(1-50-1)
উদু॒ ত্য-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ ।
1
দৃ॒শে বিশ্বা॑য॒ সূর্য॑ম্ ॥ 1
অপ॒ ত্যে তা॒যবো॑ যথা॒ নক্ষ॑ত্রা যন্ত্য॒ক্তুভিঃ॑ ।
2
সূরা॑য বি॒শ্বচ॑ক্ষসে ॥ 2
অদৃ॑শ্রমস্য কে॒তবো॒ বি র॒শ্মযো॒ জনা॒ঙ্ অনু॑ ।
3
ভ্রাজ॑ন্তো অ॒গ্নযো॑ যথা ॥ 3
ত॒রণি॑র্বি॒শ্বদ॑র্শতো জ্যোতি॒ষ্কৃদ॑সি সূর্য ।
4
বিশ্ব॒মা ভা॑সি রোচ॒নম্ ॥ 4
প্র॒ত্যঙ্ দে॒বানাং॒ বিশঃ॑ প্র॒ত্যঙ্ঙুদে॑ষি॒ মানু॑ষান্ ।
5
প্র॒ত্যঙ্বিশ্বং॒ স্ব॑র্দৃ॒শে ॥ 5
যেনা॑ পাবক॒ চক্ষ॑সা ভুর॒ণ্যন্তং॒ জনা॒ঁ অনু॑ ।
6
ত্বং-বঁ॑রুণ॒ পশ্য॑সি ॥ 6
বি দ্যামে॑ষি॒ রজ॑স্পৃ॒থ্বহা॒ মিমা॑নো অ॒ক্তুভিঃ॑ ।
7
পশ্য॒ঞ্জন্মা॑নি সূর্য ॥ 7
স॒প্ত ত্বা॑ হ॒রিতো॒ রথে॒ বহ॑ন্তি দেব সূর্য ।
8
শো॒চিষ্কে॑শং-বিঁচক্ষণ ॥ 8
অযু॑ক্ত স॒প্ত শু॒ন্ধ্যুব॒-স্সূরো॒ রথ॑স্য ন॒প্ত্যঃ॑ ।
9
তাভি॑র্যাতি॒ স্বযু॑ক্তিভিঃ ॥ 9
উদ্ব॒য-ন্তম॑স॒স্পরি॒ জ্যোতি॒ষ্পশ্য॑ন্ত॒ উত্ত॑রম্ ।
10
দে॒ব-ন্দে॑ব॒ত্রা সূর্য॒মগ॑ন্ম॒ জ্যোতি॑রুত্ত॒মম্ ॥ 10
উ॒দ্যন্ন॒দ্য মি॑ত্রমহ আ॒রোহ॒ন্নুত্ত॑রাং॒ দিব॑ম্ ।
11
হৃ॒দ্রো॒গ-ম্মম॑ সূর্য হরি॒মাণং॑ চ নাশয ॥ 11
শুকে॑ষু মে হরি॒মাণং॑ রোপ॒ণাকা॑সু দধ্মসি ।
12
অথো॑ হারিদ্র॒বেষু॑ মে হরি॒মাণং॒ নি দ॑ধ্মসি ॥ 12
উদ॑গাদ॒যমা॑দি॒ত্যো বিশ্বে॑ন॒ সহ॑সা স॒হ ।
13
দ্বি॒ষন্তং॒ মহ্যং॑ র॒ন্ধয॒ন্মো অ॒হ-ন্দ্বি॑ষ॒তে র॑ধম্ ॥ 13
(1-115-01)
চি॒ত্র-ন্দে॒বানা॒মুদ॑গা॒দনী॑কং॒ চক্ষু॑র্মি॒ত্রস্য॒ বরু॑ণস্যা॒গ্নেঃ ।
14
আপ্রা॒ দ্যাবা॑পৃথি॒বী অ॒ন্তরি॑ক্ষং॒ সূর্য॑ আ॒ত্মা জগ॑তস্ত॒স্থুষ॑শ্চ ॥ 14
সূর্যো॑ দে॒বীমু॒ষসং॒ রোচ॑মানাং॒ মর্যো॒ ন যোষা॑ম॒ভ্যে॑তি প॒শ্চাত্ ।
15
যত্রা॒ নরো॑ দেব॒যন্তো॑ যু॒গানি॑ বিতন্ব॒তে প্রতি॑ ভ॒দ্রায॑ ভ॒দ্রম্ ॥ 15
ভ॒দ্রা অশ্বা॑ হ॒রিত॒-স্সূর্য॑স্য চি॒ত্রা এত॑গ্বা অনু॒মাদ্যা॑সঃ ।
16
ন॒ম॒স্যন্তো॑ দি॒ব আ পৃ॒ষ্ঠম॑স্থুঃ॒ পরি॒ দ্যাবা॑পৃথি॒বী য॑ন্তি স॒দ্যঃ ॥ 16
তত্সূর্য॑স্য দেব॒ত্ব-ন্তন্ম॑হি॒ত্ব-ম্ম॒ধ্যা কর্তো॒র্বিত॑তং॒ স-ঞ্জ॑ভার ।
17
য॒দেদযু॑ক্ত হ॒রিতঃ॑ স॒ধস্থা॒দাদ্রাত্রী॒ বাস॑স্তনুতে সি॒মস্মৈ॑ ॥ 17
তন্মি॒ত্রস্য॒ বরু॑ণস্যাভি॒চক্ষে॒ সূর্যো॑ রূ॒প-ঙ্কৃ॑ণুতে॒ দ্যোরু॒পস্থে॑ ।
18
অ॒ন॒ন্তম॒ন্যদ্রুশ॑দস্য॒ পাজঃ॑ কৃ॒ষ্ণম॒ন্যদ্ধ॒রিত॒-স্স-ম্ভ॑রন্তি ॥ 18
অ॒দ্যা দে॑বা॒ উদি॑তা॒ সূর্য॑স্য॒ নিরংহ॑সঃ পিপৃ॒তা নির॑ব॒দ্যাত্ ।
19
তন্নো॑ মি॒ত্রো বরু॑ণো মামহন্তা॒মদি॑তি॒-স্সিন্ধুঃ॑ পৃথি॒বী উ॒ত দ্যৌঃ ॥ 19
(1-164-46)
ইন্দ্রং॑ মি॒ত্রং-বঁরু॑ণম॒গ্নিমা॑হু॒রথো॑ দি॒ব্য-স্স সু॑প॒র্ণো গ॒রুত্মা॑ন্ ।
20
একং॒ সদ্বিপ্রা॑ বহু॒ধা ব॑দন্ত্য॒গ্নিং-যঁ॒ম-ম্মা॑ত॒রিশ্বা॑নমাহুঃ ॥ 20
কৃ॒ষ্ণ-ন্নি॒যানং॒ হর॑য-স্সুপ॒র্ণা অ॒পো বসা॑না॒ দিব॒মুত্প॑তন্তি ।
21
ত আব॑বৃত্র॒ন্ত্সদ॑নাদৃ॒তস্যাদিদ্ঘৃ॒তেন॑ পৃথি॒বী ব্যু॑দ্যতে ॥ 21
(4-040-05)
হং॒স-শ্শু॑চি॒ষদ্বসু॑রন্তরিক্ষ॒সদ্ধোতা॑ বেদি॒ষদতি॑থির্দুরোণ॒সত্ ।
22
নৃ॒ষদ্ব॑র॒সদৃ॑ত॒সদ্ব্যো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তম্ ॥ 22
(5-040-05)
যত্ত্বা॑ সূর্য॒ স্ব॑র্ভানু॒স্তম॒সাবি॑ধ্যদাসু॒রঃ ।
23
অক্ষে॑ত্রবি॒দ্যথা॑ মু॒গ্ধো ভুব॑নান্যদীধযুঃ ॥ 23
(7-060-01)
যদ॒দ্য সূ॑র্য॒ ব্রবো-ঽনা॑গা উ॒দ্যন্মি॒ত্রায॒ বরু॑ণায স॒ত্যম্ ।
24
ব॒য-ন্দে॑ব॒ত্রাদি॑তে স্যাম॒ তব॑ প্রি॒যাসো॑ অর্যমন্গৃ॒ণন্তঃ॑ ॥ 24
(7-062-01)
উত্সূর্যো॑ বৃ॒হদ॒র্চীংষ্য॑শ্রেত্পু॒রু বিশ্বা॒ জনি॑ম॒ মানু॑ষাণাম্ ।
25
স॒মো দি॒বা দ॑দৃশে॒ রোচ॑মানঃ॒ ক্রত্বা॑ কৃ॒ত-স্সুকৃ॑তঃ ক॒র্তৃভি॑র্ভূত্ ॥ 25
স সূ॑র্য॒ প্রতি॑ পু॒রো ন॒ উদ্গা॑ এ॒ভি-স্স্তোমে॑ভিরেত॒শেভি॒রেবৈঃ॑ ।
26
প্র নো॑ মি॒ত্রায॒ বরু॑ণায বো॒চো-ঽনা॑গসো অর্য॒ম্ণে অ॒গ্নযে॑ চ ॥ 26
বি নঃ॑ স॒হস্রং॑ শু॒রুধো॑ রদন্ত্বৃ॒তাবা॑নো॒ বরু॑ণো মি॒ত্রো অ॒গ্নিঃ ।
27
যচ্ছ॑ন্তু চ॒ন্দ্রা উ॑প॒ম-ন্নো॑ অ॒র্কমা নঃ॒ কামং॑ পূপুরন্তু॒ স্তবা॑নাঃ ॥ 27
(7-063-01)
উদ্বে॑তি সু॒ভগো॑ বি॒শ্বচ॑ক্ষা॒-স্সাধা॑রণ॒-স্সূর্যো॒ মানু॑ষাণাম্ ।
28
চক্ষু॑র্মি॒ত্রস্য॒ বরু॑ণস্য দে॒বশ্চর্মে॑ব॒ য-স্স॒মবি॑ব্য॒ক্তমাং॑সি ॥ 28
উদ্বে॑তি প্রসবী॒তা জনা॑না-ম্ম॒হান্কে॒তুর॑র্ণ॒ব-স্সূর্য॑স্য ।
29
স॒মা॒ন-ঞ্চ॒ক্র-ম্প॑র্যা॒বিবৃ॑ত্স॒ন্যদে॑ত॒শো বহ॑তি ধূ॒র্ষু যু॒ক্তঃ ॥ 29
বি॒ভ্রাজ॑মান উ॒ষসা॑মু॒পস্থা॑দ্রে॒ভৈরুদে॑ত্যনুম॒দ্যমা॑নঃ ।
30
এ॒ষ মে॑ দে॒ব-স্স॑বি॒তা চ॑চ্ছন্দ॒ য-স্স॑মা॒ন-ন্ন প্র॑মি॒নাতি॒ ধাম॑ ॥ 30
দি॒বো রু॒ক্ম উ॑রু॒চক্ষা॒ উদে॑তি দূ॒রে অ॑র্থস্ত॒রণি॒র্ভ্রাজ॑মানঃ ।
31
নূ॒ন-ঞ্জনা॒-স্সূর্যে॑ণ॒ প্রসূ॑তা॒ অয॒ন্নর্থা॑নি কৃ॒ণব॒ন্নপাং॑সি ॥ 31
32
যত্রা॑ চ॒ক্রুর॒মৃতা॑ গা॒তুম॑স্মৈ শ্যে॒নো ন দীয॒ন্নন্বে॑তি॒ পাথঃ॑ ॥ 32
(7-066-14)
উদু॒ ত্যদ্দ॑র্শ॒তং-বঁপু॑র্দি॒ব এ॑তি প্রতিহ্ব॒রে ।
33
যদী॑মা॒শুর্বহ॑তি দে॒ব এত॑শো॒ বিশ্ব॑স্মৈ॒ চক্ষ॑সে॒ অর॑ম্ ॥ 33
শী॒র্ষ্ণ-শ্শী॑র্ষ্ণো॒ জগ॑তস্ত॒স্থুষ॒স্পতিং॑ স॒মযা॒ বিশ্ব॒মা রজঃ॑ ।
34
স॒প্ত স্বসা॑র-স্সুবি॒তায॒ সূর্যং॒ বহ॑ন্তি হ॒রিতো॒ রথে॑ ॥ 34
তচ্চক্ষু॑র্দে॒বহি॑তং শু॒ক্রমু॒চ্চর॑ত্ ।
35
পশ্যে॑ম শ॒রদঃ॑ শ॒ত-ঞ্জীবে॑ম শ॒রদঃ॑ শ॒তম্ ॥ 35
(8-101-11)
বণ্ম॒হাঁ অ॑সি সূর্য॒ বলা॑দিত্য ম॒হাঁ অ॑সি ।
36
ম॒হস্তে॑ স॒তো ম॑হি॒মা প॑নস্যতে॒-ঽদ্ধা দে॑ব ম॒হাঁ অ॑সি ॥ 36
বট্ সূ॑র্য॒ শ্রব॑সা ম॒হাঁ অ॑সি স॒ত্রা দে॑ব ম॒হাঁ অ॑সি ।
37
ম॒হ্না দে॒বানা॑মসু॒র্যঃ॑ পু॒রোহি॑তো বি॒ভু জ্যোতি॒রদা॑ভ্যম্ ॥ 37
(10-037-01)
নমো॑ মি॒ত্রস্য॒ বরু॑ণস্য॒ চক্ষ॑সে ম॒হো দে॒বায॒ তদৃ॒তং স॑পর্যত ।
38
দূ॒রে॒দৃশে॑ দে॒বজা॑তায কে॒তবে॑ দি॒বস্পু॒ত্রায॒ সূর্যা॑য শংসত ॥ 38
সা মা॑ স॒ত্যোক্তিঃ॒ পরি॑ পাতু বি॒শ্বতো॒ দ্যাবা॑ চ॒ যত্র॑ ত॒তন॒ন্নহা॑নি চ ।
39
বিশ্ব॑ম॒ন্যন্নি বি॑শতে॒ যদেজ॑তি বি॒শ্বাহাপো॑ বি॒শ্বাহোদে॑তি॒ সূর্যঃ॑ ॥ 39
ন তে॒ অদে॑বঃ প্র॒দিবো॒ নি বা॑সতে॒ যদে॑ত॒শেভিঃ॑ পত॒রৈ র॑থ॒র্যসি॑ ।
40
প্রা॒চীন॑ম॒ন্যদনু॑ বর্ততে॒ রজ॒ উদ॒ন্যেন॒ জ্যোতি॑ষা যাসি সূর্য ॥ 40
যেন॑ সূর্য॒ জ্যোতি॑ষা॒ বাধ॑সে॒ তমো॒ জগ॑চ্চ॒ বিশ্ব॑মুদি॒যর্ষি॑ ভা॒নুনা॑ ।
41
তেনা॒স্মদ্বিশ্বা॒মনি॑রা॒মনা॑হুতি॒মপামী॑বা॒মপ॑ দু॒ষ্বপ্ন্যং॑ সুব ॥ 41
বিশ্ব॑স্য॒ হি প্রেষি॑তো॒ রক্ষ॑সি ব্র॒তমহে॑লযন্নু॒চ্চর॑সি স্ব॒ধা অনু॑ ।
42
যদ॒দ্য ত্বা॑ সূর্যোপ॒ব্রবা॑মহৈ॒ ত-ন্নো॑ দে॒বা অনু॑ মংসীরত॒ ক্রতু॑ম্ ॥ 42
ত-ন্নো॒ দ্যাবা॑পৃথি॒বী তন্ন॒ আপ॒ ইন্দ্রঃ॑ শৃণ্বন্তু ম॒রুতো॒ হবং॒ বচঃ॑ ।
43
মা শূনে॑ ভূম॒ সূর্য॑স্য স॒ন্দৃশি॑ ভ॒দ্র-ঞ্জীব॑ন্তো জর॒ণাম॑শীমহি ॥ 43
বি॒শ্বাহা॑ ত্বা সু॒মন॑স-স্সু॒চক্ষ॑সঃ প্র॒জাব॑ন্তো অনমী॒বা অনা॑গসঃ ।
44
উ॒দ্যন্তং॑ ত্বা মিত্রমহো দি॒বেদি॑বে॒ জ্যোগ্জী॒বাঃ প্রতি॑ পশ্যেম সূর্য ॥ 44
মহি॒ জ্যোতি॒র্বিভ্র॑ত-ন্ত্বা বিচক্ষণ॒ ভাস্ব॑ন্তং॒ চক্ষু॑ষে চক্ষুষে॒ মযঃ॑ ।
45
আ॒রোহ॑ন্ত-ম্বৃহ॒তঃ পাজ॑স॒স্পরি॑ ব॒য-ঞ্জী॒বাঃ প্রতি॑ পশ্যেম সূর্য ॥ 45
যস্য॑ তে॒ বিশ্বা॒ ভুব॑নানি কে॒তুনা॒ প্র চের॑তে॒ নি চ॑ বি॒শন্তে॑ অ॒ক্তুভিঃ॑ ।
46
অ॒না॒গা॒স্ত্বেন॑ হরিকেশ সূ॒র্যাহ্না॑হ্না নো॒ বস্য॑সাবস্য॒সোদি॑হি ॥ 46
শ-ন্নো॑ ভব॒ চক্ষ॑সা॒ শ-ন্নো॒ অহ্না॒ শ-ম্ভা॒নুনা॒ শং হি॒মা শ-ঙ্ঘৃ॒ণেন॑ ।
47
যথা॒ শমধ্ব॒ঞ্ছমস॑দ্দুরো॒ণে তত্সূ॑র্য॒ দ্রবি॑ণ-ন্ধেহি চি॒ত্রম্ ॥ 47
অ॒স্মাকং॑ দেবা উ॒ভযা॑য॒ জন্ম॑নে॒ শর্ম॑ যচ্ছত দ্বি॒পদে॒ চতু॑ষ্পদে ।
48
অ॒দত্পিব॑দূ॒র্জয॑মান॒মাশি॑তং॒ তদ॒স্মে শং-যোঁর॑র॒পো দ॑ধাতন ॥ 48
যদ্বো॑ দেবাশ্চকৃ॒ম জি॒হ্বযা॑ গু॒রু মন॑সো বা॒ প্রযু॑তী দেব॒হেল॑নম্ ।
49
অরা॑বা॒ যো নো॑ অ॒ভি দু॑চ্ছুনা॒যতে॒ তস্মি॒ন্তদেনো॑ বসবো॒ নি ধে॑তন ॥ 49
(10-158-01)
সূর্যো॑ নো দি॒বস্পা॑তু॒ বাতো॑ অ॒ন্তরি॑ক্ষাত্ ।
50
অ॒গ্নির্নঃ॒ পার্থি॑বেভ্যঃ ॥ 50
জোষা॑ সবিত॒র্যস্য॑ তে॒ হরঃ॑ শ॒তং স॒বাঁ অর্হ॑তি ।
51
পা॒হি নো॑ দি॒দ্যুতঃ॒ পত॑ন্ত্যাঃ ॥ 51
চক্ষু॑র্নো দে॒ব-স্স॑বি॒তা চক্ষু॑র্ন উ॒ত পর্ব॑তঃ ।
52
চক্ষু॑র্ধা॒তা দ॑ধাতু নঃ ॥ 52
চক্ষু॑র্নো ধেহি॒ চক্ষু॑ষে॒ চক্ষু॑র্বি॒খ্যৈ ত॒নূভ্যঃ॑ ।
53
স-ঞ্চে॒দং-বিঁ চ॑ পশ্যেম ॥ 53
সু॒স॒ন্দৃশং॑ ত্বা ব॒য-ম্প্রতি॑ পশ্যেম সূর্য ।
54
বি প॑শ্যেম নৃ॒চক্ষ॑সঃ ॥ 54
(10-170-01)
বি॒ভ্রাড্বৃ॒হত্পি॑বতু সো॒ম্য-ম্মধ্বাযু॒র্দধ॑দ্য॒জ্ঞপ॑তা॒ববি॑হ্রুতম্ ।
55
বাত॑জূতো॒ যো অ॑ভি॒রক্ষ॑তি॒ ত্মনা॑ প্র॒জাঃ পু॑পোষ পুরু॒ধা বি রা॑জতি ॥ 55
বি॒ভ্রাড্বৃ॒হত্সুভৃ॑তং-বাঁজ॒সাত॑মং॒ ধর্ম॑ন্দি॒বো ধ॒রুণে॑ স॒ত্যমর্পি॑তম্ ।
56
অ॒মি॒ত্র॒হা বৃ॑ত্র॒হা দ॑স্যু॒হন্ত॑মং॒ জ্যোতি॑র্জজ্ঞে অসুর॒হা স॑পত্ন॒হা ॥ 56
ই॒দং শ্রেষ্ঠং॒ জ্যোতি॑ষাং॒ জ্যোতি॑রুত্ত॒মং-বিঁ॑শ্ব॒জিদ্ধ॑ন॒জিদু॑চ্যতে বৃ॒হত্ ।
57
বি॒শ্ব॒ভ্রাড্ভ্রা॒জো মহি॒ সূর্যো॑ দৃ॒শ উ॒রু প॑প্রথে॒ সহ॒ ওজো॒ অচ্যু॑তম্ ॥ 57
বি॒ভ্রাজ॒ঞ্জ্যোতি॑ষা॒ স্ব॒1॑রগ॑চ্ছো রোচ॒ন-ন্দি॒বঃ ।
58
যেনে॒মা বিশ্বা॒ ভুব॑না॒ন্যাভৃ॑তা বি॒শ্বক॑র্মণা বি॒শ্বদে॑ব্যাবতা ॥ 58
(10-189-02)
আয-ঙ্গৌঃ পৃশ্নি॑রক্রমী॒দস॑দন্মা॒তরং॑ পু॒রঃ ।
59
পি॒তরং॑ চ প্র॒যন্ত্স্বঃ॑ ॥ 59
অ॒ন্তশ্চ॑রতি রোচ॒নাস্য প্রা॒ণাদ॑পান॒তী ।
60
ব্য॑খ্যন্মহি॒ষো দিব॑ম্ ॥ 60
ত্রিং॒শদ্ধাম॒ বি রা॑জতি॒ বাক্প॑ত॒ঙ্গায॑ ধীযতে ।
61
প্রতি॒ বস্তো॒রহ॒ দ্যুভিঃ॑ ॥ 61
(10-190-01)
ঋ॒ত-ঞ্চ॑ স॒ত্য-ঞ্চা॒ভী॑দ্ধা॒ত্তপ॒সো-ঽধ্য॑জাযত ।
62
ততো॒ রাত্র্য॑জাযত॒ ততঃ॑ সমু॒দ্রো অ॑র্ণ॒বঃ ॥ 62
স॒মু॒দ্রাদ॑র্ণ॒বাদধি॑ সংবঁত্স॒রো অ॑জাযত ।
63
অ॒হো॒রা॒ত্রাণি॑ বি॒দধ॒দ্বিশ্ব॑স্য মিষ॒তো ব॒শী ॥ 63
সূ॒র্যা॒চ॒ন্দ্র॒মসৌ॑ ধা॒তা য॑থাপূ॒র্বম॑কল্পযত্ ।
64
দিবং॑ চ পৃথি॒বী-ঞ্চা॒ন্তরি॑ক্ষ॒মথো॒ স্বঃ॑ ॥ 64
(10-036-14)
স॒বি॒তা প॒শ্চাতা॑ত্সবি॒তা পু॒রস্তা॑ত্সবি॒তোত্ত॒রাত্তা॑ত্সবি॒তাধ॒রাত্তা॑ত্ ।
65
স॒বি॒তা নঃ॑ সুবতু স॒র্বতা॑তিং সবি॒তা নো॑ রাসতা-ন্দী॒র্ঘমাযুঃ॑ ॥ 65
ইতি মহাসৌরমন্ত্রঃ ।
Roman (IAST) Transliteration
(1-50-1)
udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ |
dṛ॒śe viśvā̭ya॒ sūrya̭m || 1
apa॒ tye tā॒yavo̭ yathā॒ nakṣa̭trā yantya॒ktubhiḥ̭ |
sūrā̭ya vi॒śvaca̭kṣase || 2
adṛ̭śramasya ke॒tavo॒ vi ra॒śmayo॒ janā॒ṅ anṷ |
bhrāja̭nto a॒gnayo̭ yathā || 3
ta॒raṇi̭rvi॒śvada̭rśato jyoti॒ṣkṛda̭si sūrya |
viśva॒mā bhā̭si roca॒nam || 4
pra॒tyaṅ de॒vānāṃ॒ viśaḥ̭ pra॒tyaṅṅudḙṣi॒ mānṷṣān |
pra॒tyaṅviśvaṃ॒ sva̭rdṛ॒śe || 5
yenā̭ pāvaka॒ cakṣa̭sā bhura॒ṇyantaṃ॒ janā॒~ anṷ |
tvaṃ-va~̭ruṇa॒ paśya̭si || 6
vi dyāmḙṣi॒ raja̭spṛ॒thvahā॒ mimā̭no a॒ktubhiḥ̭ |
paśya॒ñjanmā̭ni sūrya || 7
sa॒pta tvā̭ ha॒rito॒ rathe॒ vaha̭nti deva sūrya |
śo॒ciṣkḙśaṃ-vi~cakṣaṇa || 8
ayṷkta sa॒pta śu॒ndhyuva॒-ssūro॒ ratha̭sya na॒ptyaḥ̭ |
tābhi̭ryāti॒ svayṷktibhiḥ || 9
udva॒ya-ntama̭sa॒spari॒ jyoti॒ṣpaśya̭nta॒ utta̭ram |
de॒va-ndḙva॒trā sūrya॒maga̭nma॒ jyoti̭rutta॒mam || 10
u॒dyanna॒dya mi̭tramaha ā॒roha॒nnutta̭rāṃ॒ diva̭m |
hṛ॒dro॒ga-mmama̭ sūrya hari॒māṇaṃ̭ ca nāśaya || 11
śukḙṣu me hari॒māṇaṃ̭ ropa॒ṇākā̭su dadhmasi |
atho̭ hāridra॒veṣṷ me hari॒māṇaṃ॒ ni da̭dhmasi || 12
uda̭gāda॒yamā̭di॒tyo viśvḙna॒ saha̭sā sa॒ha |
dvi॒ṣantaṃ॒ mahyaṃ̭ ra॒ndhaya॒nmo a॒ha-ndvi̭ṣa॒te ra̭dham || 13
(1-115-01)
ci॒tra-nde॒vānā॒muda̭gā॒danī̭kaṃ॒ cakṣṷrmi॒trasya॒ varṷṇasyā॒gneḥ |
āprā॒ dyāvā̭pṛthi॒vī a॒ntari̭kṣaṃ॒ sūrya̭ ā॒tmā jaga̭tasta॒sthuṣa̭śca || 14
sūryo̭ de॒vīmu॒ṣasaṃ॒ roca̭mānāṃ॒ maryo॒ na yoṣā̭ma॒bhyḙti pa॒ścāt |
yatrā॒ naro̭ deva॒yanto̭ yu॒gāni̭ vitanva॒te prati̭ bha॒drāya̭ bha॒dram || 15
bha॒drā aśvā̭ ha॒rita॒-ssūrya̭sya ci॒trā eta̭gvā anu॒mādyā̭saḥ |
na॒ma॒syanto̭ di॒va ā pṛ॒ṣṭhama̭sthuḥ॒ pari॒ dyāvā̭pṛthi॒vī ya̭nti sa॒dyaḥ || 16
tatsūrya̭sya deva॒tva-ntanma̭hi॒tva-mma॒dhyā karto॒rvita̭taṃ॒ sa-ñja̭bhāra |
ya॒dedayṷkta ha॒ritaḥ̭ sa॒dhasthā॒dādrātrī॒ vāsa̭stanute si॒masmai̭ || 17
tanmi॒trasya॒ varṷṇasyābhi॒cakṣe॒ sūryo̭ rū॒pa-ṅkṛ̭ṇute॒ dyoru॒pasthḙ |
a॒na॒ntama॒nyadruśa̭dasya॒ pājaḥ̭ kṛ॒ṣṇama॒nyaddha॒rita॒-ssa-mbha̭ranti || 18
a॒dyā dḙvā॒ udi̭tā॒ sūrya̭sya॒ niraṃha̭saḥ pipṛ॒tā nira̭va॒dyāt |
tanno̭ mi॒tro varṷṇo māmahantā॒madi̭ti॒-ssindhuḥ̭ pṛthi॒vī u॒ta dyauḥ || 19
(1-164-46)
indraṃ̭ mi॒traṃ-va~rṷṇama॒gnimā̭hu॒ratho̭ di॒vya-ssa sṷpa॒rṇo ga॒rutmā̭n |
ekaṃ॒ sadviprā̭ bahu॒dhā va̭dantya॒gniṃ-ya~॒ma-mmā̭ta॒riśvā̭namāhuḥ || 20
kṛ॒ṣṇa-nni॒yānaṃ॒ hara̭ya-ssupa॒rṇā a॒po vasā̭nā॒ diva॒mutpa̭tanti |
ta āva̭vṛtra॒ntsada̭nādṛ॒tasyādidghṛ॒tena̭ pṛthi॒vī vyṷdyate || 21
(4-040-05)
haṃ॒sa-śśṷci॒ṣadvasṷrantarikṣa॒saddhotā̭ vedi॒ṣadati̭thirduroṇa॒sat |
nṛ॒ṣadva̭ra॒sadṛ̭ta॒sadvyo̭ma॒sada॒bjā go॒jā ṛ̭ta॒jā a̭dri॒jā ṛ॒tam || 22
(5-040-05)
yattvā̭ sūrya॒ sva̭rbhānu॒stama॒sāvi̭dhyadāsu॒raḥ |
akṣḙtravi॒dyathā̭ mu॒gdho bhuva̭nānyadīdhayuḥ || 23
(7-060-01)
yada॒dya sṷ̄rya॒ bravo-'nā̭gā u॒dyanmi॒trāya॒ varṷṇāya sa॒tyam |
va॒ya-ndḙva॒trādi̭te syāma॒ tava̭ pri॒yāso̭ aryamangṛ॒ṇantaḥ̭ || 24
(7-062-01)
utsūryo̭ bṛ॒hada॒rcīṃṣya̭śretpu॒ru viśvā॒ jani̭ma॒ mānṷṣāṇām |
sa॒mo di॒vā da̭dṛśe॒ roca̭mānaḥ॒ kratvā̭ kṛ॒ta-ssukṛ̭taḥ ka॒rtṛbhi̭rbhūt || 25
sa sṷ̄rya॒ prati̭ pu॒ro na॒ udgā̭ e॒bhi-sstomḙbhireta॒śebhi॒revaiḥ̭ |
pra no̭ mi॒trāya॒ varṷṇāya vo॒co-'nā̭gaso arya॒mṇe a॒gnayḙ ca || 26
vi naḥ̭ sa॒hasraṃ̭ śu॒rudho̭ radantvṛ॒tāvā̭no॒ varṷṇo mi॒tro a॒gniḥ |
yaccha̭ntu ca॒ndrā ṷpa॒ma-nno̭ a॒rkamā naḥ॒ kāmaṃ̭ pūpurantu॒ stavā̭nāḥ || 27
(7-063-01)
udvḙti su॒bhago̭ vi॒śvaca̭kṣā॒-ssādhā̭raṇa॒-ssūryo॒ mānṷṣāṇām |
cakṣṷrmi॒trasya॒ varṷṇasya de॒vaścarmḙva॒ ya-ssa॒mavi̭vya॒ktamāṃ̭si || 28
udvḙti prasavī॒tā janā̭nā-mma॒hānke॒tura̭rṇa॒va-ssūrya̭sya |
sa॒mā॒na-ñca॒kra-mpa̭ryā॒vivṛ̭tsa॒nyadḙta॒śo vaha̭ti dhū॒rṣu yu॒ktaḥ || 29
vi॒bhrāja̭māna u॒ṣasā̭mu॒pasthā̭dre॒bhairudḙtyanuma॒dyamā̭naḥ |
e॒ṣa mḙ de॒va-ssa̭vi॒tā ca̭cchanda॒ ya-ssa̭mā॒na-nna pra̭mi॒nāti॒ dhāma̭ || 30
di॒vo ru॒kma ṷru॒cakṣā॒ udḙti dū॒re a̭rthasta॒raṇi॒rbhrāja̭mānaḥ |
nū॒na-ñjanā॒-ssūryḙṇa॒ prasṷ̄tā॒ aya॒nnarthā̭ni kṛ॒ṇava॒nnapāṃ̭si || 31
yatrā̭ ca॒krura॒mṛtā̭ gā॒tuma̭smai śye॒no na dīya॒nnanvḙti॒ pāthaḥ̭ || 32
(7-066-14)
udu॒ tyadda̭rśa॒taṃ-va~pṷrdi॒va ḙti pratihva॒re |
yadī̭mā॒śurvaha̭ti de॒va eta̭śo॒ viśva̭smai॒ cakṣa̭se॒ ara̭m || 33
śī॒rṣṇa-śśī̭rṣṇo॒ jaga̭tasta॒sthuṣa॒spatiṃ̭ sa॒mayā॒ viśva॒mā rajaḥ̭ |
sa॒pta svasā̭ra-ssuvi॒tāya॒ sūryaṃ॒ vaha̭nti ha॒rito॒ rathḙ || 34
taccakṣṷrde॒vahi̭taṃ śu॒kramu॒ccara̭t |
paśyḙma śa॒radaḥ̭ śa॒ta-ñjīvḙma śa॒radaḥ̭ śa॒tam || 35
(8-101-11)
baṇma॒hā~ a̭si sūrya॒ balā̭ditya ma॒hā~ a̭si |
ma॒hastḙ sa॒to ma̭hi॒mā pa̭nasyate॒-'ddhā dḙva ma॒hā~ a̭si || 36
baṭ sṷ̄rya॒ śrava̭sā ma॒hā~ a̭si sa॒trā dḙva ma॒hā~ a̭si |
ma॒hnā de॒vānā̭masu॒ryaḥ̭ pu॒rohi̭to vi॒bhu jyoti॒radā̭bhyam || 37
(10-037-01)
namo̭ mi॒trasya॒ varṷṇasya॒ cakṣa̭se ma॒ho de॒vāya॒ tadṛ॒taṃ sa̭paryata |
dū॒re॒dṛśḙ de॒vajā̭tāya ke॒tavḙ di॒vaspu॒trāya॒ sūryā̭ya śaṃsata || 38
sā mā̭ sa॒tyoktiḥ॒ pari̭ pātu vi॒śvato॒ dyāvā̭ ca॒ yatra̭ ta॒tana॒nnahā̭ni ca |
viśva̭ma॒nyanni vi̭śate॒ yadeja̭ti vi॒śvāhāpo̭ vi॒śvāhodḙti॒ sūryaḥ̭ || 39
na te॒ adḙvaḥ pra॒divo॒ ni vā̭sate॒ yadḙta॒śebhiḥ̭ pata॒rai ra̭tha॒ryasi̭ |
prā॒cīna̭ma॒nyadanṷ vartate॒ raja॒ uda॒nyena॒ jyoti̭ṣā yāsi sūrya || 40
yena̭ sūrya॒ jyoti̭ṣā॒ bādha̭se॒ tamo॒ jaga̭cca॒ viśva̭mudi॒yarṣi̭ bhā॒nunā̭ |
tenā॒smadviśvā॒mani̭rā॒manā̭huti॒mapāmī̭vā॒mapa̭ du॒ṣvapnyaṃ̭ suva || 41
viśva̭sya॒ hi preṣi̭to॒ rakṣa̭si vra॒tamahḙlayannu॒ccara̭si sva॒dhā anṷ |
yada॒dya tvā̭ sūryopa॒bravā̭mahai॒ ta-nno̭ de॒vā anṷ maṃsīrata॒ kratṷm || 42
ta-nno॒ dyāvā̭pṛthi॒vī tanna॒ āpa॒ indraḥ̭ śṛṇvantu ma॒ruto॒ havaṃ॒ vacaḥ̭ |
mā śūnḙ bhūma॒ sūrya̭sya sa॒ndṛśi̭ bha॒dra-ñjīva̭nto jara॒ṇāma̭śīmahi || 43
vi॒śvāhā̭ tvā su॒mana̭sa-ssu॒cakṣa̭saḥ pra॒jāva̭nto anamī॒vā anā̭gasaḥ |
u॒dyantaṃ̭ tvā mitramaho di॒vedi̭ve॒ jyogjī॒vāḥ prati̭ paśyema sūrya || 44
mahi॒ jyoti॒rbibhra̭ta-ntvā vicakṣaṇa॒ bhāsva̭ntaṃ॒ cakṣṷṣe cakṣuṣe॒ mayaḥ̭ |
ā॒roha̭nta-mbṛha॒taḥ pāja̭sa॒spari̭ va॒ya-ñjī॒vāḥ prati̭ paśyema sūrya || 45
yasya̭ te॒ viśvā॒ bhuva̭nāni ke॒tunā॒ pra cera̭te॒ ni ca̭ vi॒śantḙ a॒ktubhiḥ̭ |
a॒nā॒gā॒stvena̭ harikeśa sū॒ryāhnā̭hnā no॒ vasya̭sāvasya॒sodi̭hi || 46
śa-nno̭ bhava॒ cakṣa̭sā॒ śa-nno॒ ahnā॒ śa-mbhā॒nunā॒ śaṃ hi॒mā śa-ṅghṛ॒ṇena̭ |
yathā॒ śamadhva॒ñchamasa̭dduro॒ṇe tatsṷ̄rya॒ dravi̭ṇa-ndhehi ci॒tram || 47
a॒smākaṃ̭ devā u॒bhayā̭ya॒ janma̭ne॒ śarma̭ yacchata dvi॒pade॒ catṷṣpade |
a॒datpiba̭dū॒rjaya̭māna॒māśi̭taṃ॒ tada॒sme śaṃ-yo~ra̭ra॒po da̭dhātana || 48
yadvo̭ devāścakṛ॒ma ji॒hvayā̭ gu॒ru mana̭so vā॒ prayṷtī deva॒hela̭nam |
arā̭vā॒ yo no̭ a॒bhi dṷcchunā॒yate॒ tasmi॒ntadeno̭ vasavo॒ ni dhḙtana || 49
(10-158-01)
sūryo̭ no di॒vaspā̭tu॒ vāto̭ a॒ntari̭kṣāt |
a॒gnirnaḥ॒ pārthi̭vebhyaḥ || 50
joṣā̭ savita॒ryasya̭ te॒ haraḥ̭ śa॒taṃ sa॒vā~ arha̭ti |
pā॒hi no̭ di॒dyutaḥ॒ pata̭ntyāḥ || 51
cakṣṷrno de॒va-ssa̭vi॒tā cakṣṷrna u॒ta parva̭taḥ |
cakṣṷrdhā॒tā da̭dhātu naḥ || 52
cakṣṷrno dhehi॒ cakṣṷṣe॒ cakṣṷrvi॒khyai ta॒nūbhyaḥ̭ |
sa-ñce॒daṃ-vi~ ca̭ paśyema || 53
su॒sa॒ndṛśaṃ̭ tvā va॒ya-mprati̭ paśyema sūrya |
vi pa̭śyema nṛ॒cakṣa̭saḥ || 54
(10-170-01)
vi॒bhrāḍbṛ॒hatpi̭batu so॒mya-mmadhvāyu॒rdadha̭dya॒jñapa̭tā॒vavi̭hrutam |
vāta̭jūto॒ yo a̭bhi॒rakṣa̭ti॒ tmanā̭ pra॒jāḥ pṷpoṣa puru॒dhā vi rā̭jati || 55
vi॒bhrāḍbṛ॒hatsubhṛ̭taṃ-vā~ja॒sāta̭maṃ॒ dharma̭ndi॒vo dha॒ruṇḙ sa॒tyamarpi̭tam |
a॒mi॒tra॒hā vṛ̭tra॒hā da̭syu॒hanta̭maṃ॒ jyoti̭rjajñe asura॒hā sa̭patna॒hā || 56
i॒daṃ śreṣṭhaṃ॒ jyoti̭ṣāṃ॒ jyoti̭rutta॒maṃ-vi~̭śva॒jiddha̭na॒jidṷcyate bṛ॒hat |
vi॒śva॒bhrāḍbhrā॒jo mahi॒ sūryo̭ dṛ॒śa u॒ru pa̭prathe॒ saha॒ ojo॒ acyṷtam || 57
vi॒bhrāja॒ñjyoti̭ṣā॒ sva॒1̭raga̭ccho roca॒na-ndi॒vaḥ |
yene॒mā viśvā॒ bhuva̭nā॒nyābhṛ̭tā vi॒śvaka̭rmaṇā vi॒śvadḙvyāvatā || 58
(10-189-02)
āya-ṅgauḥ pṛśni̭rakramī॒dasa̭danmā॒taraṃ̭ pu॒raḥ |
pi॒taraṃ̭ ca pra॒yantsvaḥ̭ || 59
a॒ntaśca̭rati roca॒nāsya prā॒ṇāda̭pāna॒tī |
vya̭khyanmahi॒ṣo diva̭m || 60
triṃ॒śaddhāma॒ vi rā̭jati॒ vākpa̭ta॒ṅgāya̭ dhīyate |
prati॒ vasto॒raha॒ dyubhiḥ̭ || 61
(10-190-01)
ṛ॒ta-ñca̭ sa॒tya-ñcā॒bhī̭ddhā॒ttapa॒so-'dhya̭jāyata |
tato॒ rātrya̭jāyata॒ tataḥ̭ samu॒dro a̭rṇa॒vaḥ || 62
sa॒mu॒drāda̭rṇa॒vādadhi̭ saṃva~tsa॒ro a̭jāyata |
a॒ho॒rā॒trāṇi̭ vi॒dadha॒dviśva̭sya miṣa॒to va॒śī || 63
sū॒ryā॒ca॒ndra॒masaṷ dhā॒tā ya̭thāpū॒rvama̭kalpayat |
divaṃ̭ ca pṛthi॒vī-ñcā॒ntari̭kṣa॒matho॒ svaḥ̭ || 64
(10-036-14)
sa॒vi॒tā pa॒ścātā̭tsavi॒tā pu॒rastā̭tsavi॒totta॒rāttā̭tsavi॒tādha॒rāttā̭t |
sa॒vi॒tā naḥ̭ suvatu sa॒rvatā̭tiṃ savi॒tā no̭ rāsatā-ndī॒rghamāyuḥ̭ || 65
iti mahāsauramantraḥ |
Sanskrit — Devanagari (original)
(1-50-1)
उदु॒ त्य-ञ्जा॒तवे॑दस-न्दे॒वं-वँ॑हन्ति के॒तवः॑ ।
दृ॒शे विश्वा॑य॒ सूर्य॑म् ॥ 1
अप॒ त्ये ता॒यवो॑ यथा॒ नक्ष॑त्रा यन्त्य॒क्तुभिः॑ ।
सूरा॑य वि॒श्वच॑क्षसे ॥ 2
अदृ॑श्रमस्य के॒तवो॒ वि र॒श्मयो॒ जना॒ङ् अनु॑ ।
भ्राज॑न्तो अ॒ग्नयो॑ यथा ॥ 3
त॒रणि॑र्वि॒श्वद॑र्शतो ज्योति॒ष्कृद॑सि सूर्य ।
विश्व॒मा भा॑सि रोच॒नम् ॥ 4
प्र॒त्यङ् दे॒वानां॒ विशः॑ प्र॒त्यङ्ङुदे॑षि॒ मानु॑षान् ।
प्र॒त्यङ्विश्वं॒ स्व॑र्दृ॒शे ॥ 5
येना॑ पावक॒ चक्ष॑सा भुर॒ण्यन्तं॒ जना॒ँ अनु॑ ।
त्वं-वँ॑रुण॒ पश्य॑सि ॥ 6
वि द्यामे॑षि॒ रज॑स्पृ॒थ्वहा॒ मिमा॑नो अ॒क्तुभिः॑ ।
पश्य॒ञ्जन्मा॑नि सूर्य ॥ 7
स॒प्त त्वा॑ ह॒रितो॒ रथे॒ वह॑न्ति देव सूर्य ।
शो॒चिष्के॑शं-विँचक्षण ॥ 8
अयु॑क्त स॒प्त शु॒न्ध्युव॒-स्सूरो॒ रथ॑स्य न॒प्त्यः॑ ।
ताभि॑र्याति॒ स्वयु॑क्तिभिः ॥ 9
उद्व॒य-न्तम॑स॒स्परि॒ ज्योति॒ष्पश्य॑न्त॒ उत्त॑रम् ।
दे॒व-न्दे॑व॒त्रा सूर्य॒मग॑न्म॒ ज्योति॑रुत्त॒मम् ॥ 10
उ॒द्यन्न॒द्य मि॑त्रमह आ॒रोह॒न्नुत्त॑रां॒ दिव॑म् ।
हृ॒द्रो॒ग-म्मम॑ सूर्य हरि॒माणं॑ च नाशय ॥ 11
शुके॑षु मे हरि॒माणं॑ रोप॒णाका॑सु दध्मसि ।
अथो॑ हारिद्र॒वेषु॑ मे हरि॒माणं॒ नि द॑ध्मसि ॥ 12
उद॑गाद॒यमा॑दि॒त्यो विश्वे॑न॒ सह॑सा स॒ह ।
द्वि॒षन्तं॒ मह्यं॑ र॒न्धय॒न्मो अ॒ह-न्द्वि॑ष॒ते र॑धम् ॥ 13
(1-115-01)
चि॒त्र-न्दे॒वाना॒मुद॑गा॒दनी॑कं॒ चक्षु॑र्मि॒त्रस्य॒ वरु॑णस्या॒ग्नेः ।
आप्रा॒ द्यावा॑पृथि॒वी अ॒न्तरि॑क्षं॒ सूर्य॑ आ॒त्मा जग॑तस्त॒स्थुष॑श्च ॥ 14
सूर्यो॑ दे॒वीमु॒षसं॒ रोच॑मानां॒ मर्यो॒ न योषा॑म॒भ्ये॑ति प॒श्चात् ।
यत्रा॒ नरो॑ देव॒यन्तो॑ यु॒गानि॑ वितन्व॒ते प्रति॑ भ॒द्राय॑ भ॒द्रम् ॥ 15
भ॒द्रा अश्वा॑ ह॒रित॒-स्सूर्य॑स्य चि॒त्रा एत॑ग्वा अनु॒माद्या॑सः ।
न॒म॒स्यन्तो॑ दि॒व आ पृ॒ष्ठम॑स्थुः॒ परि॒ द्यावा॑पृथि॒वी य॑न्ति स॒द्यः ॥ 16
तत्सूर्य॑स्य देव॒त्व-न्तन्म॑हि॒त्व-म्म॒ध्या कर्तो॒र्वित॑तं॒ स-ञ्ज॑भार ।
य॒देदयु॑क्त ह॒रितः॑ स॒धस्था॒दाद्रात्री॒ वास॑स्तनुते सि॒मस्मै॑ ॥ 17
तन्मि॒त्रस्य॒ वरु॑णस्याभि॒चक्षे॒ सूर्यो॑ रू॒प-ङ्कृ॑णुते॒ द्योरु॒पस्थे॑ ।
अ॒न॒न्तम॒न्यद्रुश॑दस्य॒ पाजः॑ कृ॒ष्णम॒न्यद्ध॒रित॒-स्स-म्भ॑रन्ति ॥ 18
अ॒द्या दे॑वा॒ उदि॑ता॒ सूर्य॑स्य॒ निरंह॑सः पिपृ॒ता निर॑व॒द्यात् ।
तन्नो॑ मि॒त्रो वरु॑णो मामहन्ता॒मदि॑ति॒-स्सिन्धुः॑ पृथि॒वी उ॒त द्यौः ॥ 19
(1-164-46)
इन्द्रं॑ मि॒त्रं-वँरु॑णम॒ग्निमा॑हु॒रथो॑ दि॒व्य-स्स सु॑प॒र्णो ग॒रुत्मा॑न् ।
एकं॒ सद्विप्रा॑ बहु॒धा व॑दन्त्य॒ग्निं-यँ॒म-म्मा॑त॒रिश्वा॑नमाहुः ॥ 20
कृ॒ष्ण-न्नि॒यानं॒ हर॑य-स्सुप॒र्णा अ॒पो वसा॑ना॒ दिव॒मुत्प॑तन्ति ।
त आव॑वृत्र॒न्त्सद॑नादृ॒तस्यादिद्घृ॒तेन॑ पृथि॒वी व्यु॑द्यते ॥ 21
(4-040-05)
हं॒स-श्शु॑चि॒षद्वसु॑रन्तरिक्ष॒सद्धोता॑ वेदि॒षदति॑थिर्दुरोण॒सत् ।
नृ॒षद्व॑र॒सदृ॑त॒सद्व्यो॑म॒सद॒ब्जा गो॒जा ऋ॑त॒जा अ॑द्रि॒जा ऋ॒तम् ॥ 22
(5-040-05)
यत्त्वा॑ सूर्य॒ स्व॑र्भानु॒स्तम॒सावि॑ध्यदासु॒रः ।
अक्षे॑त्रवि॒द्यथा॑ मु॒ग्धो भुव॑नान्यदीधयुः ॥ 23
(7-060-01)
यद॒द्य सू॑र्य॒ ब्रवो-ऽना॑गा उ॒द्यन्मि॒त्राय॒ वरु॑णाय स॒त्यम् ।
व॒य-न्दे॑व॒त्रादि॑ते स्याम॒ तव॑ प्रि॒यासो॑ अर्यमन्गृ॒णन्तः॑ ॥ 24
(7-062-01)
उत्सूर्यो॑ बृ॒हद॒र्चींष्य॑श्रेत्पु॒रु विश्वा॒ जनि॑म॒ मानु॑षाणाम् ।
स॒मो दि॒वा द॑दृशे॒ रोच॑मानः॒ क्रत्वा॑ कृ॒त-स्सुकृ॑तः क॒र्तृभि॑र्भूत् ॥ 25
स सू॑र्य॒ प्रति॑ पु॒रो न॒ उद्गा॑ ए॒भि-स्स्तोमे॑भिरेत॒शेभि॒रेवैः॑ ।
प्र नो॑ मि॒त्राय॒ वरु॑णाय वो॒चो-ऽना॑गसो अर्य॒म्णे अ॒ग्नये॑ च ॥ 26
वि नः॑ स॒हस्रं॑ शु॒रुधो॑ रदन्त्वृ॒तावा॑नो॒ वरु॑णो मि॒त्रो अ॒ग्निः ।
यच्छ॑न्तु च॒न्द्रा उ॑प॒म-न्नो॑ अ॒र्कमा नः॒ कामं॑ पूपुरन्तु॒ स्तवा॑नाः ॥ 27
(7-063-01)
उद्वे॑ति सु॒भगो॑ वि॒श्वच॑क्षा॒-स्साधा॑रण॒-स्सूर्यो॒ मानु॑षाणाम् ।
चक्षु॑र्मि॒त्रस्य॒ वरु॑णस्य दे॒वश्चर्मे॑व॒ य-स्स॒मवि॑व्य॒क्तमां॑सि ॥ 28
उद्वे॑ति प्रसवी॒ता जना॑ना-म्म॒हान्के॒तुर॑र्ण॒व-स्सूर्य॑स्य ।
स॒मा॒न-ञ्च॒क्र-म्प॑र्या॒विवृ॑त्स॒न्यदे॑त॒शो वह॑ति धू॒र्षु यु॒क्तः ॥ 29
वि॒भ्राज॑मान उ॒षसा॑मु॒पस्था॑द्रे॒भैरुदे॑त्यनुम॒द्यमा॑नः ।
ए॒ष मे॑ दे॒व-स्स॑वि॒ता च॑च्छन्द॒ य-स्स॑मा॒न-न्न प्र॑मि॒नाति॒ धाम॑ ॥ 30
दि॒वो रु॒क्म उ॑रु॒चक्षा॒ उदे॑ति दू॒रे अ॑र्थस्त॒रणि॒र्भ्राज॑मानः ।
नू॒न-ञ्जना॒-स्सूर्ये॑ण॒ प्रसू॑ता॒ अय॒न्नर्था॑नि कृ॒णव॒न्नपां॑सि ॥ 31
यत्रा॑ च॒क्रुर॒मृता॑ गा॒तुम॑स्मै श्ये॒नो न दीय॒न्नन्वे॑ति॒ पाथः॑ ॥ 32
(7-066-14)
उदु॒ त्यद्द॑र्श॒तं-वँपु॑र्दि॒व ए॑ति प्रतिह्व॒रे ।
यदी॑मा॒शुर्वह॑ति दे॒व एत॑शो॒ विश्व॑स्मै॒ चक्ष॑से॒ अर॑म् ॥ 33
शी॒र्ष्ण-श्शी॑र्ष्णो॒ जग॑तस्त॒स्थुष॒स्पतिं॑ स॒मया॒ विश्व॒मा रजः॑ ।
स॒प्त स्वसा॑र-स्सुवि॒ताय॒ सूर्यं॒ वह॑न्ति ह॒रितो॒ रथे॑ ॥ 34
तच्चक्षु॑र्दे॒वहि॑तं शु॒क्रमु॒च्चर॑त् ।
पश्ये॑म श॒रदः॑ श॒त-ञ्जीवे॑म श॒रदः॑ श॒तम् ॥ 35
(8-101-11)
बण्म॒हाँ अ॑सि सूर्य॒ बला॑दित्य म॒हाँ अ॑सि ।
म॒हस्ते॑ स॒तो म॑हि॒मा प॑नस्यते॒-ऽद्धा दे॑व म॒हाँ अ॑सि ॥ 36
बट् सू॑र्य॒ श्रव॑सा म॒हाँ अ॑सि स॒त्रा दे॑व म॒हाँ अ॑सि ।
म॒ह्ना दे॒वाना॑मसु॒र्यः॑ पु॒रोहि॑तो वि॒भु ज्योति॒रदा॑भ्यम् ॥ 37
(10-037-01)
नमो॑ मि॒त्रस्य॒ वरु॑णस्य॒ चक्ष॑से म॒हो दे॒वाय॒ तदृ॒तं स॑पर्यत ।
दू॒रे॒दृशे॑ दे॒वजा॑ताय के॒तवे॑ दि॒वस्पु॒त्राय॒ सूर्या॑य शंसत ॥ 38
सा मा॑ स॒त्योक्तिः॒ परि॑ पातु वि॒श्वतो॒ द्यावा॑ च॒ यत्र॑ त॒तन॒न्नहा॑नि च ।
विश्व॑म॒न्यन्नि वि॑शते॒ यदेज॑ति वि॒श्वाहापो॑ वि॒श्वाहोदे॑ति॒ सूर्यः॑ ॥ 39
न ते॒ अदे॑वः प्र॒दिवो॒ नि वा॑सते॒ यदे॑त॒शेभिः॑ पत॒रै र॑थ॒र्यसि॑ ।
प्रा॒चीन॑म॒न्यदनु॑ वर्तते॒ रज॒ उद॒न्येन॒ ज्योति॑षा यासि सूर्य ॥ 40
येन॑ सूर्य॒ ज्योति॑षा॒ बाध॑से॒ तमो॒ जग॑च्च॒ विश्व॑मुदि॒यर्षि॑ भा॒नुना॑ ।
तेना॒स्मद्विश्वा॒मनि॑रा॒मना॑हुति॒मपामी॑वा॒मप॑ दु॒ष्वप्न्यं॑ सुव ॥ 41
विश्व॑स्य॒ हि प्रेषि॑तो॒ रक्ष॑सि व्र॒तमहे॑लयन्नु॒च्चर॑सि स्व॒धा अनु॑ ।
यद॒द्य त्वा॑ सूर्योप॒ब्रवा॑महै॒ त-न्नो॑ दे॒वा अनु॑ मंसीरत॒ क्रतु॑म् ॥ 42
त-न्नो॒ द्यावा॑पृथि॒वी तन्न॒ आप॒ इन्द्रः॑ शृण्वन्तु म॒रुतो॒ हवं॒ वचः॑ ।
मा शूने॑ भूम॒ सूर्य॑स्य स॒न्दृशि॑ भ॒द्र-ञ्जीव॑न्तो जर॒णाम॑शीमहि ॥ 43
वि॒श्वाहा॑ त्वा सु॒मन॑स-स्सु॒चक्ष॑सः प्र॒जाव॑न्तो अनमी॒वा अना॑गसः ।
उ॒द्यन्तं॑ त्वा मित्रमहो दि॒वेदि॑वे॒ ज्योग्जी॒वाः प्रति॑ पश्येम सूर्य ॥ 44
महि॒ ज्योति॒र्बिभ्र॑त-न्त्वा विचक्षण॒ भास्व॑न्तं॒ चक्षु॑षे चक्षुषे॒ मयः॑ ।
आ॒रोह॑न्त-म्बृह॒तः पाज॑स॒स्परि॑ व॒य-ञ्जी॒वाः प्रति॑ पश्येम सूर्य ॥ 45
यस्य॑ ते॒ विश्वा॒ भुव॑नानि के॒तुना॒ प्र चेर॑ते॒ नि च॑ वि॒शन्ते॑ अ॒क्तुभिः॑ ।
अ॒ना॒गा॒स्त्वेन॑ हरिकेश सू॒र्याह्ना॑ह्ना नो॒ वस्य॑सावस्य॒सोदि॑हि ॥ 46
श-न्नो॑ भव॒ चक्ष॑सा॒ श-न्नो॒ अह्ना॒ श-म्भा॒नुना॒ शं हि॒मा श-ङ्घृ॒णेन॑ ।
यथा॒ शमध्व॒ञ्छमस॑द्दुरो॒णे तत्सू॑र्य॒ द्रवि॑ण-न्धेहि चि॒त्रम् ॥ 47
अ॒स्माकं॑ देवा उ॒भया॑य॒ जन्म॑ने॒ शर्म॑ यच्छत द्वि॒पदे॒ चतु॑ष्पदे ।
अ॒दत्पिब॑दू॒र्जय॑मान॒माशि॑तं॒ तद॒स्मे शं-योँर॑र॒पो द॑धातन ॥ 48
यद्वो॑ देवाश्चकृ॒म जि॒ह्वया॑ गु॒रु मन॑सो वा॒ प्रयु॑ती देव॒हेल॑नम् ।
अरा॑वा॒ यो नो॑ अ॒भि दु॑च्छुना॒यते॒ तस्मि॒न्तदेनो॑ वसवो॒ नि धे॑तन ॥ 49
(10-158-01)
सूर्यो॑ नो दि॒वस्पा॑तु॒ वातो॑ अ॒न्तरि॑क्षात् ।
अ॒ग्निर्नः॒ पार्थि॑वेभ्यः ॥ 50
जोषा॑ सवित॒र्यस्य॑ ते॒ हरः॑ श॒तं स॒वाँ अर्ह॑ति ।
पा॒हि नो॑ दि॒द्युतः॒ पत॑न्त्याः ॥ 51
चक्षु॑र्नो दे॒व-स्स॑वि॒ता चक्षु॑र्न उ॒त पर्व॑तः ।
चक्षु॑र्धा॒ता द॑धातु नः ॥ 52
चक्षु॑र्नो धेहि॒ चक्षु॑षे॒ चक्षु॑र्वि॒ख्यै त॒नूभ्यः॑ ।
स-ञ्चे॒दं-विँ च॑ पश्येम ॥ 53
सु॒स॒न्दृशं॑ त्वा व॒य-म्प्रति॑ पश्येम सूर्य ।
वि प॑श्येम नृ॒चक्ष॑सः ॥ 54
(10-170-01)
वि॒भ्राड्बृ॒हत्पि॑बतु सो॒म्य-म्मध्वायु॒र्दध॑द्य॒ज्ञप॑ता॒ववि॑ह्रुतम् ।
वात॑जूतो॒ यो अ॑भि॒रक्ष॑ति॒ त्मना॑ प्र॒जाः पु॑पोष पुरु॒धा वि रा॑जति ॥ 55
वि॒भ्राड्बृ॒हत्सुभृ॑तं-वाँज॒सात॑मं॒ धर्म॑न्दि॒वो ध॒रुणे॑ स॒त्यमर्पि॑तम् ।
अ॒मि॒त्र॒हा वृ॑त्र॒हा द॑स्यु॒हन्त॑मं॒ ज्योति॑र्जज्ञे असुर॒हा स॑पत्न॒हा ॥ 56
इ॒दं श्रेष्ठं॒ ज्योति॑षां॒ ज्योति॑रुत्त॒मं-विँ॑श्व॒जिद्ध॑न॒जिदु॑च्यते बृ॒हत् ।
वि॒श्व॒भ्राड्भ्रा॒जो महि॒ सूर्यो॑ दृ॒श उ॒रु प॑प्रथे॒ सह॒ ओजो॒ अच्यु॑तम् ॥ 57
वि॒भ्राज॒ञ्ज्योति॑षा॒ स्व॒1॑रग॑च्छो रोच॒न-न्दि॒वः ।
येने॒मा विश्वा॒ भुव॑ना॒न्याभृ॑ता वि॒श्वक॑र्मणा वि॒श्वदे॑व्यावता ॥ 58
(10-189-02)
आय-ङ्गौः पृश्नि॑रक्रमी॒दस॑दन्मा॒तरं॑ पु॒रः ।
पि॒तरं॑ च प्र॒यन्त्स्वः॑ ॥ 59
अ॒न्तश्च॑रति रोच॒नास्य प्रा॒णाद॑पान॒ती ।
व्य॑ख्यन्महि॒षो दिव॑म् ॥ 60
त्रिं॒शद्धाम॒ वि रा॑जति॒ वाक्प॑त॒ङ्गाय॑ धीयते ।
प्रति॒ वस्तो॒रह॒ द्युभिः॑ ॥ 61
(10-190-01)
ऋ॒त-ञ्च॑ स॒त्य-ञ्चा॒भी॑द्धा॒त्तप॒सो-ऽध्य॑जायत ।
ततो॒ रात्र्य॑जायत॒ ततः॑ समु॒द्रो अ॑र्ण॒वः ॥ 62
स॒मु॒द्राद॑र्ण॒वादधि॑ संवँत्स॒रो अ॑जायत ।
अ॒हो॒रा॒त्राणि॑ वि॒दध॒द्विश्व॑स्य मिष॒तो व॒शी ॥ 63
सू॒र्या॒च॒न्द्र॒मसौ॑ धा॒ता य॑थापू॒र्वम॑कल्पयत् ।
दिवं॑ च पृथि॒वी-ञ्चा॒न्तरि॑क्ष॒मथो॒ स्वः॑ ॥ 64
(10-036-14)
स॒वि॒ता प॒श्चाता॑त्सवि॒ता पु॒रस्ता॑त्सवि॒तोत्त॒रात्ता॑त्सवि॒ताध॒रात्ता॑त् ।
स॒वि॒ता नः॑ सुवतु स॒र्वता॑तिं सवि॒ता नो॑ रासता-न्दी॒र्घमायुः॑ ॥ 65
इति महासौरमन्त्रः ।
(1-50-1)
udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ |
dṛ॒śe viśvā̭ya॒ sūrya̭m || 1
apa॒ tye tā॒yavo̭ yathā॒ nakṣa̭trā yantya॒ktubhiḥ̭ |
sūrā̭ya vi॒śvaca̭kṣase || 2
adṛ̭śramasya ke॒tavo॒ vi ra॒śmayo॒ janā॒ṅ anṷ |
bhrāja̭nto a॒gnayo̭ yathā || 3
ta॒raṇi̭rvi॒śvada̭rśato jyoti॒ṣkṛda̭si sūrya |
viśva॒mā bhā̭si roca॒nam || 4
pra॒tyaṅ de॒vānāṃ॒ viśaḥ̭ pra॒tyaṅṅudḙṣi॒ mānṷṣān |
pra॒tyaṅviśvaṃ॒ sva̭rdṛ॒śe || 5
yenā̭ pāvaka॒ cakṣa̭sā bhura॒ṇyantaṃ॒ janā॒~ anṷ |
tvaṃ-va~̭ruṇa॒ paśya̭si || 6
vi dyāmḙṣi॒ raja̭spṛ॒thvahā॒ mimā̭no a॒ktubhiḥ̭ |
paśya॒ñjanmā̭ni sūrya || 7
sa॒pta tvā̭ ha॒rito॒ rathe॒ vaha̭nti deva sūrya |
śo॒ciṣkḙśaṃ-vi~cakṣaṇa || 8
ayṷkta sa॒pta śu॒ndhyuva॒-ssūro॒ ratha̭sya na॒ptyaḥ̭ |
tābhi̭ryāti॒ svayṷktibhiḥ || 9
udva॒ya-ntama̭sa॒spari॒ jyoti॒ṣpaśya̭nta॒ utta̭ram |
de॒va-ndḙva॒trā sūrya॒maga̭nma॒ jyoti̭rutta॒mam || 10
u॒dyanna॒dya mi̭tramaha ā॒roha॒nnutta̭rāṃ॒ diva̭m |
hṛ॒dro॒ga-mmama̭ sūrya hari॒māṇaṃ̭ ca nāśaya || 11
śukḙṣu me hari॒māṇaṃ̭ ropa॒ṇākā̭su dadhmasi |
atho̭ hāridra॒veṣṷ me hari॒māṇaṃ॒ ni da̭dhmasi || 12
uda̭gāda॒yamā̭di॒tyo viśvḙna॒ saha̭sā sa॒ha |
dvi॒ṣantaṃ॒ mahyaṃ̭ ra॒ndhaya॒nmo a॒ha-ndvi̭ṣa॒te ra̭dham || 13
(1-115-01)
ci॒tra-nde॒vānā॒muda̭gā॒danī̭kaṃ॒ cakṣṷrmi॒trasya॒ varṷṇasyā॒gneḥ |
āprā॒ dyāvā̭pṛthi॒vī a॒ntari̭kṣaṃ॒ sūrya̭ ā॒tmā jaga̭tasta॒sthuṣa̭śca || 14
sūryo̭ de॒vīmu॒ṣasaṃ॒ roca̭mānāṃ॒ maryo॒ na yoṣā̭ma॒bhyḙti pa॒ścāt |
yatrā॒ naro̭ deva॒yanto̭ yu॒gāni̭ vitanva॒te prati̭ bha॒drāya̭ bha॒dram || 15
bha॒drā aśvā̭ ha॒rita॒-ssūrya̭sya ci॒trā eta̭gvā anu॒mādyā̭saḥ |
na॒ma॒syanto̭ di॒va ā pṛ॒ṣṭhama̭sthuḥ॒ pari॒ dyāvā̭pṛthi॒vī ya̭nti sa॒dyaḥ || 16
tatsūrya̭sya deva॒tva-ntanma̭hi॒tva-mma॒dhyā karto॒rvita̭taṃ॒ sa-ñja̭bhāra |
ya॒dedayṷkta ha॒ritaḥ̭ sa॒dhasthā॒dādrātrī॒ vāsa̭stanute si॒masmai̭ || 17
tanmi॒trasya॒ varṷṇasyābhi॒cakṣe॒ sūryo̭ rū॒pa-ṅkṛ̭ṇute॒ dyoru॒pasthḙ |
a॒na॒ntama॒nyadruśa̭dasya॒ pājaḥ̭ kṛ॒ṣṇama॒nyaddha॒rita॒-ssa-mbha̭ranti || 18
a॒dyā dḙvā॒ udi̭tā॒ sūrya̭sya॒ niraṃha̭saḥ pipṛ॒tā nira̭va॒dyāt |
tanno̭ mi॒tro varṷṇo māmahantā॒madi̭ti॒-ssindhuḥ̭ pṛthi॒vī u॒ta dyauḥ || 19
(1-164-46)
indraṃ̭ mi॒traṃ-va~rṷṇama॒gnimā̭hu॒ratho̭ di॒vya-ssa sṷpa॒rṇo ga॒rutmā̭n |
ekaṃ॒ sadviprā̭ bahu॒dhā va̭dantya॒gniṃ-ya~॒ma-mmā̭ta॒riśvā̭namāhuḥ || 20
kṛ॒ṣṇa-nni॒yānaṃ॒ hara̭ya-ssupa॒rṇā a॒po vasā̭nā॒ diva॒mutpa̭tanti |
ta āva̭vṛtra॒ntsada̭nādṛ॒tasyādidghṛ॒tena̭ pṛthi॒vī vyṷdyate || 21
(4-040-05)
haṃ॒sa-śśṷci॒ṣadvasṷrantarikṣa॒saddhotā̭ vedi॒ṣadati̭thirduroṇa॒sat |
nṛ॒ṣadva̭ra॒sadṛ̭ta॒sadvyo̭ma॒sada॒bjā go॒jā ṛ̭ta॒jā a̭dri॒jā ṛ॒tam || 22
(5-040-05)
yattvā̭ sūrya॒ sva̭rbhānu॒stama॒sāvi̭dhyadāsu॒raḥ |
akṣḙtravi॒dyathā̭ mu॒gdho bhuva̭nānyadīdhayuḥ || 23
(7-060-01)
yada॒dya sṷ̄rya॒ bravo-'nā̭gā u॒dyanmi॒trāya॒ varṷṇāya sa॒tyam |
va॒ya-ndḙva॒trādi̭te syāma॒ tava̭ pri॒yāso̭ aryamangṛ॒ṇantaḥ̭ || 24
(7-062-01)
utsūryo̭ bṛ॒hada॒rcīṃṣya̭śretpu॒ru viśvā॒ jani̭ma॒ mānṷṣāṇām |
sa॒mo di॒vā da̭dṛśe॒ roca̭mānaḥ॒ kratvā̭ kṛ॒ta-ssukṛ̭taḥ ka॒rtṛbhi̭rbhūt || 25
sa sṷ̄rya॒ prati̭ pu॒ro na॒ udgā̭ e॒bhi-sstomḙbhireta॒śebhi॒revaiḥ̭ |
pra no̭ mi॒trāya॒ varṷṇāya vo॒co-'nā̭gaso arya॒mṇe a॒gnayḙ ca || 26
vi naḥ̭ sa॒hasraṃ̭ śu॒rudho̭ radantvṛ॒tāvā̭no॒ varṷṇo mi॒tro a॒gniḥ |
yaccha̭ntu ca॒ndrā ṷpa॒ma-nno̭ a॒rkamā naḥ॒ kāmaṃ̭ pūpurantu॒ stavā̭nāḥ || 27
(7-063-01)
udvḙti su॒bhago̭ vi॒śvaca̭kṣā॒-ssādhā̭raṇa॒-ssūryo॒ mānṷṣāṇām |
cakṣṷrmi॒trasya॒ varṷṇasya de॒vaścarmḙva॒ ya-ssa॒mavi̭vya॒ktamāṃ̭si || 28
udvḙti prasavī॒tā janā̭nā-mma॒hānke॒tura̭rṇa॒va-ssūrya̭sya |
sa॒mā॒na-ñca॒kra-mpa̭ryā॒vivṛ̭tsa॒nyadḙta॒śo vaha̭ti dhū॒rṣu yu॒ktaḥ || 29
vi॒bhrāja̭māna u॒ṣasā̭mu॒pasthā̭dre॒bhairudḙtyanuma॒dyamā̭naḥ |
e॒ṣa mḙ de॒va-ssa̭vi॒tā ca̭cchanda॒ ya-ssa̭mā॒na-nna pra̭mi॒nāti॒ dhāma̭ || 30
di॒vo ru॒kma ṷru॒cakṣā॒ udḙti dū॒re a̭rthasta॒raṇi॒rbhrāja̭mānaḥ |
nū॒na-ñjanā॒-ssūryḙṇa॒ prasṷ̄tā॒ aya॒nnarthā̭ni kṛ॒ṇava॒nnapāṃ̭si || 31
yatrā̭ ca॒krura॒mṛtā̭ gā॒tuma̭smai śye॒no na dīya॒nnanvḙti॒ pāthaḥ̭ || 32
(7-066-14)
udu॒ tyadda̭rśa॒taṃ-va~pṷrdi॒va ḙti pratihva॒re |
yadī̭mā॒śurvaha̭ti de॒va eta̭śo॒ viśva̭smai॒ cakṣa̭se॒ ara̭m || 33
śī॒rṣṇa-śśī̭rṣṇo॒ jaga̭tasta॒sthuṣa॒spatiṃ̭ sa॒mayā॒ viśva॒mā rajaḥ̭ |
sa॒pta svasā̭ra-ssuvi॒tāya॒ sūryaṃ॒ vaha̭nti ha॒rito॒ rathḙ || 34
taccakṣṷrde॒vahi̭taṃ śu॒kramu॒ccara̭t |
paśyḙma śa॒radaḥ̭ śa॒ta-ñjīvḙma śa॒radaḥ̭ śa॒tam || 35
(8-101-11)
baṇma॒hā~ a̭si sūrya॒ balā̭ditya ma॒hā~ a̭si |
ma॒hastḙ sa॒to ma̭hi॒mā pa̭nasyate॒-'ddhā dḙva ma॒hā~ a̭si || 36
baṭ sṷ̄rya॒ śrava̭sā ma॒hā~ a̭si sa॒trā dḙva ma॒hā~ a̭si |
ma॒hnā de॒vānā̭masu॒ryaḥ̭ pu॒rohi̭to vi॒bhu jyoti॒radā̭bhyam || 37
(10-037-01)
namo̭ mi॒trasya॒ varṷṇasya॒ cakṣa̭se ma॒ho de॒vāya॒ tadṛ॒taṃ sa̭paryata |
dū॒re॒dṛśḙ de॒vajā̭tāya ke॒tavḙ di॒vaspu॒trāya॒ sūryā̭ya śaṃsata || 38
sā mā̭ sa॒tyoktiḥ॒ pari̭ pātu vi॒śvato॒ dyāvā̭ ca॒ yatra̭ ta॒tana॒nnahā̭ni ca |
viśva̭ma॒nyanni vi̭śate॒ yadeja̭ti vi॒śvāhāpo̭ vi॒śvāhodḙti॒ sūryaḥ̭ || 39
na te॒ adḙvaḥ pra॒divo॒ ni vā̭sate॒ yadḙta॒śebhiḥ̭ pata॒rai ra̭tha॒ryasi̭ |
prā॒cīna̭ma॒nyadanṷ vartate॒ raja॒ uda॒nyena॒ jyoti̭ṣā yāsi sūrya || 40
yena̭ sūrya॒ jyoti̭ṣā॒ bādha̭se॒ tamo॒ jaga̭cca॒ viśva̭mudi॒yarṣi̭ bhā॒nunā̭ |
tenā॒smadviśvā॒mani̭rā॒manā̭huti॒mapāmī̭vā॒mapa̭ du॒ṣvapnyaṃ̭ suva || 41
viśva̭sya॒ hi preṣi̭to॒ rakṣa̭si vra॒tamahḙlayannu॒ccara̭si sva॒dhā anṷ |
yada॒dya tvā̭ sūryopa॒bravā̭mahai॒ ta-nno̭ de॒vā anṷ maṃsīrata॒ kratṷm || 42
ta-nno॒ dyāvā̭pṛthi॒vī tanna॒ āpa॒ indraḥ̭ śṛṇvantu ma॒ruto॒ havaṃ॒ vacaḥ̭ |
mā śūnḙ bhūma॒ sūrya̭sya sa॒ndṛśi̭ bha॒dra-ñjīva̭nto jara॒ṇāma̭śīmahi || 43
vi॒śvāhā̭ tvā su॒mana̭sa-ssu॒cakṣa̭saḥ pra॒jāva̭nto anamī॒vā anā̭gasaḥ |
u॒dyantaṃ̭ tvā mitramaho di॒vedi̭ve॒ jyogjī॒vāḥ prati̭ paśyema sūrya || 44
mahi॒ jyoti॒rbibhra̭ta-ntvā vicakṣaṇa॒ bhāsva̭ntaṃ॒ cakṣṷṣe cakṣuṣe॒ mayaḥ̭ |
ā॒roha̭nta-mbṛha॒taḥ pāja̭sa॒spari̭ va॒ya-ñjī॒vāḥ prati̭ paśyema sūrya || 45
yasya̭ te॒ viśvā॒ bhuva̭nāni ke॒tunā॒ pra cera̭te॒ ni ca̭ vi॒śantḙ a॒ktubhiḥ̭ |
a॒nā॒gā॒stvena̭ harikeśa sū॒ryāhnā̭hnā no॒ vasya̭sāvasya॒sodi̭hi || 46
śa-nno̭ bhava॒ cakṣa̭sā॒ śa-nno॒ ahnā॒ śa-mbhā॒nunā॒ śaṃ hi॒mā śa-ṅghṛ॒ṇena̭ |
yathā॒ śamadhva॒ñchamasa̭dduro॒ṇe tatsṷ̄rya॒ dravi̭ṇa-ndhehi ci॒tram || 47
a॒smākaṃ̭ devā u॒bhayā̭ya॒ janma̭ne॒ śarma̭ yacchata dvi॒pade॒ catṷṣpade |
a॒datpiba̭dū॒rjaya̭māna॒māśi̭taṃ॒ tada॒sme śaṃ-yo~ra̭ra॒po da̭dhātana || 48
yadvo̭ devāścakṛ॒ma ji॒hvayā̭ gu॒ru mana̭so vā॒ prayṷtī deva॒hela̭nam |
arā̭vā॒ yo no̭ a॒bhi dṷcchunā॒yate॒ tasmi॒ntadeno̭ vasavo॒ ni dhḙtana || 49
(10-158-01)
sūryo̭ no di॒vaspā̭tu॒ vāto̭ a॒ntari̭kṣāt |
a॒gnirnaḥ॒ pārthi̭vebhyaḥ || 50
joṣā̭ savita॒ryasya̭ te॒ haraḥ̭ śa॒taṃ sa॒vā~ arha̭ti |
pā॒hi no̭ di॒dyutaḥ॒ pata̭ntyāḥ || 51
cakṣṷrno de॒va-ssa̭vi॒tā cakṣṷrna u॒ta parva̭taḥ |
cakṣṷrdhā॒tā da̭dhātu naḥ || 52
cakṣṷrno dhehi॒ cakṣṷṣe॒ cakṣṷrvi॒khyai ta॒nūbhyaḥ̭ |
sa-ñce॒daṃ-vi~ ca̭ paśyema || 53
su॒sa॒ndṛśaṃ̭ tvā va॒ya-mprati̭ paśyema sūrya |
vi pa̭śyema nṛ॒cakṣa̭saḥ || 54
(10-170-01)
vi॒bhrāḍbṛ॒hatpi̭batu so॒mya-mmadhvāyu॒rdadha̭dya॒jñapa̭tā॒vavi̭hrutam |
vāta̭jūto॒ yo a̭bhi॒rakṣa̭ti॒ tmanā̭ pra॒jāḥ pṷpoṣa puru॒dhā vi rā̭jati || 55
vi॒bhrāḍbṛ॒hatsubhṛ̭taṃ-vā~ja॒sāta̭maṃ॒ dharma̭ndi॒vo dha॒ruṇḙ sa॒tyamarpi̭tam |
a॒mi॒tra॒hā vṛ̭tra॒hā da̭syu॒hanta̭maṃ॒ jyoti̭rjajñe asura॒hā sa̭patna॒hā || 56
i॒daṃ śreṣṭhaṃ॒ jyoti̭ṣāṃ॒ jyoti̭rutta॒maṃ-vi~̭śva॒jiddha̭na॒jidṷcyate bṛ॒hat |
vi॒śva॒bhrāḍbhrā॒jo mahi॒ sūryo̭ dṛ॒śa u॒ru pa̭prathe॒ saha॒ ojo॒ acyṷtam || 57
vi॒bhrāja॒ñjyoti̭ṣā॒ sva॒1̭raga̭ccho roca॒na-ndi॒vaḥ |
yene॒mā viśvā॒ bhuva̭nā॒nyābhṛ̭tā vi॒śvaka̭rmaṇā vi॒śvadḙvyāvatā || 58
(10-189-02)
āya-ṅgauḥ pṛśni̭rakramī॒dasa̭danmā॒taraṃ̭ pu॒raḥ |
pi॒taraṃ̭ ca pra॒yantsvaḥ̭ || 59
a॒ntaśca̭rati roca॒nāsya prā॒ṇāda̭pāna॒tī |
vya̭khyanmahi॒ṣo diva̭m || 60
triṃ॒śaddhāma॒ vi rā̭jati॒ vākpa̭ta॒ṅgāya̭ dhīyate |
prati॒ vasto॒raha॒ dyubhiḥ̭ || 61
(10-190-01)
ṛ॒ta-ñca̭ sa॒tya-ñcā॒bhī̭ddhā॒ttapa॒so-'dhya̭jāyata |
tato॒ rātrya̭jāyata॒ tataḥ̭ samu॒dro a̭rṇa॒vaḥ || 62
sa॒mu॒drāda̭rṇa॒vādadhi̭ saṃva~tsa॒ro a̭jāyata |
a॒ho॒rā॒trāṇi̭ vi॒dadha॒dviśva̭sya miṣa॒to va॒śī || 63
sū॒ryā॒ca॒ndra॒masaṷ dhā॒tā ya̭thāpū॒rvama̭kalpayat |
divaṃ̭ ca pṛthi॒vī-ñcā॒ntari̭kṣa॒matho॒ svaḥ̭ || 64
(10-036-14)
sa॒vi॒tā pa॒ścātā̭tsavi॒tā pu॒rastā̭tsavi॒totta॒rāttā̭tsavi॒tādha॒rāttā̭t |
sa॒vi॒tā naḥ̭ suvatu sa॒rvatā̭tiṃ savi॒tā no̭ rāsatā-ndī॒rghamāyuḥ̭ || 65
iti mahāsauramantraḥ |
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.