनये जय नीलोत्पलद्युते ।
जय सङ्गीतरसिके जय लीलाशुकप्रिये ॥ 4 ॥
दण्डकम्
जय जननि सुधासमुद्रान्तरुद्यन्मणीद्वीपसंरूढ बिल्वाटवीमध्यकल्पद्रुमाकल्पकादम्बकान्तारवासप्रिये कृत्तिवासप्रिये सर्वलोकप्रिये, सादरारब्धसङ्गीतसम्भावनासम्भ्रमालोलनीपस्रगाबद्धचूलीसनाथत्रिके सानुमत्पुत्रिके, शेखरीभूतशीतांशुरेखामयूखावलीबद्धसुस्निग्धनीलालकश्रेणिशृङ्गारिते लोकसम्भाविते कामलीलाधनुस्सन्निभभ्रूलतापुष्पसन्दोहसन्देहकृल्लोचने वाक्सुधासेचने चारुगोरोचनापङ्ककेलीललामाभिरामे सुरामे रमे, प्रोल्लसद्वालिकामौक्तिकश्रेणिकाचन्द्रिकामण्डलोद्भासि लावण्यगण्डस्थलन्यस्तकस्तूरिकापत्ररेखासमुद्भूत सौरभ्यसम्भ्रान्तभृङ्गाङ्गनागीतसान्द्रीभवन्मन्त्रतन्त्रीस्वरे सुस्वरे भास्वरे, वल्लकीवादनप्रक्रियालोलतालीदलाबद्ध-ताटङ्कभूषाविशेषान्विते सिद्धसम्मानिते, दिव्यहालामदोद्वेलहेलालसच्चक्षुरान्दोलनश्रीसमाक्षिप्तकर्णैकनीलोत्पले श्यामले पूरिताशेषलोकाभिवाञ्छाफले श्रीफले, स्वेदबिन्दूल्लसद्फाललावण्य निष्यन्दसन्दोहसन्देहकृन्नासिकामौक्तिके सर्वविश्वात्मिके सर्वसिद्ध्यात्मिके कालिके मुग्धमन्दस्मितोदारवक्त्रस्फुरत् पूगताम्बूलकर्पूरखण्डोत्करे ज्ञानमुद्राकरे सर्वसम्पत्करे पद्मभास्वत्करे श्रीकरे, कुन्दपुष्पद्युतिस्निग्धदन्तावलीनिर्मलालोलकल्लोलसम्मेलन स्मेरशोणाधरे चारुवीणाधरे पक्वबिम्बाधरे,
सुललित नवयौवनारम्भचन्द्रोदयोद्वेललावण्यदुग्धार्णवाविर्भवत्कम्बुबिम्बोकभृत्कन्थरे सत्कलामन्दिरे मन्थरे दिव्यरत्नप्रभाबन्धुरच्छन्नहारादिभूषासमुद्योतमानानवद्याङ्गशोभे शुभे, रत्नकेयूररश्मिच्छटापल्लवप्रोल्लसद्दोल्लताराजिते योगिभिः पूजिते विश्वदिङ्मण्डलव्याप्तमाणिक्यतेजस्स्फुरत्कङ्कणालङ्कृते विभ्रमालङ्कृते साधुभिः पूजिते वासरारम्भवेलासमुज्जृम्भ
माणारविन्दप्रतिद्वन्द्विपाणिद्वये सन्ततोद्यद्दये अद्वये दिव्यरत्नोर्मिकादीधितिस्तोम सन्ध्यायमानाङ्गुलीपल्लवोद्यन्नखेन्दुप्रभामण्डले सन्नुताखण्डले चित्प्रभामण्डले प्रोल्लसत्कुण्डले,
तारकाराजिनीकाशहारावलिस्मेर चारुस्तनाभोगभारानमन्मध्यवल्लीवलिच्छेद वीचीसमुद्यत्समुल्लाससन्दर्शिताकारसौन्दर्यरत्नाकरे वल्लकीभृत्करे किङ्करश्रीकरे, हेमकुम्भोपमोत्तुङ्ग वक्षोजभारावनम्रे त्रिलोकावनम्रे लसद्वृत्तगम्भीर नाभीसरस्तीरशैवालशङ्काकरश्यामरोमावलीभूषणे मञ्जुसम्भाषणे, चारुशिञ्चत्कटीसूत्रनिर्भत्सितानङ्गलीलधनुश्शिञ्चिनीडम्बरे दिव्यरत्नाम्बरे,
पद्मरागोल्लस न्मेखलामौक्तिकश्रोणिशोभाजितस्वर्णभूभृत्तले चन्द्रिकाशीतले विकसितनवकिंशुकाताम्रदिव्यांशुकच्छन्न चारूरुशोभापराभूतसिन्दूरशोणायमानेन्द्रमातङ्ग हस्तार्गले वैभवानर्गले श्यामले कोमलस्निग्ध नीलोत्पलोत्पादितानङ्गतूणीरशङ्काकरोदार जङ्घालते चारुलीलागते नम्रदिक्पालसीमन्तिनी कुन्तलस्निग्धनीलप्रभापुञ्चसञ्जातदुर्वाङ्कुराशङ्क सारङ्गसंयोगरिङ्खन्नखेन्दूज्ज्वले प्रोज्ज्वले निर्मले प्रह्व देवेश लक्ष्मीश भूतेश तोयेश वाणीश कीनाश दैत्येश यक्षेश वाय्वग्निकोटीरमाणिक्य संहृष्टबालातपोद्दाम लाक्षारसारुण्यतारुण्य लक्ष्मीगृहिताङ्घ्रिपद्मे सुपद्मे उमे,
सुरुचिरनवरत्नपीठस्थिते सुस्थिते रत्नपद्मासने रत्नसिंहासने शङ्खपद्मद्वयोपाश्रिते विश्रुते तत्र विघ्नेशदुर्गावटुक्षेत्रपालैर्युते मत्तमातङ्ग कन्यासमूहान्विते भैरवैरष्टभिर्वेष्टिते मञ्चुलामेनकाद्यङ्गनामानिते देवि वामादिभिः शक्तिभिस्सेविते धात्रि लक्ष्म्यादिशक्त्यष्टकैः संयुते मातृकामण्डलैर्मण्डिते यक्षगन्धर्वसिद्धाङ्गना मण्डलैरर्चिते, भैरवी संवृते पञ्चबाणात्मिके पञ्चबाणेन रत्या च सम्भाविते प्रीतिभाजा वसन्तेन चानन्दिते भक्तिभाजं परं श्रेयसे कल्पसे योगिनां मानसे द्योतसे छन्दसामोजसा भ्राजसे गीतविद्या विनोदाति तृष्णेन कृष्णेन सम्पूज्यसे भक्तिमच्चेतसा वेधसा स्तूयसे विश्वहृद्येन वाद्येन विद्याधरैर्गीयसे, श्रवणहरदक्षिणक्वाणया वीणया किन्नरैर्गीयसे यक्षगन्धर्वसिद्धाङ्गना मण्डलैरर्च्यसे सर्वसौभाग्यवाञ्छावतीभिर् वधूभिस्सुराणां समाराध्यसे सर्वविद्याविशेषत्मकं चाटुगाथा समुच्चारणाकण्ठमूलोल्लसद्वर्णराजित्रयं कोमलश्यामलोदारपक्षद्वयं तुण्डशोभातिदूरीभवत् किंशुकं तं शुकं लालयन्ती परिक्रीडसे,
पाणिपद्मद्वयेनाक्षमालामपि स्फाटिकीं ज्ञानसारात्मकं पुस्तकञ्चङ्कुशं पाशमाबिभ्रती तेन सञ्चिन्त्यसे तस्य वक्त्रान्तरात् गद्यपद्यात्मिका भारती निस्सरेत् येन वाध्वंसनादा कृतिर्भाव्यसे तस्य वश्या भवन्तिस्तियः पूरुषाः येन वा शातकम्बद्युतिर्भाव्यसे सोपि लक्ष्मीसहस्रैः परिक्रीडते, किन्न सिद्ध्येद्वपुः श्यामलं कोमलं चन्द्रचूडान्वितं तावकं ध्यायतः तस्य लीला सरोवारिधीः तस्य केलीवनं नन्दनं तस्य भद्रासनं भूतलं तस्य गीर्देवता किङ्करि तस्य चाज्ञाकरी श्री स्वयं,
सर्वतीर्थात्मिके सर्व मन्त्रात्मिके, सर्व यन्त्रात्मिके सर्व तन्त्रात्मिके, सर्व चक्रात्मिके सर्व शक्त्यात्मिके, सर्व पीठात्मिके सर्व वेदात्मिके, सर्व विद्यात्मिके सर्व योगात्मिके, सर्व वर्णात्मिके सर्वगीतात्मिके, सर्व नादात्मिके सर्व शब्दात्मिके, सर्व विश्वात्मिके सर्व वर्गात्मिके, सर्व सर्वात्मिके सर्वगे सर्व रूपे, जगन्मातृके पाहि मां पाहि मां पाहि मां देवि तुभ्यं नमो देवि तुभ्यं नमो देवि तुभ्यं नमो देवि तुभ्यं नमः ॥
dhyānam
māṇikyavīṇāmupalālayantīṃ madālasāṃ mañjulavāgvilāsām |
māhendranīladyutikomalāṅgīṃ mātaṅgakanyāṃ manasā smarāmi || 1 ||
caturbhuje candrakalāvataṃse kuconnate kuṅkumarāgaśoṇe |
puṇḍrekṣupāśāṅkuśapuṣpabāṇahaste namaste jagadekamātaḥ || 2 ||
viniyogaḥ
mātā marakataśyāmā mātaṅgī madaśālinī |
kuryātkaṭākṣaṃ kalyāṇī kadambavanavāsinī || 3 ||
stuti
jaya mātaṅgatanaye jaya nīlotpaladyute |
jaya saṅgītarasike jaya līlāśukapriye || 4 ||
daṇḍakam
jaya janani sudhāsamudrāntarudyanmaṇīdvīpasaṃrūḍha bilvāṭavīmadhyakalpadrumākalpakādambakāntāravāsapriye kṛttivāsapriye sarvalokapriye, sādarārabdhasaṅgītasambhāvanāsambhramālolanīpasragābaddhacūlīsanāthatrike sānumatputrike, śekharībhūtaśītāṃśurekhāmayūkhāvalībaddhasusnigdhanīlālakaśreṇiśṛṅgārite lokasambhāvite kāmalīlādhanussannibhabhrūlatāpuṣpasandohasandehakṛllocane vāksudhāsecane cārugorocanāpaṅkakelīlalāmābhirāme surāme rame, prollasadvālikāmauktikaśreṇikācandrikāmaṇḍalodbhāsi lāvaṇyagaṇḍasthalanyastakastūrikāpatrarekhāsamudbhūta saurabhyasambhrāntabhṛṅgāṅganāgītasāndrībhavanmantratantrīsvare susvare bhāsvare, vallakīvādanaprakriyālolatālīdalābaddha-tāṭaṅkabhūṣāviśeṣānvite siddhasammānite, divyahālāmadodvelahelālasaccakṣurāndolanaśrīsamākṣiptakarṇaikanīlotpale śyāmale pūritāśeṣalokābhivāñchāphale śrīphale, svedabindūllasadphālalāvaṇya niṣyandasandohasandehakṛnnāsikāmauktike sarvaviśvātmike sarvasiddhyātmike kālike mugdhamandasmitodāravaktrasphurat pūgatāmbūlakarpūrakhaṇḍotkare jñānamudrākare sarvasampatkare padmabhāsvatkare śrīkare, kundapuṣpadyutisnigdhadantāvalīnirmalālolakallolasammelana smeraśoṇādhare cāruvīṇādhare pakvabimbādhare,
sulalita navayauvanārambhacandrodayodvelalāvaṇyadugdhārṇavāvirbhavatkambubimbokabhṛtkanthare satkalāmandire manthare divyaratnaprabhābandhuracchannahārādibhūṣāsamudyotamānānavadyāṅgaśobhe śubhe, ratnakeyūraraśmicchaṭāpallavaprollasaddollatārājite yogibhiḥ pūjite viśvadiṅmaṇḍalavyāptamāṇikyatejassphuratkaṅkaṇālaṅkṛte vibhramālaṅkṛte sādhubhiḥ pūjite vāsarārambhavelāsamujjṛmbha
māṇāravindapratidvandvipāṇidvaye santatodyaddaye advaye divyaratnormikādīdhitistoma sandhyāyamānāṅgulīpallavodyannakhenduprabhāmaṇḍale sannutākhaṇḍale citprabhāmaṇḍale prollasatkuṇḍale,
tārakārājinīkāśahārāvalismera cārustanābhogabhārānamanmadhyavallīvaliccheda vīcīsamudyatsamullāsasandarśitākārasaundaryaratnākare vallakībhṛtkare kiṅkaraśrīkare, hemakumbhopamottuṅga vakṣojabhārāvanamre trilokāvanamre lasadvṛttagambhīra nābhīsarastīraśaivālaśaṅkākaraśyāmaromāvalībhūṣaṇe mañjusambhāṣaṇe, cāruśiñcatkaṭīsūtranirbhatsitānaṅgalīladhanuśśiñcinīḍambare divyaratnāmbare,
padmarāgollasa nmekhalāmauktikaśroṇiśobhājitasvarṇabhūbhṛttale candrikāśītale vikasitanavakiṃśukātāmradivyāṃśukacchanna cārūruśobhāparābhūtasindūraśoṇāyamānendramātaṅga hastārgale vaibhavānargale śyāmale komalasnigdha nīlotpalotpāditānaṅgatūṇīraśaṅkākarodāra jaṅghālate cārulīlāgate namradikpālasīmantinī kuntalasnigdhanīlaprabhāpuñcasañjātadurvāṅkurāśaṅka sāraṅgasaṃyogariṅkhannakhendūjjvale projjvale nirmale prahva deveśa lakṣmīśa bhūteśa toyeśa vāṇīśa kīnāśa daityeśa yakṣeśa vāyvagnikoṭīramāṇikya saṃhṛṣṭabālātapoddāma lākṣārasāruṇyatāruṇya lakṣmīgṛhitāṅghripadme supadme ume,
suruciranavaratnapīṭhasthite susthite ratnapadmāsane ratnasiṃhāsane śaṅkhapadmadvayopāśrite viśrute tatra vighneśadurgāvaṭukṣetrapālairyute mattamātaṅga kanyāsamūhānvite bhairavairaṣṭabhirveṣṭite mañculāmenakādyaṅganāmānite devi vāmādibhiḥ śaktibhissevite dhātri lakṣmyādiśaktyaṣṭakaiḥ saṃyute mātṛkāmaṇḍalairmaṇḍite yakṣagandharvasiddhāṅganā maṇḍalairarcite, bhairavī saṃvṛte pañcabāṇātmike pañcabāṇena ratyā ca sambhāvite prītibhājā vasantena cānandite bhaktibhājaṃ paraṃ śreyase kalpase yogināṃ mānase dyotase chandasāmojasā bhrājase gītavidyā vinodāti tṛṣṇena kṛṣṇena sampūjyase bhaktimaccetasā vedhasā stūyase viśvahṛdyena vādyena vidyādharairgīyase, śravaṇaharadakṣiṇakvāṇayā vīṇayā kinnarairgīyase yakṣagandharvasiddhāṅganā maṇḍalairarcyase sarvasaubhāgyavāñchāvatībhir vadhūbhissurāṇāṃ samārādhyase sarvavidyāviśeṣatmakaṃ cāṭugāthā samuccāraṇākaṇṭhamūlollasadvarṇarājitrayaṃ komalaśyāmalodārapakṣadvayaṃ tuṇḍaśobhātidūrībhavat kiṃśukaṃ taṃ śukaṃ lālayantī parikrīḍase,
pāṇipadmadvayenākṣamālāmapi sphāṭikīṃ jñānasārātmakaṃ pustakañcaṅkuśaṃ pāśamābibhratī tena sañcintyase tasya vaktrāntarāt gadyapadyātmikā bhāratī nissaret yena vādhvaṃsanādā kṛtirbhāvyase tasya vaśyā bhavantistiyaḥ pūruṣāḥ yena vā śātakambadyutirbhāvyase sopi lakṣmīsahasraiḥ parikrīḍate, kinna siddhyedvapuḥ śyāmalaṃ komalaṃ candracūḍānvitaṃ tāvakaṃ dhyāyataḥ tasya līlā sarovāridhīḥ tasya kelīvanaṃ nandanaṃ tasya bhadrāsanaṃ bhūtalaṃ tasya gīrdevatā kiṅkari tasya cājñākarī śrī svayaṃ,
sarvatīrthātmike sarva mantrātmike, sarva yantrātmike sarva tantrātmike, sarva cakrātmike sarva śaktyātmike, sarva pīṭhātmike sarva vedātmike, sarva vidyātmike sarva yogātmike, sarva varṇātmike sarvagītātmike, sarva nādātmike sarva śabdātmike, sarva viśvātmike sarva vargātmike, sarva sarvātmike sarvage sarva rūpe, jaganmātṛke pāhi māṃ pāhi māṃ pāhi māṃ devi tubhyaṃ namo devi tubhyaṃ namo devi tubhyaṃ namo devi tubhyaṃ namaḥ ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.